محتاج صلاتكم

[kanosha]

صلولى كتير يا جماعة لانى بجد محتاج لصلاة كل واحد

اصل امتحاناتى قربت فى الكلية و فى مواد لسه ماخلصتهاش و خايف جدا

للاسف بلجا لربنا فى وقت الضيقة

يا رب يسامحنى

صلولى

[aymonded]

وهبك الله المعونة ووفقك يا جميل
أعمل اللي عليك والله يعينك يا أجمل أخ غالي
طالبين من الله أن يدبر حياتك كما يليق
غنى النعمة ووافر السلام لشخصك المحبوب
من فم إلهنا ومخلصنا يسوع

[kanosha]

ميرسى اوى على ردك

و بجد انا حاسس ان ربنا معنا

اذكرنى فى صلاتك

[وردة حزينة]

ربنا معاك ماتقلقش
ربنا والعدراء يسهلولك الصعب وهو حنين واكيد ميش هايسيبك
صلوات العدراء وكل القديسين يكونوا معاك فى مذاكرتك ويخلوك تحلص كل اللى وراك
بالنجاح

[kanosha]

ميرسى اوى يا جماعة انا ابتديت اطمن

اكيد ربنا مش هيسيبنا

اذكرونى فى صلاتكم

[بنت الفادى الحبيب]

العدرا والقديسين معاك المهم انك تعمل اللى عليك وتذاكر كويس واكيد ربنا هينظر لتعبك ويكلل مجهودك بالنجاح
ربنا معاك

[karim]

لا تخاف يا أخي - ح تعدي بأمر المسيح - ذاكر انت بس علي قد ما تقدر و لا تتكاسل و هو مس ح يضيع تعبك ابدا -

صلوات العدرا و القدسين تكون معاك

[M@@@NOOOO]

ربنا معااااااااك ويساعدك
وبشفاعه العدرا والقديسين كلهم
هتعدى عل خير انشالله
بس اعمل اللى عليك والباقى على ربنا

[kanosha]

متشكر خالص ليكم
و ربنا يكون مع كل المحتاجين و يحل ضيقاتهم

ربنا يكون معاكم

[ملكه الاحزان]

الرب معاك وصليله بجد هو حنون جدا وهايقف جمبك ويساعدك

[miso]

صلولى كتير يا جماعة لانى بجد محتاج لصلاة كل واحد

اصل امتحاناتى قربت فى الكلية و فى مواد لسه ماخلصتهاش و خايف جدا

للاسف بلجا لربنا فى وقت الضيقة

يا رب يسامحنى

صلولى
متخفش حتى لو كنت بعيد
ربنا عمره ما هيشوفك محتاجله وتعبان ويسيبك ابدا
ومتخفش على المواد اللى مخلصتهاش ذاكر على ادك ما تقدر وربنا هيكمل اللى ناقص
مين فينا يعنى كان بيحل كويس
ربنا بيحل بدلنا
ممكن تكون ده صوت ربنا بيناديك بيه
علشان تفضل معاه فالامتحانات وبعد لما تنجح باذن ربنا تفضل معاه وشاكره على نعمه
ربنا ينجحك وابقى طمنا عملت ايه فالامتحانات

[جاسيكا]

اكيد ربنا معاك متقلقش هو مبينساش ولادة
حتى لو هما مش فاكرينة دايماً عنية عليهم
ربنا معاك وانشاء الله هتجيب تقدير كويس ببركة البابا كيرلس شفع الطلبة
بس انت بس زاكر والباقى على ربنا