هل يمكن زواج بمعوق شاب او زواج معوقة بنت

[متيلدا]

عاوزة اطرح موضوع الزواج بمعوق او معوقة فاقد اليدين او رجل واحدة او لايسمع باذنيه او اعمى
كثير من مجتمعات الاوربية تتقبل الزواج من الانسان المعوق ولكن هنا ببلاد العربية نسبة قليلة

تعالو ننقاش ونتصور انفسنا هل سنتزوج من معوق
كثير من ناس تتصور بان المعوق انسان غريب ولكن هقول الانسان دة ذكيا جدا لانة عنده ارادة صلبة
تصور واحدة شوفتها معوقة تكتب برجليها وتروح للجماعة
ايدين مقطوعين ولكنها محامية على فكرة وبتكتب بالرجلين

ايه رايكم هل البنت دي مش لازم تتزوج ولا حرام لانها غريبة

بجد عاوزة نقاش بالموضوع دة وكل عضو يقول رايه بصراحة بامر زواج من معوق او معوقة
لانني طرحنا بالجامعة عندنا الامر دة


انتظر ردوددددد

[الامير الحزين]

موضوع جميل وجديد يامتليدا

طبعا فى فرق بين الاعاقة الذهنية والاعاقة الجسدية بس انتى اكيد بتقصدى هنا فى موضوعك عن الاعاقة الجسدية

اولا المعوق جسديا دا انسان من حقة يعيش ويتزوج ويسعد فى الحياة

لكن فى امور بتسيطر على الانسان يعنى المعوق لة معاملة خاصة لة اسلوب فى الحياة بيتبعة

بمعنى لو اتزوجت بامراة معوقة جسديا لازم اعمل حسابى فى المستقبل انة لها متطلبات خاصة وعلى فكرة المعوق جسديا بيكون حساس بدرجة كبيرة جدا

بالنسبة لاعمال المنزلية الرجل اكيد هيشل معاها هذا الشغل لانة حاسس انها مش هتقدر لوحدها

فكلرة زواج المعوق حسب درجة اعاقتة


شكرا على مرورك ربنا يبارك حياتك

[متيلدا]

صدقني الزواج من دول بالروح هتكون جميلة وليهم حق بالزواج عند اجانب بيتزوجو كدة ناس صدقني احنا كاملين معاقين روحيا مش قصة جسديا فقط
لازم بيكون عندنا شوية فرح لازم فيها ايه لما انسان بيتزوج معاق الاجانب بيعملوها لانهم بيحترمو الشخص دة
ميرسي للمور ورد جميل

[eng_fofa]

طبعا انا موافقه امير فى كل الكلام اللى قالوه بس فى حاجه مش لازم نهملها او ننساها وهى نظرة مجتمعنا للشخص المعاق
بجد المجتمع بينظرلهم بنظره مش كويسه ودا بيخلى فكرة الارتباط بحد منهم محتاجه تفكير كبير واقتناع وانه الشخص السليم ( اقصد من الناحيه الجسديه حسب مفهموم الناس ) اللى هيرتبط بالمعاق لازم تتوافر فيه صفات معينه مش فى اى حد بمعنى انه لازم تكون شخصيته قويه جدا بحيث يقدر يتحمل نظرة المجتمع ليه دا غير انه يكون صبور لاقصى درجه ممكنه
واحب اضيف حاجه انه لو اعتبرنا ان الانسان المعاق هو اللى فى شىء بينقصه فى جسمه يبقى كده احنا كلنا معاقين لان مفيش انسان كامل لان الكمال لله وحده تبارك اسمه
والاعاقه الفعليه هى الاعاقه النفسيه مش الجسديه
ميرسى متيلدا موضوع رائع

[elphilasouf]

اممممممممممممممممم
موضوع صعب بامانه
بس مش عارف
مقدرش اقول هتجوزها عاااااااادي ومقدرش اقول مش هتجوزها
بس ع العموم هى حسب الحاله نفسها والموقع نفسه
وربنا ابدا مابينسي حد
ميرسي متيلدا ع الموضوع الجميل ده ونشوف باقى الاراء

[متيلدا]

ميرسي لارااااءءءءءءءء الجميلة واعتراف صريححححححح منكم

ولكن بجد مش بشوفها صعبة اوي يعني الزواج من معاق او معوقة ولكن احنا نكابر شوية بهذا وبنشوفها صعب ولكن ميرسي للردود صريحة جميلة منكم

[finyara]

الموضوع ده عاوز شخص مختلف علشان يقبل الارتباط من النوع ده
يعنى يكون عنده قدرات خاصة منها الاحتمال بلا حدود وحب الخدمه واعتقد لو الطرف السليم جسديا بيحب الطرف المعاق الحياه هتختلف كتير
مرسى ليكى ماتيلدا

[KOKO SPA]

بوصى يامتيلدا الموضوع فعلا مش سهل

بس فى قرارى لو كنت متردده فعلا يبقى مش هاخد واحد اعزبه معايا الناس ديه بتبقى حساسه اوى
وانا لو مش متاكده انى هاتحمل الصليب معاها مش هارتبط بيه

[ملكه الاحزان]

هو المعوق بيبقي انسان حساس وممكن اي كلمه تاثر في
بس من حقه يعيش ويبقي زي الناس العاديه
مرسي ليكي ياسكر

[متيلدا]

ميرسي لاراءءءءء جميلة جداااااااااااااااا
ربنا يباركممممممممممم

[الامير الحزين]

متيلدا انتى بتقولى الاجانب بيتزوجوا من معوقين علشان بيحترموهم
زى ماقالت فوفا نظرة المجتمع هنا بتكون نظرة جارحة جدا
كمان فى شى تانى الانسان لو اتزوج معوقة علشان مجرد احترم شخصيتة وتحدى الاعاقة وانبهارة بهذة الشخصية
صدقينى اعجابة هيزول بعد فترة وهيكتشف حقيقة صعبة غايبة عن عيونة
يجب توافر الحب دون النظر عن اى شى اخر
انا مش معترض على الزواج من معوقة لكن حسب درجة تحمل الانسان الذى يريد الزواج من معوقة هيقدر يعاملها طول الوقت معاملة خاصة زى ماقلت قبل سابق لانها حساسة جدا
وقبل دا يكون بيحبها مش مجرد معجب بتحدى الاعاقة
شكرا على الموضوع

[متيلدا]

ميرسي ليك يااميررررررر على كلام دة فعلا هو في ناس كدة ياامير وفي ناس بيتقبلةو فكرة ولكن شايفها عادي يعني بص هو زواج من كاملة ايضا هيكون في مشاكل هيقصدها باشياء تانية كمان
يعني ان كانت مشكلة الاعاقة جسديا او اي صفة اخرى اذا كانت بنت طماعة افتراضا هيقولها حبيبيها لما هيتزوجها انتي ليه كدة يعني كل شيء حساس بالدنيا مش بس اعاقة