ارجو الرد

[نادر صفوت]

عندى سؤالين اولا انا مسيحى طبعا وفخور بكده بس اهلى لما اتولدت مادقوش الصليب على ايدى هل كده انا غلط؟
هما برضه مش داقين صليب لبابا ولا ماما وقالولى دى حرية شخصية مش هنغصبك عليها مش فرض وخليك كده
فهل انا غلط ولا صح يعنى لازم ادق صليب ولا بلاش مع العلم انى مسيحى وطبعا اتعمدت يعنى الدين فى القلب

اما السؤال التانى فهو ان اخوانا من الدين الاخر بيتكلموا عننا كتيير اوى وببقى ماسك نفسى عاوز اسكتهم بس مش عارف لانى مش معايا فى الشغل مسيحين الا قليل هل انا غلط بسكوتى ولا صح ؟

[Narmar]

عندى سؤالين اولا انا مسيحى طبعا وفخور بكده بس اهلى لما اتولدت مادقوش الصليب على ايدى هل كده انا غلط؟
هما برضه مش داقين صليب لبابا ولا ماما وقالولى دى حرية شخصية مش هنغصبك عليها مش فرض وخليك كده
فهل انا غلط ولا صح يعنى لازم ادق صليب ولا بلاش مع العلم انى مسيحى وطبعا اتعمدت يعنى الدين فى القلب


اية المشكلة في كدة مانا مش داقق وناس كتيرة وسمعت قبل كدة انه في بعض الاحيان بيبقي غلط بنقل الامراض بتداخل الدم بين واحد وغيرة ,


اما السؤال التانى فهو ان اخوانا من الدين الاخر بيتكلموا عننا كتيير اوى وببقى ماسك نفسى عاوز اسكتهم بس مش عارف لانى مش معايا فى الشغل مسيحين الا قليل هل انا غلط بسكوتى ولا صح ؟


حوارك ولا هيخليهم مسيحين ولا هيخليك تسيب المسيح انت يعني مش لية لازمة خاصة لو مش ليك دراية او بتقري كتير

[aymonded]

اهلى لما اتولدت مادقوش الصليب على ايدى هل كده انا غلط؟

فهل انا غلط ولا صح يعنى لازم ادق صليب ولا بلاش مع العلم انى مسيحى وطبعا اتعمدت يعنى الدين فى القلب ؟

سلام لنفسك يا محبوب ربنا يسوع والقديسين : عادة دق الصليب لم تكن موجوده في العصور السابقة بل هي شيء حديث جداً ، ولا توجد آية واحدة ولا حتى تقليد كنسي أو رسولي يقنن دق صليب على اليد ، وآباء الكنيسة القديسين لم يدقوا صليب وهل معنى ذلك أنهم ليسوا مسيحيين !!!
بالطبع لأ ، لأن المسيحية ليست دق صليب ولا مجرد شكل ظاهري ، إنما في أعماق القلب يعمل الله بالروح القدس ليغير الإنسان على صورة ربنايسوع ليصير مسيحياً لا اسماً إنما فعلاً :
وهذا هو هدف الإنجيل والمسيحية كلها :
+ " و نحن جميعا ناظرين مجد الرب بوجه مكشوف كما في مراة نتغير الى تلك الصورة عينها من مجد الى مجد كما من الرب الروح " (2كو 3 : 18)
+ " يا اولادي الذين اتمخض بكم ايضا الى ان يتصور المسيح فيكم " (غل 4 : 19)
+ " امين هو الله الذي به دعيتم الى شركة ابنه يسوع المسيح ربنا " (1كو 1 : 9)
+ " الذي رايناه و سمعناه نخبركم به لكي يكون لكم ايضا شركة معنا و اما شركتنا نحن فهي مع الاب و مع ابنه يسوع المسيح " (1يو 1 : 3)


اما السؤال التانى فهو ان اخوانا من الدين الاخر بيتكلموا عننا كتيير اوى وببقى ماسك نفسى عاوز اسكتهم بس مش عارف لانى مش معايا فى الشغل مسيحين الا قليل هل انا غلط بسكوتى ولا صح ؟

حبيب قلبي الغالي ليس عملك ولا عملي أننا نحاور أحد في الأساس ونحارب لأجل الدفاع عن ( ذواتنا ) وليس عن الدين طبعاً ، لأن كبرياء قلبنا يجعلنا نأخذ الأمور على أعصابنا وكأننا ندافع عن الله والدين ونندفع وراء عواطفنا ونخسر أخواتنا مع أننا مطالبين أن نحب الكل بكل إخلاص القلب وبلا تفريق أو تمييز ، وهذا الاندفاع والالدفاع الشكلي العاطفي الانحيازي في منتهى ضعف الإيمان لأننا نؤمن بالشفتين بأن الله حي قادر أن يشهد عن نفسه وذاته ، ولكن عملنا الحقيقي أن نشهد لإيماننا لا بمجرد أقوال ومعايرة الآخرين أننا الأفضل ، أو أننا الصح وهما على خطأ ، ولكن لنا أن نشهد بالحب الصادق والإيمان الحي أننا نتغير كل يوم لصورة ربنا يسوع ونتخلق بأخلاقة بفعل عمل الروح القدس في القلب ، لأن المسيحية في حقيقتها هي علاقة شركة وحياة مع الله بالتوبة التي هي تغيير القلب وتجديد النفس ، وليست هي مجادلات وحوارات لا تنتهي في صراع وتسابق على من يُثبت للآخر أنه الصح في شكل حوار المحبين ، مع أن كل واحد لا يؤمن إلا بما هو له دون أن يقبل الذي عند الآخر ، بل يتهمة يا أما بالانحراف أو التحريف ... الخ من كل التهم الذي نسمعها من الطرفين ، ونسوا أن الله الحي هو من يبحثوا عنه لا عن الناس ، لأن لو أنت أحببت الآخر صلي وصوم من أجله حتى يتعامل اله مع القلب في الداخل ويكون اشتياقه لله لا للناس وكلامهم ...

أقبل مني كل تقدير بمحبة ؛ النعمة معك كل حين

[ادروسيس]

يعنى هم كل اللى دقين صليب مسيحين
ياما ناس فى يدهم صليب وبجيبو العنة للصليب
ثم انا اعرف كهنة واسقفة مفيش فى يدهم صليب
مش شرط طبعا بس ياريت نخلى الصليب فى قلوبنا
نصحتى اليك كاخت كبيرةبلاش نهائيا
الحديث فى الاديان وخاصة فى مجال الشغل
واللى يحب يكلمك قولة دة مكان اكل عيش
صدقنى مش خوف بس علشان تتجنب ميثاق حديثهم مع احترامى
لك كلامك لاهايودى ولا هايجيب يبقى وفر على نفسك
حرق الدم

[مسعد خليل]

مش شرط دق الصليب الايمان فى القلب
وبالنسبة لزملائك لايصح الحديث عن الاديان معهم لانة هيعمل مشاكل بينك وبينهم

[nnissrena]

اخى فى المسيحية المسيح ليس فى مجرد انك لم تضع صليب على يدك بل انك تضع صليب المسيح فى قلبك لان ليس كل من يضع صليب فى يدة يحمل المسيح فى قلبة وبعدين مسيحك فى قلبك مش فى انك داقق صليب على ايدك ولا لا وبعدين فى انك ترد على من يقولون اشياء عن المسيح قال الرب يدافع عنكم وانتم صامتون يعنى ربنا هيدافع وانت ساكت وسلام المسيح معاك

[aymonded]

[ الديانة المسيحية ليست إذن شيئاً عادياً " هذا السرّ عظيم " ( أف5: 32 ) ، لذلك فاعرف قدرتك وسموك لكونك دُعيت إلى الكرامة الملوكية " جنس مختار كهنوت ملوكي وأمة مقدسة " ( 1بط2: 9 ) ، لأن سرّ المسيحية هو غريب بالنسبة لهذا العالم . والمجد المنظور الذي للإمبراطور أو الملك ( الأرضي ) وكل غناه ، إنما هو أرضي وفاني ومضمحل وأما ذلك الملكوت وذلك الغنى السماوي فهو إلهي سماوي ومملوء مجداً وهو لا يفنى ولا يضمحل لأن مثل هؤلاء المسيحيون يملكون مع الملك السماوي في الكنيسة السماوية " وهو البكر من الأموات " ( كو1: 18 ) ، وهم أيضاً أبكار ، ولكن رغم أن هذه هي حالتهم وهم مختارون ومقبلون أمام الله ، فإنهم يعتبرون أنفسهم أقل الكل وليس لهم أي استحقاق ( ليس صغر نفس طبعاً ) ، وقد صار أمراً طبيعياً عندهم أن يعتبروا أنفسهم كلا شيء . ]

عظات القديس مكاريوس الكبير 27 : 4 صفحة 249
عن كتاب عظات القديس مكاريوس الكبير مترجم عن
Fifty Spiritual Homilies
St. Macarius the Great
A.J.Mason, Translator
ترجمة للعربية : الدكتور نصحي عبد الشهيد
الطبعة الرابعة – مؤسسة القديس أنطونيوس
المركز الأرثوذكسي الآباء – نصوص آبائية 85

[anosh]

طبعا اخواتى فى الردود السابقه وضحوا نقطة دق الصليب انه مش الزام و لا نص عليه الانجيل ....... اما بالنسبه لموضوع الرد على اخواتنا صدقنى اللى ليه القدرة على السكوت و التزام الصمت هو اقوى بكتتتتتتتتتتتتتتتتتير من كثير الكلام و الرد لان من ضعف نفسه لايتحمل السكوت و يكون سريع الانفعال و الرد و الغلط فى الكلام و لكن السكوت و الصمت اقوى من الكلام ... و بصراحه لا بكلامك هاتغير فكرهم و لابكلامهم هاتسيب انت دينك يبقى بمنتهى الذوق و السياسه تنهى دايما اى حوار فى موضوع الدين ... و ربنا معاك و يحافظ على شعبه من مكايد ابليس .... صلى عنى

[joseph_tno]

سفر الخروج 14 (http://st-takla.org/Bibles/BibleSearch/showChapter.php?book=2&chapter=14&q=%D9%88%D8%A7%D9%86%D8%AA%D9%85+%D8%AA%D8%B5%D9%8 5%D8%AA%D9%88%D9%86): 14
الرَّبُّ يُقَاتِلُ عَنْكُمْ وَأَنْتُمْ تَصْمُتُونَ».