هل يمكن لشخص أرثوذوكسى ان يتزوج فتاة انجيلية

[khawaga2006]

أريد ان اسال هل يمكن لشخص ارثوذوكسى ان يتزوج فتاة انجيلية مع العلم انها متعمدة ارثوذوكسى ولكنها تعيش الحياة الانجيلية وهل الكنيسة تمانع وهل اذا فعل صديقى ذلك هل يحزن عليه المسيح اريد الاجابة باسرع وقت

[aymonded]

محبوب الله أنت أجبت على كلماتك يا صديقي الحلو
أنها اساساً أرثوذكسية ولكن تحضر الكنيسة الإنجيلية
والموضوع يتوقف عليهم ومدى اتفاقهم في الفكر والعقيدة والحب

وليه المسيح هايحزن عليه
هو هاينكره أو يرفض بعند ووعي حياة التوبة !!!
النعمة معك كل حين

[khawaga2006]

ياريت التوضيح وشرح

[khawaga2006]

واكيد هى مش حتتغير طيب والأزلاد بعد ذلك ماذا يخرجوا انجيليين

[aymonded]

صديقي الحلو محبوب يسوع والقديسين
المشكلة تتلخص في حاجتين
أولاً : هي اساسا ارثوذكسية مش أنجيلية ...
ثانياً هو هم متفقين والا نختلفين اساساً ن انا مش فاهم التفاصيل بصراحة !!!
وبعدين لو كانوا متفقين اساسا على كل شيء وكمان معمودية أولادهم وانتمائهم لأنهي كنيسة يبقى مش فيه مشكلة !!!

[رويس]

معلش استاذي ايمن
انا قريت بنفسي في احد الكتب اللي عملها الانبا اغريغورويس المتنيح
عن قوانين الكنيسه
ان الارثوذكسي اللي يروح يحضر لطوائف تانيه يبقي هو بكده
فصل نفسه عن الكنيسه الارثوذكسيه ويعتبر غير أرثوذكسي
وليها عقوابات وحرمانات لو حب الشخص ده يرجع
فده مش متعلق بالحب
دي قوانين كنيسه
وملهاش دعوة ده متفق مع دي ولا دي متفقه مع ده
وزي ما قولت الكلام ده انا متأكد منه جدا
قريته بنفسي للانبا اغريغوريوس

[aymonded]

حبيب قلبي الغالي انا هنا مش معترض على كلام الأنبا أغريغوريوس لأني أعرفه شخصياً وحضرت له كثيراً قرأت كتبه وموسوعاته الرائعة ؛ ولا معترض على حاجة اصلا ، وأنا أصلاً مش باتكلم عن موضوع هما منين ولا فين ولا حتى هايروحوا فين ولا حتى بشجعهم او أوجههم هايعملوا ايه ، انا باتلكم على هما عايزين ايه اساسا !!!
لأن الموضوع يتوقف على الإنسان نفسه هو عايز ايه !!!

لأن لو اتكلمنا على حرام وحلال مش هانخلص ولا هانقنع حد اصلاً ؛ فالموضوع هو ايه هي رغبتهم ، وعلى فكرة مش كل واحد عن دون دراية ذهب وحضر لطائفة أخرى يبقى خرج خارج الإيمان أو انعزل عن الكنيسة ، إلا لو حد قاصد فعلاً انه يعتزل عن الكنيسة بحرية إرادته وكامل وعية عن قصد ودراية وعند ...

حبيب قلبي لا تتسرع بالحكم على كلماتي لأن ليس كل كلمة تقال تأخذ بحرفيتها بل يُأخذ بمضمونها والقصد منها ، وانا اريد أن أفهم طبيعة السؤال وليه !!! أقبل منل كي تقدير بمحبة ؛ النعمة معك

[رويس]

حبيب قلبي الغالي انا هنا مش معترض على كلام الأنبا أغريغوريوس لأني أعرفه شخصياً وحضرت له كثيراً قرأت كتبه وموسوعاته الرائعة ؛ ولا معترض على حاجة اصلا ، وأنا أصلاً مش باتكلم عن موضوع هما منين ولا فين ولا حتى هايروحوا فين ولا حتى بشجعهم او أوجههم هايعملوا ايه ، انا باتلكم على هما عايزين ايه اساسا !!!
لأن الموضوع يتوقف على الإنسان نفسه هو عايز ايه !!!

لأن لو اتكلمنا على حرام وحلال مش هانخلص ولا هانقنع حد اصلاً ؛ فالموضوع هو ايه هي رغبتهم ، وعلى فكرة مش كل واحد عن دون دراية ذهب وحضر لطائفة أخرى يبقى خرج خارج الإيمان أو انعزل عن الكنيسة ، إلا لو حد قاصد فعلاً انه يعتزل عن الكنيسة بحرية إرادته وكامل وعية عن قصد ودراية وعند ...

حبيب قلبي لا تتسرع بالحكم على كلماتي لأن ليس كل كلمة تقال تأخذ بحرفيتها بل يُأخذ بمضمونها والقصد منها ، وانا اريد أن أفهم طبيعة السؤال وليه !!! أقبل منل كي تقدير بمحبة ؛ النعمة معك



هههههههههههههه
ومين قال اني معترض علي كلامك
لالالالالا
انا اللي مش قصدي كده
انا كنت بقول وملحوظه مش اكتر
بس بدل ما اكتب (معلش يا استاذ ايمن انا عاوز اضيف ملحوظه) كتبت (ملعش يا استاذ ايمن)
وبكده اتفهمت علي اني معترض

نيجي بقي لهما عاوزين ايه
واضح انه عاوز يرتبط بيها ولكن خايف ليكون بيخالف المسيح
يبقي الحل ايه ؟؟
هو نفسه عاوز يعرف الحل مننا

وحكايه ان كل واحد يروح لطائفه تانيه بدون درايه دي معلش انا ليا تعليق
لما نروح ونتحاسب ونقول لربنا مكنتش اعرف يقولي ايه وقتها ؟؟
طالما انا فيا عقل وبعرف اقرا واكتب
يبقي بكل بساطه هاقرا عن ايه اوجه الاختلاف بيننا وبين الانجليين قبل ما اروح عندهم
ولا انت رايك ايه ؟
مروحش وانتظم وبعد
ما الالاقي نفسي بعد ما كنت باحضر في كنيستنا وبحب القديسين وبتشفع بيهم دايماً
الاقي في المكان التاني مفيش حاجه
اسمها شفاعه قديسين
الاقي مفيش كهنوت
الاقي مفيش حاجه اسمها قداس
مفيش مفيش مفيش
واجي في الاخر اقول معرفش ؟؟؟

شوف استاذي الغالي جدا جدا
وصدقني انت ليك احترام مخصوص عندي
لاني لما بلاقي واحد صاحب كتاب وقارئ جيد جدا
علمه واسع زي ما بيقولوا فده شخص جدير بالاحترام مهما كانت ديانته

فانا مش بعترض انا باتبادل الافكار معاك والراي
لان لو متابادلتش الراي معاك يبقي كده انا مش هاستفاد
انت تقول معلومه جديده وجميله
انا اقولك علي فكرة ما

كده يبقي انا استفدت
ولا ايه يا استاذي الغالي

[aymonded]

سلام لنفسك يا محبوب الله
ولو أن مش فيها حاجة أبداً لو اعترضت عليا في موضوع أو كلمة ؛ ده شيء مش غلط أساساً لأن ممكن يكون هناك نقطة ما مش واضحة أو قد تكون فيها لبس فانا مش بازعل من أجل الاعتراض بل الاعتراض بيفتح نقاط أخرى يا جميل ...

وبالنسبة لحضور البعض طوائف أخرى ، الموضوع مش كده يا أحلى غالي ، لأن فيه ناس حقيقي مش فاهمة الكنيسة صح وركضت وراء افكار ظنوا أنها صحيحة ، أو خرجوا عن الكنيسة لأسباب مش هاقدر اقول بعضها الآن ( مع أنك خادم واعتقد انك عارف ليه لو كنت قابلت المشكلة دية ) ، ومتى عرفوا اصالة التعليم الصحيح بيعودوا ولكن في عمق شديد روحي ولاهوتي وبشغف حلو لطقس الكنيسة البديع حقاً كما نحاول ان نظهر عمقة الحلو على صفحات المنتدى في ىصالة التعليم الآبائي ؛ ولا ينبغي أن نتسرع في الحكم يا محبوب الله الحلو عليهم ، وهذا ما تعلمناه من الآباء القديسين ، لأن عملنا هو توضيح التعليم الصحيح بكل اتساعه الحلو حتى يستوعب الإنسان اسرار الله ، لأن لو أهملنا التعليم وتركنا الناس يتخبطون وبسببنا يذهبون لأمكان أخرى فنحن من سنحاسب ، اما هم فالله سيرحمهم بكثرة مراحمة ومحبته المتسعة ...

وأنا حقيقي اشكرك على ردك الحلو يا محبوب الله ، وتأكد اني مستحيل ان أزعل أو اتضايق من نقد أو اختلاف بالعكس الخلاف شيء صحي حينما يكون متجه لأجل إظهار الحق وفي حدود لياقة المحبة ، وأنا سعيد حقيقي بمناقشاتك وردودك الحلوة يا أجمل أخ رائع محوب ربنا يسوع والقديسين ...

أقبل من كل تقدير المحبة ؛ النعمة معك

[khawaga2006]

وانا اشكركم من اجل التوضيح الجميل والمناقشة الجميلة والروح الحلوة لانى توسعت فى مداركى الكثير ولكنى اؤيد فكرة عدم الأرتباط لان بذلك سوف يترك كنيستة وبعدين اصلا ازاى حيصوموا مع بعض ويصلوا مع بعض لان الانجيليين ليس لديهم اجبية او خولاجى فبذلك انهم غير متفقين فى شئ

[aymonded]

ربنا يعطي البصيرة والاستنارة للجميع يا محبوب الله الحلو
أقبل مني كل تقدير بمحبة ؛ النعمة معك كل حين

[رويس]

أرجو فعلا انك تكون قررت الكلام ده عن أقتناع
وانا لا أهاجمك اخويا الغالي
انا تعمد اعمل الكلام ده علشان ابين وجهة نظر اي حد
لان كنت هتلاقي وجهة نظر متعصبه لينا ووجهة نظر متعصبه ليهم
فكان لابد اني اعمل كده علشان اخلي حد يرد ويجيب كلام ويقنعنا
وفعلا اخويا الغالي لو قريت المزيد والمزيد هتلاقي اختلافات كتير
غير الصوم والصلاه

تمنايتي لك بالسعاده
وربنا يتختار لك شريكه حياتك
أرجو ان كلامي ميكونش زعلك
ومنتظيرن مشاركتك معانا في المنتدي هنا
سلام المسيح معاك استاذي الغالي
أذكرني في صلاتك

[amgad nagy]

معنى أنها متعمدة أرثوذكوس يعنى كانت فى الأصل أرثوذكوس لكن بعد كدة حضرت فى الأنجليين فلو هما أتفقوا أن هى تحضر وتتناول وتمارس الحياه الأرثوذكسية يبقى يتجوزوا لو هى مش موافقة يبقى مينفعش علشان الفكر والأطفال وحاجات كتير لكن لو أتجوزوا طبعا ربنا مش هيزعل لأنهم هيتجوزوا بالطريقة الأرثوذكسية.