M!SS N@NO
12-30-2008, 12:46 AM
http://2.bp.blogspot.com/_xje6V93RGlA/STqN6RM0zLI/AAAAAAAAAQs/-QFDXsC6I20/s320/san3ah.JPG (http://2.bp.blogspot.com/_xje6V93RGlA/STqN6RM0zLI/AAAAAAAAAQs/-QFDXsC6I20/s1600-h/san3ah.JPG)
في الايام الغابرة (الغبرة) وفى احدى خطوباتي السالفة (التالفة) .. ايه ده هم كانوا خطوبات ؟ ايوه يا سيدي (فهم كـُثـــرُ) على رأي ابو فراس الحمداني .. كانوا حكيمات العائلة يقولولي ( التقل صنعة) .. و (خطيبك علي ماتسستميه .. إن هنج رستريه .. وإن ما استحملش الفيستا .. رجعي الاكس بي) .. ولانه صنعة مش اي كلام ولسوء الحظ فانا لا اجيد فن الشد والجذب وللأسف اتعامل علي سجيتي ومن ثم فشلت كل الخطوبات السابقة وانا غير أسفة عليها .. فما شاء الله كان وما لم يشاء لم يكن
فمن واقع تجاربي الفاشلة قولت اقولكم حكمة اليوم وهي التقل صنعة وظبطة ملح مايزيدش شعره
ازاي ؟! اقولكم ازاي :
جواز صالونات والقدر اختارك والمأسوف علي شبابه دق علي بابك .. خليكي عاقلة وراسية وما تقفشيش في رقبته وتقولي عريس يمَاي لا اهدي كدا واعقلي وادرسيه وفى قعدة التعارف اسحبي لسانك ال عشرة متر لجوه .. واشتري ولا تبيعيش .. يعني سيبيه يرغي وانتي ردي علي الاد بكل عقل وحكمة ورزانة وفى اخر القعدة قوليلهم ادوني مهلة شهر افكر حتى لو كنتي هتموتي عليه وعريس ما تحلميش بيه
زميلك في الشغل و انتص في نظرايللى جابوه وجاي يقولك انا معجب بيكي .. برضو اعقلي واركزي وماتدلقيش من اولها وتقوليله وانا كمان .. لا لا .. بربرشي واذبهلي واعملي نفسك مرتبكة واقوليله ايه ده انت فاجأتني حتى لو كنتي انتي المخططة لشنكلته وبقالك سنة رايحة جاية تتلزقي فيه
ربنا كرمك واتخطبتي ...هنا بقي تبدأ البرمجة اللغوية العصبية للمأسوف علي شبابه وده هتلاقيه بالتفصيل في كتاب (المرأة تصنع الرجال والعيال) للمفكرة العظيمة سوسة الفقي
حب البنت.. تكرفك ...اكرف البنت ..تحبك للحكيم تامر حسني .. بصراحة المقولة ديه تنطبق علي الجنسين يا تامر يعني حبي الولد يكرفك اكرفي الولد يحبك .. وزي ما قالوا اجدادنا القط مابيحبش الا خنَاقه .. فيأسفني ويحز في قلبي ان اعلن ان الجنس البشري جنس نمرود مابيجيش الا بالتطنيش والكرف لكن اظهار المحبة والمودة والتفاني في الحب والاخلاص بيجيب نتايج عكسية جدا .. فنصيحتي حبيه ولكن بعقل وماتمحيش شخصيتك وتقضي علي نفسك علشان واحد في الاخر مش هيعترف بكل تضحياتك ديه ولا هيحس بيها وهيجري ورا واحدة تديه بالشوز لان زي ما قولنا القط مابيحبش الا خنَاقه
البنت زي طابع البوسطة تتف عليها تلزق اكتر ..احب اوضح الخطأ العلمي لهذه المقولة لان الطابع مش بيتف عليه أنت ممكن تبلل صوباعك او سفنجة بميه الشرب وتمرره عليه
هوي علي الفحم من بعيد لحد ما يولع .. وهدى النار ع الرز واوعي ليشيط .. كلمات تؤكد ان التقل صنعة ولو زادت النار ع الفحم هيبقي رماد والرز هيشيط ولو قلت الفحم هيبقي بارد والرز هيبقي ني .. يبقى لازم تتقني الصنعة وتحترفي الشد والجذب ولا للدلدقة
المأسوف علي شبابه بعتلك ايميل او رسالة فى رجل حمامة كسيحة .. عرفاكي هتتسرعي وتقرأي الرسالة ماشي هعديهالك اقرأيها وبعدين خدي نفس عميق وامسكي الرسالة عديها كام سطر وردي بربع عدد الاسطر اللي في رسالته وافتكري النصيحة السابقة هوي علي الفحم من بعيد لحد ما يولع لوحده.. وما ترديش في نفس اليوم ليقول عليكي هتموتي عليه لا طنشيه اسبوع وبعدين ردي عليه
التليفون والموبايل .. اوعى تتصلي بيه ماعندناش بنات بيتصلوا بحد .. خليه هو يتصل على الموبايل علشان تخربي بيته ابوه فواتير و عيشيه في جو الرعب وانك خايفة مامتك تقفشك و بعدين قوليله ماما جت ماما جت واقفلي فى وشه علشان يحس بكم المعاناة والتضحية اللي بتقديمها علشان تردي عليه (الكلام ده مع خطيبك او مع جوزك .. خصوصا جوزك ماتخرجيش معاه الا لما تتصلي بباباكي تاخدي الاذن .. هيقدرك جدا ويعرف اد ايه انتي متربيه .. وهيبعتك لباباكي بورقة شكر مزيَـلة بعبارة بنتك طالق .. قبل كدا مافيش كلام خالص في تليفونات او موبايلات ولا خروجات) و اوعي تردي من اول رنة .. سيبيه يتصل 5 مرات .. وردي عليه بميسد كول (رنة واحدة بس) ولما يكلمك قوليله ما سمعتش الموبايل علشان كنت سرحانه بفكر فيك .. هينسي حرقة دمه طول النهار .. وكانك دلقتي جردل ميه علي نار مولعة وهيبلعها وهو ساكت
عايزة الخطوبة تقصر وصى اهلك يخنقوا عليه .. مافيش خروجات ولا تليفونات .. انتي بنت من عائلة ومالكيش في السرمحة في االشوارع ولا الرغي في التليفونات .. هي زيارة اسبوعية في البيت ويجي اخوكي يكبس علي انفاسه .. وانتي عيشي في دور البريئة وان دول اهلك وانك ما تقدريش تعصيهم ولو عليكي عايزة تعملي اي حاجة تسعده بس ما باليد حيلة وشوية دموع تماسيحية هتلاقيه مااستحملش وقالك احنا نقصر ونتجوز ..اما لو من اياهم فهيطفش وده احدفى وراه قلة وكل سنة وانتم طيبين وعيد سعيد عليكم جميعا
ملحوظة : الموضوع قد يبدو غريب لكن الاغرب انه حقيقي وواقعي جدا والافعال ديه مجربة من دواهي النساء و النتايج ممتازة .. وده ان دل علي شيء فيدل علي اننا في زمن غريب وافراده فقدوا التمييز والفطرة السليمة .. واصبحت العلاقة السوية الناضجة اللي يسودها التفاهم والاهتمام المتبادل علاقة مملة .. لكن العلاقة الاكشن علي غرار الافلام العربي الهابطة و حيل والاعيب المراهقين بقت هي النموذج الامثل والمرغوب فيه من الطرفين.
في الايام الغابرة (الغبرة) وفى احدى خطوباتي السالفة (التالفة) .. ايه ده هم كانوا خطوبات ؟ ايوه يا سيدي (فهم كـُثـــرُ) على رأي ابو فراس الحمداني .. كانوا حكيمات العائلة يقولولي ( التقل صنعة) .. و (خطيبك علي ماتسستميه .. إن هنج رستريه .. وإن ما استحملش الفيستا .. رجعي الاكس بي) .. ولانه صنعة مش اي كلام ولسوء الحظ فانا لا اجيد فن الشد والجذب وللأسف اتعامل علي سجيتي ومن ثم فشلت كل الخطوبات السابقة وانا غير أسفة عليها .. فما شاء الله كان وما لم يشاء لم يكن
فمن واقع تجاربي الفاشلة قولت اقولكم حكمة اليوم وهي التقل صنعة وظبطة ملح مايزيدش شعره
ازاي ؟! اقولكم ازاي :
جواز صالونات والقدر اختارك والمأسوف علي شبابه دق علي بابك .. خليكي عاقلة وراسية وما تقفشيش في رقبته وتقولي عريس يمَاي لا اهدي كدا واعقلي وادرسيه وفى قعدة التعارف اسحبي لسانك ال عشرة متر لجوه .. واشتري ولا تبيعيش .. يعني سيبيه يرغي وانتي ردي علي الاد بكل عقل وحكمة ورزانة وفى اخر القعدة قوليلهم ادوني مهلة شهر افكر حتى لو كنتي هتموتي عليه وعريس ما تحلميش بيه
زميلك في الشغل و انتص في نظرايللى جابوه وجاي يقولك انا معجب بيكي .. برضو اعقلي واركزي وماتدلقيش من اولها وتقوليله وانا كمان .. لا لا .. بربرشي واذبهلي واعملي نفسك مرتبكة واقوليله ايه ده انت فاجأتني حتى لو كنتي انتي المخططة لشنكلته وبقالك سنة رايحة جاية تتلزقي فيه
ربنا كرمك واتخطبتي ...هنا بقي تبدأ البرمجة اللغوية العصبية للمأسوف علي شبابه وده هتلاقيه بالتفصيل في كتاب (المرأة تصنع الرجال والعيال) للمفكرة العظيمة سوسة الفقي
حب البنت.. تكرفك ...اكرف البنت ..تحبك للحكيم تامر حسني .. بصراحة المقولة ديه تنطبق علي الجنسين يا تامر يعني حبي الولد يكرفك اكرفي الولد يحبك .. وزي ما قالوا اجدادنا القط مابيحبش الا خنَاقه .. فيأسفني ويحز في قلبي ان اعلن ان الجنس البشري جنس نمرود مابيجيش الا بالتطنيش والكرف لكن اظهار المحبة والمودة والتفاني في الحب والاخلاص بيجيب نتايج عكسية جدا .. فنصيحتي حبيه ولكن بعقل وماتمحيش شخصيتك وتقضي علي نفسك علشان واحد في الاخر مش هيعترف بكل تضحياتك ديه ولا هيحس بيها وهيجري ورا واحدة تديه بالشوز لان زي ما قولنا القط مابيحبش الا خنَاقه
البنت زي طابع البوسطة تتف عليها تلزق اكتر ..احب اوضح الخطأ العلمي لهذه المقولة لان الطابع مش بيتف عليه أنت ممكن تبلل صوباعك او سفنجة بميه الشرب وتمرره عليه
هوي علي الفحم من بعيد لحد ما يولع .. وهدى النار ع الرز واوعي ليشيط .. كلمات تؤكد ان التقل صنعة ولو زادت النار ع الفحم هيبقي رماد والرز هيشيط ولو قلت الفحم هيبقي بارد والرز هيبقي ني .. يبقى لازم تتقني الصنعة وتحترفي الشد والجذب ولا للدلدقة
المأسوف علي شبابه بعتلك ايميل او رسالة فى رجل حمامة كسيحة .. عرفاكي هتتسرعي وتقرأي الرسالة ماشي هعديهالك اقرأيها وبعدين خدي نفس عميق وامسكي الرسالة عديها كام سطر وردي بربع عدد الاسطر اللي في رسالته وافتكري النصيحة السابقة هوي علي الفحم من بعيد لحد ما يولع لوحده.. وما ترديش في نفس اليوم ليقول عليكي هتموتي عليه لا طنشيه اسبوع وبعدين ردي عليه
التليفون والموبايل .. اوعى تتصلي بيه ماعندناش بنات بيتصلوا بحد .. خليه هو يتصل على الموبايل علشان تخربي بيته ابوه فواتير و عيشيه في جو الرعب وانك خايفة مامتك تقفشك و بعدين قوليله ماما جت ماما جت واقفلي فى وشه علشان يحس بكم المعاناة والتضحية اللي بتقديمها علشان تردي عليه (الكلام ده مع خطيبك او مع جوزك .. خصوصا جوزك ماتخرجيش معاه الا لما تتصلي بباباكي تاخدي الاذن .. هيقدرك جدا ويعرف اد ايه انتي متربيه .. وهيبعتك لباباكي بورقة شكر مزيَـلة بعبارة بنتك طالق .. قبل كدا مافيش كلام خالص في تليفونات او موبايلات ولا خروجات) و اوعي تردي من اول رنة .. سيبيه يتصل 5 مرات .. وردي عليه بميسد كول (رنة واحدة بس) ولما يكلمك قوليله ما سمعتش الموبايل علشان كنت سرحانه بفكر فيك .. هينسي حرقة دمه طول النهار .. وكانك دلقتي جردل ميه علي نار مولعة وهيبلعها وهو ساكت
عايزة الخطوبة تقصر وصى اهلك يخنقوا عليه .. مافيش خروجات ولا تليفونات .. انتي بنت من عائلة ومالكيش في السرمحة في االشوارع ولا الرغي في التليفونات .. هي زيارة اسبوعية في البيت ويجي اخوكي يكبس علي انفاسه .. وانتي عيشي في دور البريئة وان دول اهلك وانك ما تقدريش تعصيهم ولو عليكي عايزة تعملي اي حاجة تسعده بس ما باليد حيلة وشوية دموع تماسيحية هتلاقيه مااستحملش وقالك احنا نقصر ونتجوز ..اما لو من اياهم فهيطفش وده احدفى وراه قلة وكل سنة وانتم طيبين وعيد سعيد عليكم جميعا
ملحوظة : الموضوع قد يبدو غريب لكن الاغرب انه حقيقي وواقعي جدا والافعال ديه مجربة من دواهي النساء و النتايج ممتازة .. وده ان دل علي شيء فيدل علي اننا في زمن غريب وافراده فقدوا التمييز والفطرة السليمة .. واصبحت العلاقة السوية الناضجة اللي يسودها التفاهم والاهتمام المتبادل علاقة مملة .. لكن العلاقة الاكشن علي غرار الافلام العربي الهابطة و حيل والاعيب المراهقين بقت هي النموذج الامثل والمرغوب فيه من الطرفين.