مشكله

[غير مسجل]

مساء الخيير جميعا

انا عندى مشكله واتمنى بجد انكم تشاركونى فيها لانى بجد تعبت منها انا بنت عندى 18 سنه ونصف في كليه كويسه وشكلى كويس ودى مشكلتى انا بجد تعبت كل شوية واحد يجى يقولى معجب بيكى ولما ارفض ابقى انا جرحته ويعاملنى بعدها انى ولا اخته وولا زمايل في حته معينه ومايكلمنيش من بعدها للرفض اللى منى انا مش يهمنى هو لانى لازم اعمل كدة مع اى واحد مش هقدر اوافق وارضى كل واحد يجى يقولى كدة بس بجد انا تعبت جداااااا من ان كل ما اروح مكان سواء كليه او الكنيسه الاقى اول ما ادخل حد يقوم من الجروب دا لمجرد انى ماوافقتش بيه وانا مش موافقة انى اعجب بحد او اربط نفسى بواحد انا وهو بندرس وكمان كام سنه يتخلق لنا عزر مانرتبطش بيه لمشاكل الحياه نعيش مجروحين طول حياتنا
ومش قادرة اكلم حد في كدة ولا حتى اقرب الناس لى ولا ماما انا تعبت جدااااا من نفسى لانى شخصيه كتومة جدا بس الموضوع دا فاض بى منه ومش قادرة استحمله .


بجد مش عارفة انا بعمل صح ولا غلط ولا ايه لانى تعباانة جداااااا بليز صلولى كتيير وياريت رايكم اكيد هيفيدنى

شكرا ليكم كلكم

[Malak sokar]

اهلا بيكي اختنا

اي بنت بتمر بالموضوع دة
عادي جدا ودة شي طبيعي انة يحصلك
كمان انت مش غلط ابدا اوعي تفكري في اي شي انت حاسة انة
صح
انك غلط عشان ترضي الناس
طالما انت مقتنعة بفعل الشي يبقي مايهمكيش اي حد
لان كلامك كلة عين العقل
مش زنبك انهم مش فاهمبن رغبتك
بس في حاجة يمكن الطريقة الي ترفضي بيها يمكن هي الي بتكون المشكلة
يعني حالوي تختاري كلام يكون مش جارح او مش بعصبية
مثلا احنا اخوات حضرتك تشرفني بس انا لسة صغيرة
وانا بقلق من الموضوع دة
لسة بدري
ماتزعلش انا مش رافضة شخصيتك بس انا مش قد حاجات زي
دي
هو بقي مش فاهم او مش مقدر يبقي مش مشكلتك
ربنا معك ويدبر لك حياتك
اختك صافي

[aymonded]

سلام لنفسك يا محبوبة الله الحلوة جداً
هذه مشكلة حقيقية موجوده في كل مكان وبخاصة الجامعة والكنيسة للأسف ، وهي متعبة للغاية لمعظم البنات ، وحقيقي المشكلة ليست في شخصك الحلو يا محبوبة الله ، إنما المشكلة تكمن في الذين لا يعرفون معنى الصداقة ولا يعرفون حدود الزمالة ، وتأكدي تماماً أن هؤلاء الذين لم ينظروا لجمال شخصك من الداخل كأخت أو زميلة ، هم لا يستحقون أن يظلوا أصدقاء ، لأنهم نظروا للشكل الخارجي ويريدون أن يقيموا علاقة غير سوية في حالة من المراهقة ، ولا يستحقوا التفاته منك ، ولكن أنتِ لابد من أن لا تهتمي بمثل هذه النوعية ، بل عيشي حياتك واجبري الجميع على احترامك بالتزامك وببساطتك في تصرفاتك ، ولا تعطي مجال للصداقة لأي شخصية مهما كانت إلا في حدود : حسب ما تسمحي بها أنتِ ...

عموماً ، الذي له هدف آخر غير الزمالة بيتركك أكيد ، وهذا أفضل جداً ، واشكري جداً الله عليه ، وتأكدي أنه لا يوجد صداقة بين ولد وبنت ، بل بين بينت وبنت أو ولد وولد ، إنما ممكن زمالة بين ولد وبنت ، أما صداقة هذا يصعب جداً ، إلا أن كان هناك علاقة بين أخ وأخت أو أب وبنت ...

ولكِ أن تثقي في نفسك في نور الله الحلو ، والله قادر أن يرسل لك صديقه أمينه ، وزمايل مقدسين في الحق ، يعرفون حدود الزمالة ومعنى الصداقة الحقيقية ...

أقبلي مني كل تقدير بمحبة في ربنا يسوع
الذي له المجد والكرامة كل حين

[aymonded]

طبعاً رأي ملاك رائع جداً ومهم للغاية وفعلاً أتفق معها في كل كلمة
النعمة معك يا محبوبة الله

[Team Work®]

انا عندى كلمة واحدة بس احب اقولها انتى صح واللى بتعملية صح اذا كان بيحس انوا بينجرح فا دة حاجة تخصوا هو وهو اللى يتحكم فيها لكن انتى مش ليكي زمب على العموم اللى احب اقولوا ليكي خلى بالك من نفسك ومش يهمك حد وهما هايخدوا على كدة وهايعرفوا انك كدة ومحدش هايحاول يضايقك تانى وفى حاجة كمان بمرور الوقت كل حاجة هاتكون طبييعية وهايكلموكى عادى جدا جدا

المهم انك تكونى واثقة من نفسك وتتمسكي بدة انك تكونى عايشة فى مخافة ربنا

وربنا يفرح قلبك امين

[Malak sokar]

طبعاً رأي ملاك رائع جداً ومهم للغاية وفعلاً أتفق معها في كل كلمة
النعمة معك يا محبوبة الله




ميرسي لك استاذ ايمن
زطبعا مايجيش من بعد ري حضرتك حاجة ابدا
ربنا يباركك ازكرني في صلاتك

[مصري مكبر دماغة]

سلام لنفسك يا محبوبة الله الحلوة جداً
هذه مشكلة حقيقية موجوده في كل مكان وبخاصة الجامعة والكنيسة للأسف ، وهي متعبة للغاية لمعظم البنات ، وحقيقي المشكلة ليست في شخصك الحلو يا محبوبة الله ، إنما المشكلة تكمن في الذين لا يعرفون معنى الصداقة ولا يعرفون حدود الزمالة ، وتأكدي تماماً أن هؤلاء الذين لم ينظروا لجمال شخصك من الداخل كأخت أو زميلة ، هم لا يستحقون أن يظلوا أصدقاء ، لأنهم نظروا للشكل الخارجي ويريدون أن يقيموا علاقة غير سوية في حالة من المراهقة ، ولا يستحقوا التفاته منك ، ولكن أنتِ لابد من أن لا تهتمي بمثل هذه النوعية ، بل عيشي حياتك واجبري الجميع على احترامك بالتزامك وببساطتك في تصرفاتك ، ولا تعطي مجال للصداقة لأي شخصية مهما كانت إلا في حدود : حسب ما تسمحي بها أنتِ ...

عموماً ، الذي له هدف آخر غير الزمالة بيتركك أكيد ، وهذا أفضل جداً ، واشكري جداً الله عليه ، وتأكدي أنه لا يوجد صداقة بين ولد وبنت ، بل بين بينت وبنت أو ولد وولد ، إنما ممكن زمالة بين ولد وبنت ، أما صداقة هذا يصعب جداً ، إلا أن كان هناك علاقة بين أخ وأخت أو أب وبنت ...

ولكِ أن تثقي في نفسك في نور الله الحلو ، والله قادر أن يرسل لك صديقه أمينه ، وزمايل مقدسين في الحق ، يعرفون حدود الزمالة ومعنى الصداقة الحقيقية ...

أقبلي مني كل تقدير بمحبة في ربنا يسوع
الذي له المجد والكرامة كل حين


طبعا بعد الكلام دة
مفيش اكتر من كدة
----------
انتي كدة صح ومش غلطانة
وزي ما قال الاستاذ ايمن
اكيد ربنا هيرسلك معونة
ربنا يحميكي
+

[sawsaw]

على فكره انتى صح
وارفضى براحتك وميهمكيش حد
الى بيزعل بيغيظ نفسوا هو وهو الى خسران
ومضايقيش نفسك
انتى اهم حاجه كونى واثقه فى نفسك
وواثقه فى الاهك
وميهمكيش حد وانى حره
ومحدش يقدر يجبرك على حاجه
والى يجى يقولك معجب بيكى عشان شكلك وهو لسه ميعرفش شخصيتك ايه
يبقى ميلزمكيش
لانه جرى ورا الشكل وبس مش ورا روحك وشخصك
لان الى بيحب بجد بيحب الروح
لكن الى حب الشكل بس
ده ميلزمكيش لان الحب ده مش هيدوم
وربنا معاكى ويفرح قلبك ويباركك

[نايف ميدع]

وانا مش موافقة انى اعجب بحد او اربط نفسى بواحد (وضعي ورقه على صدرك من الجنب الشمال مكتوب عليه مغلق للتحسينات.

[larry]

اختنا الكريمة سلام ونعمة من الرب يسوع المسيح له المجدموضوع الاعجاب حقوا اي شخص يعجب فيكي اذاكنتي جميلةومن حقك انك تتقبلي الموضوع بروح مرحة وصدر واسع لأنو هذه هي ضريبة الجمال في أي مكان وخصوصا في مجتمعنا الشرقي كما انه من حقك ان ترفضي تقرب اي شخص لكي بحجة انه معجب بجمالك الخارجي فقطومن حقك تختاري الشخص اللي ترتاحيله لاتكبري المسألة وخليها شغلة بسيطة والله يدبر الأمركما قال قداسة البابا كيرلوس السادسصلاته تشفع بنا

[Team Work®2]

بصراحة الموضوع ده بيتكرر كتير جداااااا مع اى واحدة منظرها كويس
تلاقى دايما الكل معجب بيها و عاوزها ملكه لوحده فالى بيحركه دافع حب الامتلاك مش دافع الحب نفسه
لا يمكن حد يحب واحدة لمجرد الشكل و العلاقة دى تنجح الا نادر جداااا لو عرفوا يفهموا بعض بعد كدة
بس الدافع الاول بيبقى الامتلاك و المراهقة و ده طبيعى لاى حد فى السن ده
بس انتى صح و طالما شايفة انك متقدريش ترتبطى بحد دلوقتى يبقى خلاص ترفضى و انتى واثقة من نفسك
بس تتعاملى معاهم كأخواتك بعد كدة و بكل بساطة لو مش موافقين و مش بيتعاملوا معاكى كويس
فزى مقال استاذ ايمن اشكرى ربنا انهم بعدوا عنك لانهم كان ليهم اغراض معينة و ده مش معناه الحب
دى مراهقة و بس
ربنا معاكى و يوفقك

[بيتر اكسيوس]

الحد اللي انتي رفضتيه ده بلاش تتجاهليه يعني اتكلمي معاه كأخ وصديق مش اكتر عشان ميحسش انك بتتكبري عليه وده رأيي واسألي مجرب ولو حاولتي تتكلمي معاه علي سبيل الزماله هيكون سعيد ومش هيفكر ف الموضوع تاني

[Team Work®]

الحد اللي انتي رفضتيه ده بلاش تتجاهليه يعني اتكلمي معاه كأخ وصديق مش اكتر عشان ميحسش انك بتتكبري عليه وده رأيي واسألي مجرب ولو حاولتي تتكلمي معاه علي سبيل الزماله هيكون سعيد ومش هيفكر ف الموضوع تاني


الرد بتاعك دة حلو قوى وفية شيء من السياسة والدبلوماسية الخفيفة الحلوة

شكرا ليك علية

[رويس]

انتي بنت جدعه
ولو حد يستحقك المفروض يجري وراكي مش من اول ما ترفضي يقوم يغير معاملته بيكي
ده طالما انه بيعمل كده يعاملك وحش يبقي ده كداب وعايز يتسلي بيكي
هاقولهالك تاني
انتي بت جدعه

[مرمورة123456]

من الواضح انك شخصية جميلة جداااا ياريت تشاركي أب اعترافك في الموضوع ده واكيد هيرشدك وانا معجبة جداااا برد فعللدك تجاه المواقف دي

[anosh]

معظم الشباب دلوقتى مايعرفش يعنى ايه حب بس كل واحد عايز بنت فى حياته و خلاص مع احترامى للشباب كلها يعنى ... يعنى بصراحه لو حد معجب بيكى و انتى رفضى ان يكون فيه علاقه بينك و بينه ليه ما احترمش رايك و فضل يعاملك عادى صداقة او زملاء فى كليه لكن اى حد ترفضيه يبعد و ينسى و عادى لانهم فعلا عايزين يتسلوا و خلاص .....و هايطلبوا من غيرك تانى و تالت و رابع ....... لكن اللى بيحب بجد او حتى حاسس انه مشدود و معجب بحد بيحس انه عايز يفضل قدام حبيبه طول الوقت و معاه كل لحظه ...... ربنا يحافظ عليكى من كل شر و اثبتى على مبدءك لحد ماربنا يبعت لك الانسان اللى يستحق الجمال الداخلى و الخارجى اللى فيكى ......... ربنا يحافظ على كل شعبه ولاد و بنات