سخافات معاكسة الشباب للبنات

[the daughter of the king]

سخافات معاكسة الشباب للبنات



طبعا مافيش بنت فيكي يا مصر إلا وتعاني من المعاكسات المستفزة والسخيفة اللي بجد
تحرق الدم ومافيش حاجة اسمها معاكسة لطيفة ومعاكسة سخيفة المعاكسة معاكسة
وهي بكل أنواعها وصورها اعتداء على استقلالية وخصوصية الآخر . . طبعا في أولاد
دلوقتي هيقولوا ما هو فيه برضه بنات بتعاكس الشباب . . حنقول . . حتى لو فيه ماهي
برضه من ضمن قلة الأدب .
المعاكسة ظاهرة قديمة لكن تطورت بتطور العمر اللي إحنا عايشينه . . ده طبعا بسبب
الهاي تك ، اللي بتحاصرنا في كل ناحية يعني ممكن تلاقي رسائل على الموبايل أو رنات
أو حتى مكالمات وكمان ممكن تلاقي شباب يعمل إنه بيلعب في الموبايل لكن بقصد
http://egypty.com/pepper/images/sidebar.jpg
تصوير البنات .. وطبعا فيه معاكسات بكلكسات السيارات والمساحة والنور .. فعلا حاجة
غريبة وسخيفة وساقطه في مجتمعنا اللي عاش ينادي بالعادات والتقاليد اللي غابت عن
عقول شبابنا .. طبعا لازم نقول إن فيه قانون بيجرم المعاكسات يعني على حسب طبيعة
المعاكسة .
المعاكسات كمان بتفرق حسب طبيعة المكان بحكم البيئة والتركيبة الاجتماعية يعني
ممكن تلاحظ أنه في الأماكن الشعبية يعاكس الشباب البنات ب " بس بس انت يا " أو "
بصراحة أحلى واحدة اللي لابسه جزمة حمرا" وهكذا .
وممكن نلاقي في الأماكن الهاي شوية من ناحية الفلوس يعني مش من ناحية السلوك ..
البنت بتتعاكس بكلام مباشر أو يتريقوا على ملبسها وممكن كمان ينزل الشاب من عربيته
ويمشي بجانب البنت ويفتح أي حوار وكأنه فعلا عارف البنت .
أو يقول رقم موبايله بصوت عال أو يحاول يفهمها أنه مش بيعاكس ويسأل على عنوان
معين وكلها حجج مصطنعة لمحاولة مضايقة البنات وخلاص .. طبعا دلوقتي كمان ممكن
تلاقي رسالة إعجاب على الموبايل أو رسالة تهديد وطبعا مرسلة من على النت علشان ما
نعرفش مين اللي باعت . . أو تصور البنات وهما قاعدين في كافيه من الموبايلات وطبعا
يتباهى البيه إنهن صحباته والأنتيم كمان


* رأي البنات
بنكره المعاكسات موت وبنكره أكتر الرأي
اللي بيقول البنات تحب تتعاكس يعني هي البنت هتعرف قيمة نفسها من كلام واحد
فاضي واقف على ناصية أو بيلف شوية بعربيته ، كلام صعب طبعا وبعدين اشمعنى
ارتبطت ظاهرة المعاكسات بشباب مصر . . يمكن لأنه محبط أو معندوش وقت يشغله
وكمان يمكن لأنه مش عارف يرتبط ويستقر .
وكمان مرتباتنا بنصرفها في تاكسيات المخصوص
علشان نرحم نفسينا من شباب النواصي وبعدين احنا مش عارفة البوليس فين منهم وفين
سيارات الدورية الراكبة ماهو كل ده برضه ممكن يضمن سلامة البنات في الشارع .
الفراغ يعمل أكتر من كده وبعدين المعاكسات دي نوع من أنواع البجاحة والتعدي على
حرية الآخرين والتطاول عليهم فعلا عايزين قانون يغلظ من عقوبة المعاكسات التي
انتشرت مفزع داخل شوارعنا .



* رأي الشباب
طبعا الشباب لازم يبرر المعاكسة ويرمي بالغلط على البنات وملبسهم يعني معنى كده إن
المحجبات معصومات من المعاكسة نشوف .
الحوار
طبعا ملبس البنت يستفزنا
قلتله الملبس ده حرية شخصية
قال : لا البنات اللي بتلبس ملبس خارج عايزة تتعاكس فخلاص خليها تتعاكس .


أنا شخصيا ضد المعاكسات . . يعني ايه أعاكس بنت
بسبب مظهرها . .أعتقد إنه تعد على حرية الآخرين


ربنا يحافظ علينا
منقول

[buffon italy]

مصر المحروسه و تاريخ ألاف السنين و قبل التاريخ و الفراعنه و بلد الحضارة و الحجارة وصلت و بكل فخر للمركز التانى عالميا فى التحرش بعد أفغانستان اللى هى أصلا الكهربا و الميه دخلولها قريب و طول عمرها عايشه فى تخلف و عمرها ما كان ليها تاريخ و لا حضارة و لا اى حاجه لكن احنا الحمد الله قدرنا نلحق بهم فى ركب الدول المتقدمه فى مجال التحرش و أهو لقينا حاجه نتفوق فيها طالما أحنا لا نافعين فى كوره و لا فى علم و لا فى فن و لا فى أى حاجه.حقيقى عمار يا مصر و ربنا يرحم

[the daughter of the king]

المركز التانى
لا بجد عمار يا مصر
لا ولسه انتظر المزيد
ميرسى لمشاركتك الجميله

[نبيل نصيف جرجس]

موضوع جميل اوى
ربنا يحافظ على ولادة ويجعل فكرهم مقدس ويحافوا على بعض

[ايساك]

موضوع جميل بس انا عاوز اقول حاجة البنات مستفزة فعلا واحنا دلوقتى فى الصيف البنطلونات فى النازل والتشيرتات فى الطالع وحرام كدة

وفعلا البنت بتفرح لما تتعاكس بتحس انها كبرت بقى وبقالها معجبين هههههههههههههههههههه

ميرسى على موضوعك الجميل دة

[dodozezomero]

حلو اوى الكلام اللى بيتقال ان البنات هما السبب
طيب خالينى معاكفعلا فى بنات بتلبس زايادة اوى علشان خاطر تتعاكس
انت بقى كمان دماغك فاضية لدرجة انك تعاكسها
طيب لما تعاكسها بتستفاد اية
وبعدين على فكرة بقى
بيبقى فى دماغ الولاد انهم لو لقو وحد لبسة كدة يبقى تعاكس ياعنى تتعاكس

[the daughter of the king]

موضوع جميل بس انا عاوز اقول حاجة البنات مستفزة فعلا واحنا دلوقتى فى الصيف البنطلونات فى النازل والتشيرتات فى الطالع وحرام كدة

وفعلا البنت بتفرح لما تتعاكس بتحس انها كبرت بقى وبقالها معجبين هههههههههههههههههههه

ميرسى على موضوعك الجميل دة

حلوه البنات مستفذه دى ياسلام
وحضرتك بقى دماغك فين
وعنيك يعنى خلاص لازم تبص يعنى يا حرام مش هى اللى عايزه تبص ده البنت هى اللى ابتندهلها علشان تبص وتعاكس

بجد عذر جامد يا ايساك

ميرسى انت لردك
بس مع احترامى يعنى
الولاد هما اللى مبيصدقوا بغض النظر البنت لو لابسه ايه برده هيعاكسوا ولا كانها غريزه
طبع حاجه كده يعنى

اتمنى مكنش زعلت ده مجرد رد على كلامك وراى الخاص بى

[the daughter of the king]

حلو اوى الكلام اللى بيتقال ان البنات هما السبب
طيب خالينى معاكفعلا فى بنات بتلبس زايادة اوى علشان خاطر تتعاكس
انت بقى كمان دماغك فاضية لدرجة انك تعاكسها
طيب لما تعاكسها بتستفاد اية
وبعدين على فكرة بقى
بيبقى فى دماغ الولاد انهم لو لقو وحد لبسة كدة يبقى تعاكس ياعنى تتعاكس


انا معاكى طبعا يا جميل وميرسى كتير لردك
بس ده ميمنعش ان البنات كمان ساعات بيبقى ليها دور فى كده

وربنا يحافظ على ولاده وبناته

[nona queen]

حلو اوى اوى الكلام ده ومظبوط جدا
وكل اللى اقدر اقوله ربنا يعقل الشباب ويستر على البنات
ميرسى لموضوعك الرائع

[dodozezomero]

انا معاكى طبعا يا جميل وميرسى كتير لردك
بس ده ميمنعش ان البنات كمان ساعات بيبقى ليها دور فى كده

وربنا يحافظ على ولاده وبناته

ماشى انا معاكى فى كدة احنا بنتكلم بشكل عام
بصى انا عندى ف المعهد بشوف اكتر من كدة
ياعنى ممكن فعلا ان بنت هى اللى توصل الولد انو يعاكسها
او او او
بس فى بنات تانية مبيعملوش دا
وممكن علشان هما كويسين تلاقى الولاد
فكرت انهم غلبانين فا يتمادو فى المعاكسة
ومش معنى كدة ان كل الولاد شايطين
لا فى ناس كويسة

[dodozezomero]

وبجد الموضوع رائع وشدنى كتير يسلمو ايدك

[the daughter of the king]

ميرسى ليك انت يا قمر وربنا يحافظ عليك يارب

[Dr.PeRO]

طبعا عمر ما كان فيه تبرير للمعاكسة .. مهما كان....
بس فعلا فيه بنات بتتبسط مش بالمعاكسة بس بالكلام المعسول اللى بيقوله اللى بيعاكس .. ده بيديها شئ من الثقة فى نفسها .. ولكن لو سألتيها انتى مبسوطة ولا لأ.. هاتقول لا، والا الناس هاتبوصلها بنظرة احتقار..
المصيبة فعلا دلوقتى مابقتش فى المعاكسة العاديه .. دلوقتى المعاكسات كلها بقت على اللبس وعلى الbody ,, وبيبقى المعاكسة العادية فى حالتين:
يا البنت جميلة اوى وده غطى على جمال قوامها .. فالشاب هنا هايعاكس جمالها..
يا اما يكون مش عايز يخسر البنت فابيضحك عليها ويقولها كلام جميل عشان يحاول يشدها ليه بأى طريقة...
لكن لو متهموش ، هايقول بقى اللى فى نفسه ومش هايهمه خاصة لو كانت البنت نازلة بملابس ملفته.. وهنا محدش فى الشارع هايلومه ولا حتى يحاول يقوله ليه بتعمل كده.. لكن لو البنت محترمة نفسها -وده حصل كذا مرة قصادى- فى ناس ممكن تدافع عنها

[the daughter of the king]

طبعا عمر ما كان فيه تبرير للمعاكسة .. مهما كان....
بس فعلا فيه بنات بتتبسط مش بالمعاكسة بس بالكلام المعسول اللى بيقوله اللى بيعاكس .. ده بيديها شئ من الثقة فى نفسها .. ولكن لو سألتيها انتى مبسوطة ولا لأ.. هاتقول لا، والا الناس هاتبوصلها بنظرة احتقار..
المصيبة فعلا دلوقتى مابقتش فى المعاكسة العاديه .. دلوقتى المعاكسات كلها بقت على اللبس وعلى الbody ,, وبيبقى المعاكسة العادية فى حالتين:
يا البنت جميلة اوى وده غطى على جمال قوامها .. فالشاب هنا هايعاكس جمالها..
يا اما يكون مش عايز يخسر البنت فابيضحك عليها ويقولها كلام جميل عشان يحاول يشدها ليه بأى طريقة...
لكن لو متهموش ، هايقول بقى اللى فى نفسه ومش هايهمه خاصة لو كانت البنت نازلة بملابس ملفته.. وهنا محدش فى الشارع هايلومه ولا حتى يحاول يقوله ليه بتعمل كده.. لكن لو البنت محترمة نفسها -وده حصل كذا مرة قصادى- فى ناس ممكن تدافع عنها

على فكره شكلك مش بتمشى فى الشارع كتير او غالبا مبتشفش الناس فعلا بتعمل ايه
مين يدافع عن مين يا بشمهندس
شكلك مش عايش فى مصر اساسا
وازى بقى بتقول مفيش مبرر للبيعاكس
ومنين تقول محش هيلومه لو لاقى بنت لابسه كده
انا مش معاك خالص على فكره
بص
فكره ان البنت لازم تلبس محترم دى قضيه
ومشكله الشباب اللى بيعاكس وبيبرر موقفه دى قضيه تانيه خالص
وانا شايفه انه مفيش اى مبرر مهما ان كان يخلى اى ولد محترم يبص على بنت اساسا ويقعد يجيبها من فوقها لتحتها

عارف فى حاجه عايزه اقلهالك سمعتها برده ومش قادره انساها
ونفسى الاولاد كلها يفهمومها صح

ان فى حد قالل
فى قصه قديس على فكره
ان الولد جاى من التراب فلازم يبص على التراب مينفعش يبص على بنت
انما البنت لو بصت عليه فهى جايه منه فده طبيعى
فهمت قصدى ولا ؟؟؟؟؟؟؟؟؟؟؟؟؟؟؟

وميرسى جدا جدا جدا لرايك وردك الجميل

[Dr.PeRO]

مين يدافع عن مين يا بشمهندس


اكيد انا مش بدافع عن اللى بيعاكس .. لأنى قولت مفيش اى مبرر يقدر يبرر المعاكسة ، بس حضرتك فهمتينى غلط ... انا ضد كل صور التعدى على خصوصية الاخر ... وعلى فكرة انا عندى اخت ، وكرهت تنزل الشارع لوحدها بسبب المشكلة ديه (مع العلم ان لبسها محترم جدا)


شكلك مش عايش فى مصر اساسا

هههه .. لأ بالعكس انا بنزل كل يوم مش اقل من 5 او 6 ساعات لأنى فى كلية عملية والحضور اجبارى .. يمكن يوم السبت بس اللى مش باشوف فيه الشارع!!
واللى انا قولته ده كله من اللى شوفته من الشارع مش من دماغى


وانا شايفه انه مفيش اى مبرر مهما ان كان يخلى اى ولد محترم يبص على بنت اساسا ويقعد يجيبها من فوقها لتحتها


صح طبعا .. انا مش ببررله


فكره ان البنت لازم تلبس محترم دى قضيه

ده عشان يقلل من احتمالية انها تتعاكس ، ومنها ما تعثرش غيرها

فهمت قصدى ولا ؟؟؟؟؟؟؟؟؟؟؟؟؟؟؟

الحمد لله


وميرسى جدا جدا جدا لرايك وردك الجميل

العفو

[مادونا نبيل]

موضوع حلو اوى وربنا يحافظ على ولاده و يعقلهم

[ايساك]

انا مزعلتش بس لبس البنات برضة عامل انها تتعاكس وتتعب الشباب واللى اكتر بقى البت اللى تكون ماشية مدلعة فى مشيتها يا سلام دى ممكن متعرفش تروح بيتها ههههههههههههه
وميرسى ليك يا بنت الملك على ردك واهتمامك بالحوار وربنا يخليكى ليا وتزعلينى هههههههه

[wael helal]

اولا جاحة محرجة جدا بس البنات هيا الى جايبة المعاكسة لنفسها بسبب اللبس الى بيلبسوه والى بيعاكس ناسى انه عنده اخوات بنات

[the daughter of the king]

يعنى يا وائل لو معندوش اخوات بنات
يبقى يعاكس عادى
هههههههههه
ميرسى كتير لردك
وربنا يحافظ على ولاده وبنات

[the daughter of the king]

ميرسى يا مدونا على ردك الجميل ومرروك
وربنا معاكى

[buffon italy]

يعنى أيه الولد المفروض يبص للتراب والبنت تبصله عادى .مبدئيا أنا مش قادر أفهم قصدك أيه بالظبط لكن أنا شايف أن الكلام فيه تفرقه عنصريه المفروض أن كلنا زى بعض و كلنا متساويين.ياريت توضحى قصدك أكترلأنى مش فاهم أزاى يعنى البنت تبص براحتها عادى يعنى.بعدين أنا شايف الكلام كتير أوى أن البنت بتنبسط لما تتعاكس بصراحه دى قمة الهرتله و مش عارف اللى بيقولوا كده على أى أساس يعنى؟! أنا رأيى أن ال eye contact ده أجمد حاجه للتعبير عن الأعجاب لحد أنت متعرفوش و أنا قصدى eye 2 eye مش لأى حته تانى بصراحه ده أحساس تحفه لأن الجمال أصلا فى ال face مش فى ال body ده رأيى و ياريت أشوف ردودكم و شكرا

[Dr.PeRO]

بعدين أنا شايف الكلام كتير أوى أن البنت بتنبسط لما تتعاكس بصراحه دى قمة الهرتله و مش عارف اللى بيقولوا كده على أى أساس يعنى؟!

ده انا شوفته بعينيا ... وفيه بعضهم فعلا بينبسط ..
لما يبقوا 3 بنات مشيين مع بعض وواد معدى هو وصاحبه وبيقوله بصوت عالى : مين أجمد بت ف دول ياض؟ وبعد ما البنات يعدوا الاقيهم بيضحكوا وكل واحدة بتقول للتانية : ده كان قصده عليا انا ...
هو اناعشان مرضيتش اذكر أمثلة يبقى بهرتل ؟! انا باشوف من الحاجات ديه كتير كل يوم..
فيه بعض بيقبل المعاكسة وفيه بيصدها وفى اللى بيسكت وفيه اللى بيضرب .. وديه برضه انا شفتها ...

[buffon italy]

سورى اذا كان كلامى زعلك.أنا مش بقول أن ده مبيحصلش أنا بقول أن ده مش مبرر ندافع بيه عن المعاكسه و أن الدفاع عن المعاكسه بالطريقه دى هرتله.عموما ده رأيى و أنا مش قصدى أخبط فى حد و أكيد كل واحد حر فى رأيه اللى يقتنع بيه و شكرا

[Dr.PeRO]

سورى اذا كان كلامى زعلك.أنا مش بقول أن ده مبيحصلش أنا بقول أن ده مش مبرر ندافع بيه عن المعاكسه و أن الدفاع عن المعاكسه بالطريقه دى هرتله.عموما ده رأيى و أنا مش قصدى أخبط فى حد و أكيد كل واحد حر فى رأيه اللى يقتنع بيه و شكرا



انا مش بدافع خالص ... ازاى ادافع عن حاجة غلط اخلاقية ودينيا واجتماعيا .. انا بس بوضح نقطة ... انا معاك فى اللى بتقوله لكن بس بحب اؤكد ان فيه فئة -وان قلنا قلة- بتفرح لما بتتعاكس ... وعلى فكرة بعضهم بيبانوا من مناظرهم ، لما تشوفهم هتلاقى نفسك خايف تقرب ناحيتهم .. وبتبعد على طول ... هى دى النوعية ...

[the daughter of the king]

يعنى أيه الولد المفروض يبص للتراب والبنت تبصله عادى .مبدئيا أنا مش قادر أفهم قصدك أيه بالظبط لكن أنا شايف أن الكلام فيه تفرقه عنصريه المفروض أن كلنا زى بعض و كلنا متساويين


اولا ميرسى على الحوار الجامد ده
بس عايزه اقول حاجه
الفكره مش تفرقه عنصريه ولا حاجه
الفكره فى ان الولاد فعلا متعمده تبص وتعاكس صح
فده مبدا ماشيه بيه انه الولد فعلا مينفعش يبص على اى بنت مش معنى كده انه يكلمها وعنيه فى الارض انا معاك انه لغه التعبير بالوجه والايد والعين دى من اهم اللغات علشان اللى قدامك يفهمك
لكن انت مفهمتش قصدى انا بتكلم من ناحيه الناس اللى بتبص نظره مش حلوه دول الى لازم يعرفوا انه مينفعش يبصوا لانه غلط
وعلى فكره الجمله دى انا مش جايبها من عندى انت اكيد هتسمعها فى يوم من الايام انا سمعتها فى فيلم معين
لكن البنت مهما بصت على الولد فعمرها مبتكون اى نظره تانيه بكون نظره عاد يه جدا صح ولا ايه

بعدين أنا شايف الكلام كتير أوى أن البنت بتنبسط لما تتعاكس بصراحه دى قمة الهرتله و مش عارف اللى بيقولوا كده على أى أساس يعنى؟! أنا رأيى أن ال eye contact ده أجمد حاجه للتعبير عن الأعجاب لحد أنت متعرفوش و أنا قصدى eye 2 eye مش لأى حته تانى بصراحه ده أحساس تحفه لأن الجمال أصلا فى ال face مش فى ال body ده رأيى و ياريت أشوف ردودكم و شكرا

لا فعلا يا buffon
فى بنات بتبقى متعمده تعمل اى حاجه علشان تتعاكس
بس مش معنى كده انه يعاكسها او ده مبرر لاى شىء غلط
على كده بقى اللى بيقتل
نقول اصلى القاتل كان عايز يموت علشان كده ريحته
لالالالالالالالالالا طبعا
المفروض الواحد يمشى بمبدا فى حياته ميغيرهوش مهما كانت الظروف
وميرسى جدا جدا لردك

[فيكتوريا]

هااااى المشكلة ان المعاكسات وصلت لاماكن راقية او المفروض انها محترمة زى الجامعة تخيلوا شباب الجامعة و المجتمع المفتوح فيها و برضه فى معاكسة

[ايساك]

عندك حق يا فكتوريا دا الدنيا بقيت وحشة اوى هههههههه
ربنا يرحمنا
سورى انا بهزر

[مريم ذكرى]

الموضوع حلو جدا بس فى حاجة مهمة إحنا مش واخدين بالنا منهاالمفروض على الشباب المسيحين إنهم يحموا إخواتهم البنات أنا معاكم إن فى بنات كتير لبسها مستفز جدا وأحيانا بيسببوا إحراج لأخوانهم من الشباب لما يجى حد من غير المسيحيين ويقول لشاب مسيحى شوف زميلتك عاملة إيه ولابسه إيه بس على الأقل لو مش هتقدر تحميها بلاش تكون واحد من اللى ممكن يضايقوها وياريت نكون أكثر صراحة مع نفسنا ونقول إن فى بنات كتير محترمة ومع ذلك برضوا بيتعاكسوا ياريت نفتكر كلام الأنجيل "من منكم بلا خطيه فليرمها أولا بحجر "كلنابنغلط إن منكانش فى اللبس أكيد فى حجات تانيه كتير بلاش نجرح مشاعر البنات لأن بجد مفيش بنت محترمة بتحب تتعاكس 000
أذكرونى فى صلواتكم

[الماكس مايكل]

حلو اوى الموضوع ده ومهم
انا رأيى
البنات غلطانين والولاد غلطانين
البت لما تنزل من البت بلبس مش لأق
حتى لو لبس محترم
بيتقا وعرفه ومتأكده انها هتتعكس
وفى بنات بتفرح بده
والولد بيقا دماغه فاضيه مش عارف يعمل ايه
طول مهو ماشى فى الشارع
بعكس فى دى ودى الوحشه والحلوه

فا العيب فى الشخص نفسه

وربنا يحفظ على ولاده وبناته

[adam pop]

أولا الموضوع جميل وفعلا يحتاج مناقشة
بس انا من رأى أن الواحد لما بيشوف حاجة جميله لازم على الأقل يقولها انتى جميله لكن أسلوب المعاكسات الرخم ده أنا مش بحبه
أنا لما بشوف واحدة زى القمر بقولها انتى زى القمر مافيش كسوف لأنها تستاهل انها يتقالها الكلمة دى
وده رأى الشخصى
تقبلى مرورى

[GIRGES]

بصراحة عايز اقول حاجة سبكم من المعاكسة ممكن الواحد يقعد يبص للنبات اللي في الشارع واللي في .... بس ده بصراحة غصب عنهم
لانهم مش عارفين يتجوزة لظروف الحياة او صعوبة الاختيار كده يعنى .

[the daughter of the king]

ميرسى جدا لردك ومرورك الجميل يا مريم فعلا ردك جميل جدا وعجبنى اوى

وميرسى اوى يا مايكل نورت الموضوع

[Hanyking]

يااااااااااااااه هى البنات لسه ببتعاكس لحد دلوقتى المعاكسة والكلام دة من الشباب موضة قدمت خلاص الجديد دلوقتى انى البنات هما اللى بيعكسوا الشباب والا ايهههههههههههههههههه؟؟؟

[the daughter of the king]

أولا الموضوع جميل وفعلا يحتاج مناقشة
بس انا من رأى أن الواحد لما بيشوف حاجة جميله لازم على الأقل يقولها انتى جميله لكن أسلوب المعاكسات الرخم ده أنا مش بحبه
أنا لما بشوف واحدة زى القمر بقولها انتى زى القمر مافيش كسوف لأنها تستاهل انها يتقالها الكلمة دى
وده رأى الشخصى
تقبلى مرورى

اولا ميرسى جدا لمرورك
نورت الموضوع
بس بصراحه مفهمتش ردك
يعنى لو شفت بنت جميله متقدرش تسكت يا سلالالالام

من غير متعرفها ولا اى حاجه كده لازم تقله انت حلوه وقمر طب استفدت ايه يعنى ؟؟؟؟؟؟؟؟؟؟؟؟؟؟؟؟
ولا هى كانت مستنيه تقلها كده !!!!!!!!!!!!!!!!!!!!!!!!!!!!!!!

اعتقد انه لا يليق ابدا
سورى لو كان ردى ضايقك بس مش فاهماه خالص

[the daughter of the king]

يااااااااااااااه هى البنات لسه ببتعاكس لحد دلوقتى المعاكسة والكلام دة من الشباب موضة قدمت خلاص الجديد دلوقتى انى البنات هما اللى بيعكسوا الشباب والا ايهههههههههههههههههه؟؟؟


ههههههههههههه
ايه الرد التحفه ده
يا سلام
انت مكنتش تعرف ولا ايه
لا لسه شوفت الزمن وحش


مين بيعاكس مين بس هو بصراحه بصراحه عندك حق لانى انا كمان بقيت اشوف كده للاسف
:em2900::em2900::em2900:

بس هى طبعا مهما عملت مبتوصلش لحضراتكم
وبصراحه بصراحه انتم كمان مبتصدقوا

بس فى الاول والاخر كله بيعاكس فى كله وكله بيقول مش انا السبب انا ماللى
ربنا يرحمنا
ويحافظ علينا كلنا


ميرسى لردك

[Hanyking]

وشهد شاهدا من اهلها

[Hanyking]

[quote=the daughter of the king;377399]
المعاكسات كمان بتفرق حسب طبيعة المكان بحكم البيئة والتركيبة الاجتماعية يعني
ممكن تلاحظ أنه في الأماكن الشعبية يعاكس الشباب البنات ب " بس بس انت يا " أو "
بصراحة أحلى واحدة اللي لابسه جزمة حمرا" وهكذا .
وممكن نلاقي في الأماكن الهاي شوية من ناحية الفلوس يعني مش من ناحية السلوك ..
البنت بتتعاكس بكلام مباشر أو يتريقوا على ملبسها وممكن كمان ينزل الشاب من عربيته
ويمشي بجانب البنت ويفتح أي حوار وكأنه فعلا عارف البنت .
أو يقول رقم موبايله بصوت عال أو يحاول يفهمها أنه مش بيعاكس ويسأل على عنوان
معين وكلها حجج مصطنعة لمحاولة مضايقة البنات وخلاص .. طبعا دلوقتي كمان ممكن
تلاقي رسالة إعجاب على الموبايل أو رسالة تهديد وطبعا مرسلة من على النت علشان ما
نعرفش مين اللي باعت . . أو تصور البنات وهما قاعدين في كافيه من الموبايلات وطبعا
يتباهى البيه إنهن صحباته والأنتيم كمان

هههههههههههههه ليا سوال صغير عرفتى منين كل الطرق بتاعة المعاكسة دى؟؟؟ دة انا نفسى معرفش منها ولا طريقة انتى كدا على فكرة عرفتى الشباب طرق ووسائل جديدة للمعاكسة بجد ربنا يباركك ويحفظكك ويساعدك زى ما ساعدتينا

[the daughter of the king]

هههههههههههههههههه
ضحكتنى وانا مليش نفس اضحك
يا بنى فى ولد فى مصر ميعرفش احدث الطرق للمعاكسه
انت المره دى وسعت منك
اوىىىىىىىىىىىىىىى

وعموما ابقى قدر الجمايل بقى

ههههههههههههههههههههههههه هههههه

يا لهوىىىىىىىىىىىىى
انت طلعتنا من المشكله الاساسيه
اقول ايه بس حسب الله ونعم الوكيل فيك

يا .............................

على فكره انا بهذر علشان مش تزعل اوك

وعموما انا مشهدتش على حاجه يا عم ا نت متخليش الناس اللى هنا تاكلنى

بغض النظر بقى عن كل حاجه الواحد بيقول الحقيقه واللى شايفه فعلا علشان نعالجه مش نقول لا محصلش ومفيش لا هو فعلا فى

بس ياريت كل حد اذا كان بنت ولا ولد يشوف هو بيعمل ايه ويلبس ايه وبيكلم ازاى ومع مين حاجات كتير اوىىىىىىىى
محدش بيراعيها ................................


وشكرا كتير

[Hanyking]

فعلا انتى فى دى عندك حق لازم الواحد يراعى ربنا فى تصرفاته والكلام دة موجه للشباب والبنات يعنى بتحصل قدامى مواقف بتخلى الواحد بجد يخاااااااف اصلا ينزل الشارع من كام يوم مثلا كانوا كام بنت واقفين على ناصية الشارع بتاعنا وولد برايى ملهوش اى زنب كل زنبه انه رايح شغله فى امان الله عايز اقولك مسكوه معاكسة لغاية ما وصل الشغل بجد صعب عليا راعوا ربناااااااا بقااااااااا حرام عليكم

[اس اسامة عوض]

المفروض انى انا ولد
امشى فى حالى
مش لى دعوة با البنات هما لبسين اية
ولا شكلهم اية
خليك فى حالك احسن

[soso-simsim]

موضوع جميل اوى

[بنت يسوع]

ميرسى كتييييييييير على الموضوع الجميل ده
وفعلا المعاكسات بقت ظاهرة غريبة
وبقت موجودة فى كل مكان
بجد حاجة رخمة اووى
انت البنت تكون ماشية فى امان الله
تلاقى بقى كل واحد يرمى
عليها كلمة
حتى لو لابسة
لبس واسع جدا ومبهدل
المهم انهم يقولوا اى حاجة
ويبانوا قدام الناس
انهم رجالة
وبيعرفوا يعاكسوا يعنى

[ادروسيس]

ربنا يرحم اولادة
ميرسى لكى

[emmmy]

بصوا البنات فى كل الاحوال بتتعاكس اصحاب النقاب بيتعاكسوا
صدقونى بامانة بشوف شباب يمشوا قدامهم ويقولهم عووووووووو
ههههههههههههههه
مش بس اللى بيلبسوا لبس ملفت او مش محتشم
ومدام كدة يبقى مفيش داعى لحرقة الدم وسيبوهم اعتبروهم شباب فاضى
والبنت تمشى فى حالها وملهاش دعوة بحد وتعمل نفسها مش سامعة ولا شايفة حاجة خالص ولعلمكم دى اكتر حاجة تضايق الشاب انكم متعبروهمشى خالص ------------ الا اذا كان فى احتكاك هنا يبقى فيها كلام تانى خالص لازم تدافع عن نفسها وتهزئة
الرب معك

[البوب الجديد]

http://egypty.com/pepper/images/sidebar.jpg



هما الى بيتصورةووا بارادتههم اهو وخدو هنا انتوا عددكم بيكتر لية مش عايزين هنا فى المنتدى غير اتنين 3 كفايا اوى
وخفوا علينا شوية بدل ما اوريكم الويل وسواد الليل واخليكم تعملوا عجين الفلاحة

[marian magde]

:em0400:صدقينى فعلا موضوع حلو ورايك احلى وكلامك جميل بس انا بقيت اهرب من الكلام دة بانى مش بنزل غير بعربية ودة طبعا مش هروب بالبلعكش احيانا الى بيخنق عليك بالعربية بس هية احسن وفى نفس الوقت اخطر بس هنعمل اية ربنا يستر علينا

[يانا بتحب يسوع]

الموضوع حلو اوووووووووووووى لكن هقول حاجه احنا كبنات خدام وبنعلمها للمخدوميين بنعملها دايما قبل نزولنا من بيوتنا كل واحده فينا بتاخد شفيعها معاها غير وجود الله طبعا يعنى انا مثلا باخد مارى جرجس
وانا نازله بكلمه عادى اكنه حد من اخواتى بقول كده وانا ماشيه يلا يا بطل معايا او معلش يا مارى جرجس المشوار طويل انهادره وكلام تانى كتير
مجتمعنا عمره ما هيبطل معاكسه لكن بناتنا تقدر بقوه الله وسلطانه تحمى نفسها من المعاكسات

[نادر شحاته]

ارجو من اخواتى فى المسيح سواء السباب او الشابات ان لا ينسوا انهم هيكل الله ولا ننساق مع ابناء العالم فنحن ملح الارض الذى بدونه الارض تنتهى ولذلك فلا يجب ان نجارى اولاد العالم

[MOHTAHA]

الفراغ وانتشار القنوات والمواقع اللي خارجه عن عاداتنا الاصيله وضعف التربيه والتوجيه وعدم وجود رادع او وازع من الاخلاق والقيم في نفس الشخص- من اسباب انتشار المعاكسات -اسأل الله ان يصلح احوال شبابنا

[الجوهرة الثمينة]

هو اصلا فيه بنات لما بتخرج ومبتتعاكسي بتبقي زعلانة وفي بنات هي اللي بتعاكس الولاد
وفي بنات لبسها مستفز حتي احنا كبنات واحنا ماشيين في الشارع بيلفتوا النظر
ولكن في ولاد مش كويسين خااااااااااااااااالص
وبالذات في الاماكن العامة والزحمة بيستغلوا دة
وعايزة اقول حاجة ان لو الولد جواة مخافة ربنا عمره ما هيفكر يعمل كدة

[the daughter of the king]

بجد ارائكم كلكم جميله
وبجد بجد المفروض اللى يحصل يعنى انه مفيهاش حاجه لو كل شاب مشى فى حاله وملوش دعوه البنت لابسه ايه ولا مش لابسه ايه
اكيد هى من نفسها هتتغير تير حتى لو متتغيرتش وحتى لو متغيرتش اعتقد دى مش مشكله اى شاب
وميرسى كتير لكل اللى رد وسامحونى بجد لانى مش بدخل كتير

بس لى تعليق
على البوب الجديد صغيور بس
مش عايزين هنا فى المنتدى غير اتنين 3 كفايا اوى
وخفوا علينا شوية بدل ما اوريكم الويل وسواد الليل واخليكم تعملوا عجين الفلاحة
يابنى انتم متقدروش تعيشوا من غيرنا فى اى مكان
حتى فى المنتدى
وبعدين جاى على نفسك كده ليه اتنين تلاته ليه خليها مفيش خالص
وابقى قابلنى لو حد عبرك برد واحد من الاولاد
وعلى فكره ولا تقدر تعمل حاجه
وبرده مردتش انت رايك ايه فى الموضوع وجهه نظرك الشخصيه ؟

[mina asd]

موضوع جميل اوي بس الشباب بيعاكسوا البنات ليه كل واحد يخليه في حاله

[potta]

علي فكره مش هذار ولا حاجة موضوع انه فيه بنات بتحب تتعاكس
انا شغال مهندس مدني في شركة اوراسكم في مركز القلب للدكتور مجدي يعقوب في اسوان وورشة الحداده بتاعة الموقع قدام سكن الممرضات بالضبط وفي مره اتصل مدير المستشفي وقال انه الحدادين بيعاكسو الممرضات لكن الصراحة انه واحده فيهم ماشية وكانوا مشغولين راحه ناحيتهم وقالتلهم ليه محدش سامع صوتكم انهارده
كمان موضوع البنات الي بيعاكسوا الولاد وانا جربت الموضوع دا بنفسي ايضا موجود
يعني هو في من هنا ومن هنا
انا عارف انه من الولاد اكتر بس دي بيبقي نقص في الشخصية او ضعف في الثقة بالنفس
ربنا يرحمنا ويحافظ عليكم كلكم

[milad mouner]

انا معاكي فعلا يا بنت الملك انه عيب معاكسة بس كل دة من تقاليد بلدنا هي اللي مخليه انه لا يوجد تفاعل اخوي بين الاولاد و البنات و شكرا على الموضوع الجميل دة

[dodo2012]

بجد السباب دلوقتي بقو زيادة قوي ممكن بقي لو نزلتي حتة واحد يبقي هيخبطك بالعربية علشان يقول كلمة وانتي بردة غصب عنك تمشي من غير ولا كلمة نفسيييييييي اعرف بيستفادو ايه وبعدين البنت لبسها مش عجبك بصيت اصلا ليه علشان تعاين اذا كان اللبس حلو و وحش خلي عينك الاول بسيطة

[نادر شحاته]

الحقيقه ان المجتمع فعلا اصبح منحل جدا فهناك بعض البنات ترتدى لبس صعب قوى
ايضا لا يوجد اخلاق او نعيش التدين الظاهرى فقط
ربنا يرحم

[elphilasouf]

بجد السباب دلوقتي بقو زيادة قوي ممكن بقي لو نزلتي حتة واحد يبقي هيخبطك بالعربية علشان يقول كلمة وانتي بردة غصب عنك تمشي من غير ولا كلمة نفسيييييييي اعرف بيستفادو ايه وبعدين البنت لبسها مش عجبك بصيت اصلا ليه علشان تعاين اذا كان اللبس حلو و وحش خلي عينك الاول بسيطة

هههههههههههه
صحيح عندك حق
ايه الى خلاه يبص من الاول بيعايين !!


شكرا للموضوع :)

[ramiad]

الحقيقة معاكسة البنات حاجة حلوة قوي وحتى البنات بحبوها بتشوف البنات لابسة قصير وخصر وصدر مكشوف وبتتغندر بالشارع وتوزع ابتسامات يمين وشمال ويجوا الكنيسة بالشكل ده عشان يقولوا للشباب وينكم ياحلوين انا مستنياك ياحلو

[dody2011]

يعني دلوقتي الغلط بقي علي البنات طيب وانت من الاساس تبص لية وان بصيت لازم تتسحب من لسانك وتعلق خلاص بص ومش لازم تتكلم ثم الولاد الي بيتكلموا معندهم اخواتهم بنات وبردوا بيتعاكسوا بره اي في طيب في بلاد بره بيلبسوا اكتر من هنا بمليون مره ومع ذلك مفيش معاكسه لكن هنا ربنا كتر من القهاوي والشباب العاطل ينزل من بيتوا علي القهوه ويشتغل معاكسه في بنات الناس هيا المعاكسه هتجبلك فلوس روح دورلك علي شغل احسن . وميرسي علي الموضوع الجميل

[the daughter of the king]

انا فعلا بقيت حاسه انه المشكله هنا بقيت على البنت ولابسه ايه وهى اللى تستاهل اللى يجرها
يا جماعه انا فاتحه الموضوع ده علشان الشبابا
كلكم عارفين وبل متاكيدين
ان الشبابا بجد بقىوا مستفزين لاعلى مستوىىىىىى
وانا هنا مش بوجهه للبنت تلبس ايه ولا متلبس ايه
انا بوجهه لشاب بس
انت مالك ومالها هتستفاد ايه انك تضايقها بكلامك ونظراتك المستفذه وكمان ممكن تخليها تعيط من اللى بيحصلها مهما كان اسلوبها او طريقتها وانا مش بقول على البنات اللى بيجبوا لنفسها
لا انا بكلم على المعاكسه عموما
ليييييييييييييييييييييييي يييييييه ؟
انت بجد مش هتستفاد اى حاجه
غير انك تخلى حد يضايق بل ممكن يبكى من طريقه نظرتك او كلامك ليه
واعتقد مش دول ولاد ربنا انهم بياذوا حد معملهمش اى حاجه
ومش تجيب السبب انها هى اللى استفذتك كده انت بتبرر افعالك الغلط
بليز قبل متفكر تعاكس حد فكر ان البنت دى ممكن تكون اختك فعلا ياترى هتعمل فيها كده
لو مش عاجبك ياعم طريقه لبسها ده مس تبص خالص ولا كانك شايف حاجه
اعتقد ده الحد المحترم بجد
ملوش دعوه بحد
وبعدين هى مضرتكش فى حاجه دى طريقتها واسلوبها
بلاش ياجامعه تجيبوا الغلط على البنات بس وانتوا عارفين كويس ومتاكدين انها ملهاش زنب فى حاجه
وثانكس بجد لردودكم

[potta]

بصوا يا جماعا طبعا الشباب غلطان انه يتكلم او يبص اصلا
لكن الكتاب بيقول ويلا لمن تاتي منه العثرات
ابونا مكاري يونان في عظه من العظات جات سيره الجيبات التي بها فتحات كان بيقول الفتحة دي مبينة من جسمك حتة مبيناها لمين وليه لو عرفتي تردي عي السؤال دا افتحي الجيبة ان شاء الله تبيني جسمك كلة

[the daughter of the king]

جميل كلامك ده يا
potta
بس ممكن اعرف انا كمان
ايه وجهه الاستفاده من انه ولد يعاكس بنت فى الشارع
بكل انواع المعاكسات
بغض النظر بقى هى لابسه ايه او عامله ايه فى نفسيها
وثانكس لردك

[potta]

لا انا اول كلامي غلطت الولاد لان المعاكسات دي انتهاك لحقوق البنت وارادتها في لبسها فهي في الاول والاخر لها حرية الملبس
لكن انا عارف انه بجد في بنات مش بس بتحب المعاكسات لكنها بتبقي عاوزاها ومنتظراها جدا ولو الولد معاكسهاش ممكن هي وماشية الي تبدا برمي الكلام وان اعتبرنا مش دول البنات الي انتي قصدك عليهم لكنهم موجودين

اخر حاجة انا مصر انه زي ما الولد بيتدخل في حرية البنت بمعاكساتة هي كمان بتدخل في حرية نظرة وبتحجب عليه بقولة ميبصش طاب انتي ليه تحكمي عليه فين يبص وفين ميوجهش نظره خوفا من ان نظرة يتجرح بلبسك

[the daughter of the king]

لا انا اول كلامي غلطت الولاد لان المعاكسات دي انتهاك لحقوق البنت وارادتها في لبسها فهي في الاول والاخر لها حرية الملبس

الحمد لله ودى النقطه اللى نفس كل الناس تعرفها
دى حريه شخصيه انت ملكش الحق انك تحكم على بنت تلبس ايه او متلبس ايه
انت بس تحكم على نفسك تبص فين ومتبصش فين تقول ايه ومتقلش تجرح ولا متجرحش خالص
يعنى من الاخر تسيطر على نفسك وتتحكم فى شخصيتك انت مش اللى قدامك

لكن انا عارف انه بجد في بنات مش بس بتحب المعاكسات لكنها بتبقي عاوزاها ومنتظراها جدا ولو الولد معاكسهاش ممكن هي وماشية الي تبدا برمي الكلام وان اعتبرنا مش دول البنات الي انتي قصدك عليهم لكنهم موجودين


اوك واكون معاك لارخ انا معاك فعلا ودى محدش يقدر يقول عليها لا
ويل لمن تاتى بواسطته المعثره
وانه فعلا غلط جامد على البنت وانا مبنكرش ده وقلت ده كذا مره
انه حرام على اى بنت انها تكون السبب فى عثره اى ولد

لكن اللى انا بوجهه فى الموضوع ده

ان عثرتك عينك فاقلعها خيرا لك ان تدخل ملكوت السموات بعين واحده بدل من ان يلقى جسدك كله فى حهنم
يعنى انت بلا عزر ايها الانسان

اللى عايز يبص هو اللى بيبص

انت عندك حق بس كل شاب عنده عقل مفيش بنت بتجبره على اى حاجه

يعنى لو قالتك تعالى ارميى نفسك فى البحر هتسمع كلامها
ولا احطك قدام قطر ومن الواضح كمان ان الاولاد الشرقين بيسمعوا كلام البنات اوىىىىىىىى
هى بتقوله على حاجه لازم يسمعها
ده مش مبرر ابدا !!!!!!!!!!!!!




اخر حاجة انا مصر انه زي ما الولد بيتدخل في حرية البنت بمعاكساتة هي كمان بتدخل في حرية نظرة وبتحجب عليه بقولة ميبصش طاب انتي ليه تحكمي عليه فين يبص وفين ميوجهش نظره خوفا من ان نظرة يتجرح بلبسك

ينهار ابيض
ايه الكلام اللى فى الاخر ده
ناقص تقولى كمان العين بالعين والسن بالسن او ده معناه فعلا
ده مش ينفع
واحنا ولاد ربنا
مينفعش نقول ولانعمل الكلام ده
افتكر دايما انهم اخواتك ياترى اختك لو جرحتك فعلا زى مبتقول هتجرحها انت كمان
طبعا لااااااا
وشكرا كتير لردك
وربنا يحافظ على ولاد وبناته يارب من كل شر

[potta]

لا يا بنت الملك انتي فهمتيني غلط انا مش بقول العين بالعين ومش بقول اننا نعمل كدا لان البنات بيعملوا كدا انا بقول علي الوحش هنا وهنا

كمان مفيش حاجة بعد اذنك اسمها الولاد الشرقيين لان فعلا في ولاد شخصيتهم ضعيفة وفي ولاد محترمين جدا وشخصيتهم قوية جدا ونفس الكلام في البنات دي من الاخر علي حسب الانسان نفسة

[the daughter of the king]

تماااااااااااااااااااام على حسب الانسان نفسه
يعنى اللى عايز يعاكس محدش بيجبره على حاجه
فى ولاد محترمين كتير بيبقى شايف البنت بجد لابسه لبس فظييييييييييييييييييييع
بس هو مستحيل يعلق اخره بيبص فى الارض بعدها يمكن بيضايق اه من جواه
بس مش بيعلق ملوش دعوه
هو ده اللى الواحد نفسه يشوفه هنا
مش نخاف نمشى فى الشارع فى بلدنا فى مكان بتاعنا
علشان اللى بيحصل
وطبعا الواحد ياما بيحلم بحاجات وهو عارف ميه فى الميه انه مش هيلاقيها
بس اهو بنحاول وخلاص
ربنا يرحمنااااااا

[ramiad]

انا فعلا بقيت حاسه انه المشكله هنا بقيت على البنت ولابسه ايه وهى اللى تستاهل اللى يجرها
يا جماعه انا فاتحه الموضوع ده علشان الشبابا
كلكم عارفين وبل متاكيدين
ان الشبابا بجد بقىوا مستفزين لاعلى مستوىىىىىى
وانا هنا مش بوجهه للبنت تلبس ايه ولا متلبس ايه
انا بوجهه لشاب بس
انت مالك ومالها هتستفاد ايه انك تضايقها بكلامك ونظراتك المستفذه وكمان ممكن تخليها تعيط من اللى بيحصلها مهما كان اسلوبها او طريقتها وانا مش بقول على البنات اللى بيجبوا لنفسها
لا انا بكلم على المعاكسه عموما
ليييييييييييييييييييييييي يييييييه ؟
انت بجد مش هتستفاد اى حاجه
غير انك تخلى حد يضايق بل ممكن يبكى من طريقه نظرتك او كلامك ليه
واعتقد مش دول ولاد ربنا انهم بياذوا حد معملهمش اى حاجه
ومش تجيب السبب انها هى اللى استفذتك كده انت بتبرر افعالك الغلط
بليز قبل متفكر تعاكس حد فكر ان البنت دى ممكن تكون اختك فعلا ياترى هتعمل فيها كده
لو مش عاجبك ياعم طريقه لبسها ده مس تبص خالص ولا كانك شايف حاجه
اعتقد ده الحد المحترم بجد
ملوش دعوه بحد
وبعدين هى مضرتكش فى حاجه دى طريقتها واسلوبها
بلاش ياجامعه تجيبوا الغلط على البنات بس وانتوا عارفين كويس ومتاكدين انها ملهاش زنب فى حاجه
وثانكس بجد لردودكم


يعني انتي بتفهمي انو المعاكسة هي رمي كلمتين في الهوا ، إذا كان ده فهمك تبقي غلطانة لأنو نحنا الشياب نبدا بالمعاكسة للبنات ونختار اللي تستاهل المعاكسة وتتفاعل معاها بس الهدف دايما انو لما ترد علينا واحدة منهم يبدى الكلام والكلام يتطور لمشاوير، وبعدين بيصير عندي صاحبة وبعدين الصاحبة بتصير عشيقة وبعدين .....
وتقوليلي ده ما يجوز اقولك انتي غلطانه لأنو هادا هوه الصح فالشاب يحتاج لبنت وهذه غريزة ، وإذا ما قدرش على الجواز فالصح يلاقي مين تشاركو حباتو من دون جواز وده مش عيب ولا حرام فيسوع محبة

[the daughter of the king]

يعني انتي بتفهمي انو المعاكسة هي رمي كلمتين في الهوا ،
انا بفهم انه المعاكسه نظره مش كويسه كلام مش محترم وفى احيانا بعض الشباب اللى بيعملو اكتر من كده فانا بكلم على كل انواع المعاكسات ولو قريت الموضوع فى الاول هتفهم ده
وعموما على افتراض كلامك يعنى من رايك معنى كده انه كلمتين ده فى الهوا حاجه عاديه جدا ومحترمه جدا !!!!!!!!!!!!! ؟؟؟؟؟؟؟؟؟؟؟؟؟؟؟؟؟؟؟؟؟


إذا كان ده فهمك تبقي غلطانة لأنو نحنا الشياب نبدا بالمعاكسة للبنات ونختار اللي تستاهل المعاكسة(حلوه اللى تستاهل المعاكسه دى لا شباب بتفهم صح وعلى اى اساسا بقى ان شاء الله !!!!!!!!!!!؟؟؟؟؟؟؟؟؟؟؟؟؟ لا واضح انكم بتنظورا نظره بريئه خالص )

وتتفاعل معاها بس الهدف دايما انو لما ترد علينا واحدة منهم يبدى الكلام والكلام يتطور لمشاوير، وبعدين بيصير عندي صاحبة وبعدين الصاحبة بتصير عشيقة وبعدين .....
(وبعدين ايه ايه الكلام ده يعنى ايه تتفاعل معاهم هو فى شاب محترم بيعاكس واحده من الشارع بيفكر انه يروح معاها مشاوير وكل الكلام اللى بتقول عليه ده
لا بصراحه دماغكم جميله خالص ومحترمه جدا فى نفس الوقت انا بصراحه مش عارف ارد ازاى من الكلام
بس مع احترمى لحضرتك جدا ووجهه نظرك انه عمره مفى بنت محترمه هتروح مشاوير ولا تعمل اللى الحاجت دى مع حد عاكسها فى الشارع ومش معنى انها ردت عليه
انها عايزه تكمل القصه اللى بتقول عليها لا ده معناها انه مش عاجبها اللى بيحصل ودى قله ادب لازم يترد عليها ودى اسمها جراءه
وتقوليلي ده ما يجوز اقولك انتي غلطانه لأنو هادا هوه الصح فالشاب يحتاج لبنت وهذه غريزة ، وإذا ما قدرش على الجواز فالصح يلاقي مين تشاركو حباتو من دون جواز وده مش عيب ولا حرام فيسوع محبة

لا بجد اخر كلام ده مش مستواعباه خالص
يعنى ايه بقى لو مقدرش على الجواز هيلاقى مين تشاركو حياتو من غير جواز (من المعاكسه اللى فى الشارع !!!!!!!!!؟؟؟؟؟؟؟؟؟؟)
وده بقى تسميه ايه حضرتك
لامشاركه جميله فعلا محترمه مهذبه بكل معانى الحب
بس ده عند حضرتك لو كنت فعلا مقتنع بالكلام ده مش عند رب ا المجد يسوع المسيح اله المحبه
واعتزر اولا لو كان كلامى دى هيزعلك
بس اللى انا اعرفه واللى بابا يسوع قالهولنا
والللى نعرفه من كنسيتنا
انه عمر دى مكان اسمها محبه
وكلمه محبه دى اظاهر انك متعرفش معناها كويس
دى ممكن تسميها استهبال فاستعباط اتنين بيستهبلوا على بعض وبيحبوا يلعبوا على بعض شويه ويهدورا مشاعر بعض واحاسيس بعض اللى مش من حقهم انهم يضيعوا فى اى هبل ده على افتراض انهى ممكن توافق اساسا وانا شايفه انه ده من المستحيل اساسا

ده اسمه اسلوب شهوانى وحد عنده نقص فى شخصيته ومش يعرف يعنى ايه محبه اساسا ولا يعرف معنى الحب والارتباط
واخيرا برضو مش ولاد ربنا اللى يعملوا كده

وهقول تانى
انت بلا عذر ايها الانسان
ان عثرتك عينك فاقلعها خير لك ان تدخل ملكوت السموات بعين واحده بدل من ان تذهب جهنم
انا كانت عينك بسيطه فجسدك كله يكون نيرا وانا كانت عينك شريره فجسدك كله يكون مظلما


اما فكرتك عن المحبه دى فمحتاجه موضوع لوحده

وميرسى جدا لمشاركتك اللى اثارت مواضيع تانيه كتير محتاجه لمناقشه فعلا