اعمل ايه ؟!

[Banderas]

انا كنت في ثانوية عامة السنادي
وكنت بحلم بمجموع كبير
ولكن ارادة الرب مسمحتش بكده
وجبت مجموع80%
بس مش ده اللي كنت بحلم بيه
ولا علتي كمان كانت متوقعة اني اجيب كده
وخصوصا ابويا لانو كان املو اني اطلع مهندس
اعمل انا ايه عالشان اسعد ابويا وافرحوا؟
اعمل ايه لما احس بلاحظات صغر نفسي؟
اعمل ايه لو حسيت غلط اني صغرت في عيون علتي؟
وبس وصللوي

[aymonded]

حبيب قلبي الغالي أولاً يا جميل أنت حلمك ايه !!!
بابا أو ماما في النهاية لا يسعدهم غير أنك تكون سعيد وراضي عن حياتك يا جميل ؛ ووجودك في الحياة ليس وجود لتحقيق ما يُريده الآخرين منك - حتى لو كان بابا وماما - ، بل ما تريده أنت نفسك لنفسك !!!

شوف انت أيه رغبتك من جواك ، شوف نفسك تكون أيه وايه هو حلمك وتحقق أيه لذاتك !!!
وحاول تبعد عن حلم بابا الآن ، وشوف ما يتناسب مع مجموعك وجهدك الذي بذلته ورغباتك أنت الشخصية !!! الاختيار اختيارك انت يا جميل مش حد تاني ، ممكن تسمع نصيحة أو رأي ولكن لا تصنع إلا ما تريد أنت ، باختيارك الحر في نور الله الحلو !!!

ولما تعرف انت عايز أيه وأيه ميولك ورغباتك وتحاول بكل جهد تحقق ما تريد في نور الله الحلو ، ستصير إنسان قدير باحترام الآخرين ، وأولهم بابا وماما ، وستصير فخر لهم !!!

لا تفكر بابا عايز إيه وماما عايزة إيه ، ولكن فكر إزاي تكتسب احترامهم وثقتهم فيك من جهة أنك تكون أنت نفسك وتحقق ما تريد وما ترغب ، ساعياً نحو النجاح وتحقيق ما تريد ، في خوف الله متحملاً مسئولية نفسك ، متعاملاً مع الواقع الذي تعيشه الآن !!!

أنت الآن حاصل على مجموع نشكر الله عليه ، فانتبه لحياتك ، وفتش عن ماذا تريد أنت وماذا تختار من دراسة حتى تسلك فيه وتثبت ذاتك وتحقق رغباتك ، ولا تحاول أن تحقق رغبة غيرك ، لأن أن حققت ما يريد الآخرين منك دون أن تريد أنت نفسك ما تصير إليه ، ستكون النتيجة غير مرضية لا ليك ولا للآخرين !!!

أشكر الله وواصل حياتك بهمة ونشاط وشكر وفرح واقبل كل شيء من يد الله ، وأسعى للنجاح وكمل مسيرة حياتك بكل جهد ونشاط ...

النعمة معك يا أغلى أخ وأروع صديق حلو لنا

[مرمر]

لتكن اردتك ومشيتك يارب
اكيد ربنا هيدخلك حاجة حلوة ممكن بعد كده تبقا حاجة كويسة في المجتمع
الصلاة تعمل معجزات

[بنت الراعي]

بص طبعا كلام مستر ايمن 100 100
بس احب اضيف حاجه
انت دلوقتي عملت اللي عليك ولا فائده من البكاء علي اللبن المسكوب
وكمان مجموعك مش وحش اه مش اللي كنت تتمناه بس مش وحش
دلوقتي ركز في اللي جاي وانسي اللي فات واشكر ربنا لان في غيرك جابوا مجاميع قليله اوي وفي اللي دبلر كمان فاانت الحمدلله ونشكر ربنا علي مجموعك
دلوقتي بقي ازاي تفرح والدك انك تجتهد في الكليه اللي هاتدخلها اي ان كانت الكليه دي
ولو حسيت بصغر نفس فكر انك مش صغير ده ربنا بجلاله ومجده تنازل عن عرشه ومات وفداك وبيحبك وغالي اوي عنده يبقي ماينفعش تحس بصغر نفس وانت غالي اوي كده وتمنك غالي جدا جدا
اما انك حاسس انك صغرت في نظر عيلتك ده طبعا مش صح خالص بص بقي هما بيحبوك انت وزي ماانت لانك ابنهم مش لانك مهندس او جايب مجموع كبير هما بيحبوك انت وناجح وانت وراسب وانت كويس وانت وتعبان حتي زانت تاعبهم بيحبوك صدقني مشاعرهم دي مش بترتبط باانت ايه ولكن باانت مين انت ابنهم الغالي اوي عندهم
وعموما الف الف مبرووووووووووك النجاح والمجموع
وربنا يدبر لك الصالح واللي فيه خير ليك
ربنا معاك

[ELMAGEK]

اعمل انا ايه عالشان اسعد ابويا وافرحوا؟

يا حبيبى انتا وجودك فى حياتو اكبر
سعادة لية وخلى بالك انتا ممكن يبقى ليك
اكتر من مكان ومكان كويس بالمجموع دة
واكيد ربنا رايد فى كدة يا حبيبى
اعمل ايه لما احس بلاحظات صغر نفسي؟

انتا عمرك ما هتصغر ابدا انتا دايما كبير
فى عيونا يا حبيبى انتا ذاكرت وتعبت وربنا
لم يريد انك تبقى كدة عشان شايفلك الاحسن

اعمل ايه لو حسيت غلط اني صغرت في عيون علتي؟

انتا طول عمرك كبير فى عيونا يا جميل واوعى
تفكر فى كدة يا حبيبى وياريت
تشوف استاذ ايمن قالك اية وبس

يا جميل احنا عايزينك وبنحبك ولو ب 50 فى المية
انا على فكرة بتكلم كدة عشان انا قريبة وشكرا
ليك وربنا معاك يا اجمل جميل فى الدنيا

[Banderas]

شكرا ليكم بجد كلامكم يريح
وشكرا استاذ ايمن و بنت الراعي وشكرا لمرمر بجد كلامكم ريحني كتير
و انا اوعدكم اني اعمل بكل مجهودي عالشان اوصل لهدفي
اما بالنسبة لفادي حبيب قلبي الغالي
شكرا اوووي كان نفسي اسمع منك الكلام ده
عالشان انت قريبي و حاسيس بيا
و صلولي

[الناى الحزين]

بصراحه مش لاقى كلام بعد كلام استاذ ايمن ومرمر وبنت الراعى وفادى

بس كل اللى اقدر اقولهوك

القى همك على ربك

مع ان انا مش شايف انه هم

لكن القى كل همومك عليه وهو عارف بيعمل ايه

ربنا يفرح قلبك

[aymonded]

أشكر الله على فرحك يا جميل
ومش توعدنا يا حبيب قلبي الغالي جداً في ربنا يسوع ، بل أوعد نفسك وحقق ذاتك ، لكي تكون كبير مش في عيون الناس بل في ذاتك في نور الله الحلو ، لأنه وهبك مواهب عظيمة ستكتشفها كل يوم في ذاتك ، حينما تمضي للأمام وتتقدم وترتفع فوق كل ضعفاتك الخاصة ، أي ترتفع فوق كل إحباط لأنك كل يوم تسير بعزم وثبات نحو أنك تحقق ذاتك وتصير إنسان عظيم أمام الله وبالتالي تكسب ثقة الجميع ومحبة الكل ...
ولا تنظر ليوم من الأيام على أنك في حالة من الفشل ، بل أنظر لرب الجنود الكامل وتقدم بعزم وثبات دائم لتستمر من نجاح لنجاح ، ليس في عيون الناس ونظراتهم بل في عين نفسك امام الله الحي ، الذي هو معك كل حين ...

أقبل مني كل تقدير واحترام لشخصك الغالي يا محبوب ربنا يسوع والقديسين ، وألف مبروك على نجاحك الحلو
النعمة معك كل حين

[اللة يرعانى]

قول لتكن مشيئتك يارب
ممكن نتقدم فى كليات حربية

[G.a.L.a.x.y]

اولا اخى الحبيب
قبل اى حاجه
هقولك كلمتين
حياتك ومستقبلك ربنا رتبهم قبل ولادتك
وكل حاجه بتحصلك هى ترتيب وعنايه الهيه من عند ربنا يسوع
سواء حلوة او وحشه
عشان كدة الانجيل قال المر الذى تختارة لى يارب افضل من الشهد الذى تختارة لنفسى

عشان كدة بدل ماتزعل قول يارب اجعلنى اتقبل كل ظروف حياتى حلوة ووحشه بروح الاقتناع
قوله يارب حياتى ملك ايديك ودينى يمين ودينى شمال ودينى فوق تحت مشههتم لانى عارف انى بايدك وحدك


قوله يارب لتكن رادتك لا رادتى مشيئتك لا مشيئتى
صدقنى لما الانسان بيكون مسلم حياته لربنا بدون تفكير ربنا بيفرح قوى لانك بكدة بتكون واثق فيه وبحبه

وكمان اخى الحبيب
متزعلش انك بقيت اقل من حد
عشان ربنا بيختار اقل الناس عشان يبقوا اقوى الناس زى الحجر الصغير الذى احتقره البناؤؤن صار هذا حجرا للزاويه

شماله تحت راسى ويمينه يعانقنى (نشيد الانشاد )

عشان كدة سيب حياتك لربنا ودفتها هو يديرها

فى ترنيمه بتقول
ليه بتهتم ولا بتخاف وانت معاك راعى الخراف

متزعلش ولا تهتم ولا حاجه افرح بالرب وارضى بالا ربنا قسمه الك وهو هيرفعك

ربنا قال انتظروا ماانا ساعمله غدا بكم
ومدام بتثق فى ربنا وفا\لا الا بيديهولك خلاث مشمهم الباقى او اى شئ ممكن يدايقك

زى كلمه البابا شنودة (لا يوجد شئ تحت السماء يقدر يكدرنى او يعكرنى لانى محتمى فى ذلك الحصن الحصين


حتى لو لسه عندك خوف ربنا قال ياابنى اتطمن اوعى تخاف


صليلى بقى يلا كفايه
هههههههههههههههههههه

[Banderas]

شكرا جدا علي الاهتمام
و علي المرور شكرا استاذ ايمن مرة تانية
شكرا يا مريم و شكرا جدا يا فرح وصلولي

[RoZaLeTa]

انا تقريبا .... لا انا بالظبط ... نفس حاله banderas
هو ده بالظبط اللي حصل معايا .....
وكنت بافكر اعمل الموضوع ده زي ما هو عمله...
بس كنت برضه حاسة بصغر نفس جاااامد وماقدرتش اعمله....
لحد ما واحدة واحدة شكرت ربنا علي مجموعي وعلي الكلية اللي انا قدمت فيها ... اينعم هيا خااااااص .... بس شكرت ربنا برضه....
وربنا بيدبرلنا كل حاجه حلوة وانا واثقة من كده...
وربنا معاك وانشاء الله تبقي حاجة كبيرة وتفرح وتفرح عيلتك و اولهم تفرح ربنا ... انشاء الله
وصليلي انا كمان جامد...
انا محتاجة صلاتكم كلكو...
ربنا يباركو يا احلي اعضاء في الدنيا.....

[Banderas]

شكرا جدا يا Rozaleta
بجد انتي طمنتيني
انا هاصليلك بس انتي كمان صليلي
و ربنا معاكي دايما
و ربنا اكيد مش هاينسي حد

[RoZaLeTa]

ربنا معااااك ويدبرلك كل خيييييير.....
وربنا مووووووجووووود...

[Banderas]

شكرا جدا بجدمش عارف اشكرك ازاي بس ربنا معاكي و معانا كلنا