غيرت شفيعى موضوع للنقاش

[الامير الحزين]

كل منا يحب التغير فى كل شى فى استايلة فى طريقة كلامة حتى اسمة
لكن فى اشياء ثابتة صعبة التغير لاننا مقتنعين بها مثل الدين والحمد للة اننا مسيحيين

حدث معى موضوع غريب
اشتريت لصديقى هدية وهى صورة لقديس وقولت لة انا عارفك بتحب هذة الصورة علشان صاحب الصورة شفيعك علشان كدة انا خترتها لك
اجاب صديقى وقال انا هقبل الهدية منك لكن خلاص هو مش شفيعى انا غيرتة وانا دلوقتى شفيعى الشهيد .......
انا استغربت هو فعلا ممكن تغير الشفيع كدة بسهولة بدون مقدمات
صديقى غير شفيعة وبسهولة جدا سالتة عن السبب فى التغير قال انا اتشفعت بية كتير فى مواضيع كتيرة لكن لم يقف معى
قولت لية هو دا السبب
وقولت لنفسى ياترى احنا بنختار شفيعنا ولا شفيعنا هو اللى بيختارنا
وعلى فرض هذا او ذاك نستطيع نغير الشفيع وهل فى استطاعتنا نحتفظ بااكثر من شفيع
فى ناس مش عندها حاجة اسمة شفيع لا تعترف بذلك دا حرام ولا
فى حكم الدين هل نستطيع ان نغير الشفيع

[aymonded]

سلام لنفسك يا محبوب ربنا يسوع والقديسين
هناك مفهوم مغلوط عند الناس وليس حسب المفهوم الأصيل للكتاب المقدس وآباء الكنيسة وهو أن لكل واحد شفيع مخصص ولا علاقة له بباقي القيسين وكأن كل شفيع منفرد بذاته ، وهذا خطأ لاهوتي عظيم ، لأن كنيسة الله لا تنقسم أو ينفصل قديسيها أبداً وعلى الإطلاق !!!

هناك سحابة شهود محيطة بنا وليس قديس واحد أو شفيع واحد كما يظن البعض ، بل حينما نذكر قديس لابد على الفور وحتماً ، ينبغي أن يكون معه سحابة لا ينفصل عنها أبداً ، وهذا ليس اختراعي الخاص بل كلمات القديس بولس نفسه وإيمان الكنيسة الجامع ...

فإيمان الكنيسة أن في كل صلاة ترفعها لابد من ذكر جميع القديسين والآباء الذين شهدوا للإيمان الحي بحياة مقدسة وحياة التقوى ومحبة الله ، فأنهم انتقلوا ولكنهم لم ينفصلوا عن بعضهم البعض أو عن الكنيسة أبداً ، ومن الخطأ أن نظن أن لنا قديس واحد نتعلق به تاركين قديسين آخرين !!!

فهل نحن نتصالح ونتعامل ونتشفع بالقديس مارمينا فقط ونترك القديس مارجرجس مثلاً ، أو لا نتمسك بالآباء الرسل أن يكونوا شفعاء لينا مثلاً ، أو نترك القديسة العذراء مريم أمنا جميعاً في ربنا يسوع !!! وهكذا نختار قديس ونترك باقي الآباء والقديسين !!!

ألم يفكر أحد ابداً في كلام القديس بولس الرسول :
* " لذلك نحن ايضا اذ لنا سحابة من الشهود مقدار هذه محيطة بنا لنطرح كل ثقل و الخطية المحيطة بنا بسهولة و لنحاضر بالصبر في الجهاد الموضوع امامنا. ناظرين الى رئيس الايمان و مكمله يسوع الذي من اجل السرور الموضوع امامه احتمل الصليب مستهينا بالخزي فجلس في يمين عرش الله. " ( عب 12: 1 - 2 )

وهل لنا أن نتسائل لماذا في كل قداس نذكر في المجمع كل القديسين ، وحتى الذين لم نذكرهم نذكرهم جملة دون أن نقول جميع الأسماء ، وهل لنا اليوم أن نعي إيماننا أن حتى في مخدعنا حينما نقف أمام رب الجنود الكامل نقف أمام العرش الإلهي وجميع القديسين حاضرين مع رب الجنود الكامل ولا يقف قديس واحد فقط أمام عرش الله !!!

فانا أتسائل : هل هناك انقسام في الكنيسة وكل قديس مستقل وحده !!!!
متى نعي أبعاد إيماننا الأرثوذكسي القويم حسب الكتاب المقدس والتسليم الآبائي الأصيل !!!

لأن طالما مفهومنا حسب فكرنا الخاص وراينا الشخصي ، يبقى أكيد لازم نغير ونبدل قديسين كيفما نشاء ، وكأن هذا يستجيب وهذا لا ينظر ويستجيب ، مع أن الذي يستجيب في النهاية هو الله بصلوات القديسين ومعونتهم لنا ، فصاحب العطايا هو الله الذي يُعطي في النهاية !!!

ورجاء قراءة رسالة العبرانيين الأصحاح 11 و 12 وذلك للأهمية والضرورة

النعمة معك وأشكرك جداً على هذا الموضوع الهام للغاية لضبط المفاهيم وتصحيح الوضع ، والتمسك بإيمان الكنيسة الجامع حسب الكتاب المقدس ووحدة الكنيسة على مر الأجيال كلها ، من أول آدم إلى آخر قديس يحيا على الأرض ...

ولنا أن نفرح جداً ونتعزى ونترك أنفسنا لنعمة الله بسهولة ، لأن لنا سحابة عظيمة محيطة بنا فلنتمسك بها لأنها سور حماية لنا وفرح عظيم لكل قلب محباً لله ...

[أميرة عبده]

ميرسيه اوى للأمير الحزين على سؤاله وميرسيه اوى يا استاذ ايمن لرد حضرتك بجد استفدت خالص

[aymonded]

ميرسيه اوى للأمير الحزين على سؤاله وميرسيه اوى يا استاذ ايمن لرد حضرتك بجد استفدت خالص

لنفرح معاً يا محبوبة الله لأن لنا سحابة عظيمة مقدار هذه ، فلنطرح عنا ثقل الخطية بسهولة متمسكين بثقة الرجاء لأن الله أمين يرعانا ويحبنا جداً ولنا إخوة مكرمين وأحباء قديسين يسندوا ضعفنا بصلواتهم أمام عرش الرحمة ، ولنا أم محبوبة ترعانا لأنها أم النور الحقيقي وأم الحب المتجسد في ملئ الزمان ...

فرحنا الله معاً بصلوات سحابة القديسين والشهداء والمعترفين ومعلمي الكنيسة ، الذين صاروا سور حماية لنا في كل جيل وكل زمان ؛ النعمة معك

[elphilasouf]

ميرسي ليكوا جدا بجد ربنا يعوضكوا

[elphilasouf]

بس هل تحديد شفيع معين ده كويس ولا مش كويس؟؟

[aymonded]

عادي يا جميل مش مشكلة ولا خطأ تحديد شفيع معين ؛ مع أن الأصل هو طلب الجميع لأن كل القديسين في وحده واتصال وثيق
لأننا جميعاً أعضاء في الجسد الواحد المتصل ، وفي الواقع اننا لا نطلب قديس واحد رغم تعلقنا بأحد القديسين

بمعنى أن لو اتخذنا لنا شفيع معين لايمكن أن يكون وحده يصلي من أجلنا ، بل القديسين جميعاً يشتركوا معاً بروح واحدة ومحبة واحدة أمام عرش الرحمة ؛ وفي كل صلواتنا بنطلب صلواتهم وطلباتهم من أجلنا بدون تحديد شخص واحد أو مجموعة معينة ، ولننظر لصلوات الكنيسة وطلباتها التي نطلبها معها بروح واحد وقلب واحد ، وبنفس ذات الروح نطلب القديسين

يعني أحنا بنطلب أحياناً قديس واحد يصلي من أجلنا ، مع أن في الواقع دائماً ومع الكنيسة وفي القداس نطلبهم جميعاً ، ونقف في مخادعنا أمام الله وهم جميعاً ملتفين حولنا جميعاً ...

النعمة معك ومع الجميع كل حين

[الامير الحزين]

ورجاء قراءة رسالة العبرانيين الأصحاح 11 و 12 وذلك للأهمية والضرورة

النعمة معك وأشكرك جداً على هذا الموضوع الهام للغاية لضبط المفاهيم وتصحيح الوضع ، والتمسك بإيمان الكنيسة الجامع حسب الكتاب المقدس ووحدة الكنيسة على مر الأجيال كلها ، من أول آدم إلى آخر قديس يحيا على الأرض ...

ولنا أن نفرح جداً ونتعزى ونترك أنفسنا لنعمة الله بسهولة ، لأن لنا سحابة عظيمة محيطة بنا فلنتمسك بها لأنها سور حماية لنا وفرح عظيم لكل قلب محباً لله ...


شكرا على مرورك ونورت الموضوع بردك المتميز

[الامير الحزين]

ميرسيه اوى للأمير الحزين على سؤاله وميرسيه اوى يا استاذ ايمن لرد حضرتك بجد استفدت خالص
شكرا على مرورك نورتى الموضوع يااميرة ودايما تشاركينا

[الامير الحزين]

ميرسي ليكوا جدا بجد ربنا يعوضكوا

شكرا على مرورك نورت الموضوع

[aymonded]

شكرا على مرورك ونورت الموضوع بردك المتميز

الموضوع زاد إشراق بقلمك الحلو يا محبوب الله الغالي
والشكر والتقدير ليك لطرح هذه المناقشة الرائعة والهامة جداً
طالباً من الله أن تكون بركة وفرح لحياة الكثيرين
أقبل مني كل حب وتقدير يا أروع أخ غالي
النعمة معك كل حين

[الامير الحزين]

الموضوع زاد إشراق بقلمك الحلو يا محبوب الله الغالي
والشكر والتقدير ليك لطرح هذه المناقشة الرائعة والهامة جداً
طالباً من الله أن تكون بركة وفرح لحياة الكثيرين
أقبل مني كل حب وتقدير يا أروع أخ غالي
النعمة معك كل حين


يسعدنى ان الموضوع نال عجابك عايز اقولك شى ردك ممتاز بس عايز اعرفك على حاجة
ان الصديق الموجود فى الموضوع قصتة كانت من تاليفى معظم مواضيعى بيوجد فيها قصة لكن من تاليفى لكى يفهم الموضوع كل الاعضاء واعرف اوصل ليكم المعلومة باسلوبى
كنت عايز ردك ونقدك على مواضيعى
لحظة موت فى المنتدى العام
الصدمة فى ليلة الخطوبة
هل تقبلين الزواج بة
اخويا يتزوج حبيبتى
هل تعتبر خيانة منك هذة المواضيع فى مواضيع الشباب
منظر ردك ياغالى

[aymonded]

أنا أشكرك - فعلاً - يا جميل
وحقيقي اقنعتني جداً بجمال أسلوبك أن في حد فعلاً عمل كده ، مع أن بيتعمل كده فعلاً وسمعت ناس كتير بيقولوا كده فعلاً ، بس حقيقي اسلوبك رائع وكتابتك لها اسلوب مميز جداً ...

ومن عنيا أكيد هابقى اشوف موضوعاتك يا احلى أخ غالي وارد عليها طبعاً ده شيء يشرفني حقيقي
أقبل مني كل تقدير وشكر لشخصك الجميل ؛ النعمة معك

[الامير الحزين]

أنا أشكرك - فعلاً - يا جميل
وحقيقي اقنعتني جداً بجمال أسلوبك أن في حد فعلاً عمل كده ، مع أن بيتعمل كده فعلاً وسمعت ناس كتير بيقولوا كده فعلاً ، بس حقيقي اسلوبك رائع وكتابتك لها اسلوب مميز جداً ...

ومن عنيا أكيد هابقى اشوف موضوعاتك يا احلى أخ غالي وارد عليها طبعاً ده شيء يشرفني حقيقي
أقبل مني كل تقدير وشكر لشخصك الجميل ؛ النعمة معك


موضوعى لا يكون جميل الا بمروركم علية لان بمرور اخواتى الاعضاء يعطى الموضوع جمال من نوع خاص حتى ولو الموضوع مش شيق

[الامير الحزين]

الشفيع مش مجرد قميص تقدر تغيرة ولا فستان اذا لم يعجبك سهل تشترى غيرة
الشفيع عند اللة قيمتة كبيرة جدا لانة حمل اسم يسوع وسط العذاب
انت جاى كدة تقول هغيرة
اذا طلبت شى من شفيعك ول يتم الامر مش معناة ان الشفيع مقصر لا دى حكمة من عند اللة
او انت لم تطلبة بايمان
احنا منستاهلش يكون شفيع لنا

[lolaemo]

انا بشكرك على السؤال ياامير ياحزين وبشكر الاستاذ ايمن على اجابته بس انا بردو عاوزة اعرف لو حد غير شفيعه ده غلط ولا حرام ولا المفروض ميحصلش ويزعلو منه القديسين؟

[aymonded]

مش في حاجة اسمها يغير شفيعه يا محبوبة الله الحلوة ...
لأن حينما يكون لنا شفيع من القديسين ، فجميع القديسين معه مترابطين ، فممكن أن تطلبي قديس واتنين وتلاته ومليون ، وكلهم معنا وحولنا سحابة شهود محيطة بنا ، رجاء قراءة رسالة القديس بولس لعبرانيين الأصحاح 11
نحن نُخطأ حينما نظن أن لنا أب قديس واحد فقط ، فماذا عن القديسة العذراء مريم أمنا كلنا ، وماذا عن القديس مرقس الرسول والآباء الرسل القديسين ، وماذا عن القديس اثناسيوس الرسولي والقديس الأنبا أنطونيوس ... ـألخ ألخ !!!

فلننظر للموضوع بنظرة متسعة وننظر لتسليم الآباء الرسل والقديسين وصلوات الكنيسة التي تطلبهم جميعاً !!!

النعمة معك يا محبوبة الله الحلوة

[جاسيكا]

ميرسى بجد ليك يا امير على سؤالك ومناقشتك ف الموضوع بجد
وكمان بشكر استاذ ايمن لانى نا استفدت من ردة دا بجد
لانى انا كمان ليا اكثر من شفيع وكنت فاكرة ان دا غلط
لن الحمد لله فهمت ميرسى كتير

[الامير الحزين]

انا بشكرك على السؤال ياامير ياحزين وبشكر الاستاذ ايمن على اجابته بس انا بردو عاوزة اعرف لو حد غير شفيعه ده غلط ولا حرام ولا المفروض ميحصلش ويزعلو منه القديسين؟



شكرا على مرورك
اعتقد الاستاذ ايمن رد رد مقنع

[الامير الحزين]

ميرسى بجد ليك يا امير على سؤالك ومناقشتك ف الموضوع بجد
وكمان بشكر استاذ ايمن لانى نا استفدت من ردة دا بجد
لانى انا كمان ليا اكثر من شفيع وكنت فاكرة ان دا غلط
لن الحمد لله فهمت ميرسى كتير





شكرا على مرورك جاسيكا

[الامير الحزين]

شكراااااااااااااااااااااا ااااااااااااااااااااااااا ااااااااااااااااااااااااا اااااااااااا

[nona queen]

لالالالالالالالالالالالال الا طبعا يعنى ايه تغير شفيعك
هو ممكن انا اتشفع بكل القديسين واندر ليهم كل واحد فى كنيسته
لكن انى اغير شفيعى عشان مش ساعدنى فى طلباتى لا طبعا ده جهل لان الطلبه دى تحقيقها فى ايد ربنا وحده حتى القديسين مش تقدر على تحقيقها اذا كان رب المجد رافض القضيه وبالنسبه ليه منتهيه
طيب انا ممكن اقول حاجه
انا مثلا اول مره اتشفعت بالبابا كيرلس ومارمينا شفيعى وحبيبى الغالى اوى على قلبى كان خلال فتره امتحان صعب جدا وكنت مرعوبه منه وصدقنى حسيت ان القلم بيتحرك لوحده ومش انا اللى بكتب لانى كنت مرعوبه حتى ايدى كانت بتترعش لكن حسيت انهم هما اللى جاوبولى واخدت امتياز فى الماده الحمدلله وبعد كده حصلت معايا مشاكل كتير وطلبتهم ومكنش فيه استجابه وكله تم فى اوانه وبعد فتره طويله
هل معنى كده انهم مش كويسين ولا اروح اغيرهم عشان هما اظاهر ملهومش فى النوع ده من المشاكل ولا يمكن سامحنى يارب مشغولين بناس تانيه غيرى
حاشا لله انى اغير شفيعى ابدا لكن مش يمنع انى اطلب من قديس مثلا زرته فى ديره واندر واوفى ندرى ليه لو تمت الطلبه بمشيئه مللك الملوك مش عارفه اقولك ايه يا امير بجد مواضيعك كلها جميله ومش قادره مش ارد عليها من جمالها واهميتها فى حياتى
ميرسى يا باشا وربنا يعوض تعب محبتك

[amgad nagy]

انا بالنسبالى شفيعى مش غيرته لكن بقيت أتشفع بقديس تانى أكتر شوية وبصراحة بلجأله فى الحاجات الصعبة لكن الشفيع الأولانى بذكرة طبعا وانا بصلى لكن التانى بلجاجة كتيير ومرسى بجد على الموضوع الجميل دة

[الامير الحزين]

لالالالالالالالالالالالال الا طبعا يعنى ايه تغير شفيعك
هو ممكن انا اتشفع بكل القديسين واندر ليهم كل واحد فى كنيسته
لكن انى اغير شفيعى عشان مش ساعدنى فى طلباتى لا طبعا ده جهل لان الطلبه دى تحقيقها فى ايد ربنا وحده حتى القديسين مش تقدر على تحقيقها اذا كان رب المجد رافض القضيه وبالنسبه ليه منتهيه
طيب انا ممكن اقول حاجه
انا مثلا اول مره اتشفعت بالبابا كيرلس ومارمينا شفيعى وحبيبى الغالى اوى على قلبى كان خلال فتره امتحان صعب جدا وكنت مرعوبه منه وصدقنى حسيت ان القلم بيتحرك لوحده ومش انا اللى بكتب لانى كنت مرعوبه حتى ايدى كانت بتترعش لكن حسيت انهم هما اللى جاوبولى واخدت امتياز فى الماده الحمدلله وبعد كده حصلت معايا مشاكل كتير وطلبتهم ومكنش فيه استجابه وكله تم فى اوانه وبعد فتره طويله
هل معنى كده انهم مش كويسين ولا اروح اغيرهم عشان هما اظاهر ملهومش فى النوع ده من المشاكل ولا يمكن سامحنى يارب مشغولين بناس تانيه غيرى
حاشا لله انى اغير شفيعى ابدا لكن مش يمنع انى اطلب من قديس مثلا زرته فى ديره واندر واوفى ندرى ليه لو تمت الطلبه بمشيئه مللك الملوك مش عارفه اقولك ايه يا امير بجد مواضيعك كلها جميله ومش قادره مش ارد عليها من جمالها واهميتها فى حياتى
ميرسى يا باشا وربنا يعوض تعب محبتك





اولا شكرا على مرورك ربنا يبارك حياتك
ثانيا رايئك فوق الممتاز لانة اضاف لموضوعى اشراقة ومفهموم جميل
وانتى برائيك اعتقد لخصتى موضوعى واجبتى على السؤال بكل حرفية وامتياز

[الامير الحزين]

انا بالنسبالى شفيعى مش غيرته لكن بقيت أتشفع بقديس تانى أكتر شوية وبصراحة بلجأله فى الحاجات الصعبة لكن الشفيع الأولانى بذكرة طبعا وانا بصلى لكن التانى بلجاجة كتيير ومرسى بجد على الموضوع الجميل دة



شكرا على مرورك ربنا يبارك حياتك
شكرا على صارحتك
ودايما منور المنتدى وخاصا مواضيعى

[الامير الحزين]

شكراااااااااااااااااااااا ااااااااااااااااااااااااا ااااااااا