يلعن أبو الفلوس اللي علي الحب بتدوس

[ميتو هـــءءء]

أزيكم
في البدايه طبعا الكل مستغرب من العنوان
والسؤال هنا هل الفلوس فعلآ علي الحب بتدوس ؟ ؟ ؟
يعني في حاجه أسمها حب وأن البنت فعلا أهم حاجه عندها الحب ولا الماديات أهم.
وياتري الشباب فعلآ بخلا ولا ظروف الحياه هي اللي صعبه
طيب مين اللي غلاطان
البنات عشان نفسهم يعيشوحلم جميل مع عريس ملوش مثيل
ولا الشباب اللي بيحاول يحققو أحلامهم مع بنت عقله تستحملهم
ياريت راي كل الشباب والشبات في الامثال الاتيه ..
عيش علي قدك وأشكر يسوع
ولا تعيش متعنطظ لحد ما تبقي جربوع وتجوع

[MICKEY]

استاذ ميتو هــــءءءءء

متنساش ان ده منتدي كنسي
واسم الموضوع صعب اوي

وثانيا بقي وبصراحه احنا في زمن اللي معاه قرش يسوي قرش

وخدها نصيحه مني
لو بتفكر ترتبط
ارتبط بواحده مرتاحه عشان تريحك

لان صدقني لو مشيت ورا قلبك هتداس
لكن جرب وامشي ورا عقلك

[kottah_sh]

حكايه الماديات دى بتفرق من بنت لبنت ومن ولد لولد
يعنى بتفرق من شخصيه لشخصيه وانا عن نفسى
عمرى مادورت على عريس غنى والكلام ده
لا بالعكس احلامى صغيره
المهم الشخصيه


لكن فيه ناس فعلا بتفرق معاهم اوى
واحيانا الفلوس بتغير النفوس

ميرسى على الموضوع الجميل ده
ومستنين باقى الاراء

[ميتو هـــءءء]

هاي أنا جيت تاني
أنا عجبيني kottah
أما ميكي لا يا ميكي المفروض نغير فكره اللي معاه قرش يساوي قرش
لان المثل ده مينفعش يتقال علي موضوع فيه الحب
لان الحب مشاعر جميله بين أتنين مش بضاعه للبيع فكر كويس يا ميكي صحبي
الفوس بتروح وتيجي الحب بيجي مره واحده بس
صحيح اللي يحب يكون مستعد ماديا للزواج بس مش كل تفكيره في الفلوس والا مجرد ما يخصل أي أزمه ماديه البت بجد هيخرب وينقسم علي زاته
أنا عايز أراء باقي الاعضاء الموضوع مش سهل

[MICKEY]

يامينا ياحبيبي انا ضد الماديات جدا في الحب
ومش بأيد الفكرة دي
لكن من خلال الظروف اللي شفتها مع اصحابي
ومعايا انا شخصيا في بعض الأوقات
خلتني افكر بالعكس



صدقني انا حبيت ومبصتش للفلوس
لكن للأسف في ناس كتيرة بتبص
فعشان كده قررت اغير نظرتي
عشان انا مش حمل جرح تاني


قراري ده يامينا ناتج من مرااااااااااااااااااار شوفته

[miso]

اممممممممممم اول حاجة بشكرك على الموضوع الجميل ده
بس انا ليا راى مش عارفة صح ولا غلط
بس انا من رايى لما اجى احب احب صح
احب حد معاه اللى يقدر يخلى الحب ده يستمر علشان حبنا مبيبقاش كلام وبس
مش هنفضل نحب بعض ونفضل كدة اكيد هيبقى مش حلو خصوصا للبنت
بس انا من رايى لو الانسان معاه اللى يقدر يخلى الحب ده يقدر يقف على رجله مش شرط غنى وعربية وشقة 14 اوضة وحاجات كدة
لا كمنا لان فالزمن ده صعب جدااااااااااااااااااااااا اا جدا
اكيد طبعا اى بنت نفسها تعيش عيشة احسن وعربية وكدة
بس معرفش لو فى حب هيبقى احلى حب مع بيت صغير احلى من قصر والحب مش عارف يدخله
ههههههههههههه على فكرة مش مستغربة من رايى ميكى او رايى اى حد كدة
لان اللى مر بتجربة اكيد هيبقى رايه كدة
بس نصيحة للى هيحب او بيحب حب صح.

[MICKEY]

بس انا من رايى لما اجى احب احب صح
احب حد معاه اللى يقدر يخلى الحب ده يستمر علشان حبنا مبيبقاش كلام وبس
.



هو ده الكلام بجد

وهو ده اللي عاوز اقوله

[miso]

وخدها نصيحه مني
لو بتفكر ترتبط
ارتبط بواحده مرتاحه عشان تريحك

لان صدقني لو مشيت ورا قلبك هتداس
لكن جرب وامشي ورا عقلك

بس لو اللى فوق ده رايك يبقى مينفعش مع رايى يا ميكى
انا مقصدش بالحب الصح واحدة مرتاحة
ههههههههه انت فهمتنى غلط انا اقصد تحب صح يعنى تشوف اللى هتحبها من الاول هتقدر تكمل بظروفك ولا هتقضوها كلام واحلام وفالاخر تقولك لا مش هقدر اعيش معاك بظروفك جالى عريس مرتاح عنك
من الاول تتفقو دى ظروفنا هنقدر نبنى حب وحياة على اد الامكانيات دى ولا من الاول نلغى الموضوع بدل ما تكون اخرجته جرح
متهياقلى ده الحب الصح .

[عماد حسنى]

موضوع جميل يا مينا ومهم طبعا
لكن متهيقالى الكلام فيه مش هيغير شىء
يعنى نبص على الواقع الاول
اللى بيتكلم بيتكلم من بره او لانه بعيد
لكن طبعا رأى ميكى صح جدا جدا لبعد بعد بكره
اللى معاه قرش يساوى قرش
لان فعلا الفلوس بتغير النفوس وبتغير كل حاجه
يمكن مابتقدرش تشتري الحب لكن بتعرف تموته
فى قلوب ناس تانيه
وبجد ومن غير فلسفه
شوفوا الواقع هتلاقوا ان الفلوس اقوى من الحب
وطبعا ياريت كلامى يطلع غلط
بس الغلط نفسه اللى يتمسك بالحب وينسى اللى بيحمى الحب
واللى بيحمى الحب ويكمله هى الفلوس
لو عندك يا مينا مثل واحد بس او عند اى حد ان بنت باعت الدنيا علشان الحب يبقى كده انت صح

[الرومانسى الشقى]

وثانيا بقي وبصراحه احنا في زمن اللي معاه قرش يسوي قرش

وخدها نصيحه مني
لو بتفكر ترتبط
ارتبط بواحده مرتاحه عشان تريحك

لان صدقني لو مشيت ورا قلبك هتداس
لكن جرب وامشي ورا عقلك



انا اويد هذا الئى لان انا مريت بهذا الموقف وى شكرا ليك كتير

[kottah_sh]

لو عندك يا مينا مثل واحد بس او عند اى حد ان بنت باعت الدنيا علشان الحب يبقى كده انت صح



يا عماد انا عايزه اقولك انا عملت كده
اتنازلت عن حاجات كتيره اووووووووووووووى
علشان الحب
علشان بحب خطيبى اوى
انا مش لازم اوضحلك تفاصيل بس فعلا عملت كده

ممكن تكون ان البنت تضحى بالفلوس علشان الحب دى
حاجه نادره بس فعلا بيحصل احيانا

[عماد حسنى]

لو عندك يا مينا مثل واحد بس او عند اى حد ان بنت باعت الدنيا علشان الحب يبقى كده انت صح




يا عماد انا عايزه اقولك انا عملت كده
اتنازلت عن حاجات كتيره اووووووووووووووى
علشان الحب
علشان بحب خطيبى اوى
انا مش لازم اوضحلك تفاصيل بس فعلا عملت كده

ممكن تكون ان البنت تضحى بالفلوس علشان الحب دى

حاجه نادره بس فعلا بيحصل احيانا



ربنا يفرح قلبك ويسعدك بالحب ده يارب
بس انتى قولتى احيانا وحاجه نادره
ودى الشواذ للقاعده العامه
اللى بقت سمه لمعظم البنات بلاش كلهم علشانك ماشى

[Cheeeva]

ملعون أبو الحب اللي الفلوس كانت سبب في تأسيسه
رأي شخصي ليا انا
البنت لما ترتبط بواحد عشان الفلوس
1- هات هات هات هات هات هات هات
2- الزوج هيحس أنه بالنسبة لمراته مجرد جيب مش أكتر ولا أقل جيب واسع تاخد منه اللي عي عاوزاه
3- زن علي دماغ الراجل كل شوية شوف مرات مين معاها أيه لا شوف جوز مين راكب عربية نوعها أيه
دول تلات نقط بس صدقوني في غيرهم 1000 هتبقي الحياة جحيم * جحيم
لو خيروني ما بين أني أعيش بالشكل ده أو أني أموت انا أفضل الموت صدقوني هيكون أهون بكتير
اما بالنسبة للراجل اللي بيغري البنت بفلوسه وتقل جيبه فا ده كأنه بيشتري سلعة من السوبر ماركت بس السلعة اللي بتشتريها من السوبر ماركت بيجليها وقت وتترمي في الزبالة اما ده فا كأنه بيشتري حاجة من عند Animal Shop
بيخليها عنده في البيت لا أكتر ولا أقل
وانا أسف لردي

[tony_algamid]

هيا الدورة الأولمبية هتتلعب إمتى ؟















































و
إلــــــــــــــــغــــــ ـــــــــاء

[miso]

غريبة ارائكم بجد
يعنى كل البنات همها الاول الفلوس
هترتبط بانسن علشان الفلوس
طب مهو لو اللى بتحبه هيقدر يوفر حياة كويسة مترتبط بيه
على العموم الارتباط ده بتاع ربنا

[kottah_sh]

يا جماعه لو الواحد معاه فلوس وهوه من جواه مش كويس
وجت الفلوس دى خلصت هتكون الحياه
جحيم بين الاتنين

لكن لو امكانياته قليله لكن الحب موجود وهوه من جواه
كويس وحنين
هيبقى الوضع مختلف لان بالطيبه دى هيقدرو يعيشوا
ويستحملوا الظروف دى لحد ماربنا يفرجها

دا من رأيى لانى عيشاه ومستريحه جدا
اكيد فيه حاجات كتير اتنازلت عنها ودا علشان بحبه
وطيبه قلبه بتخلينى استحمل

لو فيه حد مش عاجبه كلامى ياريت يتكلم

[miso]

انا معجبة جداااااااااااااااا برايك ومعاكى فيه
ههههههههههههههه بس فكرتينى بمثل بجد وانا بقرا رايك

يا واخدة ......... على ماله هيرح المال ويفضل ال ......... على حاله

انا مصممة حب وحياة صغيرة احلى من فلوس وقصر ميعرفش طعم الحب

[kottah_sh]

ميرسى يا خالتى ميسو
على ردك وعلى المثل الرائع ده
ههههههههههههههههههههههههه ههههههه

[MICKEY]

واللهي كل البنات كلام
انتوا في وقت الجد
اول ناس بتجري

[miso]

ههههههههههههههه ميكى انت شكلك جربت الموضوع ده علشان دة لا انت ولا عماد مصدقين ان لو فى حب ممكن يتباع اى حاجة
بس على فكرة مش هنكر فى بنات تبيع الحب علشان الفلوس
وفى ناس بتبيع لو لقت حد تانى بيحبها رغم انها مش بتبحه بس برضو تمشى على مثيل قديم اوى وبايخ خدى اللى بيحبك ومتخدش اللى بتحبيه
معرفش انا شايفة ان كوتا مثل على ان لو فى حب وحب صح على اد الامكانيات ومتفقين على كدة من الاول انا بقول انه هيكمل ده رايى ومش هغيره
ههههههههههههههه يارب عماد وميكى يغيروه ربنا يوفقكم فحياتكم

[magdy totti]

ميرسى جدا على الموضوع يا جميل
طبعا انا مش ها قدر اقول حاجة بعد الكلام ده
بس انا ليا تعليق صغير
احنا اللى بنجيب الفلوس
لكن مش انا اللى بيجب الحب
يعنى لو على الفلوس انا اعرف اجيبها واقدر اعيش
قد ى لكن الحب مش بيدى
ولا فى حب بجد ها قدر اعمل اااى حاجة

[mrm29r]

ميرسى على الموضوع الحلو ده بس انتوا ظلمين البنات فى بنات كتيييير اوى عندها الحب اهم من الفلوس لا ن ما قيمه الحياة وانت لاتعيش مع الذين تحبهم ويحبوك وعمر ماالفلوس تخلق السعادة ولو خلاقتها فهى هتكون وقتيه سعادة مؤقته وهتخلص لكن السعادة الحقيقة فى الحب
اما بخصوص انى البنات بتفضل الفلوس ففى بنات كتتتييير بتفضل الحب لكن ماتنسوش ان القرار مش قرارها لوحديها لان ليها اهل فى اهل بيرفضوا
هتقوليلى تقنعهم فى اهل كتير مش عندهم تفاهم ومش فى حد بيختار اهله
وفى الاول والاخر الذى يجمعه الله لايقدر ان يفرقة انسان
سبوها على ربنا واللى ناوى يرتبط يقول اولا ياااااااارب واسفه اا كنت طولت عليكوا بس ميييييرسى الموضوع حلو

[cat girl]

الفلوس بتيجى وتروح لكن الحب ده عمله نادره مفتكرش بسهوله تقدر تحب وتتحب بس اكيد لما انا هاجى اختار هختار الحب مش الفلوس لان لو الفلوس ضاعت هيفضل الحب انما لو الحب هو اللى ضاع فكده الحياه هتبقى مستحيله وافتكر ان الحب ده احساس بين اتنين والفلوس عمرها ما هتقدر تشترى الاحساس ده

[مينا ابن الراعي]

لا انابقى مش مع عماد ولا مع وميكى

وبعدين كل واحد بيحكم على الموضوع من وجهة نظره
المهم ان الواحد قبل ما يفكر يرتبط يفكر الشخص اللى هيتقدمله الاتنين هيقدرو يدوسو على نديات الحياه ولا لا ده رد المةضوع بكل بساطه

[بنت الراعي]

يا جماعه عملية الارتباط والفلوس والحب دي عمليه نسبيه جداااااا
وعملية الارتباط ديت لها خمس قواعد لازم يكونوا متواجدين
1_توافق روحي
2_توافق اجتماعي
3_توافق علمي وثقافي
4_توافق مادي
5_توافق نفسي
ومااقصدش بالتوافق يعني انهم يكونوا زي بعض بالظبط
لكن انهم يكونوا بنسب قريبه من بعض
يعني ماينفعش بنت غنيه اوي تاخد حد معدم اووووووي
لانها كده مش هاتقدر تستمر معاه
الماديات هنا زيها زي اي قاعده تانيه في الارتباط زيها زي
القاعده الروحيه الثقافيه وهكذا
يعني ماينفعش نكتفي بمادي بس او بروحي من غير الباقي لا
لازم يكونوا كلهم حتي لو فيهم حاجه نسبتها بتزيد عن حاجه
وكمان في كتير اللي بيضحي بس طبعا في حدود المعقول
يعني البنت قبل مابتضحي بتبقي عارفه انه قادر يفتح بيت ويعول اسره وكده
حتي لو متوسط الحال انما ماينفعش تضحي وهي مش واثقه انه هايقدر يعيشها
لان احيانا كتير الظروف الماديه اللي تحت المتوسط او القليله اوي بتخلق مشاكل
وممكن تخنق الحب
لكن عايزه اقولك حاجه يا عماد
زي ما قالت لك كوتا
في امثله كتير جايز يكون كوتا وخطيبها مثل بس مش صعب اوي
لكن انا اعرف ناس كانوا ممكن يناموا من غير عشا لكن علشان بيحبوا بعض
وعارفين انها فتره وهاتعدي عايشين دلوقتي زي الفل يمكن لو تفتكر انا حكيت لكم عن ايوب القرن العشرين ده اكبر واوضح مثال حي علي التضحيه علشان الحب يعيش
سوري طولت عليك
الموضوع جميل ربنا يعوضك