المساعد الشخصي الرقمي

مشاهدة النسخة كاملة : :: هل فعلا تحب الله .... ؟؟؟ سؤال مطروح للنقاش ::


Narmar
07-21-2007, 01:24 PM
سلام يسوع معاكم
جتلى فكرة غريبه شويه
عاوز اتناقش معاكم فيها
هل احنا بنحب ربنا ؟؟؟؟؟
ولاااااااا بنخاف من ربنا .. ؟ :36_1_7:
ولا بنحب ربنا عشان بنخاف منه ؟؟؟؟؟؟؟

تفرق كتيير طبعا
ياريت تفكر و تشارك برأيك
اما عنى
فكنت الاول بصراحه بحبه عشان بخاف منه
لكن لما اختبرت العشرة معاه بجد طعمها لذيذ اووى
اه فى مطبات بس برضه بحبخ عشان هو حبنى الاول
بحبه لانه فدانى
بحبه لانه ابوياااااا مش الهى بس
بحبه لان يوم ما بشكى مش بلاقى ادفى من حضنه بيساعدنى كتير اوى وقف معايا كتير اووى وبصراحه :017: انا معنديش دم
نرجع للسؤال
هل أنت تحب الله ولا بتخاف منه ولا بتحبه عشان بتخاف منه وايه السبب و حلل موقفك يا ريت
و بتعمل ايه عشان ترضيه ؟
احب اشوف ردودكم البناءه الى هتفدنى كتير :)
شكرا ليكم
اسف للأطاله
باااااااااى :) :36_3_16:

aymonded
07-21-2007, 08:23 PM
قبلما أعرف الله لم أكن اعرف عن الحب شيئاً ولا كيفيته ، وهل أنا أحب أم أكره لست ادري حقيقي ولكن حينما ابتدأت أعيش مع الله واكتسيت بثوب النعمة وشعرت أن الخطية تسقط وتتلاشى ففرحت واستشعرت في نفسي كم أحب الله لأني وجدته قريب جداً مني وبدأت المسيرة بفرح معه
ومرت الأيام وبعد فترة نسيت أني لا أملك من ذاتي شيئاً وظننت أن حب الله من قوتي وقدرتي غير عالم أن الروح القدس هو الذي يغذي النفس بالمحبة ، وأن للمحبة متطلبات تلقائية مع جهاد مستمر لكي ما ترتاح في النعمة ويسكن في المسيح برضا

من محبة الله واتساعها ولكي ينقذ نفسي من كبريائها المستتر ، يخفي عني نعمته ويتركني أحياناً للتأديب حتى أستفيق وان طالت فترة التأديب أحيانا - وأكون أنا السبب فيها - إذ لا أكترث أحباناً كثيرة أو ألتفت إلى معونته ، يزداد تيه قلبي وإذ أجد نفسي في النهاية افعل ما لم أكن افعله من قبل من خطايا ولا ادري لماذا ولأنهار كيف حدث هذا ، وبعد هذه الفترة مع الله وأندهش جداً من نفسي !!!

وأجد الجواب من عند الله :
قبل الكسر الكبرياء وقبل السقوط تشامخ الروح
وأجد في النهاية حضن الله مفتوح واسمع صوت القبول :
أنا هوَّ لا تخف ، تعالى إليَّ
فأعود ارتمي عليه مقراً بزوغان قلبي وكبرياء نفسي ففي الحل أتطهر وأأخذ منه المعونة مع قوة شفاء مكتسياً من نعمته ، فاشعر بالحب يمتلك كياني كله وأطلب المزيد

هذه خبرتي باختصار شديد دون تطويل لعل تكون معيناً لأحدٍ ما
وحقاً كما قال الآباء وحسب الخبرة :
أن مشكلة كل من هو بعيد عن الله ((( الخطية )))
ومشكلة من يقترب من الله ويحيا معه ((( الكبرياء )))
المشكلة الأولى لكل خاطئ ، سهله جدا وبسيطة وتطلب منه الإيمان بالمسيح والثقة الشديدة في محبته لأنه يحب الخاطي جداً
المشكلة الثانية فلنحذر منها تماماً لأن شفائها قد يصعب لأنها أحياناً كثيرة تعمي الإنسان ، فيقوم الله بتأديب الإنسان حتى انه يُمكن أن تتركه النعمة قليلاً فبنهار ويسقط في أبشع الخطايا وينكسر كبرياءه بالألم والحزن ...

النعمة معك يا أحلى غالي
أعانك الله وأعطاك مع الجميع نعمة وقوة كل حين آمين

اللة يرعانى
07-21-2007, 08:28 PM
شكرا ليك يا نارمر موضوع جميل وحشتنا موضيعك الجميلة دى انا من رائى انا بحبو علشان بخاف منو وهو حنين واكيدهو مختار حياتى احسن من ناس كتير وحنيتوبس يا ترى هو بيحبنى

nrmo
07-21-2007, 11:21 PM
اولا شكرا ليك يا نارمر على مواضيعك الجميله دى بس فعلا حبى لربنا مش علشان بخاف منه علشان مش علاقتنا بيه علاقه فيها خوف وعقاب ولكن دى علاقة حب فعلا ربنا بيحبنا اوى مع اننا بننساه كتير واوقات كتير بنفتكره لما يكون في مشكله .ومع كل ده هو بيوقف معانا ومش بيسبنا فعمرها ما هتكون علاقه فيها خوف ربنا معاك ويعوض تعبك

beshoy
07-22-2007, 04:03 PM
'الرب يسوع يحب كل انسان طبعا لانه من صنعه
يتمنى ان الجميع يخلصون

الرب يسوع يعطى لكل عضو من المنتدى الغفران

والبركة

الرب معكم

صلوا من اجل
بيشو

melanora
02-06-2008, 12:53 PM
موضوع راااااااااااااااااااااااا اااااااائع
ويارب كلنا نحب ربنا بجد

emad_shokry
02-06-2008, 04:44 PM
شكراً نارمر على الموضوع الرائع
لكن أنا بأحب أقولك إن العلاقة مع اللة مش كلها خوف و خصوصاً بالنسبة لينا كمسيحيين لأن مش عندنا أيات تهديد و وعيد للى مش بيحب ربنا.
لكن ممكن تلاقى شخصيات بتحب ربنا قدام الناس و بس حباً فى الظهور بمظهر القديسين.
و ممكن تلاقى شخصيات بتحب ربنا عشان عايزة منة حاجة معينة (علاقة مصلحة) لكن بعد ما حاجتها تخلص ما تعرفش ربنا.
و بالتأكيد هتلاقى الشخصيات اللى بتحب ربنا بجد و دول أصبحوا نادرين جداًَ الأيام دى, لإنى حاسس أن المظاهر أصبحت جزء أساسى فى حياتنا.
بس بعد إذنك ممكن أكمل سؤالك " هل فعلاً تحب الله ؟ و كيف تحبة؟"
لإن ببساطة ممكن أقولك أة انا بحب ربنا قوى دة أبويا ولازم أحبة
لكن إزاى بحبة دى بقى فيها كلام كتييييييير قوى و دى اللى هتبين فعلاً إنى بحبة ولا لا
وشكراً كتير ليك و ربنا يباركك.

جوسى
02-06-2008, 05:08 PM
موضوعك يا نارمر رائع
وحشتنا مواضيعك الجميله دى
وانا بحب ربنا مش عشان خوف عشان هو حنين و الملجأ الوحيد و الحضن الحنين ليا
والوحيد اللى قلبه يساع مشاكل الناس و هموهم و حياتهم
ده ربنا قال اللى يأزيكم يمس حدقه عينى
ميرسى ليك يا نارمر
و فى انتظار المزيد من مواضيعك الحميله
يكون معاك ما يكون عليك

Narmar
02-18-2008, 08:33 AM
قبلما أعرف الله لم أكن اعرف عن الحب شيئاً ولا كيفيته ، وهل أنا أحب أم أكره لست ادري حقيقي ولكن حينما ابتدأت أعيش مع الله واكتسيت بثوب النعمة وشعرت أن الخطية تسقط وتتلاشى ففرحت واستشعرت في نفسي كم أحب الله لأني وجدته قريب جداً مني وبدأت المسيرة بفرح معه

ومرت الأيام وبعد فترة نسيت أني لا أملك من ذاتي شيئاً وظننت أن حب الله من قوتي وقدرتي غير عالم أن الروح القدس هو الذي يغذي النفس بالمحبة ، وأن للمحبة متطلبات تلقائية مع جهاد مستمر لكي ما ترتاح في النعمة ويسكن في المسيح برضا

من محبة الله واتساعها ولكي ينقذ نفسي من كبريائها المستتر ، يخفي عني نعمته ويتركني أحياناً للتأديب حتى أستفيق وان طالت فترة التأديب أحيانا - وأكون أنا السبب فيها - إذ لا أكترث أحباناً كثيرة أو ألتفت إلى معونته ، يزداد تيه قلبي وإذ أجد نفسي في النهاية افعل ما لم أكن افعله من قبل من خطايا ولا ادري لماذا ولأنهار كيف حدث هذا ، وبعد هذه الفترة مع الله وأندهش جداً من نفسي !!!

وأجد الجواب من عند الله :
قبل الكسر الكبرياء وقبل السقوط تشامخ الروح
وأجد في النهاية حضن الله مفتوح واسمع صوت القبول :
أنا هوَّ لا تخف ، تعالى إليَّ
فأعود ارتمي عليه مقراً بزوغان قلبي وكبرياء نفسي ففي الحل أتطهر وأأخذ منه المعونة مع قوة شفاء مكتسياً من نعمته ، فاشعر بالحب يمتلك كياني كله وأطلب المزيد

هذه خبرتي باختصار شديد دون تطويل لعل تكون معيناً لأحدٍ ما
وحقاً كما قال الآباء وحسب الخبرة :
أن مشكلة كل من هو بعيد عن الله ((( الخطية )))
ومشكلة من يقترب من الله ويحيا معه ((( الكبرياء )))
المشكلة الأولى لكل خاطئ ، سهله جدا وبسيطة وتطلب منه الإيمان بالمسيح والثقة الشديدة في محبته لأنه يحب الخاطي جداً
المشكلة الثانية فلنحذر منها تماماً لأن شفائها قد يصعب لأنها أحياناً كثيرة تعمي الإنسان ، فيقوم الله بتأديب الإنسان حتى انه يُمكن أن تتركه النعمة قليلاً فبنهار ويسقط في أبشع الخطايا وينكسر كبرياءه بالألم والحزن ...

النعمة معك يا أحلى غالي

أعانك الله وأعطاك مع الجميع نعمة وقوة كل حين آمين

اشكرك احلى ايمون على ردك على موضوعى المتواضع و تشريفك بزيارتة
شكرا لك حبيبى

Narmar
02-18-2008, 08:34 AM
شكرا ليك يا نارمر موضوع جميل وحشتنا موضيعك الجميلة دى انا من رائى انا بحبو علشان بخاف منو وهو حنين واكيدهو مختار حياتى احسن من ناس كتير وحنيتوبس يا ترى هو بيحبنى

شكرا يا مريومة
يارب الموضوع يكون عجبك
و ثقى
الله يحبك
" بذل ابنة الوحيد حتى لا يهلك كل من يؤمن بة "

Narmar
02-18-2008, 08:35 AM
اولا شكرا ليك يا نارمر على مواضيعك الجميله دى بس فعلا حبى لربنا مش علشان بخاف منه علشان مش علاقتنا بيه علاقه فيها خوف وعقاب ولكن دى علاقة حب فعلا ربنا بيحبنا اوى مع اننا بننساه كتير واوقات كتير بنفتكره لما يكون في مشكله .ومع كل ده هو بيوقف معانا ومش بيسبنا فعمرها ما هتكون علاقه فيها خوف ربنا معاك ويعوض تعبك

اشكرك يا نرمو على متابعة موضوعى المتواضع الصغير
و منورة الموضوع وشكرا على رايك الجميل

Narmar
02-18-2008, 08:36 AM
'الرب يسوع يحب كل انسان طبعا لانه من صنعه

يتمنى ان الجميع يخلصون

الرب يسوع يعطى لكل عضو من المنتدى الغفران

والبركة

الرب معكم

صلوا من اجل

بيشو



شكرا ليك يا احلى بيشو
على مرورك وردك الجميل الى اسعدنى كتييييير
منورنى حبيبى :em4400:

Narmar
02-18-2008, 08:37 AM
موضوع راااااااااااااااااااااااا اااااااائع
ويارب كلنا نحب ربنا بجد
مرورك فى موضوعى هو الاروع
ربنا ييبارككك و يكون معاكى فى طريقك دايما
اشكرك بشدة

Narmar
02-18-2008, 08:39 AM
موضوعك يا نارمر رائع
وحشتنا مواضيعك الجميله دى
وانا بحب ربنا مش عشان خوف عشان هو حنين و الملجأ الوحيد و الحضن الحنين ليا
والوحيد اللى قلبه يساع مشاكل الناس و هموهم و حياتهم
ده ربنا قال اللى يأزيكم يمس حدقه عينى
ميرسى ليك يا نارمر
و فى انتظار المزيد من مواضيعك الحميله
يكون معاك ما يكون عليك

ربنا يخليكى يا جوسي
اشكرك على مرورك الجميل الرائع الى نور موضوعى المتواضع
شكرا ليكى
:11700:

المتشفع بمارجرجس
02-18-2008, 09:46 AM
موضيعك دائمى شيقه وممتعه يانارمر بص انا بحب الله علشان بزل نفسه من اجلي انا الخاطئ واكيد بخاف بس مش منه بل من ذعله مني رب المجد يسامحني امين

بنت الراعي
02-18-2008, 04:23 PM
اولا احب اشكرك لانه موضوع رائعومفيد ربنا يباركك ويعوضك ولكن تخيل انا مش عارفه اجابه للسؤال ده لاني حاسه اني بحبه جدا اكتر من اي حد او اي حاجه لكن من جهه تانيه انا مش بااسمع كلامه ولا بنفذ وصاياه ولا باتكلم كتير معاه يبقي تسمي الحاله دي ايه حب ولا لا انا مش عارفه لكن اتمني تصلي لي علشان اعرفه بجد واحبه بجد مش بس كلام

Narmar
02-20-2008, 03:45 AM
موضيعك دائمى شيقه وممتعه يانارمر بص انا بحب الله علشان بزل نفسه من اجلي انا الخاطئ واكيد بخاف بس مش منه بل من ذعله مني رب المجد يسامحني امين


شكرا ليك حبيب قلبي على ردك و رايك الجميل

Narmar
02-20-2008, 03:46 AM
اولا احب اشكرك لانه موضوع رائعومفيد ربنا يباركك ويعوضك ولكن تخيل انا مش عارفه اجابه للسؤال ده لاني حاسه اني بحبه جدا اكتر من اي حد او اي حاجه لكن من جهه تانيه انا مش بااسمع كلامه ولا بنفذ وصاياه ولا باتكلم كتير معاه يبقي تسمي الحاله دي ايه حب ولا لا انا مش عارفه لكن اتمني تصلي لي علشان اعرفه بجد واحبه بجد مش بس كلام


ربنا معاكى وشكرا ليكى
لكن حبة بالاقتراب منه
بالصلاه
بالكتاب المقدس
بالصوم
بالتامل
بحاجات كتييييييييير اووى

كراكيب
02-21-2008, 08:54 PM
الخوف لايولد محبة ولكن المحبة تولد الخوف ولكن ليس الخوف من الله ولكن
الخوف من ان اغضبه
الخوف من ادق في يديه مسامير مرة اخري
الخوف من ان يتالم بسببي وهو الذي فداني

Narmar
05-06-2008, 07:55 AM
الخوف لايولد محبة ولكن المحبة تولد الخوف ولكن ليس الخوف من الله ولكن
الخوف من ان اغضبه
الخوف من ادق في يديه مسامير مرة اخري
الخوف من ان يتالم بسببي وهو الذي فداني


الله عليك يا كراكيب يا جامد
بجد ردك جميل اوى
شكرا يا باشا :)

Narmar
06-18-2008, 06:25 PM
أن مشكلة كل من هو بعيد عن الله ((( الخطية )))
ومشكلة من يقترب من الله ويحيا معه ((( الكبرياء )))
المشكلة الأولى لكل خاطئ ، سهله جدا وبسيطة وتطلب منه الإيمان بالمسيح والثقة الشديدة في محبته لأنه يحب الخاطي جداً
المشكلة الثانية فلنحذر منها تماماً لأن شفائها قد يصعب لأنها أحياناً كثيرة تعمي الإنسان ، فيقوم الله بتأديب الإنسان حتى انه يُمكن أن تتركه النعمة قليلاً فبنهار ويسقط في أبشع الخطايا وينكسر كبرياءه بالألم والحزن ...



ياة عليك يا ايموووووووووووووووون وعلى كلامك
انا داخل الموضوع مخصوص عشان افتكر ردك عليا

SAMOOOOO
06-19-2008, 10:13 AM
بحب ربنا عشان هو مالكنا وهو اللى خالقنا على صوره جميله هو بيحبها
واكيد بخاف من ربنا طبعا لان زى ما احنا عارفين راس الحكمه مخافه الله
واتمنى ان ارضى ربنا فى اى حاجه بعملها
لانه هو ملك الكل وخالق السما والارض
ربنا يدينا نعمته ومحبته ويعملنا طريقه

موضوع جميل يا نارمر

moky
06-19-2008, 12:41 PM
هل احنا بنحب ربنا ؟؟؟؟؟


فعلا احنا بنحب الله لانه ذي ما مكتوب في رسالة معلمنا يوحنا الرسول الاولى الاصحاح الرابع من ايه 19 ال اية 20 بتقول :
نحن نحبه لأنه هو احبنا اولا
فا من حب ربنا لينا حبه العظيم حب الاغابي بمعنى اصح اللي هو حب من غير شروط لانه بيحبنا رغم اخطأنا اليه و اننا ديما بنعصيه بيحبنا و بيسامحنا لانه هو الحب الاعظم فالذلك احنا بنحبه لانه هو الله المحبة
ولاااااااا بنخاف من ربنا .. ؟
المفروض احنا كاولادلله مانخفش منو احنا بنحبه لانو احبنا اولا بس برده المفروض يبقى عندنا سنة خوف منه لانه ف الول او في الاخر هو الله العظيم و بمخافتنا ليه بيبقى في خضوع و خشوع ليه و ده بيدينا اكتر محبة الله ربنا مش واقفلنا بكرباج ربنا ده حنين اوي و محب جدا جدا و بيسامح على كل حاجة مافيش احن من كدة احنا مش بنخاف منو احنا بنحبه

ولا بنحب ربنا عشان بنخاف منه ؟؟؟؟؟؟؟[/b]

]
لا اظن الاية اللي في انجيل معلمنا يوحنا و ضحت احنا بنحب ربنا ليه مش علشان بنخاف منو لا احنا بنحبوا لانه هو احبنا اولا ذي ماقولت ربنا مش بيرهبنا علشان نحبه لا ربنا ده حنين اوي علشان كدة احنا بنحبه من شدة حبه و عطفه لينا
و بتعمل ايه عشان ترضيه ؟
صحيح انا قلبي قاسي جدا و ديما بعمل حاجات كتيييير تجرحه بس هو من شدة حبه و عظم تسامحه بيسامحني و بحاول على قد ماقدر اني ارضيه و هو يكمل بقى لان قوته في الضعف تكمل و موري بجد من غيره ضعيفة جدا
بس استطيع كل شئ في المسيح الذي يقويني
احب اشوف ردودكم البناءه الى هتفدنى كتير :)
شكرا ليكم [/b]
اسف للأطاله
باااااااااى ]

موري جاوبت اهو اسفة لو كلامي ملغبط و اسفة لو طولت
بس هو بجد موضوع حلو خالص خالص و يستاهل فعلا ان احنا نتناقش فيه
بجد مرسي على الموضوع الحلو ده
ربنا يبارك حياتك و خدمتك و يعوض تعب محبتك امين يا الهي
اذكرني في صلواتك كتيييييير جدا
اختك الغلبانة موري

marmarsh
08-05-2008, 04:13 PM
انا بس عايزه اقول حاجه بسيطه قوى ان المحبه تطرح الخوف خارجا فلو انا فعلا بحب ربنا هخاف منه ليه ده ابويا وعلشان ارضيه كفايه انى احبه من قلبى واكيد لما احبه مش هعمل حاجه تزعله منى ربنا يباركك يا نارمر ويعطيك نعمه فى عينيه

Narmar
03-26-2009, 12:03 PM
ِشكرا ليكم :)
وهرجعلكم تاني ارد عليكم :d

فيكتوريا
03-26-2009, 01:37 PM
السؤال جميل و صعب بس احنا بنحبه علشان بنخاف منه ده اكيد

dr.salsa
03-26-2009, 03:17 PM
موضوعك حلو قوي يا نارمر

احنا كلنا بنحب ربنا مش عشان احنا بنخاف منه لاننا بنخاف. نخاف نزعله ولو ان ده بيحصل في اوقات كتيره

نخاف نجرحه بافعالنا وتصرفاتنا.بس تفتكر احنا بنحب ربنا فعلا؟

يعني احنا ممكن نقعد نتكلم مع ربنا وننسي الدنيا باللي فيها ولا فيه حاجات تانيه بتشغلنا عنه

بنرجع دايما لربنا في الفرح والضيقه ولا مش بنفتكره غير في المشاكل؟

بنطلب انه يكون اول شخص في حياتنا؟ولا الاولويه بقت لحاجات تانيه؟

السؤال اللي المفروض كل واحد يجاوب عليه :

هل فعلا كل واحد فينا بيحب ربنا من قلبه ولا.....؟

اسفه اني طولت عليكم

ربنا يبارككم.