وانا ضد العالم :يشرفنى جدا انى شرقية متخلفة !!!

[asmicheal]

بصراحة فى هذا الموضوع

انا ضد العالم

يشرفنى جدا ان اكون شرقية
وساترك التسمية

لكم فى نهاية الحوار
الذى ارجو ان يكون فعلا حوار


ما هذة الموضة الجديدة
التى تقلد كل تفاهات الغرب وتترك احسن ما فية


ما معنى ان يكون للفتاة صديق واصدقاء من الذكور

وهل فى الشرق وصلنا لتلك الاباحية وتلك الحرية ان تطلق الفتاة هكذا وبمنتهى البساطة


لى صديق واصدقاء ذكور اخرج معهم واتحدث معهم فى كل خصوصياتى

فى مجتمع غطى المراة بالكامل
واعتبرها عورة او عاهة يجب تخباتها

ما هذا التناقض


فى الغرب

تركت الحرية الشخصية واعلاء قيمة الانا
الى ابعد الحدود بلا اى ضوابط
فماذا كانت النتيجة

تفكك اسرى (الحقيقة لا افهم نهائيا لوغاريتم الطلاق فى المسيحية الالعلة الزنا او صحيا كما تشرع كنيستى القبطية الارثوذكسية )

حالات مريرة من الحوامل تحت 18 سنة بلا زواج

تبنى وتنازل عن اطفال لامهات تحت 18 سنة

فوضى فى فوضى

والعجيب ان الامر اصبح كامر لا يناقش

حتى ان الشاب لا يعترض ان لخطيبتة وزوجتة اصدقاء يا سلاااااااااااااام





وكلمة حبيبى اصبح لها وجود لغير المتزوجين بطريقة وقحة

اية العك دة

وبعدين تسالوا لية البيت المسيحى خاااااااااااااااااااب

والعيال فشلوا
وبقى فية وقاحة فى الشارع والبيت
وعنوسة
وفقدان ثقة
من خيبة التساهل دة


انا ليس لى اصدقاء ذكور ولا احب ان يكون لى

لى زملاء معارف اقارب

نعم لكن اصدقاء وفرند وكووووووووول وايزى

اسفة اعلن اننى ضد العالم

وبكل صراحة يشرفنى ان اكون شرقية متخلفة

لو كان التقدم = الاباحية



الموضوع مرشح للحذف

[KOKO SPA]

يسلم ايدك بجد عسل فعلا عجبتينى جدا

وانا بايدك فى كل حرف بجد وفعلا الناس بتبصلنا على اننا مش متمدنين وخايبين ومش قادرين نجارى العصر

اختك كوكو

[elphilasouf]

الموضوع مرشح للحذف

مين قال كده بس الموضوع انا شايفه مش بالنظره دي خلص
اولا بس احب اقول ان المنتدي لا يمنع اي تعبير عن الراي فى حدود قوانيين المسيح وقوانيين المنتدي
ده بالنسبه لموضوع
بالنسبه لصلب الموضوع نفسه
فانا شايف ان الفجوه بين الغرب والشرق مبقتش كبيره جدا زي الاول
ومحدش ينكر ابدا ان فى حاجات كتير وافكار كتير موجوده عند الغرب مفيش مشكله ابدا لو نقلناها عنهم وطبعا فى اشياء تنقل واشياء لاتليق بديننا كارثوذكسيين مسيحيين او بمكتمعنا .

وفى فرق بين انى يكون ليا اصدقاء من الجنس الاخر نتكلم معاهم وترتحلهم زي اخوات
المشكله مش فى اننا يكون عندنا اصدقاء من الجنس الاخر المشكله فى المواضيع والافعال الى تحصل بين الاصدقاء دول

والكنيسه نفسها مترفضتش جروبات مختلطه فى فءات عمريه زي سن الجامعه مثلا
لكن ترفض ان تخرج العلاقه من شكل الجروب الكبير لجروب صغير من فردين من جنسين مختلفين

لكن لو هناقش المنتدي مثلا
فايه المانع لما يكون فى علقات اخويه بين الاعضاء ان كان مبيحصلش حاجه لا تليق بولاد المسيح
من رايي ان مفيش مشكله فى العلاقات المشكله فى شكل العلاقه نفسها

اشكرك ع الموضوع ومنقدرش ابدا نحزف راي غير مخالف للقوانيين

[sasaamad]

بسم الثالوث الاقدس الة واحد امين قرات تعليقك يااختى او اخى فى المسيح ولى تعقيب على كلماتك اولا دور الاسرة المسيحية فى تربية ابنائهم على القيم والمبادئ التى تربينا عليها وهو ارثوزوكس اى الطريق المستقيم ويوجد اسر غير مترابطة اى مسيحيون اسميون فى البطاقة اما عن تعاليم المسيح اخذناها كشعارات ولا نطبقها كما امرنا رب المجد وواة حسرتاة نحن الخطاة الذين اتبعنا العالم ورغباتة ونسينا مسيحنا فى معترك الحياة مثل وجنى ثروة من اى طريق مشروع او غير مشروع ومن اجل عمل مستقبل للاولاد ونسينا الهنا من اجل المادة والارصدة فى البنوك والعقارات والاسماء الرنانة وحب التملك وضاعت منا المابدئ والقيم وتربية الاولادعلى الحب والصدق والعفاف فليس بالخبز وحدة يحيا الانسان بل بكل كلمة تخرج من فم اللة فراينا الانحلال لعدم اهتمام الاباء باولادهم لانهم مشغولون بالامور المادية ونسوا اولادهم وتربيتهم فلذلك لايعرفون المصائب الاحينما تهبط فوق رؤسنا فالانحلال ليس من قيمنا ولكن لغياب دورالاب والام كى يكونوا قدوة لابنائهم واعرفكم بان الصداقة الحقة والاخوة فى المسيح ليست جريمة طالما لها حدود مثل تعقيب اخى الفيلسوف وعمر اى بنت مسيحيةلا تفرط فى شرفها وعرضها مادامت متمسكة بالهنا ومخلصنا يسوع المسيح الذى يعطينا العفاف ونتمسك بتعاليمة وان يسلكن فى لبسهن ومظهرهن كما يليق باولاد اللة الرب يرحمنا ويغفر خطايانا ويعرفنا طريقة الحقيقى لكى نسلك كما يليق بابناء اللة وفى النهاية تقبلوا تحياتى يااخوتى واخواتى والرب يغفرلنا زنوبنا التى صنعناها بمعرفة او بدون معرفة الرب يستجيب لنا فهو الذى قال ادعونى وقت الشدةانقذك فتمجدنى و الرب مع الجميع اخوكم عم ايوب الخاطئ:8:

[الناى الحزين]

وبكل صراحة يشرفنى ان اكون شرقية متخلفة


لما صاحبة الكلام ده تبقى متخلفه
اومال اللى بيعمل كل الكلام اللى قولتيه ده يبقى ايه
للاسف كل كلامك صح
وافتكر مقوله للابونا مكارى يونان كان قال فى مره
خليك قفل ولبسك يكون شوال
ولا تكون زى الناس دى
ربنا يرحمنا ويهدينا على روحنا
بجد متشكر جدا جدا على الكلام الجامد والصارم
ربنا يفرح قلبك

[Mr.MarCoo]

معلش رئى هيبقا جارح

بس هى دى الحقيقة ال انا شيفها

الفرق الشاسع بنا وبين الغرب وهو دة الغلط ال انتى وقعتى فية شخصيا ان فى الغرب الولد والبنت مش بيبصو لبعض بنظرة جنسية فقط ولم بضعو فروق بين الجنسين فا كلمة دى بنت ودة ولد لا تذكر بالمفهوم ال موجود هنا لان المرءة تعمل والرجل يعمل المرءة عالمة والراجل عالم المرءة رئيسة بلد والرجل رئيس بلد وليست مجرد نظرة جنسية تفرق بين الجنسين وتنظر للاخر بنظرة شهوانية فقط وهو دة التخلف ال موجود فى الشرق
وتوراثة المسيحين من البيئة جعلت كل شىء فى المرءة حرام وتقيم العلاقة بين الجنسين بنظرة شهوانية فقط
بمنتهى البساطة العيب فى داخل الانسان الشرقى المتخلف مش فى لبس وخروج البنت

فاهنياء لك بالتخلف
يارب تكون وصلت معلومتى :)

[elphilasouf]

ع فكره مستر ماركو بيتكلم صح جدا
ورايه تمام جدا
اننا نقلد تقليد اعمى بالشكل فقط

[عماد حسنى]

انتى جبتى من الاخر
ربنا يدخل وشكرا على الموضوع
موضوع كبير ومهم جدا جدا لاقصى حد

[asmicheal]

شكرااااااااا لردودكم العميقة كلها
سواء تؤيد او تخالف

فتلك متعة الحوار

لكن توجد نقط احب ان اوضحها


اولا انا اختكم ولست اخوكم

asmicheal اسم كتاباتى على النت


لانى لا اتبادل معلومات شخصية عنى على النت نهائيا

الصداقة حين تعنى زمالة فى النور ومع الجميع هذة طبعا لا اقصدها نهائيا

فكما قلت لى زملاء معارف اقارب احبهم ويحبوننى جدا
واثق فى محبتهم العامة


اولئك زملاء فلا يمكن ان اطلق عليهم اصحابى

واتبادل معهم كل امور حياتى
و بلا مشاعر مخصصة لشخص بعينة

تتنامى فى الخفاء قبل العلن




كذلك على المنتدى الكلام فى النور وباشراف مشرفين محترمين
واعضاء قارئين

الموضوع عام



والصداقة هنا ايضا لا اعترض عليها
وان كنت انتقيها بعناية بعد ان اعرف جيدا الشخصية واثق فى احترامها ونضجها


ولا استعجل الامور نهائيا



ايضا اضيف انها بلا تبادل معلومات شخصية

ايضا تلك زمالة فكر ومناقشات




اما ما اقصدة ويحدث بالفعل

صداقة خارجة عن قواعد العمومية وتبادل اخبار ليست عامة اطلاقا

وخروجات خاصة


وللاستاذ الذى يقول عن النظرة الشهوانية وانعدامها بين الجنسين فى الخارج


اقول لة انها بلاد باردة حتى فى دمها ولا يصلح ابدا ان نقلدها

فى بلدنا الحار وشرقيتنا التى افتخر بها




كمان من قال ان النهاية لا تكون شهوانية

ومدمرة لحياة وضياع وفراغ

ويمكنك ان تعاود القراءة لبعض الابحاث النفسية لمراهقى الغرب وستفهم ما اعنية

واللة الهنا علمنا ان ننظر لنهاية السيرة وليس لبريق بدايتها



ولا اية ؟

احب اضيق مقولة لاب روحى عميق احبة واحترمة

وهو ابونا داود لمعى

(ان اى علاقة خاصة بين ولد وبنت حتما تستدعى الجنس )


فهل هنيئا لة على التخلف ؟ كما سبق تهنئتى ؟؟؟؟



ارجو ان اكون اوضحت ما غمض من رايى

و النقاش مفتوووووووووووووووووووووو ووووووح

[Mr.MarCoo]

وللاستاذ الذى يقول عن النظرة الشهوانية وانعدامها بين الجنسين فى الخارج


اقول لة انها بلاد باردة حتى فى دمها ولا يصلح ابدا ان نقلدها

فى بلدنا الحار وشرقيتنا التى افتخر بها




السر انهم باردين

بالطبع لا

هما زينا بالظبط ولهم اخطأئهم وشهوتهم لكن الفرق انهم لا يفرقو بين المرءة والرجل وكل منهم لة اخطائة ولهم علاقتة وافكرهم سواء صحيحة او خاطئة الناجحة والفاشلة لذالك تصبح السيدة فى المجتمع الغربى لها دور كبير مثل الرجل فى جميع المجالات


لكن المفهوم الكلى للعرب خصوصا ان المرءة ناقصة عقل ودين وكل دورها هو الجواز ودة مفهوم <<<< احنا اتربينا علية لاننا تربينا فى بيئة orsozoxorsozoxorsozoxorsozoxorsozoxorsozoxorsozoxo rsozox>

كيف لك يا اختى ان تتقدمى حضريا وفكريا وثقفيا بدون الاحتكاك بالاخارين وبفكر الاخارين وانتى فى مجتمع ينظر لك هكذا

البنت عيب تخرج

البنت عيب تلبس

البنت عيب تلكم ولاد

البنت عيب وعيب وعيب

لية دة مش للولد كمان

اانتى ناقصة شىء عن الرجل ؟

اذا المقصود من كلامى ان الفكر الداخلى لنا جميعا فى المجتمع خاطء

لاننا بذالك اعترفنا بنقصان المرءة عن الرجل دون ان نعلم

وهذا ما ارفضة تماما وانا مقتنع ان المرءة مخلوق كامل خلقة الله مثل الرجل

وزى ما البنت بتخطء الرجل ايضا وزى ما البنت ليها حريتها الرجل ايضا

فلا تحبسى حريتك لاخطاء الاخرين

[Mr.MarCoo]

احب اضيق مقولة لاب روحى عميق احبة واحترمة

وهو ابونا داود لمعى

(ان اى علاقة خاصة بين ولد وبنت حتما تستدعى الجنس )


فهل هنيئا لة على التخلف ؟ كما سبق تهنئتى ؟؟؟؟




الاب الكاهن اخد الفكر دة منين مع احترامى لية الفكر دة ليس مسيحى اطلاقا بل من المجتمع ال بيبص للمرءة شهونيا فقط وهو وانا وكلنا اتربينا فية

ليس كل العلاقات خاطئة ولو اخطاءت فا دة خطاء البنت والولد مش البنت بس ال يقع اللوم عليها

[asmicheal]

كل نهر يسير بين ضفتين يصل اوضح واسرع

دى حدود للحرية

انا ارفض العلاقات الخاصة وليس العامة
ولا ادين الاحتكاك بالاخرين من الجنسين

طالما لا يخرج للخاص

فما يهمنى فى دخليات واسرار زملائى
ولماذا اترك من الاول المجال لتنامى الخاص بينى وبين زملائى

ثم اقننة
وغالبا البنت هى التى تتحمل الاذى الاكبر لاى تساهل

من عمق احترامى لانوثتى وشخصيتى

ومشاعرى الخاصة

لا ابعثرها للجميع وانما لمن ارتبط بة فعلا

دة راييى الشخصى

ولا ادين ولا اتعالى ابدا على من يرفضة

[elphilasouf]

عجبنى جدا الحوار هنا وبالتحديد ببين مستر ماركوو asmicheal والاجمال هو رقيه مش تخلفه
ياريت تكملوا

بس احب اوضح نقاط معينه

*اننا نوجه النقد لاحد الاديان الاخري هذا يعتبر تعدي وهو ليس من قوانيين المسيح ولا المنتدي فليس من العدل ان نبكت احد ع اخطائنا.
* ان موضوع الاختلاط او عدم الاختلط او الجنس عمتا مبنى بطريقه خاطئه فى المجتمع الشرقى كما فى الغربى تماما .
لان الجنس عمتا او النظره عند الذكور فى العالم كله تتجه للمراه بشكل شهوانى وهذا ناتج عن طريقه غير سليمه فى التربيه الجنسيه
تعتمد ع ان الاخر ليس للحب او العطاء اولا
وانما للمتعه اولا

وعمتا تقاربت الفجوه بين الشرق والغرب بشكل كبير جدا بس اكيد طعا لسا موجوده

والتخلف موجود فى المجتمع الشرقى او الغربى
تخلف التفكير والاعتقاد مش مجرد التخلف التكنولوجى

[Mr.MarCoo]

عجبنى جدا الحوار هنا وبالتحديد ببين مستر ماركوو asmicheal والاجمال هو رقيه مش تخلفه
ياريت تكملوا

بس احب اوضح نقاط معينه

*اننا نوجه النقد لاحد الاديان الاخري هذا يعتبر تعدي وهو ليس من قوانيين المسيح ولا المنتدي فليس من العدل ان نبكت احد ع اخطائنا.
* ان موضوع الاختلاط او عدم الاختلط او الجنس عمتا مبنى بطريقه خاطئه فى المجتمع الشرقى كما فى الغربى تماما .
لان الجنس عمتا او النظره عند الذكور فى العالم كله تتجه للمراه بشكل شهوانى وهذا ناتج عن طريقه غير سليمه فى التربيه الجنسيه
تعتمد ع ان الاخر ليس للحب او العطاء اولا
وانما للمتعه اولا

وعمتا تقاربت الفجوه بين الشرق والغرب بشكل كبير جدا بس اكيد طعا لسا موجوده

والتخلف موجود فى المجتمع الشرقى او الغربى
تخلف التفكير والاعتقاد مش مجرد التخلف التكنولوجى




اخى العزيز اشكرك كثيرا

سبب ذكرى لدين اخر فا هو فقط لتوضيح من اين اتى هذا الفكر الخاطىء داخلنا وسيطر علينا فكريا بحكم وجودنا فى مجتمع يؤمن بة وفرض فكرة علينا


واعدك انى سألتزم بمبدأء المنتدى لكن فعلا النقاش كان يستدعى ان اوضح هذة النقطة كى لا نقع فى افكار ليست مسيحية و ننسبها للمسيحية بدون وعى وليس من باب النقد لدين اخر

[asmicheal]

عاوزة اضيف حاجة
هى اقرب للتامل منها للتعليق

السيد المسيح اختار على مدى 7000 سنة

السيدة العذراء اليهودية من فلسطين الشرق
وبارك الاراضى الشرقية

بظهورات ومعجزات وايمان ارثوذكسى قويم




كمان

جرم السيد المسيح الشهوة وهى لا تزال نظرة

للمراءة والرجل على حد واحد




فلا افتح منافذ الشهوة بالعلاقات المتساهلة

ثم اقاومها
وهى فيل مشاعر




لى تساؤل للفيلسوف

لية توجد علامة مغلق السوداء بجانب الموضوع مع انك تقول تابعوا الحوار ؟؟؟

[elphilasouf]

اختيار المسيح للشرق عمتا وللعذراء كان اختيار لشعب الله المختار ومكنش المقصود بيه اختيار شعب من الشرق بالتحديد

فاليهود هم كانوا شعب الله المختار ومنهم كانت النبؤات ان ياتى من نسلهم المسيح المخلص

ولم يكن هناك مانع من ان يكون شعب الله المختار مكانه فى الغرب
كمان نظرتنا للشعب الياهودي ودرستنا لتاريخه القديم نرااااااه شعب غير مطيع ومتزمر و و و الا انه كان الاقرب لله عن اي شعب اخر

فمفيش داعى اننا نعمل حاجز او فرق بين شرقى وغربى او شمالى وجنوبى ،فى كل الاماكن نجد الشر ونجد ايضا شهود للمسيح


لى تساؤل للفيلسوف
لية توجد علامة مغلق السوداء بجانب الموضوع مع انك تقول تابعوا الحوار ؟؟؟
بالنسبه للاستفسار ده فانا مش فاهم ايه المقصود بالتحديد ؟!الموضوع مفتوح لنقاش وانا مقفلتهوش لو فى مشكله انا موجود

[asmicheal]

اختيار المسيح للشرق عمتا وللعذراء كان اختيار لشعب الله المختار ومكنش المقصود بيه اختيار شعب من الشرق بالتحديد

فاليهود هم كانوا شعب الله المختار ومنهم كانت النبؤات ان ياتى من نسلهم المسيح المخلص

ولم يكن هناك مانع من ان يكون شعب الله المختار مكانه فى الغرب
كمان نظرتنا للشعب الياهودي ودرستنا لتاريخه القديم نرااااااه شعب غير مطيع ومتزمر و و و الا انه كان الاقرب لله عن اي شعب اخر

فمفيش داعى اننا نعمل حاجز او فرق بين شرقى وغربى او شمالى وجنوبى ،فى كل الاماكن نجد الشر ونجد ايضا شهود للمسيح








انا معاك فى هذا التوضيح المفيد والذكى والجميل

لكن ما اقصدة

ان تعاليم السيد المسيح ووصاياة وانجيلة


اقرب فى تنفيذها بالشرق عنة بالغرب


اذ ترك الحرية الشخصية والانا بلا ضوابط

جعل جسد السيد المسيح يتمزق لاكثر من 400طائفة مسيحية

وانحلال لكثير من قيم السيد المسيح

وظهور لعادات كثيرة غير منضبطة كالشذوذ والوثنية الفكرية






الشر شر وملكة المتوج الشيطان موجود وكائن حتى يوم الدينونة


ولا يوجد شر غربى وشر شرقى




لكن لا ارمى نفسى فى الشهوة واجرب ربنا

من الاول التدقيق وليس الكبت نهائيا

فى اختياراتى الفكرية والانسانية يجنبنى كثير من الامور

التى وان كانت تبدو مستقيمة وحرية ومنطقية فعاقبتها طرق الموت
ودائما اقول سهل ان تحرك نملة نظرة او فكرة او بداية شهوة بدل من فيل مشاعر




اكرر هذا اختيارى الشخصى الخاص وتوجهى العام فى حياتى

لا اجبر احد على قبولة
ولا ادين من لا يقبلة



اختكم asmicheal




بالنسبة للغلق الموضوع

شكرا لردك فيلسوف وفعلا تغير المربع للون الاحمر (كان اسود قبل كدة يمكن عيب بكمبيوترى )

[nasrnew]

انا احييكم على هذا النقاش السخن ده
لكن انا عاوز اقول لكم ان شىء فى المسيح هيكون صح يعنى اى امر فى الحياه هيكون المسيح فيه يبقى صح و العكس صحيح علشان ما تتعبوش نفسكم فى مجادلات كتير .
اللى عاوز يعمل غلط بيبعد المسيح من امامه لكن اللى المسيح امامه فى كل خطوه و تصرف مش بيعمل غلط .
يعنى بيفكر صح و طريقه صح و بيحب صح و تصرفه صح يعنى عايش صح ذى ما المسيح كان عايش على الارض و ادى لنا المثال اللى احنا بنحاول نتناساه.
ربنا يدينا كلنا نكون اولاد المسيح و اولاد المسيح هم ابناء الملكوت ( لا تخاف ايها القطيع الصغير لأن اباكم سر ان يعطيكم الملكوت )

[sasaamad]

تعليقات كلها ايجابية وكل احد بيقول رائية الشخصى وعجبنى كلامnasrnew ال جاب من الاخر خير الكلام ماقل ودل وربنا يسندنا جميعا بيمنة ولا نحيد عن تعاليمة قولو ورايا امين عمو ايوب:8:

[ميزوا]

كلامك صح جدا
واحترم هذا الكلام جدا
ربنا يباركك

[lolaemo]

ياجماعة المشكلة ان احنا مجتمع شرقى لينا عادتنا وتقاليدنا ده غير اننا بيئتنا ارثوذوكس يعنى المسيح ساكن فينا فازاى هنضيع صورته اللى فينا بحاجات تانية تعتبر مظاهر او نوع من انواع التخلف وليس العولمة
انتى لستى متخلفة والا كان كل الناس متخلفين والقلة هما اللى متحضرين
احييكى على كلامك وعلى فرضك لموضوع مهم

[sasaamad]

ياسلام عليك ياليديا ردك حلو مافيش كلام

[sasaamad]

جرى اية ياولاد انتو هاتتخانقوا ولااية كل واحد لة تفكيرة ونظرتة لاى موضوع ولازم نحترم اراء الاخرين هى دى الديموقراطية ال احنا مش واخدين عليها بتعمل لنا حساسية والذى منة وبعدين احنا باين اطبعنا بالعالم التانى ومانجيش غير بالدكتاتورية والكرباك عيب انتوا اولاد المسيح يجب ان تكونوا قدوة ومثال فى انكار الذات ومحبة الاخرين وربنا يعين الجميع على التفكير العقلانى مش الانانى وهو حب الذات ربنا يشفينا من الامراض المستعصية ال ورسناها من تخلف والذى منة وربنا موجود يعينا من اجل ان نعمل على مرضاتة لكى نكون معة فى الفردوس امين عمو ايوب:8:بهذا نغلب صليب ربنا ومخلصنا يسوع المسيح