مشكلة حقيقي

[غير مسجل]

مساء الخير حبايبي
انا ليا صاحب م.ي.ب عامل علاقة مع بنت وللأسف العلاقة اتطورت جدا
وكان بيروح البيت عندها من ورا اهلها
واتقدم لاهلها اكتر من مرة وهما رفضوة
ولكن العلاقة بينهم اتطورت ودلوقتي للاسف البنت حامل
وهما حالياً عمرهم صغير هو في رابعة وهي في اولي مش هذكر طبعا مكان الدراسة لعدم الاحراج
وهو مش عارف يتصرف أزاي هو عاوزها وهي راضية بيه لكن لا يوجد في المسيحية زواج عرفي ومن الصعب بل المستحيل انهم يقولوا للأهل على شئ زي دة ومش عارفين يعملوا اية ؟ يا تري حد عندة حل ؟

[aymonded]

سلام لنفسك يا محبوب الله الحلو
المشكلة كبيرة ومش ليها إلا حلَ واحد جذري ، وهو الذهاب للأب كاهن أو أسقف محنك يعرف أن يتدخل لحل هذه المشكلة ، لأن الأهل غالباً لن يسمعوا لأحد غير لشخص يقدر أن يتدخل ويكون مسموع عندهم ، لأن الموضوع مش ينفع فيه حل آخر !!!

الأمور تطورت على نحو غير مرغوب وأدى لنتائج وخيمة لابد من أن يتحملوها معاً ، وأن يفعلوا المستحيل لحل هذه الأزمة ، لأن الرجولة ليست مجرد كلمات أو وعود أو الارتباط في حد ذاته ، بل هي مسئولية وتحمل النتائج والمواجهة بشجاعة ، فلماذا لم يعملوا حساب هذه الساعة وكان الموضوع بسيط عندهم ، فآن الأوان للنضوج ومواجهة الأمر بشجاعة الرجال والحب الذي يتكلمون عنه !!!

النعمة معهم ، وليطلبوا معونة الله ويتوبوا ، ويحاولوا أن يصارحوا أحد كبير وهذا ضروري !!!

النعمة معك

[غير مسجل]

اشكرك اخي الغالي
لكن بالنسبالهم الامر صعب لان الاتنين بعيد جدا عن ربنا وعن جو الكنيسة من الاساس
ويعتبروا اي كاهن او اسقف انه شخص غريب وغير موثوق فية - والولد بيقول انه ممكن يخلع لو ملقاش حل سريع وفوري
وانا من ناحيتي كلمت اب كاهن لكني لقيتة مع كل اسف رد فعلة غريب جدا انا متأكد انهم هيرفضوا اللي هو قال علية
ارجوكم لو في حد مختص بتلك الأمور في مكان ما كنيسة معينة أو الكاتدرائية لانهم فكروا في ترك بيوتهم والعيش لوحدهم بعيدا عن الناس او انه كل واحد يروح لحالة في وقت مستحيل انه يتخلي عنها - الموقف صعب جدا

[sawsaw]

هو فعلا الموضوع كبير واتطور
وضرورى جدا
لو هو فعلا بيحبها
يتجوزها
بكل شجاعه
ويتدخل اى حد كبير اسقف او كاهن
ويوصل الامر لاهلها
عشان يوافقو
نتمنى ان يكون اهلها عاقلين
وميعملوش فيها حاجه
الموضوع حساس جدا
ومحتاج صلى ان ربنا يسامحهم ويشملهم بمحبتوا
الىلا ملهاش حدود
وهنا كل الخوف على البنت من اهلها
ربنا يحل المشكله
ويباركهم ويرفع عنهم محنتهم
والموضوع عايز صلى عشان يعدى على خير

[aymonded]

اشكرك اخي الغالي
لكن بالنسبالهم الامر صعب لان الاتنين بعيد جدا عن ربنا وعن جو الكنيسة من الاساس
ويعتبروا اي كاهن او اسقف انه شخص غريب وغير موثوق فية - والولد بيقول انه ممكن يخلع لو ملقاش حل سريع وفوري
وانا من ناحيتي كلمت اب كاهن لكني لقيتة مع كل اسف رد فعلة غريب جدا انا متأكد انهم هيرفضوا اللي هو قال علية
ارجوكم لو في حد مختص بتلك الأمور في مكان ما كنيسة معينة أو الكاتدرائية لانهم فكروا في ترك بيوتهم والعيش لوحدهم بعيدا عن الناس او انه كل واحد يروح لحالة في وقت مستحيل انه يتخلي عنها - الموقف صعب جدا
سلام لنفسك يا محبوب الله ، الموضوع يحتاج لكاهن أو أسقف حكيم له موهبة التدبير والأبوة من الله ...
وان لم يعرفوا أن يتوصلوا لأحد منهم أو لم تتوصل لأحد بهذه المواصفات ، فممكن لو حد كبير ممكن يتدخل في الأمر ، لأن الهروب مش حل ده ممكن يعقد الأمر ويبقى فيه بلاغ بخطف وتبقى مشكلة أكبر مما هي عليه ، ثم - لو هربوا وعاشوا معاً - هل في مقدورهم يفتحوا بيت ويصرفوا على بعض !!! مع أنهم في الدراسة ومش في إمكانهم أنهم يواصلوا الحياة العادية أو تحمل المسئولية !!!

عموماً أنا لو لقيت حد يقدر يتبنى الموضوع دوة من أسقف والا كاهن هابلغك فوراً ، واتمنى أن لو حد يعرف اي شخص يقدر يتدخل من كاهن أو أسقف ( حكيم وعنده موهبة الأبوة وقادر أن يعالج ألأمور بالحكمة ) يا ريت يتم الإفادة ضروري جداً ...

ربنا معاهم ويدبر حياتهم ويهديهم ويهدي الأهل
النعمة معك

[anosh]

المشكله مش سهله فعلا لانها دخلت فى حمل و شرف و حاجات كتير ممكن بسهوله البنت ديه تروح فيها و اهلها يؤذوها ... بس ليه اهلها رفضوا الولد ده هل علشان لسه صغير و الاعلشان مستواه المادى مش معاه حاجه و الا علشان لسه بيدرس و مش شغال و يقدر يفتح بيت ... مش مهم... ممكن البنت تقول لاى حد من اهلها خالتها مثلا او عمتها او خالها او عمها اى حد هى تكون واثقه فيه و يقدر انه يوصل الموضوع لامها و ابوها فى البيت و ياريت يكون حد ليه دلاله عند امها و ابوها وممكن ياثر فيهم و يسمعوا له لان الموضوع لازم له حل جذرى و سريع جدا قبل ما البنت تتفضح وسط اهلها و اكيد لما امها و ابوها يعرفوا انها حامل منه هايخافوا على بنتهم من الفضيحه و يخلصوا الجوازه ديه بسرعه ...........بس ياريت كل بنات الدنيا تقراء المشكله ديه علشان يعرفوا ان مش تحت ستار الحب ممكن نضحى بكل حاجه و نقدم كل حاجه للانسان اللى بنحبه و نقول ان ده الحب لان لكل امر تحت السموات وقت ....... و اللى بتحب بيتها و اهلها و بتحترم امها اللى تعبت فيها و ابوها اللى بيشقى و يتعب ليل و نهار علشانها هاتحافظ على نفسها علشان سمعتهم وسط الناس و علشان ماتكسرش قلبهم ......... ربنا معاهم بجد و يحل لهم المشكله ديه فى اسرع وقت ... بس ياريت تبقى تطمنا و تقول لنا على اللى حصل .

[Manno2008_2010]

سلام ونعمة لأولاد وبنات الأب الحنون يسوع الفادي

مع احترامي لحجم المشكلة بس انا هارد بتنبيه لأخواتي بنات الملك الحب إللي بينهم ده مكنش حب ده شهوة وللوصول لقمتها تطلب بعض العبارات والمسميات بأسم الحب ودا عدم تربية للولد والبنت ازاي بنت في السن ده توصل لدرجة علاقة جنسية فوقوا يابنات بلاش تنخدعوا تحت مسميات الحب انا شايف المشكلة دي عبرة للكل وعندي صاحبي عالشات من قنا مر بنفس المشكلة بس البنت اتصرفت في الحمل بس ربنا يستر وانتوا عارفين الصعايده وبنت تانية برضو من قنا بعد ما اخد متعته الخارجية سابها وللعلم في نفس السن ومازال بيطلبها تحت التهديد ووصلت لدرجة انحراف كانت هاترتبط بواحد من غير دينها وعناية ربنا اتدخلت واهلنا انا وواحده صاحبتي انقذناها في الوقت المناسب من غير ما اكتر عليكوا قبل أي خطوة يابنت الملك استرشدي بأب اعترافك وكنيستك قبل ماتضيع بنويتك وساعات بيستسلموا لخطية ويعيشوا فيها طول عمرهم إللي بيوصل لكدا دا ابن لأبليس فبلاش تخسري بنويتك معاه مهما كان حبك ليه اوعى تغلبكوا رغبتكوا. بعد الجواز كله مسموح. لكن قبله الأغلب غير مسموح.

وكمان كلمة صغيرة لأولاد حبيبي ارحموه ارجوكم كفاية توجعوه على اولاده انا مقصدش أي عضو في المنتدى بس انا اقصد كل شاب مسيحي مصبوغ بحب ربنا بدمه ربنا يرعاكم ويقويكم

قبل ما اختم احب افكركوا زي ما قال نيافة الأنبا موسى كترت وسائل الخطية بالأستخدام السئ للنت وللستلايت و... لو حافظتوا على نفسكوا ليكوا اكاليل اعظم وساعتها انتوا بالفعل قديسين لأن دي كثرة حروب من عدو الخير
‏ ‏
ختاما بالنسبه للمشكلة في ذاتها احترام كل الأحترام رأي الخادم المشرف المرشد الروحي لازم تدخل كنسي انصحكوا بالعقل الحكيم والرزين نيافة الحبر الجليل انبا موسى اسقف الشباب وكذالك نيافة الحبر الجليل انبا بولا العقل الحكيم والمفكر وفوق كل ده نرفع صلاة كلنا لملك الملوك رأس كل حكمه والحنان اللي مستحيل يسيب ولاده ابدا نعمة ربنا وسلامة وعنايته تشمل الجميع ياولاد حبيبي وفاديا

[غير مسجل]

بالنسبة لصوصو اشكر ردك لكن فعلا المشكلة صعبة وزي ما زكرت في السابق المشكلة شوية صعب انها توصل لاي كاهن او اسقف محتاجة شخص له الخبرة وقدرة التصرف مع الموقف الكاهن اللي تكلمت معه قال لي كلام مكنتش اتوقع اسمعة منه فاحنا بندور على حد متخصص اكتر لو حد يعرف اتمني يفيدنا
اما الاستاذ ايمن بماذا تقصد بكلمة حد كبير ؟!! حاولنا فعلا بكل الطرق حتي الولد اتقدم اكتر من مرة ورفضوة برضة والكلام دة بعد اللي حصل بفترة اتمني من شخصك الكريم لو تعرف حد وترشدني علية في الكاتدرائية او في اي كنيسة
بالنسبة لأنوش سبب الرفض هي شغله وشغل والدة رغم انه كشخص جاهز بأي شئ يقدر يقدمة فعلا ويقدر يفتح بيت فعلا
اما بالنسبة لكلامكم عن انها كان المفروض والمفروض انا ارفض هذا الاسلوب لأنكم تنصحون بشئ انتهي فعلا فالمشكلة قائمة ومستحيل رجوع الزمن لتفاديها فهي تمت بالفعل فنحن نبحث عن حل وليس ننقد الاشخاص سامحوني

[aymonded]

طبعاً موضوع المفروض ده انتهى وقته تماماً
فالمقروض ، لا ينفعنا الآن على الإطلاق


وانا قصدي حد كبير ، بمعنى سناً ومقاماً وله القدرة أن يكون له كلمة مسموعة ، وطبعاً مش قصدي اي كاهن أو أي اسقف ، لأن مش كل الكهنة ولا كل أسقف ممكن يحلوا المشكلة بل ممكن تزداد تعقيداً وتكبر !!!
عموماً يا حميل لو فعلاً عرفت اوصل لحد هاقولك على طووووول ، مع أن صعب الآن - من جهتي على الأقل - أني أصل لشخص محدد ، ولكن أرجو من يدخل للموضوع مرة أخرى أن لا يكتب ماهو المفروض الذي كان يحدث ، لأن أكيد هم عارفين اللي كان مفروض يحدث ، ونحن الآن نريد حلاً ، ونبحث عن شخص موثوق فيه قادر على التدخل وتكون له كلمة مسموعة فعلاً ، فلو حد يعرف حد قادر على التدخل فعليه أن يرشدنا إليه ...

النعمة معك يا أحلى غالي وربنا يدبر الأمور

[sawsaw]

فعلا الموضوع محتاج صلى
عشان هنا المشكله باين
ان الكاهن مش راضى يتدخل
او رفض بطريقه ناشفه
معن ان دى اساس خدمته
فحاول
انك تروح للاسقف بتاع الابراشيه بتاعتهم
هو انشاء الله ربنا هيحط فى ايديه الحل
والموضوع محتاج صلى كتير
ولو تقدر توصل للبنت
خلها تصلى وتصوم من قلبها
عشان ربنا ينقزها من محنتها
لان التانى مهما راح ولا جه ولد
المشكله جايه على البنت اكتر
ربنا معاها ويرفع عنها تجربتها
وياريت حضرتك تطمنا عليهم
وياريت نرفع الصلوت من اجلهم
مهما كانو اخواتنا فى المسيح
وكلنا بنغلط

[شهرازاد]

ربا معاكم ويساعدكم ويقويكمبس انا عندي اقتراح ممكن تشوفوا نيافة الانبا بولا هو حكيم جدا في الامور ديةوسهل انك توصلوه عن طريق اميل البرنامج[email protected] او ممكن اسقف ايبراشيتكم وربنا معاهم ويساعدهم لحل الازمه دي وياريت تبقي تطمنا فعلا عليها

[غير مسجل]

بالنسبة للاخ ايمن اشكرك جدا واتمني انك ترشدني لأحد وبالنسبة لصوصو انا اعرفها لانها صديقة ليا انا كمان وبتثق فيا جدا وهو كمان صديقي وبحق صداقتهم ليا وحبي ليهم وخوفي عليهم انا بحاول ايجاد حل لكن مع احترامي لردودكم هما لو فعلا ولاد الكنيسة او يعرفوا ربنا مكنوش عملوا كدة لكن انتم بتقولوا خلوهم يصلوا ويصوموا وكدة خلينا واقعيين اكتر حكاية الصوم والصلاة صعب ان حد زيي يكلمهم فيها لازم حد يكون متخصص ويرجعهم بطريقة احسن من كدة تدريجيا
اما بالنسبة لشهرزاد لو ينفع اوصلة بطريقة غير الميل دي ماشي لان فعلا فكرت فيه لكن صعب جدا اني ابعتلة عن طريق سي تي في ممكن يتضايقوا لانهم ممكن بالصدفة يشوفوا الحلقة لكن النت هما مش بيدخلوة غير ايميلات بس عشان بعض وصحابهم بس لكن مش بيفهموا في المنتديات والكلام دة لكن سي تي في صعب اوي واخاف اجرحهم لو تعرفي تجيبي رقم موبايلة يا ريت ياريت ياريت او اي حاجة توصلني بية وانا هبعت للسي تي في اطلب منهم رقمة وهدور في موقعهم
اسف لو ازعجتكم يا اخواني لكني في حيرة بسبب اشخاص هتضيع لو تكرمتم لو حد يعرف رقم حد متخصص دة كل اللي بطلبة او لو حد عندة حل . سلام

[ميرولاا]

سلام ونعمة
انا من رأيى ان الولد والبنت يواجهو اهلها لان فى النهاية
لازم هايعرفو وهما الوحيدين اللى فى ايدهم انهم يحلو المشكلة
ولان هما كمان كانو سبب لانهم اهملو فى رعاية بنتهم
ولازم يتحملو معاها
ومهما كان رد فعلهم اكيد هايكون اهون من اى حلول تانية
لان هى فى النهاية بنتهم
ودة اقصر واسرع طريق
ربنا يكون معاهم ويساعدهم وينقى قلوبهم ويديهم الحكمة
ويكلل علاقتهم ويحولها من علاقة خاطئة الى رباط مقدس
امين

[بنت الراعي]

ياااااااااااااااااه
ياربي يسوع حقيقي مصيبه مش بس مشكله
انا رايي من راي شهرازاد
ولو زي مابتقول انه مش هاينفع علشان سي تي في
انا سمعت في برنامج شباب علي طول بتاع سيدنا انبا موسي
انه ممكن نكلمه شخصيا من غير مايتذاع علي سي تي في واعتقد
انه برده ممكن يساعد في المشكله دي وهايحاول يحلها اكيد وممكن يوصلك للانبا بولا
بص هو قال ادخل علي موقع سي تي في
www.ctvchannel.tv (http://www.ctvchannel.tv)
ومن الموقع ده نختار برامج سبابيه ونختار شباب علي طول ونختار اننا نبعت لسيدنا ونكلمه
وممكن سواء انبا بولا او انبا موسي ممكن نطلب منهم انهم مايذيعوش السؤال او الطلب
وهما اكيد هايقدروا وهايساعدوا
وربنا موجود حقيقي ربنا يكون في عونهم وفي عونك
وياريت بجد تطمنا وتقولنا حصل ايه
واحنا ممكن نعمل يوم او اتنين صوم وصلاه ليهم كلنا اللي هنا في المنتدي
والصلاه تصنع المعجزات وربنا يتمجد وتتحل الازمه دي
وربنا يستر

[sawsaw]

ماهى من وجهه نظرى ان البنت اكيد مرعوبه وهتموت من الرعب
ومش عارفه تعمل ايه
ولو فهمت ان موضوعها هيتحل بالصلى ممكن تصلى
لان الشيطان هو الى مخليها مش واثقه فى ربنا وعندها ياس
لو صلت لربنا وقالتلو يارب انقزنى وادينى نعمه فى عين اهلى
واهلها عرفة هتلاقى ان ربنا سهل الموضوع ووافقوا على جوازها من غير ما يئزوها
لان احنا خايسفين عليها من اهلها ليئذوها
وفعلا بجد
الموضوع محتاج صلى كتير اوى
وياريت تحاول مع اسقف الابراشيه

[ارثوذوكسيه]

ياريت تبعت تقول هى فى ايبارشية ايه وكمان هى حامل فى الشهر الكام وللعلم فى كل ايبارشيه هتلاقى ناس متخصصه فى حل المواضيع دى وبعضها بيكون زى المشكله دى يعنى الأهل مايوافقوش وعلشان يوافقوا ياخدوا وقت وطبعا الوقت مش فى صف البنت فبالتالى الحل بيكون فى الأجهاض بس تحت اشراف كنسى وطبعا الكنيسه ليها طريقتها بس ده تحت شرط ان الولد والبنت بيروحوا للأب الكاهن المسؤل عن الموضوع ده ويتعهد الولد بانه هايتجوز البنت دى ويكتب على نفسه تعهد بالموضوع ده ويمضيه وياخد الأب الكاهن الورقه اللى ماضى عليها الولد ويشيلها عنده وماتظهرش غير فى الوقت المناسب بمعنى انه لو حب الولد يهرب بيطلع الكاهن الورقه دى ويحاول تانى مع الولد لغاية ما يتجوزها ويعملوا للبنت حاجه علشان تنزل اللى فى بطنها وبعدين يفضلوا متابعينها هى والولد ويفتقدوهم ويشدوهم او يرجعوهم للكنيسه تانى
للعلم الكلام اللى انا بقوله ده عن تجربه عشتها طبعا مش انا اللى حصل معايا كده ولكن صحبتى هى اللى حصل معاها كده وهى اللى كانت بتحكيلى ايه اللى بيحصل خطوه خطوه
ربنا مع البنت والولد وينجيهم ويطلعهم من المشكله دى بسلام ببركة صلوات العذراء والقديسين
آمين

[بنت الراعي]

يا جماعه انا سمعت النهارده برنامج بيت علي الصخر بتاع الانبا بولا
وكان بيتلم عن مشاكل شبه كده
وقال انهم يقولوا لحد حكيم وواثقين فيه
وانهم مش يحاولوا يقولوا لا لاهل البنت ولا اهل الولد وخصوصا اهل الولد
لانهم هاينظروا للبنت نظره مش مظبوطه بما اننا في مجتمع ممن يسامح الولد لو غلط لكن صعب اوي يسامح البنت
ولو عرفوا طبعا هايبقي في مشاكل بعدين كبيره بينهم
ويحاولو يضيقوا الدايره في اضيق قدر ممكن
وكمان قال انه غلط يتضغط علي الولد انه يتجوزها لازم يكون هو عايزها
وقال كمان انهم يتوقفوا عن التجوزات وهي ترفض اي ضغط علشان مش تنزل من نظره اكتر من كده
وفي راي تاني وده راي بابا والدي وهو امين خدمه قالي
ان لو اهل الولد رافضين يبين لاهله انه تعبان جدا من غيرها وهايموت عليها
ودي هاتكون اداة ضغط علي اهله
اما لو كانوا اهل البنت هما اللي رافضين
فهي برده تعمل نفس الكلام وتحبس نفسها في اوضتها وتحاول تضغط عليهم
وطبعا الاهل مش هايستحملو يشوفوا بنتهم او ابنهم كده وهايافقوا ومع ضرورة عدم معرفة الطرفين من الاهل بحدوتة الحمل دي علشان البنت مش تتاذي وفي نفس الوقت تتعامل معامله كويسه من اهلها
وربنا موجود

[ربنا يعيناض]

المشكلة تعتبر قربت تتحل
استاذ ايمن بعد ازنك كلمني على الميل
انا مضاف عندك على فكرة من زمان اوكي
ربنا معاكم

[KAdel]

اذهب يا حبيب المسيح إلى الكاتدرائية و قابل الانبا موسى فربنا اعطاة من الحكمة ما يستطيع ان يحل به هذه المشكلة .. و ربنا يعينه و يعينك ...
صلاواتكم

[aymonded]

المشكلة تعتبر قربت تتحل
استاذ ايمن بعد ازنك كلمني على الميل
انا مضاف عندك على فكرة من زمان اوكي
ربنا معاكم

بس انا مش عارف انت مين على الميل فلو دخلت معلشي رن علي لأني مش عارف الناس من بعضها من طول القايمة يا جميل ، وكمان مش عارف انت مين ، لأن اللي انضافوا عتندي في خلال هذا الأسبوع حوالي 9 ومش عارف اميز بينهم أساساً ؛ أقبل مني كل تقدير لشخصك الحلو ، النعمة معك

[ادروسيس]

كلنا تحت ضعف ربنا يرحمنا ويعن ضعف ايماننا وصلاة صغيرة كان بيصليها الانبا مكاريوس اسقف قنا لما كان حد يطلب منه الصلاة مكنيش يقول غير ربنا يستر عليكم فعلا اهم شئ فى الدنيا دة الستر ربنا يستر علينا كلنا ويحل المشكلة بشفاعة العدرا أم النور اللى بتشفع فينا ليل ونهار ربنا يتمجد