على القنوات الاجنبية

[asmicheal]

ما هذة المسيحية الغريبة الممتلئة بالايحاء النفسى والشحن العاطفى بلا روحانية حقيقية التى على القنوات الغربية ؟



ليست هذة ابدا المسيحية




بل هذا هو الفكر الشخصى للتدين كموضة او تقليعة وليس كدين يمارس وهدف ابدية يملا الحياة




فلن نصل الى اللة بالترتيل العاطفى الانفعالى



ولن يحل علينا الروح القدس لنتكلم بالسنة لافائدة من التكلم بها



ولا لنخبط فى بعض ليغمى علينا




او لندخل فى تمثيليات ايحائية فليست هذة ابدا المسيحية ولا عمل الروح القدس الذى يبكت ويعلم ويقتاد الى التوبة والذى هدفة وصول الانسان بالسلامة وفى هدوء لملكوت السموات وليس للاستعراض باقرب فضائية ..........




اشكرك جدا يا رب على ارثوذكسية كنيستى وتواضع خدامها وخضوعهم للتوبة الدائمة تحت قيادة روحك القدوس ..........



وارحمنا يا اللة كعظيم رحمتك

[aymonded]

حينما يصاب الإنسان بالفقر ، يحلم بأنه يحيا في قصر من العاج ، فيه كل ما تشتهيه النفس من مال وطعام ، وملبس جميل ، وأن الكل يقدم له الولاء والطاعة ويصير أمام الناس مكرم جداً ، وفي الحياة الواقعية يحاول أن يسر كملك على مملكة خياله الخاص ويوحي بكل حركاته شكل الغنى الذي يحيا فيه متوهماً ...

هكذا كل إنسان يحيا في الفلس الروحي وليس له إلا خيال ومظهر باطل يخدع به النفوس الضعيفة في شكل إعلامي جميل ، ويوحي للناس بقوة الخلاص من كل داء بشكل شو إعلامي ، فيعطي لكل واحد أن يحيا في تمثيلية عمل الله ، والذي هو بعيد كل البعد عن الأصل الروحي الذي من الروح القدس الرب المحيي ,,,

فلنصلي معاً أن يهب الله لكل إنسان يحيا في جو من الخداع النفسي والفكري ، أن يعطيه اليقظة وانفتاح البصيرة حتى يرى ما لا يُرى ويعرف الله الحقيقي فعلاً ...

أشرك على فتح هذا الموضوع الهام للغاية في هذه الأيام الصعبة جداً ، النعمة معك يا محبوبة الله

[finyara]

فعلا انا القنوات ديه بتستفزنى جدا وخصوصا الاشخاص اللى بيتم على ايدهم الشفا زى مابيقولوا بس العيب فى الناس اللى مستسلمة لمثل هؤلاءالاشخاص

[elphilasouf]

الظاهر ان فى كتير فى داخل asmicheal من انتقادات للعالم المحيط بيها
نفسي اشوف حاجه فى الدنيا عجباكى

[bright]

النقد بيعبر عن وعي الانسان يا فيلو

وده كويس لانه لما نعرف المشكله هنحاول نحلها

او علي الاقل نتجنب الوقوع فيها

قول رايك بقي يا فيلو في القنوات المسيحيه الغربيه

انا احب اسمع وجهه نظرك

[elphilasouf]

النقد بيعبر عن وعي الانسان يا فيلو


وده كويس لانه لما نعرف المشكله هنحاول نحلها

او علي الاقل نتجنب الوقوع فيها

قول رايك بقي يا فيلو في القنوات المسيحيه الغربيه

انا احب اسمع وجهه نظرك

فعلا النقد يعبر عن وعى الانسان
ولو ع اختنا العزيزه صاحبه الموضوع فافعلا نقدها بيكون فى موضوعات مهمه جدا وحساسه فى حيتنا

لكن لما الانسان ينقد كل حاجه تشوفهه عنيه فجأه هتتحول الدنيا لمكان مظلم كأيب مفهوش حاجه حلوه

حتى لو مش شايف الدنيا كلها كأيبه كده هو بيصورهلنا مظلمه
لاننا طبيعى هنتاثر بكلامه

تخيلوا لما افتح التلفزيون وكل ما اغير قناه الاقى مش عارف وزير مين عمل ايه ورئيس ايه هبب ايه

نفسي فى مره اغير قناه الاقى حاجه تفرحنى
القنوات بقت مكان للنقد فقط ليس اكتر


المفروض انى لما اشوف حاجه مبنيه غلط
مش مجرد انى اهدها وبس
لكن كمان دوري انى اهدم جزء وابنى بداله جزئين ان مكنش 3

والاحسن من مجرد النقد بس هو النقد البناء

كان فى شماس فى الكنيسه صوته مش حلو شويه
واحد الخدام حب ينقده بس بطريقه بنائه
قاله انت صوتك حلو وجميل بس لو كان صوتك اوطى حبتين هيكون احسن

مش عاوزين ندخل فى تفصيل القصه بس دي لمجرد التوضيح

وبعدين انتى مقولتيش رايك يابريت ليه ولا تيجى ع الغلبان وبس

[asmicheal]

الظاهر ان فى كتير فى داخل asmicheal من انتقادات للعالم المحيط بيها


نفسي اشوف حاجه فى الدنيا عجباكى





فية امور يا فيلسوف
ابداء الراى فيها ينبة لخطورتها

وللاسف امور كثيرة منها ليس فى يدى حلها
او اضاءة شمعة فى ظلامها

لكن على الاقل التبية لخطائها


ويوجد موضوع كامل بناء على طلب الفيلسوف

كلة ايجابيات تعجبنى جدا

علشان متقولوش حرمتكم من حاجة :em0100:


على فكرة انا مش متشائمة قوى كدة

انما على قد ما اقدر بحاول اشمر وانزل للحلول ولاضاءة شمعة

[bright]

رايي يا فيلو : انه ممكن السطح يوصل للعمق

يعني اكيد القنوات الاجنبيه المسيحيه ليها فوايد ولو بنسبه قليله

[aymonded]

يا أحبائي الغالين جداً ، ليس القصد من الموضوع أن نطلق على كل البرامج او ما يُزاع أنه خطأ وظلام ، بل المقصود أن بعض البرامج بتضر أكثر مما تنفع ، ولازم ننتبه بروح الإفراز لما هو خاطئ ، ولا نقصد أن ننظر للأمور بوجه مظلم أو أن كل شيء عتمه ونقد غير بناء !!!

أننا لا نتكلم عن البرامج المفيدة الموجوده في القنوات الأجنبية ، لأن يوجد ما هو مفيد مثل ما يوجد ما هو غير مفيد ، والرب يسوع لما وبخ الكهنة اليهود ، ودخل الهيكل وقلب موائد الصيارفة وقال بيت ابي جعلتموه مغارة لصوص ، لم يكن متشائم ، بل نقد وضع رهيب ، كان لابد أن يقف منه وقفة حازمة ، وليس هذا معناه أن كل ما كان يحدث ظلام وفساد !!!
وأيضاً القديس بولس وبخ الغلاطيين ، وايضاً لام القديس بطرس الرسول لما وجده ملوماً !!!

وهكذا في كل جيل بنظهر ما هو غير منضبط لكي ما تنضبط حياتنا وننتبه ، فاننا لا ننقض من أجل النقض او ننظر الأمور بنظارة سوداء !!! بل ننظر للأمور بواقعية وما هو منتشر منها يفسد عقول البسطاء ، وواجبنا أن نوبخ أعمال الظلام لك يظهر نور الله ويتجه كل قلب للطريق السليم !!!

+ أخيرا ظهر للاحد عشر و هم متكئون ووبخ عدم إيمانهم و قساوة قلوبهم لانهم لم يصدقوا الذين نظروه قد قام (مر 16 : 14)
+ أما هيرودس رئيس الربع فإذ توبخ منه لسبب هيروديا امراة فيلبس أخيه و لسبب جميع الشرور التي كان هيرودس يفعلها (لو 3 : 19)
+ و لا تشتركوا في أعمال الظلمة غير المثمرة بل بالحري وبخوها (اف 5 : 11)
+ و لكن الكل إذا توبخ يظهر بالنور لأن كل ما أُظهر فهو نور (اف 5 : 13)

أقبلوا مني كل حب وتقدير ، النعمة معكم

[asmicheal]

يا أحبائي الغالين جداً ، ليس القصد من الموضوع أن نطلق على كل البرامج او ما يُزاع أنه خطأ وظلام ، بل المقصود أن بعض البرامج بتضر أكثر مما تنفع ، ولازم ننتبه بروح الإفراز لما هو خاطئ ، ولا نقصد أن ننظر للأمور بوجه مظلم أو أن كل شيء عتمه ونقد غير بناء !!!








اةةةةةةةةةةةةةةةةةةةةةةةة ةةةةة

دة فهم اعجبنى

شكرا ايموند

[aymonded]

ربنا يخليكي لينا يا محبوبة الله الحلوة ؛ ولابد من أن ننتبه لحياتنا وما يسبي عقول الكثيرين عن البساطة التي في المسيح ، ويقودهم لفكر مشوه لينقادوا بتعاليم الأردياء :
* " و لكن الروح يقول صريحا إنه في الازمنة الاخيرة يرتد قوم عن الإيمان تابعين أرواحاً مضلة و تعاليم شياطين " (1تي 4 : 1)
* " لا تساقوا بتعاليم متنوعة و غريبة لأنه حسن أن يثبت القلب بالنعمة لا بأطعمة لم ينتفع بها الذين تعاطوها " (عب 13 : 9)

أقبلي مني كل تقدير يا محبوبة الله ؛ النعمة معك

[elphilasouf]

حقيقى انا فرحان ومزقطط بتعليقاتكوا دي
وربنا يخليلنا استاذ ايمن " ايموندد " الى ديما يتضخ فينا كلام النعمه
بس فين الموضوع الى كله ايجابيات ده يا ايه اس
عاوز اشوفه ابوس صابع ايدك الصغير من ايدك الشمال
ههههههههههههههههه
عشان انا نادر مابلاقى موضوع يرفع من روحى المعنويه
ويارب يخليكى لينا ومتحرمناش ديما من بركاتك

[elphilasouf]

رايي يا فيلو : انه ممكن السطح يوصل للعمق


يعني اكيد القنوات الاجنبيه المسيحيه ليها فوايد ولو بنسبه قليله

ده ايه الايجابيه دي
دعينى احضر لكى كرسي لان شكلك تعبتى من الوقفه
وردك حلو جدا
لان يمكن لو مكنش فى قنوات مسيحيه متعجبناش مكناش فكرنا فى قنوات خاصه لينا كارثوذكسيين

[elprof0]

يعنى توضيح مش اكتر المقصود من القنوات الغربيه ؟؟؟؟؟ايه هل هى الكاثوليكيه

[ابن المسيح كوكو]

على فكره elphilasouf (http://www.orsozox.com/forums/member.php?u=15515) انت اللى فيك انتقادات عايز تبقى (وانا مالى يولعوا فى قلب بعض) ده رايك وانا اسف على رايى ده اللى انا شايفه من اسلوبك انا اسف ده رايى

[menovich]

اشكرك جدا يا رب على ارثوذكسية كنيستى وتواضع خدامها وخضوعهم للتوبة الدائمة تحت قيادة روحك القدوس ..........


وارحمنا يا اللة كعظيم رحمتك


No Comment

[emmmy]

موضوع بجد رائع والمناقشة فية كانت جميلة
القنوات المسيحية الاجنبية بتبقى وسيلة للدعاية مش اكتر
او فهمهم للتدين وانتشار كلمة ربنا محدود للاسف هما شايفين انهم بيوصلوا كلمة ربنا عن طريق القنوات دى ميعرفوش ان الشيطان بيستخدمهم بطريقة ماكرة تسبب عثرة للاخرين هما مش اكتر من وسيلة واداة فى ايد الشيطان واحنا المفروض يبقى عندنا روح التمييز والافراز زى ما قال الاستاذ ايمن

[mno-z]

((اشكرك جدا يا رب على ارثوذكسية كنيستى وتواضع خدامها وخضوعهم للتوبة الدائمة تحت قيادة روحك القدوس ..........



وارحمنا يا اللة كعظيم رحمتك ))

وكمثل كثرة رأفتك امحُ مآثمي , أغسلني كثيرا من إثمي ومن خطيئتي طهرني ....... الخ من المزمور الخمسون


الله ما اروع هالكلام ... لك مرسي ليك يا عسل