نأسف علي الازعاج يا ارثوذوكس ( mickey ) [الأرشيف]

مشاهدة النسخة كاملة : نأسف علي الازعاج يا ارثوذوكس ( mickey )

bolalover

12-14-2008, 10:04 PM

http://img150.imageshack.us/img150/7930/59496450oq3.jpg

سلام و نعمة لكل اعضاء الغالي ارثوذوكس

حلقة انهارده حلقة مختلفة عن اي حلقة قبل كده
في
نأسف علي الازعاج يا ارثوذوكس
حلقة فيها حاول
ملك الكوميديا ان يتخلي عن كل مبادئ الكوميديا
و لاكن طبعه غلب و قلبه سيطر
معانا انهارده
انسان بطبعه كوميدي
و بقلبه طيب
و بروحه نشيط
و بنشاطه بيلم الاسرة في بيتها
انسان يرهب و يخاف الاهانة لبيته
انسان حب بيته ارثوذوكس من كل قلبه
مشرف عام منتديات ارثوذوكس
و هو
ملك الكوميديا
MICKEY (http://www.orsozox.com/forums/member.php?u=314)

بولا :مايكل سامي منور معانا البرنامج يا ملك الكوميديا
ميكي :شكرا يابولا وفعلا برنامجك محتاج يتنور وليس بالأعضاء ولكن بنوعية الاسئلة
بولا : هههههههه بداية جميلة منك يا ملك الكوميديا و ياريت تبتدي و تعرفنا علي مايكل سامي ببطاقة تعارف لذيذة ؟؟
ميكي : مايكل سامي
24.5 سنة
خريج كلية الاداب جامعه القاهرة قسم اللغة العبرية لغات
اعمل في الخدمة الصوتية بموبينيل
من الجيزة

بولا : ميكي مشرف عام منتدي ارثوذوكس .. ايه هي اصعب المواقف الي بتقبلك في الاشراف العام ؟؟
ميكي :مفيش صعوبات ولا حاجه انا مش بنحت في الصخر ولكن بتوصل ساعات بكون مش عارف ارضي مين .. واحد منزل موضوع والاداره بتقولي شيله وصاحب الموضوع اكيد مش عاوزني اشيله
ببقي في نوع من انواع المسايسه شوية هنا وشوية هنا لحد مالموضوع يتم

بولا : اغلب تعاملك في المنتدي بيتم بقلب ميكي ملك الكوميديا ولا بقلب ميكي المشرف العام ولا بقلب مايكل سامي ؟؟
ميكي :هقولك يابولا من خصائص المشرف العام انه يعتمد مواضيع جميع الاقسام ويعتمد رسائل الزوار ويمسح موضوع مش عاجبه وينقل موضوع من مكانه بس انا مش حابب اتعامل كده
انا مش بعتمد مواضيع
بتركها لهيما واستاذ ايمن يعتمدوها بمعرفتهم
وكمان مش بحب اتعامل بمايكل سامي عشان كل واحد واره همومه الشخصية
ولكن قناعي المفضل هو الكوميديا
تقدر تقول عليا مشرف كسوووول جدا
لاني ساعات بشوف مواضيع بتكوم في اماكن خطأ وبسبها ومش بنقلها عشان اصحابها ميزعلوش وطبعا هيما بعد مايشوف الحلقة دي هيطردني من الاشراف انا عارف

بولا : ايه هي اكتر حاجه بتسعد ميكي في ارثوذوكس ؟؟
ميكي :ببقي فرحان اوي بجد لما بلاقي كل الناس اللي انا اعرفهم ردودهم نزله سلخ ورا بعض علي المواضيع لكن الوقتي حاسس ان في منهم كتير انشغل
ببقي فرحان لما اخر عشرين موضوعع اللي تحت في المنتدي من تحت
لكل اسامي الناس اللي ردت ناس من حبايبي اللي بحبهم اوي واتمني ميسبوناش لأي ظرف من الاسباب

بولا :بنسبة كام في الميه يمثل منتدي ارثوذوكس في حياة ميكي ؟؟
ميكي :ميه في الميه وهو كل حياتي انا علي فكرة مدخل نت مخصوص وبسرعه عالية جدا عشان خاطر ارثوزكس
وفي البيت بابا بيقولي مايكل دوت كوم
وفي الشغل بفتح ارثوزكس
ولو في المواصلات بامانه بدخل علي المنتدي من موبايلي
انا بقعد علي المنتدي من 10 صباحا حتي الواحده ليلا
يوميا
مع مراعاة فروق التوقيت
:D

بولا :طيب من ضمن الحاجات الي وجدها فريق العمل في ملفك الشخصي هي ان في ناس قالت عليك انك منافق في ظهورك في نأسف علي الازعاج يا ارثوذوكس و ده بسبب رايك الي ظهر في الحلقة الي فاتت ... تقول ايه للناس دي ؟؟
ميكي :لا انا مش منافق ولا حاجه الناس قالت كده لمجرد اني مش حابب البرنامج وفي نفس الوقت طالع في البرنامج
فأنا احب اقولهم
رساله انا دخلت الحلقة دي مخصوص لسببين
اولهم ان في ناس كتير اتمنت اني اكون موجود معاك في احدي الحلقات والناس دي عشان بعزها انا وافقت

تاني سبب وهو الاهم عشان كنت حابب اقول رأي وبصراحه في البرنامج
وهو
هتعرفوه في اخر الحلقة

بولا : ميكي دائما بيكون طرف في حل اغلب مشاكل المنتدي .. هل مشاكل المنتدي بتاثر علي حياتك الشخصية ؟؟
ميكي :بتأثر من حيث حاجه واحده لما ادخل احل مشكلة واتوسل علي احدي اطرافها
احدي الاطراف يوافق ويعمل حساب لتوسلي هذا
واحدي الاطراف التانيه مش يعملي اعتبار ولا خاطر
فبزعل منه بصراحه بس مش ببينله بس بخبي زعلي في قلبي
واقول اعرف صاحبك وعلم عليه

بولا :طيب تعال معانا يا ميكي لفقرة اسم واحد لكل مين .. و انت اكيد عارفها
ميكي : عارفها
بولا : مين تقوله ملكش دعوة ؟
ميكي : انت انت انت انت انت انت انت
بولا : مين تقوله سو سوري ؟
ميكي : ظريف حبيبي علي مقالب زمان
بولا : مين تقوله شكرا بجد ؟
ميكي : ميسو
بولا : مين تقوله اعقل ؟
ميكي : اقولهالك انت برضو يابولا
بولا : مين تقوله وحشتني ايامك ؟
ميكي : توني الجامد
بولا : مين تقوله ارجع و انسي ؟
ميكي : مفيش
بولا : مين تؤامك ؟
ميكي : رافت
بولا : مين بتروحله ديما في مشاكلك ؟
ميكي : هيما
بولا : مين بتخاف علي سرك معاه ؟
ميكي : اسراري جوايا مش بقولها لحد
بولا : مين ممكن تديله اسرارك ؟
ميكي : ميكي
بولا : مين غيابه بيكون تعب ليك ؟
ميكي : اي حد اعرفه بامانه
بولا : طيب يا ميكي تعال معانا لاسئلة الحوار العادي .. و نقولك انت حبيت كام مرة في حياتك ؟
ميكي : سوري يابولا محبش حد يتدخل في خصوصياتي
بولا : ميكي ياريت تعرف ايه رايك في الحب عن طريق النت او الي بيكون بدايته من علي طريق النت ؟؟
ميكي :بص يابولا انا عمري ماحبيت من عن طريق النت ومش بشجع اي حد يحب عن طريق النت ولكن بعترف بالاعجاب عن طريق النت
وبعد الاعجاب بالشخصية عن طريق النت بيتم مقابله في الكنيسة مثلا
ومن هنا بيبدا الحب
والمفروض بالنسبة للبنت تكون معرفاهم في البيت ومعرفه اب اعترافها
بهذا اللقاء
ولكن حب علي طول بحد لا ش
شفتوا ولا اعرفوا
يبقي كلام خطأ لأن النت بيداري 100% من الحقيقة

بولا :ميكي صاحب لقائات الجبابرة هل تتوقع في يوم انهاء هذه اللقائات ؟؟
ميكي :بولا هقولك علي حاجه نهر النيل مليان بالمياه وكل الناس بتشرب منه هل هيجي في يوم ونهر النيل هيجف
اكيد لا لأن ربنا بينزل مطره عشان النهر لا ينتهي ابدا
كذلك الخروجات الشهرية كتير بيجي
وطول مافي محبة طول ماهيبقي في خروجات شهرية
وعمرها ماهتجف الا بجفاف المحبة

بولا :امته يا ميكي حسيت ان كل المنتدي اثر عليك بشئ من الحزن جواك ؟
ميكي :لسه مجتش اللحظة اللي احزن فيها حزن حقيقي بسبب المنتدي
بولا :طيب في حلقتك يا ميكي هيكون في شئ مختلف و هو اني هديك اسامي و كل اسم تبعتله رسالة خاصة بيه
ميكي : اوك اتفضل
بولا : هيما ؟
ميكي :اقوله ياهيما دايما مصدرك معايا في كل صغيرة وكبيرة بس مش عارف النحس مني ولا منك
بولا : الناي الحزين ؟
ميكي :اقوله انه انسان طيب جدا جدا بس بلاش يتصدر في الهيافات عشان بيكون مستفز ساعتها
بولا : مانو ؟
ميكي :احب اقول لمانو اني بأمانه مش زعلان منك ولا حاجه من ساعت المقلب اياه عشان هو مازال حاسس بالزنب واحب اقوله انه راجل بالرغم من صغر سنه
بولا : ظريف ؟
ميكي : ظريف انسان شهم جدا جدا بره المنتدي اما داخل المنتدي تعليقاته تكون قاسية في بعض الاحيان
بولا : توني الجامد ؟
ميكي :توني حبيبي شخصية بحبها جدا جدا وانسان يحب يسمعلك لو بتحكيله مشكلة ما بس مشكلته انه بارد الي ابعد الحدود وانا دايما
بقوله انت مش توني الجامد ولكن انت توني البارد

بولا : بولا لافر
ميكي :بص يابولا انا ليا رائيين ليك واحد بولا لوفر صاحب برنامج ناسف علي الازعاج وبولا لوفر خارج المنتدي ممكن اقول الاتنين

بولا : اتفضل
ميكي : بولا لوفر خارج المنتدي انسان شهم وواد يسلك في الحديد ومن مواقف شفتهاله بره تديله اكبر من سنه بكتير
بولا لوفر صاحب برنامج نأسف علي الازعاج
حبيبي بولا انا عاوز اقولك علي حاجه انت لو هدفك نبيل فعلا وعاوز تصلح مابين الاعضاء كنت شوفت في خلافات مابين مين ومين وتصالحهم علي الميل مش علي الملئ ولكن انت بتحب تفرح في الناس وتشمت فيهم وتتفرج من بعيد علي الخناقات اللي هتدور مابينهم واستفزتني جدا وانت بتقول لعماد حسني في حلقته انك اختارت البرنامج ده طريق ولازم تكلمه ومستعد تتحمل اي عواقب تحصلك بسببه بزمتك ياشيخ مش مكسوف علي دمك ده انت اول مالردود نزلت عليك زي السلخ في احدي الحلقات كنت عامل زي الفار المبلول اللي عاوز يستخبي في اي حته ويهرب من الاعضاء وجريت كلمتني امسح الموضوع

بولا : مينا33211

ميكي : ههههههههههه
هحكيلك موقف حصل بيني وبين مينا عيلي الميل
عشان يلطف الحلقة بدل الكئابه اللي انا بقولها من الصبح دي

بولا : احكي
ميكي : مينا غاب فترة كبيرة جدا عن المنتدي
ولما قابلته علي الميل من حوالي اسبوع فضلت اقوله يامينا ارجع من تاني المنتدي بيناديك والكل منتظرك معانا ترجع من تاني
فلقيتك بيقولي
انت تعرف ممثلين
بقوله اه انا اشتغلت في التمثيل فترة بسيطة
فبيقولي انت معاك ارقامهم
فبقوله لا يامينا مش كلهم معايا ارقام قليله
فسألته ليه
قالي اصلي بفكر اشتغل في السياحه
فأتصدمت من الرد بصراحه
وبعد كده قولتله انت معاك لغات طيب عشان تشتغل في السياحه
فقالي رد افظع من الاولاني
لقيته بيقولي انا بدأت فعلا اخد كورسات كمبيوتر
ده جزء بسيط من حوار كله الغاز لم افهمها من مينا ولكن سوف اسئل عن حل هذه الالغاز من المفتش كورمبو

بولا : طيب تحب بقا تقول ايه لمينا ؟
ميكي :احب اقوله انه احلي حاجه عجباني فيه وبتضحكني من قلبي انه علي طبيعته جدا في ردوده واحلي حاجه يامينا عجباني فيك هي توقيعك
واتمني يابولا تاخد كوبي من توقيع مينا وتحطة اقتباس في المموضوع ده
واتمني مش يزعل مني عشان بامانه بحبه وبحب اهزر معاه

بولا :طيب يا ميكي تفتكر ان الدنيا بقت هديا دلوقتي في المنتدي يعني اي خلاف او اي شئ حصل في الفترة الاخيرة خلاص انتهي ؟؟؟
ميكي : بص يابولا هكلمك بصراحه انا حاسس ان الدنا هديت من الظاهر فقط ولكن اللي في القلوب في القلوب
واحب اقول لأي حد زعلان من اي حد وهما عارفين نفسيهم كويس
اننا اخوات وولاد معمودية واحده
اننا داخلين علي سنة جديده
واتمني نقطع كل صفح الخلافات ونودعها مع السنة اللي هتغور ببلاويها

بولا :طيب يا ميكي بما ان السنة الجديدة دخلة قولي هتكون فين ليلة الكريسميس؟؟
ميكي :عاده عندي متخلفة شوية ممكن الكل يتريق عليا فيها يوم راس السنة بطفي نور الشقة كلها
وبولعها تاني
وبدخل الحمام اشد السيفون
ولما والدي سألني في مرة ليه شديته
فقولتله بشده علي السنة اللي غارت
اتمني الجميع يشد السيفون يوم 31/12/2008
الساعه
12.00

بولا : ايه سر حب ميكي للبرابير ؟؟
ميكي : سؤال عجيب يابولا
البرابير دي متجيش واحد علي عشرة من اللي بعمله لأصحابي في الكنيسة يابولا انتوا في رحمة بامانه
انا في مرة
مليت بقي ميه وعملت نفسي قدام اصدقائي في الجامعه
اني عاوز ارجع ومصدع
وكان بقي مليان ميه
وفي بنت من اصحابي بتقولي طيب ريح واقعد
رحت نزلت كل الميه اللي في بقي البنت فكرتني برجع حقيقي
بأمانه يابولا لقيتها بترجع جمبي حقيقي
كافية قرف يابولا لحد كده عشان سومعت البرنامج
وهو مش ناقص بصراحه
ههههههههههههههه

بولا : طيب يا ميكي تعال معانا لفقرة 4 اجابيات و 4 سلبيات

ميكي :الفقرة دي بالزات انا مش هقول غير ايجابية وسلبية فقط لا غير
بولا :اشمعنا ايجابية واحدة بس و سلبية واحدة بس ؟
ميكي :لان لو اعرف واحد فيه اربع سلبيات ده انا اكيد هولع فيه هههههههههههه
نبدا بمين ؟؟

بولا : بوبا علشان قاعد جنبي و انا بعمل معاك الحوار و هيموت و يطلع اسمه في البرنامج العالمي نأسف علي الازعاج يا ارثوذوكس
ميكي :احب اقول بالعند فيه انه شخصية عديمة الملامح ومش لقيت في ايجابيات خالص ولكن من الممكن ان اذكر له تسعين سلبيه
بولا :طيب اذكر سلبية واحدة و اجابية فيها نفاق من نفقاتك
ميكي : بوبا عجبني فيه انه مرح وبيحب الضحك مش كئيب يعني سلبياته يوم اليكس وهو فاهمني كويس اوي اوي وان الله ستار حليم

بولا :هههههههههههههههههههههههه� �ههههه قاعد جنبي ميت علي روحه من الضحك
طيب معانا مدخلة تليفونية من العضو بوبا و بيوجه كلمة لميكي و يقول ولا تسيحلي ولا اسيحلك لاقوم اجيب الملاية و اردحلك

ميكي :قول لبوبا اتكلم علي أدك ياللي الزمن هدك وعرفه اني خريج الاداب قصدي كلية الاداب

بولا : بيقولك الي بيته من ازاز ميحدفش الناس بالطوب و علي فكرة هو ماسك في ايده طوبة دلوقتي
ميكي : قوله اللي بيته من ازاز ميغيرش هدومه في الصالون
بولا : ولا ليلة راس السنة يشد السيفون.. الظلمة مبتسترش

طيب يا اظاهر الخط قطع مع العضو بوبا بسبب الظلمة

نكمل و نقول الاستاذ ايمن
ميكي :الاستاذ ايمن محبوب المسيح وبجد بيعجبني فيه ردوده اللي بتجبرك انك تحترمه عشان هو مش عضو عادي ولكنه اغلي غالي
سلبياته من وجهة نظري ان مواضيعه بتكون طويلة جدا جدا بتخليني اجي عند ربعها وانام قدام الكمبيوتر
بولا : الناي الحزين ؟
ميكي : ايجابياته ان لما بيرد رد علي موضوع بيكون قراه كله فعلا يعني مش رد جبران خاطر
سلبياته انه صعيدي
بولا : فادي الماجيك ؟
ميكي : ايجابياته انه مرح جدا لأبعد الحدود وتعليقاته وكومنتاته بتضحكني من قلبي بجد
سلبياته انه جبان مووووووووز
او مش جبان متردد اوي
وعلي رأي الشاعر رامي صبري
كلمه كلمة توديك وكلمة تجيبك

بولا :طيب انا احب اوجه رسالة لفادي من هنا و ارجو ميكي يعلق عليها .. باب الاوضة بتاعتي يا فادي لسا باسورد تحب ابعتلك الاكونت بتاعي تدخل بيه علي باب اوضتك ...
ميكي :هههههههههههههههههه فادي احسن واحد في مصر ابوه يهزقه وهو بيكمني مايك وانا اكتر واحد اتشمت من ابو فادي
بولا : تحية خاصة من فرق عمل برنامج نأسف علي الازعاج للسيد / والد العضو فادي الماجيك
ميكي : هههههههههههههه ماشي ياعيل ياتيت ده انا حتي محترم معاك من بداية الحلقة وبنقي ردود حلوة في حقك
وفي حق البرنامج
نزل اللي انا قولته ده

بولا : والهي بجد ده واضح جدا جدا جدا بصراحة يا تيت يا ابن التيت نكمل الحلقة علي خير علشان مش اقتلك انهارده
ميكي : نكمل
بولا : ورده حزينة
ميكي :ايجابيتها البت دي بتحس اني مضايق قبل اي حد تاني وبجد بشكرها علي قلبها الطيب اوي ده سلبياتها انها حساسه زياده عن اللزوم

بولا : عماد حسني
ميكي : عماد طيب جدا ومن الناس اللي فخور اني عرفتها علي ارثوزكس سلبياته انه مش واثق من نفسه بدرجة كبيرة يعني تقدر تقول متردد حبتين
بولا :طيب يا ميكي تعال معانا لاسئلة الحوار العادي و نقولك بتحب الصراحة ؟
ميكي : احب الصراحه اللي متكونش مصحوبة بوقاحه
بولا : طيب بكل صراحة و من غير وقاحة قول كلمة لكل منتدي ارثوذوكس الي هتختم بيها حلقتك و كلمة لنأسف علي الازعاج يا ارثوذوكس و فريق عمل البرنامج المكون من 6 افراد
ميكي :طيب استاذ بولا في كل حلقة انت متعود تقول للضيف يسألك تلات اسئلة هو انا برجل واحده ولا طايرالي عين مثلا

بولا :يا عم ده في اخر الحلقة بعد الكلمة اصبر عليا بس و اتقل علي الرز
ميكي :احب اقول للمنتدي كله من اول زائر حتي المدير العام اني بأمانه الللله بعشقكم وبحبكم من قلبي وطول الوقت علي ارثوزكس وياكم واحب اقولكم ان الخروجه الشهرية الاولي انا اترفدت من شغلي عشان المدير قالي يالشغل يالأجازة وساعتها اخترت الاجازة عشان اشوفكم

وفي كتير عاني معايا هذه المأساه لو تفتكروها
اما فريق العمل علي عيني وعلي راسي
واتمني من بولا مش يزكر اساميهم خالص عشان يابولا
كفاية نكرهك انت بس بسبب ام البرنامج ده
استر عليهم
اما نأسف علي الازعاج ياارثوزكس
احب اقوله ومن كل قلبي
انه
بامانه الله
وحقيقي ومن غير نفاق ولا مجامله
انه
برنامج فاشل جدا جدا واللي يقول انه كويس يبقي منافق او بينافق نفسه البرنامج الناجح هو اللي يزود عدد اعضاء المنتدي وكمان يزود الحب والترابط مابين الاعضاء اما برنامجك من ساعة ماتعمل وحصل مشاكل بين الاعضاء بقي عدد تسجيل الاعضاء الجدد قليل جدا كان بيسجل كل يوم 120 عضو جديد علي المنتدي من ساعه مالمشاكل حصلت وحصل خلافات وبانت في توقيعات الاعضاء بقي بيدخل علي المنتدي 35 عضو جديد فقط في اليوم الواحد واقل كمان يبقي برنامج فاشل ولا لا

اما الان نشكر ربنا بدأ المنتدي يعود الي وضعه الطبيعي

وربنا يستر علي العدد بعد الحلقة دي

بولا : ههههههههههه لا يبقا انت عيل تيت علي الاخر ... تعال يا ميكي لفقرة اسئلني في نهاية الحلقة و انا بصراحة شايف انك تعبان جداا و محتاج تروح بيتكم .. تحب تسئلني التلات اسئلة ولا تروح بيتكم ؟؟
ميكي : انا لو علي فراش الموت مش هعتقك يابولا ياعاطف
تعالالي هنا بقي
سيداتي سادتي احب ارحب بكم في برنامجكم الشهر اسف علي الوقاحه
ومعانا ضيف حلقتنا اليوم
الاستاذ بولا لوفر
ازيك يااستاذ بولا بيه

بولا :انجزني علشان عاوز ادخل الحمام لاما هعملها قدامك
ميكي :استاذ بولا شايفك متوتر وعمال تهز في اطرافك ارجوك تهدا بليز
كاميرا واحد تجهز
استاذ بولا عاطف ماسر احدي مواضيعك
اللي نزلته من قبل
علي منتدي ارثوزكس بعد عودتنا من الاسكندرية
موضوع كنت كاتب فيه ان في ناس بتلعب من تحت الطربيزة وعمله اصحابك وهم مش اصحابك ايه سر الموضوع ده اللي كان غامض جدا وانت طلبت حزفه برضو
؟؟؟؟؟؟؟؟؟؟
بولا : الموضوع ده كنت بوصل بيه رسالة معينة لناس معينة يا ميكي بس مش اكتر و لما الرسالة وصلت انا طلبت ان الموضوع يتمسح

ميكي :
تاني حاجه انت غبت عن المنتدي فترة كبير جدا جدا عشان زعلان من واحد معين وهو انا وكمان مجتش الخروجه الشهرية الثامنه عشان متشوفش خلقتي وبعد كده عرفت اني مش ليا زنب في اللي حصل واعتزرتلي
ممكن اعرف ليه زعلت مني وليه صالحتني ؟؟
بولا : اولا غيابي عن المنتدي كان بسبب شغل و تجهيز لافتتاح المول و شوية مشاكل خاصة في حياتي

ثانيا انا مجتش الخروجة علشان كنت زعلان من حد ولا منك يا ميكي انا مجتش الخروجة لان المكان مكنش عاجبني و مكنتش شايف انه يصح اننا نتقابل في المكان ده و ده السبب الحقيقي و قولته لكل الناس الي سالتني انت مجتش الخروجة ليه و غير كده انا جيت الخروجة الي بعدها عادي لاني كنت مقتنع بالمكان و كنت اول واحد موافق عليه

ثالثا انا زعلت منك ليه دي انت عارفها و صالحتك ليه لاني مبعرفش ازعل من حد بحبه اوي مهما حصل و بالذات لما يكون اخويا ميكي و انا الي جيت صلحتك رغم انك انت الي كنت غلطان في حقي بس انا نسيت كل حاجه و كانه لم يكن لاني بجد بحب انسان اسمه ميكي

ميكي : ماهي افضل حلقة في برنامج نأسف علي الازعاج من وجهة نظر بولا لوفر والتي استمتع بها بالعضو المستضاف ؟

بولا : اول حلقة

نشكرك بشدة يا اجمل ميكي
علي حلقتك الي زي العسل دي

في نهاية الحلقة و بالعند في ميكي
بقول و بصوت عالي
:em3400:
نأسف علي الازعاج يا ارثوذوكس
بناء و ليس هدام

اتمني حلقة انهارده تكون عجبتكم
و اكون مقدم خفيف عليكم

انتظروا معانا مفاجاة الاسبوع القادم
و المرادي اقدر اقول
انها هتكون مفاجاة بجد

kamer14

12-14-2008, 10:25 PM

ميرسى يابولا ع الحلقه الجامده دى وميرسى لميكى لصراحته وربنا معاكو ويبارككو وفى انتظار الحلقه التانبه والضيف التانى

miso

12-14-2008, 10:26 PM

ههههههههههههههههه هننتظر مفاجاءاتك يا بولا
طبعا حلقة حلوة ومختفتش منها خفة دم ميكى الطبع غالب
انا ليا حاجتين برضو عايزة اقولهم
موضوع نفاق ميكى انه طلع على البرنامج
هو كدة رد على اللى قال منافق لانه مقلش برضو ان البرنامج حلو ولا غير رايه
بالعكس هو لسة مش مقتنع بالبرنامج
وهو وضح انه دخل احتراما ورغبة للاعضاء اللى طلبو منه ده
وبرضو انا معاه فحكاية لو عايز تصلح بين حد بينك وبينهم انا قولتها برضو فحلقة عماد وقولت نفس الكلمة
العتاب يبقى بين اللى زعلانيين بس
بس يارب المحبة اللى موجودة تبقى بجد
برة المنتدى وجواه
نورت يا ميكى الحلقة
على فكرة عجبنى جدااااااااااااااااااااااا ااا ان نهر النيل مش بيخلص
ومدام الخروجات مستمرة يبقى هتستمر علشان المحبة مش بتخلص برضو لان ربنا بيزدها
برافو بجد كلمة تحفة
انا كدة خلصت رايى
وهنشوف مين مفاجاءة الحلقة الجاية

elphilasouf

12-14-2008, 10:27 PM

واخيراااااااااااااااا حلقه هادئه بنوع كبير
ميرسي بولتى ميرسي ماكوكى
ربنا يكحمكوا يارب انتوا وكل التييييييتالى زيكوا

Team Work®

12-14-2008, 10:30 PM

حلو الحوار دة

قهوة ساده

12-14-2008, 10:34 PM

عجبني موووت وهو ميكي وبوبا بيردحوا لبعضيهم
هههههههههههههههههه

انتوا بجد عيال مسخرة

حلقة جميله جدا وميكي طلع ذكي عشان بيهزق وبيزغزغ في نفس الوقت
ههههههههههههههه

لا بجد برافو عليك يابولا حلقة جامده فعلا
اسئلة جميله وردود اجمل

منتظرين الضيف القادم

ملكه الاحزان

12-14-2008, 10:36 PM

جــــــــــــــــــــــــ ـــــامد يابولا حوار 10\10

b o b b a

12-14-2008, 10:40 PM

عيل تييييييييييييييييييييييت
ههههههههههههههههههههههههه هههههه
حلقه جامده جدا بجد
من بولا ومن ميكي
ربنا معاكم

الناى الحزين

12-14-2008, 10:43 PM

بصراحه حلقه مش عاجبانى

ماروجيرافك

12-14-2008, 10:46 PM

الله عليكم بجد اسعتوني بالقأكم ده
يارب ديم المحبه الي بنا

M@@@NOOOO

12-14-2008, 11:01 PM

حلقه جميله جداااااااا
بشكر ميكى على كلامه وعلى صراحته الجميله
وبشكر بولا وكل فريق العمل على الحوار اللذيذ ده
ربنا معاكو ويفرح قلوبكووووو

جاسيكا

12-14-2008, 11:07 PM

هههههههههههه
جميلة قوى يا بولا الحلقة دى
واكتر حاجة ضحكتنى انو بيتشتم من بابا فادى
ههههههههههههههههههههههههه هههههههه
الحمد لله ربنا بيخلصلنا حقنا

aymonded

12-14-2008, 11:09 PM

حلقة في منتهى الروعة وعجبتني جدااااااااااااااااااااااا ا
واحلى حاجة سلبياتي اللي ذكرها ميكي وأقوله
سوري يا مكمك أن مش كنت أنا أنيمك مين اللي ينيمك يعني
ههههههههههههههههههههههههه هههههههههههههههههههههههه
ههههههههههههههههههههههههه هههههههههههههههههههههههه
رسالة من أخوك ايموندد ابو النوم ههههههههههههههههههههه
http://img156.imageshack.us/img156/1523/sleeepeo3.jpg

وردة حزينة

12-14-2008, 11:25 PM

ميكى بجد انا فرحانه اوى اوى باايجباتك اللى بعيده عن النفاق وتزويقك الكلام

برافو عليك وانا حقيقى كنت مستنيه حلقتك ده من زمانت لانى كنت واثفه ان الحلقه ده هاتبقى اكتر حلقه فيها حقيقه وشفافيه

برافو مايكل برافو بولا

ربنا معاكم

ZEZOMERO

12-14-2008, 11:31 PM

بجد حلقة مليانة صراحة فعلا
وجميلة اوى اوى

بابا فادى

ابو فادى دا راجل جميل اوى اوى بجد قعدت معاه نص ساعة بس كانت جميلة اوى اوى

هههههههههه
انا فى انتظار الضيف القاااااااااااادم

bolalover

12-15-2008, 03:05 PM

استدعاء و نداء علي العضو فادي الماجيك
و انا بنادي علي فادي و بقوله ادخل شوف الموضوع مكنش مصدق

واد يا فادي ادخل قسم كلام في الممنوع
و اقرا الحلقة بتاعة امبارح
اصل ابوك كان ضيف معايا في الحلقة

و ده كان رده التيت ابن التيت

ههههههههههههههههههههههههه هه
يا ابن -تيييييييييييييت- وابويا اية الى هيجيبو هنا ولو هو جية انا هفضل قاعد يا اهبل
ههههههههههههههه
ماشى يا تيت هخش اهو

ELMAGEK

12-15-2008, 03:31 PM

بولا : فادي الماجيك ؟
ميكي : ايجابياته انه مرح جدا لأبعد الحدود وتعليقاته وكومنتاته بتضحكني من قلبي بجد
سلبياته انه جبان مووووووووز
او مش جبان متردد اوي
وعلي رأي الشاعر رامي صبري
كلمه كلمة توديك وكلمة تجيبك

بولا :طيب انا احب اوجه رسالة لفادي من هنا و ارجو ميكي يعلق عليها .. باب الاوضة بتاعتي يا فادي لسا باسورد تحب ابعتلك الاكونت بتاعي تدخل بيه علي باب اوضتك ...
ميكي :هههههههههههههههههه فادي احسن واحد في مصر ابوه يهزقه وهو بيكمني مايك وانا اكتر واحد اتشمت من ابو فادي
بولا : تحية خاصة من فرق عمل برنامج نأسف علي الازعاج للسيد / والد العضو فادي الماجيك

ههههههههههههههههههههههههه هههههههههههه
اة يا تيت انتا وهوة كدة تجيبو سيرة ابويا وانا فى غفلة من امرى
ماشى يا عم ميكى انتا والواد بتاع الباسورد التيت ابن التيت دا راخر
بس اية يا عم ميكى الرئى الجريئ دا فاشل فاشل يعنى مفيش اى مجاملة ماشى يا عم بولا حلقة جامدة والله ومرسى يا باشا على الضيف الجميل الى بجد برنس المنتدى
وبالتوفيق يا لمقدم البرنامج منى الحسينى
ههههههههههههههههههههههههه ه
وربنا يستر عليك ومتبقاش نهايتك زى بوش يا تيت
ههههههههههههههههههههههههه ههههههههههههههههههههههه

bolalover

12-15-2008, 03:36 PM

ههههههههههههههههههههههههه هه
حبيب قلبي اوب الفداء
طيب تحب ابعتلك الاكونت بتاع باب الاوضة بتاعتي
ههههههههههههههههههههههههه ههه

aymonded

12-15-2008, 09:26 PM

ههههههههههههههههههههههههه هههههههههه
ههههههههههههههههههههههههه هههههههههه
أنهي ديك فيهم يا جميل من دول
http://img156.imageshack.us/img156/7632/hohoom6.jpg

MICKEY

12-15-2008, 09:32 PM

الاولاني
وهخليك كمان في 2009 بدل ماتقول للناس صباح الخير يامحبوب المسيح
هخليك تقولهم
صبح صبح ياعم الحاج
هههههههههههه

nermos1982

12-15-2008, 09:39 PM

الله يكون فى عونك يا استاذ ايمن

الناى الحزين

12-15-2008, 09:39 PM

ايه يا استاذ ايمن انت شايفه عبيط
ما الديك الاولانى هو هو الديك التانى
انت بتستعمى ميكى يا عم ايموند ولا ايه

وهو زى العبيط يقولك لا الاولانى
لا فالح يا ملك الكوميديا

وردة حزينة

12-15-2008, 09:46 PM

تفتكر يامايكل ان استاذ ايمن هايجى عليه يوم ويقولى صبح صبح ياعم الحج
بامانه لو عملتها هايبقالك هديه جامده هااخدك معايا هولندا
بس ورينا شاطراتك عايزينها سنه المفجاعات

MICKEY

12-15-2008, 09:47 PM

طيب ياوفاء انا هخليه يقولها حالا
استاذ ايمن متحرمش اخوك ميكي من رحلة لهولندا

وريها الوش التاني

وقولها صبح صبح

وردة حزينة

12-15-2008, 09:54 PM

ههههههههههههههههههههههههه ههههههههههههههههه
لا ياحلو هى بالساهل كده دانا بقول رحله لهولندا شامله السفر والاقامه والاكل ميش رحله للجيزه انا ليا شروط
اولا تبقى عن قناعه شخصيه من استاذ ايمن
ثانيا هااحطه تحت التجربه لمده شهر كل يوم يدخل يصبح عليا ويقولى صبح صبح واشطه جدا الديك بيدن
ثالثا كمان فى كل ردوده على كل اعضاء المنتدى الكرام ويستبدل كلماته المعتاده بكلماتك المعروفه للشارع المصرى
لو حصل الرحله والشنطه واكلك على حسابى وحساب موريس يالا ياعم
ههههههههههههههههههههههههه ههههههههههه
فرجنا بقى

aymonded

12-15-2008, 10:03 PM

طب يا أحلى غالي اقولها ازاي دية مش عايزة تتكتب على الكي بورد
الكي بورد عطل يا جميل

aymonded

12-15-2008, 10:04 PM

ايه يا استاذ ايمن انت شايفه عبيط
ما الديك الاولانى هو هو الديك التانى
انت بتستعمى ميكى يا عم ايموند ولا ايه

وهو زى العبيط يقولك لا الاولانى
لا فالح يا ملك الكوميديا

هو انت لازم تفشي السر يعني
عديها بقى

aymonded

12-15-2008, 10:05 PM

MICKEY

12-15-2008, 10:08 PM

يعني مش هتصبح
طيب
اشطة جدن الديك بيدن
انا مش هدخل المنتدي
غير لما تقول لورده
صبح صبح ياعم الحاج

سلالالالالالالالالالالالا لالالالالالالالام

aymonded

12-15-2008, 10:10 PM

ههههههههههههههههههههه
باين عليك مش هاتدخل يا حبي
اقولها ازاي دية بزمتك يعني دية مش بتتكتب

وردة حزينة

12-15-2008, 10:19 PM

ههههههههههههههههههههههه
خلاص ياميكى خلى عندك روح رياضيه وادخل بقى
طب صعبه على استاذ ايمن هانعمل ايه طيب
معلش هاابقى اخدك رحله لحد الاهرامات وخلاص ماتزعلش نفسك
لا يكلف الله نفسا الا وسعها ههههههههههههههههههههههههه هههههههههههههههه
ومعلش يااستاذ ايمن لزم تبقى شروط قاسيه
ياجدعان انا بقول رحله لهولندا

aymonded

12-15-2008, 10:20 PM

ههههههههههههههههههههههههه هههههه
ههههههههههههههههههههههههه هههه
http://img529.imageshack.us/img529/6254/tire001ul8.jpg
أنا أجري احسن والشاطر يحصلني

nermos1982

12-15-2008, 10:21 PM

غمض عينك واكتبها يا استاذ ايمن. ميهونش عليك ميكى يسيب المنتدى صح؟
انا عارفة قلبك الطيب .ياللا اكتبها بسرعة .مش هاتحس بيها صدقنى.خد كلامى ثقة وجرب

aymonded

12-15-2008, 10:24 PM

وردة حزينة

12-15-2008, 10:29 PM

ومازال العرض مستمر يامايكل سامى
العرض مستمر ل3 ساعات القادمه
حاول اقناع الاستاذ ايمن وستجد هديتك فى انتظارك
حلق اكتر فرصتك فى الفوز هاتكتر

الناى الحزين

12-15-2008, 10:31 PM

هاى مين مايكل سامى ده
انا الناى ممكن اتعرف

وردة حزينة

12-15-2008, 10:31 PM

الجايزه ايه يامايكل على هذا السوال
اللى اوله شرط اخره نور

بس ماتسهلها شويه السوال صعب اوى

MICKEY

12-15-2008, 10:31 PM

ايمن وحياة اغلي حاجه بقي عندك
قول لورده

فكك مني
او قولها

صباح العسل والمهليبة علي الناس الميه ميه

قول بقي قول قول قول

بامانه ماهدخل تاني بقي
انت حر

بنت الراعي

12-15-2008, 10:31 PM

اولا حلقه جميله جداااااااااا
وسوري علي التاخير في الرد
وربنا يعوضك ويباركك يا بولا
ميكي ردودك رووووعه وبجد انا استمتعت بيها
ميرسي كتير ربنا يفرح قلبك
اما بالنسبه لموضوع صبح صبح يا عم الحاج
فمعتقدش ابدا ان مستر هايعمل ده
يعني راحت عليك الرحله يا ميكي ههههههههههههه
معلش يا مستر بليز قول علشان ميكي يسافر

aymonded

12-15-2008, 10:32 PM

ومازال العرض مستمر يامايكل سامى
العرض مستمر ل3 ساعات القادمه
حاول اقناع الاستاذ ايمن وستجد هديتك فى انتظارك
حلق اكتر فرصتك فى الفوز هاتكتر

http://img509.imageshack.us/img509/6435/sleeplearningbc0.jpg

وردة حزينة

12-15-2008, 10:33 PM

ههههههههههههههههههههههههه ههههه
سافرك بقى مطلب شعبى ياميكى ههههههههههههههههههههههههه هههههههههه

aymonded

12-15-2008, 10:37 PM

ايمن وحياة اغلي حاجه بقي عندك
قول لورده

فكك مني
او قولها

صباح العسل والمهليبة علي الناس الميه ميه

قول بقي قول قول قول

بامانه ماهدخل تاني بقي
انت حر

http://img370.imageshack.us/img370/8338/ss2ku0.jpg

نبيل نصيف جرجس

12-15-2008, 11:07 PM

مش عارف اقولكم اية بس ربنا يعمل اللى فية الخير

ريهامووو

12-15-2008, 11:24 PM

حوار جميل جدا يا بولا
الاسئلة حلوة جدا
والردود كانت صريحة وواضحة
جدا من ميكى

شكرا يا ميكى ويا بولا على الحوارالجميل

ربنا يسعد ايامكم ويفرحها

IO-Mena

12-16-2008, 01:00 AM

حلقه جميله ولطيفه وبرنامج جميل

انسطاسيا

12-16-2008, 01:53 AM

حوار جميل وصراحه فظيعه ميرسي يا بولا انت وميكي علي الحوار الممتع
ربنا معاكم

elphilasouf

12-16-2008, 06:27 PM

ههههههههههههههههههههههه
ممكن اقولها انا واروح الرحله معاكوا ؟
ها ها

R&F

12-17-2008, 01:48 AM

انا للاسف عضوه جديده فى المنتدى واتمنى تقبلنى اخت ليكم بجد فكره البرنامج حلوه اوى انا زعلانه ع الحلقات القديمه اللى مش حضرتها
بس انشاء الله مش هضيع ولا حلقه تانى

aymonded

12-17-2008, 02:03 AM

انا للاسف عضوه جديده فى المنتدى واتمنى تقبلنى اخت ليكم بجد فكره البرنامج حلوه اوى انا زعلانه ع الحلقات القديمه اللى مش حضرتها
بس انشاء الله مش هضيع ولا حلقه تانى

نورتي المنتدى كله بحضورك الحلو فيه يا محبوبة الله الحلوة
وكل سنة وانت طيبة

عماد حسنى

12-17-2008, 03:25 AM

شكرا بولا على الحلقه
وبرافو جدا جدا جدا ميكى

ELMAGEK

12-17-2008, 11:26 AM

aymonded

12-17-2008, 11:37 AM

فى ردود اتحزفت من الموضوع ممكن نعرف السبب

ومين الى حزفها السؤال موجة للاستاذ مايكل سامى
والاستاذ بولا
واى مشرف عام ممكن نعرف الى حصل بصراحة
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟

أنا اللي حذفت الردود يا جميل ومش في حاجة حصلت يا حبي دة مجرد تعديل صغطط يا صديقي الحلو

ظريف

12-20-2008, 09:20 PM

شكرا يا بولا على تعبك وربنا يعوضك

ميكي : ظريف حبيبي علي مقالب زمان

إنت لسه فاكر ؟ يااااااااااااه على قلبك الأسود

ميكي : ظريف انسان شهم جدا جدا بره المنتدي اما داخل المنتدي تعليقاته تكون قاسية في بعض الاحيان

فى بعض الأحيان بقرأ مشاركات بتستفذنى جدا جدا جدا
مثل فيه موضوع الحب عن طريق النت
قرئت مشاركه من عضو بيقول فيها أنا بأؤمن من الحب عن طريق النت ومش ضرورى إننا نشوف اللى بنحبه فى الحقيقه وهذا العضو زود جهله وقال نحن نحب المسيح ولم نراه
فهذا التشبيه أستفذنى جدا لأنه شبه حب المسيح الذى فدانا بحب البنت للولد والولد للبنت
بس هذا العضو أخذ حقه منى هههههههههههههههههههه
وزمانه زعلان هههههههههههههههههه

MICKEY

12-20-2008, 09:57 PM

في الحالة دي يااشتاذ ظريف يمكن يكون يقصد حب الشخص ولكن ليس حب العاطفة
يعني مثلا انا حبيتك من النت قبل ماشوفك في الحقيقة
وحبيت فلانه وفلانه وفلانه من النت من غير ماشوفهم
مجرد حب اخوي
ولكن اذا كان يقصد حب عاطفة
فأكيد يستاهل اللي يجراله منك
ههههههههههههه

ظريف

12-20-2008, 10:23 PM

يااشتاذ ظريف
وعجبى .........
هههههههههههههههههه
شكل بولا شد عليك السلخ فى الحلقه دى ومقعدكش تحت المروحه