هل من حق الزوج تفتيش موبايل زوجته

[ماروجيرافك]

هل من حق الزوج تفتيش موبايل زوجته ارجو المشاركة !!!






اطرح بين أيديكم هذا الموضوع وأريد مشاركاتكم الهادفه

أحيانا يساور الرجل بعض الشكوك أوحتى الفضول للاطلاع على هاتف زوجته..
او الاخ لاخته...
وسؤالى هنا...

هل من حق الزوج التفتيش والاطلاع على أرقام زوجته ومكالماتها ووقتها!!!!!!!!!

وكذلك هل من حق الزوجه تفتيش والاطلاع على ارقام زوجها ومكالمته؟؟؟؟؟؟؟

ترى !! ماذا ستفعل ؟ !! هل سيسألها ؟ !! أم سيراقب هاتفها ومكالماتها؟!!


فهل من حق الرجل تفتيش جوال الزوجة ام العكس ؟؟؟؟

ولكم كل الشكر واتمنى منكن المشاركة

[Team Work®]

ودة سؤال جديد ونحب نشوف رد الاعضاء اية واية رأيهم بجد حلو قوى

[عماد حسنى]

طبيعى جدا جدا يا مارو
ولو ماكنش من حق الزوج هيكون من حق مين
وبعدين يكون الافضل ان الزوجه ماتستناش لما الزوج يفتش
المفروض تكون كتاب مفتوح لزوجها ومتهيالى من ضمن صفحات الكتاب ده الموبايل
مجرد رأى ومعلش طولت عليكوا
الكلام يا جماعه للزوج او الزوجه طبعاً

[Malak sokar]

موضوع جمي اوي يامارو وميرسي لدعوتي للموضوع بس لو كل شي فية محبة هيبقي محبوب ومقبول
لكن لو فكرنا بطريقة الحرية وماحدش لة دخل هتبقي مصيبة

وميرسي وربنا يعوضك

[اس اسامة عوض]

ممكن يفتش او العكس
بس كدا يبقى مفيش حب او ثقة؟؟؟
.من راى انى لو فية حب وثقة عادى يبقى مفيش تفتيش.

[elphilasouf]

مش عرف انا وقفت افكر كتير عشان اجاوب بجد سؤال
بس ان من رايي
ان بعد الجواز مفيش حاجه اسمها زوج و زوجه
المفروض ان كلهم واحد المفروض ميكونش فى اساسا فرق
بين ان واحد يمسك موبيل التانى او لا
وزي ماقاله احلى اخوات ابل كده
المفروض ان كلهم يكون كتاب مفتوح قدام بعض
وهنا دور الطرف التانى الى المفروض انه يكون عاقل ويقدر ان التانى حكاله ع كل حاجه

ميرسي جدا يا مارو ع اهتمامك بالموضوع
ربنا يباركك وشكرع الموضوع الحل والشيق والمهم ده
ربنا يعوضك

[marmarsh]

سلام ونعمه المسيح مع جميعكم اولا حكايه ان الزوج او الزوجه يفتشوا فى حاجات بعض ده كلام لا يليق بأولاد للسيد المسيح فالكتاب المقدس يقول يترك الرجل اباه وامه ويلتصق بأمرأته ويكونوا الاثنين جسد واحديعنى لو الزوج اوالزوجه شكو فى بعض يبقوا شكو فى نفسهم اسفه انى طولت عليكم

[M@@@NOOOO]

انا من وجه نظرى الشخصيه
انه بدل فى ثقه بين الطرفين
يبقى كل واحد واثق فى التانى
مش هنشتغل ارهابين ونقف لبعض على الواحده
ومين الى كلمك ومين الى رن عليكى
وميرسى ليك على طرح الموضوع المهم ده
ربنا معاك ويفرح قلبك

[مادلين بنت المسيح]

بيتهيقلي انهم يكونوا قايلين لبعض كل حاجة ومش مخبين عن بعض اي حاجة فعشان كدة هاتبقي عادي ودة رايي وميرسي كتير علي الموضوع الجميل دة

[nevo]

انا مختلفة معاك ياعماد يعنى ايه لو الزوج مفتش مين هيفتش
وليه اصلا يكون فى عدم ثقه من الاول
المفروض الموبيل دة حاجة شخصيه ومعتقدش انت شخصيا تحب حد يمسك موبيلك
ويفتش فى
وبرضه انت قولت نقطة حلو ان المفروض تكون الزوجه كتاب مفتوح زى مانت بتلزم الزوجة تكون كتاب مفتوح برضه المفروض يكون الزوج كدا ويكون واثق كل الثقه فى شريكة عمر
وكفايه بقة عشان انا رغيت كتيييير وصدعتكوا

[Cheeeva]

هو الأخ لأخته لأ
اما الزوج لزوجته أكيد
لأن الأتنين واحد

[marian william]

هو مش المفروض ان الزوج والزوجه اختارو بعض بعد تفكير عميق يبقى ليه بقى الشك
وغير كده كمان الى يخلى الزج او الزوجه يشك من غير اسباب جوهريه بقى كده هو معندوش ثقة بنفسه قبل غيره و شايف انه مش كفايه على الطرف التانى تبقى المشكله بقى مش مشكلة موبايل ولا خصوصيه تبقى المشكله فينا احنا اذا كان من حيث ثقتنا بنفسنا ان احنا كفء للأزوجنا و زوجاتنا او لأ

[ميرولاا]

ميرسى يامارو الموضوع دة بجد جميل ومهم
انا من رأيى ان من حق اى طرف انه يطلع على موبايل التانى وأن مفيش حاجه اسما خصوصيات مابين الزوج والزوجة لأن ببساطة هما الاتنين واحد
بس يكون بطريقة كويسة من غير ماتجرح شعور الطرف التانى وتحسسة انه مش واثق فيه او بيراقبة

[ماروجيرافك]

شكرا يا جماعه علي مورركم ومشاركتكم وارائكم الجميله دي
بس انا من رأئي لو هو بيفتش في الموبايل علي اساس الشك ام انها حاجه عاديه
وارجع اقول ان لازم يكون في ثقه
وبعدين ممكن تكون للزوجه اسرار مع بعض صديقا تها وهو كده هيطلع عليها اسمحولي دي تصرف غير لائق

[jajjoo]

متهيالي عادي يعني بس لو مش وراها الشك
لكن ممكن يكون عايز يعرف مين اللي بس اللي اتصل لاي تعليق
يعني مثلا كلمتي مامتك النهاردة طب عاملة اية
لكن لو قصدة الشك اكيد هتبقي بتوجع

[ماروجيرافك]

لكن لو قصدة الشك اكيد هتبقي بتوجع

معاكي حق هو دي الي اقصده

[نانانادر]

اولا بحييك على موضوعك الجامد دة
انا شايفة ان الموضوع مش موضوع موبايل هقلب فية ولا اظهار تليفون هراقبة هى المشكلة انة فية شك..
بص لو الموبايل فى ايدى عادى اية المشكلة انى اقلب فية من باب الفضول فقط زى ماهو من حقة انة يعرف انا بكلم مين ..لكن لوالموضوع انى براقب الموبايل دى حاجة بتجرح الاحساس قوى وميتفعش بين اتنين جمعهم اللة وربطهم سر مقدس يكون دة تفكرهم

[ماروجيرافك]

انا شايفة ان الموضوع مش موضوع موبايل هقلب فية ولا اظهار تليفون هراقبة هى المشكلة انة فية شك..
بص لو الموبايل فى ايدى عادى اية المشكلة انى اقلب فية من باب الفضول فقط زى ماهو من حقة انة يعرف انا بكلم مين ..لكن لوالموضوع انى براقب الموبايل دى حاجة بتجرح الاحساس قوى وميتفعش بين اتنين جمعهم اللة وربطهم سر مقدس يكون دة تفكرهم

كلام جميل وشكرا لمشاركتك

[بنت الراعي]

ميرسي جدا علي السؤال الجميل يا مارو
انا من رايي لو في ثقه ومحبه بينهم
سواء اخوات او ازواج يبقي اكيد مش هاتفرق اذا
كان يفتش او لا لانه هو مش هايحتاج يفتش
وهي مش هاتتضايق لان معندهاش حاجه هو مايعرفهاش
وطبعا برده العكس لو هي ميسكت موبايله وفتشت فيه مش يضايق
لان الاتنين في صراحه بينهم وثقه
وبعدين هما الاتنين صارو واحد يعني مفيش فرق بينهم
اما الاخوات فمنحق الاخ يقلق علي اخته لكن برده المفروض يتكلم معاها بمنتهي الحب والحنان ويحاول يحتويها ويديها ثقه بدل من انه يدور في موبايلها من غير ماهي تعرف ولو اداها الثقه اكيد هي هاتقوله لو في حاجه وممكن تديله موبايلها كمان عادي مفهاش حاجه
اما اذا كان تفتيشه فيه نوع من انواع الشك فده مش صح وكمان ممكن يضايقها جدا انه فتش الموبايل من غير مايقولها
ميرسي جدا يا مارو وسوري طولت عليك
ربنا يعوضك ويباركك ويفرح قلبك

[ماروجيرافك]

سواء اخوات او ازواج يبقي اكيد مش هاتفرق اذا
كان يفتش او لا لانه هو مش هايحتاج يفتش
وهي مش هاتتضايق لان معندهاش حاجه هو مايعرفهاش
وطبعا برده العكس لو هي ميسكت موبايله وفتشت فيه مش يضايق
لان الاتنين في صراحه بينهم وثقه


برافو عليكي يا بنت الراعي وهو المقصود

[ظريف]

هل من حق الزوج تفتيش موبايل زوجته ارجو المشاركة !!!





شكرا ماروجيرافك على موضوعاتك الشيقه والمفيده والمثمره
أما بخصوص موضوع النهارده فهو موضوع كبير جدا جدا ويتوقف أساسا على نوعية الزوجين وطبيعة عملهم . يعنى مثلا ممكن تكون الزوجه تعمل محاميه أو دكتوره حنلاقى فى ذاكرة تليفونها أكثر من 100 مكالمه فى اليوم وأعرف كثير منهم معاهم أكثر من خط تليفون
إنما كلام عام طبعا من حق الزوج التفتيش على موبيل زوجته حتى لو كان مريض نفسى أو يعانى من نقص فى شخصيته ومن دور الزوجه أيضا أن تكون له طبيبه وتريحه نفسيا وتطمنه بطريقتها إنه بعد ربنا . ومش تغيظه وتستفزه وتبرز نقاط ضعفه
ساعتها حيتحول لوحش هائج ويفترسها . وهى الخسرانه فى النهايه . آسف على الأطاله

[ماروجيرافك]

شكرا يا استاذي العزيز علي مشاركتك الجمبله دي

[وردة حزينة]

من راى ان من حق جوزى انه يعرف عنى كل حاجه ومن ضمنها موبيلى زى ماده حقى معاه ويكون ده بمحبه ما بينا بعيد عن اى مسميات تانيه

[ماروجيرافك]

ويكون ده بمحبه ما بينا بعيد عن اى مسميات تانيه

برافو ورده بمحبه بمحبه

[qusay_alyas]

انا رايي انه لو كان هناك ثقة متبادلة بينهم فلا يوجد داعي لان يفتش احدهم الاخر ولكن لو كانت الثقة بينهم 99% وليس 100% فهنا تبدا المشكلة

[sobhy fathy]

بعد الجواز مفيش حاجه اسمها زوج و زوجه المفروض ان الاثنين اصبحوا واحد كقول الكتاب المقدس " ليترك الرجل اباه وامه ويلتصق بأمرأته ويكونوا الاثنين جسد واحد"

فبعد الزواج الاثنان كتاب مفتوح لبعضهم البعض وهناك محبة وثقة متبادلة بين الطرفين وصراحة وحب ومناقشة فى كل امور حياتهم واطلاع احد الزوجين على موبايل الطرف الاخر بعلم الطرف الاخر وبطريقة لا تدعو للشك والريبة فى الطرف الاخر مباح للطرفين لانه ليس بينهم اسرار ولكن اذا دخل الشك قلب احد الزوجين تجاه الاخر ستتحول حياتهم الى جحيم0


ميرسي جدا على الموضوع الشيق والمهم ده
ربنا يعوضك

[ماروجيرافك]

شكرا
qusay_alyas علي مرورك رايك الجميل

[ماروجيرافك]

واذا دخل الشك قلب احد الزوجين تجاه الاخر ستتحول حياتهم الى جحيم0

شكرا علي رائيك المهم دي لان اهم حاجه في حياه الزوجين هي الصراحه والثقه

[minabobos]

شكرا جدا ليك ع الموضوع المهم دى
وفعلا زى ما كل الاعضاء قالو
ان الثقه اهم حاجه بين الاتنين والحب اثمه من اية شئ
الرب يجعل كل الاوده ف محبة

[dr_poula]

لو فيه ثقه متبادله مش يعوز اي من الطرفين الي تفتيش الموبيل او التجسس باي شكل ما

ودي مشكله بتقابل بعض الناس و تسبب مشاكل كتير و ده لعدم الثقه في الشخص الاخر او عدم ثقه في النفس

[ماروجيرافك]

لو فيه ثقه متبادله مش يعوز اي من الطرفين الي تفتيش الموبيل او التجسس باي شكل ما

شكرا علي الرئي الجميل دي

[Stray sheep]

هل من حق الزوج التفتيش والاطلاع على أرقام زوجته ومكالماتها ووقتها!!!!!!!!!


سلام المسيح
هو من حقو طبعاً أكيد انو يعرف كل حاجة عن زوجتو بس هو المفروض ان فى ثقة من الأول مابينهم فمعنى انو هيفتش فى موبايلها يبقى كدة اكيد ابتدى يشك فيها



وكذلك هل من حق الزوجه تفتيش والاطلاع على ارقام زوجها ومكالمته؟؟؟؟؟؟؟



برضو نفس المبدأ هى من حقها طبعاً بس المفروض انها واثقة فيه وخلاص عرفت عنو كل حاجة وإلا مكانتش توافق عليه من الأول لو هى مش واثقة فيه بالشكل ده
ممكن تكون بتعمل كدة بدافع الغيرة برضو مش اكتر ولا أقل يعنى




ترى !! ماذا ستفعل ؟ !! هل سيسألها ؟ !! أم سيراقب هاتفها ومكالماتها؟!!





ليه ده كلو ؟
توصل كمان لأنو يراقبها ؟ طيب وهو لما بيشك فيها اوى كدة كان وافق يرتبط بيها على أساس ايه
لأ طبعاً انا عن نفسي معنديش مانع انو يفتش فى موبايلى
اصلو مش هيلاقى حاجة تزعلو يعنى كلها نمر اصحابى ورسايل منهم هيلاقى ايه يعنى


اشكرك على الأسئلة الغريبة

[ماروجيرافك]

برضو نفس المبدأ هى من حقها طبعاً بس المفروض انها واثقة فيه وخلاص عرفت عنو كل حاجة وإلا مكانتش توافق عليه من الأول لو هى مش واثقة فيه بالشكل ده
ممكن تكون بتعمل كدة بدافع الغيرة برضو مش اكتر ولا أقل يعنى




هو دي يا جماعه الي عايزين نوصل لي ان يكون في ثقه ومحبه بين الاثنين
لان الشك يسبب المشاكل بين الزوجين حتي لو مفبش موبايل هتلاقي يشك في اي حاجه تانيه شكرا مارايان علي المشاركه الفعاله دي

[الماكس مايكل]

هو المفروض ميفتش بعد الجواز لان بعد الجواز المفروض يبقو الاتنين شخص واحد فى كل حايتهم وشــــــــــكرا على الموضوع

[اللة يرعانى]

فين الثقة بنهم وعادى لو فتش مش هيلاقى اى شى ولو كانت تعرف حد قبلو لازم تنهى كل شى من ساعة ما عرفتو هو ممكن ميفتش ممكن يجبها بطريقة تانية اكنو بيعمل اى حاجة غير يفتش دى مرسى مارو على سوال

[سلفانا نبيل]

ايوة من حقه
انه يفتش موبيل زوجته

[dolagy_jesus]

ميرسى مارو لسؤالك بجد جميل
بس هى يمكن كلمة تفتيش صعبة شوية
معناها عدم ثقة هى مش المفروض توصل لكدة
لان زى ما قالوا اخواتى قبل كدة ان الاتنين بيكونوا خلاص بقيوا حاجة واحدة يعنى كل واحد عارف ادق التفاصيل عن التانى ومنها الموبايل يعنى بدون تفتيش هيعرفوا كل حاجة عن بعض
ميرسى ليكى

[البنت الشقية]

ميرسى خالص غلى دعوة المشارك فى الموضوع الجميل دة وانا واحدة من الناس اللى بقعد العب فى موبيل زوجى ليس من منطلق التفتيش والا لايوجد حب وثقة ولكن من باب الفضول فهل الموبيل هو اللى هيكشف خيانة الزوج او الزوجة لا طبعا فأنا زوجى يعمل باحد الفنادق الكبرى واذا اراد فعل اى شى هل الموبيل هيوضح طبعا لا ولكن التفتيش من باب عدم الثقة شى خاطى ويتعب الطرفين:10500:

[sksk]

انا من راي ان كل واحد فيهم لية الحق انو يشوف موبايل التاني ع شرط ان التاني يسمحلو لان الموبايلات ف ناس بتستخدمها ف كتابة خصوصيات اصحابهم او خصوصيات شغلهم
وزي م الازواج ليهم حق عند بعض كمان الاصحاب والشغل لية حق بردو
ودة راي ومعلش طولت عليكو

[ماريان كارن]

:em19:بلطبع لا مش منحقة ولو هو يقبل هذا على نفسة يبقى يعملة

[ezis]

اولا الموضوع جميل جدا ثانيا ان الزوج والزوجة بيبقوا واحد تكون فى ثقة بينهم لو فى ثقة وحب واحترام مستحيل ان الزوج او الزوجة يفكرو يفتشو من ورا بعض

[رانيا بنت المسيح]

موضوع حلو قوى ومناقشتكم فيه جميلة

[ماروجيرافك]

شكرا رانيا بس انت رائيك ابه ما قولتيش

[keroo82]

موضوع هايل يامارو بس انا رائى عادى مفهاش حاجة بس فى حالة الشك
ميرسى ليك
ربنا يعوضك

[john1eljoker1]

بصراحة يجماعة انا مش شايف ان فيها اى حاجة بالعكس المفروض ان الاتنين مش مخبين عن بعض حاجة فمفيش حاجة اى حد فيهم يخاف التانى يشوفها واينعم فى ثقة وكل حاجة بس برضه ده عادى ان ممكن الزوج او الزوجة تمسك موبايل زوجها بس......

[ماروجيرافك]

شكرا كيرو @ جون
كل واحد وله وجهه نظره

[zakaria_re]

انا في راي انه مافيش حاجة الواحد يراقب تليفون زوجته وبالعكس لو توفر في الزواج ثلاثة اركان اساسية وهي :
الثقة + الحب + الحوار مابين الزوجين.

[besh_besh]

لوفية ثقة وهي صريحة معاة وهو صريح معاها مش يدوا فرصة للشك لان وهو بيفتش اكيد شاكك وبعدين دول واحد

[11121]

لا يا جماعة مش مفروض يفتشوا على بعض لان ده معناه عدم الثقة بينهم وكمان مش مفروض ان احد الزوجين يكون محقق بالنسبة للاخر ويساله ده مين او بيقول لك ايه لان الشغل احيانا بيفرض معاملات مش معقول ان كل حاجة هتتحكى ولكن المحبة تصدق كل شىء

[ramy299]

لا طبعن لازم يكون فى ثقه بينهم وكمان الزوجه متدلوش لحظة شك واحدة ايه الدوافع ان الزوج يعمل كدا ؟ اكيد من الزوجه من تصرفاتها مش اكتر

[نايف ميدع]

شكرا على الموضوع الكبير جدا .الزوجه تفتش الموبيل وكل شيء من باب الفضول وليسى عدم ثقى

[روبى روفا]

لا طبعا يا مارو مش من حق الزوج او الزوجة تفتيش اى خصوصية للاخر لان معني التفتيش هو عدم الثقة او الشك وماينفعش اتنين متزوجين انهم يشكوا في بعض
بس بجد موضوع مهم جدا واكيد هايفيد ناس كتير جدا


:8: :hafha:

http://www.orsozox.com/forums/006i050BKxH

[ماروجيرافك]

شكرا يا روبي علي رائيك
بس رجاء بلاش الالوان الغريبه دي في الخط دي انا لبست النضارتين فوق بعض علشان اشوف
هههههههههه

[Daughter of God]

سلام و نعمة يا جماعة ....
موضوع مهم جداً ، أنا من رأيى إن لو العلاقة بين الزوجين إبتدت بتفتيش الموبايل بعد كدة هيفتش الشنطة و الدولاب و هى هتفتش جيوبه و محفظته و هيبقى الإتنين زى بتوع المخابرات و التجسس قلقانين حتى لو ما بيعملوش حاجة غلط بس الموقف فى حد ذاته مش حلو و مافيش داعى ليه طالما فى حب و تفاهم و ثقة بين الزوجين.

[ماروجيرافك]

سلام و نعمة يا جماعة ....
موضوع مهم جداً ، أنا من رأيى إن لو العلاقة بين الزوجين إبتدت بتفتيش الموبايل بعد كدة هيفتش الشنطة و الدولاب و هى هتفتش جيوبه و محفظته و هيبقى الإتنين زى بتوع المخابرات و التجسس قلقانين حتى لو ما بيعملوش حاجة غلط بس الموقف فى حد ذاته مش حلو و مافيش داعى ليه طالما فى حب و تفاهم و ثقة بين الزوجين

شكرا ليكي علي ردك الجميل دي

[كولا]

يا جماعة مش كده اعصابكم
مفيش فرق بين الزوج والزوجة الاثنين جسد واحد واشياء الزوج هى اشياء الزوجة والعكس
يمكس موبيلها تمسك موبيله مادام فى ثقه يبقى عااااااااااادى اما لو فى خلافات دى حاجة تانية

[روما ديفيد]

هو معنى انه يفتش او هى تفتش يبقا مفيش ثقة وكل واحد باصص للتانى على انه حرامى بيعمل حاجه مش من حقه وطالما مفيش ثقة يبقا مفيش أمان ولو الاسرة فقدت ده يبقا نقول على الاسرة ديه يالى السلامة فالمفروض الزوج والزوجه يبقوا واضحين مع بعض ووثقين فى بعض

[rona]

من راى ان تم التعامل مع بعض كدة دى مش حياة اية هايعملو جهاز مخبرات علشان يتجسسو على بعض فى البيت وهى مش هاتثق فية ولا هو لازم قبل حتى مايتجوزو يكونو متفاين على كل حاجة بمعنى هى تعرفو كل حاجة وبكل صراحة وهو مايقولشى اصل انا الراجل ومنحقى اعمل الى انا عايزة دى كمان غلط زى ماهى معرفاة كل حاجة هو كمان يعرفها علشان ان دخل الشك الحياة متبقاش حياة
وبعدين من حق كل واحد ان يكون لة الخصوصية المعروفة بمعنى انة مش منحقة تفتيش الشنطة او الموبيل بس يكون عارف هو اية الى جوها وكذالك هى مش من حقها انها تفتش جيوبة بس بردو هو يكون قايل لها هو فى اية داخلة بيتهيالى هى دى الحياة الزوجية والمشاركة ومهواش شغل جواسيس

[kottah_sh]

سواء بين الاخوات او الازواج بتفرق فى الطريقه واهم حاجه الطريييييييييييقه وده من الاخر وبالمختصر المفيد

[merve]

صح يا اسامه اكيد مفيش ثقه بينهم ولو كده طلما كل واحد واثق من نفسه ايه يعني لما يفتش جواله ديه ممكن تكون غيره مع عدم ثقه

[mage]

:em19:هاى عملين اية
انا قرات الموضوع فكرتة كويسة وجديدة
بصوا البنت فينا هى فى ايداها تخليى يفتش فى الموبيل اوفى اى حاجة تانية طبعا :10500:لازم زى ما الراجل يعرف بتكلم مين على الموبيل وهوة مش موجود يبقى طبعا من حق زوجتة تشوف موبيلة بس اللة اعلم بكل راجل ممكن قبل مايروح يمسح ارقام معينة او رسايل :36_1_48:مثلا ولو سألتية ممكن يتوه الموضوع (بصوا من الاخر لو فى ثقة بين الطرفين يبقى خلاص محدش يقدر يشك فى التانى):36_1_11:
بس لو الزوجة شكت مثلا فى رقم معين او اسم يبقى باى باى باى باى :36_1_47:
على الزوج
ياريت يا بنات وشباب بلاش شك لانى اخرتة وحشة :36_1_30:ويدخلو نفسة فى مشاكل ملهاش اول من اخرعلى فكرة فى بيوت بتخرب اول مايوصل من اى طرف خدوبالكو:36_7_3:
:36_3_16: اسفة طولت عليكواياريت مكنش زعلت حد ميرسى على الموضوع دة مستنية موضوع تانى بس يكون فى منافسة جامدة بين الطرفين :36_3_1:

[Shosei]

هو مش مسئلة حق بعتبر كلمة حق تطلق على الغريب انم المتجوزين دول واحد روحهم فى بعض مفيش اسرار بينهم ولا اى حاجة يخفيها الواحد على التانى

[نبيل نصيف جرجس]

موضوع رائع اوى بس لو فية محبة بجد مش هيبقى فية اى فرصة ان الزوج او الزوجة يبقى عندهم لحظة انهم يشكوا فى بعض
لو عدو الخير دخل المحاربة فى الشك فى بيت مسيحى والبيت دا اساسة ضعيف مش فية صلاة ولا حياة ربنا
هيتهدم بسرعة زى البيت اللى على الرمل اى رياح تزرية ربى يسوع يحافظ على بيوتنا

[ماروجيرافك]

شكرا يا نبيل علي رائيك
يلا يا شباب عايز اعرف رائيكم

[tweety701]

اعتقد انه عادي ان يفتش الزوج موبايل زوجته او العكس بس دا هيكون نتيجة عدم الثقة بينهم لانهم لو واثقين في بعض من هيفكروا يفتشو ا موبايلات بعض

[baby_face]

انا شايف اني مفيش اسرار بين الزروج وزجته يبقي اكيد من حق الاتنين الاطلاع وليش التفتيش لان كلمه تفتيش يبقي مفيش ثقه ومعدومه

علي فكره الزوج يعني رباط مقدس واحترام وده رايي

موضوع جميل
تيمووووو

[الناى الحزين]

شوفو يا جماعه مدام فى حب وثقه وتفاهم يبقى ليه افتش فى موبيل ميراتى

هو انا شاكك فى حاجه؟

فى ناس بتقول ان ده غلط علشان دى خصوصيات

هو فيه بين الزوج والزوجه حاجه اسمها خصوصيات

الزوجه متفتش فى موبيل زوجها

ولا جوزها يفتش فى موبيلها

لان الاتنين متفقين على مبدأ الصراحه من الاول

وعدم الكذب او الاخفاء فى اى امر مهما ان كان

يبقى لو فتش فى موبيل زوجته مش هيلاقى

حاجه غير اللى هى قايلله عليه
بمعنى

صاحبتى اتصلت بيا النهارده ماما معرفش قالتلى ايه فى الموبيل

ابن عمى بعتلى رساله بمناسبه عيد

ميلادى ..........................................الخ

يبقى افتش ليه ما دمت انا واثق

لكن لو مش واثق يبقى فيها كلام تانى كتيررررررررررررررررررررر

[ماروجيرافك]

لان الاتنين متفقين على مبدأ الصراحه من الاول

وعدم الكذب او الاخفاء فى اى امر مهما ان كان

يبقى لو فتش فى موبيل زوجته مش هيلاقى

حاجه غير اللى هى قايلله عليه
بمعنى


شكرا يا ناي علي رائيك الرائع ده

[nagehnaseh]

القانون الذهبى للمعاملة لابد من تطبيقه
وهل يقبل الزوج ان زوجته تفتش موبايله لكن الثقة المتبادلة كل منهما امام الاخر مصرح له ان يمسك كل مستلزمات الاخر امامه وليس من وراءه وليس للتفتيش لاأسرار بين الزوج وزوجته الا مايخص الخدمة وأسرار الأخرين شكرا للموضوع الحيوى

[MINO2007]

انا شايف لو فى ثقة بين الاثنين الى المفروض كانوا ومازالوا بيحبوا بعض اكيد مش هيبقى فى شكوك وبالتالى لا تفتيش ولا غيره بس لو الزوج شك من الاحسن انه سالها وميفتش فى موبايل زوجته والعكس طبعا

[maromajic]

متهيقلي ان لو حصل كدا بين الزوجيين يبقي مفيش صقه اساسا بنهم ولا حب ولومفيش صقه يبقي اه السبب او ليه مفيش صقه بنهم المفروض ان ال2 واحد الراجل والست وان ميكنشي بنهم اسرار مهما كانت انا متهيقلي ان لو في سر هيزعل التاني يقوله احسن ويبقي فس زعل بسغات احسن ما تكبر وتتحول لشك وعدم الصقه وربنا ميوقعكم في حد كدا

[emilad]

انا من راى ان الزوج لما يفتش فى موبيل زوجتة اكيد هو شاكك فيها علشان هو لو واصق فيها مش هيعمل واكيد هو شاف منها حاجة علشان كدة بيدور ورها وبينى وبنكم النبات كلها بقيت حاجة صعبة جدا وعاوزين يتعرفو على ناس كتير وينسو انهم متزوجين علشان مش مش يليق ان واحدة تكون متجوزة وقاعدة بتعمل شات على النت ودلوقتى انا عمرى ما ادى الصقة لى اى بنت علشان البنات كلهم اصحبة زى بعض ونادر جدا لما الواحد يلقى بنت كويسة يصق فيها اسف انى طولت عليكم وربنا معكم باىىىىىىى

[ماروجيرافك]

انا من راى ان الزوج لما يفتش فى موبيل زوجتة اكيد هو شاكك فيها علشان هو لو واصق فيها مش هيعمل واكيد هو شاف منها حاجة علشان كدة بيدور ورها وبينى وبنكم النبات كلها بقيت حاجة صعبة جدا وعاوزين يتعرفو على ناس كتير وينسو انهم متزوجين علشان مش مش يليق ان واحدة تكون متجوزة وقاعدة بتعمل شات على النت ودلوقتى انا عمرى ما ادى الصقة لى اى بنت علشان البنات كلهم اصحبة زى بعض ونادر جدا لما الواحد يلقى بنت كويسة يصق فيها اسف انى طولت عليكم وربنا معكم باىىىىىىى


معلش اسمحلي اعترض علي بعض النقط
النقطه الاولي _ مسائله انه شاكك فيها وانها بتعمل حاجه غلط فا دي مش قاعده نمشي عليها لانه ممكن ان يكون هذا الرجل شكاك بطبعه وممكن يكون سبب عدم ثقه في نفسه
النقطه الثانيه- ان كل البنات بتحب تتعرف علي الناس كتير طبعا مش كل البنات ده اولا وثانيا هذا ليس دليلا علي ان تكون انسانه مش كويسه ده اذا انت قصد انها بتتعرف علي الناس عامتن اما اذا كنت تقصد انها بتتعرف علي الجنس الاخر فقط فااسمحلي هذا كلام مرفوض
وعلي فكره الشات ليس اجرام او غلط ( اذا استعمل صح)

النقطه الثالثه ولاهم _ كيف لا تثق في اي امرأه مش المرأه دي برده تتمثل في والدتك واختك وابنتك اسمحلي دي عدم ثقه في نفسك وليس للمرأه

معلش انا كنت دمي تقيل عليك اوي بس معلش كلامك اثارني جدا (اخوك مارو)

[i+love+jusus]

من حقة ومش من حقة ازاى

لو كان فى ثقة بين الزوج والزوجة يبقى مش من حقة يفتش موبايل زوجتة

انما لو كان مفيش ثقة بين الزوج و زوجتة يبقى من من حقة يفتش موبايلها

وارجوكم لو انا غلطان حد يقولى

[ماروجيرافك]

شكر يا +love+jusus علي المرور
وبنسبه للرائيك طبعا كلنا نحترمه لان كل واحد تي وجهه نظر
منتظر باقي الاعضاء

[مينا موحد القطرين]

هل ياترى فى حاجة أسمها خصوصيات ما بين الزوج والزوجة مأعتقدش لأنهم جسد واحد وروح واحدة كما قال لنا السيد المسيح ولو كل واحد لة خصوصياتة يبقوا أثنين مش واحد والكلام دة مش عندنا

[نيرو12]

لو واثق فى زوجته يبقى مش من حقه انه يفتش الموبايل
لان ده حاجه خاصه بيها مش من حقه الاطلاع عليها





فيه خصوصيت بين الزوجين
لانه مش معنى انهم بيقوا جسد واحد وروح اوحد ان كل واحد يلغى كيانه
انا عايزه اسئلكم سؤا
ليه كلكم بتقوله ان الزوج ممكن يكون
شاكك فى مراته عشان كده بيفتش ف الموبايل بتاعها
ليه محدش قال انه ممكن يكون انسان مش كويس
وعايز يكلم صاحبتها
انا مش عارفه ظنى فى محله ولا انا غلطانه

[اميرة ماريا]

طبعاغ الموضوع شائك جدا انا متزوجة منذ فترة وطبعا زوجي ممكن يفتح الموبايل بتاعي ايه المشكلة .............. المشكلة فى نظرة الزوج لزوجته هل هذا بحب ام شك وبعدين الواحد طالما مبيعملش حاجة غلط لايهم ........ طيب ما الزوجة بتفتح الموبايل بتاع زوجها ايه المشكلة الثقة بين الزوجين مهمة جدا انا من رأيى ان الواحدة تسيب زوجها يفتح الموبايل زى ما هو عايز طالما مافيش حاجة تشين المرأة ...........
اميرة ماريا

[mina shafiek]

انا شايف انه فكرة اني الزوج يجيه في دماغه يفتش في موبايل زوجته ده دليل على حاجة من الاتنين الاولى هي عدم ثقة الزوج بنفسه وخوفه من ان يؤثر شخص اخر على زوجته او على شكه في زوجته وانا في رايي اني في تللك الحالتين احسن لهم مكنوش اجوزوا بعض احسن ........مجرد راي شخصي

[mina shafiek]

انا شايف انه فكرة اني الزوج يجيه في دماغه يفتش في موبايل زوجته ده دليل على حاجة من الاتنين الاولى هي عدم ثقة الزوج بنفسه وخوفه من ان يؤثر شخص اخر على زوجته او على شكه في زوجته وانا في رايي اني في تللك الحالتين احسن لهم مكنوش اجوزوا بعض احسن ........مجرد راي شخصي

[الأميرة]

انا شايفة انه من حقهم هم الاتنين انهم مش يفتشوا لأن ده معناه انهم بيشكوا فى بعض ولكن من باب العلم بالشىء بس أو هزار لكن مش أكترمن كدة لأنه كمان مش من حق اى طرف انه يخبى اى حاجة مهما كانت على الطرف التانى لأنهم من بعد الزواج بقوا واحد مش اتنين

[ابويا يسوع وماليش غيره]

ميرسى كتير الموضوع جميل

انا من راى ان المفروض فيه ثقه بين الطرفين ياعنى مافيش تفتيش لانه اول ما بتحصل الحاجة مع الزوج او الزوجه المفروض انهم لو متفاهمين بيحكوها على طول لبعض ياعنى مافيش اسرار ومافيش حاجة مخفيه بينهم ابدا لكن بقى لو فى شك او فى حاجة غلط بيعملها اى الطرفين طبعا من حق الطرف التانى التفتيش لانه بكده بيحاول يعرف اللى مخبيه عليه الطرف الاخر ودة من حقه بوسيله او باخرى

[rmio]

مرسى على الموضوع الجميل ده
طبعا من حق الزوج وكذلك الزوجة لان الثنين واحد

لكن
كون ان الزوج يشك فى زوجته
او الزوجة تشك فى زجها ده مش كويس

لابد ان يكون فيه رباط المحبة بين الزوجين

واذا فتح احداهما موبيل الاخر
شى عادى لا ينزعج الطرف الاخر

اسف على الاخطاء

[دانا سهيل فرحان عباسي]

أنا في رأيي إنه اصلا ما في داعي للتفتيش المفروض الزوج والزوجه يكون صريحين مع بعض وبحكو لبعض كل شي ومش توصل الدرجه للتفتيش لانه ازا وصلت الامور للتفتيش ببطل في ثقه وبتروح المحبه هيك حتى من أتفه الامور ممكن ينجم مشاكل سواء على الموبايل او غيره عشان هيك الصراحه مع بعضهم هيه الحل الانسب والاريح للطرفين

تحياتي ,,,

[ماروجيرافك]

أنا في رأيي إنه اصلا ما في داعي للتفتيش المفروض الزوج والزوجه يكون صريحين مع بعض وبحكو لبعض كل شي ومش توصل الدرجه للتفتيش لانه ازا وصلت الامور للتفتيش ببطل في ثقه وبتروح المحبه هيك حتى من أتفه الامور ممكن ينجم مشاكل سواء على الموبايل او غيره عشان هيك الصراحه مع بعضهم هيه الحل الانسب والاريح للطرفين

تحياتي ,,,

شكرا دانا علي مرورك ورائيك الجميل ده وياريت الكل يستفيد ويفهم مدي العلاقه الي بين الزوجين

[صوت كرباج]

سلام ونعمة ليكم
بصراحة موضوع جميل يا ميرو ويستحق المناقشة
انا من راي انة ملوش علاقة بالشك من قبل الزوجين
ولكن من جانب حب الاستطلاع عادي
ودة يبقا طبيعي ومش فية مشاكل لكن لو شك
دا كلام تاني خالص وميرسي ليكم

[mosa el aswad]

كلمة تفتيش=عدم ثقة

[manal*mam]

متهيالي مش موضوع تفتيش بس الموبايل مش متحرم على الطرف الآخر انه يشوفه ولو شاف شئ غير لائق يصح انه ينبه شريكه احسن مايكونش واخد باله ان فيه حاجه مش مقبوله

[saaam]

انا بحترم رايك جدا يا nevo وكفاية بقى ظلم للمراه فى مجتمعنا

[ماروجيرافك]

شكرا يا جماعه علي مرركم الجميل ورائيكم
وزي ماقولت قبل كده كل واحد له وجهه نظر

[crazy love]

mesh men hak ay 7ad eno yefatesh fe mobile had laen de (http://www.smileycentral.com/?partner=_undefined)http://smileys.smileycentral.com/cat/36/36_3_22.gif (http://www.smileycentral.com/?partner=_undefined) http://smileys.smileycentral.com/cat/11/11_1_220.gif (http://www.smileycentral.com/?partner=_undefined) khososiat lakn ma ben el jog we el joga mafrod en mafiesh asrar we homa lazem yehko le ba3d kol haga laen mafrod en homa beihebo b3d





http://www.smileycentral.com/sig.jsp?pc=[object Object]&pp=ZRxdm185YYEG (http://smiley.smileycentral.com/download/index.jhtml?partner=ZSzeb097undefined&utm_id=7925)

[mil]

من حق الزوج انه يطلع علي موبايل زوجته والعكس بس بلاش كلمة يفتش لما لها من مدلولات مش حلوة حيث تكون الخصوصية بين الزوجين في نطاق اقل من ذلك بكثير

[بنت الراعي الصالح]

لو الرجل شك ولو للحظه ف زوجته هيفتش موبايلها لكن طالما واثق فيها عمره ماهيفكر يعمل كدا

[ماروجيرافك]

لو الرجل شك ولو للحظه ف زوجته هيفتش موبايلها لكن طالما واثق فيها عمره ماهيفكر يعمل كدا

شكرا يابنت الراعي فعلا عندك حق لازم الثقه تتوفر بين الزوجين

[R E S A]

akeed ynf3 malazm afreed hia bt7'oono 3shan dlwa2ty el wa7d mb2ash bi2amn l a7'oooo
w as2alo mgarab

[MICKEY]

سؤال جامد جدا
انت يابني اسئلتك جامده زي صورك بالظبك

انا من رأي

ان الزوج يفتش اه
لكن لما الزوجه تيجي يفتش
الزوج يقفل موبايله ويقولها ده فاصل شحن ياحياتي
نياهااهاهاهاهاهاهاها

[ماروجيرافك]

شكرا يا غالي علي روح الدعابه الي ضفتها للموضوع

[كراكيب]

هو الشك وحش قوي بس الاوحش هو الوهم يعني لو هو هيفضل حاطط في دماغه انها ماشية غلط يبقي الاحسن انه يبص في موبايلها بس اللي بيختلر صح م الاول اكيد مبيوصلش للمرحلة دي

[ماروجيرافك]

شكرا كراكيب و حمدله علي السلامه.

[دندوشة]

بص انا من رايى ان كلمة تفتيش نفسها كلمة مش صح
يعنى يلعب فى الموبيل علشان يفتش دى مش ظريفة لكن انة يمسك الموبيل يشوف حاجة يعمل حاجة اوكى
ولازم يقولها يعنى ميبقاش من وراها
المفروض يبقا زى ما فية ثقة بينهم يبقا فية برضوة لكل واحد خصوصية الى حد ما
مش معنى كدا ان يبقا فية اسرار المفروض ميعرفوهاشس بس الى حد ما انا مش موافقة ان جوزى يفتش لا مش اسمحلة لكن يبص عادى اوكى

[ماروجيرافك]

يا برنسيسه ماهو ممكن يقولك انه عايز يشوف حاجه او عايز يلعب دور جيم وهو غرضه انه يفتش
شكر لمرورك الجميل

[دندوشة]

ميرسى بس معنى انة يفتش ان مفيش ثقة يااما هو مريض وشور لو انا عارفة كدا من الاول مش هاوافق ان ارتبط بية

[ماروجيرافك]

ماهو ممكن المرض جالو من الجواز (سوري جالو بعد الجواز )

[دندوشة]

معنى ان المرض يجيلوا بعد الجواز يعنى انا عملت حاجة خليتة يبقا مش واثق فيا ولا فى اى حد من اللى حوالية
واكيد بدام مخلييبن انا وهو ربنا قدامنا ومتقربين منة هيبقا فية سلام اكتر من كدا ربنا يباركك

[ماروجيرافك]

معنى ان المرض يجيلوا بعد الجواز يعنى انا عملت حاجة خليتة يبقا مش واثق فيا ولا فى اى حد من اللى حوالية
واكيد بدام مخلييبن انا وهو ربنا قدامنا ومتقربين منة هيبقا فية سلام اكتر من كدا ربنا يباركك


برافو عليكي لان كل طرف من الطرفين سواء الرجل او الست فهو المسؤل عن شك الطرف الثاني في طبعا فيه ناس شكاكه طبيعتا بس زي ما قولتي ان هو الي اختار وهو عارف العيب ده

[mena2020]

لازم يكون في ثقة ز وبلاش كلمة تفتيش نخليها اي حاجة تاني

[mena2020]

لازم يكون في ثقة ز وبلاش كلمة تفتيش نخليها اي حاجة تاني

[أميرة عبده]

بص يا مارو انا عوزه اقولك حاجه انا اعرف واحده معرفه شخصية انها حطة اسماء الولاد مجرد صحابها وكويسين وموأدبين خالص تعرفهم من ايام الجامعه قبل ما تتجوز يعنى اضطرت علشان ترضى جوزها وتعمل اللى هيا عوزاه بردو تحفظهم فى موبايلها باسم بنات اللى عوزه اقولهولك ان البنت عمرها ما هتغلب ومن غير ما توجع دماغها مع جوزها ولا تعمل مشاكل لنفسها بس الموضوع من الاول لازم يكون مبنى على محبه حقيقيه مش كلام وثقه متبادله ويكون كل واحد كتاب مفتوح للتانى على راى عماد وبعدين هما طول ما عندهم ثقه فى بعض يبقى شيئ عادى خالص ان كل واحد يشوف موبايل التانى طول ما فيه مصارحة وحب متبادل بين الطرفين
سورى طولت عليك

[ماروجيرافك]

الله عليكي يا اميره كلام جميل قوي
بس علي فكره ممكن يرن في مره وهو الي يرد علي اساس انها صحبتها ويطلع صاحبها يللهول

[أميرة عبده]

يالهوى دى تبقا وقعتها زرقه بس ارجع واقولك لو ده مبدأهم من الاول مع بعض يبقى اكيد الدنيا خربانا خربانا
لكن لو من الاول صادقين وصرحا مع بعض فى كل امور حياتهم يبقى يوم ما صحبها يرن وجوزها اللى يرد هيا هتفرح وتحس ان جوزها رافع لها راسها بين اصحابها

[كراكيب]

الله يسلمك يامارو والف مبروك ع الاشراف

[dodo.soso]

حب + امانه = ثقه

[wadea86]

ياجماعة لأ مافيش تفتيش لأن ده معناه شك فى الزوج والزوجة ولو فى شك بين الزوجين يبقى مافيش حب يبقى مافيش حياة مابينهم سليمة
أهم شئ أنكم تكونوا واثقين فى بعض
وانا من رايى مافيش حد يفتش موبايل حد خالص

[manshi55]

هو يا مارو فى الايام النيلة اللى احنا فيها دى
مش من حق الزوج مجرد التفكير فى انه يفتش الموبيل
وإلا هتبقى وقعته سودة
زى اى زوج لسه فاكر سي السيد
لكن من هو من حقه
انه يتفتش فى جيوبه ومحفظته وموبايله و ...
ههههههههههههههههههههههههه ههههههههههه
صدقنى يا مارو الحكاية دى مبنية على الثقة بينهم
لأن لو انعدمت الثقة اتدمر البيت كله
وبعدين اللى عاوزة تعمل حاجة غلط
مش هتغلب تمسح اى نمرة
علشان كدة الزوجة الامينة
مش هتدى الفرصة لزوجها يدور وراها
ربنا يرحمنا ويعطى الجميع انه يسير بأمانة وثقة
ميرسى مارو على موضوعك الجميل

[حبيبه]

البيت المنقسم على ذاتة يخرب انا محبش كلمة تفتيش لاننا مش في قسم شرطة ممكن يعمل كده بدافع الاطمئنان مش الشك ربنا موجود

[bassem8800370]

انا شايف ولا اقوللك انا م راى بعض لو فتش فى موبيلها
اجوازها ليه من البدايه مش مطمن ليها ولا ايه
الاتين يمسكوا موبيلات بعض عادى جداااا وياسلام لو كان موبيل واحد ليهم هما الاتيين يبقى ده الحب المسيحى فعلا

[ريم الخوري]

من حيث يحق فهو نعم بس براي بين اي اتنين مرتبطين برباط مقدس مفيش خطوط حمر على اي شيء بيكونوا كتاب مفتوح لبعض لانهم اصبحو واحد برباط سر الزواج المقدس واصبحو جسد واحد ومفيش حد يخبي على التاني لذلك مفيش داعي يفتش و
وحكاية التفتيش بتعكس خلل في نوع العلاقة خلت الثقة مهزوزةادت للشك بينهم ودي بادرة خطيرة بتهدد العلاقة بينهم وبتهدم ميش بتبني خالص ومتقولوش بيطمن عليها هادي حجج سواء هي او هو اكيد في شرارة شك وكذلك الامر بين الاخ واختة ............مدام بيدور يبقي بيشك بشيء لو الصراحة والثقة موجودة مفيش داعي يدور ممكن يسالها ويثق باللى بتقولة لو الثقة موجودة يحاورها باسلوب اسري هادي بعيد عن حكاية وضعها بناحية اتهام بغض النظر عن نوعة او يفتش وراها
غير هيك بيكون في خلل بالعلاقة
الرب يبارك ويحفظ

[نادر شحاته]

طبعا من حقه مافيش مشكله خالص وياريت يفتح الموبايل قدامها مش من وراها

[سارة هانى]

لا طبعا ولا هى تفتش ولا هو يفتش المفروض لكل واحد مساحه من الحريه يتحرك فيها برحته

[lizadreem]

السلام لكم \ احب المشاركه في موضوع الموبايل- في رائ الخاص ان المتزوجين لابد ان يكون كل شئ واضح بينهم بمعني اذا شك فيها يجب ان يسئلها اولا لاننا للاسف نهدم اسر وبيوت بالشك او الفهم الخاطئ للحريه والالتزام بين الازواج .