نفسى اتكلم [الأرشيف] - †† ارثوذكس ††

يوم مماتى

03-08-2009, 10:06 PM

ياجماعه انا نفسى اتكلم واطلع كل اللى جوايا وفى نفس الوقت تساعدونى وتقولولى اتصرف ازاى
انا مخطوبه لشخص كان بينا قصه حب جميله جدا ومليانه تضحيات كتير اوى وتنازلات كتير علشان نكمل مع بعض ونرتبط ببعض
دلوقتى حساه اتغير شويه بس لما بحلفه يقولى ابدا مفيش حاجه من ده دا مجرد ضغوط شغل وفعلا بيبقى كويس جدا معايا
بس الفتره دى حاسه انه بيتلكك يعنى بيتخانق على اسباب تافهه جدا وجه مره وقالى نسيب بعض وعايز يفك الخطوبه
وحلفته كتير ليه بتقول كده قالى على السبب وانا شيفاه تافهه
ولحد اخر وقت بحاول اتكلم معاه بهدوء بس كان بيضايقنى بكلامه الجارح والموضوع كبر اوى واخر حاجه وصل ليها اننا نسيب بعض
انا دلوقتى مش عارفه انا مخطوبه ولا لا
وانا صح ولا لا
بأمانه المسيح انا بعشقه وهوه كمان بس مش عارفه ايه اللى حصل ده والموضوع كبر اوى كده ليه

نفسى افهم اعمل ايه اقلع الدبله وانسى كل اللى فات ولا استنى يومين واحاول اتكلم معاه تانى بهدوء
ارجوكوا حد يرد عليا لانى بجد تعبانه جدا ومش متخيله بعد كل اللى بينا ده كل حاجه تروح لحالها

وعلى فكره محدش فى البيت يعرف حاجه
ومحدش يطلب منى انى ادخلهم لانهم مش هيقتنعوا بالسبب اللى بيقوله وممكن كمان بكل سهوله يقولولى سيبيه

واب اعترافى ميعرفش تفاصيل بكره انشاء الله هتكلم معاه
هوه يادوب عرف العنوان النهارده لما بقوله احتمال نسيب بعض
قالى بطلوا جنان انتوا الاتنين واعقلوا

مستنيه ردودكوا من فضلوكوا

anosh

03-09-2009, 12:01 AM

انتى بتقولى انه قالك سبب انه عايز يفك الخطوبه
و انتى شايفاه سبب تافه
و احنا كده مش عارفين السبب
يعنى بصراحه لو انتى شايفه السبب ده فعلا تافه حاولى تقعدى و تتكلمى معاه بهدوء تانى
يمكن يكون فيه حاجه مضيقاه فى الشغل او فى بيته
او يمكن يكون مثلا حاسس باى مشاعر تانيه اتجاه انسانه تانيه غيرك
او يمكن فيه حاجه فيكى مش عجباه و مش قادر يقبلها فيكى لحد دلوقتى و انتى ماتغيرتيش
حاولى تفكرى فى الموضوع بهدوء و من جميع النواحى كويس جدااااااااااااااااااااااا اااااااااااا
لان فعلا لو فيه بينكم قصة حب جميلة كده و تضحيات و عشرة حرام كل ده يروح كده فى لمحة عين
صلى ان ربنا يعدى الفترة ديه على خير
و ربنا يديكى نعمة و حكمة فى تدبير الامور
و يبارك حياتك انتى و خطيبك
و حاولى تتفقى معاه و تروحوا الكنيسة تحضروا قداس و تتناولوا مع بعض
صلى كتتتتتتتتتتتتتتتتتتتتتتتت تتير و ربنا ان شا الله يدخل و يحلها من عنده
ببركة البابا كيرلس
امين

حنين سنين

03-09-2009, 01:18 AM

بصى يا حبيبتى انتى لازم تصلى كتير جدا من دلوقتى تطلبى مشوره ربنا
يظهر كل شئ لانه جايز جداااا يكون دى اراده ربنا انا عارفه انك ممكن تضايقى من كلامى
بس دى الحقيقه لو ربنا رايد ارتباطكم هيحل المشاكل وبعدين انتى عليكى حمل كبير اوى لازم تستحملى خطيبك ومش لازم تفكريه بانكم ضحيتوا علشان بعض انتى عملتى كدا علشان قلبك وهو كمان عمل كدا علشان حبه ربنا يسعدكم بس لازم تصلوا وحاولى توصليله هو كمان يصلى فى فتره تطلبوا مشوره ربنا

iyiy

03-09-2009, 01:29 AM

انا عارفة ان سنى صغير وانى لسة ما مرتش بتجارب كتير
بس هقولك خليكى معاة يمكن فى مشكلة عندة وهو مش عايز يقولهالك علشان خايف عليك وبيتلكك علشانك
وبجد طالما بتحبية كل الحب دة وهو كمان بيحبك هاتتعبوا اوى لو سبتو بعض وانتى لما تفضلى معاة هايقدر حبك وهايتمسك بيكى اكتر
دة من وجهة نظرى ولو انا مكانك يعنى لو ارتبطت بالانسان ايلى بحبة مش هافارقة الا ساعة الوفاة حتى لو هو طلب منى الفراق لاى سبب

mony_nnn

03-09-2009, 02:09 AM

انا شايفة انك لو بتحبيه بجد يبقى لازم تصبرى عليه ومش تستعجلى لو مش قالك سبب مقنع تعرفى ساعاتها انه مش بيحبك ولا حاجة وبيضحى بيكى يبقى لازم تسبيه ومش تبقى على واحد بايعك.

love is the key

03-10-2009, 07:54 PM

اختى المحبوبه في الرب
اولاً انا عاوزك تبقى هاديه وتفكري في الامور بعقلنية شويه
ثانياً صلي كتيررر جداااا من اجله ومن اجلك واحضري قداس واعرفي ربنا عاوز يقولكم اية
ثالثا حاولى ان انتى تخرجي خطيبك من الحاله اللى هو فيها دي
وطبعا زي ما اتقالك متفكرهوش بتضحياتك من اجله
رابعا انتى لو هو عنده اخوات حالوى تعرفي اية الظروف اللى هو بيمر بيها
وخصوصا لو عنده اخت ممكن تبقى عارفه كل اخباره
خامسا اتكلمى معاه بتمسك وان انتى متمسكه بيه للنهاية

وياريت رجاء محبه من كل اللى يقراء هذا الموضوع نرفع صلاه خاصه من اجلهم
وربنا يوفقكم ويبارككم

صلي من اجلى
اخوكى

Robika

03-11-2009, 02:17 AM

اختى الجميلة سلام ونعمة ربنا يسوع المسيح تكون معاكى
انا هاعتذر مقدما عن اى كلام هايجرح مشاعرك بس سامحينى انا اعرف خبرات من كل اللى حواليا وهاقولك وانتى حكمى قلبك مع عقلك انا شايفة انه ممكن يكون عندة ضغوط وهى دى اللى خلتة يقولك كدة فرضا صح يبقى استنى مهلة تتاكدى انها مجرد ضغوط وظروف وهاتعدى لكن لو لقيتى انه بيكررلك الكلمة دى كتير انسحبى بهدوء لان مفيش راجل على الارض هايكرر الكلمة دى كتير وهايطلبها منك كتير انكوا تسبوا بعض وتثقى فية تانى لانة فى اتفة الامور فى نظرك بيقول كدة امال فى الامور الكبيرة الصعبة يبقى هايقول اية
اخيرا علشان مطولش عليكى فكرى بعقلك شوية فى الفترة دى قبل قلبك وربنا معاكى ويفرح قلبك ويرشدك للصالح ويارب تكملوا مع بعض وتمر الازمة

ظريف

03-11-2009, 03:09 PM

بأمانه المسيح انا بعشقه وهوه كمان بس مش عارفه ايه اللى حصل ده والموضوع كبر اوى كده ليه

فيه مثل مشهور بيقول ..... يابخت من بكانى وبكى عليا ولا من ضحكنى وضحك الناس عليا ........
بإختصار شديد أى شاب بيفك الخطوبه بيبقى فيه سببن رئيسيين
1ـ بيكون شاب مستهتر وبيتدارى وراء ستار الخطوبه ولما بيزهق منها بيتركها ويشوف غيرها بنفس الطريقه
2ـ بيكتشف الشاب عيوب فى خطيبته ويخشى أن تكون عائق فى إستمرار الحياه الزوجيه فيما بعد

bright

03-12-2009, 12:50 AM

انا رايي انكوا تبعدوا عن بعض فتره

تكونو فكرتو كويس قبل ما تاخدوا قرار سواء انكو تكملو او تنفصلو

ربنا معاكي

goneer

03-12-2009, 05:35 AM

aymonded

03-12-2009, 06:42 AM

اختى انتبهى لكلامى من فضلك
اوللا: انا بحضر ماجستير فى علم النفس.
ثانيا: انا مريت بنفس تجربتك لانى كنت مخطوبة لانسان كان بيقول انو من غيرى يموت. فانا حاسة بيكى اوى وعارفة حالتك ومشاعرك وتفكيرك ولومك لنفسك ع كل شئ حتى لوماكنتيش غلطانة فى شئ.
ثالثا: انا اتفق جدا وعن خبرة مع اختى robika واختلف تماما مع اخى ظريف واطلب منك لا تحطى كلامة فى بالك لانها تعبر عن وجهة نظر وليست قاعدة لان مافى نوع من البشر ينقسم الى جزئين فقط وصدقينى العيب ممكن مايطلعش فيكى اصلا.
رابعا: من فضلك وراح اقولها ليكى الف مرة كرامتك...كرامتك....كرامتك....ك� �امتك.وثم كرامتك................اختى عيشى غالية وماتقللى من نفسك تحت اى ضغط(قلبك) ولاتتنازلى لان التنازل مابيجيب الا التنازل فى النهاية وراح تصغرى فى نظرة.
خامس:نسيتى اية مهمة جدا "ما جمعة الله لا يفرقة انسان" يعنى ربنا كاتب ليكى نصيبك ومهما عملتى ولو خطيبك دة مش هو نصيبك مش هتتجوزية ولو هو نصيبك مهما اتفرقتوا ربنا هيجمعوا تانى "لكل شئ تحت السماء وقت" ثقى كل الثقة فى وعود ربنا لانها الوعود الوحيدة الصادقة والثابتة الى الابد.
اذكرينى فى صلواتك

حقيقي الكلام جميل وحلو جداً
بس عندي تعليق بسيط يا محبوبة الله

" خطيبك دة مش هو نصيبك مش هتتجوزية ولو هو نصيبك مهما اتفرقتوا ربنا هيجمعوا تانى "
الموضوع مش قسمة ونصيب على الإطلاق ، لأن لو موضوع نصيب يبقى مش فيه حرية للإنسان أو لاختياره ، وليس عليه أيه ملامة أن أختار خطأ أو لم يدقق في حياته واختياراته ، لأن لكل واحد ان يختار طريقه ، ويختار من يرتبط به ، وأن أخطأ في الاختيار تحت اي بند أو حجة النصيب فسيظل يعاني من سوء اختياره ، فكل واحد فينا مسئول عن اختياره الحرّ ، ولنا أن ندقق حسب روح الإفراز والشركة في نور الله الحلو ...

أشكرك حقيقي على تعبك معانا وعلى آرائك الراجحة
أقبلي مني كل احترام وتقدير يا محبوبة الله
النعمة معك

MARMORAM

03-12-2009, 05:19 PM

بصراحه انا راى انك تفكرى كويس صعبه قوى مهما كان مضغوط انه يقولك نسيب بعض وبعدين ايه علاقة الشغل وزعله بمستقبلكم مع بعض خالى بالك كويس لانه شكله بيتلكك وبرضو اديله اخر فرصه وقوليله لو مش عاوزنا نكمل قول احسن من العذاب ده وربنا يوفقك والنصيب غلااااااااااااااااااااااا ااااااااب

goneer

03-12-2009, 11:46 PM

الموضوع مش قسمة ونصيب على الإطلاق ، لأن لو موضوع نصيب يبقى مش فيه حرية للإنسان أو لاختياره ، وليس عليه أيه ملامة أن أختار خطأ أو لم يدقق في حياته واختياراته ، لأن لكل واحد ان يختار طريقه ، ويختار من يرتبط به ، وأن أخطأ في الاختيار تحت اي بند أو حجة النصيب فسيظل يعاني من سوء اختياره ، فكل واحد فينا مسئول عن اختياره الحرّ ، ولنا أن ندقق حسب روح الإفراز والشركة في نور الله الحلو ...
اخى aymonded بدايتا انا شاكرة ليك جدا على تعليقاتك اللى انا مستحقهاش لأرائى
لكن اسمحلى ان اختلف معك لان صدقنى بتكون الخطوبة بعد دراسةمتعقلة طويلة وصلى ومع ذلك بينفصلوا وذلك لوجود ناس كتير شاطرة جدا فى الخداع يعنى مش بيكون سوء اختيار وكمان انا اعرف ناس كتير بيبقى كلاهما كويسين جدا لكن ربنا لانو مابيكنش مبارك الزيجة دى فبينفصلوا وصدقنى ربنا بيسمح بمرورنا بضيقات علشان يغيرنا وبيجهزنا لما هو افضل لنا "ليكون لكم افضل " والقسمة دى اقصد بيها ارادة الله واللى هى الاساس .
ومش معنى كلامى انى ضد عامل الاختيار اكيد لا فهو عامل قوى جدا ولازم يتسم بالعقلانية ولايعتمد على المشاعر "لانها خداعة". وربنا يوفق الجميع.
انا متشكرة اوى واذكرنى فى صلاتك

[/quote]

aymonded

03-13-2009, 01:26 AM

السلام لنفسك يا محببوة الله الحلوة جداً :
يبقى أكيد ده مش قسمة ونصيب ؛ ده يبقى سماح من الله ، والإنسان مش عرف يميز ، لأن فيه فرق كبير بين قسمة ونصيب ، وبين سماح من الله ، فأن سمح الله فليس معناها أنها إرادته كده أصلاً ، بل نقدر نقول إن الإنسان لسة مش عنده موهبة التمييز والإفراز ...

المشكلة الحقيقية هي عدم القدرة على التمييز ، وجية موهبة من عند الهل للإنسان ، وطبعا انا فاهم كلامك من البداية بس مش عايز يوصل الكلام به لبس عند اي حد او يتواكل على كلمة قسمة ونصيب ...

أقبلي مني كل احترام وتقدير لشخصك الحلو يا محبوبة الله
النعمة معك

MARMORAM

03-13-2009, 10:02 AM

انا راى تفكرى تانى ومفيش واحد بيحب واحده يقولها كده وبعدين حتى لو مضغوط فى الشغل برضو مش المفروض يقول كده

مارسيللينوب

03-15-2009, 04:15 PM

انا من را يي انك تستني شويه وتستحملي لان اكيد في حاجه مضيقاه ولو بتحبيه بجد هتستحملي كلامه الجارح واتكلمي معاه بهدوء وربنا معاكي

brokenheart

03-15-2009, 11:00 PM

خامس:نسيتى اية مهمة جدا "ما جمعة الله لا يفرقة انسان" يعنى ربنا كاتب ليكى نصيبك ومهما عملتى ولو خطيبك دة مش هو نصيبك مش هتتجوزية ولو هو نصيبك مهما اتفرقتوا ربنا هيجمعوا تانى "لكل شئ تحت السماء وقت" ثقى كل الثقة فى وعود ربنا لانها الوعود الوحيدة الصادقة والثابتة الى الابد.

انا بصراحه معاها ف الحته دى صلى بس كتير وسيبيها على ربنا وسلمى حياتك ليه هتبصى هتلاقيها بتمشى تمام بس ممكن يكون ربنا عمل كدا عشان ربنا مثلا يكون شايف انو مش هيسعدك لما تتجوزووا وممكن بردو يكون عمل كدا بيختبر ايمانك وانتى واثقه فيه ولا لا .. متزعليش من التجارب اللى بتجيلك .. المهم تعديها بشكر وصلاه دايمه

وحاولى تصلى كتير ف الانجيل وهتلاقى كلام ربنا فيه ,, ربنا معاكى ياقمرر بجد وينولك اللى ف بالك

يوم مماتى

03-16-2009, 07:19 PM

اولا متشكره اوى لكل اللى رد عليا وشاركنى فى مشكلتى
ثانيا عايزه اقولكوا اخر الاخبار
اب اعترافى عرف وقالى اصبرى شويه
وهوه كان بيتصل بيا كتير احيانا كان يتكلم عادى ويسأل عليا وعلى صحتى وعلى اللى فى البيت وكده
واحيانا كنا بنتخانق علشان نفس الموضوع ولما ابكى يقولى من فضلك بلاش تبكى طيب بتبكى ليه واحس انه متضايق من بكايا وخايف عليا
وعرفت انه قال لاهله على كل اللى حصل قالهم انى مش بسمع الكلام
بيطلب منى حاجات بأمانه بتكون مش بأيدى انى اعملها
اخر كلام بينا كان النهارده قالى انه مستنى منى اقوله انا اسفه ومتزعلش منى علشان شايف ان انا السبب فى دا كله علشان مكنتش بقوله حاضر على حاجات تافهه احنا بقالنا النهارده 22 يوم متخاصمين وبجد نفسيتنا متدمره اوى
بيقولى انه لما اتصل بيا امبارح كان مستنى منى اقوله انا اسفه لكن انا طبعا مقولتش وهوه اتضايق وقفل والنهارده قلهالى صريحه انه مش هيدخل نت غير لما اتصل اقوله انا عوزاك واقوله انا اسفه
ولما قولتله المفروض انك انت اللى تعتزر على كل اللى الكلام اللى قولته قالى هقولها بس مش دلوقتى
هوه من الاخر مستنى منى اقوله انا اسفه ويحسها وبعدين هيقولها هوه

بصراحه بقى انا مش قادره اقوله انا اسفه ولو قولتها هقولها وخلاص لكن مش حاسه انى غلطانه ومش هطلعها من جوه وعن اقتناع

ياجماعه انا تعبت بجد اوى اوى ومش عارفه اعمل ايه
وهل كلمه اسفه دى هتقلل من كرامتى ؟

معلش اسفه جدا انى بضايقكوا معايا بس مش لاقيه غيركوا اتكلم معاه

يوم مماتى

03-16-2009, 07:34 PM

اولا متشكره اوى لكل اللى شاركونى فى مشكلتى وردوا عليا
ثانيا احب اقولكوا اخر اخبارى
اب اعترافى عرف كل حاجه وقالى اصبرى واستنى شويه
خطيبى كان بيكلمنى كتير احيانا يبقى كويس ويتكلم كويس ويسألنى على صحتى وعلى البيت واحيانا نتخانق ولما ابكى يقولى من فضلك بلاش تبكى ويقعد يسألنى بتبكى ليه
عرفت انه قال لاهله فى البيت كل حاجه وقالهم انى مش بسمع كلامه
هوه بأمانه بيطلب حاجه تافهه بس احيانا بيكون مش بأيدى انفذها
المشكله انه مش مقدر كده وشايف انى بتحجج علشان مش انفذ كلامه

المشكله بقى النهارده كان اخر كلام بينا مستنى انى اقوله انا اسفه على اللى حصل منى هوه شايف ان انا السبب فى كل ده علشان مش بقول حاضر او مش بسمع كلامه
بقوله طيب وانت مش هتعتزر قالى هعتزر بس مش دلوقتى
من الاخر هوه مستنى انا اعتزر الاول ويحسها فعلا وبعدين هوه كمان هيعتزر

المشكله انى فعلا مش قادره اقوله انا اسفه لانى مغلطتش فى حقه ولو قولتها يبقى بكون بكدب عليه
هوه مستنينى اهدى شويه كده واعتزر

هيه كلمه اسفه دى هتقلل من كرامتى ولا ايه ؟

بجد يا جماعه انا تعبت اوى واحنا الاتنين نفسيتنا متدمره فعلا

اول مره نزعل مع بعض الفتره ده كلها احنا بقالنا 22 يوم

اسفه انى بضايقكوا وصدعتكوا بمشكلتى
بس فعلا مش لاقيه حد اتكلم معاه غيركوا

ارجوكوا ردوا عليا بسرعه

ramysefen

03-18-2009, 01:55 PM

سلام ونعمة
اختي الحبية يوم مماتك
اولا:لي تحفظ علي الاسم معلش انا اسف ...متزعليش مني
ثانيا:زي مقال ظريف بالظبط
دول فعلا اهم سببين من اجل فك اي ارتباط بين اتنين
علشان كده اوعي تاخدي قرارك لوحدك
الحل الوحيد هو مذبحك الخاص
الصلاة,,,,,الصلاة,,,,الصلاة
وربنا يدبر حياتك

remon ragheb

03-23-2009, 11:17 PM

اختى ان كان وصلتة ضغوط الشغل لفسخ الخطبة فما بالك بضغوط الحياة ومتطلباتها هل سيتركك بعد الزواج والاولاد ام سيطلب خلع ام ماذا
الرب يكشف الخبايا مع طول الفترة والعشرة ويكشف كيفية التصرف فى لقاء المشكلات هل الحل بالتنصل من الوعود والواجبات لا اعرف اين الرجولة؟ سامحينى لتكن ارادة اللة والرب يعطيكى غيرة محب مسؤل يقدر الاشتراك والعشرة

megomagamego

03-24-2009, 12:54 PM

أختي الحبيبة في الرب يسوع
صوت ربنا ... صوت ربنا ... صوت ربنا .... صوت ربنا .... صوت ربنا
ضروري تسمعي صوت ربنا في كل مواضيع حياتك ... ممكن يكون ربنا حاول ينبهك في بداية خطوبتك إن مش هو ده الأنسان المناسب ليكي ... وإنتي أغلقتي أذنيك عن سماع صوت ربنا وربنا إستني عليكي شوية ورجع تاني ينبهك ويسمعك صوتة بأي طريقة حتي لو من خلال خطيبك (لأن الحب القوي أوي بيخلي الواحد لا يقبل سوي صوت ربنا اللي بيقول " حاضر " ) لكن ربنا لو قال لأ ... مش بقدر أسمعه لأني بحب ... وبحب أوي كمان ومش قادر أسيب لأني بحب .
وده ممكن نشوفه في الخطايا الصغيرة التي تتحول إلي عادات كبيرة وياما ناس أغلقت أذنيها عن سماع صوت ربنا وما أكثرهم في محاكم الأحوال الشخصية ومكاتب الأسرة بالكاتدرائية .
علي العموم مش هطول عليكي ... فكري كويس مع نفسك يا تري ربنا مبارك الموضوع ولا لأ ... وهل ربنا حاول ينبهك بأي طريقة إن مش هو ده الإنسان المناسب ولا لأ
ولازم تصلي كويس جداً جداً جداً جداً وترفعي الموضوع علي المذبح
وإوعي تتهاوني في جزء من كرامتك أبداً ... ممكن تتألي علية شوية ... أو لو طلب منك نفس الطلب السخيف " أنا آسف " إنه يسيبك قولي موافقة ... وصدقيني الولد مننا طول ما هو حاسس إنه ممتلك الشخص اللي قدامه بيتحكم وبيبقي سهل إنه يقول ويهدد بالإنفصال ... لكن صدقيني لو في مرة واحدة بس شعر إنك هتضيعي من إيدية فعلاً هيرجع زاحف ويعود لعقلة ولطبيعتة وهيفكر كويس إنك بنت كويسة ومش هيلاقي زيك و... و... و... .
علي فكرة لو حصل العكس وسابك فعلاً يبقي مايستاهلكيش ويبقي ربنا عايز كدة وهو ده صوته وصدقيني هيجيلك الشخص الأحسن منه 100 مرة اللي ربنا محضرهولك وعمال ينادي عليكي وإنتي مش سامعاه .
آسف لطول الرسالة ... ربنا معاكي
أخوكي ماجد

megomagamego

03-24-2009, 01:00 PM

آسف نسيت أقول حاجه
أنا عمري ما قولت لخطيبتي ( مراتي منذ 5 شهور فقط ) إن نسيب بعض أبداً إحتراماً لكرامتها وتقديراً لشخصها المحبوب عندي
مهما دخل الشيطان بيننا لكني كنت دايماً بقول لنفسي إنها ياما إستحملتني في عصبيتي وشالت عني حاجات وهموم كثيرة
أينعم دلوقتي بندم لكن معلش دي مراتي برده هاهاهاهاها

lolaemo

03-24-2009, 10:19 PM

بصى انتى لازم تاخدى راى اب اعترافك لانه عارفكو وهيعرف السبب وبنعمة ربنا يسوع يديكو كل الخير دايما
ربنا معاكى ويحرسك من كل سوء

يوم مماتى

03-25-2009, 12:38 AM

ميرسى ياجماعه لاهتمامكوا
انا عايزه اقول لماجد حاجه انا فعلا سايبه الموضوع على ربنا بس عايزه اقولك حاجه ان ربنا وقف معانا بطريقه غريبه فى بدايه موضوعنا احنا كان شبه مستحيل اننا نرتبط ببعض كان عندنا مشاكل كتير وبسم الصليب لقينا كل حاجه بتتحل من غير مانعرف ازاى وكنا بنصلى كتير ونحط اسماءنا على المذبح ونقوله لتكن ارادتك
ودلوقتى هوه بيحاول يصلح غلطه وبقى كويس اوى وانا بصراحه مش عارفه ارجع زى الاول يعنى بحاول اخد احتياطى فى كل كلمه بقولها وهوه بصراحه بيحاول يعتزر بطريقه لطيفه ورجع زى الاول وهوه بيعمل كده مش مجرد انه بينيمنى يعنى او بيضحك عليا
هوه مش كده خالص
ميرسى ياجماعه لاهتمامكوا

megomagamego

03-25-2009, 11:48 AM

"إتأسفي" يا ستي وخلاص وخليكي أحسن منه ولما الأمور تصفي هتلاقي الجو يسمح بأنكم تتناقشوا بنفوس صافية وساعتها ممكن تعرفيه غلطه فين
لكن طول ما حضرتك مش عايزة تتأسفي وهو كمان مش عايز يتأسف النفوس هتشيل من بعض والأمور هتكبر وتتعقد وخلي بالك كل ما البعاد بيكبر الحب بيضيع وبيتهيألي إنك لو إستفدتي بالوقت اللي بيضيع ده في إنكم تعملوا حاجة مفيدة في بيتكم أو حتي تحبوا بعض وتخرجوا مع بعض أفضل بكتير من الخصام
والثمن عبارة عن تواضع وأسف فقط يا بلاش ... صدقيني أجرتك عند ربنا كبيرة لو إنتي قدمتي الإعتذار الأول حتي لو إنتي مش غلطانه
وهو ربنا كان غلطان ساعة ما الناس صلبوه !!!!
إسمعي كلامي الوصفة دي هايلة أحسن ما حد يقولك هاتيلي رجل نملة ميتة من 100 سنة أو شعرة من فار محروق ... إتأسفي يا ماما وبكرة هو اللي هيتأسف فقط إرضيه وهيعطيكي عينية
أخوكي ماجد

megomagamego

03-25-2009, 03:31 PM

أختي الحبيبة
أنا مبسوط أوي من كلامك الأخير إن خطيبك بقي كويس ورجع لعقله وبيحاول يعتذر
أما بخصوص إنك مش عرفة ترجعي زي الأول هو ده اللي أنا حاولت أوضحهولك في الميل السابق إن البعاد لما بيكبر بين إتنين "بيحبوا بعض" الحب اللي بينهم بيضيع والقلوب بتجمد والإنسان بيبقي مش قادر يرجع زي زمان ويحس إنه حبه فاتر ومش طالع من القلب
" زي كدة لما تجيبي إتنين متخاصمين منذ 10 سنين وتحاولي تصالحيهم غير لما تحاولي تصالحي إتنين بقالهم أيام فقط "
أختي أنا عايز أقولك إنك ماتسمحيش تاني إن الموقف ده يتكرر وياريت تستمتعي بوقتك لأن أجمل فترة في الإرتباط هي فترة الخطوبة وياريت تطلعي رحلة مع خطيبك أو تخرجوا خروجه حلوة تنسوا فيها الموقف ده " والحكمة في إنك ماتسمحيش بتكرارة مرة أخري أرجوكي "
وفي النهاية أنا سعيد جداً بمعرفة أخبارك المفرحة زي ماكونت حزين جداً في أول ميل إنتي أرسلتية وكان نفسي أحل معاكي الموضوع
ربنا معاكي وماتنسيش تعزمينا علي الفرح القريب بإذن ربنا يسوع المسيح
بالنسبة لعنوان الموضوع (يوم مماتي) !!!!!!!!!!!!
ممكن ماتكتبيش عنوان لأي موضوع تاني أو سيبية فاضي " هي ناقصة إكتئاب "
أخوكي ماجد

تونى كويك

03-26-2009, 07:44 PM

بصراحة مش عارف اقول اية لاكن لازم اقول حاجة
لابد من انك توضعى حل جزرى وفى اسرع وقت للموضوع ده
ولو اتكررت كلمة فسخ للخطوبة على الفور ابدئى انت
حتى لو كان صعب عليكى من حبك ليه مثلا
لان يا اختى العزيزة بالبلدى كد ا المثل بيقول
اللى تحلة بايدك احسن من اللى تحله باسنانك
لانكم لسة على البر والرب يبارك حياتكم