الصلاه لهذ ه العضوه

[ابنه برباره]

مساء الخير على الجميع انا ماريان جورج صديقه للعضوه التى دخلت باسمها ابنه برباره ولى رساله منها للمنتدى هى ترجوا ان يصلوا الجميع من اجلها لانها تعانى من مرض خطير وهى الان تعيش داخل مستشفى الاورام بالقاهره تخضع لعلاج كيماوى وتريد منكم الصلاه وبتسلم على الجميع وخصوصا" عضو اسمه ايمن ونارمر وتيم ورك وكمان عضوه اسمها ورده وهذا كل كلامها اما انا فى لكم كلمه ارجوكم من يهمه ادخال السعاده لها ان يطلب رقم موبيلى ليتحدث معها فى وقت وجودى معها هناك وخصوصا" من ذكرتهم هى لان اصدقاءها معظمهم قصروا فى السؤال عنها لان مضى شهر على وجودها فى المستشفى او يمكن علشان خافوا من رؤيتها لانها تغيرت كثيرا" مرضها مع الاسف فى الدم والعظام صلوا كتير ان تستريح من اوجعها وشكرااااااااااااا

[اللة يرعانى]

صلوات ام النور تكون معاها وتشفيها

[دموع الورد]

ربنا معاها يا ماريان
والعدرا كمان معاها

[marmarsh]

العدرا معاها ياريت تقوليلها مرمر بتقولك يا بختك علشان هى كده بتاخد اكليل زى اكليل الشهاده قوليلها كمان تصبر مهما طالت المده وربنا اكيد هيعزيها لانه قال ملقين كل همكم عليه ................ربنا يقويها ويرعاها

[عماد حسنى]

ربنا يمد ايديه ويتحنن عليها ببركه وشفاعه ام النور

[keroo82]

العدرا تمد اديها وتشفيها
انشاء الله تخف وترجع زى الفل وتنور المنتدى وانا هصليلها

[aymonded]

في كل ضيقة نجتازها يعمل الموت فينا بلا هوادة أو هدنة
ويسمح الله بالإماتة اليومية ، ولنا أن نقبلها بإرادتنا حتى نجتازها
لأننا نجتاز فيها الموت مع المسيح ، فيتجلى فينا وتظهر فينا قيامته
مع المسيح صلبت فأحيا لا أنا بل المسيح يحيا فيَّ
لأعرفه وقوة قيامتة وشركة آلامه متشبهاً بموته

فرح الله قلبها باجتياز الضيق والألم بفعل قوة قيامة يسوع في داخل قلبها
وقد وهب لنا لا أن نؤمن به فقط بل نتألم أيضاً من أجله وتُعلن محبتنا له
بالبذل حتى الموت بكل إرادة واعية ومحبة كاملة من القلب الذي له
النعمة معها ويمد الله يده بالمعونة إليها لأنه هو الراعي الصالح
الذي يرعانا بعصا المحبة ويقودنا بينابيع الخيرات الأبدية
النعمة معك ومعها كل حين

[وردة حزينة]

ماريان لو سمحتى ابعتيلى رقمها فى رساله خاصه وسلميى عليها اوى وقوليلها كلنا هانصليلها
بصلوات قديسه الشهر الست العدراء وجميع القديسين والشهداء اكيد هايقفوا معاها وجمبها وهايخففوا الامها ربنا اكيد عنده اكيد عنده كتير وهى مومنه اكيد ربنا ميش هايسيبها ربنا معاها ويقويها ويبختها ده مرض الفردوس زى ماابونا بيشوى كامل سماه
العدراء معاها

[la tristeza y el dolor]

ربنا يشفيها و يقومها بالسلامه

[brokenheart]

ماريان هى متعرفنيش ولا انا اعرفها بس عاوزه اقولك كلمه عاوزاكى تقوللها ان ربنا بيحبها بجد وكلنا هنا بنحبها اكيد هى اختى واختنا كلنا وقوللها كلنا بنصليلها ان ربنا معاها سلميلى عليها كتير اوى اوى اوى اوى اوى اوى

[ابنه برباره]

اشكر الجميع على هذه الردود الجميله وسوف ارسلها لبربارها وانا هازورها غدا" وهكون معها طول اليوم وانا ارسلت رقم موبيلى الى العضوه ورده كما طلبت منى ومش عارفه ان كانت الرقم وصل ولا ايه لو وصل ارجو تتصل غدا"فى حاولى الساعه الخامسه لكى تستطيع ان تتحدث معها لان غدا" ميعاد المسح الزرى وهفضل معها طول اليوم لو هى حاولت الاتصال اليوم بى فاانا بعنذر لها علشان اليوم كان ميعاد الكيماوى ومينفعش افتح التليفون لانها بتكون فى الام فظيع ورجاء ان تتصل غدا"وشكرا وبرباره طلبت طلب وهى طلبت منى ان اضع لها صوره على المنتدى لانها قالت بالحرف الواحد عوزاهم يعرفونى قبل ما اموت وانا مش عرفه ان كان قانون المنتدى ينفع ولا وانا كمانمش عرفه احطها اذاى ارجو الرد من المشرفين او اى شخص يهمه الامر لانى فعللآ عاوزه انفذ كل طلبتها وشكرا" مره اخرى وانا هدخل انشاء الله غدا" فى ساعه متأخره لو احد يريد ان ان يرد على كلامى .

شكراااااااااااا

[اميرة ماريا]

ربنا يشفيها انا واثق ان ربنا مش هايسيبها كده ابدا هي ماتعرفنيش سلمي عليها وقولي لها العذراء ومارجرجس والقديسة مارينا يلمسوا جسدها ويشفوها

[نبيل نصيف جرجس]

بجد ام النور ترعاها وتتحنن عليها بجد دا صليب بلغيها دايما كدة ان دا صليب اوعى تياس وتفقد الرجاء فى ربنا يسوع وبلغيها سلامى اوى وبجد بتمنى يسوع يعطيها كل ما يتمناة قلبها