لدى سوال محيرنى

[ensan]

بالنسبه لسفر نشيد الاناشيد فيه كلام صعب
جدا بالنسبه لى
انا عارف انها تشبيهات لكن سوالى
ليه ربنا مستخدم مثل هذه التشبيهات
سوال ده محيرنى حاولت ادوره على اجابه بالمنطق والعقل ملقيتش
ياريت حد يجاوبنى

[Team Work®]

الموضوع انا هاسيبوا لأستاذ ايمن

[ensan]

طب فين استاذ ايمن
علشان بجد السوال ده تعبنى جدا
عارف انى انا كده صداع بس نفسى ارتاح من الوش

[Cheeeva]

أخي الحبيب أنسان
انا عاوز اسألك سؤال
ما هي أقوي علاقة في الكون ؟
ستجد أن أقوي علاقة في الكون هي علاقة الرجل بالمراءة
انا لغايت كده مش هتكلم تاني ومستني استاذي أيمن

[جاسيكا]

ايوة بجد استاذ ايمن هو اللى هيجاوب علية
وهيفيدك كتير جداً جداًيارب يجاوبك علية
وانا متاكدة انة هيجاوب وهتستفاد
جاسى

[ensan]

أخي الحبيب أنسان
انا عاوز اسألك سؤال
ما هي أقوي علاقة في الكون ؟
ستجد أن أقوي علاقة في الكون هي علاقة الرجل بالمراءة
انا لغايت كده مش هتكلم تاني ومستني استاذي أيمن

معاك ان ديه اقوى علاقه
بس انت قرات السفر ده وله لا
لو قاريته حتعرف انا بسال على ايه
وفى انتظار استاذ ايمن
عبرنا الله يخيليك
سلام ونعمه

[aymonded]

غنى النعمة ووافر السلام لشخصك الحلو في ربنا يسوع
أولاً حينما خلق الله الإنسان خلقه في حالة من الطهارة والنقاوة حتى أنه كان عرياناً بلا خجل أمام الله لأن كل أعضاء الجسد مقدسة وطاهرة وكل حركات الجسد مقدسة في الحق ، وحتى بولس حينما تحدث عن الحب بين الرجل والمرأة قال ليحب الرجل امرأته كما أحب المسيح الكنيسة

التشبيه في نشيد الأنشاد بالقبلات مثلاً ، هي تشبيه بقبلات المحبة الطاهرة النقية التي تعبر عن قمة المحبة بين النفس والله في هذا السفر ، وهو تشبيه يستوعبه الإنسان إذ أن محبة الإنسان لشريكته في حياته هي قبلات مقدسة إذ أن الروح القدس يحل على الرجل والمرأة كي ما يجمعهم بالحب في سرّ الوحدة في جسد واحد كل منهما يخرج عن ذاته وأنانيته ليصنعوا كيان جديد اسمه الجسد الواحد ، وسر الزيجة المرتبط بالجنس هو مقدس لأن الله لم يخلق ما هو غير طاهر ، فالجنس مقدس وطاهر فيه سرّ الوحدة الحقيقية بين الرجل وامرأته ولا يوجد ما يعيب فيه ، ولكن بسبب السقوط وعمل الشر والفساد ضيع من الإنسان كل قدرة على الشعور بالطهارة والنقاوة وحول الجنس ذاته الطاهر الذي خلقه الله إلى صور مقززة وتصورات شريرة لتصير مصدر شهوة وفساد دائم ولا يقبل فيها أي طهارة حتى أن البعض لا يقبل أي قداسة فيه ولا يتصور أن من يتزوج يكون قديساً لأنه كيف يجمع الجنس مع القداسة ، وهذا إهانة لله ذاته الذي خلقنا وخلق فينا الجنس ذاته وهذه الأعضاء المقدسة !!!

لذلك لا نقبل من واقع فكرنا المليان بالشر تعبيرات تدل على الحب النقي لأن كل تصورات قلب الإنسان شريرة – كمل قال الله لنوح في العهد القديم - لذلك يعثر من أي كلمة تدل على حركات الجسد ويعثر حينما يسمع أن الوحي يستخدم حركات الجسد والمشاعر الإنسانية في التعبير ، رغم من أننا لم نعثر حينما نسمع أن الآباء تزوجوا وارتبطوا جنسياً بزوجاتهم واعتقد أنهم قاموا بكل حركات الجسد المقدسة كإبراهيم أب الآباء واسحق ويعقوب وداود ... الخ وحتى القديس بطرس الرسول وبعض الرسل والقديسين على مر تاريخ الكنيسة كلها ...

كل شيء خلقه الله في حالة من الطهارة والنقاوة الدائمة ومشاعر الإنسان مقدسة يقدرها الله ويقبلها ...
النعمة معك ومع الجميع كل حين آمين

[aymonded]

أنظر هذا الموضوع

http://www.orsozox.com/forums/orsozox-t1692.html

[ensan]

اولا احب اعتذر لانى كتبت فى الشكاوى ان الموضوع اتحذف
وكنت زعلان خالص
ثانيا
لو طلبت منك طلب غلس شويه تقدر تقدر عليه
علشان فيه حاجات انا قراتها هى اللى توهتنى
ومن الاخر عايز اساللك فيها بصوره مباشره
لو عندك وقت واستعدد تفهمنى قولى
او قلى الاقى فين تفسير
ولو فيها رذاله منى
سوال تانى برضه
طب مش السفر ده اتكتب بعد الطرد يعنى بعد ما الانسان بقى تصوره للجنس وحش
فهمت سوالى
معلش احتملنى بس محتاج اسكت الكلاب السعرانه اللى فى دماغى ديه

[aymonded]

اولا احب اعتذر لانى كتبت فى الشكاوى ان الموضوع اتحذف
وكنت زعلان خالص
ثانيا
لو طلبت منك طلب غلس شويه تقدر تقدر عليه
علشان فيه حاجات انا قراتها هى اللى توهتنى
ومن الاخر عايز اساللك فيها بصوره مباشره
لو عندك وقت واستعدد تفهمنى قولى
او قلى الاقى فين تفسير
ولو فيها رذاله منى
سوال تانى برضه
طب مش السفر ده اتكتب بعد الطرد يعنى بعد ما الانسان بقى تصوره للجنس وحش
فهمت سوالى
معلش احتملنى بس محتاج اسكت الكلاب السعرانه اللى فى دماغى ديه

أولاً انا تحت أمرك أنت تأمر
ثانياً تفسير السفر وتشبيهاته هاتجد تفسير ابونا تادرس يعقوب مالطي وهو موجود في جميع المكتبات

ثالثاً : التشبيهات لما تأتي بالوحي الإلهي يتكلم الإنسان فيها بالنقاوة بعيداً عن التصورات الشريرة ، أنا هنا باتكلم عموماً عن سبب العثرة الحقيقية للإنسان العيب مش في الجسد ولا الغرائز العيب في تملك الخطية على القلب والتربية الغير سليمة فيها كبت وليس تسليم العفة وحياة التوبة والنقاوة ، غير المعاشرات الردية وغيرها من الإزاعة التي تثير غرائز الإنسان وتشعل فيه كل شهوة ، ولكن بالتوبة والروح القدس حينما يهيمن على النفس يصير كل شيء في نصابه الصحيح ويتحول الفكر من الظلمة لفكر مستنير بالروح ...

النعمة معك يا احلى غالي وأنا تحت أمرك في أي حاجة عنيا ليك يا اغلى صديق حلو في ربنا يسوع

[Cheeeva]

أستاذي الغالي أيمن أولا انا أحب أشكرك جدا علي ردك الرائع جدا جدا جدا علي سؤال أخونا الحبيب أنسان بس الحقيقة انا كان ليا تعليق صغير أن طول عمر العلاقة الجنسية ما بين الرجل والمراءة شئ مقدس لأن دي حاجة ربنا هو اللي خلقها اما في الوقت الحالي أعتبار أن العلاقة الجنسية ما بين الرجل والمراءة شئ عيب وحرام بيتهيألي ده راجع لشوية أفكار نشرها الشيطان خصوصا من أول الشيطان ما دخل مصر من ألف وربعوميت سنة وياريت يأخ أنسان بلاش المواقع والمنتديات اللي بتصورلك العلاقة الجنسية ما بين الرجل والمراءة علي أنها شئ دنس وفيه نجاسة أو أي موقع تاني يكون فيه أستهتار علي سفر نشيد الأناشيد .. وشكرا

[ensan]

اشكر اولا الاستاذ ايمن لانه افادنى واشكر اهتمامه
ربنا يبارك حياته
و يا اخ Cheeeva صدقنى مدخلتش على المواقع ديه

ولكن للامانه انا قريت نص من السفر هو اللى توهنى
مش اكتر

لانى فى الواقع لم اجروا ان اقراه كاملا
وشكرا لاهتمامكم جميعا
صلوا من اجل ضعفى انا الخاطى

[Team Work®]

انا لى كلمة احب اقولها ليك

اولا السفر دة بالاخص يحتاج متابعة مع المرشد الروحى بتاعك او اب اعترافك لان هو بيقول امتى انت تقرى او مش تقرى السفر تمام

وفوق كل دة لو انت فعلا عاوز تفهموا ابحث عن تفسير السفر دة لقداسة البابا شنودة الثالث

هو موجود فى المنتدى هنا لكن الرابط لا يعمل وجارى تحميلوا مرة اخرى

وربنا معاك

[ensan]

شكرا لاهتمامك
بس فين المرشد الروحى واحنا لاقين وقلنا لا

ربنا يبارك

[Cheeeva]

شكرا لاهتمامك
بس فين المرشد الروحى واحنا لاقين وقلنا لا

ربنا يبارك

هو حضرتك معندكش مرشد روحي يأخ أنسان <<<<<<<<<<<<<<<





شئ غريب حقيقي

[ماريان]

ميرسى يا انسان على السؤال وميرسى لاستازى الكبير على الرد
وزى ما قالك كدة ايمن ان العيب مش فى الرمز العيب فى نظرتنا احنا الغلط
ونظرتنا الغلط عن العفة لان العفة مش كبت العفة نظرة طاهرة
وبعدين الانبا يؤنس فى كتابة عن السفر دة قال ان الى هينظر للصفر دة بنظرة جسدية
هيفهم غلط وهيبقى عسرة تقريبا لية
اما الى هينظرلة نظرة روحانية هيزوق حلاوة العلاقة بين الله والكنيسة
وانا مش مع هيما فى ان نقراة عن سن معين لان اليهود هما الى كانو بيعملو كدة
متهيالى فية تفاسير كتير دلوقت تقدر تقرا تفسير وبعد كدة هتزوق حلاوة السفر
وربنا يبعتلك مرشد تستريح معاة

[ensan]

هو حضرتك معندكش مرشد روحي يأخ أنسان <<<<<<<<<<<<<<<





شئ غريب حقيقي

و لا حتى ريحته

وشكرا للاخت ماريان
وصلوا من اجل ضعفى

[Cheeeva]

و لا حتى ريحته




أسف علي المقاطعة يأخ أنسان هو حضرتك عارف يعني أيه مرشد روحي ؟

[ensan]

عارف
بس مش لاقى حد فى الوسك المحيط بيا

[ماريان]

هو مش المرشد ممكن يكون كمان اب الاعتراف يعنى الاب الروحى
ولا دة غيرو علشان افهم بس

[ensan]

على حسب معلوماتى ممكن بس لو كان اب الاعتراف عنده الاستعداد يكون مرشد
يعنى يشجعك على ان تاخديه مرشد

[aymonded]

أخوتي الأحباء في ربنا يسوع ، موضوع قراءة الكتاب المقدس بمرشد روحي بمعنى يقول متى نقرأ أو لا نقرأ ، هذا شيء لم اسمع به في حياتي من كل الآباء الذين اعرفهم أو قرأت لهم على الإطلاق ، وهو أيضاً غير وارد في تقليد الكنيسة ومعلميها ومرشديها جميعاً ولا أعلم لما انتشر هذا الكلام ومن أين بدأ لدرجة أسمع كهنة وبعض من الأساقفة يعلموا به ولا أدري لماذا !!!

على العموم وجود مرشد روحي محنك ومختبر بمعمق قد يكون نادر في مثل هذه الأيام
ولكن دعونا نتمسك بالأساس الآبائي الأصيل وهو :
مكتوب فتح ذهنهم ليفهموا الكتب ، وهذه الآية عليها اعتماد الجميع من أول ما كتبت في إنجيل القديس يوحنا الرسول إلى هذا اليوم وهي ركيزة كل مرشد حقيقي وأب روحي يعرف الله بعمق وليس على المستوى النظري والفكري الخاص

الكتاب المقدس بلا وعي روحي واستنارة الذهن وروح التقوى والاستعداد للتوبة والتركيز على شخص الكلمة وطلب فتح الذهن ، سيصير منغلق على كل نفس ، بل وكل معرفه فيه ستتحول لمعلومات تؤدي إلى الانتفاخ والكبرياء وانكسار النفس ورفضها أمام الله وقبولها أمام الناس لأنه صار صاحب معرفة !!!

لذلك لنصلي قبل أن نقرأ الكتاب المقدس طالبين من الله أن يفتح ذهننا لنفهم الكتب ، فليس لنا آخر سواه أن يشرح لنا مقاصده إنما على مستوى القلب والروح والإستناره وليس مخاطبة العقل وإعطاء وتبادل المعلومات ...

وهبنا الله جميعاً عمق معرفته والاتصال الدائم بشخصه في حياة الحب والعبادة المقدسة وروح التقوى
النعمة معكم جميعاً آمين

[ساره2000]

جميل اوى كلامك يا استاذ ايمن وانا استفدت منه كتير واحب اضيف حاجه انا سمعتها فى وعظه ان ابونا كان بيقول للشباب لما تحب تشوف جسد عريان انظر لصوره المسيح وهو مصلوب وخليك فاكر ان بكل حاجه شريره انت بتعملها بتدق مسمار فى يده واتكلم كتير عن الطهاره بجد الانسان من غير طهاره مايبقاش انسان
ميرسى اوى ليكم

[aymonded]

وهبنا الله قوة الطهارة والنقاوة في حياتنا بقوة الحب الإلهي المنسكب في قلوبنا بالروح القدس المعطى لنا
النعمة معك يا أغلى سارة في ربنا يسوع ومع الجميع آمين

[ساره2000]

ميرسى اوى ليك يا ايمن
وربنا معاك ويعوضك

[aymonded]

ميرسى اوى ليك يا ايمن
وربنا معاك ويعوضك



النعمة معك يا اغلى سارة محبوبة مخلصنا يسوع

[Cheeeva]

الحقيقة يأستاذ أيمن الموضوع رائع جدا بس الحقيقة انا مش عارف الأستاذ أنسان راح فين
ليه فترة مدخلش مع أن لما كان الموضوع ده موجود كان أون لاين علي طول
ههههههههههههههههههههههههه هه
عموما الحر لا تكفيه الا الأشارة

[aymonded]

الحقيقة يأستاذ أيمن الموضوع رائع جدا بس الحقيقة انا مش عارف الأستاذ أنسان راح فين
ليه فترة مدخلش مع أن لما كان الموضوع ده موجود كان أون لاين علي طول
ههههههههههههههههههههههههه هه
عموما الحر لا تكفيه الا الأشارة

شكراً لأهتمامك الحلو
بالرغم من أني مش فهمت الجملة الأخيرة ولكن ربنا معاك يا احلى غالي

[ensan]

الحقيقة يأستاذ أيمن الموضوع رائع جدا بس الحقيقة انا مش عارف الأستاذ أنسان راح فين
ليه فترة مدخلش مع أن لما كان الموضوع ده موجود كان أون لاين علي طول
ههههههههههههههههههههههههه هه
عموما الحر لا تكفيه الا الأشارة

صدقنى يا استاذ Cheeeva كان عندى مشكله فى الجهاز ما كنش راضى يدخل على النت والنهارده يدوبها اتصلحت

[Cheeeva]

لا ألف سلامة علي الجهاز يأستاذ انسان يارب الجهاز يكون بخير دلوقتي

[beshoy]

شكرااااااااااااااااااا
للشرح

[aymonded]

شكرااااااااااااااااااا
للشرح

العفو يا احلى غالي وانت نورتنا في الموضوع حقيقي
النعمة معك ومع الجميع كل حين آمين

[ensan]

شكرا ليك خالص يا استاذ ايمن انا استفدت كتير من شرحك وفهمت حاجات ما كنتش واخد بالى منها

"وشكرا للاستاذ Cheeeva على اهتمامه بى وسواله عنى "

سلام ونعمه

[Cheeeva]

لا انا تحت أمرك يأخ أنسان أنت تؤمر وياريت تجيب أسئلة زي دي كتير عشان الكل يستفاد وصوت الشيطان يتهد ويسكت وعموما صوت الشيطان مش هيسكت عشان الشيطان بيدور علي حاجة يداري بيها مصايبه التقيلة
بيتهيألي أنت تعرف انا أقصد أيه كويس جدا

[ensan]

اكيد اى سوال حيخطر فى بالى حساله هنا على طول
واكيد كلنا عارفين ايه هى مصايب الشيطان الكبيره
وله انت تقصد حاجه معينه

[aymonded]

ربنا يدينا جميعاً روح الفهم والمشورة والحكمة والإفراز حتى نستوعب اسرار الله
والشيطان ليس له سلطان على من يطلب الله بكل قلبة ويحبة بكل صدق وإيمان حقيقي
نحن من نعطي له الفرصة ببعدنا عن الله بطلب مجدنا الخاص بكبرياء القلب وتحدي الآخرين
ولكن القلب المنكسر والمتضع لا يرزله الله بل يهبه قوة ونعمة فوق نعمة

النعمة معكم جميعاً كل حين آمين

[kamel]

الرب بياركك حبيبى سفر نشيد الأنشاد اللى عاوز يقرأة يقرأة بالروح يعنى يخلى ذهنة صافى من العالميات ويكررقرائتة من التفاسر أولا الموجودة فى جميع المكتبات المسيحية.الرب مع جميعنا أمين

[ensan]

شكرا للاهتمام ربنا يبارك حياتك

[nrmo]

ميرسى جدا على الموضوع الجميل ده وانا فعلا استفدت منردودكم ومن تفسير الاستاذ ايمن ميرسى جدا

[aymonded]

ميرسى جدا على الموضوع الجميل ده وانا فعلا استفدت منردودكم ومن تفسير الاستاذ ايمن ميرسى جدا

غنى النعمة ووافر السلام لك يا احلى نرمو
نورتي الموضوع بحضورك الحلو