العلاقة العكسية بين القهوة ( الكافيه ) و الخدمة

[كراكيب]

العلاقة العكسية بين القهوة والخدمة
انا حبيت ارفع الموضوع ده تاني عشان عاوز اتكلم عن القهوة والخدام هو ممكن الخدام يقعدوا علي القهوة ياريت اللي يجاوب يعلل يعني يقول اه ليه ولا ليه
طيب عاوز اقولكم موقف وتردوا عليه لو حد من اللي جاوب وقال اه ياتري لو مرة كنت خارج م القهوة ولقيت طفل واسرته معديين وشافوك ياتري ايه هيبقي رد فعلك وهتتصرف ازاي مع الطفل لو واجهك او مواجهكش
ياريت الناس ترد متقراش الموضوع وبس وردي ياجوسي ده مش موضوعك دلوقتي

[MOHTAHA]

العلاقة العكسية بين القهوة والخدمة
انا حبيت ارفع الموضوع ده تاني عشان عاوز اتكلم عن القهوة والخدام هو ممكن الخدام يقعدوا علي القهوة ياريت اللي يجاوب يعلل يعني يقول اه ليه ولا ليه
طيب عاوز اقولكم موقف وتردوا عليه لو حد من اللي جاوب وقال اه ياتري لو مرة كنت خارج م القهوة ولقيت طفل واسرته معديين وشافوك ياتري ايه هيبقي رد فعلك وهتتصرف ازاي مع الطفل لو واجهك او مواجهكش
ياريت الناس ترد متقراش الموضوع
اعتقد ان الخدمه بتكون في اي مكان ولا حياء من الذهاب الي اي مكان طالما الهدف توصيل كلمة الله

[أميرة عبده]

هو المسيح لما جه كان بيأعد فى الهيكل وبس ولا كان بيروح للخطاه وبيأعد معاهم وبعدين الناس عارفه كويس اوى مين اللى بيخدم ومين اللى علطول قاعدين على القهوه عمر ما فيه خادم بيروح يخدم وبيقول لو الناس شافونى هيقولو عليا ايه وياما بستان الرهبان مليان بقصص قديسين راحو جابو ولادهم من قلب بيوت الخطية مش هنقول من على القهوه
اللى بيخدم من قلبه عمره ما بيبص الناس هتقول ايه عليا لا خالص كل اللى بيكون شاغله خلاص نفس مخدومية زى المسيح ما علمنا
سورى على الاطاله وده مجرد رايى الشخصى

[SAMOOOOO]

انا بأيد راى اميره تمام التأييد
واحب اضيف حاجه انه الخادم لازم يبقى قلبه مليان بالكامل بحب يسوع
ومش الخادم بس
واى انسان كمان لازم يخلى المسيح قدامه فى اى حاجه عاوز يعملها
وادينا هنشوف باقى الاراء

[كراكيب]

شكرا اوي لاميرة ولسامو وانا شايف ده فعلا بس الواحد خايف انه يسبب عثرة يبقي ايه الحل وقتها

[أميرة عبده]

ميرسيه اوى ده شكر على واجب بس صدقنى عمر ما حد بيخدم واول حاجه يقول انا خايف من اى حاجه لان الخادم بيقول ربنا اللى بيبعتنى وانا مستهلش مش يقول خايف من شيئ صدقنى اللى بيحب ربنا وعاوز يخدمه بجد ولا حاجه فى الدنيا بتعوقه ولا مكان ولا قهوه ولا حاجه من الكلام ده خالص
ثانيا عمر وجود الخادم ما يبقى عثره على الاقهوه الا اذا شارك اللى قعدين فيها بمعنى يبقى واحد منهم ويتشبه بيهم فهمتنى اكيد ساعتها فعلا هيكون عثرة لكن الخادم الصح اللى بيكون على دراية ووعى وهوه رايح وعارف هيعمل ايه وطبعا فى الاول والاخر الصلاه مهمه جدا قبل ما يبدأ خدمته علشان ربنا يبارك له فى اى تعب بيتعبه
اسفه مره تانية على الاطاله .

[بندقه ميمه]

انا خادمه هاقلكوا حاجه الخادم ده مثال لكلمه ربنا للاولاد مش هقلكوا لازم تكونوا قدوه و الكلام ده بس الخادم اول ما ياخد مسئوليه ان هو يوصل كلام ربنا ده كده بقى زى الرسل اللى بشروا بالمسيح عمركوا شفتوا رسول قعد على قهوه احنا عارفين ان اللى بيقعدوا على القهوه مش بيعملوا حاجه غلط بس ممكن تسمع حاجه كده و لا كده كفايه على الاقل تسمع شتيمه مش كويسه فالوقت اللى انت قاعد فيه على القهوه ممكن تستفيد فيه و تروح تفتقد اطفال مدارس الاحد تزور حد تخرج مع حد مضايق تصلى تقعد مع اهلك الخادم مثال لكلمه ربنا كانوا رسول من رسل المسيح زى الاب الكاهن برضوا رسول عمركوا شفتوا اب كاهن قاعد على قهوه

[كراكيب]

شكرا يااميرة مرة تانية ويارب وفقنا في اي حاجة صح

[كراكيب]

عمركوا شفتوا اب كاهن قاعد على قهوه
اولا انا للاسف شفت اب كاهن قبل كدة في الدقي قاعد ع قهوة بس ده طبعا غلط ومش مقياس نمشي عليه وانا مبستسهدش بيه انا بس بعرض احدي السلبيات
تاني حاجة انا موافقك تماما في رايك بس احنا كنا بنتكلم عن الموضوع من زاوية تانية وهي لو كانت دي برضه خدمة يعني في خدمة اسمها خدمة رواد القهاوي يعني الخادم قاعد بس عشان يفتقد الناس دي ويصلح منهم بنعمة رب المجد
شكرا لردك وصليلنا

[aymonded]

على فكرة انا باقعد ساعات على القهوة ومش شعرت بالحرج ، ومخدومين كتير شافوني وسلمت عليهم وعلى أهاليهم كمان ، والناس بتحترمني جداً ، وعرفوا ان العيب مش في الأشياء ، ولكن العيب فينا وفي استخدامتنا للأشياء !!!

ولكن أن وجدت أحد يعثر ساقلع عن الجلوس نهائياً ...

[aymonded]

وبعدين عايز اقول حاجة مهمة ، أن لو على سماع الشتيمة او الكلام الخارج ده في كل مكان : في الشارع وفي العمل وفي المواصلات وأحياناً وسط القرايب والعائلات ... الخ الخ ...
يعني هاتوا مكان لا يخلو من كلام خارج غير الدير وداخل القداس !!!
فالموضوع لا يأخذ من زاوية واحدة بل من عدة زوايا ....

[SKYBIRD]

انا من راى ان العلاقه عكسيه فعلا بين الخدمه والقهوه لان الخادم بيعتبر قدوه لمخدوميه يعني لو خادم في ثانوى وشاف مخدوم عنده قاعد على قهوه اذ اى ينصحه او يرشده طيب هيقوله ايه وهو قاعد معاه على القهوه طبعا العلاقه عكسيه

[piroocool]

القهوة ممكن يكون مكان نتكلم فيه انا وصاحبى تمام
انا واحد ببدل القهوة بدل ما اقعد معصاحبى فىبيته كل يووم وابقى ضيف تفيل
بس لكن الاستخدام السلبى فى القهوة هو شرب اى حاجة تتعب الصدر

[وردة حزينة]

ايه المشكله القهوه زيها زى اى كافيه عادى
مدام مافيش غلط يبقى اقعد عادى وميش اخاف من حد

[كراكيب]

هاتوا مكان لا يخلو من كلام خارج غير الدير

للاسف يااستاذ ايمن احنا بنشوف كمان الشتيمة بل والمعاكسات داخل الاديررة والاماكن المقدسة انا عن نفسي شفت مجموعة من الشابات والشباب داخل احد الاديرة بعضهم داخل لغرض اقامة علاقات والاخرين مكونين عصابات تتشاجر وتتلفظ بالفاظ لاتليق بانسان ليس بشخص يطلق عليه لقب هو لايستحقه

[elphilasouf]

للاسف يااستاذ ايمن احنا بنشوف كمان الشتيمة بل والمعاكسات داخل الاديررة والاماكن المقدسة انا عن نفسي شفت مجموعة من الشابات والشباب داخل احد الاديرة بعضهم داخل لغرض اقامة علاقات والاخرين مكونين عصابات تتشاجر وتتلفظ بالفاظ لاتليق بانسان ليس بشخص يطلق عليه لقب هو لايستحقه


لا اعزرنى كراكيب انك تقول ان فى شباب وبنات بيقيموا علاقه فى الدير ده كلام مش صحه بالمره
انا رحت اكتر من دير وكان فى تشديد جامد جدا مع الهالى نفسهم
ان لو فى بيات وده صعب جدا انه يحصل اصلا
ان ينعزل الذكور عن الاناث تماما
وبعدين صعب اوي صاحب الدير يسمع بكده فى مكان مقدس زي كده

بالنسبه للموضوع
فهو بصرحه موضوع مهم جدا
بس انا رايي انك تقعد فى اي مكان بس متعملش حاجه غلط
ولو فى اي عثره عليك او ممكن تسببها لحد لازم زي ماقال استاذ ايمن كده بالزبط
اننا نمتنع تماما

[كراكيب]

يافيلسوف انا مبحكيش حاجة وحد قالهالي لكن ده حصل قدام عينيا الالفظ كنت بسمعها بوداني والبنات بعد الساعة حداشر بليل ماشيين بطريقة وبلبس لايليقوا بالمرة
انا زيك نفسي ده ميكونش موجود لكنه ةموجود فعلا وده تقصير كبير جدا من الاباء المسئولين عن الدير وكفايانا سلبية بقي لازم نواجه مشاكلنا والا عمرها ماهتتحل مينفعش نقول احنا احسن ناس واحنا معندش حد بيغلط لا اللي بيغلطوا كتير وفي اباء كهنة كتير بيغلطوا وميستاهلوش يبقوا اباء كهنة ممكن حد يرد عليا ويقولي خليك في نفسك لا ياجماعة لازم نواجه المشاكل دي انا هبعت لسيدنا البابا احكيله ع المهزلة اللي شفتها في الدير والكاهن اللي مش قادر يحكم دير بقي مسئول عنه يسيبه
وعلي فكرة انا بكرر انا شفت الكلم ده كله بنفسي
فعلا احنا شوية في خطر
معلش كلامي يمكن يبدو قاسي شوية لكن انا مش قادر اتصور او اتقبل اللي شفته ربنا يسامحهم ويديهم ماهم ولاده برده
وعلي فكرة انا لااقصد علاقة جسدية ولكن يكفي اللقاء والتعارف وبالطبع هذا مرفوض ولابد من رقابة

[aymonded]

ليس لي غير قول القديس العظيم الأنبا أنطونيوس الكبير
((( من يعرف عاره يعرف كيف يطلب مجده )))

[رامي عوض]

بل النسبة للموضوع
ممكن يكون الخادم قاعد علي القهوة لسبب
الانتظار ويكون لمقابلة احد الاشخاص
والمهم في شخصية الخادم ولو بيقعد باستمرار
ويفعل افعال لا تليق بل الخادم المسيحي
يبقي لا يستحق ان يكون خادم المسيح

[honey47]

لا يستطيع احد انا يمشى على الجمر ولا تكتوى قدماه

[كراكيب]

شكرا لهاني ورومي وياريت الفيلسوف يكمل الحوار وشكرااستاذ ايمن علي المقولة الحلوة وياريتنا كلنا نعمل بيها

[Madares-Ela7d]

فى خدام بتروح القهوة مش عشان خدمة او افتقاد او غيره ولكن بتروح لغرض التسلية (وده مش غلط) ولكن زى ما قال ايمن العيب مش فينا لكن فى طريقة استخدمنا للشئ يعنى الخادم ممكن يجلس على القهوه لكن بطريقة لائقة به
كخادم (يعنى بدون شرب سجاير ولا هزار خارج ) بل ممكن عن طريق كده يجذب الناس البعيدة عن الكنيسة
موضوع فعلا جميل

[UNDERTAKER1973]

لا ادرى ما العلاقة بين الخدمة لله وبين القهوة؟ مختصر الكلام ولا مجال للاطالة القهوة ليست عيب ولا حرام ومن يجلس على القهوة ليس بفاعل جريمة فى حق نفسه ولا حق الهه ولا فى حق حد خالص .القهوة زى اى مكان فى الدنيا فيه الحلو وفية الوحش بس الانسان الحكيم هو اللى ميقربش من الوحش وميعملوش .يعنى انت ممكن تقول انا مقعدش على قهوة عشان ما اسمعش شتيمة هارد عليك واقولك يعنى هو انت وانت ماشى فى الشارع مش بتسمع شتيمة يبقى ما تمشيش فى الشوارع بقى ولا ايــــة؟وربنا اداك القدرة على الاختيار فلما تلاقى ان مثلا ان "اى مكان بيعثرك "تسيبه وتمشى مش القهوة وبس .
بالنسبة لو انت خارج من القهوة ولقيت طفل انت بتخدمه :انا بالنسبة ليا عادى عشان انا مش بعمل حاجة غلط وانا واثق من نفسى وفى المكان وفى الناس اللى انا قااعد معاهم العيب على اللى بيقولوا فى الكنايس بلاش الخادم يقعد فى القهوة عشان منظره !,,مال منظره هو قاعد بيعمل اية دا قاعد مع اصحابه فى مكان عام الناس كلها شايفاه اية المانع !!
العيب ان احنا بنهتم بالظاهر بس !!طيب ما الطفل لما هو واهله يشوفونى خارج من القهوة انسان محترم مش بقول كلمة خارجة متعودين على اسلوبى الواحد اللى فى الخدمه فى الكنيسة هو الاسلوب اللى لما بخرج من القهوة بتكلم بيه هنا هيبقى فيه عدم ازدواجية !بتكلم باسلوب المسيح الشخص المحترم فى اى مكان تحطنى فية !!هههه على كده بقى الخادم مش يخش اى مطعم ولا ماكدوناالدز عشان مثلا والد احد الاطفال بيقول لابنه وهو بخيل ومش راضى يدخله وبيقولوه اللى بيخش هنا دول وحشين ولا اية؟؟؟؟على كده لما الطفل يشوف الخادم طالع من ماكدونالدز هيقول عليه من الكفار !!!!!!!

[magdy totti]

الموضوع مثير للجدل بجد الموضوع هااااااااااااام جداااااا وله وجهاااااااااات نظر مختلفة ومحير
مااااذا انا لو دخلت القهوة ورايت طفل مااااا موقفى من ذللك الصراااااحة مش عااارف اية هاااااايكون رد فعلى
فى ذللك على العموم انا اقول راااااى مش لازم اقعد فى البلد
اقعد خااارج البلد دة لو انا عاااايز اقعد دة علشان ابعد عن الا حراج من الا طفااااااااال با الذات لو اطفااااااال فى مر حلة ابتدائى لا يستطيع المناقشة معهم
بس انا لا امناع من الجلوس على القهوة اين وفين نجتمع احنا كا صدقاء يا احباائى الزمان يختلف وطاااالما انا مش بغضب ربنا يبقى مش لازم النااااس المهم انا اية صح ولا خطا نحن نسير ونفهم الاشياء خطا
ربنا يعوضك انا مستنى الرد
صلى من اجلى

[كراكيب]

بولس الرسول بيقول فيما معناه ان لو اخويا هيعثر بسببي عشان اكل معين فالمفروض اني مكلش الاكل ده وعلي هذا الاساس يبقي لو قعدتي ع القهوة هتعثر غيري يبقي بلاش منها
شكرا لانر تيكر
وشكرا لمجدي وردك جميل قوي
احنا كخدام خطوتنا محسوبة علينا
ولو حسينا اننا هنتنازل عن القهوة مقابل الخدمة يبقي لازم نستحمل