حب الجامعه ليه دايمن اخرته الفشل

[الماكس مايكل]

ليه دايمن نهايه حب الجامعه في بعد الاحيان الفشل
يعني تحس انها لعب عيال مش حقيقي
الولد يتعرف علي البنت في سنه اولي
ويشغلها بيه
و يرتاحوا لبعض في سنه تانيه ويبتدي ما يسوه حب
وفي سنه تالته يبتدو يعترضوا علي وجهات نظر بعض
وفي سنه رابعه لاي سبب تافه يسبو بعض
والنتيجه ايه
قديتو وقت حلو مع بعض اربع سنين
ومكنش في حب اصلا بينكم
والا مكنش فشل
الحب في الجامعات اصبح غريب
يعني تحس ان الولد بيعرف البنت عشان يتمنظر بيها قدام اصحابه انو خلاص كبر وبقي ليه بنت بتاعته
ودي الللي بيقلوه
وفي سعات قصص بتنجح بس قيليل قوي
عاوزين نعرف رايكم ليه حب الجامعه بيفشل دايمن
وايه الاسباب
مستنين رايكم
ومستنين نعرف برده ايه اللي ممكن يخليه ينجح


مع تحياتى الماكس مايكل

[kottah_sh]

حب الجامعه يا مايكل
بيكون مش ناضج
يعنى زى مانت بتقول كده الولد بيحب
يتمنظر قدام اصحابه ان ليه جيرل فريند
وبيكون كمان الولد لسه
مش معاه اى حاجه يتقدم بيها
لا شقه ولا شبكه ولا شغل
غير دا كله ان بيكون سنه صغير اوى
وعقليته مش متوازنه
وطبعا البنت كمان
والاتنين معندهمش قوه تحمل للمسؤوليه
وزى مانت عارف ان الجواز مسؤوليه كبيره اوى

مش اى حد يقدر ينجح فيها


هوه فيه اسباب كتيره اوى للفشل

بس مش مركزه بصراحه دلوقتى
ههههههههههههههههههههههههه ههههه


وطبعا فيه علاقات نجحت
واتجوزوا

بس قليييييييييل اوى



اتمنى انى اكون افدتك

[lawyer]

مش عارف بصراحة الاسباب بالضبط
بس ممكن انة يكون انتقال من مرحلة ثانوي و بالذات
لو كان في مدرسة بنين فقط
في الجامعة بيبقى اول تعامل مع البنت و اي علاقة
زمالة او مجرد كلم ةلطيفة بينهم يتخيل انة حب


موضوعك جميل يا ماكس
ربنا يبارك حياتك و يعوض تعب محبتك

[lolaemo]

ممكن نقول عشان هو بيبقى عاوز يتمنظر قدام اصحابه ورايح جاى جارر واحدة فى ايده ده غير طبعا انه بيقول لاصحابه انه قايلاها تكلم ده وماتكلمش ده وبيبقى سعيد اوى بكل ده بس اللى ميعرفوش ان البنت بتديله منظر بس لكن بعد كدة بتديله على دماغه يااما هى اللى بتاخد على دماغها
هههههههههههههه حسب ظروفها

الف شكر على الموضوع

[nona queen]

بصراحه يا مايكل هى حصلت فى الجامعه كان واحد زميلنا وحب واحده من قسم تانى وخطبها 4 سنين وبعدين اتجوزوا
بس دى حاله نادره وخاصه اولا لان حالتهم الماديه هما الاتنين كانت كويسه يعنى كل شى جاهر للعروسين
ثانيا لان كانت فى صله قرابه بينهم بس من بعيد
لكن الحالات دى نادره طبعا عشان دا بيبقى حب منظره ولعب عيال لان الولد او البنت بيكونوا نفسهم يجربوا النوع ده من الحب او الاحساس بدون التفكير فى نهايته او عواقبه يعنى اشبه بمرحله تنويم مغناطيسى وفى اخر الوقت طخ يصحى ويفوق من التنويم ده على الحقيقه بانه غير صالح وغير قادر على تكوين اسره
الحب والزواج اساسه الحكمه والتفاهم والعقل فى التعامل ومننساش القدره على تحمل مسئوليه زوجه ومنزل واولاد فى المستقبل

[miso]

علشــــــــــــــــــــــ ــــــــان مش حب
بس بيبقى تعود
وناس بتحول الصداقة لحب
علشان كدة بيفششششششل

[MICKEY]

مش دايما فاشل
ساعات بيتم وساعات بيفشل
والسبب في فشله انهم بيفكروا بقلبهم اكتر من عقلهم
مش بيحسبوا الشغل والشقة والفلوس وكل الحاجات دي

[ramysefen]

سلام ونعمة....ماكس مايكل
موضوع جميل.. مهم ...وواقعي
بداية لازم نعرف يعني ايه حب؟
الحب=عاطفة+مسئوليه....دا باختصار شديد
طيب ..القصص الفاشله دي بتحصل ليه..لانها تفتقد احد عناصر المعادله السابقة.....
+احب الفت نظرك لشئ مهم جدا في الموضوع....السن اللي الشباب بيلتحقوا فيه بالجامعه. هايكون بين16 او 17 سنه
ودا قمه سن المراهقة...يعني عدم النضوج بمعني هو بينضج وهي كذلك
+طيب هل اللي بيعملوه حب؟ اكيد لا
امال اسمه ايه؟ممكن تقول اعجاب ...ممكن تقول شئ جديد عليه بيختبره بمعني فضول ....الخ
طيب ....بسرعة كده ايه النضوج..اني ابقي مستعد اني ارتبط بمن احببت وقادر علي فتح بيت .ومستعد اني ابحث دائما عن اسعاده.قبل التفكير في نفسي.
ربنا يبارك حياتك

[القطة كيتي]

علشان الجامعة للتعليم
مش للحب

[Nana_English]

مش احيانآ بيفشل
متهيألى على طووووول
انا ببص لزمايلى فى الجامعة واى حد من سنى او اصغر
على انهم اصغر منى
لأن نضج البنت بيقى قبل نضج الولد و
يعنى فى ال21 و 22 هى بتفكر فى الارتباط والحب والزواج
وهو بيفكر فى حاجات تانية ولو فكر فى اللى هى بتفكر فيه يبقى غلط
لأن اولويات الفترة دى جيش وشغل وتكوين نفسه ....... الخ
وعلى ماهو يكون كون نفسه ومستعد تكون هى معاها طفل ولا اتنين
فالأفضل للبنت والولد انهم يتحكموا فى مشاعرهم من البدايه ومش يسمحوا ان الموضوع يتطور لحب
علشان فيه حاجات تانية تمنع استمرار الحب ده ويفضلوا اخوات احسن
وايه المقومات اللى تخليه ينجح؟
مفيييييش لأنه غلط من البدايه
وبنرجع بعد كده نعيط

شكرآ يا مايكل ع الموضوع

[elphilasouf]

انا رايي من راي الواد ميكى
لانه بيكون حب بالقلب مش بالعقل
لان حب القلب مبنى ع المشاعر والمشاعر ديما بتتغير
انما الحب المبنى ع تفكير عقلى سليم وتوافق نادر مايفشل
كمان احنا ديما بنقول ان عشان يكون فى ارتباط لازم يكون فى

قلب --- يعنى تكون متقبل الطرف التانى
عقل-- يكون فى توافق بينك وبين الطرف التانى
توافق مادي ومعنوي واجتماعى وادبى الخ
مش لازم يكون فى نفس المستوي يعنى بس يكونوا قريبين من بعض
مش واحد معاه اعداديه يتجوز واحده معاها دكتوراه

واخر حاجه
ربنا-- وده الى اخد منه الاوكيه الاخير
من خلال اب الاعتراف و صلواتى وتضرعاتى لربنا وربنا بيظهرلى عمله

بس ده رايي
ميرسي ماكس
معلش كولت عليكوا

كمان انا شايف ان الردود كلها ردود عاقله جدا
ميرسي مره تانيه ماكس

[kokylove]

السبب انه مش حب بجد علشان بيكونه لسه فى مرحلة المرهقة وبعد سنة او اتنين مش هتلاقى الحب ده علشان مش حقيقى

[cat girl]

لان الحب ليه وقت ومفتكرش الجامعه وقت مناسب للحب والكلام ده

شكرا مايكل