يا بنات

[نظره رجل]

يا بنات


فى بنات تهبل ** بس كتير بتستهبل
وفى بنات حلوين** بس يا عينى مجانين
وبنات طيبه وكويسه ** بس برضوا مهيصه
اوعوا يابنات تزعلوا احنا بنتكلم بصراحه
انتوا كتير بتتعبوا ومفيش من وراكوا راحه
من غير نرفزه أسالوانى ليه
وكل سؤال هاجوبكم عليه
الدمعه منكم قريبه ** وتعملوا من الحبه قبه
وداماغكوا ناشفه مخشبه ** وتجيبوا للواحد نقطه
عاملين فيها عاقلين ** بس يا ساتر يا معين
كل مصيبه والتانيه ** تودى مستشفى المجانين
نعقد ندادى ونواسى ** بالظبط زى البيبهات
ونشيل الطين ونآسى ** وانتوا اساتذه حركات
لو ضحكنا وهزرنا نتحاسب ** ولو خشمنالكم نتعاتب
اخر مورستان ومش عاجب ** ومنلقاش غير العين والحاجب

طيب اهدوا شويه انتوا طيبين
وحنيه الدنيا فيكوا عارفين
ومن غيركوا طبعا محتاسين
ولو ربنا خدكوا مش هنبقى عايشين

بس لو ربنا يهديكوا وتعقلوا ** وتبطلوا تنطيط علينا وتزعلوا
تبقوا بنات اخر مجدعه ** والدنيا تولع اكتر ماهى مولعه
يا بنات احنا بنقول الحقيقه ** بنحبكوا خالص وبنيه بريئه
بس انتوا اللى مخكم طاقك ** ولما بتلسعوا مبيبقاش فارق
هى نصيحه من اخواتكم الشباب ** لو عملتوها هتبقوا قمرات
تقولوا نعم وطيب وحاضر ** ومش كل كلمه نفتح محاضر
خليكوا عاقلين زى ما انتوا حلوين ** واتقوا ربنا علشان تبقوا كويسين
اصل انتوا من غيرنا شويه مساكين ** واحنا ليكوا الورد والبساتين

عارف هاتقولوا عليا اتجننت ** اصل اللى عرفتها مش اى بنت
شويه كده وشويه كده ** وهى عارفه نفسها ومتاكده
موريانى كل النجوم ** لا بعرف اصحى ولا بعرف اقوم
حبيبتى مجنونه وعندها حاله ** ومش هاتخف من جنانها استحاله
بس بحبها وبموت فى قلبها ** ربنا يشفيها ويرجعلها عقلها
ويهديكوا يا بنات وتبقوا شاطرين ** ويالا ورايا قولوا امين



الكلام كله هزار فى هزار فى هزار
واى بنت هاتخد الكلام بجد انا مليش دعوه باى حد

[nermos1982]

لا بقى مش هانقول امين .وبعدين حبيبتك مجنونة ذنبنا احنا ايه ياعم ؟ وبعدين كل ماقرا سطر فى اوله افرح واقول الواد عقل لكن الاقى اخره كده ببقى عايزة اشوف اللى كاتب الموضوع وانا اوريله الجنان اللى على اصله هههههههههههههه
بس بجد بجد موضوعك يجنن حلو اوى .
ربنا يفرح قلبك يارب ويعقل حبيبتك امييييييييييييييييييييييي ييييييييييييين

[Malak sokar]

ههههههههههههههههه
بص ياعم نظرة انت بجد غلطت فينا اوي بس صدقني عندك حق زي مانتو افضل طريقة معكو
تتعاملو زي الاطفال احنا كمان نحب الي يحتوينا

طبعا كلامك رائع وطريقتة سكر اوي

بس ممكن تفسير لهذة الكلمة وشكرا



لو ضحكنا وهزرنا نتحاسب ** ولو خشمنالكم نتعاتب

[أميرة عبده]

ومن غيركوا طبعا محتاسين
ولو ربنا خدكوا مش هنبقى عايشين
حلوة دى ايوة كده اعترفو بس باقى كلامك

امممممممم ما علينا الله يسامحك فيه بس صدقنى فيه بنات عقله اوى ودمغها كبيرة اوى بردو

[نبيل نصيف جرجس]

يخرب عقلك لا يا حبيبى مش لما تحكم حكم يبقى على الكل زى ما فية رجالة حلوة فية وحشين والعكس فية بنات حلوة وبنات حلوة وبعدين كلنا ولاد ربنا ربنا يحافظ على كل ولادة

[عماد حسنى]

بص
يا نظره انت اتهورت ومادام اتهورت يبقى اللى يتهور يتعور وخلى بالك بقى
احنا عندنا بنات رجاله اوى وجدعه اوى
كانت موضوعاتك رائعه يابنى ليه تحكم على نفسك بالحكم ده
موضوع لذيذ ودمه خفيف وكويس انك لحقت نفسك وقولت ان الكلام كله هزار فى هزار
مع انى مش عارف هنجبلك منين اعزار على المصيبه اللى انت كتبتها دى

[M!SS N@NO]

مانت نظرة رجل
عارف لو كنت نظرة بنت
كنت هتعرف اد ايه احنا غلابه وطيبين ومش بنعض
وان احنا مظلومين
بس انتو ايللى بتخلو الواحده تبقا كده زى مانت مابتقول
استحملو بقا
ههههههههههههههههههه
بس بجد
الموضوع تحفه
وكلامك خفيف كده ولذيذ
ميرسى كتير ليك
وفى انتظار المزيد
ربنا يوفقك

[nermos1982]

قوله وعرفه غلطه ياعماد . وبعدين تعالى هنا ايه عندنا بنات رجالة دى؟ شكلك كده هاتحصله يا عماد.
يا بنات هانفذ الخطة 710 على نظرة رجل اما عماد بقى لازم نتوصى بيه هانفذ فيه الخطة 1001 . وهانستقبل العزا على باب المنتدى

[dolagy_jesus]

ههههههههههههههههههههههه
لا حلو ههههههه
حلو خالص
بس عايزة اعرف معناها اية دى
لو ضحكنا وهزرنا نتحاسب ** ولو خشمنالكم نتعاتب

[marmarsh]

حلوة اوى يا نظرة بس مش كل البنات كده زى ماانت بتقول وفى ولاد على فكرة بيبقوا اوحش من البنات بكتير بس الواحد مش عايز يتكلم
ربنا يباركك

[nana222]

شكرا لتعب محبتك

[nana222]

شكرا لتعب محبتك

[tigeregypt]

:8:يا بنات


فى بنات تهبل ** بس كتير بتستهبل
وفى بنات حلوين** بس يا عينى مجانين
وبنات طيبه وكويسه ** بس برضوا مهيصه
اوعوا يابنات تزعلوا احنا بنتكلم بصراحه
انتوا كتير بتتعبوا ومفيش من وراكوا راحه
من غير نرفزه أسالوانى ليه
وكل سؤال هاجوبكم عليه
الدمعه منكم قريبه ** وتعملوا من الحبه قبه
وداماغكوا ناشفه مخشبه ** وتجيبوا للواحد نقطه
عاملين فيها عاقلين ** بس يا ساتر يا معين
كل مصيبه والتانيه ** تودى مستشفى المجانين
نعقد ندادى ونواسى ** بالظبط زى البيبهات
ونشيل الطين ونآسى ** وانتوا اساتذه حركات
لو ضحكنا وهزرنا نتحاسب ** ولو خشمنالكم نتعاتب
اخر مورستان ومش عاجب ** ومنلقاش غير العين والحاجب
طيب اهدوا شويه انتوا طيبين
وحنيه الدنيا فيكوا عارفين
ومن غيركوا طبعا محتاسين
ولو ربنا خدكوا مش هنبقى عايشين
بس لو ربنا يهديكوا وتعقلوا ** وتبطلوا تنطيط علينا وتزعلوا
تبقوا بنات اخر مجدعه ** والدنيا تولع اكتر ماهى مولعه
يا بنات احنا بنقول الحقيقه ** بنحبكوا خالص وبنيه بريئه
بس انتوا اللى مخكم طاقك ** ولما بتلسعوا مبيبقاش فارق
هى نصيحه من اخواتكم الشباب ** لو عملتوها هتبقوا قمرات
تقولوا نعم وطيب وحاضر ** ومش كل كلمه نفتح محاضر
خليكوا عاقلين زى ما انتوا حلوين ** واتقوا ربنا علشان تبقوا كويسين
اصل انتوا من غيرنا شويه مساكين ** واحنا ليكوا الورد والبساتين
عارف هاتقولوا عليا اتجننت ** اصل اللى عرفتها مش اى بنت
شويه كده وشويه كده ** وهى عارفه نفسها ومتاكده
موريانى كل النجوم ** لا بعرف اصحى ولا بعرف اقوم
حبيبتى مجنونه وعندها حاله ** ومش هاتخف من جنانها استحاله
بس بحبها وبموت فى قلبها ** ربنا يشفيها ويرجعلها عقلها
ويهديكوا يا بنات وتبقوا شاطرين ** ويالا ورايا قولوا امين



الكلام كله هزار فى هزار فى هزار
واى بنت هاتخد الكلام بجد انا مليش دعوه باى حد
ياوقعتك اللي زي بعضها
ويومك اللي مالوش له ملامح
طيب ليه
انا كنت خلاص رضيت عنك
وكمان بعد كل ده و بتهزر
شوفو ا ياجماعة
الافندي ده يتعلق علي باب المنتدي
وحيتقتل رميا بالورود
شوف يا اخينا
جاتلك تايجر
ماهو لماتكونوا غامضين
وعن مشاعر الهوي باردين
وشمالكم يبقي يمين
وكمان باسمينا منسيين
واحترنا نشكي لمين ولا مين
اخرتها تقولوا علينا مجانين
مجانين بهواكم مننكرش
دنيا من غيركم متتحسبش
الاولة ادم وحوا
وعن اصل الحكاية منسالش
امك اختك
مراتك بنتك
من غيرنا الدنيا متتعش
قربوا لينا
حسوا بينا
بصو في عيننا
وندم اوعدك متندمش

[Malak sokar]

:8:
ياوقعتك اللي زي بعضها
ويومك اللي مالوش له ملامح
طيب ليه
انا كنت خلاص رضيت عنك
وكمان بعد كل ده و بتهزر
شوفو ا ياجماعة
الافندي ده يتعلق علي باب المنتدي
وحيتقتل رميا بالورود
شوف يا اخينا
جاتلك تايجر
ماهو لماتكونوا غامضين
وعن مشاعر الهوي باردين
وشمالكم يبقي يمين
وكمان باسمينا منسيين
واحترنا نشكي لمين ولا مين
اخرتها تقولوا علينا مجانين
مجانين بهواكم مننكرش
دنيا من غيركم متتحسبش
الاولة ادم وحوا
وعن اصل الحكاية منسالش
امك اختك
مراتك بنتك
من غيرنا الدنيا متتعش
قربوا لينا
حسوا بينا
بصو في عيننا
وندم اوعدك متندمش





لولولولولولولولولولولوليي يييييييييييييييييي



ايوة كدة اهو ياعم نظرة اختنا تيجر انتبهتلك وسوف تقتل رميا بالورود
هههههههههههه

[نظره رجل]

نرمين وملاك سكر واميره ومرمر وحنان صادق ودولاجى ونانا وتايجر
اشكركم لتعليقاتكم الجامده اوى دى المليانه محبه ومن القلب للقلب (محبه زياده شويتين )
انتوا بنات زى العسل
وربنا يهديكى يا نرمين واشكرك يا حنان ويالا يا تيجر خلصى موضوع الموته دى حلوه الموت رميا بالورد وطبعا بتشجيع ملاك
اشكركم على شرف حضوركم واهتمامكم بالرد
وشكر خاص جدا لشاعر المنتدى

واسف لو فى كلام مش مفهوم او قوبل بزعل الموضوع كله مش اكتر من كلمات هزار وبس وملوش دعوه بالواقع خالص
شكر للجميع
ملوحظه
استفسار كلمه خشمنالكم دى
انا هاقول معنها ومن غير ضرب
معناها لو ضربانكم طبعا هى عمرها ماهاتوصل لكده بس مايمنعش ان فى كتير يستاهل كده
بس هو مصطلح غريب شويه

[tigeregypt]

مفيش زعل ولا حاجة
المشاكسة المحبة مقبولة
ربنا يفرح قلبك اخي الحبيب

[سامح نبيل]

بس لو ربنا يهديكوا وتعقلوا ** وتبطلوا تنطيط علينا وتزعلوا
تبقوا بنات اخر مجدعه ** والدنيا تولع اكتر ماهى مولعه
ههههههههههههههههههههههه
لا حلو ههههههه

[kamer14]

هههههههههههههه كل ده فى البنات لو البنات بالوصف ده كله يبقى شياطين بقى على اقل تقدير

ميرسى ع الموضوع وربنا ينمى موهبتك

[نظره رجل]

اشكرك جدا من اعماق قلبى
تايجر
سامح
قمر
على تعليقكم وشرف حضور موضوعى
اشكركم حقيقى
ربنا يبارك حياتكم ويكون معاكم

[mariam_sw]

ميرسى كتير ليك
وفى انتظار المزيد
ربنا يوفقك

[نظره رجل]

اشكر كل اخواتى
على تعليقاتكم وابدائكم المشاركه
ربنا يحقظكم من كل شر

[ادروسيس]

ولو ربنا خدكوا مش هنبقى عايشين
الاعتراف بالحق بفضيلة بس بينى وبينك
فى بنات كتيرة كدة دة اذا مكنتش الاغلبية العظمة
موضوع جميل وخفيف ربنا يقدرك على ال انت فيه