مخنوقة ومش عارفة اعمل اية

[غير مسجل]

انا مش عارفة ابتدى منين بس بجد انا مخنوقة ومش عارفة اعمل اية واكتر حاجة مضيقانى هو احساسى بزعل ربنا منى
مشكلتى انى انا مخطوبة وخطيبى بيطلب منى انو يقرب منى ولما برفض بيقول انى مش بحبو بس انا بحبو اوى ومش برضى ازعلو بس انا حسة انى قربو منى وحنا لسة فى فترة الخطوبة دا حرام ومش محلل للمخطوبين ومش عارفة اعمل اية
ياريت تقلولى اعمل اية بس من غير ميزعل او يقول انى مش بحبو

[KOKO SPA]

حبيبتى انتى صح اما كون انك مش تحبيه ده عمره مايكون سبب للى هوه عاوزه

بوصى حطى حدود فى الموضوع ده

لان ديه حاجات بحورها طويله وصدقنى الموضوع مش هايفضل عند القرب بس سورى ده هايزيد غصب عنكم انتم الاتنين لازم تحطى حدود ومع احترامى
زعله كام يوم غير زعل ربنا منك خدى بالك ديه اهم حاجه

مش مشكله يزعل شويه ويعرف حدود علاقتكم افضل بكتير اوى من زعل ربنا

صدقينى لو دخلتى فى المواضيع ديه فعلا هاتزيد خدى بالك انتى بنت ربنا متزعليش ربنا منك والموضوع لاززم يبقى فيه حزم
اختك كوكو

[bentelmasee7]

انا كمان رأيي من رأي كوكي . مع احترامي ليكي و لخطيبك مش كل حاجة يطلبها خطيبي مني تنفذ

احنا مخطوبين اه لكن في حدود الواح مايقدرش يتخطاها . عاوزاكي تحطي في بالك ان دي مجرد خطوبة يعني فترة تعارف بين الاتنين يعني ممكن انها تتفك في اي لحظة يعني بعد التطورات دي هيبقى صعب عليكي الفك . انا مش بخوفك بس خدي بالك من كل كبيرة و صغيرة في الفترة دي لانها بتكون فترة حساسة بين الاتنين

و طالما هو تفكيرة كدة في فترة الخطوبة و بيزعل منك لما بترفضي يبقى انتي بالنسباله مجرد وسيلة لاسعاده فقط و دي مش اهم حاجة في الارتباط

نصيحتي ليكي تحاولي تشغليه في موضوع تتناقشوا فيه او تتفقوا علي حاجات في الشقة و كدة يعني .......

انا اسفة ان كلامي جامد شوية و رغاية شوية بس صدقيني انا بحاول اقدملك النصيحة . و الانبا بولا كمان اتكلم في الموضوع دة كتير في برنامج بيت على الصخر ابقى اتفرجي علية هيفيدك قوي

ربنا معاكي و يحافظ عليكي

[brokenheart]

كوكو عندها حق ولعلمك انا معاها جدا وعاوزه ازود حاجه هو ممكن يكون بيختبرك خدى بااااااااااااااااالك كويس جدااااااااا لانو لما هيلاقيكى بترفضى على طول وحاطه حدود بنكم حتى لغاية يوم الاكليل كمان لازم تخدى بالك هو كدا انتى هتزيدى ف نظره وهيتاكد كدا انك مؤدبه جداااااا وحاولى تفهميه براحه وتدخلى كلام ربنا ف الموضوع وهو مش هيزعل وحتى لو زعل اعرفى بردو انو بيختبرك صدقينى وافضلى ارفضى وزى مانتى ومتاخفيش هو مش بيزعل دا بس اختبار ليكى

[menovich]

ممكن متزعليش


لكن انا حضرت محاضرة جميلة جدا بتتكلم عن علاقة الخطيبين


وهى كالتالى اما اطاعة الخطيب واغضاب الله واما ان تكونى حازمة فى الموضوع


فلنبدا بالشرح اما ان تفعلى ما يريدة وبذلك تغضبى الله وممكن العلاقة متستمرش يبقى

خسرتى نفسك وكمان الله


واما ان تضعى حدا لهذا الموضوع وتكونى فى نظرة اعلى ومحترمة

والله ينور عقلك

[flowerrose]

على فكرة لو عملتى اللى هو عايزة سوف يحتقرك فى داخلة ويحس انك سهلة ويشك فيكى ؛وكمان ضعى فى اعتبارك ان الخطوبة ممكن تتفك حتى ولو فى آخر لحظة ؛ماذا سيكون احترامك لنفسك حينئذ؛كمان لو هو انسان محترم سوف يحافظ عليكى ؛لكن طلباتة دى تدل على انحراف سلوكة ؛ارجو منكى ان تسألى عنة كويس

[عادل ابن الفادى]

على فكرة تحذير اوعى تنولية اللى فى بالة
انا كنت خاطب قبل كدة ومن اكتر الحاجات اللى خلتنى سيبت خطيبتى انها كانت سهلة معايا
ياريت محدش يزعل من طريقة كلامى بس لازم افهم اختى الصح ...
واكتر حاجة ممكن توقفة عند حدة انك تقوليلو لو انت عاوز كدة عجل بالجواز وانا هكون ليك من ايد ربنا وتحت امرك
افتكرتى اختى الحبيبة
انة لو نال منك حتى شئ بسيط هيشك فيكى وممكن تسيبو بعض
وافتكرى كمان انة ينبغى ارضاء اللة اكثر من الناس

[جرجس رمزي]

الحقيقة انا مش عارف اقو ل ايه بعد الكلام اللي قالوه اجمل اعضاء عن الموضوع ده
لأنه كلام منطقي جدا وحصل كتيييييييييييير عمليا
فارجو منك ان تتذكري في كل لحظه انك بنت المسيح وتسألي نفسك
هل اللي بيطلبه منك خطيبك او اي شخص مهما كانت علاقته بيكي ترضي ربنا ام لا ؟
إذا كانت لا فارفضي حتى لو ده هيسبب في فشل العلاقه
فعلاقتك مع رب المجد يسوع افضل بكثييييييييييرمن أي علاقه اخرى
ربنا معاكي وينور قلبك ويعطيكي الإرشاد في كل امور حياتك

[samerco75]

قولى لاب اعترافك.
وخلى بالك من خطيبك حطيه تحت الاختبار وشيلى قلبك وحطى قالب طوب وصلى كتير .
الموضوع مش سهل خليكى راجل وخدى بالكوصلى له لانك المفروض مسؤله منه ويحافظ عليكى

[armia1987]

ممكن متزعليش



لكن انا حضرت محاضرة جميلة جدا بتتكلم عن علاقة الخطيبين


وهى كالتالى اما اطاعة الخطيب واغضاب الله واما ان تكونى حازمة فى الموضوع


فلنبدا بالشرح اما ان تفعلى ما يريدة وبذلك تغضبى الله وممكن العلاقة متستمرش يبقى

خسرتى نفسك وكمان الله


واما ان تضعى حدا لهذا الموضوع وتكونى فى نظرة اعلى ومحترمة

والله ينور عقلك

انا اتفق مع كلام مينا خصوصا انه منطقى جدا

[خروف وراعى]

اختى الغاليه لااستطيع ان اضيف بعد نصائح الاعضاء لكى الكثير لكن كل ماريده ان اقوله لكى شى واحد خطيبك لا يحترمك ولا يستطيع ان يقبل ان خطيب اخته ان يفعل معها مايريد ان يفعله معكى فهل يا اختى الغاليه اخته اكثر منك احترام ولو له اخت لا يقبل ابدا عليها هذا دا اولا
وثانيا انا لى صديقه تزوجت من خطيبها الذى تساهلت معه وصدقينى كل ما يريد ان يجرحها يذكر لها ويقول( يعنى انا وخدك محترمه قوى خلى الطابق مستور) وتبكى بمراره اختى اتركيه يزعل ويخصمك وعندها هيحترمك ولو محترمكيش سمحينى يبقى العيب من الاختيار لازم يكون ابن ربنا علشان تعرفى تكملى مع ربنا لو حياتك الابديه تهمك .. سمحينى

[menovich]

يارب بعد كل هذا

الكلام تكونى يا اختى العزيزة استقريتى وعرفتى اراء اخواتك بالمنتدى

[جونير]

بصى انتى لووفقتى على الى هو عيزوووووو

هيسيبك بجد وممكن يكون ده اختبار ليكى

وكمان عايزه اقولك حاجه هو لوبيحبك بجد مش هيطلب منك كده


وصلى كتير حببتىىىىىىىىىىى

وربنا معاكى بس خدى بالك كويس

[dina_285]

هو ممكن يكون بيختبرك
وهو لو بيحبك بجد مش هايطلب منك تاني
علي فكره اوعي تنوليه اللي في باله او تكوني متسا هله معاااااه
افتكري دايماااااااا انك بنت ربنااااااااااا
علشااااان متندميش بعد كدااااااااااااا تحتقري نفسك
وساااااااعتها هايفيد بايه الندم
خليكي متمسكه برائيك هيزعل يوم او يومين مش مشكله
وربنااااااااااا يقويكي