مايكل عبد الشهيد
01-16-2009, 04:31 AM
قصه غريبه عاشها شاب فى نفس سنى تقريبا وبيئته بالظبط زي بيئتى ومش هاكدب لو قلت ان اسمه تقريبا نفس حروف اسمى بس عشان الناس ماتفهمش غلط... الشاب ده مات ... (تقريبا برضو)...
الشاب ده وعى للدنيا لقى نفسه المفروض او المرجو منه انه يكون اكبر من سنه بكتير ياعنى كان مطلوب منه وفى صغر سنه مش انه يعتمد على نفسه بس ..لا ....ده فى غيره معتمد عليه
الولد الصغير نزل اشتغل وهو فى الدراسه وكان عنده 12 سنه.. اشتغل مجال البناء (شيال زلط ورمله ياعنى)
من غير ما اهلو يعرفو لانه كان عنده ام مش موجود فى حنيتها ولا حبها شخصيه ماتتكررش فى عمر الواحد اللا مره والحمد لله انها كانت امه...
الولد كان يخلص دراسته ويضحك على اهلو ويقولهم رايح ازاكر وطيران يروح الشغل....
ولما كبر شويه ربنا رزقه بشغل فى فندق مشهور فى اسكندريه اعد فيه لغايه الجيش ولما خرج بنى نفسه بمساعده خاله اللى رباه فى غياب والده...
كان لو وقع يقوم يقف بسرعه واقوى من الاول كانت كلمه الفشل بالنسباله جمله ليس لها محل من الاعراب فى قاموس حياته .. كان بيبدل كلمه الفشل بجمله سوء التوفيق او الاختيار..
كل الناس بتقول على الشاب ده انه انسان محترم وشاطر بيعرف يجيب الجنيه لو من فم اسد....
بس الغريبه ان الشاب ده ماكنش مرتاح من جواه...
لانه الفشل الوحيد اللى كان بيحس بيه كان فشله فى اختيار شريكه حياته..
اتعرف ببنات كتير جدا وكانو فى قمه الاخلاق والادب بس ماكنش بيحس ناحيتهم باى شعور...كسب اخوات يامه كانو بيشوفو فيه انه شخص جدع وعمرهم ماحسو انهم لوحدهم وهو موجود فى حياتهم....
المشكله كانت فيه هو.. دور على حاجه مش موجوده اليومين دول.
دور على انسانه تكون هى دنيته وحياته تحبه ويحبها وماتفهمش الحنيه والاهتمام على انها ضعف..
حس انه وجد الانسانه اللى ممكن تشاركه حياته مرتين....والمرتين كان غلطان وخسر كتير...
المره الاولى... بسببها اضتر انه يعادى اهلو وخاله اللى مربيه واللى شغله معاه بعد الجيش عشان ماكنوش موفقين على ارتباطه بيها خاله اخد كل اللى كان محوشه الشاب ده من مال عشان خاف انه يروح يخطبها غصب عن عائلته بس الشاب اتمسك بحبيبته اكتر ونزل اشتغل فى كافيهات ومحلات سيارات .. ورضى على نفسه ان حبيبته تقول عليه انسان فاشل عشان مايزعلهاش ومش رضى انه يقول ليها عن سبب خلافه مع خاله عشان ماتحسش بالزنب لكونها هى السبب ..وفى الاخر قالتله مش هاينفع نكمل انت شغلتك مش ثابته وانا متقدم ليا عريس حالته الماديه مستريحه....
اما المره التانيه هو لسه عايش فى سطورها ومش عارف نهايتها بس الجواب بان من عنوانه...
بس هو لما حكالى انا نصحته قلتله خلى اهتمامك الاول بنفسك واوعى تفكر انك هاتلاقى شخصيه زى والدتك لانها ورقه يانصيب بتيجى فى حياه الشخص مره واحده
وسيبك من حكايه الحب ده كلام افلام من نوعيه الخيال العلمى...
والحمد لله هو ابتدى يقتنع عشان كده رضى ان قلبه يموت اكلنيكيا ولما توقف قلبه عن خفقان الضعف والحصره ابتدى يحكم عقله فى تصرفاته عشان عقله مايضعفش ويفكر فى فى حاجه اسمها حب بسببها خسر كتير.......
الشاب ده وعى للدنيا لقى نفسه المفروض او المرجو منه انه يكون اكبر من سنه بكتير ياعنى كان مطلوب منه وفى صغر سنه مش انه يعتمد على نفسه بس ..لا ....ده فى غيره معتمد عليه
الولد الصغير نزل اشتغل وهو فى الدراسه وكان عنده 12 سنه.. اشتغل مجال البناء (شيال زلط ورمله ياعنى)
من غير ما اهلو يعرفو لانه كان عنده ام مش موجود فى حنيتها ولا حبها شخصيه ماتتكررش فى عمر الواحد اللا مره والحمد لله انها كانت امه...
الولد كان يخلص دراسته ويضحك على اهلو ويقولهم رايح ازاكر وطيران يروح الشغل....
ولما كبر شويه ربنا رزقه بشغل فى فندق مشهور فى اسكندريه اعد فيه لغايه الجيش ولما خرج بنى نفسه بمساعده خاله اللى رباه فى غياب والده...
كان لو وقع يقوم يقف بسرعه واقوى من الاول كانت كلمه الفشل بالنسباله جمله ليس لها محل من الاعراب فى قاموس حياته .. كان بيبدل كلمه الفشل بجمله سوء التوفيق او الاختيار..
كل الناس بتقول على الشاب ده انه انسان محترم وشاطر بيعرف يجيب الجنيه لو من فم اسد....
بس الغريبه ان الشاب ده ماكنش مرتاح من جواه...
لانه الفشل الوحيد اللى كان بيحس بيه كان فشله فى اختيار شريكه حياته..
اتعرف ببنات كتير جدا وكانو فى قمه الاخلاق والادب بس ماكنش بيحس ناحيتهم باى شعور...كسب اخوات يامه كانو بيشوفو فيه انه شخص جدع وعمرهم ماحسو انهم لوحدهم وهو موجود فى حياتهم....
المشكله كانت فيه هو.. دور على حاجه مش موجوده اليومين دول.
دور على انسانه تكون هى دنيته وحياته تحبه ويحبها وماتفهمش الحنيه والاهتمام على انها ضعف..
حس انه وجد الانسانه اللى ممكن تشاركه حياته مرتين....والمرتين كان غلطان وخسر كتير...
المره الاولى... بسببها اضتر انه يعادى اهلو وخاله اللى مربيه واللى شغله معاه بعد الجيش عشان ماكنوش موفقين على ارتباطه بيها خاله اخد كل اللى كان محوشه الشاب ده من مال عشان خاف انه يروح يخطبها غصب عن عائلته بس الشاب اتمسك بحبيبته اكتر ونزل اشتغل فى كافيهات ومحلات سيارات .. ورضى على نفسه ان حبيبته تقول عليه انسان فاشل عشان مايزعلهاش ومش رضى انه يقول ليها عن سبب خلافه مع خاله عشان ماتحسش بالزنب لكونها هى السبب ..وفى الاخر قالتله مش هاينفع نكمل انت شغلتك مش ثابته وانا متقدم ليا عريس حالته الماديه مستريحه....
اما المره التانيه هو لسه عايش فى سطورها ومش عارف نهايتها بس الجواب بان من عنوانه...
بس هو لما حكالى انا نصحته قلتله خلى اهتمامك الاول بنفسك واوعى تفكر انك هاتلاقى شخصيه زى والدتك لانها ورقه يانصيب بتيجى فى حياه الشخص مره واحده
وسيبك من حكايه الحب ده كلام افلام من نوعيه الخيال العلمى...
والحمد لله هو ابتدى يقتنع عشان كده رضى ان قلبه يموت اكلنيكيا ولما توقف قلبه عن خفقان الضعف والحصره ابتدى يحكم عقله فى تصرفاته عشان عقله مايضعفش ويفكر فى فى حاجه اسمها حب بسببها خسر كتير.......