هو انا كده اعترفت !!؟؟؟

[بنت الراعي]

سلام المسيح يا اخواتي وكل سنه وانتم طيبين
وبنعمة ومحبة ربنا متجمعين
انا كنت محتاجه اعرف اجابة السؤال ده
ابونا اب اعترافي ده غالي عليا جدااااااا جداااااااااا
وهو كمان بيحبني زي بنته بالظبط
علشان كده اما الظروف بعدته عننا انا برده لسه بعترف عنده
ونظرا لبعد المسافه وظروفه الصحيه
احيانا اروح اعترف انا واهلي يقرا لنا التحليل ويدينا ارشاد من غير مانعترف
وباامانه ارشاده دايما بيكون في النقطه اللي عايزه اتكلم فيها معاه
وكل واحد فينا بيحس انه بيكلمه لوحده
بس
هو انا كده اما ابونا يقرا لي التحليل ابقي كده اعترفت وغفرت خطاياي ولا لا
انا اسفه دوشتكم وربنا يعوضكم

[aymonded]

سلام لنفسك يا محبوبة الله
غفران الله مسئولية الله ، والكاهن يُعطي الحل من أجل الشركة في الكنيسة ، والاعتراف مش مجرد سرد خطايا ، وقد تكلمنا عن قوانين الاعتراف في المنتدى كثيراً ، وسوف نضع موضوع متكامل عن التوبة والاعتراف كسر يتم في أعماق القلب وقوة اتساع غفران الله وشركة الكنيسة المقدسة والأبوة الروحية ...

والأب الروحي لا يعطي حلاً إن لم يكن قد توفرت نية التوبة عند الإنسان ، فليس من الضرورة بالبوح بكل صغيرة وكبيرة طالما الأب الروحي منع البوح بها لحكمة وإرشاد حسب ما أعطاه الله من معرفة ، وقد أخذ موهبة الأبوة بالروح القدس ...

وأحياناً كثيرة لا يعطي الأب الروحي فرصة للمعترف بسرد خطاياة ، لأسباب عديدة لا مجال لشرح تفاصيلها الآن بل يفضل أن تكون لكل شخص حسب حالته الخاصة ، لئلا يُأخذ الكلام على أنه إرشاد عام ، لذلك أفضل التنويه عنه دون ذكره حالياً ...

أقبلي مني كل تقدير لشخصك الحلو الجميل
النعمة معك كل حين

[see_karkora]

لا دة ميكنش اعتراف لا لازم تقعدى مع اب اعترافك و تكلمية و تعترفى لية و لو كان دة بعيد شوفى واحد قريب و متسبيش دة لا دة ممكن يبقى المرشد الروحى لكن كونك انك تروحى و يقرالك تحليل منغير متكلمية لا مظنش

[aymonded]

لا دة ميكنش اعتراف لا لازم تقعدى مع اب اعترافك و تكلمية و تعترفى لية و لو كان دة بعيد شوفى واحد قريب و متسبيش دة لا دة ممكن يبقى المرشد الروحى لكن كونك انك تروحى و يقرالك تحليل منغير متكلمية لا مظنش

سلام لنفسك يا محبوبة الله الحلوة في ربنا يسوع
الحكم المطلق على كل تدبير أو على كل صورة نراها ، هو حكم غير صائب ، وليس فيه حكمة الشيوخ معلمي الكنيسة الأتقياء الذين سلمونا حكمة التدبير الإلهي في الكنيسة وطرق تدابيرها الموضوعة بحكمة وإرشاد الروح القدس ...

فلا ينبغي أن نضع صورة مخصصة لشكل الاعتراف التقليدي ، ونحكم بناء على خبراتنا الخاصة أو حتى ما نسمعه ، لأن حكمة الآباء الموهبون بالروح القدس يجعلهم يدبرون شئون أولادهم بحكمة الروح القدس ...

وفي مثل هذه المواقف التي شرحتها أختنا المحبوبة ، فهناك بعض الآباء ، بالحكمة لا يرضوا أن ينطق أحد بكلمة عن خطاياه وسردها أمامه ، وأحيانا يستفسر ويسمع للمعترف ويسمح بسرد خطية أو أثنين ... حسب ما تقتضي الحاجة ليكشف فيها كبرياء الإنسان أو قلة صبرة أو لأي سبب ما حسب التدبير ...

وليس لنا أن نقنن شكل الاعتراف ، بل لنا أن نصبر ونتعمق ونعرف ونسمع حكمة آباء الكنيسة الذين هم موهبون ولهم روح الأبوة من الله ...

أشكرك على رأيك الجميل ، ورأيك أيضاً يؤخذ في الاعتبار حيث أن هناك من يفعلون هذا ليس عن حكمة ولكن عن عدم صبر أو لضيق الوقت لديهم ككهنة مشغولون باشياء أخرى غير النفوس !!!
ولكن لا يصح ان نضع هذا الرأي كحكم عام حيث أننا لا نعرف هذا الأب الفاضل الذي قد يكون مملوء حكمة من الروح القدس ويتصرف بموجب شروط التطبيب الروحي لهذه الحالات !!!

النعمة معك

[بنت الراعي]

انا متشكره جدا يا مستر وشكراكركورا
بس انا كنت عايزه اوضح نقطه
ده مش منهج اب اعترافي علي طول
غالبا بنعترف عادي لكن ده بيبقي مش دايما انه يقرا لنا التحليل من غير مانقعد معاه
بس انا لو في حاجه ضروريه وحاسه اني مش مرتاحه ومش مبسوطه بالحل بقعد معاه
واقوله فهل ده صح ولا غلط
معلش بقي تعبتكم معايا
ربنا يعوضكم ويبارككم ويفرح قلوبكم

[aymonded]

لا تعب ولا حاجة بل الموضوع فرصة حلوة علشان نفهم حكمة التدبير الأبوي في الاعتراف ، ولابد أن نخضع ونطيع آباءنا الذين لهم الموهبة من الله ، ولا نضع صورة واحدة ، أو حكم واحد على الاعتراف حسب مفهومنا الخاص ، بل نترك الأمور لكل أب روحي ، ولا نضع في ذهننا الطريقة ونطلق عنها أنها هي الصحيحة ...

النعمة معك يا محبوبة الله الحلوة جداً
أقبلي مني كل تقدير لشخصك الرائع

[elphilasouf]

جميل ردك يا استاذ ايمن بجد
والجميل فى موضوع ايمى بجد انه كان سبب اننا عرفنا حاجات كتير اوي عن سر الاعتراف

[aymonded]

الله يخليك يا جميل انا فقط وضعت خبرة الآباء شيوخ الكنيسة القديسين
النعمة معك يا محبوب الله الحلو

[menalover]

شكرا ليك ياأستاذ أيمن على المعلومات اللى بجد فادتنى كتير عن سر الإعتراف
بجد انا استفدت من الموضوع الجميل ده وربنا يعوض تعب محبتك

[aymonded]

ويفرح قلبك كثيراً جداً يا محبوب الله
النعمة معك كل حين

[Malak sokar]

انا كمان اوقات كتيرة باجي اتكلم ابونا مش بيكون عاوز يسمعني وفي حاجت تانية بيقعد يسالني عنها
انا كنت بستغرب بس رد حضرتك افدني كتير لان كل دة كيد وراة حكمة ابوية
ميرسي ايمي للموضوع وميرسي استاذي ايمون للشرح
ربنا يباركو

[aymonded]

ويبارك حياتك يا رب ويفرح قلبك ويغمرك بسلامه
وباعتذر عن ردي المتأخر جداااااااااااااااا
النعمة معك كل حين