اسئله ملهاش حــــــــــل

[rose]

سلام ونعمة فى سؤال وملهوش حل هو لية محدش بيحس بينا فى الزمن دة ؟ لية كل واحد بيدور على مصلحتة وبس ؟ لية العالم دلوقتى مفيهوش امان دايما حاسين بوحدة وقلق ومفيش حد بيشاركنا تعبانا وحمولنا مفيش حد ممكن انو يهون او يقف جنبك فى وسط الامك من البشر ؟ ممكن نكون بنصلى وبنقرا فى الانجيل لاكن فى احساس ان يسوع مش معانا لية دايما احنا غلط والباقى صح ؟

[Team Work®]

انا نفسي اعرف الاجباة بتاع السؤال دة بجد انا مش عارف الاجابة اية وبسال نفس السؤال

[Narmar]

شكرا يا روز على الموضوع
بس الفكر ده معلش يعنى فكر شرير من الشيطان
فكر عنفوانى من أبليس فكر حرب منه
انك ضعيفه و غلط و مفيش احساس بربنا و كل ده فكر شر
كل الحكايه بسيطه وقت ما يجيلك الفكر ده تانى أهزمية بربنا
بطرق كتيييييييير اووووووى
مثلا لو حسيتى بالفشل او وقعتى او انك غلط
ثفى فى ربنا و قولى لا تشمتى بى يا عدوتى فأن سقت أقوم
الصديق يقع 7 مرات فى اليوم و يقوم
ثقى فى ربنا انه هو حاسس بيكى و بيمدلك ايدة بس انتى الى مش شايفاها حسه انه مش باصصلك اصلا كل ده بسبب جدار عازظ بينك و بينه دورى على الجدار ده الحياه مش بس انك تقرى فى الكتاب و تصلى و تصومى لا
فى حاجه أهم من كل ده الايمان و معنى الايمان هو الثقه
اللص اليميين ملك الفردوس فى آخر لحظه فى حياته بسبب إيمانه بيسوع المسيح أنه معاه و هيبرأة و يسامحه اهم حاجة زى ما قلتلك الايمان بعد كده الحرب شديده جدا علينا كل زمن و فيه صليبه الى لازم نشيله كان زمان الالام والتعزيب و الشهداء لكن دلوقتى الحرب دى أعتقد انها صعبه حبتين تلاته الحرب الفكرية الخداعه الحديثه لازم نقاوم كل حاجة من الحروب دى و نشكر ربنا و نسألة هو هيدين القوةن مش احنا الى بنديها لنفسنها معلش طولت عليكى ويارب تكونى فهمتى قصدى : (
شكرا ليكى يا روز مرة تانى و ربنا يساعدك . آمين .

[اللة يرعانى]

سوال حلو اوىىىىىىى وساعات بحس انى ربنا نسينى وكل حاجة بحتاجها بيحصل عكسها شكرا ليكى

[كاترين]

الله الله الله الله

اجابتك جمييييييييييييله قووووووووووى يا نارمر

بجد برافو عليك

وكمان فيه مزمور مش فاكره رقم كام جميييييييييل قووووووووووى

اسمه "" الى متى يارب تنسانى ......""

[ماريان]

الله سؤال حلو ورد علية نارمر رد جميل
وهو سؤال فى دمغنا كلنا روز
بس ان كان محدش بيحس بينا فتاكدة ان فى رب بيحبك اوى وحاسس بكل
الم وكل جرح جوة فى قالبك
ولية كل واحد بيدور على مصلحتة دة بسبب خطية الطمع الى الكتاب قال عنها تحرظوا من الطمع
وكمان بسب ان موصلناس لمحبة الى قال عليها ربنا احبوا بعضكم بعض
فاااااا الى بيدور على مصلحتو على حساب الناس دة بينقض وصايا المسيح والعكس طبعا مع المسيح ولكى الاختيار
وبالنسبة لية العالم مفهوش امان مش هقول حاجة اكتر من الاجزاء دى
(تاملت عن اليمين وابصرت فلم يكن من يعرفنى ضاع المهرب منى وليس من يسال عن نفسى
فصرخت اليك يارب وقلت انت هو رجائى وحظى فى ارض الاحياء)
(ابى وامى قد تركانى واما الرب فقبلنى )
ان نسيت الام رضعها انا لا انساكم)
وقداسة البابا قال اما تحس انك بدات تقلق فى استجابة ربنا ليك قول زى دود
اسرع يارب الى معونى
حتى داود جية علية وقت بقى يقول الى متى يارب تنسانى كل النسيان
سورى انى طولت عليكى بس سؤالك عجبنى
ميرسى

[ensan]

شكرا للسوال الحلو ده
و الاجابات الجميله المفيده كتير
ربنا يبارك حياتكم
اعتقد انى احنا لازم نفتكر الايه اللى بتقول
سيكون لكم فى العالم ضيق لكن ثقوا انا قد غلبت العالم
احنا بنحس بالجزء الاول وبننسى الجزء التانى
مجرد راى

[هدى]

اهلا روز احب اقول لك ان يسوع بيحبك وحساس بيكى اكتر ماى انسان فى الدنيالانة فداكى بدمة ودة اعظم حب وفى ابديات كتير زى مبارك الرب لانة سمع صوت تضرعى الرب عزى وترسى علية اتكل قلبى فانتصرت ويبتهج قلبى وباغنيتى احمدة مز 7 هدى

[مرموره]

سؤال رائع يا روز
و الاجابات الصراحه انا مقدرش اقول اكتر من كده بس هقولك حاجه

مفيش حد محسش الاحساس ده
بس كل ماتحسى الاحساس ده هقولك حاجه حاجه يمكن تنفعك

هاتى ورقه وقلم
واكتبى كاااااااااام شخ بيحبك فى الدنيا ديه و اكتبى فى اولهم ربنا
و الى بيحبك بيحس بيكى
بس ممكن متخديش بالك منه
ربنا احنا مش شيفينه قدمنا زى اى حد
بس حسين بحبنا ليه
فكرى كام مره نجدك من حاجه
كام مره حساتى انه معاكى فى مشكله
معنى انه نجدك و كان معاكى ياعنى كان حاسس بيكى صح

شوفى بقى غير ربنا فى كام حد بيحبك بصى للى حوليكى كويس هتلاقى ناس كتتتتتتتتتتير من ضمنهم اهلك ميقدروش يشفوكى حتى مضيقه و لا دمعه نزل من عنيكى

معلش طولت شويه
و ميرسى ليكى يا روز على السؤال ده :)

[مكاريوس]

سوال حلو اوى بس صدقينى لو فكرتى صح هتلاقى انة ما فيش حد بيفكر كدة الا لو بعدتى عن ربنا لكن لو قربنا من ربنا صدقينى مش هيجى على فكرك الاسئلة دى وبعد كدة لو كنتى وقعتى فى تجرة فدى حاجة كويسة لانة ربنا بيشوفلك الصالح وبيعملة وشكرا ليكى بجد روز على الموضوع دة

[nrmo]

فعلا سؤال جميل اوى وطبعا الاجابات كلها جميله وفعلا احنا بنقول دايما ان مفيش حد بيبقى معانا وبيشاركنا لما بنكون مضايقين لكن ثقى مادام فى قلبك ربنا ومادام انك معاه ومش بتسبيه اى حاجه صعبه واى مشكله بتتحل
ميرسى ليكى جدا على الموضوع

[bishoy]

اختى روز
مرة كنت فى اجتماع وبعديه وقفت مع شخص قالى انا مش لاقى اصحاب فى الأجتماع ده وماحدش بيسال على وبعدين وقفت مع الشخص اللى جنبه لقيته بيقول نفس الكلام انه مش لاقى اصحاب وماحدش بيسال عليه استغربت قوى لانهم كل اسبوع بيجيوا ويقعدوا جنب بعض ويمشوا زى مارجعوا ........ فهمتى عاوز اقول ايه كلنا بندور على حد يحس بينا وكلنا قاعدين جنب بعض وكل واحد بيئن جوه نفسه ويمكن يكون اخويا قاعد جنبى هو كمان مستنى حد يسال عليه زى ماهو واضح من الأجابات
طبعا اللى بتساليه ده مش فكر شيطان ولا حاجه ده احتياج انسانى ويمكن كتير مش بنحس بربنا لاننا كنا المفروض نشوفه فى بعض وفى اباء وخدام الكنيسه لانه هو قال كده انه هو هايصعد ويسيب تلاميذه مكانه
مش عاوز اطول عاوز اقولك بس شويه حاجات
قولى لربنا انك محتاجه تحس بيه وانك محتاجه ناس تحس بيكى
جربى فى الناس اللى حواليكى القريبين منك وماتتكسفيش انك تقولى انا محتاجه حد جنبى لاننا فى الأخر كلنا اخوات وكلنا ضعفاء زى بعض (بس حاولى تختارى ناس تثقى فيهم) يمكن تلاقى حواليكى ناس محتاجه كتير
وحاجه اخيرة تخيلى ان الناس اللى حواليكى هما كمان تعبانين زيك ومستنين يشوف ربنا فيكى ومستنين انك تهتمى بيهم وتسالى عليهم جربى تقدمى اللى ناقصك للناس لانك عندك كتير وساعات ربنا بيخلينا نحس بالوحدة والضعف والعجز علشان نفهم مشاعر واحاسيس الناس اللى حوالينا
جربى تقدمى وصدقينى انتى عندك يسوع فى قلبك قدميه ببساطه للى حواليك هاتشوفيه فيهم
ربنا يفرح قلبك الجميل

[posycat]

سؤال جميل بس عايزة اقولك ان ربنا مش ممكن ينسى اولادة ابدا وهو كمان يوعد ويقول ان نسيت الام رضعها انا لا انساكم ربنا واقف على باب قلوبنا يقرع بس احنا من اجل قساوة قلوبنا وغلاظتها وعنينا اللى مشيا تبص على كل شىء وتشتهى كل شىء ولا تشبع من النظر مش ممكن نسمع صوتة وهو بيخبط وبيقولنا كمان ارجعو اليا ارجع اليكم بس استنى عايزة اقولك حاجة صغيرة شوفى يوسف واتاملى فى حياتة اد اية اتظلم حتى من اقرب الناس لية لكن كان عندة ثقة عجيبة بربنا وايمانة فية خلااة الرجل الثانى فى مصر يعنى بعد فرعون على طول خلى بالك اهم حاجة ثقتك فى خالقك ربنا يبعد عنك وعنا كلنا افكار ابليس امين الرب يباركك

[eng_melad]

انا بجد مش هاقدر اقول حاجة بعد الكلام والرد الحلو دة بس ممكن اقول حاجة بسيطة
احنا بالظبط زى الاطفال الصغار لما الولد يعمل حاجة غلط و والدة بيعاقبة بيحس ان مافيش حد فى الدنيا بيحبة
احنا كمان لما بنخطى ضد ربنا ممكن مش بيعاقبنا بس بنلاقى المسافة بينا بعدت اوى وبالتالى بنعيش فى حالة جفاء
بس لازم نثق ان الكتاب بيقول "ها انا اقرع على الباب"http://img128.imageshack.us/img128/158/e2l30191kd1.jpg
لازم تفتح قليك لية

[aymonded]

هو أنا عندي طلب صغنون
أننا نوجه اسؤال لأنفسنا
هل نحن حقاً أولاد الله ونراعي اننا حقيقي نكون إخوة أحباء للجميع ؟؟؟؟؟

[Narmar]

هو أنا عندي طلب صغنون
أننا نوجه اسؤال لأنفسنا
هل نحن حقاً أولاد الله ونراعي اننا حقيقي نكون إخوة أحباء للجميع ؟؟؟؟؟

حبيبى ايمون اولا واحشنى جدا جدا
ثانيا : سؤال جميل
بس كل الى احب اقوله
الى بيحب ربنا بجد من قلبة و لية علاقة قويه معاه و مع ربنا و بيحبة و بيقوم بتعاليمة هيراعى جدا انة مش هيخزل ابية
لكن لا اعتقد ان هذا موجود للاسف كثيرا فى الاونة الاخيرة
اشكرك لسؤالك
لكن السؤال الاهم و الاهم
كيف نكون فعلا اولاد الله و كيف نكون ملح الارض
كيف نكون نور العالم
كيف لا نكون الملح الفاسد
شكرا لك ايمون

[كراكيب]

هو ليه احنا دايما بنبقي قاسيين علي نفسنا يعني انا شايف ان الحمد لله الكنيسة بتعيش احلي ايامها
والحمد لله انا في ناس كتييييييييييير بيحبوني وبيقفوا جانبي لما بعوزهم
والناس مبتفكرش في نفسها ومصلحتها وبس ده كلام متحامل جدا الموضوع ممكن تكوني حسة بكده لكن دي حالة خاصة
ربنا موجود والخير موجود والحلوين موجودين
لكن برده الاشرار موجودين واوقا بيبقوا اكتر لكن ده مالوش علاقة بالمجتمع دلوقتي ولا العصر لان دي سمة كل عصر في الكويس وفي الوحش
وده كان موجود ايام وجود رب المجد علي ارضنا
وايام القديسين
وايام الاضطهاد
وايامنا

[misho]

روز الرقيقة؟ السؤال تحفة بس انا لى تعليق بسيط ربنا لاينسى اى حد بس ا حنا محتاجين ان كل يوم لازم نعمل معه عهد ووعد ان نكون معه ولا ننفصل عنه وهو قال من يمسكوا يمس حدقة عينى وشكرا