المساعد الشخصي الرقمي

مشاهدة النسخة كاملة : محتاجه مساعده

MARMORAM
02-24-2009, 11:37 AM
انا عندى مشكله رهيبه جدا كنت بحب انسان جدا واكتشفت انه عمره ماحبنى ولما سبنا بعض حسسنى انه عمره ماحبنى وقالى كلام جارح جدا جدا وانا نفسى انساه واتخلص من المشاعر المدمره دى ومش عارفه اعمل ايه
basem_basem
02-24-2009, 12:40 PM
صباح الخيرMARMORAM (http://www.orsozox.com/forums/member.php?u=51817)
اولا انا مش هكذب عليكي وقلك انه شي بسط جدا
لان الحب اروع شي في الوجود
فيه بعض الناس بتقول عليه كلام فاضي
لالالالالالا مش كلام فاضي دي نبض القلب وروح الحياه
بس مش بمعني ان فشل قصه يبقي نهايه الكون
اي شخص معرض لهذا الموضوع
هوه الشخص الي عنده مشاعرفياضه ورقيق هوه الي بينجرح بشده
وانتي من هذا النوع
بس نصحتي كاخت ليه مترضيش عليه لان الي بيحب فعلا ميقدرش
يجرح حبيبه والكلام الي بقولهولك عن تجربه بامانه
فانتي تعملي كالاتي


مترديش عليه بكلام جارح لانه لازم تحطي في اعتبارك انك لازم تنسيه
فكري في مستقبلك وفي الانسان الي ربنا هيختارهولك الي يقدرك فعلا
هوه كلام صعب الي انا بقوله بس تحطي في تفكيرك انك لو اتجوزتو مش هيعيشك سعيده
اشغلي نفسك علي قدر الامكان بحيث انك متفكريش فيه
متقعديش لوحدك نهائيا اخرجي مع اصحابك كتير
وعاوزك تقولي وتصلي لربنا ان المر الذي يختاره لي الله اشهي من العسل الذي اختاره لنفسي
واقري في الانجيل لان مهما حد صبرك بكلام مش هيبا زي كلام ربنا
8 بقا اقولك متزعليش نفسك وربنا يكون معاكي واكيد هتلاقي مشاركات تانيه اكييد هتفيدك احسن مني ربنا معاكي ويفرح قلبك
zaza2006
02-24-2009, 12:44 PM
بصى اولا طالما اكتشفتى انه مكنش بيحبك يبقى خسارة حبك ليه
وخسارة انك حتى تفكرى فيه احنا فى فترة صوم مقدس قربى من ربنا
صلى وانزل كنيستك واخدمى وربنا هيديكى قدرة على انك تنسيه
حاولى تشغلى حياتك علشان متلقيش وقت انك تفتكريه
ومش تزعلى اكيد ربنا مرتبلك حاجة احسن من كده
ربنا يفرح قلبك ويبعد عنك الحزن ويرزقك بالانسان اللى يقدرك
رامي عوض
02-25-2009, 08:17 PM
اولا. انا عاوز اقولك اني ربنا بيحبك لانة وضحلك مشاعرة الحقيقية قبل الزواج

ثانيا .اكيد ربنا هدبرلك كل امورك و زي ما عرفك حقيقة هذا الشخص
اكيد مش هيسيبك و هيقف معاكي و هيعديكي من هذة التجربة الصعبة

ثالثا.ياريت تحاولي تنسية و تصارحي اب اعترافك بكل اللي حصل في هذة العلاقة
واكيد اب اعترافك هيرشدك الي الطريق الصالح

ملقين علية همكم فهو يعتني بكم
ramysefen
03-18-2009, 12:55 PM
سلام ونعمة
marmoram
شئ صعب عندما يقابل الشعور بالحب .........بالجرح والتنكر
بس اشكري ربنا.......لانه انكشف....
والنسيان امر لاياتي الا بمرور الايام و
انشغلي في عمل جاد وبناءيفيدك
ومتنسيش ترفعي قلبك دايما لابوكي السماوي اللي هو الوحيد
علي تعزيتك .
وربنا يفرح قلبك
تونى كويك
03-26-2009, 09:12 PM
احمدى ربنا انك شوفتيه على حقيقته
ولا تردى الاساءة وربنا هايجيبلك حقك منه
lolaemo
03-26-2009, 10:29 PM
بصى طبعا مش هاقولك غير نشكر ربنا انه بان فى الاول ومش هاقول اكتر من انى مع كلام باسم فى كل حرف قاله لانه صح 100%