alone

[غير مسجل]

يا جماعة في بردو سؤال محيرني اوي هل الادب و الهدوء والصمت حاجة وحشة
انا شخصيتي كدة و النتيجة معنديش اصحاب كتير زي الباقي و بحس ساعات ان الناس بتكرهني وبسمع من ناس انهم بيقولوا عليا رخمة
ارجو حل

[elphilasouf]

ممكن لو انتى اعده مع انسان كده وهو بيتكلم وانتى ساكته
يحس انك مش طيقاه
هيتعب من كتر الكلام لوحده
يمكن كمان يفكر انك متكبره عليه
كل ده بيحسوا

لكن صقينى الانسان بيتعرف مع الوقت
ان كان هادي ولا متكبر ومش بيكلم الناس
كمان من طريقه كلامه لما يتكلم

يمكن هما فهمينك غلط
حولى توضحيلهم نفسك وتوضحلهم شخصيتك

كمان مهما كنتى هاديه و سكته
ممكن بابتسامه ديمه ووجه بشوش تقولى كلام كتير
وتسيبى حاجه حلوه فى نفس ناس كتير
فديما كونى بشوشه فى وش الناس
ده رايي يمكن يفيدك

[anosh]

انتى مش موضحه مشكلتك اوى ... بس حاولى تكونى هاديه ومؤدبه و اجتماعيه مش معقول كل الشخصيات الاجتماعيه مش مؤدبه فيه فرق بين الادب و اكتسابك سلوك فعال ايجابى ... خليكى زى ما انتى مؤدبه و هاديه بس خلى الابتسامه دايما على وشك حاولى تكونى مستمعه جيده لاى شخص بيتكلم معاكى اتعلمى فن الحوار حاولى انتى تقربى من الناس اللى ممكن تكونى معاهم صداقات انتى اللى لازم تغيرى من نفسك ضيفى على هدوك و جمالك ابتسامه و معامله جميله و ردود لذيذه اكيد هاتلاقى رد فعل تانى من الناس اللى معاكى ... بس انا كنت عايزه اعرف انتى فى ثانوى و الا كليه يعنى مرحله و هاتعدى فى مراحل المراهقه و تكوين الشخصيه و الا فعلا انتى انطوائيه بالشكل ده ... ربنا معاكى و يبارك حياتك ... و صلى و اطلبى من رب المجد يغير حياتك و يشكلها حسب ارادته و مشيئته الصالحه .

[anosh]

الشخصية الاجتماعيه مش معناها انها مش مودبه و مش هاديه لالالالالالالالا خاااااااااالص ... لكن الشخصيه الاجتماعيه بتعرف تجذب الناس باسلوبها و هدوها و ايجابيتها و ردودها فى الكلام و اسلوبها المهذب دورى جوه نفسك اكيد هاتلاقى جمال انتى مش شيفاه حاولى تظهرى جمالك الداخلى بتصرفاتك و هدوك دورى على المواهب اللى فيكى و نميها و اظهريها فى شخصيتك ..... ربنا معاكى و يبارك حياتك

[anosh]

سامحينى انى طولت عليكى

[anosh]

انا قريت مشكلتك الاولى و عرفت انك عايشه مع والدتك و جدتك و مالكيش اخوات و عندك 15 سنه يعنى تقريبا كده فى ثانوى ... عايزه اقولك ان موضوع انك هاديه و منطويه ده بسبب حياتك من الصغر عايشه لوحدك من غير اخوات من غير ناس تقريبا ... حاولى تخرجى للدنيا اخرجى للناس روحى اجتماعك فى الكنيسة اشتركى فى مهرجانات و كورال اشتغلى مسرح دورى جوه نفسك اكيد هاتلاقى مواهب انتى مش عارفها يمكن يطلع صوتك حلو يمكن تطلعى بتعرفى تمثلى مسرح كويس يمكن تطلعى بتحبى الموسيقى او تكونى بتكتبى شعر او ترانيم ...حاولى تختلطى بالناس و تكونى اجتماعيه شويه اخدمى الغير و قدمى الحب للناس علشان تلاقيه منهم ... دربى نفسك شويه بشويه انك تدخلى وسط الناس صدقينى هاتنجحى بس بالتدريج شويه شويه ... ربنا معاكى و يبارك حياتك

[anosh]

ياريت تقبلينى اول صديقه ليكى ولو سجلتى فى المنتدى قولى علشان ابعت لك الايميل بتاعى عايزه اعرفك اكتر و تجربى عليا انك تكونى اجتماعيه شويه ... انا فى انتظار ردك و ربنا معاكى و يرعاكى و صلى لى كتير معاكى

[غير مسجل]

ياريت تقبلينى اول صديقه ليكى ولو سجلتى فى المنتدى قولى علشان ابعت لك الايميل بتاعى عايزه اعرفك اكتر و تجربى عليا انك تكونى اجتماعيه شويه ... انا فى انتظار ردك و ربنا معاكى و يرعاكى و صلى لى كتير معاكى

thank u anosh اولا انا مش في ثانوي انا في 2 اعدادي
ثانيا انا سجلت-modo-
ثالثا شكرا ليكوا اويي

[غير مسجل]

ممكن لو انتى اعده مع انسان كده وهو بيتكلم وانتى ساكته
يحس انك مش طيقاه
هيتعب من كتر الكلام لوحده
يمكن كمان يفكر انك متكبره عليه
كل ده بيحسوا

لكن صقينى الانسان بيتعرف مع الوقت
ان كان هادي ولا متكبر ومش بيكلم الناس
كمان من طريقه كلامه لما يتكلم

يمكن هما فهمينك غلط
حولى توضحيلهم نفسك وتوضحلهم شخصيتك

كمان مهما كنتى هاديه و سكته
ممكن بابتسامه ديمه ووجه بشوش تقولى كلام كتير
وتسيبى حاجه حلوه فى نفس ناس كتير
فديما كونى بشوشه فى وش الناس
ده رايي يمكن يفيدك

ياجماعة انا مش كئيبة ولا بعمل حاجة وحشة لحد وبرد علي الناس بس لو حد فتح موضوع معايا و مش بعرف ابدا مع حد لاني خجولة شوية
تاني حاجة انا في 2 اعدادي مش في ثانوي ولا كلية
تالت حاجة شكرا اوي ليكو

[elphilasouf]

ياجماعة انا مش كئيبة ولا بعمل حاجة وحشة لحد وبرد علي الناس بس لو حد فتح موضوع معايا و مش بعرف ابدا مع حد لاني خجولة شوية
تاني حاجة انا في 2 اعدادي مش في ثانوي ولا كلية
تالت حاجة شكرا اوي ليكو
طيب اظاهر ان طبعك هادي وده حاجه مش وحشه وكتير بيقدروها
ودي كمان ممكن تكون عند ناس نعمه كبيره

انا بجد كنت زيك كده هاااادي
واكيد متغيرتش عشان ده طبع وطعب يتغير
بس صدقينى دي حاجه حلوه
بتزيدك وقار واحترام عند الناس
كمن بتحميكى من عثرات كتير بسبب اللسان
الهدوء حاجه جميله اوي
شكر ليكى انتى ربنا يحقئلك امنيكى الى فيها خير

[modo]

tank u and i wish to be my friend soon u and anosh

[modo]

علي فكرة انا سجلت(modo

[Biko]

بصى يا مودو انا اتفق مع انوش
فى فرق بين الهدوء وبين الاجتماعية
وعمرهم ما كانوا بيعارضوابعض ابدا
فى احد الفلاسفة حتى قال تكلم حتى اراك واعرفك
يعنى لو كان سكوتك ده فى مواقف تحتاج الكلام يبقى الناس هاتعرف شخصيتك ازاى وتقرب منك وتحبك
كمان فى اية فى الانجيل بتقول :
للسكوت وقت وللتكلم وقت
يعنى طالما هاتتكلمى للافادة والبنيان ايه يمنعك
محبتك وقربك للناس عمرهم ما يخلوكى تتخلى عن هدوئك
اما السكوت فى الوقت اللى يحتاج كلام ده يبقى انطواء
بعدين يا ستى كلنا هنا اخواتك
نورتى المنتدى
صلى لاجلى

[anosh]

و انا يشرفنى انى اكون صديقه ليكى و اهلا بيكى وسطينا نورتى المنتدى كله ياسكر.

[modo]

شكرا ليكم اوي بجد انتوا حسستوني ان انتوا خواتي بجد و شكرا ان انتوا خلتوني صحبتكم و نفسي اتعرف عليكم وانا ابتديت اعدل من نفسي لان حسيت فعلا منتوية وادي اول اصدقاء جدد انتوا اجمل ناس عرفتهم و شكرا ل(انوش-بيكو-الفيلسوف)ويارب اكون منستش حد لاني مسطولة

[ادروسيس]

:em0100::8:شكرا ليكم اوي بجد انتوا حسستوني ان انتوا خواتي بجد و شكرا ان انتوا خلتوني صحبتكم و نفسي اتعرف عليكم وانا ابتديت اعدل من نفسي لان حسيت فعلا منتوية وادي اول اصدقاء جدد انتوا اجمل ناس عرفتهم و شكرا ل(انوش-بيكو-الفيلسوف)ويارب اكون منستش حد لاني مسطولة