يا ريت تساعدوني

[سمر ماهر]

سلام المسيح معكم انا بطلب منكم رأيكم في موضوع بخصوص اختي الصغيرة و عمرها ثمانى سنوات هي عايزة تصوم و انا طبعا مش قادرة امنعها عن الصوم لكن هي صامت صوم الميلاد اللي فات بس هي تعبت وكانت بتدوخ كتير و مرضتش تفطر و الصيام دة طبعا اطول و اصعب عليها و مش عارفة اعمل اية هي بتقول بابا يسوع عايزنى اصوم و لما بنقول لها لا بتزعل مننا و لو منعتها ممكن اكون بكدة بزرع جواها عدم الصوم و دة طبعا غلط وانا كدة هحس بالذنب و اسفة لو طولت عليكم و ربنا يعوضكم

[aymonded]

أولاً لكل شخص ما يتناسب معاه حسب العادة والسن والمكان والزمان والمجهود وطور نموه ، وقانون الكنيسة من جهة الصوم ليس مجرد طقس أو ناموس قسري يتم بلا وعي ، والمشكلة بيزرعها الأهل منذ الصغر في الأولاد ، مع أن الصوم هو حرية قلب نابعة من محبة الله ، وكل شيء بتعقل ، ومن الجائر أن نجعل طفل يصوم إلى أن ينهار بهذا الشكل ، وهل هذا يرضي ربنا يسوع !!!

إذا كان الآباء القديسين يمنعون تلاميذهم من أن يصل أي واحد فيهم لحد الانهيار ببب التقشف الشديد ، لأن الصوم استعداد القلب لملاقاة العريس السماوي في جو من الصلاة وقراءة الكلمة وحضور القداس الإلهي ، فكيف ينهار الإنسان ويسقط صريع الضعف ولا يقوى على الصلاة أو قراءة الكلمة أو أن يمارس حياتة الطبيعية !!!

هل هذا هو المسيح له المجد الذي يحب الجميع ، هل ربنا يسوع يقسو على الأطفال ويطابهم بما يفوق إمكانيات البالغين !!!

محبوبة الله وجهي أختك لمحبة الله ، وعلميها أن الله حب وحرية ، والصوم ليس ثمن لرضا الله عن الإنسان ، بل هو ذبيحة حب لها حدودها التي ينبغي أن تراعيها ، وأن صامت فلتصوم في حدود إمكانياتها الخاصة تحت أرشاد الأسرة من جهة المأكل والمشرب ، مع التركيز على الفيتامينات التي تحتاجها لبناء جسدها الضعيف ، والجسد ذاته هو هيكل لله ، وأن أهمل فيه الإنسان يُلام أمام الله ، فلازم تعرف كيف تحترم جسدها الذي وهبه لها الله ، لأن الجسد هو مقدس وثياب النفس التي ينبغي أن تكون مقدسة وطاهرة للمسيح له المجد ...

الأهمال في الجسد خطير ، وهذا الفكر كفيل أن يجعلها تعتقد أن الجسد شر وأنه ينبغي مقاومتة لحد الاستماتة ، وهذه هي بدعة اسمها الغنوصية ، فلا تجعلي اختك تصل لبدعة دون أن تدري بتصرف لا تفهم مداه ، وواجبك أن توجهيها للطريق الصحيح بمحبة وهدوء وأقناع العقل ، حتى لو اضطررتي أن تصومي بنفس القانون الموضوع عليها ، لأن المحبة أعظم من الصيام ذاته ، ولابد من أن تكوني لها مثال ، وسيكللك الله أكليل التعليم الحلو والمحبة لأنك ساعدتي أختك على الاتزان ومعرفة الطريق الصحيح مع الله ...

آسف للتطويل ، النعمة معك

[الامير الحزين]

اولا انك تمنعية من الصوم حتى ولو كانت ضعيفة دى خطية

هى تصوم بس على كد جهدها

فى ناس كتير جدا مش بتقدر تصوم علشان امراضة ودى مش معناة انها اخطات بتاخد حل من اب اعترافها وهو يوجهها

وانتى عليكى دور التوجيه لا ختك وتعرفية محبة المسيح مش بس بالصوم وهى مش كدة
لا بحاجات تانية كتير
وتخليها تروح الكنيسة وتقعد مع ابونا وهو اكيد هيفهمها الصح

شكرا على موضعك الجميل

[نبيل نصيف جرجس]

انا راى من راى الاستاز ايمن واخويا الامير الحزين لازم ينول بركة
ربنا يباركك يا رب ويعطية حسب شهوة قلبة ويساعدة وعلى فكرة ممكن يصوم احلى مننا كمان
مش بالسن

[Hanyking]

السلام والنعمة انا رايى من راى اخواتى اللى سبقونى فى الرد وانا شايف انه غلط انك تمنعى اختك من الصيام بس هى تصوم على قدر استطاعتها وبالنسبة لاقناعها انا شايف انك تاخديها لاب اعترافك وهو اكيد هيعرفها ايه هو معنى الصيام وهيقدر ينظم موضوع الصيام بالنسبة ليها وربنا يباركك ويعوض تعب محبتك صلى من اجل ضعفى
اخوكى كابووووو

[سومية]

انا اسفةلاني كتبت الرد الذي كنت اريد ان ارد عليكي فيه ولكن المسئولين شافوا ان ردي يجب ان يكون من عشر حقول مثل الحكومة + هل يعقل ان تكون الخواطر الروحية بكم مش بالروح انا اسفة مرة تانية لعدم مشاركتي في اي شئ لكم . وقولي لكي اتركي اختك لربها وهو يساعدها احسن مني ومنك +++++++++++++++++

[aymonded]

انا اسفةلاني كتبت الرد الذي كنت اريد ان ارد عليكي فيه ولكن المسئولين شافوا ان ردي يجب ان يكون من عشر حقول مثل الحكومة + هل يعقل ان تكون الخواطر الروحية بكم مش بالروح انا اسفة مرة تانية لعدم مشاركتي في اي شئ لكم . وقولي لكي اتركي اختك لربها وهو يساعدها احسن مني ومنك +++++++++++++++++
يا محبوبة الله مش المسئولين ولا حاجة دية من ضمن برمجة المندتى كأقل مشاركة ومش مقصود بيها حاجة معينة ، ومش بأيد المسئولين ، وحلوة بتاعة الحكومة ههههههه ، وصدقيني لا حكومة ولا حاجة ، اقبلي مني كل تقدير لشخصك الحلو ؛ النعمة معك

[سومية]

شكرا علي الرد + والان اطلب منك النساعدة الغجلة لان الاميل بتاعي بقالة ثلاث ايام لا استطيع ان افتحة ممكن اغرف اذي استطيع ان افتح الرسائل وكون شاكر لك +++++++++++++++

[aymonded]

شكرا علي الرد + والان اطلب منك النساعدة الغجلة لان الاميل بتاعي بقالة ثلاث ايام لا استطيع ان افتحة ممكن اغرف اذي استطيع ان افتح الرسائل وكون شاكر لك +++++++++++++++


سلام لنفسك يا أجمل أخت حلوة محبوبة ربنا يسوع والقديسين
يا ترى تقصدي الرسائل الخاصة على المنتدى والا تقصدي يا ترى أنهي رسائل !!!
أقبلي مني كل تقدير واحترام لشخصك الحلو ، النعمة معك كل حين

[سومية]

شكرك علي الرد ولكن انانش عرفهافتح الرسائل في الاميل Inbox ويوجد عندي 16رسالة مش عيزة تفتح + ارجو ان تقول لي كيفة انقلها الي اي مكان لكي اقراها وشكرا وعلي فكرة انا جديدة في النيت ++++++++++++++++

[aymonded]

تقصدي الرسائل على الميل في الياهو يعني !!!

[ramysefen]

سلام ونعمة...
بصي يا سمر...اولا حاجه تبسط ان الطفل يصوم
وان البيت يزرع فيه الحرص دا..... دا شئ جميل
لكن....لازم تعرفي ان معظم اكلات الصيام ان لم تكن كلها
مفيده تماما ذي الاكلات اللي في الايام العاديه
بمعني..ان الفول بروتين نباتي ذي اللحمة اللي هي بروتين حيوان
+حاجة مهمة احب اضفها...وهي انو من شب علي شئ
شاب عليه...يا ريت كلنا نعلم اولادنا واخوتنا وقبل الكل انفسنا ان الصيام من الرياضات الروحيه ..تماما مثل مثيلتها الجسديه
فهي مفيده للروح ونشاطه..
+خليها تصوم مادام دي رغبتها ومدام صحتها تساعدها
وممكن ماتخليهاش تصوم انقطاعي وتاكل كويس في الوجبات الرئيسية
وماتتطلعش بدون فطار للمدرسة مهما كانت الاسباب
فلو الصبح اكلت ساندوتش بطاطس ووفول
لحد لما ترجع يبقي تمام........كمان فيه بسكوت بالبلح تقريبا اسمه
ماكسيمام دا كويس اوي بيحمي من الانيميا ويدي طاقه ...خليهاتاكل نه باستمرار...ومش هاتحس بدوخه...
الرب يبارك حياتك

[evan]

طفلة صغيرة تصوم و تحرم نفسها من كل حاجة ديه الواحد لازم يتعلم منها لان في ناس كبار بيقولوا مش قادرين
انا بدات اصوم من نفس عمرها وكنت بقول نفس الكلام حاجة جميلة بس اهم حاجة زي ما قال الكل تصوم على قد امكانياتها و تكتر من الاكل الي يغذي الجسم من بروتينات وفيتامينات...الخ ...قولولها يسوع بيحبك زي ما انتي و مش حيرضة لو تعبتي حيزعل عليكي وانتي اكيد عايزة اتفرحيه ....ربنا معاها

[بنت الراهب الصامت]

انا رائى مع رائ اخواتى اللى سبقو وقالوا رائيهم
انك توجهيها للصوم وطريق ربنا وياريت كمان تعلميها الصلاة
وتنزل مدارس الاحد والكنيسه تتناول ربنا يباركها
ويباركك على الموضوع دة
لا تطفئوا الروح التى بداخلكم

[batotshero]

صوميها انقطاعى