هو قابيل اتجوز مين ؟

[elphilasouf]

فخرج قايين من لدن الرب و سكن في ارض نود شرقي عدن 17
و عرف قايين امراته فحبلت و ولدت حنوك و كان يبني مدينة فدعا اسم المدينة كاسم ابنه حنوك 18
تك 4

المفروض ان قايين لما قتل هابيل
قايين هرب من المكان الى موجود فيه ادم ابوه وامه حواء
وسكن زي مابيقول الكتاب شرق عدن
وهناك عرف زوجته
والسؤال هنا هل كان فى حد غير ادم وحواء وقايين فى الارض



ورغم ان الكتاب ذكر فى اول الاصحاح الخامس من سفر التكوين
ان ادم ولد بنات واولاد كتير بعد كده

هذا كتاب مواليد ادم يوم خلق الله الانسان على شبه الله عمله* 2 ذكرا و انثى خلقه و باركه و دعا اسمه ادم يوم خلق* 3 و عاش ادم مئة و ثلاثين سنة و ولد ولدا على شبهه كصورته و دعا اسمه شيثا* 4 و كانت ايام ادم بعدما ولد شيثا ثماني مئة سنة و ولد بنين و بنات*5

بس هو لسا مكنش ادم انجبهم وقت هروب قايين

هل كان فى غير ادم وحواء فى الارض فى الوقت ده؟
او ان الكتاب قصده ان قايين اتجوز بنت ادم الى انجبها بعد كده؟
:10300:

[رويس]

الكتاب المقدس مذكرش كل الناس ذكر فقط الناس الابرار
علشان كده تلاقي بعض الناس يقولوا ان عمر البشريه من ادم لابراهيم 2000 سنه ومن ابراهيم للمسيح 2000 سنه ومن المسيح حتي الان 2009 سنه
يبقي عمر البشريه 6009 سنه وده غلط لان الانجيل مذكرش غير الابرار بتوع العهد القديم واعمارهم
وبكده يبقي في ناس تانيهه كتير غير ابرار الانجيل متكلمش عنهم
ونفس الكلام يمشي علي ادم وحواء بعد نزولهم من الجنه

لكن بالنسبه لزوجه قابيل
فاولا احنا معندناش قابيل ده عند اخوتنا المسلمين
احنا عندنا قايين اي اقتنيته من الرب
ثانيا انا معرفش هو اتجوز مين ولا امتي

منتظرين اي حد يجاوب علشان اعرف الاجابه انا كمان

[elphilasouf]

هههههههههههههههههههههه
معلش صح عندك حق فى كلامك اسمه قايين اثر البئيه المحيطه بقى
انا صلحتها .........:)

[وردة حزينة]

اتصدق يابرعى السوال ده كان فعلا شاغلنى وسالت فيه بس الاجابه ماكنتش مقنعه خالص
لانهم قالوا ان ادم خلف تانى بنات واهو اتجوز اخته
طب ازى وهو ماكنش فيه غيرهم
ثم انه هرب بعيد يعنى معنى كده ان كان فيه ناس كتير ساكنه فى حتت كتير لانه اخد عقاب وربنا قاله انه هايكون تائها وهاربا تكون فى الارض فرد قايين وقال فيكون كل من وجدنى يقتلنى
معنى كده ان كان فيه ناس اهو طب دول جم منين وامتى
ميرسى يابرعى السوال لللى نفسه اعرفه اجباته

[رويس]

ربنا خلق ادم وحواء في الجنه بعد ما كان خلق الارض
واحتمال كبير ان كانت في ناس عايشه في الارض لان ادم وحواء فضلوا مده من الزمن كبيرة في الجنه
ربنا خلق ادم وحواء فقط في الجنه ومحدش غيرهم كان في الجنه ولكن ربنا مقلش ان مكنش في ناس خارج الجنه
فعلشان كده احنمال كبير ان كانت في ناس علي الارض خارج الجنه وتناسلوا وتكاثروا عادي خالص
زي برضوا الناس اللي بتقول مفش كائنات تانيه في الفضاء معللين ذلك ان رينا مذكرش اي عمليه خلق غير للارض
ولكن برضوا لازم ناخد في الاعتبار ان ربنا مقلش ان مفيش حد غيرنا فبالتالي في احتمال كبير برضوا ان في مخلوقات زينا في الكون

الكتاب المقدش مهواش كتاب علمي او كتاب تاريخي او كتاب في الشهر العقاري علشان يسجل كل واحد وكل مولود وكل مولده
ده كده حصيله تعاملات الله مع البشريه
فبلاش ناخد المواضيع اللي بتخاطب العقل زي دي
واللي بيعتمد تفسيرها علي التامل الذاتي علي محمل الحرف والكلمه الواحده
لا التامل فيها مفتوح وممكن اي حد يتامل فدي هاتبقي اجتهادات وليس تفاسير

[elphilasouf]

امممممممممممم
طب ماكده احنا برده لسا معرفناش الاجابه يا موريس
وبعدين موسي لما كتب سفر التكوين مذكرش ولا حتى لمح ع ان كان فى غير ادم وحواء فى الارض

وبعدين هو كان يخلق ليه من جديد وهو عند ادم ممكن من خلال يجيب زريه للارض

[وردة حزينة]

هو المعروف ان ادم اول مخلوق على الارض ومن بعده حواء يبقى الناس الكتير اللى كانوا فى حتت متفرقه جم منين

[رويس]

امممممممممممم
طب ماكده احنا برده لسا معرفناش الاجابه يا موريس
وبعدين موسي لما كتب سفر التكوين مذكرش ولا حتى لمح ع ان كان فى غير ادم وحواء فى الارض


وبرضوا ملمح انه مخلقش غير ادم وحواء خارج الجنه
يعني مقلش ان مفيش حد خرج الجنه
أحمتال كبير انه كان في ناس تانيه
وخد بالك ان هابيل وقايين عاشوا في الارض كتير قبل ما يحصل القتل
وده اللي ممكن يخلي في احتمال ان في ناس تناسلت
خاصه ان قايين كان هايخف ان الناس تقتله لما تعرف انه قتل اخوة علشان كده ربنا قال له ان هايخي علامه علي وجهة علشان كل اللي يشوفوا يعرفه وميقتلهوش


وبعدين هو كان يخلق ليه من جديد وهو عند ادم ممكن من خلال يجيب زريه للارض

دي حاجه بقي ترجع لربنا مش لينا
احنا مش الهه علشان نقول كان ممكن يعمل ومكنش ممكن يعمل
في حاجات كتير فوق مستوانا العقلي اننا ندركها علشان كده بيبقي افضل شئ اننا منفكرش فيها زياده عن اللوزم لان مش هانوصل لحاجه

[رويس]

هو المعروف ان ادم اول مخلوق على الارض ومن بعده حواء يبقى الناس الكتير اللى كانوا فى حتت متفرقه جم منين


أول مخلوق وليس اخر مخلوق
وكمان في حاجه انه اول مخلوق في اجنه عدن
مش في الارض
وبعدين في حاجه ان ادم اكبد فضل فترة كبيرة في الارض قبل ما ينجب اولاد وبعد ما انجبوا اولاد كان اولهم قايين وهابيل ولكن مكنوش اخر حاجه
اكيد كانت في بعدهم كتير

وعلي فكرة في حاجات كتير معروفه عند الناس وهي غلط
زي مصلا حكايه ان ادم وحواء اكلوا من شجرة التفاح
مع ان الانجيل مذكرش نوع الفاكهه ولكن الناس اعتادت انها تقول انها تفاح
وبرضوا معروف ان المجوس كانوا بيعبدوا النجوم وده غلط لان المجوس كانوا بيعبدوا النار اما اللي بعبدوا النجوم دول طائفه اسمها الصائبه
وبرضوا معروف عند الناس ان في نجم ظهر للمجوس ولكن تفاسير الاباء لما اتاملوا في الحكايه دي اكدوا انه مينفعش ابدا يكون نجم واستنكروا ان تكون التبشير بسجسد اله الاله مجرد نجم

في حاجات كتير معروفه ولكن مش صحيحه ودي راجع ان الحاجات دي اكترها بيخاطب العقل وبالتالي بيبقي في فرصه كبيرة للتامل الشخصي ولكن زي ما قولت قبل كده متعتبرش تفسير نلتزم به

[elphilasouf]

وبرضوا ملمح انه مخلقش غير ادم وحواء خارج الجنه

يعني مقلش ان مفيش حد خرج الجنه
أحمتال كبير انه كان في ناس تانيه
وخد بالك ان هابيل وقايين عاشوا في الارض كتير قبل ما يحصل القتل
وده اللي ممكن يخلي في احتمال ان في ناس تناسلت
خاصه ان قايين كان هايخف ان الناس تقتله لما تعرف انه قتل اخوة علشان كده ربنا قال له ان هايخي علامه علي وجهة علشان كل اللي يشوفوا يعرفه وميقتلهوش



دي حاجه بقي ترجع لربنا مش لينا
احنا مش الهه علشان نقول كان ممكن يعمل ومكنش ممكن يعمل
في حاجات كتير فوق مستوانا العقلي اننا ندركها علشان كده بيبقي افضل شئ اننا منفكرش فيها زياده عن اللوزم لان مش هانوصل لحاجه

اممممممممممممممممم
صدقنى كلامك مقنع بس مش اوي:em0100:

يعنى بس احنا كل ده بنقول احتمالات
مفيش دليل كتابى حته

[elphilasouf]

أول مخلوق وليس اخر مخلوق

وكمان في حاجه انه اول مخلوق في اجنه عدن
مش في الارض
وبعدين في حاجه ان ادم اكبد فضل فترة كبيرة في الارض قبل ما ينجب اولاد وبعد ما انجبوا اولاد كان اولهم قايين وهابيل ولكن مكنوش اخر حاجه
اكيد كانت في بعدهم كتير

وعلي فكرة في حاجات كتير معروفه عند الناس وهي غلط
زي مصلا حكايه ان ادم وحواء اكلوا من شجرة التفاح
مع ان الانجيل مذكرش نوع الفاكهه ولكن الناس اعتادت انها تقول انها تفاح
وبرضوا معروف ان المجوس كانوا بيعبدوا النجوم وده غلط لان المجوس كانوا بيعبدوا النار اما اللي بعبدوا النجوم دول طائفه اسمها الصائبه
وبرضوا معروف عند الناس ان في نجم ظهر للمجوس ولكن تفاسير الاباء لما اتاملوا في الحكايه دي اكدوا انه مينفعش ابدا يكون نجم واستنكروا ان تكون التبشير بسجسد اله الاله مجرد نجم

في حاجات كتير معروفه ولكن مش صحيحه ودي راجع ان الحاجات دي اكترها بيخاطب العقل وبالتالي بيبقي في فرصه كبيرة للتامل الشخصي ولكن زي ما قولت قبل كده متعتبرش تفسير نلتزم به




بس احنا طول عمرنا واحنا نعرف ان ادم وحواء بس
كانوا موجودين فى الاول
وبعدين جيه قايين وهابيل
وشيث ده ولا اسمه ايه وكل اخواته بعدكده
بس ده كان بعد قتل هابيل
هى فعلا المعلومات دي حقيقيه انا اعرف فعلا
ان الصائبه هما عباد النجوم

بس يمكن كان المقصود ان دول علماء فى الفلك مجوسيين

[رويس]

اممممممممممممممممم
صدقنى كلامك مقنع بس مش اوي:em0100:

يعنى بس احنا كل ده بنقول احتمالات
مفيش دليل كتابى حته


بالظبط كده كلها احتمالات



بس احنا طول عمرنا واحنا نعرف ان ادم وحواء بس
كانوا موجودين فى الاول
وبعدين جيه قايين وهابيل
وشيث ده ولا اسمه ايه وكل اخواته بعدكده
بس ده كان بعد قتل هابيل
هى فعلا المعلومات دي حقيقيه انا اعرف فعلا
ان الصائبه هما عباد النجوم

بس يمكن كان المقصود ان دول علماء فى الفلك مجوسيين


مظبرط يبقي ال يجي يحكي ميقولش ناس كانت بتعبد النجوم ولكن يقول ناس رحاله كانت تهتم بعلم النجوم لانها بتعتمد عليه في الترحال في الصحراء
وكمان الناس دي عدت علي شعوب كتير واختلطوا بالشعوب وعرفوا النبؤات بتاعه الشعوب وعاداتهم واكيد سمعوا عن المسيح هايتولد في مزود في ورشليم
خاصه ان بعص الاباء فسروا حكايه النجم واكدوا بالمنطق انه ملاك وليس نجم
ودي اسباب يطول شرحها وانا عاوز انام

[aymonded]

الكتاب المقدس بطبيعة أسلوبه البسيط يسرد الأحداث في سفر التكوين عن تاريخ البشرية منذ الخلق لسقوط آدم ، ولا يذكر جميع التفاصيل ، إذ لا يذكر كام يوم أو كام سنة مكث آدم وحواء في الفردوس ، ولا حتى متى خلق الله حواء هل بعد آدم مباشرة أم بعد أيام أم شهور أم سنين ، ولم يذكر بعد سقوط آدم وحواء متى أنجبوا أولاد وفي أي زمن أو ساعة !!!

والكتاب المقدس ذكر اثنين فقط من أولاد آدم بعد أحداث السقوط: قايين وهابيل ، وليس لأن آدم ليس له أولاد غيرهما ولكن لأن التاريخ الذي يختص به الكتاب المقدس – كما ذكر أخونا المحبوب رويس – هو تاريخ الخلاص ، وتاريخ الخلاص يختص بقايين وهابيل ، كون أنهما يمثلان طريقين للإنسان منذ بداية تاريخ البشرية على الأرض ( كما قال كثير من ألاباء في شروحاتهم ) ، وهما طريق العبادة الحقيقية والعبادة المزيفة التي لها الشكل والصورة بلا جوهر أو أصل ...

فالكتاب المقدس لا يُعطي تاريخاً مفصلاً عن العالم ، من جهة دقة الخلق وتفاصيله الدقيقة ، ولا يُقدم سيرة متكاملة مفصلة للأشخاص الذين يذكرهم ، ولكن هدفه الحقيقي هو أن يضع أمامنا منذ البداية : (( تاريخاً لملكوت الله وقوة الخلاص وامتداده )) ولذلك يصف الكتاب المقدس فقط الأحداث وما يتعلّق بها من أشخاص تخدم هذا الغرض ...

[رويس]

اهو جالكم الكبير
اسالؤا فيه بقي للصبح
المهم انا اروح انام

[elphilasouf]

ههههههههههههههههههههههههه
روح نامى نونا خوووو
ههههههههههههههه
احلام سعيده

يعنى ادم وحواء انجبوا ناااااااااس كتير جدا
والكتاب مذكرش الا قايين وهابيل

تمام
حتى كمان الكتاب مقلش ان اول ولد انجبوه كان قايين

[aymonded]

فعلاً يا جميل الكتاب المقدس لم يذكر مين أول ولد يولد لآدم وحواء
ثم ذكر قايين وهابيل دون ذكر أي شخص آخر قبلهما أوتحديد ميلادهما

[elphilasouf]

ههههههههههههههههههه
تمام
بس موريس لسا نايم نونو خو
مش المفروض نصحيه بقى
نام كتير كده

[رويس]

ههههههههههههههههههههه
انا صحيت يا شباب اهو
وانا اسمي رويس
وليس موريس

[bolalover]

حلو اوي الحوار ده و المناقشة دي
و انا قريت كل الردود
و كلام مستر ايمن مظبوظ
شكرا يا عم برعي علي سؤالك

[elphilasouf]

برعى فى عينك يا تيييييييت تبا لك

وبعدين موريس
رويس
بوليس
مش مهم يا حبى المهم انت المقصود

[love is the key]

شكرا استاذ ايمن على الكلام الجميل دا بس هو في نقطه كان رويس بيتكلم فيها ان ادام خلق في الجنه اذا من الممكن ان يكون في حد على الارض ... والاجابه من الكتاب ان الله في اول يوم يقول الكتاب كانت الارض خربه وعلى وجه الغمر ظلمه.. اذا مكنش في حد عايش على ارض
وبعد ذلك يذكر الكتاب قصة الخليقه ولم يقل ان الله خلق اى بشر غير ادم وحواء ..
ثانيا بالمنطق لماذا يخلق الله اناس على الارض ويخلق ادم في الجنه ...
فليس من الطبيعي ان يكون هذا .. ارجو منك ان تقراء الاصحاحات الاولى من سفر التكوين

صلي من اجلى كثيراَِ

[elphilasouf]

رابك مقنع جدا يا امير
وفعلا مفيش شك ان ادم هو اول المخلوقات وبعديهم حواء ومن نسلهم جيه كل البشريه

[Malak sokar]

وبعدين في حاجه ان ادم اكبد فضل فترة كبيرة في الارض قبل ما ينجب اولاد وبعد ما انجبوا اولاد كان اولهم قايين وهابيل ولكن مكنوش اخر حاجه
اكيد كانت في بعدهم كتير

هو دة بجد الكلام لان قايين وهابيل مكنوش اخر اولادة والبابا شنودة وضح في عظة قريبة اوي ن قاين اتجوز اختة من ادم ووا لانهم في الوقت دة كانو عادي ممكن يتجوزو اخواتهم
امال يعني هيبجو ناس منين
ههههههه


وادي المصدر يافيلو وبجد ميرسي للموضوع

وكان سؤالاً آخر يقول: ممن تزوج قايين ابن آدم؟ وأجاب البابا شنودة بأن قايين تزوج واحدة من بنات آدم، لأن أيام آدم وحواء كان الأولاد يتزوجون أخواتهم، لأن هكذا كانت بداية الخليقة.
جاء ذلك على هامش محاضرة البابا شنودة الأسبوعية بالكاتدارئية المرقسية بالقاهرة، وقد اعتذر قداسته عن محاضرة الأسبوع القادم لسفره إلى الولايات المتحدة الأمريكية لمتابعة علاجه بولاية كليفلاند، وطالب من الشعب الصلاة من أجله.


http://one4v.com/ar/?p=1027

[elphilasouf]

عد ما انجبوا اولاد كان اولهم قايين وهابيل ولكن مكنوش اخر حاجه

الكتاب مقلش ان قايين وهابيل اول اولاد ادم ولا اخرهم
اول ناس من اولاد ادم الى ذكرهم هم قابيل وهابيل ومش معنى ده انهم اول اولاد ادم

يعنى ولا هم اول اولاد ادم ولا هم اخر اولاد ادم
وزي ماوضح فى الموضوع ان الكتاب مش سجل تاريخى انما اهتم فقط بالقصص والشخصيات الى تخدم الخلاص

[ميخا2009]

اسمحولى اضيف اضافة للاخ اللى بيقول ان ممكن يكون الله خلق ناس تانية غير ادم و حواء طبعا الكتاب بيقول ان بعد الله مخلق ادم وحواء ( فاستراح الله فى اليوم السابع من جميع عمله الذى عمل وبارك الله اليوم السابع وقدسه لانه استراح من جميع عمله الذى عمل الله خالقا ) ( تك 2 : 3 ) و معنى كده ان الله لم يخلق بش تانية غير ادم وحوا
ثانيا الكتاب بيقول ان الله غرس جنة شرق عن ووضع هناك ادم الذى خلقه معنى كده انه مخلقش غيره ومن بعده حوا فلو كان خلق حد غيرهم كان حطهم معاهم فى الجنة لان الله عادل
ثالثا بالمنطق اذا كان فيه ناس تانية على الارض غير ادم وحوا مكنش فيه داعى للخلاص فان كان ادم وحوا غلطو يموتو فى الحال لان فيه ناس تانية غيرهم عايشين ومغلطوش انما الله لم يميتهم لانه بحبه مرضاش انه يفنى الجنس البشرى الذى خلقه
اما قايين فهو اكيد اتجوز واحدة من بنات ادم

[رويس]

اها بس في حاجه صغيرة كمان
ان اليوم السابع هو اليوم الوحيد اللي مذكرش الانجيل عنه كلمه
وكان مساء وكان صباح اليوم السابع وده معناه ان أحنا مازلنا في خلق اليوم السابع ولم ننتهي بعد

سلام المسيح معاك أخونا الغالي
ربنا يبارك حياتك

[رويس]

شكرا استاذ ايمن على الكلام الجميل دا بس هو في نقطه كان رويس بيتكلم فيها ان ادام خلق في الجنه اذا من الممكن ان يكون في حد على الارض ... والاجابه من الكتاب ان الله في اول يوم يقول الكتاب كانت الارض خربه وعلى وجه الغمر ظلمه.. اذا مكنش في حد عايش على ارض
وبعد ذلك يذكر الكتاب قصة الخليقه ولم يقل ان الله خلق اى بشر غير ادم وحواء ..
ثانيا بالمنطق لماذا يخلق الله اناس على الارض ويخلق ادم في الجنه ...
فليس من الطبيعي ان يكون هذا .. ارجو منك ان تقراء الاصحاحات الاولى من سفر التكوين

صلي من اجلى كثيراَِ

سلام المسيح معاك استاذي الغالي
هو أنا بس عاوز أوضح حاجه ان زي ما الانجيل مذكرش ان في مخلوقات تانيه في نفس الوقت
لم ينفي وجود مخلوقات تانيه
مش معني انه مذكرش يبقي انه مفيش
أحنا بنقول كلها أحتمالات
يعني ده مش شئ أكيد

ربنا يبارك حياتك أستاذي الغالي

[emmmy]

اية يا جماعة انتوا عملين تتكلموا وفى الاخر معرفناش الاجابة بردوا
انا طول عمرى اسمع انة اتجوز اختة اما انتوا كدة شككتونى فى الموضوع
يعنى بمعنى اصح طينتوها خالص بحواركم دة وعلى فكرة ربنا لمل قال لقابيل انة هيكون هارب
ربما يكون قصدة هروب من ضميرة ومن نفسة لكن معتقدتش انى ربنا خلق غير ادم

[elphilasouf]

اية يا جماعة انتوا عملين تتكلموا وفى الاخر معرفناش الاجابة بردوا
انا طول عمرى اسمع انة اتجوز اختة اما انتوا كدة شككتونى فى الموضوع
يعنى بمعنى اصح طينتوها خالص بحواركم دة وعلى فكرة ربنا لمل قال لقابيل انة هيكون هارب
ربما يكون قصدة هروب من ضميرة ومن نفسة لكن معتقدتش انى ربنا خلق غير ادم
الكتاب المقدس بطبيعة أسلوبه البسيط يسرد الأحداث في سفر التكوين عن تاريخ البشرية منذ الخلق لسقوط آدم ، ولا يذكر جميع التفاصيل ، إذ لا يذكر كام يوم أو كام سنة مكث آدم وحواء في الفردوس ، ولا حتى متى خلق الله حواء هل بعد آدم مباشرة أم بعد أيام أم شهور أم سنين ، ولم يذكر بعد سقوط آدم وحواء متى أنجبوا أولاد وفي أي زمن أو ساعة !!!

والكتاب المقدس ذكر اثنين فقط من أولاد آدم بعد أحداث السقوط: قايين وهابيل ، وليس لأن آدم ليس له أولاد غيرهما ولكن لأن التاريخ الذي يختص به الكتاب المقدس – كما ذكر أخونا المحبوب رويس – هو تاريخ الخلاص ، وتاريخ الخلاص يختص بقايين وهابيل ، كون أنهما يمثلان طريقين للإنسان منذ بداية تاريخ البشرية على الأرض ( كما قال كثير من ألاباء في شروحاتهم ) ، وهما طريق العبادة الحقيقية والعبادة المزيفة التي لها الشكل والصورة بلا جوهر أو أصل ...

فالكتاب المقدس لا يُعطي تاريخاً مفصلاً عن العالم ، من جهة دقة الخلق وتفاصيله الدقيقة ، ولا يُقدم سيرة متكاملة مفصلة للأشخاص الذين يذكرهم ، ولكن هدفه الحقيقي هو أن يضع أمامنا منذ البداية : (( تاريخاً لملكوت الله وقوة الخلاص وامتداده )) ولذلك يصف الكتاب المقدس فقط الأحداث وما يتعلّق بها من أشخاص تخدم هذا الغرض ...

يعنى ادم وحواء انجبوا ناااااااااس كتير جدا
والكتاب مذكرش الا قايين وهابيل

تمام
حتى كمان الكتاب مقلش ان اول ولد انجبوه كان قايين



فعلاً الكتاب المقدس لم يذكر مين أول ولد يولد لآدم وحواء
ثم ذكر قايين وهابيل دون ذكر أي شخص آخر قبلهما أوتحديد ميلادهما

[kottah_sh]

ياجماعه انا سألت ابونا قبل كده
على الموضوع ده
قالى ان ادم وحواء خلفوا كتير ومنهم بنات
والكتاب المقدس مذكرش البنات
ذكر بس الشخصيات المهمه
وقايين اتجوز اخته


دا على حد علمى بصراحه
لكن بكره انشاء الله هحاول افتكر واسأل ابونا



ميرسى يا فلفل يا مفلفل على السؤال الجميل ده

[aymonded]

يا أحبائي لماذا الخلاف وكثرة النقاش والبحث في شيء لم يناقشة الكتاب المقدس ولا وضحه أصلاً !!! أيه الهدف النهائي ، هل لكي ما نصل للحقائق التي لم يعلنها أو يكشفها الله لإنسان على وجه الأرض ، ده حتى الرسل أنفسم لم يتحدثوا فيها أو ذكروها ، يعني لو الله حب يعرفنا ألم يكن من الأولى وببساطة شرحها منذ البداية !!!
لقد قلنا باختصار هدف الكتاب المقدس ومن موضوع قايين وهابيل ، ولا داعي لكي ما ندخل في تفاصيل أكثر مما وضحها الكتاب المقدس ، لأننا لن نصل لنتيجة على الإطلاق !!! وسنصير في خلافات لن تنتهي ، ده حتى آباء الكنيسة لم يدخلوا فيها ، هاندخل احنا في خلافات لن تنفعنا أو حتى تضرنا ونضيع وقت فيها !!!

____________________

وعلى فكرة بس جزء أعلّق عليه بالنسبة لقول المحبوب رويس اننا في خلق اليوم السابع : نحن في الحقيقة في خلق اليوم الثامن ، وهو يوم الرب أي يوم القيامة الجديد ، لأن هذا اليوم يسمى عند الآباء اليوم الثامن :

يقول القديس أمبروسيوس في الرسالة 31 إلى لاورونسيوناوس : [ الاسبوع هو من العهد القديم ، أما الثمانية فمن الجديد ، لما قام المسيح فأشرق على الجميع يوم خلاص جديد ، ذلك اليوم الذي يقول فيه النبي : " هذا هو اليوم الذي صنعه الرب فلنبتهج ونتهلل فيه " ( مزمور 11 : 2 ) ... إذن مضى الاسبوع ، وجاءت الثمانية ، مضى أمس ، وجاء اليوم ، اليوم الموعود الذي حضَّنا فيه الرب على أن نسمع صوته ونتبعه ، إذن مضى يوم العهد القديم وجاء اليوم الجديد ، فتمَّ فيه العهد الجديد ... ]

ويقول القديس ايرونيموس :
[ .. ان يوم الرب ، يوم القيامة ، يوم المسيحيين هو يومنا . ولذا يُدعى يوم الرب : لأن الرب فيه صعد إلى الآب ظافراً ... فاليوم قد بزغ نور العالم ، اليوم بزغت شمس البرّ تحمل في أشعتها الشفاء . ]

طبعاً لقصر الوقت ولا أريد أن أطيل هناك تلال ضخمة من كتابات الآباء وشروحات لا تنتهي لا أقدر أن آتي بها جميعاً ، عن يوم الأحد اليوم الثامن إشراق القيامة والخلق الجديد :
" إذاً أن كان أحد في المسيح فهو خليقة جديدة الأشياء العتيقة قد مضت هوذا الكل قد صار جديداً " (2كو 5 : 17)

النعمة معكم جميعاً يا أحباء يسوع

[رويس]

يا أحبائي لماذا الخلاف وكثرة النقاش والبحث في شيء لم يناقشة الكتاب المقدس ولا وضحه أصلاً !!! أيه الهدف النهائي ، هل لكي ما نصل للحقائق التي لم يعلنها أو يكشفها الله لإنسان على وجه الأرض ، ده حتى الرسل أنفسم لم يتحدثوا فيها أو ذكروها ، يعني لو الله حب يعرفنا ألم يكن من الأولى وببساطة شرحها منذ البداية !!!
لقد قلنا باختصار هدف الكتاب المقدس ومن موضوع قايين وهابيل ، ولا داعي لكي ما ندخل في تفاصيل أكثر مما وضحها الكتاب المقدس ، لأننا لن نصل لنتيجة على الإطلاق !!! وسنصير في خلافات لن تنتهي ، ده حتى آباء الكنيسة لم يدخلوا فيها ، هاندخل احنا في خلافات لن تنفعنا أو حتى تضرنا ونضيع وقت فيها !!!



عارف استاذي الغالي دي بتفكرني بايه
بحكايه الناس اللي قروا قصه دخول المسيح اورشيلم علي اتان او غيرة
يجوا يسبوا روعه دخول المسيح وكيفيه استقبال اناس ليه ومنظر الناس اللي فرحانه بيه وبتخلع ملابسها وتحطها تحت اقدام المسيح و و و
ويقوموا يسؤلوا سؤال ويقولوا
هو المسيح كان راكب اتان ولا ابن اتان
يعني زعلش في اللفظ سايبين المسيح اللي هو محور الموضوع وبتسؤلوا عن الحمار !!!




يقول القديس أمبروسيوس في الرسالة 31 إلى لاورونسيوناوس : [ الاسبوع هو من العهد القديم ، أما الثمانية فمن الجديد ، لما قام المسيح فأشرق على الجميع يوم خلاص جديد ، ذلك اليوم الذي يقول فيه النبي : " هذا هو اليوم الذي صنعه الرب فلنبتهج ونتهلل فيه " ( مزمور 11 : 2 ) ... إذن مضى الاسبوع ، وجاءت الثمانية ، مضى أمس ، وجاء اليوم ، اليوم الموعود الذي حضَّنا فيه الرب على أن نسمع صوته ونتبعه ، إذن مضى يوم العهد القديم وجاء اليوم الجديد ، فتمَّ فيه العهد الجديد ... ]


يعني هل اقدر اقول ان اليوم السابع انتهي
بمساء الصلب وصباح القيامه ؟

ياريت لو كلامي صح تأكدلي دلوقتي






طبعاً لقصر الوقت ولا أريد أن أطيل هناك تلال ضخمة من كتابات الآباء وشروحات لا تنتهي لا أقدر أن آتي بها جميعاً ، عن يوم الأحد اليوم الثامن إشراق القيامة والخلق الجديد :
" إذاً أن كان أحد في المسيح فهو خليقة جديدة الأشياء العتيقة قد مضت هوذا الكل قد صار جديداً " (2كو 5 : 17)



هو ايه اللي لا اريد ان اطيل يعني لو مكنتش تطول في المواضيع دي هاتطول في ايه ؟
طب علي الاقل لو الكتب التلاته دول موجودين علي النت اكتبلنا اساميهم أهو الواحد يتسلي في القرايه شويه


النعمة معكم جميعاً يا أحباء يسوع

ومعاك

[aymonded]

عارف استاذي الغالي دي بتفكرني بايه
بحكايه الناس اللي قروا قصه دخول المسيح اورشيلم علي اتان او غيرة
يجوا يسبوا روعه دخول المسيح وكيفيه استقبال اناس ليه ومنظر الناس اللي فرحانه بيه وبتخلع ملابسها وتحطها تحت اقدام المسيح و و و
ويقوموا يسؤلوا سؤال ويقولوا
هو المسيح كان راكب اتان ولا ابن اتان
يعني زعلش في اللفظ سايبين المسيح اللي هو محور الموضوع وبتسؤلوا عن الحمار !!!



((( صدقني هو ده اللي حصل اكتر من مرة وأكتر من اجتماع - للأسف خدام - حضرت فيه )))

يعني هل اقدر اقول ان اليوم السابع انتهي
بمساء الصلب وصباح القيامه ؟

ياريت لو كلامي صح تأكدلي دلوقتي

((( كلامك صح طبعاً يا أجمل أخ غالي وهذا ما يؤكده آباء الكنيسة )))








هو ايه اللي لا اريد ان اطيل يعني لو مكنتش تطول في المواضيع دي هاتطول في ايه ؟
طب علي الاقل لو الكتب التلاته دول موجودين علي النت اكتبلنا اساميهم أهو الواحد يتسلي في القرايه شويه




ومعاك





لأ لأسف يا جميل مش موجودين على النت دول مراجع عندي في البيت
وعموما اسم الكتاب لو وجدته هو
السبت والأحد في تقليد الكنيسة
(( نصوص من القرن الأول حتى القرن السابع ))
رابطة معاهد اللاهوت في الشرق الأوسط a.t.i.m.e
الكلسليك 1982

أقبل مني كل حب وتقدير لشخصك الغالي جداً
النعمة معك كل حين يا محبوب الله الحلو