مين اللى قالك

[nana222]

مين اللى قالك



مين اللى قالك انه الخطية الاصلية هى خطية جنسية !
الخطية الاصلية او سبب السقوط هى عصيان الوصية وعدم الطاعة ونسميها فى الاصل الكبرياء على ربنا (التكبر على الطاعة – بدماغى) والاكل من شجرة معرفة الخير والشر ، ممكن تعرف القصة فى سفر التكوين الاصحاح 3 الموضوع ملوش دعوة بالخطية الجنسية خالص

الفكرة انه الانسان بغواية الشيطان اللى تملى بغير فى الحقيقة ويخليها مزيفة مغرية (هو صحيح ربنا قالكوا متكلوش من الشجرة ؟.. ده انتوا هتعرفوا الخير والشر وهتكونوا زيى ربنا..) فيخليك تغير انت تأخد القرار الغلط لكن مش هو اللى بجبرك على حاجة هو بيعرض بس وانت بتوافق...او لا عشان الانسان ربنا خلقه حر



ربنا بيحبنا حب غير مشروط برد فعلنا وعايزنا نحب بنفس الطريقة نحب الأخر بنفس الطريقة ..حب غير مشروط ملهاوش دعوة بالى قدامنا بيعمل ايه حتى لو كان اللى قدامنا ده عدونا!

معلش هأخذ ولادنا اقرب الناس لينا مثل للقبول و الحب الغير مشروط عشان المفروض يكون مثال للحب الغير مشروط بس انا شايفة فيه حب مشروط!!!

بتحب ابنك رغم انه فاشل فى دراسته ولا تملى حبك ليه مشروط بنجاحه ؟
قيمته الحقيقة كانسان مقبول ومحبوب مش فشهادته هو محتاح يحس انه مقبول ومحبوب الاول عشان يكون انسان صحى و يقدر ينجح
ربنا بيقبلنا بخطايانا واوجعانا وامرضنا احنا مش بنصلح نفسنا الاول و بعدين نرحله!

بتحبى بنتك زى ماهى وهى مش جميلة مثلا او سمينة اوعندها مشكلة ؟ بتعييريها بيها وبيتهئلك لما تقوليهلها عليها انت كدة بتساعديها تخلص منها بانك تبريزها؟.. جربتى تحبيها زى ماهى وتقبليها ؟

لما نفضل نبص على المشكلة بس ، الرسالة اللى بيتوصل للشخص " انا مش محبوب .. انا حساس انه قيمتى فى الحاجة دى بس ومادام انا فاشل فيها وهى مش عندى يبقى هفضل مش محبوب مش مقبول"
هى دى الحقيقة!! شايف انه قيمه فى عينك بس من قيمة الحاجة دى .. عارف انك بتقول دة مش صحيح بس دة اللى بيوصله !!

من فضلك فكر تانى فى اللى انت بتقوله وبتعمله وايه اللى بيوصل للشخص التانى


ليه بس بنحب ولادنا ونقبلهم وهم بيبهات واول ما يكبروا نبقى مش عايزنهم يغلطوا ومش بنعرف نقبلهم زى ماهما (package) . مع ان ممكن نعمل كدة مع الاغراب
رغم انه ممكن يكون التأديب والتوجيه وكل حاجة بس لازم يكو فيه قبول وحب بالتوازى .. لازم رسالة "انا بحبك زى ما انت " توصل

[adel baket]

الخطيه الاصلية او سبب السقوط هى عصيان
الوصيه وعدم الطاعة...

الف شكر ليكى نانا على التامل الرائع
والرب يبارك حياتك

[كاترين]

رغم انه ممكن يكون التأديب والتوجيه وكل حاجة بس لازم يكو فيه قبول وحب
بالتوازى .. لازم رسالة "انا بحبك زى ما انت " توصل
حلو قوى قوى قوى
بجد تامل راااااااااااااااائع
ربنا يعوووووووووووووووووووووضك
شكرررررررررررررررررا

[Team Work®]

الخطية مهما كانت صغيرة فا هى خطية بس احنا كدة من طبيعتنا كا بشر لازم نحلل لنفسينا كل حاجة

اشكرك جدا جدا جدا على التأمل وربنا يعطيكي نعمة وبركة امين

[nana222]

شكرا team work على مرورك الجميل

[nana222]

شكرا كاترين على مرورك الجميل

[nana222]

شكرا عادل على مرورك الجميل