أرجوك يا رب خلى بالك من نفسك

[kiko]

بنوته صغيرة ....كانت بتصلى قبل ما تنام زى كل يوم وزى ما تعلمت فى مدارس الأحد قدام صورة حبيبها يسوع ....قالت بصوتها الرقيق
(( يا بابا يسوع انا بشكرك على الحاجات الحلوة اللى انتى بتديهانى ..... متخلنيش انام وانا خايفة ..... وحافظ على بابا وماما وخلى بالك منهم ..... ومن أخويا الصغير ومن أختى الكبيرة ..... ومن تاسونى فى الكنيسة ومن أبونا ... ومن كل الناس ....و ............ .)))) سكتت البنوته شوية وقالت وصوتها فيه خجل (( لو سمحت يا رب خلى بالك من نفسك ...))) وختمت البنوته صلاتها
فاهمييييييييييييين
أسمح لى يا رب أنى أتعلم من البنت دى ......
ياترى يارب انت عامل ايه ؟؟؟؟ فيه حاجة مضايقاك ؟؟؟ أخبارك ايه ؟؟ عملت ايه لما جرحتك وسبتك ومشيت ورا خطيتى ؟؟؟
طب بالليل بتدايق لما بنام واسيبك لوحدك سهران تحرسنى ؟؟؟؟
أكيد بتدايق وانا سهران قدام التليفزيون أو بكلم حد وسايبك ؟؟ طب انت بتاخد بالك من نفسك ولا ناسى نفسك فى انشغالك بينا ؟؟؟
انا دايما بقولك خلى بالك من فلان وفلان وفلان و.....
وحافظ على وعلى شغلى وحياتى
اسمح لى أقولك من قلبى
(( أرجوك يا رب خلى بالك من نفسك ))



ارجــــو الصلاة لأجلى دائمــــــــــآ
ابانــــــــــوب

[peter_pop18]

+فعلا قصة رائعة جدا وايمان عجيب عجيب+
شكرا ليك يا ابانوب

[Team Work®]

حلو قوى وربنا يعطينا نعمة وبركة ومحبة ويجعل فى قلوبنا شعاع الاحساس بيك والنعمة

شكرا ليك ويا رب نتمثل بهذه البنت الجميلة

زو القلب الابيض الجميل

شكرا

[IO-Mena]

حقيقى جميلة قوى وياريت يكون عندى فتفوتة من ايمانهاواقول كده للرب واشكره

شكراً ابانوب على هذا الموضوع الرائع سلام الرب يكون معكم

سلام الرب يكون معكم

[يحنا1975]

شكرا" جزيلا" على الموضوع الجميل :) :) :)

[zaza2006]

قصة جميلة اوى وياريت يكون عندى نفسى ايمانها ميرسى ربنا يعوضك