ادوات التعريف فى اليونانية القديمة [الأرشيف]

chrestianus

11-09-2008, 12:05 PM

بسم الثالوث الأقدس

فى الحقيقة سعدت جدا بوجود مثل هذا القسم فى منتدى مسيحى نظرا لاهمية اللغة اليونانية فى دراسة الكتاب المقدس فالاهتمام بها كلغة العهد الجديد يجب أن يشغل بال كل دارس للكتاب المقدس

سأضع نقاط عامة عن اللغة اليونانية بمثابة مدخل للتعرف على اللغة من حيث قواعدها النحوية اما موضوع الابجدية وقواعد القراءة اعتقد انه سيتكفل بها الموضوع الاخر الموجود فى المنتدى

الأسماء
الاسماء فى اللغة اليونانية لها ثلاثة أنواع (Genders ) مذكر (masculine) ، مؤنث (feminine) ، محايد ( neuter ) ...
لهذه الاسماء حالات إعراب فى المفرد والجمع وهى
فاعل Nominative
منادى Vocative
مفعول به Accusative
مضاف إليه gen
قابل Ablative

الاسماء لها ثلاثة مجموعات Declensions
أولى 1st Declension
ثانية 2nd decl .
ثالثة 3rd decl

أدوات التعريف
يتم تصريف أدوات التعريف كالأسماء تماما أى لها Genders مذكر ومؤنث ومخايد ، ولها حالات اعراب فاعل ومفعول ومضاف وقابل ** اما المنادى اداة التعريف توضع نادرا وهى حرف الاوميجا فى المذكر والمئنث والجماد المفرد والجمع
أدوات التعريف كالتالى :

مذكر
ὁ - οἱ
τόν - τούς
τοῦ - τῶν
τῷ -τοῖς
مؤنث

ἡ -αἱ
τήν - τούς
τάς - τῶν
τῇ -ταῖς

جماد

τό -τά
τό - τά
τό - τῶν
τῷ - τοῖς

قريبا اسماء المجموعة الاولى

aymonded

11-09-2008, 12:17 PM

أشكرك حقيقي على تعبك الحلو معنا ونورت المنتدى كله بوجودك الحلو فيه
وأرجو أن تستمر معنا وتواظب على هذا القسم الذي يحتاج الكثير
ولك مني كل تقدير وشكر خاص على معونتنا في هذا القسم
أقبل مني كل تقدير بمحبة ، النعمة معك

chrestianus

11-09-2008, 12:34 PM

فى الحقيقة لم تقرأ اسمى جيدا انا كريستيانوس يعنى مسيحى باللاتينى
شكرا على كلامك الجميل ده
وربنا يدبر ونكمل باقيت الجرامر بس انت ظبط الاول الحروف والفوناتكس عشان يبقى مدخل كويس للناس
ولك منى تحياتى

aymonded

11-09-2008, 12:41 PM

الله يخليك أنا فعلاً مش خدت بالي من الأسم ، فسامحني يا جميل وهاظبط الموضوع ، بس حقيقي أشكرك جداً على اهتمامك واتمنى أنك تفضل معانا على طول وتساعدنا في هذا القسم
أشكرك باسم ربنا يسوع على تعبك يا جميل ، اقبل مني كل احترام وتقدير لشخصك المحبوب
النعمة والبركة والسلام من فم إلهنا القدوس معك كل حين

jojo2020

11-16-2008, 11:49 AM

سلام للكل انا جوجو انا فى اولى اثار وعايزة اتعلم اليونانى واللاتينى وبشكركوا جدا على المساعدة دى وربنا معاكم

jojo2020

11-21-2008, 05:04 PM

انتو فين يا جماعة انا عايزة مساعدة:10300:

مهند الكربولي

11-21-2008, 10:31 PM

انا حصلت على منحة دراسية من منظمة يونانية لدراسة الدكتوراة في التاريخ التخصص الدقيق هو تحقيق المخطوطات
لو سمحت انا ابحث عن شخص يعلمني اللغة اليونانية بالنطق فيها فهل ممكن ذلك لشخص يساعدني شاب او شابة ارجو ذلك.
انا اعيش حاليا في (اليونان _ اثنا _ زغرافو حي انو اليسا )
اخوكم
مهند الكربولي

aymonded

11-22-2008, 02:37 AM

سلام للكل انا جوجو انا فى اولى اثار وعايزة اتعلم اليونانى واللاتينى وبشكركوا جدا على المساعدة دى وربنا معاكم

انتو فين يا جماعة انا عايزة مساعدة:10300:

انا حصلت على منحة دراسية من منظمة يونانية لدراسة الدكتوراة في التاريخ التخصص الدقيق هو تحقيق المخطوطات
لو سمحت انا ابحث عن شخص يعلمني اللغة اليونانية بالنطق فيها فهل ممكن ذلك لشخص يساعدني شاب او شابة ارجو ذلك.
انا اعيش حاليا في (اليونان _ اثنا _ زغرافو حي انو اليسا )
اخوكم
مهند الكربولي

نورتم المنتدى كله يا أحلى أخ إخوة أحباء نفخر بوجودهم معنا
بس موضوع حد يساعد في تعليم اللغة اليونانية أعتقد صعب كتير ...

أحنا يا دوب بنفك الخط ، وفينا لسه لا زال إلى الآن تحت الدراسة في اللغة والبعض مبتدأ فيها ، وأنا عن نفسي لم يُعلمني أحد بل أنا تعلمت من نفسي ، من خلال بعض الكتب والمراجع اللغوية ، ولكن لا أعرف النطق السليم وبراجع كل ما أكتبه على كتب ومراجع متخصصين في اللغة اليونانية القديمة .
وربنا يسهل ويبعت لينا حد يكون متخصص في اللغة اليونانية يساعدكوا يا أحلى إخوة أحباء

أقبلوا مني كل تقدير واحترام يا أغلى إخوة أحباء في ربنا يسوع
النعمة معكم كل حين

maro52

11-29-2008, 09:54 PM

سلام للكل انا جوجو انا فى اولى اثار وعايزة اتعلم اليونانى واللاتينى وبشكركوا جدا على المساعدة دى وربنا معاكم

سلام ليكي يا قمر انا في 4 حضاره وباخد يوناني قديم ويوناني حديث ولاتيني قوليلي انتي عايزه ايه بالظبط وباذن المسيح اقدر اساعدك

jojo2020

12-01-2008, 01:26 PM

ميرسى يا مارو انا بجد باشكر ربنا انى لقيت حد جميل يساعدنى انا كنت عايزة شرح ازاى نصرف الافعال الاتينى عشان الدكتور قال انا مش هاشرحهم وهم 5 باين وقالنا ان 50 فى المية هايسقط كل دة عشان رنة موبايل وانا خايفة جدا وشكرا يا مرمورة

maro52

12-01-2008, 11:07 PM

[quote=jojo2020;308857]ميرسى يا مارو انا بجد باشكر ربنا انى لقيت حد جميل يساعدنى انا كنت عايزة شرح ازاى نصرف الافعال الاتينى عشان الدكتور قال انا مش هاشرحهم وهم 5 باين وقالنا ان 50 فى المية هايسقط كل دة عشان رنة موبايل وانا خايفة جدا وشكرا يا مرمورة[/quote
عنيي حاضر هجهزهملك واجيبهملك بس كنت عايزه اعرف ينفع احطهملك هنا ولا القسم ده لليوناني فقط

jojo2020

12-02-2008, 08:07 PM

تسلم عنيكى يامرمورة يا حبيبتى وميرسى ليكى بجد حطيهم فى الحتة اللى تعجبك ولا انت اية رايك يا استاز ايمن؟ وربنا معاكوا دايما

aymonded

12-02-2008, 11:50 PM

تسلم عنيكى يامرمورة يا حبيبتى وميرسى ليكى بجد حطيهم فى الحتة اللى تعجبك ولا انت اية رايك يا استاز ايمن؟ وربنا معاكوا دايما

رأيي في إيه !!!
ما انتم عملتوا الواجب وزيادة ، وضعوا ما تشاءوا لأنكم حقيقي سبب فايدة كبيرة للمنتدى ولكل من يحتاج معونة في هذا المجال ، وحقيقي أنا أشكركم جداً على اهتمامكم الحلو واللي اسعدني جدااااااااااا فعلاً ، وأنا في منتهى السعادة أن في إخوة أحباء منورين القسم كله وهايضيفوا فيه خبراتهم الدراسية ، واتمنى أن يكون شغلكم وسطنا سبب فايدة ومعونة لكثيرين ، وحقيقي كنت بادور عليكم من زمااااااااااان لأجل الفايدة وإفادة الكل ...

أقبلوا مني كل تقدير حقيقي يا أغلى إخوة أحباء
النعمة معكم كل حين

maro52

12-03-2008, 06:24 PM

رأيي في إيه !!!

ما انتم عملتوا الواجب وزيادة ، وضعوا ما تشاءوا لأنكم حقيقي سبب فايدة كبيرة للمنتدى ولكل من يحتاج معونة في هذا المجال ، وحقيقي أنا أشكركم جداً على اهتمامكم الحلو واللي اسعدني جدااااااااااا فعلاً ، وأنا في منتهى السعادة أن في إخوة أحباء منورين القسم كله وهايضيفوا فيه خبراتهم الدراسية ، واتمنى أن يكون شغلكم وسطنا سبب فايدة ومعونة لكثيرين ، وحقيقي كنت بادور عليكم من زمااااااااااان لأجل الفايدة وإفادة الكل ...

أقبلوا مني كل تقدير حقيقي يا أغلى إخوة أحباء
النعمة معكم كل حين

ايه الكلام الكبير ده يا استاذ ايمن انا مش للدرجه دي
علي العموم يا جوجو هجهزلك كل الافعال واجيبهملك وربنا يدبر

maro52

12-03-2008, 06:32 PM

دروووووووووووووووووس لاتيني

maro52

12-03-2008, 06:45 PM

اولا اللاتيني يا جوجو فيه 3 مجموعات للافعال و5 مجموعات للاسماء هنبدا بالافعال

افعال المجموعه الاولي
تنتهي افعال المجموعه الاولي بالنهايه are في المصدر يعني مثلا فعل يحب هو فعل مجموعه اولي هيبقي amare
تتكون المجموعه الاولي من جذر+نهايه وعند تصريفه في زمن المضارع يوضع الجذر +حرف a وده حرف مميز للمجموعه الاولي وبعد ذلك تضاف النهايات الخاصه بكل شخص من الاشخاص

نفهم يعني ايه بقي الكلام ده عندك في الللاتيني 6 اشخاص 3 مفرد و3 جمع
متكلم مفرد /مخاطب مفرد/غائب مفرد/متكلم جمع /مخاطب جمع/غائب جمع
ودلوقتي هنصرف فعل amareفي ال6 اشخاص
الجذر+حرف المميز للمجموعه الاولي (a)+نهايات المضارع
مع المتكلم المفرد o
مع المخاطب المفرد s
مع الغائب المفرد t
مع المتكلم الجمع mus
مع المخاطب الجمع tis
مع الغائب الجمع nt
وطبعا لازم نحفظ النهايات دي ودي نهايات المضارع
ودلوقتي يلا نصرف فعل احب مع بعض

maro52

12-03-2008, 06:51 PM

جذر الفعل am
انا احب(المتكلم المفرد) am-a-o =amo عشان الاتينين مش بيحبوا حرفين متحركين ورا بعض فوقعوا حرف a
انت تحب (المخاطب المفرد) am-a-s=amaS
هو /هي يحب(الغائب المفرد) am-a-t=amat
نحن نحب(المتكلم الجمع ) am-a-mus=amamus
انتم تحبون (المخاطب الجمع) am-a-tis=amatis
هم/هن يحبون(الغائب الجمع) am-a-nt=amant

maro52

12-03-2008, 07:18 PM

ودلوقتي بقي هناخد الماضي المستمر مجموعه اولي
يصاغ بالاضافه الي علامه الماضي المستمر -ba-الي الجذر والحرف المميز (a) وتضاف نفس نهايات زمن المضاره فيما عداا المتكلم المفرد يضاف اليه النهايه mبدلا من 0
يلا نصرف مع بعض برضه مع ال6 اشخاص
المتكلم المفرد am-a-ba-m=amabam
المخاطب المفرد am-a-ba-s=amabas
الغائب المفرد am-a-ba-t=amabat
المتكلم الجمع am-a-ba-mus=amabamus
المخاطب الجمع am-a-ba-tis=amabatis
الغائب الجمع am-a-ba-nt=amabant
وطبعا يترجم بصيغه الماضي كنت احب وهكذا

maro52

12-03-2008, 07:24 PM

دلوقتي بقي نقول المستقبل مجموعه اولي
يصاغ زمن المستقبل باضافه العلامه -bi-الي الجذر والحرف المميز (a)بالاضافه الي نفس نهايات المضارع
يلا نبدا
المتكلم المفرد am-a-bi-o =amabo (وقعنا حرف ال i عشان مينفعش حرفين متحركين ورا بعض )
المخاطب المفرد am-a-bi-s=amabis
الغائب المفرد am-a-bi-t =amabit
المتكلم الجمع am-a-bi-mus=amabimus
المخاطب الجمع am-a-bi-tis =amabitis
الغائب الجمع am-a-bi-nt -amabunt (نلاحظ قلب حرف i في علامه المستقبل الي uعند تصريف الفعل مع الغائب الجمع)

maro52

12-03-2008, 07:27 PM

ونيجي بقي لزمن الامر وده اسهل واقصر زمن
ويصاغ بحذف النهايه re من المصدر ودلك بالنسبه للمفرد ama وده شكله
اما في حاله الجمع فتضاف النهايه te الي صوره الامر في المفرد amate

maro52

12-03-2008, 07:30 PM

وكده يبقي خلصنا افعال المجموعه الاولي في ازمنه المضارع والماضي المستمر والمستقبل والامر في الصيغه المبنيه للمعلوم

maro52

12-03-2008, 07:33 PM

بصي يا جوجو ذاكري المجموعه الاولي دي كويس و لو عايزه فيها اي حاجه انا تحت امرك وهجهزلك باقي المجاميع بس معلش اساليلي هما الافعال كام مجموعه انا عندي 4 بس

maro52

12-03-2008, 07:35 PM

وده موقع ممكن تراجعي منه اللاتيني
Latin Textbook: Wheelock's Latin (HTML) (http://humanum.arts.cuhk.edu.hk/Lexis/Wheelock-Latin/)

jojo2020

12-04-2008, 10:24 AM

jojo2020

12-04-2008, 10:48 AM

كل التعب دة عشانى انا يامارو ميرسى ليكى كتير كتير بس انا عارفة ان المحبة دى كلها نابعة من محبتنا الكبيرة فى بابا يسوع وثقى تماما ان ربنا عمرة ما هيسيبك زى ماانتى مش سيبانا انا فهمت المجموعة الاولى كويس جدا وهازاكرها وعلى فكرة انتى شرحك شبة الدكتور وابسط منة بكتيير والمجموعات هما 5 اخدنا منهم واحدة يبقى اربعة بس احنا علينا كمان المضارع التام والمستقبل التام والماضى البسيط والماضى التام بس انا فهمتم من طريقة شرحك وانا بشكرك كتييييير يا مرمورة

maro52

12-04-2008, 10:49 PM

aymonded

12-04-2008, 10:59 PM

انا بجد مش عارفة اشكركم ازاى شكرا ليك يا اخ ايمن وميرسى على تعبك وانا بشكرك عشان فكرة تعليم اللغات بجد انا بشكرك عشان خلتنى الاقى اخوات كبار ليا خايفين عليا وبيتعبوا عشانى انا وانا عايزة اقول حاجة ان ربنا مستحيل يضيع تعب اى حد فيكو وربنا معاكو

ولو اني مش مستحق شكر خالص لأني مش عملت حاجة فعلاً
أنا يادوب بحسس على الحروف وباعرف افك الخط بس في الكتاب المقدس ، وهاحاول جاهداً ، أن أضع قواعد اللغة كلها وتمارين عليها ، من كتاب قواعد اللغة اليونانية إصدار دير أنبا مقار
النعمة معك يا محبوبة الله وأحنا كلنا عنينا ليكي ؛ فقط أأمرينا

maro52

12-05-2008, 07:55 PM

ولو اني مش مستحق شكر خالص لأني مش عملت حاجة فعلاً

أنا يادوب بحسس على الحروف وباعرف افك الخط بس في الكتاب المقدس ، وهاحاول جاهداً ، أن أضع قواعد اللغة كلها وتمارين عليها ، من كتاب قواعد اللغة اليونانية إصدار دير أنبا مقار
النعمة معك يا محبوبة الله وأحنا كلنا عنينا ليكي ؛ فقط أأمرينا

يا استاذ ايمن انا عندي كتب قواعد كتيير لليوناني القديم بس كدراسه مش كتاب مقدس لو عايز اي حاجه انا تحت امرك

aymonded

12-05-2008, 08:15 PM

يا استاذ ايمن انا عندي كتب قواعد كتيير لليوناني القديم بس كدراسه مش كتاب مقدس لو عايز اي حاجه انا تحت امرك

طب خلاص حطي لينا القواعد هنا وتبقي عملتي فينا خير حقيقي
لأني مش عارف اكتب في إيه والا إيه واكمل أنهي موضـــــــــوع
لأن الموضوعات كتيرة جدا ومشغول جداً ومش ملاحق بصراحة
فلو أعنتينا ووضعتي كل يوم ، أو حسب وقتك موضوع مسلسل ومستقل ، كل يوم جزء بس في مضوع جديد لوحدة ، كل يوم قاعدة وتعرف على الأفعال ، وازاي نعرف نقرأ اليوناني القديم صح ونعرف بعض القواعد الهامة ببساطة ، يبقي حقيقي عملتي فينا خير وخدمة عظيمة جدا وأشكرك عليها فعلاً

بي أهم حاجة مش تنزليهم في موضوع واحد
بل كل يوم موضوع واكتبي في العنوان الرئيسي قواعد اليونانية (1) ، ثم الموضوع التالي مستقل ورقميه برقم (2) ، وهكذا ، إلى أن تكتمل الدروس ، وتضعي تمرينات عليها للي يجب يدرس ويتعمق

أقبلي مني كل شكر وتقدير خاص على تعبك الرائع جداً
النعمة معك يا محبوبة الله

ملكه الاحزان

12-07-2008, 12:59 AM

مرسي خاااااااااااالص ربنا يبركك

STELLA

12-16-2008, 07:43 PM

انا عايزه اسال سؤال لو سمحتم انا عايزه اتعلم يوناني ومش عارفه اذا كان المنتدي ده في مسلمين ولا لاء

aymonded

12-16-2008, 08:20 PM

انا عايزه اسال سؤال لو سمحتم انا عايزه اتعلم يوناني ومش عارفه اذا كان المنتدي ده في مسلمين ولا لاء

سلام لنفسك يا أغلى أخت حلوة ، لايوجد تفرقة بين مسلم ومسيحي اصلاً ، ونحن نرحب بالجميع بلا تمييز ، نورتي المكان كله بوجودك االحلو فيه ؛ اقبلي مني كل تقدير وشكر لوجودك معنا هنا

remonmaher

04-15-2009, 06:18 PM

ميرسى انا بجد باشكرك ربنا انى لقيت يساعدنى فى الينانى

aymonded

04-16-2009, 09:05 AM

مرحباً بك معنا هنا يا محبوبة الله
وكل سنة وانت طيبة
النعمة معك

monmon shokry

05-20-2009, 12:32 AM

هاى يا جماعة انا مينا ف 2 اثار يونانى لو حد محتاج اى حاجة ف اليونانى او اللاتينى يقولى لانى بدرسهم وياريت تسالونى ف اليوناى القديم بس لانى مش نافع خالص ف اللاتينى هههههه بس عندى كتب الكلية , كمان لو حد محتاج حاجة ف الايطالى , مستنى ردودكم

aymonded

05-20-2009, 06:24 AM

انت منورنا هنا يا جميل ولو أمكن أنك تنزل موضوعات خاصة بتعليم اللغة اليونانية القديمة يكون لنا جزيل الشكر يا أجمل أخ حلو نورنا هنا بوجودة الحلو معنا ، أقبل مني كل حب وتقدير يا أجمل أخ رائع لنا ؛ النعمة معك

زكريا صداق حبيب

05-24-2009, 08:21 AM

المسيح يبرك هذا العمل ويكمله احنا كلنا محتجينه

جورجshsh

06-18-2009, 05:51 PM

السلام ليكوا يا اخواتى انا اول يوم ليا فى المنتدى ومعلش كنت بارجو من الاخت مارو تفدينى انى اتعلم يونانى لانى محتجاها اوى وكل ما احاول اتعلمها من بعض المواقع اللى ع النت كلها يونانى انجليزى وانا فى الانجليزى تعبانه شويه فبعد اذنك ياريت تدلينى او تقوللى ازاى اتعلم يونانى وربنا يعوض تعب محبتك

jojo2020

06-23-2009, 10:22 AM

سلام لكل الموجودين انا بردة دخلة تانية اثار يونانى وباخد كورس ايطالى من اسبوع بس وكنت عايزة اكتب الحاجات اللى انا اخدتها عشان الكل يستفاد اعمل موضوع جديد ولا اية بالظبط؟؟ وكمان لو حد عايز اى حاجة فى اليونانى او اللاتينى انا كويسة فيهم وانا فى خدمتكو وعايزة اسال مينا فى نظام كورس الايطالى بيبقى بيبقى النظام ماشى ازاى من حيث الامتحانات والمستويات وميررررررررررررررررررسى

muslma

07-07-2009, 03:33 PM

ازيكو كلكوا.انا اسفة انى اقتحمت منتداكم .انا استفدت جدا من دروس اليونانى ونفسى تكملوا .انا خريجة اداب يونانى ولاتينى 2001وقدمت تمهيدى ماجيستير السنة دى .ومحتاجة اراجع وحد يذكرنى بالدروس ولكم كل الشكر والتقدير

Michael_Sabry

07-11-2009, 01:55 PM

اوك مافيش مشكله انتي نورتي المنتدي بس بصراحه انا ماعرفش اي كلمه يوناني خالص ههههههه انا بس دخلت ارحب بيكي

soso7

09-27-2010, 05:10 PM

اعتقد انهم 5 مجموعات والمجموعة الخامسة مختلطة مثل فعل
اخذ capio, capere, cepi,captum
وهي تجمع في تصريفها بين افعال المجموعة الرابعة والثاثة فتصرف في زمن المضارع والماضي المستمر زي افعال المجموعة الرابعة -وفي زمن المستقبل تصرف زي افعال المجموعة الثالثة

1-زمن المضارع:
capi-o
capi-s
capi-t
capi-mus
capi-tis
capiu-nt

2-زمن المستقبل:
capi-a-m
capi-e-s
capi-e-t
capi-e-mus
capi-e-tis
capi-e-nt

3-زمن الماضي المستمر:
capi-e-ba-m
capi-e-ba-s
capi-e-ba-t
capi-e-ba-mus
capi-e-ba-tis
capi-e-ba-nt

4-زمن الماضي التام:
cep-i
cep-isti
cep-it
cep-istis
cep-erunt

5-زمن المستقبل القريب:
cep-er-o
cep-eri-s
cep-eri-t
cep-eri-mus
cep-eri-tis
cep-eri-nt

6-زمن الماضي الأتم:
cep-era-m
cep-era-s
cep-era-t
cep-era-mus
cep-era-tis
cep-era-nt
وبكدة يكون ده تصريف لمجموعة المختلطة في المبني للمعلوم