طلب خاص من بنات المنتدي الموضوع جاد جدا أرجوا الرد في أسرع وقت

[Cheeeva]

بسم الأب والأبن والروح القدس




أزيكم يا شباب عاملين ايه أرجوا أن تكونو بصحة جيدة
اليوم ليا طلب مميز شوية


طبعا كلنا عارفين الأكل في منه حاجات محمرة وحاجات مقلية وحاجات مسلوقة طبعا نبعد عن المسلوق ده خالص وخلينا في حاجة رابعة تقريبا أسمها معصجة:11100:

في حاجة انا نفسي أكلها وهي الكبدة اللي معمولة في سمن

علي شرط أن تكون المقادير هي كيس كبدة وكيس سمنة بجنيه ولو مش هيكفي عادي أجيب كيس تاني مش أشكال دي يعني وقرنين فلفل وممكن بصلة مش عارف هل البصل مطلوب أوي ولا لأ
وممكن بقي سبايسي وشطة وحركات كده

بصراحة ومن الأخر انا نفسي أكل كبدة وعيش سخن وبصل أخضر
انا مكلتش أكل زي ده من زمان والله يعلم أن ليا 5 شهور عايش علي كنتاكي والعيش الفينو والانشون والجبنة
عادي يعني انا في غربة

في مطاعم عندنا بتعمل الكلام ده بس للأسف البلد اللي انا فيها المطاعم اللي بتعمل النوع ده بالذات من الكبدة مطاعم معفنة انا بشم الريحة وانا معدي ومبرضاش أدخل فا انا عاوز حاجة أعملها بأيدي يعني
المهم دلوقتي من الأخر:em4200:
هي الكبدة انا معرفش أسمها أيه أو نوعها ازاي يعني
هي خليط كده من الفلفل الأخضر وأحيانا فلفل أصفر أو أحمر محطوطين كلهم في طبق تقريبا الكبدة نفسها بتبقي عاملة زي الكبدة المشوية بس بطعم بقي مختلف المهم أن الكبدة دي بقي شكلها يعني زي لون بني ويعني شكلها مغري كده
من الأخر خالص انا عاوز أعرف بتتعمل ازاي وشكر الله سعيكم:10500:

[eng_fofa]

لا والموضوع مهم وجاد جدا انا افتكرت فى مصيبه حصلت
ولا هتاخدنا نحرر فلسطين
كل ده علشان تاكل كبده
هههههههههههههههه
ربنا يوفقك وتلاقى اللى تدلك

[Cheeeva]

يا ستي هو مفيش مصيبة بس حاجة وانا نفسي فيها
وبعدين الموضوع جاد جدا بالنسبالي لأنك لو شميتي الريحة من عند المطعم اللي بيعملها هتعرفي حاد ولا مش جاد
بس
ومش شرط بنت المجال مفتوح لأي حد يتبرع ويقولي علي الطريقة

[شمعة]

بص
براحة كدة
المقادير
هتجيب نص كيلو كبدة متقطعة عصافير او انت هتقطعها
وبصلة واحدة
وكمان قرنين فلفل واحد اصفر واوحد احمر
وتجيب التوابل طبعا
حبيتين طماطم


وتجيب طاسة وتحظة على النار
وتحط معلقة سمنة
وتصبر لم تسخن
وبعدين تكون مقطع البصلة فى الكابة
وتحط البصلة وممكن من غير بصل على فكرة هى بصلة صغيرة عشان الطعم بس
وتحمرها شوية وتحط الفلفل علية وتقلب شوية كمان
وبعدين تحط الكبدة وتقلب شوية لحد لم لون الكبدة يتغير
وبعدين تحط الطماطم متقطعة طبعا صغير
وتقلب على على كدة وتحط التوابل
ملح وفلفل اسود
وتحط شوية ماية صغيرة
وتغطية كدة لحد ما تشربة الماية
وتاكل بالهنا والشفاء


واعمل جنبة مكرونة

هتجيب كيس مكرونة
وتسخن الماية لحد ما تغلى
وتحط المكرونة وتقلبة شوية
وتسبة لحد ما تتسلق
وتعمل الصلصة بتاعت المكرونة

تحط زيت او سمن
وبعدين تحط البصل المقطع
لحد ا تحمر البصلة وبعدين
تكون ضارب الطماطم فى الخلاط
وتحطة على البصل
وتقلب وتحط التوابل
وتغطية لحد لم تتسبك
يارب اكون قدرت افيدك

[Cheeeva]

هو في مشكلة صغيرة انا معنديش من العدة اللي أنتي بتقولي عليها دي غير طاسة وشوكة وسكينة
مفيش بقي خلاط وكبة والحوارات دي

[Cheeeva]

عموما ميرسي أوي انا هبقي أتعامل بسكينة

[kottah_sh]

بص يا شيفا
زى ماقالتلك شمعه
وطالما مش عندك غير طاسه وسكينه
خلاص يبقى بلاش تعملها ببصل
او لو تعرف تقطع البصل صغير بالسكينه وبلاش موضوع الكبه ده
وبلاش تعمل مكرونه
خلاص كل كبده بس وبالهنا والشفا
او ممكن تحمر مكرونه بالسمنه بس من غير ماتعملها بالصلصه

[naderku]

ولو المشكلة فى الخلاط ممكن تجيب صلصة طماطم جاهزة هتلاقيها أكيد متوفرةوبالهنا والشفاء

[sohier]

بتانا زيك عايشه في غربه ياريت نبقي اصحاب رسليني علي الاميلاعي [email protected]

[madline]

بص يا سيدى تجيب نص كيلو كبده وبصلة متوسطة وفص ثوم حلو و3 قرون فلفل تقطع الكبده عصافيرى وتعصر عليها ليمونة بعد غسل الكبدة وترش عليها بهارات وفلفل اسود وملح وشوية ثوم مهروسين وتدعك بيهم الكبدة وبعدين تقطع البصلة صغير وتصفرها فى معلقتين سمن وتضيف عليهم الثوم ويحمروا شوية مع بعض وتضيف عليهم الفلفل المقطع وتقلبهم شوية مع بعض وبعدين تضيف الكبدة وتقلبهم كل شوية وتكون النار هاد ية لغاية ما الكبدة ما تشرب ميتها لانها بتنزل مية فى السوا وبالف هنا وشفا

[ELMAGEK]

سيبك منهم دا مفيش غيرى طبيخ وغسيل ومطبخ ميرى
الناس دى كلها كانت بصالك فى نص الكبدة اليتيم وعايزينو يبوز بوص بقى النصائح الاخيرة
من ابلة شهيرة
ههههههههههههههه
انتا تجيب الكبدة من قلب الحيوان وتقطعها عصافير يعنى صغيرة
عشان ترمى معاك كتير وتاكل ناس كتير
يعنى تجيب ربع كيلو تقطعو مليون حتة
بس وتجبلك بصلتين يا معلم وتش تش واء واء
وفى طاسة تيت كدة وتحط سمنة ولو صايم حط زيت
بس وتحط البصلة فيها لحد ما تصفر وتبقى شكل فانلة الاسماعيلى
بس وبعدين روح مقطع قوطة عصافير وفلفل رومى عصافير
وعليهم شوية ملح طبعا وفلفل وكمون
ومع البصلة وبعدين مع البصلة
وتاخد تقلب تقلب وتقلب وتقلب
وطبعا بعد لما يصفرو تحط الكبدة وبكدة تبقى
الكبدة صح صح
ولو مش مصدق دوق السجق اخوك الشيف ابو الفدا


انا من رئى بقى انتا تولع فى الكبدة وبنص جنية عيش وبنص جنية جبنة بيضا
وبنص لانشون ونص رومى وباتنين جنية تريح نفسك وتريح
البشر دى كلها معاك
هههههههههههههههههههههه

[@ حبيبة البابا كيرلس @]

يا بيت صح كده الكلام الى قالتو شمعه صح الصح بجد الطريق صح اعملى كده

وبسكينه قطعى البصل صغير وممكن يكون فى فص ثوم ميه ميه

بقولك


تعلى عندى وانا اعملهولك وخلاص وكل مره تكون عوزه الكبده قوللى وانا عيونى ليكى

[رويس]

أنت تسيبك من كل الكلام والوصفات الغريبه دي
انت تنزل عند أقرب مطعم وتاخدلك اتنين كبده أسكندراني في السريع وكل كام وانتم بخير

قال كل دي مقداير وادوات وحاجات علشان طبق كبده هيتاكل في لقمتين بالعدد
بالهنا والشفا للجميع ومتنسونيش في ساندوتش

[بنت الراهب الصامت]

مدام عندك طاسه بس وسكينه وشوكه
بص ياسيدى انت تعمل ايه
تجيب الكبدة وتقطعها صغيره اوى وتجيب البصله تقطعها صغيره برضو وتجيب طماطم وتقطعها صغيره برضو وتجيب فلفل وتقطعه وبعد كدة
تجيب الطاسه اللى حيلتك
وتحط فيها سمنه وتحطها على النار وبعد كده تحط الكبدة بالبصل وتحمرهم حلو اوى وبعد كده تحط الطماطم حمرها برضو بعد البصله ولما تلاقى الكبدة اتملت من الطماطم وبعدها حط شويه مية صغيرين وسيبهم لحد ما يشرب الميه اوعى تنسى التوابل شويه ملح وفلفل اسود وشطه
وكل بالهنا والشفه

[peter nagy]

ايه يا شباب احنا فى صيام طيب بعد الصيام اعملوا اللى انتوا عايزينوا على فكرة انا معزوم على الاكلة دى

[nona queen]

هههههههههههههههههههه وانا افتكرت فيه مصيبه ولا البنات فى المنتدى حصلهم حاجه بعد الشر هههههههههه اتارى الموضوع شاندوتش كبده بص مش هاينفعك فى الموضوع ده غير الاسكندرانيه يا جمااااااااال الكبده الاسكندرانى
يلا يا جماعه اى بنات اسكندرانيه تعبر الراجل حرام عليكوا هايموت على اكله كبده ههههههه

[Cheeeva]

ياخبر كل دي ردود
انا نزلت الموضوع ده من سنة فاتت
هههههههههههههههههههههههه
ميرسي لكل اللي شرفوا الموضوع المتواضع
(f)

[Cheeeva]

بس انا عاوز أعرف مين اللي دعبس في أعماق أعماق المنتدي وطلع الموضوع ده ؟؟؟؟؟:d

[peter nagy]

الموقع ده مشهور اوى على فكرة مش زى ما تتخيل يعنى
واخد شهرة جامدة