هل السعادة فن ؟؟؟؟؟؟

[اميرة القلوب]

السعاده كلمه جميله ..وأكيد معناها أجمل

لكن للاسف مش كل الناس قادره تحصل عليها وتعيش بيها..ولا أعرف لماذا؟

فلو نظرنا حولنا نجد أشياء متناقضه كتيره أوى..فمثلا:

نجد انسان تتوافر له كل مقومات السعاده من صحه ونجاح و مال و أسره ولكنه للاسف لا يشعر بانه سعيد ....

وعلى النقيض تماما نجد أنسان لا يمتلك نصف هذه المقومات ولكنه دائما حامدا وشاكرا ربه ودائما سعيد..

أود أن أطرح عليكم بعض الاسئله لنفكر سويا

1)هل أنت سعيد؟ولماذا؟
2)هل تعتقد ان السعاده فن ..اى ان بامكان كل شخص ان يتكيف مع الحياه ليصنع مبررات سعادته؟
أم انها شىء لا دخل للانسان فى حدوثه ؟
3)وماهى الاشياء التى تجعل الانسان سعيد؟








أخيرا اتمنى لكم جميعا السعاده والتوفيق فى الحياه


بس ياريت تجاوب علي الاسئلة وكل واحد يقو اية هي السعادة بالنسبة لة وازاي ممكن يحققها ؟

[كيرو رافت]

انا اعتقد ان مصدر وسبب السعاده الوحيد هو ان نسلم زواتنا الى الله
ولا نعول هم الايام لانها فى يد الخالق الاعظم ومدبر الكون العظيم
سبب السعاده الوحيد هو ان نحيا مع الله

وانا بمقياس السعاده العالمى سعيد جدا جدا جدا الحمد لله

ربنا يفرح ويسعد كل اولاده

[اميرة القلوب]

شكرا لحضرتك ربنا يسعد ك

[اميرة القلوب]

هو للدرجة د الموضوع وحش
فين بقيت ارائكو بقي

[bright]

أود أن أطرح عليكم بعض الاسئله لنفكر سويا

1)هل أنت سعيد؟ولماذا؟
انا عن نفسي احيانا بكون سعيده واحيانا لا زي كل الناس

2)هل تعتقد ان السعاده فن ..اى ان بامكان كل شخص ان يتكيف مع الحياه ليصنع مبررات سعادته؟
أم انها شىء لا دخل للانسان فى حدوثه ؟

لو قولنا ان الانسان يقدر يخلي نفسه سعيد علي طول يبقي بنبالغ لانه لو ينفع كان كل الناس خلت نفسها سعيده
ولو قولنا انه ملهوش دخل بردو يبقي بنبالغ لانه احيانا بيتحكم وبيسعد نفسه


3)وماهى الاشياء التى تجعل الانسان سعيد؟

مفهوم السعاده بيختلف من شخص لشخص
عموما السعاده هي ان الانسان يكون راضي عن حاله وعن نفسه وميحملش هم للدنيا
زي رافت ما قال انه يسلم حياته لربنا


ميرسي علي موضوعك يا بوسي يا سكر

[اميرة القلوب]

اخيرا في حد سال فيا

ميرسي لحضرتك ربنا يباركك

[SAMOOOOO]

)هل أنت سعيد؟ولماذا؟
سعيد والحمدلله لان كل يوم بقرب من ربنا اكتر
2)هل تعتقد ان السعاده فن ..اى ان بامكان كل شخص ان يتكيف مع الحياه ليصنع مبررات سعادته؟
تقريبا السعاده مش فن لان فى ظروف بتبقى خارجه عن اراده الانسان ممكن بتغطى على السعاده دى
أم انها شىء لا دخل للانسان فى حدوثه ؟
بالظبط كده لان كمان السعاده بتبقى نتيجه للظروف
3)وماهى الاشياء التى تجعل الانسان سعيد؟
اكيد لما يحس انه ربنا بيحبه
والباقى كل واحد وظروفه

اتمنى اكون جاوبت رغم انها اجابه مختصره جدا
اسئله حلوه يا اميره
ربنا يباركك
وعاوزين نسمع رايك انتى كمان

[the daughter of the king]

1)هل أنت سعيد؟ولماذا؟
بصراحه بصراحه لالالالالالالا بس برده مش عارفه ليه
2)هل تعتقد ان السعاده فن ..اى ان بامكان كل شخص ان يتكيف مع الحياه ليصنع مبررات سعادته؟
اه انا مقتنعه جدا انه السعاده ده بايد الانسان لو عايز يبقى سعيد وفرحان هيبقى كده
مفيش اى حاجه فى الدنيا خارجه عن اراده الانسان مهما ان كانت
أم انها شىء لا دخل للانسان فى حدوثه ؟
لا طبعا بس بتحصل حاجات كده تخلينا كل ما نفرح تيجى ونحزن اكتر ليه وعلشان ايه متعرفش
لو حد يعرف ياريت يقلى؟؟؟؟؟؟؟؟؟؟؟
3)وماهى الاشياء التى تجعل الانسان سعيد؟
ياريت حد بجد يقلى اتمنى كده
كل اللى بشوفه دلوقتى حزن الم ضيق
او لامبلاه فتور حاجات غريبه
عمرى محسيت بالسعاده فعلا
انسانه كئيبه بقى تعمل ايه



ميرسى كتير لموضوعك
وبجد نفسى اسمع باقى الاراء

[جاسيكا]

1)هل أنت سعيد؟ولماذا؟
الحمد لله لماذا لانى بتمتع بحب كتير من ناس كتير حوليا وكفاية عليا حب ربنا ليا طبعاً بيغنينى عن اى حاجة

2)هل تعتقد ان السعاده فن ..اى ان بامكان كل شخص ان يتكيف مع الحياه ليصنع مبررات سعادته؟
اة فن بس محتاجة اللى يتقن الفن دا ويقدر يخرج نفسة من اى حاجة مضايقاة او مزعلاة
ويقدر كمان يخرج لناس من حزنهم ويفرحهم
أم انها شىء لا دخل للانسان فى حدوثه ؟
مش فى كل الاحوال بيبقى للانسان دخل فيها

3)وماهى الاشياء التى تجعل الانسان سعيد؟
الاشاء كتير قوى بس للاسف الكل بيستسلم للحزن وللاسف بردة بيغلبنا كلنا انما احنا لازم نخرج منة بالسعادة والفرح

ميرسى ليكى كتير اميرة

[وردة حزينة]

)هل أنت سعيد؟ولماذا؟

ميش سعيده
ليه ميش عارفه

2)هل تعتقد ان السعاده فن ..اى ان بامكان كل شخص ان يتكيف مع الحياه ليصنع مبررات سعادته؟


هى فعلا السعاده فى ايدينا بس اكتر حسب ظروف ومود الانسان والظروف حوليه


أم انها شىء لا دخل للانسان فى حدوثه ؟

هى يمكن الظروف ليها دخل اكتر


3)وماهى الاشياء التى تجعل الانسان سعيد؟

حسب رغبه الانسان فيه اللى يسعده حب فيه اللى بيسعده وقت جميل بيقضيه فيه اللى بيسعده وجوده وسط اهله
يعنى بتختلف


موضوعك جميل يااميره بس الاسئله صعبه حد يلاقيلها اجابه

[اميرة القلوب]

مبسوطة اوي من وجودكو في الموضوع
بس سمحوني لاني مش هقدر اقول راي خالص يسامو

ميرسي وردة وجيسكا وبنت المسيح ربنا يفرحكو

[روفــــا]

اسئلتك منطقية وحلوة بس اللى اقدر اقوله ان السعادة بتبقى من عند ربنا مفيش حاجة بتيجى منها غير ربنا
طول ما انا قريب وكويس لربنا اكيد هبقى سعيد
ميرسى على الموضوع الجميل دة

[حنين سنين]

موضوع جميل ربنا يعوض تعب محبتك

[اميرة القلوب]

ميرسي روفا ميرسي سويتي

ربنا يكون معكم وتفرحو