احذروا من دخول الكوافيرات الغير معروفة

[ميرا000]

بصوا يا جماعة فى مشكلة كبيرة قوى مش عارفة اتصرف فيها ازاى او ايه واجبى ناحيتها. يا ريت تساعدونى !
كنت فى القاهرة وعندى مشوار مهم ولانى كنت نازلة فى الهرم مشيت فى الشارع لغاية لما صادفت كوافير دخلت اعمل شعرى ولقيت الشاب اللى بيشتغل مسيحى المهم انه نصحنى اعمل ماسك لبشرتى فوافقت لقيته وهو بيعمل لى الماسك على وجهى حط كريم فى ايديه وعايز ينزل ايديه لاجزاء جسمى طبعا انا اتفاجئت بالموقف وللسبب ده عايزة احذر البنات علشان مش اى مكان يدخلوه وخلاص وكمان حتى لو كان اللى قدامهم مسيحى مش لازم ينخدعوا فيه وبعدين عرفت انه بيطلب موبيلات البنات اللى بيدخلو عنده ويشتغل اتصال بداعى وبدون داعى .وعرض عليا يفتح لى الكوافير فى غير اوقات العمل علشان يعمل لى مساج برغم انى مطلبتش منه مساج ولا غيره اتمنى اسمع ردكم .كمان اتمنى انكم تنشروا الموضوع ده بين الطالبات عموما علشان محدش يتعرض للامور دى وربنا معاكم.

[KOKO SPA]

مرسى ميرا على نصيحتك لينا
وانا هاخد بالى برده

[Rena MMG]

شكرا لنصيحتك الغاليه
ربنا يعوضك

[G.a.L.a.x.y]

يالهوتىىىىىىىىىىىىىىىىىىى ىىىىىىىىىىىىىىىىىىىىىىىىى
ايه الا بسمعه دة الحمد لله انى فى الصعيد
الطار ولا العار يااوختى
ربنا يحفظنا وشكراااااااااا للتحذير ربنا يحمى كل بناته

[البوب الجديد]

لابجد دى مشكلة كبيرة جدا جدا لازم اى بنت تروح عند حد معروف وجربتة لكن لو عمل اى غلطة من دى متروحلوش تانى حتى لو مسيحى

وبنت الطاعة تحل عليها البركة ربنا يباركم ويحميكم يارب

[anosh]

ميرسى على التحذير بس الواحد لازم فعلا يكون حذر جدااااااااااااااااا فى معاملاته مع الناس و بالذات فى الاماكن اللى زى ديه
ميرسى مره تانيه
بس انا عايزه اقولك ان فى كل مكان حتى جوه الكنيسة فيه الوحش و فيه الكويس
الناس مش زى بعضها
و ربنا يحافظ على بناته و شعبه جميعا
امين

[بناتيت]

ميرسي جدا لنصيحتك ربنا يحافظ علي بناته وانا باذن المسيح هحاول ابلغ كل اللبنات اللي اعرفهم
ربنا يحفظنا

[jesus.jesus32]

انا شاب قريت الموضوع اشكرك على تنبيهك لكل اخوتنا ربنا يباركك.

[اللة يرعانى]

ربنا قادر يحافظ على ولادة
اظاهر مفيش امان لحد فى زمن دا

[سامى كونكورد]

شكراً ليكى على خوفك على بنات ربنا
بس ياريت تسمع البنات
و ياريت كل بنت تحاول تروح ل كوافيرة بدل كوافير وده صعب بس تتعب شويةده برده اسمه رجل بيلعب فى شعرها مسيحى ولا غير مسيحى

[CARMA_13]

سلام المسيح معاكى ميرا
اشكرك كثيرا من اجل هذا التحذير لاننا فعلا فى زمن صعب و ربنا يحافظ على ولاده و بناته فى هذا العالم الشرير
هاقوللك على فكرة حلوة انا بعملها بس الحقيقة بعملها اضيق الوقت مش خوف و لكن اكتشفت الان فوائدها الكثيرة - انا بعمل شعرى فى البيت عندى السيشوار و المكواة بتوعى و بعمل اى ماسكات لنفسى انا مش خبرة فى الموضه و المكياج و كده بس فى المعقول - و كده كده مش مطلوب من البنت المسحيسة انها تكون اوفر يعنى المعقول حلو لئلا نعثر الاخرين
من جهة ثانية مش هتكونى مضطرة انك تضيعى ساعتين على الاقل فى الكوافير لانك ممكن تعملى شعرك فى البيت فى وقت اقل و بمرور الوقت هتكونى حريفة زى الكوافير بالضبط
احاجة اخيرة عاوزة اقولها - ان مش بس تاخدى باللك من الكوافير لاء تاخدى باللك من اى شخص يحاول ان يتعدى حدوده لان و الحذر مش عيب بالعكس ده يجعل الانسان ايضا فى حياته الروحية حذر من الثعالب الصغيرة - اقصد الهفوات الصغيرة التى ممكن ان تعثره و تجره لخطايا كبيرة - و ربنا يحافظ على ولاده و تذكرى دايما اننا خراف و حملان وسط ذئاب

[المجنونه]

شكرا لهتمماك بموضوع ده فعلا
يارب يستر بس مفيش اى بنت تقدر تستغنا عن اكوافير بس احنا
كده اخدنا معلومه شكرا ليك

[armia1987]

شكرا ربنا يحفظنا

[aymonded]

المشكلة أننا واخدين فكرة غلط عن الناس !!!
مش كل مسيحي ملاك ولا غير المسيحي شيطان ، الناس كلها مثل بعضها تختلف من شخصية لأخرى ، ومش كل الناس ملايكة ولا كلهم شياطين ، ولا نضع ثقتنا في أي شخص بسبب جنسه أو دينه أو عقيدته أو حتى المجتمع اذي يعيش فيه ، أو حتى الكنيسة الذي منها خرج او فيها يعيش ، ولا بسبب أبواه ولا حتى إخوته ، بل نضع ثقتنا في الشخص كشخص ، من جهة أخلاقة ومن جهة أن كان سوي نفسياً أم لا ، وغيرها من الأحكام السليمة التي تبنى على حسب الشخصية وليس حسب الشكل أو الدين أو العقدية ، أو حسب اعتقادنا في الشخصيات حتى لو كان لنا الخبرة ، لأن مهما ما كانت خبرتنا لا نقدر أن نفحص أعماق أي شخص من الداخل ...

أشكرك حقيقي على التحذير الحلو يا محبوبة الله
النعمة معك

[الحنون الطيب]

شكرا ليكى يا اختى على نصيحتك لاخواتك وخوفك عليهم ربنا يحافظ عليكم ويحميكم

[بنت الراعي]

ميرسي اوي ليكي
وانا برده سمعت حاجات كتير كده خصوصا مع العرايس
وربنا موجود بقي وخلق لنا عقل نقدر نميز بيه
الصح من الغلط
وميرسي مره تانيه ربنا يعوضك

[megomagamego]

ياريت البنات تخلي بالها وبالذات من الأشخاص اللي يتطلب التعامل معاهم إلي التلامس زي الكوافير والترزي وغيرة لأن الشهوة دلوقتي زادت جداً في العالم والأزمة المالية اللي جعلت مافيش حد بيتجوز وجعلت الشباب في حالة إحباط دائم
لازم نأخد بالنا ياجماعة من بناتنا وربنا يحافظ عليكم
بس أنا عايز أعرف الأخت اللي حكت القصة دي كان رد فعلها إيه مع الشخص ده
لو ممكن تحكي لنا

[peter nagy]

شكرا يا ميرا على النصيحة دى بس متسكتيش على الموقف ده اعملى اى حاجة انا عندى فكرة مش هتجيبليك اى مشكلى ليكى انتى قلتى ان هو مسيحى صح روحى قولى لاى اب من اباء الكهنة من الكنيسة ويكون الموضوع فى سرية كاملة

[بسوم]

ميرسي ليكي بجد ده موضوع خطير للغايه ويارب نسمع وناخد بالنا من نفسنا وربنا يحافظ علي اولاده

[lolaemo]

اية ده ربنا يستر علينا وعلى كل اولاده شكرا على لفت الانتباه

[rossaa]

شكرا على جزيلا على تحزيرك

وربنا يستر علينا

[تونى كويك]

ياريت كل بنت تخلى بلها من نفسها

[جاسيكا]

ميرسى ميرا للتحزير دا وربنا يحافظ عل كل ولادة
ومتروحيش تانى للكوافير دا

[zaza2006]

شكرااااااااااااااااا على التحذير وربنا يحرص اولاده

[samerco75]

يفضل فى الايام دى تعملوا شعركوا فى البيت مش هايكلفكوا حاجة وربنا يحافظ عليكوا

[sonofgod]

سلام الرب معك+++++ انا سعيد جدا لآنك بتحذرى كل اخواتك من هؤلاء الحيوانات البشرية لكن كنت هابقى سعيد اكتر لو انك فضحتيه فى المحل وامام صاحب المحل وحتى فى الشارع لان ممكن جداا ان الناس اللى حواليه يكونوا مخدوعين فيه باعتبار انه مسيحى لكن لما تفضحيه ممكن جداا يتصاعد الموقف ويتطرد من المحل لانه سبب عثرة وخطية لبنات كتير وشكرررررررررررررررررررررر رررررراا+++++++++