المساعد الشخصي الرقمي

مشاهدة النسخة كاملة : باقي موضوع كيفية محاربة العادة السرية


روبي دلوعة بابا
11-08-2008, 06:34 PM
انا جتلكم النهاردة بالجزء التاني من موضوع كيفية محاربة العادة السرية
يارب تستفادوا منة كلكم




لقراءه موضوع الجزء الاول (http://www.orsozox.com/forums/f37/t19673/) كيفية محاربة العادة السرية (http://www.orsozox.com/forums/f37/t19673/) هنا (http://www.orsozox.com/forums/f37/t19673/)


ثانيا : الحلول الأيجابية :
اما المعالجة الأيجابية فهى معروفة وهى الحياه فى جو روحى كامل بعيد تماما عن هذا العالم الشرير :
أهم حاجة تبدا بيها انك تدخل الاوضة بتاعتك وتقفل باباها وتقف قدام ربنا تكلمه بكل صراحة عن ضعفاتك وتقوله انا نفسى أرجعلك يارب وأبقى كويس وارضيك وافرح قلبك . انا يارب مش بخونك لما بعمل الخطية لكن انا ضعيف وبعملها غصب عنى . بعملها عشان هى مسيطرة عليا مش عشان انا بحبها .... (( صلى لربنا بكل حاجة انت حاسسها ......))
وبعد لما تصلى جاهد لتنفيذ هذه النقاط :
1. لازم اب اعترافك يحددلك قانون صلاة يومى من الأجبية ولازم تلتزم به امام الله واب اعترافك واليوم اللى تخالف فيه القانون ده ولم تتممه كاملا يعتبر عليك خطية ويجب ان تعترف بيها.
لازم تفهم ان اهم حاجة فى الحياه الروحية هى الصلاة ومفيش جهاد اعظم منها . هى الفضيلة الوحيدة اللى بتربطك بربنا . وصدقنى لو تعودت الوقوف امام الله فى الصلاة هتخجل من انك تعمل الخطية . أبدأ بقانون بسيط لكن لازم تبدأ ويكون لك قانون صلاة تنمو فيه مع الأيام. " صلوا لكي لا تدخلوا في تجربة ( لو 22 : 40 ) "2.

الأنتظام على الأعتراف على الأقل مرة شهريا وعايز اقولك حاجة مهمة . انك لازم تعترف بكل شئ صغير وكبير وتثق ان كل خطية انت بتعترف بيها قدام ابونا فى نفس اللحظة دى شيطان الخطية دى بيتحرق وبتتحرر منها لكن اى خطية انت هتخجل تعترف بيها هتفضل مستعبد ليها . "ان اعترفنا بخطايانا فهو امين و عادل حتى يغفر لنا خطايانا و يطهرنا من كل اثم ( 1يو 1 : 9 ) "

3.التناول مرة فى الأسبوع على الأقل . التناول نعمة لا تقدر بمال وكل يوم موجودة قدامنا على المذبح خلاص لنفوسنا وارواحنا وأجسادنا " من ياكل جسدي و يشرب دمي فله حياة ابدية و انا اقيمه في اليوم الاخير ( يو 6 : 54 ) "

4. قراءة الكتاب المقدس بصفة يومية وبأنتظام وبترتيب فى القراءات وليس قراءات عشوائية . وتحويل هذا الكتاب إلى حياه . على الأقل تاخد ايه كل يوم من قراءاتك وتحفظها وتحاول تطبيقها . وياريت كمان لو استعنت بتفاسير فى اى جزء تقراه عشان القرأه بتفاسير بتكون أعمق واقوى " هلك شعبي من عدم المعرفة ( هو 4 : 6 ) "

5. القراءات الروحية مهمة جدا وخصوصا فى سير القديسين والشهداء وخصوصا القديسات والشهيدات عشان تقدر تعرف وتدرك ان فى نساء كتير عاشوا الطهارة وعشان تساعد افكارك اللى تلوثت بالمناظر الجنسية ان المرأه مش مخلوقة للجنس لكنها قدرت تبقى قديسة وشهيدة . " لهذا تضلون اذ لا تعرفون الكتب و لا قوة الله ( مر 12 : 24 ) "

6. القراءة عن الأبدية والدينونة فأن الذى لا تربطه المحبة بالله قد يربطه به الخوف . وان كان الخوف درجة أقل ولكنه يصلح ان يكون فى موضوعنا هذا كدرجة إبتداء " رأس(بداءة) الحكمة مخافه الرب (مز 111: 10 ) " أقرأ عن الملكوت والموت والدينونة وعقوبة الأشرار أقرأ عن النفس ومصيرها وحالتها فى مكان انتظارها . واحضر الجنازات وسير فى مواكب الموتى وعزى أسر المنتقلين .. والأثر العميق الذى يتركه فى نفسك كل ده لا تضيعه سريعا وانما استغله لتجلس إلى نفسك وتفكر فى مصيرك وتعمل أعمال تليق بالتوبة .

7. اتفرج على افلام دينية كتير . سير القديسين والأفلام هتزرع فيك شهوة للحياه المقدسة والعيشة زى القديسين . عايز اقولك ان الأفلام دى جميلة جدا وبتوصلك حاجات مهمة مش ممكن تعرفها عن القديسين غير لو شفت افلامهم ... كمان فايدة الأفلام الدينية انها هتغنيك وتحل مكان أفلام السينما الهيفة بتاعت اليومين دول . " انظروا الى نهاية سيرتهم فتمثلوا بايمانهم ( عب 13 : 7 ) "

8. الألتزام بكل صيامات الكنيسة طوال السنة . وتأكد ان الأيام اللى هتكون صايم فيها دى هيا اقوى فترة روحية هتكون ليك لأن الصوم ده ذبيحة حب لربنا . وخد بالك ان الصيام لازم يكون فيه فترة انقطاع عشان الصوم من غير أنقطاع ميبقاش صوم . " ليس بالخبز وحده يحيا الانسان بل بكل ما يخرج من فم الرب يحيا الانسان ( تث 8 : 3 ) "

9. واظب على حضور اجتماعات فى الكنيسة سواء اجتماع شباب او اجتماع عام لآنك هتسمع فيها كلام ربنا وهتشترك فى مسابقات تشغل وقت كتير عندك وهتتعرف على اصدقاء من الكنيسة ناس كويسين يساعدوك انك تلاقى أصدقاء حقيقين ويقربوك لربنا اكتر. " لانه حيثما اجتمع اثنان او ثلاثة باسمي فهناك اكون في وسطهم ( مت 18 : 20 ) "

10. حاول تشترك فى اى خدمة بسيطة فى الكنيسة على الأقل فى البداية لو مش متعود على الخدمة . شوف خدمة مثلا مواعيدها مرة فى الأسبوع . بس لازم تخدم عشان تخرج من القوقعة اللى انت عايشة فيها دى . " وحيث اكون انا هناك ايضا يكون خادمي ( يو 12 : 26 ) "

11. أهتم انك دايما تشغل ترانيم فى البيت والحان ومزامير عشان دى بتطرد الشياطين من البيت بدل ما تشغل الأغانى اللى ممكن تزرع فيك افكار تضرك وتدخلك الشياطين . ثق انك طول ما انت بتعيش نفسك فى اى حاجة تبع العالم يبقى الشيطان موجود معاك وشغال .

12. التأمل أمام ايقونة لصليب رب المجد يسوع المسيح . ضع صورة كبيرة فى حجرتك للسيد المسيح وهو على الصليب وتأمل فيها وكيف تحمل الأهانة والتعيير والصلب لكى يعطيك حياه نقية جديدة وانت بجهلك لوثتها " مجروح لاجل معاصينا مسحوق لاجل اثامنا ( اش 53 : 5 ) "

13. اخر حاجة هقولهالك ودى اهم حاجة بقى اللى بيها هتقدر تحافظ على كل جهادك الروحى فى النقط السابقة . انك لما تقرر التوبة والرجوع أكيد الشيطان مش هيسيبك خالص وهيفضل يحاربك ويفكرك بالخطية ولذتها عشان ترجع تانى ويوقعك .. فعشان بقى تقاوم الحرب دى من اولها وتتغلب عليها فى البداية لآنك لو سبت نفسك للفكر يستمر معاك نهايتك هتكون السقوط .. ولذلك هقولك نصائح الشيخ الروحانى القديس يوحنا سابا عن كيفية محاربة شيطان افكار النجاسة والشهوة من بدايتها عشان تقدر تنتصر :
اول لما تحس ان الشيطان بدأ يفكرك باى خطية ترسم نفسك بعلامة الصليب كتير وانت بتردد بأسم الصليب باسم الصليب باسم الصليب كتير وكذا مرة تقولها
وترسم علامة الصليب كمان على الأربع اركان الحجرة اللى انت قاعد فيها ولازم تثق انك وانت بتعمل كده الشياطين اللى حواليك بتتحرق بالنار من علامة الصليب الى بترسمها وكتير من اباء البرية كان ربنا بيفتح عيونهم ويخليهم يشوفوا الشياطين وهى بتتحرق بالنار لما بيرسموا علامة الصليب عليهم

واثناء محاربتك للشياطين دول وانت بترسم علامة الصليب على نفسك وعلى الحجرة بأستمرار فى ثلاثة اشخاص لازم تنادى عليهم عشان يلحقوك وتتشفع بيهم
التلاتة دول : الملاك ميخائيل والشهيدة مارينا والشهيدة يوستينا
التلاتة العمالقة دول بالذات كل الشياطين بتترعب بس من مجرد ذكر اساميهم عشان كان ليهم مواجهات مباشرة مع الشياطين وسحقوهم فيها وخصوصا قوى الملاك ميخائيل مرعب الشياطين. وتأكد ان اول لما تنادى عليهم هيجوا فى لحظتها ويربطوا كل الشياطين اللى بتحاربك ويولعوا فيهم بالنار ويساندوك .

كمان تردد اسم ربنا يسوع كتير (( ياربى يسوع ارحمنى انا الخاطي – ياربى يسوع اعنى انا الخاطي – ياربى يسوع انقذنى انا الخاطي ........... ))
ومهم انك تسكب نفسك لربنا فى الصلاة وتطلب منه بلجاجة انه يرحمك ويرفع عنك عشان انت ضعيف محتاج معونتة وقوتة تسندك

عايز انبهك لحاجة مهمة كمان ..... انك كنت أبن للشيطان ودلوقتى انت عايز تكون ابن لربنا
ومش ممكن الشيطان هيسيب تعبه الفترة اللى فاتت دى كلها يضيع كده بسهولة لما تتوب وتبعد عن طريقه الدنس
عشان كده الحرب الفترة الأولى دى هتكون عنيفة عليك . وانا مش بخوفك بالعكس انا بقولك عشان تحضر نفسك كويس للحرب واقرأ الموضوع ده كذا مرة وركز فى نقاطه وخصوصا نصايح القديس يوحنا سابا عشان لو التزمت بيها هتحافظ على حاجات كتير قوى

انا عارف ان كلامى صعب ومش سهل يتنفذ وعارف انك بتعمل الخطية غصب عنك عشان نفسك تعمل الصح ومش قادر .. لكن ثق اننا بانفسنا ضعاف جدا لكن طالما بندخل ربنا معانا فى كل حرب وبنادى عليه ونستغيث به أكيد مش هيسبنا نسقط لأننا ولاده .

خليك فى جهادك واثبت فيه إلى ان تنتشلك يد الله ... وثق ان ربنا شايف كل حاجة وكل جهاد بتعمله من اجله وهو حافظه عنده ومش ناسيه وهيكافئك عليه .لكن لو حصل وانت فى طريق جهادك وسقطت إياك نهائى من اليأسلا تيأس ابدا فى جهادك مهما بدت الحرب صعبة عليك

انا عايزك وانت فى عز ضعفك وانت لسه عامل العادة السرية دلوقتى تقف تصلى لربنا.. صدقنى دة اكتر وقت ربنا يستجيب فية. عارف لية ؟؟؟ لان شيطان اليأس اللى هو اعظم شيطان فى الشياطين كلهم . مش بيجى للانسان غير بعد ما يقع ويغلط وانت لما تقف تصلى بعد الخطية على طول بتهزم اقوى شيطان ممكن يسيطر عليك ومش بس كدة دة انت بتاخد اكليل كمان بصلاتك لربنا وهو ((أكليل الرجاء)) شوفت ربنا دة حنين قد ايه .. الواحد يبقى لسة جارحه بخطيتة لكن مجرد انة يجى يكلمة.. ربنا يديله اكليل على طول .

وإياك ان شيطان اليأس يزرع فيك افكار انك إزاى يكون لك وش تقف قدام ربنا وانت لسه عامل الخطية واهانته . لازم تفهم ان ربنا مش بشر زينا عشان لما تغلط فيه ميعبركش تانى لكنه أب حنون بيحب ولاده ولو ولاده غلطوا فيه بيستنى يرجعوا يتأسفولوا مش ينفصلوا عنه خالص

وعلى فكرة الكلام اللى بقولهولك دة مكتوب فى قصة فى كتاب(بستان الرهبان) كانت قصة راهب متوحد فى مغارة وكل يومين تلاتة يجيلة الشيطان فى هيئة امرأة جميلة ويغريه ويوقعة فى الزنا وبعد ما الشيطان يسيبة ويمشى ... الراهب يركع ويصلى لربنا ويبكى بالدموع وكان فعلا بيقدم توبة حقيقية عشان ربنا يساعده وكان الراهب ده يقول للشيطان لما يسيبه (( انت بتضرب بسلاح الزنا والنجاسة وانا بضرب بسلاح الرجاء فى رحمة ربنا لحد لما نشوف مين اللى هيكسب فى الأخر .. نجاستك ولا رحمة ربنا )) لكن بعد يومين يجيلة تانى الشيطان و يوقعة فى الزنا بسبب ضعفة ولما الشيطان يمشى ... الراهب يقف يصلى ويبكى بعد الشيطان مايخرج. فضل على الحال دة 17 سنة .. تخيل !!!
وبعد 17 سنة ظهر الشيطان للراهب دة على هيئتة الحقيقية السودا البشعة وقالة (( انت اية يا أخى ... مش عايز تيأس من خلاص نفسك. انا خلاص قررت اسيبك لانى لو استمريت معاك اكتر من كدة هديلك اكليل الرجاء بدل ما كنت جاى اخد منك اكليل ابديتك )) ومن بعدها ربنا رفع عنه الحرب دى وعاش فى قمة الطهارة والعفة إلى ان تنيح بسلام .

معلومة مهمة وأخيرة لازم تكون واثق فيها أثناء حربك وجهادك ان فى ملايكة وقديسين كثيرين يتشفعون ويصلون لك دون ان تطلب منهم لآن كل ما يشغل السمائيين هو ان الأرضيين يخلصوا " فقال لا تخف لان الذين معنا اكثر من الذين معهم ( 2مل 6 : 16 ) "

+ جهز نفسك من دلوقتى وقدس أفكارك وأعضائك حتى تستحق ان تلبس الثياب البيض وتضرب بقيثارة الروح وترنم الترنيمة الجديدة أمام عرش النعمة مع كل القديسين اللى سبقونا للسما تلك الترنيمة التى قال عنها يوحنا الحبيب أنه لم يستطع احد ان يتعلمها إلا " الذين لم يتنجسوا مع النساء لانهم اطهار ، هؤلاء هم الذين يتبعون الخروف حيثما ذهب ( رؤ 14 : 4 ) "
بتمنى تستفيد بكل حرف فى الموضوع ده عشان ده فيه خلاص نفسك وعايزك تثق ان اللى كاتبلك الكلام ده ربنا بنفسه هو اللى بعتهولك انت شخصيا .
ربنا معاك ويحافظ عليك ويعوضك فى ملكوته

elphilasouf
11-09-2008, 05:55 PM
ميرسي كتير يا روبى ع اهتمامك
وتنزيل الجزي التانى من الموضوع
ربنا يعوض تعبك الحلو ده
وانا مفيش تعب عليا او حاجه خالص
انا مسعدتش باي حاجه خالص

روبي دلوعة بابا
11-09-2008, 08:39 PM
ميرسي كتير يا روبى ع اهتمامك

وتنزيل الجزي التانى من الموضوع
ربنا يعوض تعبك الحلو ده
وانا مفيش تعب عليا او حاجه خالص

انا مسعدتش باي حاجه خالص










ميرسي ليك ياجورج ياقمرعلي ذوقك بس بلاش تواضع بقي لاني مكنتش هاعرف انزل الجزء التاني فعلا الا بمساعدتك
بجد ميرسي وربنا يفرح قلبك

elphilasouf
11-10-2008, 12:33 AM
تواضع مين ده بس
انا لو عشان اخدت جزء من الموضوع وبعتهولك وقولتلك تنزيله فى موضوع لوحده
ابقى عملت حاجه
امال انتى ياللى جبتى الموضوع الحلو ده
تبقى عملتى ايه

ميرسي جدا تانى لموضوعك ومستنيين المزيد
ربنا يباركك ويعوضك

اس اسامة عوض
11-11-2008, 01:55 PM
من لا عمل لة يوجد ابليس عما لة
الانسان كل ما يجاهد فى عمل الخير
والشغل ابليس مش هيلاقى مكان فى حياتو

روبي دلوعة بابا
11-13-2008, 12:10 AM
[quote=اس اسامة عوض;293828]من لا عمل لة يوجد ابليس عما لة



اللة بجد كلمة جميلة جدا جدا جدا
ربنا يباركك ويعوضك
ميرسي ليك علي ردك ياقمر

ZEZOMERO
11-13-2008, 12:16 AM
بجد موضوع جميل اوى
يا روبى وشكرا لتعبك فى تنزيلو انتى وفيلو

موضوع جميل زى الجزء الاول

روبي دلوعة بابا
11-13-2008, 12:14 PM
بجد موضوع جميل اوى

يا روبى وشكرا لتعبك فى تنزيلو انتى وفيلو


موضوع جميل زى الجزء الاول



ميرسي ليك ياقمر علي ردك ومشاركتك
وربنا يفرح قلبك

عادل كمال
11-20-2008, 04:42 PM
فعلا جميل جداهذه الحلول الايجابية والسلبية وأنا شخصيا كأمين خدمة ثانوى وتعرضت لهذة المواضيع كتير واتكلمت فيها كتير لكن بأمانه اتبسطت جدا من الجزئين وطريقة عرضهم وترتيب أفكارهم وان شاءالله سوف أقتبس منهم فى المرات القادمة بعد إذن حضرتك وربنا يعوض تعب محبتكم على إستفادتنا من هذا المندى الجميل وشكرا

روبي دلوعة بابا
11-21-2008, 05:09 PM
فعلا جميل جداهذه الحلول الايجابية والسلبية وأنا شخصيا كأمين خدمة ثانوى وتعرضت لهذة المواضيع كتير واتكلمت فيها كتير لكن بأمانه اتبسطت جدا من الجزئين وطريقة عرضهم وترتيب أفكارهم وان شاءالله سوف أقتبس منهم فى المرات القادمة بعد إذن حضرتك وربنا يعوض تعب محبتكم على إستفادتنا من هذا المندى الجميل وشكرا


ميرسي جدا ليك يا عادل علي مرورك وردك الجميل
وميرسي ليكوا كلكم علي تشجعكم ليا
وربنا يعوض تعب محبتكم

Malak sokar
11-29-2008, 10:29 PM
موضوع رائع ياروبي ربنا يباركك

ramymegaly
12-06-2008, 10:53 PM
بجد ربنا يعوضكم خير

عادل بغدادي
12-22-2008, 11:47 PM
بسببك هترجع ناس كتير من الي ماشين فيه وده اكليل ليك مش هقولك اكتر من كدة

مرمر8
12-28-2008, 12:47 AM
مش عارفة اشكرك ازاى ربنا يدينا انه يكون درعنا فى الحروب...................................... ......صلوا لاجلى

ramram
12-30-2008, 04:02 PM
بالنسبة لمحربة العادة السرية عندى حل احب اضيفة هو عمل الميطنيات باستمرار وفى كل ميطانية تقول يارب يسوع المسيح اغفر لى الخطية كذا....لان عمل الميطانية يعتبر انسحاق للروح

ramram
12-30-2008, 04:11 PM
شكرا لك يااحلى روبى لانك انقذتى شباب كتير وشجعتيهم عن ترك الخطية الوحشة دى والمسيح يحميكى وياريت تنزلى لينا مواضيع عن كيفية الأعتراف عن خطية معينة وانا مكسوف منها جدا ربنا يعوضك .

aymonded
12-30-2008, 04:17 PM
أشكرك على تعبك لأجل هذا الموضوع
ولكن همتك جملة خطيرة تعيق التوبة الصادقة ، لا ينبغي أن أحد يقولها لأنها تملص من المسئولية الشخصية وهي : [ وبعملها غصب عنى ]
غصب عني = عدم الإدراك الواعي للإنسان ، لأن هذا لا يحدث إلا لو كان هناك مرض نفسي أو مشكلة نفسيه تعيقه !!!

وموضوع العادة السرية ، هي مشكلة في ذات الإنسان وانحصاره في ذاته، بمعنى التقوقع في النفس ، والحل الحقيقي يأتي من المصالحة مع النفس وتفهم عمق الجنس ومعناه الإنساني في قصد الله من وجوده في حياة الإنسان ، ومصالحة الإنسان مع نفسه والسمو بالجنس بحياة الحب الأصيل مع الله أولاً ومع كل آخر ، بالبذل والعطاء وأن يتم تسمير كل الأعضاء في صليب ربنا يسوع ، متمتعاً بخبرة القيامة وحرية البنين في ربنا يسوع له المجد ...
" و لكن الذين هم للمسيح قد صلبوا الجسد مع الأهواء و الشهوات " (غل 5 : 24)

الحل الخارجي حل مؤقت وسينتهي ويعود الإنسان مرة أخرى لهذه العادة ، يا أما ينحرف عن مسيرته بأي شكل أو صورة أو يعود للخطية بشراهة أكثر ...

وأول طيرق التوبة هو الاعتراف بمسئوليته عن قبول الشهوة وعدم السعي لمحبة الله ، لأن سبب تكرار كل خطية هو قلة المحبة لله بصق القلب ...

أشكرك حقيقي على موضوعك واهتمامك الحلو يا محبوبة الله
أقبلي مني كل تقدير في شخص ربنا يسوع
النعمة معك كل حين

aymonded
12-30-2008, 04:30 PM
شكرا لك يااحلى روبى لانك انقذتى شباب كتير وشجعتيهم عن ترك الخطية الوحشة دى والمسيح يحميكى وياريت تنزلى لينا مواضيع عن كيفية الأعتراف عن خطية معينة وانا مكسوف منها جدا ربنا يعوضك .

محبوب الله الحلو راجع موضوعات قسم كلام في الممنوع وحوار من الأعماق لأننا تكلمنا كثيراً عن موضوعات سرّ التوبة والاعتراف وكيفية الاعتراف عن الخطايا والأرشادات الأبائية في التوبة ، في قسم المرشد الروحي ؛ أرجو متابعتها لأن فيها خلاصة خبرة التوبة الحقيقية ، وخبرات آباء الكنيسة وإرشادهم الحلو ...

أقبل مني كل تقدير ، وسلام الله الي يفوق كل عقل يملأ قلبك وحياتك كلها على الدوام ...
المجد لربنا يسوع الذي أحبنا ووهبنا عمق اتساع النعمة الحلو
النعمة معك يا محبوب الله

elphilasouf
12-30-2008, 07:06 PM
وموضوع العادة السرية ، هي مشكلة في ذات الإنسان وانحصاره في ذاته، بمعنى التقوقع في النفس ، والحل الحقيقي يأتي من المصالحة مع النفس وتفهم عمق الجنس ومعناه الإنساني في قصد الله من وجوده في حياة الإنسان ، ومصالحة الإنسان مع نفسه والسمو بالجنس بحياة الحب الأصيل مع الله أولاً ومع كل آخر ، بالبذل والعطاء وأن يتم تسمير كل الأعضاء في صليب ربنا يسوع ، متمتعاً بخبرة القيامة وحرية البنين في ربنا يسوع له المجد ...
" و لكن الذين هم للمسيح قد صلبوا الجسد مع الأهواء و الشهوات " (غل 5 : 24)

الحل الخارجي حل مؤقت وسينتهي ويعود الإنسان مرة أخرى لهذه العادة ، يا أما ينحرف عن مسيرته بأي شكل أو صورة أو يعود للخطية بشراهة أكثر ...

استاذ ايمن انت بتعقدنا ليه ؟؟
انا مش فاهم اي حاجه من الكلام ده
ايه انحصرها فى النفس وايه التقوقع ده
انجليزي ده يا محبوب ربنا يسوع المسيح والسيده العذراء مريم ام الاله وملائكه الرب يسوع والقديسين والاباء والبطركه والمطرنه والاساقفه والقسوس والشمامسه والشعب وانا ؟؟؟

aymonded
12-30-2008, 07:48 PM
هههههههههههه
يا أحلى غالي على ما أظن أننا شرحنا الموضوع ده أكتر من مرة ؛ والمفروض تكون اخدت على هذه المصطلحات يا جميل ...

عموماً المقصود كله أن الإنسان في حالة التقوقع ، أي الانحصار في ذاته ، يعني لا يقدر أن يقيم علاقة مع آخر ، فبيقيمها مع نفسه في شكل تفريغ لطاقته الجنسية ، أي حالة ما من النرجسية ، وعدم القدرة على إقامة علاقة مع آخر في تبادل المحبة ، وتُسمى هذه الحالة حب الذات والانحصار فيها !!!

وأن لم يخرج منها الإنسان فسينحصر فيها وتقوده للانفصال عن الآخرين من جهة العلاقة السوية ؛ حتى أنه يصير فيما بعد ، غير قادر على إقامة سوية مع شريكة حياته ، وعموما سأشرح هذه المصطلحات مرة أخرى بصورة مفصلة ومبسطة وأمثال واقعية ، حتى يتثني للجميع ان يفهمها ...

النعمة معك يا محببو الله الحو جداً في ربنا يسوع
وأرجو أن أكون وضحت ولو القليل

elphilasouf
12-30-2008, 09:18 PM
هههههههههههههههههههههههه
اه كده الواحد يفهم
هو ده العربى الى يتفهم
ههههههههههههههههه
ميرسي ع التوضيح
ربنا يعوضك

aymonded
12-30-2008, 09:21 PM
هههههههههههههههه
انا ناوي اتوسع واعمل كورس كامل في اللغة العربية
ربنا يخليك لينا يا جميل
واشكر صاحبة الموضوع أختنا الحلوة جداً في ربنا يسوع
النعمة معك ومعها كل حين

يحنا1975
12-31-2008, 03:53 PM
كتابة ناظجة و فكر طاهر و هدف سامي
شكرا" للرب مجدا" للرب هللويا
آمين

الناى الحزين
01-06-2009, 03:29 AM
استاذ ايمن انت بتعقدنا ليه ؟؟
انا مش فاهم اي حاجه من الكلام ده
ايه انحصرها فى النفس وايه التقوقع ده

انجليزي ده يا محبوب ربنا يسوع المسيح والسيده العذراء مريم ام الاله وملائكه الرب يسوع والقديسين والاباء والبطركه والمطرنه والاساقفه والقسوس والشمامسه والشعب وانا ؟؟؟


ما تكتب المجمع المقدس كله بالمره



هههههههههههه
يا أحلى غالي على ما أظن أننا شرحنا الموضوع ده أكتر من مرة ؛ والمفروض تكون اخدت على هذه المصطلحات يا جميل ...



النعمة معك يا محببو الله الحو جداً في ربنا يسوع


وأرجو أن أكون وضحت ولو القليل




صدقنى لو شرحتله اسبوع برضوا مش هيفهم
اصل الواد ده غبى انا عارفه من ايام ما كنت بدرسله فى مدرسه البارودى



هههههههههههههههههههههههه

اه كده الواحد يفهم
هو ده العربى الى يتفهم
ههههههههههههههههه
ميرسي ع التوضيح
ربنا يعوضك



قال يعنى فهم اخينا



هههههههههههههههه

انا ناوي اتوسع واعمل كورس كامل في اللغة العربية
ربنا يخليك لينا يا جميل
واشكر صاحبة الموضوع أختنا الحلوة جداً في ربنا يسوع
النعمة معك ومعها كل حين



لألألألألأ
ارجوك يا عم ايموند تتوسع ايه
كدا الموضوع هيكبر وهيفلت من ايدينا ومش هنعرف نلم الموضوع
الله يخليك كدا كفايه وفله قوى

نبيل نصيف جرجس
01-10-2009, 03:00 PM
ميرسى يا روبى تكونى بركة لكل اخواتك ربنا يعوضك

tefa_14
01-13-2009, 08:03 PM
الله علي الكلام الجميل ده ياروبي وربنا يباركك علي المجهود الرائع لنقل الموضوع لكا الاعضاء

drbechoysamy
01-16-2009, 10:47 PM
hey to all
i have a quick solution for this sin
1 - إهرب :
" أما الشهوات الشبابية فإهرب منها " 2تى22:2
2- إشبع :
" النفس الشبعانة تدوس العسل ، والنفس الجعانة كل مر حلو "
3 - تحفظ :
تحفظ فى كلامك فى مشاهداتك فى أصحابك وفى كل شئ
4- قاوم :
قاوم بكل جهدك
5- لا تيأس :
إذا قررت أن تتوب ووقعت بعدها لا تيأس أبداً
thx for all

samola_am
02-11-2009, 02:22 AM
ميرسى يا احلى روبى على موضعاتك الجامدة د ايما و ربنا يعودك ياريت المزيد من الموضوعات علشان نستفاد اكتر

نبيل نصيف جرجس
02-15-2009, 04:41 PM
موضوع جميل اوى يا بنت ابوكى ربنا يحافظ على عفة ولادة وطهارتهم
ويجعلهم مقدسين كى نستحق ان ناخز القدوس
ربنا يباركك ويعوضك

الحب المفقود
03-30-2009, 08:27 PM
الله موضوع حلو خالص وحاجات تنفيذها محتاج معونه ربنا توبنى يارب فأتوب

miro_rook
04-28-2009, 11:50 AM
مرسي كتير وربنا يعوضك كتير اواي