عايز اعرف حل للمشكلة دى

[lolopoptp]

السلام والنعمة للمنتدى الجميل دة
دة اول مشاركة ليا فى المنتدى وعايز اعرف رايكم على الموضوع دة
انا مرتبط بواحدة وبحبها وبيتحبنى
بس هى بيتحب تدقق على اى موقف انا موافق اوك بس موش تعدى اى حاجة الا لما تزعل عليها بيتزعل على طول
وهى موش عارفة تتكلم اوى علشان اول تجربة ليها بس بقت كويسة
وكل ما اسالها على حاجة تقولى لية وتقلب الموضوع لو هى الغلطانة تقلبه عليا وتطلعنى انا اللى غلطان وبحل المشكلة برضة ونخلص منها وميعديش يومين والا هى تعمل زعل تانى وبعدين ادنى اكلمها ولو مضايقة متقولش الا بعد عذاب علشان تقول
وانا عمرى ما عملتلها مشكلة ولا اضايقت منها وعلى طول تقول انت انى بعمل تصرفات غلط
وانا قلتلها انى مشو بحب الزعل ولا بحب المشاكل وتقول طيب وبعد كدة الاقيها تعمل مشكلة
انا زهقت واضايقت وموش عارف اعمل اية
ومشو عايز اسيبها
وسورى طولت عليكم بس دى مشكلة وعايز اعرف حلها اية

[روفــــا]

اولا انت منور المنتدى بجد ومبسوطين ان انت وسطينا وسط اخواتك
ثانيا حكاية الزعل دى وحشة اة بس هى علشان ممكن بتكون بتحبك اوى
بس انت حاول شوف اية اللى يريحها واعمله علشان موش تخسروا بعض وقولها واتكلم معها واقنعها ان الزعل دة وحش وانتوا اكيد هتقدروا تتفاهموا مع بعض بدل انتو بيتحبوا بعض

[aymonded]

سلام لنفسك يا محبوب الله الحلو
أولاً يا جميل الحب الحقيقي لابد أن يكون فيه صراحة وجهد من الطرفين على تخطي الأزمات وحلولها ، فلا ينفع ان طرف واحد فقط يغفر ويبذل جهد لأجل حل المشكلة دون جهد الآخر وتفهمه !!! هذا خطير ويؤدي حتماً لفشل العلاقات بعد الزواج وزيادة المشاكل ، وهذا عن خبرة مع بعض الأصدقاء وعلم النفس ...

الواقع يقول أنك لازم تكون صريح معاها ومش كل مرة يُلقى اللوم عليك وتصبح أنت الغلطان حتى لو هي من أخطأ !!! وأنت من تغفر وتسامح على طول الخط !!!

فلو أخطأت أنت - كواقع وعن قناعة منك - لابد من أن تعتذر وتعدي خطأك بالصراحة والاعتراف وبذل الجهد كي لا يتكرر ، وهي أن أخطأت تواجها بالحب وتعاتبها ، ولابد من أن تعرف أن تغفر لها إن اعترفت بهذا وكان لديها الشجاعة على المواجهه ، ولكن هروبها من أنها تعترف هذا أعتداد بالذات ، ورميها عليك كل الأخطاء ، الحياة الزوجية التي تسعون إليها لبست كذلك ، وكثرة المشاكل ستخنق الحب وتولد خصومات ومشاكل داخلية أكثر منها خارجية !!!

صحح العلاقة معها بالصراحة ووجهها أن كثرة المشاكل تكبر الأمور وتطفي الحب وتعطي حالة من الملل والنفور ، ولكن الاستعداد للغفران وتخطي الأزمات هذا هو الحب الحقيقي وسيدفعكم يدفعكم نحو الأفضل دائماً ، ولا ولن ولم يوجد إنسان كامل لا في حبه ولا في شخصيته !!!

والحب مش هو أني أظل أغفر للآخر ، واعتذر له دائماً وهو يرتاح وأنا ابذل الجهد كله وحدي ، وابقى تعبان متضايق من موقفه ، كيف تكون هذه شركة !!!
هذه شركة من طرف واحد فقط ، شركة من له علاقة مع نفسه ، ويعتز بكبرياءة الخاص ، هذه أنانية وليست حب سوي ، صححوا علاقتكم عوض أن تخسروها عن دون قصد أو وعي ...

واجه الأمور بصراحة تامة دون هروب ، أو التماس حجج واهية ن ستمر علاقتكم تماماً ، ولا تضع حجة أنها أول مرة تدخل في علاقة ، بل صحح الوضع فوراً وبهدوء المحبة ، واتعودوا معاً على المواجهه بهدوء وأقناع ، لا عن عافية ، ولا اتهام كل واحد للآخر عن دون وجه حق ، أو تبرير الذات ، واسعوا بالجهد أن تقيموا علاقة سوية تبنى لا على الخناق والصراع ، بل على روح التفاهم !!!

ربنا معاكم ويعطيكم الوعي والإدراك لعلاقة سوية مبدأها الحب الصادق والتفاهم ...
النعمة معك يا محبوب الله الحلو

[god is love]

عاوز رائي بصراحة
سيبك منها وشوف غيرها ده انتو لسه في البداية
وبتعمل كده امال لماتتجوز هتعمل ايه هتخللي حياتك
نكد في نكد هتقف لك عليك كل تصرف وكل كلمة وممكن تنقدك
قدام الناس بعدكده وتخللي شخصيتك ضعيفة وواضح انها بتستغل
حبك ليها وتخليك تتنازل علي حقك علشان ماتزعلهاش وهتفضل
تتنازل كده علي طول حتي بعد الجواز يابني ده مش حب حقيقي
ده حب مراهقين اسمع نصيحة واحد اكبر منك وعنده خبرة
وعلي راي المثل
انا زعلان من اللي اتجوزا قبل مني لانهم لم ينصحوني
وزعلان من اللي اتجوزا بعد مني لانهم لم يسالوني
وشكرا ياريت ماتزعلش من صراحتي

[elphilasouf]

كتير جدا بنكون زعلنين من بعض بسبب اننا مفهمناش بعض كويس

وده حله زي ماقال استاذ ايمن كده
اننا نتعامل ونتفاهم مع بعض بصراحه متناهيه
وصدق
اشكرك حبيبى ع اثارت الموضوع
وربنا يبارك فى العلاقه دي
وتكون تحت ايد المسيح

[اللة يرعانى]

لو بتحبها متسبهاش لانك مش بهولة هتلاقى حد يحبك وتحبو
حاول تشوف بتزعل من اية ومتعملوش
كلمها قلها انك مش بتحب الزعل قلها لو بتحبنى متعمليش الى يزعلنى
مدققش على كل تصرف ليكو انتو اتنين لازم تعيش احسن فترة حياتكو وحو حبكو لبعض
بس فكر كويس قبل متسبها علشان متندمش ربنا يدبر حياتك

[المهندسة كيتى]

بص هاقوللك على حاجه
انت بتقول دى اول تجربه ليها
اكيد لازم تعمل كده علشان هيا مش عارفه تتعامل معاك ازاى
لازم تصبر عليها خدها بالسياسه وكلمها وفهمها
وهيا اكيد مع الوقت هتتعود
لكن لو مالقتش تغير منها او اى احساس منها بانها بضايقك بالاسلوب ده
سورى لازم تعرف انك مش هترتاح معاها حتى لو انت بتحبها
وفى حل تانى وده ممكن يجيب نتيجه باذن يسوع
صلى من اجلها كتيييييييييييييييييير
ده لو انت عايز تكمل معاها
اكيد ربنا هيحس بيك وبحبك ليها
وانك مش واخد الامور هزار
اكيد ربنا هيدخل ويحل المشكله دى الى فيها
ربنا معاك ويسعدك مع حبيبتك
وتكملوا مع بعض
باذن يسوع

[basanty]

بص خليك معاها للاخر خالص طالما انته بتحبها
عشان متبقاش انته الي غلطان لو سبتها
واكيد هتعرفو بعض كويس مع الوقت
وربنا يوفاكو

[romy_lover]

سيبك منها خالص

[amgad nagy]

شوف أنا رأيى أنها لسة مش فهماك حاول تتفاهم معاها لأنها بكلامك فهمت أنها بتحبك اوى بس حاول تخليها تفهمك وتفهمها بس لو هى غلطت وحاولت تخليك بالكلام أنك أنت الى غلطان لازم تفهمها وجه نظرك وتعرف أنها غلطانة وبعد كدة سدقنى هتلاقى الأمور كويسة بس لما تتعود عليك وتفهموا بعض وفعلا أنت لو عاوزها صلى وربنا يقف جنبك ويوفقك.

[andro dodo]

بص ياسيد طلما بنحبو بعض مش بالساهل انك تسبها
اولا اعقدو مع بعض اعدت صارحة الان الصراحة مهما جدا
اعرف اى الشياء اللى انت بزعلة بية لانك بتقول ( تقول انت انى بعمل تصرفات غلط )وحاول تراعية فى تصرفاتك
ويريت تتفقو مع بعض ان اليزعل من التانى يقول على طول هذا الموقف زعلنى
وكمان بتقول( موش عارفة تتكلم اوى علشان اول تجربة ليها بس بقت كويسة ) علشان كدة بتزعل بسرعة لانة متعرف تصرحك بالى يزعلة
وربنا معاك ويقويك

[لينا ميخا]

اعذرها دة انت اول تجربة ليها فمش عارفة ازاي تتعامل معاك هي من كتر حبها ليك حساسة من ناحيتك واشكر ربنا ان انت اول حب ليها وعقلها واتكلم معاها بالراحة وهي واحدة واحدة هتتعلم وهتعرف
اوعي تسيبها