مش عارف و محتاج اعرف

[joseph_tno]

بردة مش عارف ابدا منين اول حاجة سلام لكم جميعا ثانيا انا عندى مشكلة انى مش عارف فى حاجات كتير بعملها و نفسى اعرف معناها ذى انى احب اتكلم مع اى شخص بيحس انة بيضيع واقف جنبة لغاية لما يبقى كويس بهتم جدا بنفسية اللى قدامى رغم ان دة ممكن يضغط عليا جامد ببقى انا محتاج المساعدة ان حد يقف جنبى و لما بلاقى الشخص اللى قدامى تعبان مقدرش اقولة اى حاجة حد لو بقى كويس بقول انى ممكن اتعبة غير انى بامن بكلمة شهيرة وهى لا تثق فى أحد مشكلتى انى مبحبش اضغط على نفسية اللى قدامى لما بتعامل مع اى حد سواء ولد او بنت باخد باللى كويس علشان مغطش على نفسيتة او اتعبة نفسيا احيانا كتير ببقى نفسى اتكلم مع حد ميعرفنيش ولا اعرفة اقولة كل اللى جواية لانى مجرد لما اتكلم مع واحد الاقى نفسى بحاول انا اللى اساعدة و مقدرش اقولة انا عايزك تساعدى و لما مرة قولتها قولتها لشخص محتاج المساعدة و كمان مقولتليهوش اللى انا عايز اقولة كلة انا بتعب نفسيا كتير ومبلقيش حد اتكلم احيانا كتير بحس انى نفسى اكلم حد نفسى اقولة اى حاجة مجرد انى احس ان حد بيسمعنى ومحتاج يساعدنى مش عارف اعمل اية يمكن فى ناس كتير اعرفهم بس مبقدرش اتكلم معاهم لانى انا اللى بساعدهم مش عارف اعمل اية

[anosh]

سامحنى انا حاولت افهم من كلامك مشكلتك ايه على اد ما قدرت ... انك انت اللى دايما بتقف جنب الناس و تساعدهم علشان كده مش قادر تقول لاى حد انك محتاج انه يقف جنبك او تحكى له اللى فى قلبك ... سامحنى يعنى هل ده تكبر منك انك ازاى تحتاج لحد و انت اللى بتسمع و تحل اى مشكله للناس و الا ده لانك لحد دلوقتى مش لاقى صديق حقيقى يسمع لك فى وقت ضيقك... اوقات كتير بيكون فيه شخصيات قيادة تجيد الاستماع للاخرين و الوقوف بجانبهم ... لكن لما الشخصيات ديه تحتاج لحد يقف جنبها مش بتلاقى غير نفسها واقفه مع روحها يمكن يكون علشان اللى حوليك كلهم اضعف منك شخصيه ... بس بصراحه انا كمان ساعات بعانى من نفس المشكله تقف جنب ناااااااااااااااااس كتتتتتتير لكن يوم ما تحتاج حد مافيش... مش عارفه هل العيب فينا اننا بنقف جنب حد و الا العيب فى اللى حوالينا اللى كل واحد بيدور على مصلحته و بس... عايز الصراحه مافيش اوفى منه صديق ... يسوع ..اتكلم معاه براحتك خااااااااااالص زى ما انت عايز هاتستريح اوى و هو هايسمع لك من قبل ما تتكلم و عمرك ماهاتخاف انه يقول حاجه عنك لحد لانه هو الوحيد اللى بيرحم لكن البشر مابترحمش وهو كمان اللى شايف و عالم بحالك و قادر على كل شئ ... ربنا معاك و يفرح قلبك و يبارك حياتك ... صلى من اجل ضعفى كتير ...

[رامي عوض]

انا عوز اقولك لية مبتتكلمش مع اب اعترافك
هو اللي هيسمعك ويقدر يفيدك في كل مواضيعك

[MARMORAM]

على فكره بجد انا كمان كده ايه رايك لو نتعرف على بعض ونحاول نساعد بعض وربنا هو المرشد الحقيقى لينا

[joseph_tno]

انا معنديش مانع دا شرف ليا