نأسف علي الازعاج يا ارثوذوكس ( kamer14 )

[bolalover]

http://img150.imageshack.us/img150/7930/59496450oq3.jpg

سلام و نعمة لكل اعضاء منتدانا الغالي ارثوذوكس

كل عضو فيكم هيقراء الحلقة دي يركز كويس و يطرطق وداناته الاتنين
حلقة انهارده مفهاش اي تعصب ولا اي نصائح ولاكن فيها براءة الحمل الوديع
و جمال روح المحبة
معانا انهارده عضوة بجد و في راي الشخصي
تستحق ان تاخذ لقب
افضل عضوة علي مدار تاريخ ارثوذوكس
عضوة رغم صغر سنها و لكنها مبدعة
مبدعة في موضعاتها
مبدعة في بسمتها
تلقائية و بسيطة في حياتها
بنوته عندها 15 سنة بس قدرة تدخل وسطينا و تفرد سيطرتها و نفسها و يتعملها الف اعتبار
بجد انا بعزها جدااا و كنت اتمني يكون ليا اخت في البيت زيها
و هي صاحبت
16,271
مشاركة

kamer14


بولا : اهلا بيكي يا قمر 14 معانا انهارده في نأسف علي الازعاج يا ارثوذوكس
قمر : اهلا بيك يابولا
بولا : في البداية بنرحب بيكي و نقولك كل سنة و انتي طيبة
قمر : ونت طيب يا خويا ها خش فى التقيل

بولا : ياااه و انتي مستعجلة اوي ليه كده دا انتي هتكرهي نفسك دلوقتي .... طيب ادينا بطاقة التعارف بتاعتك يا قمر
قمر : هههههههههههههه ربنا يستر

بص ياسيدى باختصار شديد انا اسمى فيرونيكا
ودى عارفنها

ابلغ من العمر 15 سنه

عاوز ايه تانى ؟

بولا : يا سلام بس كده
في سنة كام طيب
قمر :كفايه عليكو
تالته اعدادى

بولا : اها طيب قمر 14 عندها 16239 مشاركة ... يخرب بيتك عملتيهم ازاي دول ولا امته ؟؟


قمر : ههههههههههههه اه دخلنا فى الحسد بقى وشغل القر عاااادى جدا انا اصلا فاتحه المنتدى ليل نهار وكنت بدخل على الالعاب كتير جدا جدا وبحط مواضيع
بولا : قمر 14 حياتها الطبيعة نت و بس ؟؟ يعني بتروحي كنيسة بتخرجي مع صحابك بتعملي ايه في اليوم الدراسي بتاعك و في اليوم العادي
قمر : اكيد مش نت بس جت عليا فتره الصيف ايلى فات كنت ليل نهار نت
بالنسبه لحياتى فاليوم الدراسى ممل وطويل ومعظمه بنام فيه
واكيد بخرج مع صحابى بس مش كتير والكنيسه مليش صحاب اوى هناك بس بروح
بولا : بتحبي المذكرة يا قمر ؟
قمر : بزمتك فى حد بيحب المزاكره اه طبعا بحبها كره العمى
اكيد لا
بولا : طيب و هتنجحي ازاي كده ؟؟ ولا بتعرفي تغشي في الامتحانات ؟؟
قمر :ههههههههه حد قالك انى مش بزاكر لابزاكر طبعا والغش كان فى سنوات النقل مناديل بقى وجومه وبلاوى انما السنة دى بلا قر ولاحسد ناويه اجيب مجموع
بولا : لو نجحتي بابا هيجبلك ايه ؟
قمر : لابتوب
بولا : يارب مش تنجحي ... طيب احكيلي علي موقف كده حصل ليكي في الفصل او المدرسة او اي حاجه بخصوص الدراسة ؟
قمر : هههههههه ياساتر
اممممممممم موقف مش عارفه الصراحه بس السنة اغلبها انى بنام فى الفصل وبيرمو عليا التباشير ووبيبقى منظر مضحك
بولا : امتحاناتك ابتدت ولا لسا ؟
قمر : ابتديت الانجليش يوم 10
انما الوزاره يوم 17
بولا : و بابا و ماما سيبينك كده قاعدة علي النت لحد الفجر ؟
قمر : لاده يوم اسثنائى وبعدين بتعلى صوتك ليه هووووش
بولا : ايه هما نايمين دلوقتي ؟؟ اكيد انتي قاعدة من وراهم صح
قمر : اه صح بس بقى عشان الفضايح
بولا : تيب .. قوليلي يا قمر بتحبي ارثوذوكس قد ايه و امته كرهتيه و كنتي عاوزه تبعدي عنه ؟
قمر : بحبه جداااااااا بس عمرى ماكرهته وفكرت ابعد عنه مفيش سبب خلينى ابعد مهما كانت قوته
بولا : قمر 14 بنت عسولة دمها خفيف لسانها طويل شكلها ملايكي الكل بحبها ... عمرك عملتي مشكلة مع حد في المنتدي قبل كده ؟
قمر : فى المنتدى جواه لا انما اكيد فى مشاكل بتحصل بس برة المنتدى
بولا : ايه هي كانت اكبر مشكلة قبلتك في حياتك عموما ؟؟
قمر :فى حياتى؟ اممممممممممم لامفيش كلها مشاكل عادية وبتعدى
بولا : مممم طيب تعالي معانا يا قمر لفقرة اسم واحد لكل مين ... اكيد عرفاها و فاهماها
قمر : اقول عيوب ومميزات العضو ايلى هتقوله باين صح؟
بولا : لالالالا دي فقرة تانية .. الفقرة دي هقوله مين كذا و انتي تقوليلي اسم عضو واحد بس
قمر : اه طيب
شكلك عاوزنى اخرج من المنتدى بجلاجل
بولا : مين تقوليله العب بعيد يا شاطر ؟
قمر : من اولها كده منك لله يابولا
بولا : هههههههه مليش دعوة لازم تقولي اسم حد
قمر : لالالا مفيش حد هقوله كدة
بولا : لا لازم يكون في حد مليش دعوة
قمر : ههههههههههه عاوز تخربها انا عارفه من الاول ان اليوم مش هيعدى
بولا : يالا انجزي
قمر :اقولهالك يالا بقى روح العب بعيد ياشاطر
بولا : مممممم بقا كده طيب استلقي وعدك مني بقا انتي الي جبتيه لنفسك
قمر : يامى يامى خفت وركبى بتخبط على الجيران
بولا : مين تقوليله مش عاوزة اشوف وشك تاني في المنتدي ؟؟ هههههههه يالا جوبي يا شاطرة
قمر : ههههههههههه بولا عاطف
وعارف لو دخلت المنتدى تانى يانا يااانتا
واستلقى وعدك بعد الحلقه
بولا : هههههههههههههه يا تيت عليا الطلاق لخليها حلقة سوده عليكي يا بنت عم 14
بولا : مين تقوليله شكرا بجد
قمر : اقولها لابو الارفيت
بولا : مين اول بنت اتعرفتي عليها من علي المنتدي ؟

قمر : rose
بولا : و مين اول ولد ؟
قمر :سيادتك
بولا : كانت معرفة سوده يالا ما علينا ... طيب مين تقوليله اسفة ؟
قمر : هههههههههههه حسابك معايا بعدين
اسفه اممممممممم لامش لحد
بولا : طيب مين تقوليله ارجع ؟
قمر :اممممممممممممم هى كانت لحنان بس حنان رجعت خلاص
بولا : مين اقرب بنت ليكي في المنتدي حاليا ؟
قمر : حنان صادق
بولا :مين يا قمر بتروحليه ديما لما يحصل ليكي مشكلة في المنتدي ؟ او مشكلة عموما
قمر : عموما انا مش بحكى مشاكلى لحد خالص بكتمها فى نفسى واحلها لوحدى مش بحب احكى لحد
بولا : طيب يعني مفيش حد بتعيني اسرارك معاه خالص
قمر : اعين؟ لا مفيش اكيد الا ربنا
بولا : طيب يا قمر تعالي معانا لاسئلة الحوار العادي .. هنحطك في موقف و انتي تقولينا تعملي ايه فيه
قمر : هيا بنا
بولا : عضو من المنتدي عنده 30 سنة و جه قالك انتي بنت زي العسل و جميلة جداا و لذيذة اوي و انا نفسي اتجوز واحدة ذيك و هو عارف انك عندك 15 سنة و قالك عنونكم ايه علشان اجي اطلبك من بابا ... هتقوليله ايه ؟؟
قمر :هقوله يفتح الله ايه مجنون ده ولاايه
بولا : ههههههههههههههه الله في ايه يا قمر الراجل بيتكلم جد هترفضيه ؟
قمر : هههههههههه طبعا هرفضه
بولا : هههههههههه طيب يا ست قمر لو مثلا مثلا يعني عرفتي ان في مشكلة بين اتنين و انتي بتعزي الاتنين دول اوي هتحولي تحليها ولا هتقولي لا مليش دعوة ؟ و الاجابة تكون اه هحاول احلها او لا مليش دعوة بس
قمر : اه هحاول احلها
بولا : طبعا انتي قريتي حلقات نأسف علي الازعاج الي فاتت و عرفتي ان كان في مشاكل ليه مكنش بيبقا فيه ليكي اي ردود او اي مشاركات في الموضوع ؟؟
قمر :مكنتش بلاقى حاجه اقولها ومش بحب ادخل فى المشاكل والحوارات دى بس انا مثلا بدخل اقدم شكر واطلع
بولا : ايه رايك في المنتدي الايام دي يا قمر ؟
قمر : هو زادت المشاكل اوى فى الفتره الاخيره وتحس ان كله مستنى اى مشكله للتانى ويتكلم عليها وبيكبرو المشاكل اوى تحس ان المحبه والتعاون بتوع زمان قلو شوية
بولا : طيب دلوقتي يا قمر بعد دخول 2009 مش تفتكري ان الدنيا بقت هادية شوية و كله اتصافي و بقا رايق ولا ايه ؟
قمر :اه الحمدالله حصل تحسن كتير
بولا : لو اتعمل خروجة تاني في اليكس يا قمر هتيجي ؟؟ و لو جيتي هتكوني خايفة زي الخروجة الي فاتت كده هههههههه؟؟
قمر : ههههههههههه احم احم ليه الاحراج ده
اه هاجى اكيد
واكيد مش هبقى زى اول مرة ومتنساش ان مكنش فى بنات غيرى
بولا : طيب ليكي انتي بس و متعرفيش حد من الاعضاء خالص يا بت .. هنجلكم في اول شهر 2 الي جاي و هنعمل خروجة في اجازة نص السنة في اليكس
كتمي علي الخبر بقا
قمر :هههههههههههههه اوك تنوروا
بولا : نفسك تشوفي مين من الاعضاء يا قمر ؟ قمر : نفسى اشوفكو كلكم بجد
ونفسى اشوف حنان وروز
بولا : طيب يا قمر تعالي معانا لفقرة 4 سلبيات و 4 ايجابيات و دي الي انتي كان قصدك عليها في الاول
نبتدي ؟
قمر :اوك
بولا : رافت شكر ؟
قمر : هما لازم اربعه كفايه واحد هو انا هكتب قصيدة شعر
بولا : هههههههه لا يا اختي لازم 4 و 4 هي رخامة
قمر : اولا رافت انسان طيب جدااااااااا جدااااا وبيحب المنتدى واعضائه جدا وبسيط جدا ودمه خفيف جدا
السلبيات امممممممممممم لامفيش
لامش اربعه ليه بقى هو موضوع انشا
بولا : مليش دعوة هو نظام البرنامج كده الله
و لازم تطلعي سلبيات في العضو
قمر : النظام ده بله واشرب ميته
بولا : بت انتي مش تقرفيني خلي الحلقة تعدي علي خير و اسمعي الكلام لاما هجبلك الخرزانة
قمر : هههههههههههههه بلطجه بقى ولاايه لاهو كده اخرى كدة
بولا :عند تيته الكلام هنا احنا في برنامج محترم و البث مباشر يعني تنجزي في الحوار علشان ننام في يومك الي مش فايت ده
قولي اربع سلبيات في رافت يالا
قمر : يالهوى اربعه سلبيات مش لاقيه طب اعمل ايه اخترع؟
اجيب من عند ماما؟
طب ثوانى انزل اشترى من تحت البيت فى عندنا واحد بيبع سلبييتين وعليعهم اتنين هديه
بولا : مليش دعوة ماما بابا المهم تجيبي
هي رخامة بقا و قفلت في دماغي تطلعي في رافت بالذات 4 سلبيات مليش دعوة
قمر :طب انا اعملك ايه اجيب منين
بولا : اتصرفي ... مش الجيش قالك اتصرفي
قمر :ههههههههههه
متبقاش كده وحول على ايه بعده
عاوزيين نينام
بولا :و رحمة ابويا الي السنوية بتاعته الشهر ده يا قمر ما هعديها غير لما تقولي اربع سلبيات في رافت
قمر :ههههههههههههه يالهوى عليك
بولا :قولي 4 سلبيات في رافت و انا اخليلك كل عضو بعد كده سلبية واحدة و اجابية واحدة
قمر : طب ورحمه الغاليه ايلى معرفش هى مين مانا قايلة هة
بولا :انا حلفت قبلك قولي و انجزي
قمر : طب اقول ايه طيييييييييب؟ مفيييييييييش
بولا : مليش دعوة و يالا علشان وقت البرنامج يا فندم
قمر : امممممممممم
ابقى صوم تلات ايام واقلب على ايلى بعده
بولا :قولنا مفيش هزار انا حلفت انجزي بقا و مش تبقي مملة كده الفي اي حاجه يالا
قمر : مش حرام التلفيق
رافت امممممممممممممم مفهوش مفهوش مفهوش مفهوش اهم الاربعه يالا ابسط
بولا : حسبي الله و نعمة الوكيل فيكي يا بعيدة
انا هعديها بس بمزاجي و علي فكرة انتي اول واحدة تقع تحت ايدي و معرفش اخد منها ولا حق ولا باطل يا بعيدة
قمر : هههههههههههههههه طيب خش في الي بعدي و ارحم اهلي
بولا : الناي الحزين ؟
قمر : الناى الايجابيات طيييييييييب جدا جدا ودمه خفييييييييف جدااااااااااا واجتماعى ومحترم وزوق جدا
السلبيات اممممممممممم انه صعيدى ودول كده مش اربعه لا ده موال لوحده
بولا : ههههههههههههه طيب جاسيكا
قمر : جاسيكا انا معرفتى بيها من المنتدى بس يعنى سطحيه او شبه سطحيه بس هى بنوتة عسوله اوى اوى ودمها خفيف ونفسها تبقى مضيفه هههههههه
السلبيات معرفش مشوفتش بعينى حاجة لان المعرفه مش عميقه اوى
بولا : ميكي ؟؟
قمر :ههههههههههههههه
لاده لسبيات بس مفيش ايجابيات
بولا : ههههههههه طيب قولي
قمر :بص ياسيدى
ميكى بالنسبه لايجابياته دمه خفييييييييييييييف جدا جدا واجتماعى
السلبيات بقى انه تيت وتوت وتربتيت
بولا : هههههههههه طيب بولا لافر
قمر : ههههههههههههه ده اركنه على جنب ده عاوز مجلد
بولا : ههههههههههه مجلد سلبيات ولا ايجابيات يا بت
قمر : هههههههههههههههه ايجابيات طبعا .............. سامحنى يارب
بولا : طيب قولي الي عندك و اخلصي
قمر : الايجابيات زكى جدااااا يقلب على لئم كده ههههههههه ومخه شغال وطيب ودمه خفيف
السلبيات محوراتى كده ويتوهك فى الكلام باختصار يوديك البحر ويرجعك عطشان
بولا : ههههههههههههه حسبي الله و نعمة الوكيل فيكي يا فيكي
قمر : هههههههههههههه
الصراحه فوق كل شئ
ماكفايه بقى نتفنا فى ريش الناس
بولا : طيب تعالي معانا لاسئلة الحوار العادي .. و نزنقك شوية في الكلام
قمر : حسبى الله ونعم الوكيل
هيجليك يوم وتتزنق
بولا : قمر 14 بنوته لسا صغيرة عندها 15 سنة بس عليها عقلية و تفكير يفوق الـ 20 عاما ... لما حد يجي يقولك ملكيش دعوة انتي لسا صغيرة ايه الي دخلك ؟؟ بيكون رد فعلك ايه ؟
قمر : الموضوع ده بيعصبنى اوىىىىىىىىىى بيحسسونى انى مثلا نونو صغير ماسكه المصاصه بحكايه لسه صغيره دى
بزعل اكيد
بولا : طيب سؤال و تجوبي بكل صراحة و ربنا يشهد عليكي ؟؟ انتي لسا بتشتري مصاصات ؟؟
قمر : ههههههههههههههه اه
بس بينى وبينك
بولا : هههههههههه عادي عادي ما انا كمان لسا بجيب مصاصات بس بيني و بينك برده هي طعمها حلوة اوي و بتبقا مزه
قمر : هههههههههههههههه طب الحمدالله مش انا وحدى
بولا : طموحاتك ايه لمستقبلك يا قمر .. يعني نفسك تبقي ايه في المستقبل ؟
قمر : هههههههههه هقول بس بلاش تريقة نفسى بصراحه اطلع الفضاء واجيب تليسكوب واشوف النجوم والكواكب والحاجات دى واعمل ابحاث فى المجال ده
على الله حد يتريق
بولا : بصي يا قمر انتي لو ختيها جد و حطيتي الهدف ده قدامك و صممتي علي تحقيقه اكيد مش هتوصلي الفضائيات بس لا انتي ممكن توصلي للمصرية و الحياة و القناة الاولي كمان
قمر : هههههههههههههههه ايوه اتريق اتريق بكره تشوفونى فى التليفزيون والجرايد اكيد مش الجرايم
بولا : هههههههههه طيب يا قمر انتي الشخص الوحيد الي ابصم بالعشرة و علي رقبتي انك بتحبي ارثوذوكس من كل قلبك لصفاء و نية قلبك ... نفسك ايه يكون موجود في ارثوذوكس مش موجود دلوقتي ؟؟
قمر : مش عارفه مفيش حاجه فى مخى دلوقتى بس نفسى ارثوزكس يرجع زى زمان
بولا : امنيه بنتمناها كلنا يا قمر هي رجوع ارثوذوكس زي زمان بروح المحبة الكبيرة ... تقولي ايه لاعضاء المنتدي كلهم يا قمر في نهاية الحلقة ؟؟
قمر : اقلهم بحبكم اوى اوى ومقدرش استغنى عنكم وخليهم كلهم بقى يصلولى عشان الامتحانات على الابواب وهى تقريبا كسرت الابواب ودخلت
بولا : قمر احنا اخوات اكيد و انتي بتعزيني .. ليكي 3 اسئلة تسئليهم ليا .. بس طبعا انتي عندك امتحانات و مذكرة و يادوبك تقومي تذكري علشان مش تلحقي تسقطي يا حلوة .. مش صح كده
قمر : ههههههههههههههههه اه على التلات اسئله وهتفلسع
هو انا اه ورايا مزاكره
وحظك حلو انى مش محضرالك اسئله مش كنت تقول كنت انا جهزتلك شويه فى مخى
بولا :طيب كويس اول ضيف يكون متعاون معايا و ميسئلش التلت اسئلة بتعوته ليا قمر : هههههههههههههههه لو عايزنى اسال اسال انتا تؤمر

بولا : نشكرك جدااا يا قمر علي تعاونك الجميل و بجد انا كنت سعيد باللقاء معاكي و بامانة و اشادة مني انا بولا عاطف .. انتي افضل عضوة في ارثوذوكس علي الاطلاق و بلا منازع و ده راي الشخصي

قمر :ياسلام ياسلام ميرسى بجد يابولا وميرسى انك اخترتنى حلقه البرنامج النهاردة وربنا معاك


عاوز اقولكم اني بجد استمتعت جدااا بالحوار ده
و متستغربوش من بساطة الاسئلة

العضوة هي الي اجبرتني ان الحلقة تكون بسيطة كده
لان هي بطبعها انسانة بسيطة عسولة صغننة
ملهاش في مشاكل و الي في قلبها علي لسانها
ولا بتنافق ولا بتجامل و زي القمر
ما هي قمر 14

يارب حلقة انهارده تكون عجبتكم
و نالت استحسان الجميع
و يارب ميطلعليش حد في البخت و يشلني اي اوفة


نأسف علي الازعاج يا ارثوذوكس
بناءو ليسهدام


انتظرونا مع ضيف جديد
و لاكن بعد ما اخلص امتحانات يا حلوين
و البرامج بتاعتي كلها هتتوقف في خلال فترة امتحاناتي بمعاد برنامج
WeeKenD

كل سنة و انتم طيبين
اطيب امنياتي بسنة سعيدة و الي عنده امتحانات ربنا يوفقه و اولهم قمر
و صلولنا كتير في امتحاناتنا



شكر خاص
فريق اللهو الخفي

كان معكم من استديوهات ارثوذوكس
بولا عاطف

[الماكس مايكل]

ههههههههههههههههههههههههه ههه
بجد يا بولا حلقه جاااااامده
بجد عسل جدا شكرا ليك ياباشا وشكرا
لقمر طبعا بجد حلقه حلوه اوى
ربنا يفرح قلبكم

[بنت الراعي]

ههههههههههههههههههههههههه
دمها زي العسل البت قمر دي
هههههههههه انا كمان استمتعت بالحلقه علي فكره
ربنا يكون معاكي يا قمر وتطلعي عالمة فضاء وفلك والحاجات الغريبه اللي حباها دي
وربنا معاك يا بولا في امتحاناتك
ميرسي علي الحلقه
ربنا يعوضكم ويفرح قلوبكم

[M!SS N@NO]

ههههههههههههههههههههههههه ههههههههههههههههههه
ههههههههههههههههههههههههه ههههههههههههههه
ههههههههههههههههههههههههه هههههههههههه
حلقه زى العثثثثثثثثثثثثثثثل
بجد هلكتنى من الضحك
البت دى كارثه فعلا
وانا بموت فيها وبحبها من قلبى
ميرسى يا بولا ع الحلقه اللذيذه دى
بجد امتعتونا
انتو الاتنين تحفه
ميرسى كتير ليكو
وفى انتظار باقى الحلقات
بعد الامتحانات انشالله
ربنا معاك انت وفيكى وكل ايللى بيمتحنو

[sawsaw]

ميرسى كتير على الحوار مع روح قلبى قمر
وقومى يا حلوه زاكرى
والحاجات دى كبيره عليكى انتى لسه صغنونه
ههههههههههههههههههههههههه ههههه
فرقعى من الغيظ
لا ميرسى بجد وللمزيع بتاعنا
وانت كمان قوم يا حلو زاكر
http://img340.imageshack.us/my.php?image=7069838lhg0.gif

[ماروجيرافك]

الله عليك يا بولا بجد انت استاذ
وحقي انا استمتعت بحوارك مع قمر المنتدي
مع اني الاول مكنتش مصدق انها عندها 15 سنه لان بجد تفكرها ومواضعها اكبر من سننا
واحب اقولك زي بولا لو حطيت الهدف قدامك مسيرك تطلعي المريخ
ربنا معلكي في مذاكرتك وامتحانتك
ومعاك يا بولا في مواضيعك الشيقه

[bolalover]

شكرا ليكم كلكم علي ردودكم
و متابعتكم المستمرة لحلقات البرنامج
و يارب نكون ديما عند حسن ظنكم

[miso]

ههههههههههههههههههههههههه ه عسل يا قمر
دمك خفيف وباين فردودك الجميلة دى

[@M@R!N]

لولووللولوولوي
هههههههههههههههههه
مع اني مستمعه بس للبرنامج ده
بس قمر دي حبيبتنااااا
ولازم ادخل اقولها انها بنوته فله بجد
والاسئله جميله اوي يا بولا وردودها اجمللللل
ميرسي ليك يا بولا

[عماد حسنى]

حلقه جميله جدا جدا يا بولا وحوار زى العسل مع عضوه زى العسل
شكرا جدا ليك على الحلقه وشكرا جدا جدا للقمر قمر 14 على حوارها الحلو اوى ده
وربنا معاها فى امتحانتها ومعاك ومع كل اولاده اللى فى امتحانات

[kottah_sh]

قمرايتى حبيبتى
بجد يابت انتى تحفه جدااااااااا
وانا بعشقك موووووووووووووووووووووووو وت
بجد ميرسى يا بولا على الحلقه الممتعه جدا دى
وفعلا عرفت تختار الضيفه بتعتك

اه صحيح انتى يابت ياقمر
ايه حكايه المريخ والنجوم والكواكب

مانتى كنتى بعقلك يابت


























































بجد يا حبيبتى ربنا يوفقك وتطلعى فوق
وتنزلى تقوليلنا شوفتى ايه هناك

ربنا معاكى ومعاك يا بولا ومع كل اللى بيمتحنواااا

[ELMAGEK]

بجد مهما هتكلم وهقول قد اية الانسانة دى
رائعة ومحبة للغير مش هقدر اوصف قد اية
بجد هى انسانة جميلة من جواها ومن الصعب انك تلاقى انسانة
بالنقاء الى علية قمر ابدا يمكن من اكتر الناس الى فى
الدنيا الى الواحد لما بيبقى زعلان او مضايق يحب يتكلم معاها
وفى الاخر بقولها ربنا يخليكى لينا وتحققى كل الى بتحلمى بية
يارب ونشوفك فى احسن حال لانك بجد تستحقى جدا
وبجد بجد مش ممكن نتخيل المنتدى من غير القمر بتاعو


هقول بس بلاش تريقة نفسى بصراحه اطلع الفضاء واجيب تليسكوب واشوف النجوم والكواكب والحاجات دى واعمل ابحاث فى المجال ده
على الله حد يتريق

http://www.saidaonline.com/newsgfx/soyoz61-saidaonline.jpg

اشوفك لابساها يارب يااااااااارب


عضو من المنتدي عنده 30 سنة و جه قالك انتي بنت زي العسل و جميلة جداا و لذيذة اوي و انا نفسي اتجوز واحدة ذيك و هو عارف انك عندك 15 سنة و قالك عنونكم ايه علشان اجي اطلبك من بابا ... هتقوليله ايه ؟؟

يادين مامى على الاسئلة العجيبة
اكيد البت اتشلت منك يا بعيد

انتي افضل عضوة في ارثوذوكس علي الاطلاق


وبتحلف بالطلاق لية بس يا بولا يا حبيبى
والله مصدقينك
ههههههههههههههههههههههه

متشكرين على اقوى واحلى وامتع حلقة فى البرنامج
من ساعت ما اتعمل
فى اكتوبر 1949 فى عز الحر
هههههههههههههههههه

[MICKEY]

بولا : عضو من المنتدي عنده 30 سنة و جه قالك انتي بنت زي العسل و جميلة جداا و لذيذة اوي و انا نفسي اتجوز واحدة ذيك و هو عارف انك عندك 15 سنة و قالك عنونكم ايه علشان اجي اطلبك من بابا ... هتقوليله ايه ؟؟
قمر :هقوله يفتح الله ايه مجنون ده ولاايه
بولا : ههههههههههههههه الله في ايه يا قمر الراجل بيتكلم جد هترفضيه ؟
قمر : هههههههههه طبعا هرفضه



هترفضه عشان خاطر حنكش


هتقولولي مين حنكش ده





هقولكم ده موضوع طوووووووووووووووويل

ولازم احكيهلكم











*











*












*













فيكي

ولدت عام 1994

في جنوب افريقيا

http://www.4photos.net/photo/117small_1209968751.jpg

وعندما رأت في التلفاز اللي علي اول القهوة بتاعت شارعهم
صور للمطربين والمطربات وعمليات التجميل
ذهبت الي شيكاواوا العطار

http://comps.fotosearch.com/bigcomps/BNS/BNS222/SCH002.jpg



الذي كان يعالجها بأوراق الأشجار كما نراه وهو في محل عمله

حتي وصل شكلها هكذا

http://comps.fotosearch.com/bigcomps/BNS/BNS222/SCH071.jpg





وبعد عمليات التجميل المكثفه
اصبحت الفتاة زي القمر

ماشاء الله
لا حول ولا قوة الا بالله


http://comps.fotosearch.com/bigcomps/BNS/BNS222/SCH003.jpg

ثم رائها في احدي الايام حنكش المنعكش

http://comps.fotosearch.com/bigcomps/BNS/BNS222/SCH021.jpg


واعجب بها جدا جدا جدا
وحاول ان يتقرب منها كي يصارحها بمشاعره
ولكنها كانت كل مرة تهرب من امام وجهه

وتتظاهر بالكسوف

http://comps.fotosearch.com/bigcomps/BNS/BNS222/SCH053.jpg

ولكن حنكش لم ييأس

واصبح يطاردها ليلا ونهارا


وتقول له


http://comps.fotosearch.com/bigcomps/BNS/BNS222/SCH025.jpg



عزيزي خنكش اني لا افكر في الارتباط الان


عزيزي


فأنا اود ان العب واعيش سني
http://comps.fotosearch.com/bigcomps/BNS/BNS222/SCH056.jpg


فقال لها حنكش بطتي هنلعب سوا سوا ارجوكي حسي بناري


http://comps.fotosearch.com/bigcomps/BNS/BNS222/SCH046.jpg



فقالت له الفتاة هل تغسل اسنانك


http://comps.fotosearch.com/bigcomps/BNS/BNS222/SCH121.jpg


فقال لها الفتي

نعم اغسل اسناني كل يوم

http://comps.fotosearch.com/bigcomps/BNS/BNS222/SCH123.jpg


فقالت له هل تحبني

http://comps.fotosearch.com/bigcomps/BNS/BNS222/SCH102.jpg



فقال لها نعم

انا احبك


http://comps.fotosearch.com/bigcomps/BNS/BNS222/SCH100.jpg



فقالت له انا موافقه عليك ياحنكوش

وكان سعادته غامرة كما موضح في الصورة

http://comps.fotosearch.com/bigcomps/BNS/BNS222/SCH012.jpg





فقالت له اذن هيا بنا نختار فستان الفرح من هذه المجلة




http://comps.fotosearch.com/bigcomps/BNS/BNS222/SCH093.jpg


وحقا تحقق مراد حنكش الذي حارب من اجله ايام عديده

وقام السيد ابراهيم كونافه بتوزيع جوابات الفرح

http://comps.fotosearch.com/bigcomps/BNS/BNS222/SCH127.jpg



صورة تزكارية من حفلة الزفاف

http://comps.fotosearch.com/bigcomps/BNS/BNS222/SCH107.jpg


وعاشا الأثنين في تبات ونبات




http://comps.fotosearch.com/bigcomps/BNS/BNS222/SCH098.jpg





ومخلفوش صبيان لكن خلفوا بناااااااااااااات


http://comps.fotosearch.com/bigcomps/BNS/BNS222/SCH155.jpg

وهذه صورة لأبنت حنكش وفيكي




ولولولولولولولولولولوللول ووللولوي



http://comps.fotosearch.com/bigcomps/BNS/BNS222/SCH154.jpg



---------------------------------------------

كان معكم معلقكم

ميكي

من داخل الاراضي الافريكانية المسوده


http://pic.do7a.com/thumbnails/70062_700x10000.jpg (http://pic.do7a.com//data/media/111/do7a_com_488.jpg)

[kamer14]

ههههههههههههههههههههه على فكره 1993 الخلطه دى لازم تتصلح


ايه ياعم ميكى حنكش مين وفيكى مين مين الناس دى؟؟؟؟؟؟؟؟؟؟؟؟؟ حسبى الله ونعم الوكيل فيك




ميرسى بجدلكل ايلى ردو وربنا معاك ويوفقكم فى امتحانتكم

[M!SS N@NO]

ههههههههههههههههههههههههه ه

مبروك عليكى عريسك الخفه يا فيكى
واللهى فرحتلك يا بت


قصه حب وكفاح مؤثرة
والله اتأثرت كتير
لحضه ابكى
:10800:

[kottah_sh]

ههههههههههههههههههههههههه ههههههه
ههههههههههههههههههههههههه هههههههههه
ههههههههههههههههههههههههه هههههه



بجد عيل فقرى يا ميكى

ايه يابنى القصه الطويله العريضه دى

وبعدين الله حليم ستار ياميكى
استر على اختك فيكى




بذمتك يافيكى دا اسم تختارى تحبيه ده
حنكش
طيب حبيتى فيه ايه

[zaza2006]

حلقة جميلة اوى يا بولا
وقمر دمها زى العسل
ربنا معاكوا فى الامتحانات ويوفقكوا

[sawsaw]

ههههههههههههههههههههههههه ههههههههههههههههه
جه دورى بقا
ازغرط
لولولولولولولولولولولولول ولىىىىىىىىىىىىىىى
لولولولولولولولولولولولول ىىىىىىىىىىىىىىىىىىىىىىى
لولولولولولولولولولولولول ىىىىىىىىىىىىىىىىىىىىىىىىى ىىىىىىىىىىىىىىى
لولولولولولولولولولوولولو وللووللىىىىىىىىىىىىىىىىىى ىىىىىىىىىىى
لولولولولولوولولولولولولو لىىىىىىىىىىىىىىىىىىىىىىىى ىىىىىىىىىىىىىىىىىىىىىى
لولولولولولولولولولولولول ىىىىىىىىىىىىىىىىىىىىىىىىى ىىىىىىىىىىىىىىىىىىىىىىىى
لوولولولولولولولوولولولىى ىىىىىىىىىىىىىىىىىىىىىىىىى ىىىىىىىىىىىىىىىىى
سلميلى على حنكش موت يا قمر

[الماكس مايكل]

كل ده لسان يابت
ههههههههههههههههههههههههه هههههههههه
انتى اهو
http://bp1.blogger.com/_ms-oQ5hxJRQ/R2h9l3icfLI/AAAAAAAAAJg/gpnxWWyJFHg/s400/lolololyy.gif
ههههههههههههههههههههههههه هههههههههههههه

[elphilasouf]

ههههههههههههههههههههههههه هههههه
حلقه جميله اوي
وبجد قمر انسانه لطيفه جدا وروحها حلوه اوي
ربنا معاكى فى الامتحانات وانشالله تدخلى كليه علوم قسم كواكب شعبه سفن فضاء فرع كوكب زمفلاطه الاسود
وتسفري فى رحله حول كوكب زمفلاطه الاسود
فى رحله تدوم 500 سنه سليوزيه و 50 زئبق
وتعودي تلاقى حنكش افندي كون نفسه واتجوز وحده غيرك خالص
وتقعدي تلطمى وتقولى يالهوي يالهوي
وهو ولا يعبرك من اصله وفى الاخر تقريري ترجعى تانى لكوكب زمفلاطه الاسود وتنعزلى هناك فى البلاعات لوحدك وتكون اول من سكن البالوعات فى كوكب زمفلاطه الاسود


بس بجد يا ميكى فكك انت من الناس دي
انت تهلك من الضحك :)

[الناى الحزين]

قمر 14
تلك الطفله التى اجبرت الجميع على احترامها وتقديرها
اجبرت الجميع على محبتها
انا فعلا يشرفنى ويشرفنى ويشرفنى انى اعرف طفله بتلك الصفات
كم كنت اتمنى ان تكون لى اخت او بنت بهذه الصفات
فيرونيكا
ربنا يحميكى ويحرسك
ويخليكى لباباكى ومامتك يا بختهم بيكى

بولا عاطف
اشكرك من اعماق اعماق قلبى على اختيارك لضيف حلقتك الجميله التى امتعتنى كثيرا جدا جدا
واسمحلى ان اقول لك بانى اول مره ارى لك ضيف فى برنامجك هذا
اعجبنى جدا جدا حواره واجاباته وطريقه كلامه التلقائيه البسيطه
متشكر جدا جدا يا بولا
متشكر جدا جدا يا قمر14
ربنا يحميكى ويحرسك يا ملاك المنتدى
وفعلا بدون اى مجامله
انتى افضل انسان فى هذا المنتدى
ربنا يحميكى

[كيرو رافت]

هاتصدقنى لو قلت لك ان دى اروع حلقه من حلقات برنامجك التيت ده
صدقنى بجد انا يا اجمل وارق قمر فى الدنيا اللى بشكرك بجد من كل قلبى
لانى اتعلمت منك حاجات كتييييييييييير بجد
بولا انت بجد ابدعت فى اختيارك للقمر الرقيق اجمل بنوته ملاك المنتدى
اقرب اخت صغيرة الى قلبى
اجاباتك فظيعه وانتى بجد مثال للشخصيه المتكامله المحبوبه من الجميع التى لا يختلف عليها اثنان
بجد كم انتى رائعه يا قمر وقد ايه الحلقه دى اعجبتنى
ميرسى ليكى ويا رب يكون معاكى ويحفظك ويرعاكى ويحقق لك كل اللى بتتمنيه
ويا رب يجيلك اللاب توب قريب وانا عليا الكاميرا والمايك

ميرسى مرة تانيه يا بولا على اختيارك الرائع

[MICKEY]

يالهوووووووووووووووووووي علي النفااااااااااااااااااااا ااق


ولا احسن بتاعه ولا حاجه

الواد مينا 332211 احسن منها ميت الف مرة


كاتكوا نيله مليتوا البلد






فيكي














طظ فيكي

[aymonded]

الأخت الحلوة والصديقة الرائعة والبنت العسولة
قمـــــــــــــــــــــــ ـــــــــــــــــــــــــ ــــــــر
لنا أن نعتز بكِ جداً لأنك حلوة جداً والكل يفخر بمعرفتك فعلاً
ويسرني أني من خلال الحلقة اتعرفت على حلاوة قلبك ودمك الخفيف
أقبلي مني تقدير خاص يا أروع أخت لنا جميعاً
النعمة معك كل حين


أختيارك رائع يا بولا وحلقة في منتهى الروعة عن صدق

[ملكه الاحزان]

جامده اوي الحلقه دي حاجه ففففففففففله جامده

[وردة حزينة]

الله عليكى ياقمر بجد بحس انك انسانه جميله وتلقائيه وعقلك عقل ناس واعيه وكبيره فى الحكمه جدا
انا انبسطت اوى بالحلقه بتاعتك ربنا يفرحك ويبعتلك للاب توب وتبقى اجمد رائده فضاء
الف شكر يابولا على الحوار المميز والاسلوب العسل بتاعك

[نورالمنتدى]

تسلم ايدك يا قمر على الحوار الجميل خالص دة
وانت يا بولا تعيش وتخد غرها مع عضو اخر

[bolalover]

شكرا ليكم كلكم علي ردودكم الجميلة اوي دي
و مبروك ليكي حنكش يا قمر هههههههههههههه
تتهني بيه يا ستي
و يارب ديما كده الحلقات تعجبكم

[ZEZOMERO]

انا موت من الضحك

على هذة الحلقة الجامدة طحن

بجد احسنت الاختيار ايها البولا

قمر دى تستحق احلى وارق واجمل بنت فى المنتدى كلة بجد

ربنا يخليكى يا رب ليا كلنا

بس ليا تعليق صغنون

هو انتى الى ابتديتى الكلام مع حنكش ولا هو الى كلمك الاول؟

تعليق تانى


يعنى انتى سيبتى جميع المجالات ومسكتى فى الفضاء والتليسكوب

طب حلى واحفظى الفلزات ولا الجزىء ولا اكسيل وهانز

ولا صح
الجبر جزر 5 كام

ههههههههههههههههههههههههه ههههههههههههههههههههه

يا فلزاية

[Team Work®]

مية مية ومفيش بعد كدة وهامشي بدال ما اتريق للصبح

[mina3338]

طبعا حلقه جميله
وخفيفه ولذيذه
زي ضيفة الحلقه العسووووووووووووووووووووو ووووله قووووي
واللي دمها زي السكر

[مينا القمص يونان]

ماشي ماشي يا عم بولا انت خدت شغلتي انا يا بني في كلية اعلام و كمان مذيع
انت بقي خدت مكاني
بس بأمانة زي السكر كنت ممتاز
و كمان فيرونيكان كانت عسولة موت
استمر في تقديم البرامج
و ألهي يارب ما يوعدك بمخرج رخم يقولك cut
يلا 5....................4.......................3.... ......................2..................... 1 :d d:

[bolalover]

ههههههههههههههههههههههههه هههههه
شكرا يا مينا علي ردك الجميل ده
ابقا تعالي انت زيع الحلقة خميس و جمعة و انا ازيع باقي ايام الاسبوع يا عم
ههههههههههههههههههههههههه ههههه

[pepokrkr]

ههههههههههههههههههههههههه
انا اول مرة اقرا نأسف علي الازعاج ياارثوذكس بس بجد عجبتني قوووووووووووووووووووووووو وووووووووووووي ميرسي ليكم علي الروح الحلوة دي

[اسامه سمسم]

ههههههههههههههههههههههههه هه
تحفه فيكى دى بجد
حوار ممتع جدا يا بولا
وانا نفسى بجد اشوف فيرونيكا بنتى زيها كده
وتكون انت المحاور ليها يا بولا
ههههههههههههههه

[نبيل نصيف جرجس]

جميلة اوى يا بولا الحلقة دى وفعلا قمر 14 عضوة فعالة ربنا يباركها ويحافظ عليها ويزيدها نعمة فوق نعمة يا رب

[حبه ف بحر]

حلوا اوى الموضوع ده
بجد حاجه حلوه اوى انك تعمل اساله علشان نعرفهم
ونعرف ايه مودهم
وايه هى شخصيتهم
معلش بقا اول مره ادخل
ههههههههههه
رغيه صح
هههههههههه

[lolaemo]

هههههههههههههههه
جميل الحوار د=ه ودمك خفيف انت وقمر بصراحة
ربنا معاكو

[RoZaLeTa]

حلقة جامده جدااا بجد
وانا بحب جداا قمر وبحب دمها اللي زي العسل
وميرسي ليك يا بولا علي الحلقة دي

[sasaamad]

سلام ونعمة لبنت النعمة قمر 14 اول صديقة عرفتها فى ارثوزوكس واول رسالة شرفتنى بيها كانت منها اطلب من الهى يحميها ويصونها ويخليها رمز الطفولة البريئة وكلها محبة وجريئة وعقلها اكبر من سنها واقول من تانى يارب احميها عمو ايوب:8:

[bolalover]

شكرا ليكم كلكم و لردودكم
و مروركم
و كويش ان فكرة البرنامج عجبتكم
و كمان الحلقة عجبتكم

سو نيس

[kamer14]

ههههههههههههههههههههههههه ه ياااااااااه فكرتنى بالذى مضى بجد شوفت الردود قولت ارثو لسه بخير تعالو ردو تانى:d

[bolalover]

ههههههههههههههههههههههه

تعالوا ردو تاني
هههههههههههههههههههههه

اسكتي انتي افتكرتي خير


انا افتكرت شر

منساش ابدا يا بت يا فيكي
الي عملتيه فيا و احنا بنعمل الحلقة

جننتيني بجد حسبي الله و نعمة الوكيل يا شيخة

[kamer14]

ههههههههههههههههههههههههه ه منت عطلتنى عن اداء واجبى الرسمى المزااااااااااااااااكرة بس ايه كانت حلقة فلة الله يمسيك بالخير

[الناى الحزين]

الله لا يرجعها ايام
كانت ايام تيت خالص
والحلقه دى ابيخ حلقه فى البرنامج بس هئ

[MICKEY]

ههههههههههههههههههههههه

تعالوا ردو تاني
هههههههههههههههههههههه

ياعيني يابولا
ماهو فعلا مفيش غير الحلقة دي بس اللي لسه موجوده
والباقي كله اتمسح



من حقك طبعا

[bolalover]

هههههههههههههههههههه

علي رايك يا ميكي

والهي يا جدع بفكر نرجع البرنامج ده تاني

ياااااااااااااه
كانت ايام علي ايام

[kamer14]

هههههههههههههههههههه اه صدقنى كانت ايام فلة ويارب كلهم يجننوك كدة عشان فى الاخر تقدم استقالاتك وتاخد المعاش بردرى بدرى وتعلن افلاسك نيهاهاههاها

[nona queen]

ههههههههههههههههههههههههه هههههههه
حلقه جامده اوى بجد يا بولا
ابدعت انت والقمر كله وبجد اختيارك موفق تمام لان البنت السكره دى سحرت كل الناس فى المنتدى مش انت بس
سحرت البنت قبل الولد برقتها وبساطتها ومحبتها اللى ملهاش حدود للكل بدون تمييز
وبصراحه اتنين دمهم ذى العسل اتلموا على بعض وعملوا حوار تحفه يجنن ويهلك من الضحك هههههههههههههه
ميرسى يا بولا وفيكى للحوار الممتع اوى ده بجد امتعتونا خالص
وربنا يسهل وتخلص امتحاناتك بسرعه يا بولا عشان مش تحرمنا من الحلقات الجامده دى

[kamer14]

هيييييييييه هييييييييييه حد رد يخونا لولولولولولوولولى الف شكر يانونا بجد دايما رافعه روحنا المعدنية

[ميلاد صدقى]

ارد يا بولا على هذا الموضوع لانة بجد عجبنى
اولا من ناحية اسلوبك فى الاسئلة
ثانيا من اختيارك لضيوفك بمحبة
ثالثا قمر بنت زى القمر فعلا واسم على مسمى
ولذيذة جدا وهى فعلا نشيطة وكم المشاركات
يدل على ذلك الرب يسوع معاها فى امتحاناتها
بصلوات امنا العذراء وكل القدسين ومنتدانا الغالى
حلقة جميلة ومميزة ومنتظر مذيدك وربنا من المحبة
يذيدك ويكون معاك ويرعاك كل حياتك

[sazii]

حلقة تحفة شكرا للقمر قمر14 و شكرا ليك يا بولا