حوار مثير : هترقص فى فرحك؟؟؟؟؟؟؟؟؟؟؟؟ [الأرشيف]

مشاهدة النسخة كاملة : حوار مثير : هترقص فى فرحك؟؟؟؟؟؟؟؟؟؟؟؟

asmicheal

03-13-2009, 04:42 PM

معلومة الاول
ونتحاور
تعريف الرقص:
- استخدم الإنسان الأول الرقص للتعبير عن عواطفه على اعتباراته من اللغات الأولى التي عرفها إلى جانب الصوت والدراما ليشكل أساس وانطلاق باقي الفنون من بعدها والرقص يجمع بين الرياضة والفن بحركات متناسقة تختلف في شكلها وإيقاعها باختلاف وقت ومكان ظهورها لارتباطها بالعادات والتقاليد المجتمعية.
- وعلى الرغم من نظرة المجتمع الشرقي السلبية لفنون الرقص الناتجة عن صورة نمطية سلبية للراقصة والمرتبطة بالإغراء المتركز في الجانب الجسدي بمعزل عن الجانب الروحاني.
- الفيلسوف الانجليزي هفلوك يختصر الحديث عن فن الرقص كفن راق بقوله: " إذا كنا لا مبالين في نظرتنا إلى فن الرقص فإننا لا شك فاشلون ليس في تفهم الظاهرة السامية للحياة المادية فحسب بل في تفهم الرمز السامي للحياة الروحية أيضا".
- أغلب المدارس العالمية لفن الرقص تحمل الشعار التالي:
To live is To Dance, To Dance is To Live
Learn it once and Enjoy it all Your Life
أنواع الرقصات وصفاتها:
تقسم الرقصات إلى فئتين:
1- Ballrooms.
2- Latino.

إن لم تستطع سماع الموسيقا يمكنك تحميل البرنامج الخاص به من خلال النقر هنا

- البالروم ( أو رقصات الصالونات ) :
1- الفالس و الفالس Viennese: اضغط هنا لسماع الموسيقا (Waltz)
اضغط هنا لسماع الموسيقا (Viennese)

وتعتبر من أقدم الرقصات.
ويعود عمرها إلى أكثر من قرن، وهي أكثر الرقصات إنتشارا في العالم، ومصدرها البلاد الواقعة على ضفاف الدانوب مثل ألمانيا والنمسا.
انتشرت عن طريق مقطوعات لكبار الموسيقيين مثل ( الدانوب الأزرق ) لـ ( شتراوس ) و ( لحن الفراشة ) لـ ( شويين ).

والأولى أي الفالس إيقاعها بطيء وهي مخصصة للمراسم والأعراس.
والثانية أي الفالس Viennese إيقاعها سريع رقصة الملوك ( الدانوب الأزرق ).
وكانت تعتبر الفالس في ذلك الوقت رقصة جريئة، وقد انفك الانحصار الاجتماعي عنها نوعا ما لما كما رقصتها الملكة فيكتوريا بإحدى الحفلات مع أحد الأمراء وهي مصنفة ضمن مسابقات الرقص ( ballrooms).

2- التانغو أو التانغو الأرجنتيني:

انتقلت خلال حجرات الأفارقة عبر اسبانيا خلال النصف الأول من القرن التاسع عشر ومر تاريخ التانغو بعدة مراحل بدء بالتانغو الأندلسي الذي انتشر في اشبيلية.
ويتميز بوتيرة حركية معتدلة مع مرافقة موسيقية على الجيتار.
وفي الفترة من 1880 – 1890 انتشر التانغو الكريولا الذي يشكل مزيجا بين التانغو الأندلسي والرقص الشعبي الأرجنتيني ويأتي بمصاحبة الأكورديون والماندولين والكمنجة ويمثل رقصات زوجية يؤديها الراقصات بعيدين كل منهما عن الآخر.
وفي نهاية القرن التاسع عشر ظهر التانغو الأرجنتيني كحصيلة تغييرات مستمرة على التانغو وتأتي رقصة التانغو كرقصة زوجية يؤديها الراقصان وهما بوضع قريب.
المرحلة الأخيرة التي مرت بها هذه الرقصة هي المرحلة العالمية وتبدأ منذ أخذ معلمو ومصمموا الرقص العالميون صقل هذه الرقصة حتى انتشرت في العالم وهي دخلت في مسابقات الرقص ( البالروم Ballrooms).
3- فوكس تروت اضغط هنا لسماع الموسيقا

رقصة ابتدعها شخص اسمه هاري فوكس عام 1912 في نيويورك.
وتعتبر ( الفوكس تروت ) أول نوع من الرقص الذي تميز أداءه بوضعيات متقاربة بين الرجل والمرأة حتى تظهر بكثرة في أفلام الثلاثينات والأربعينات.
وتسمى برقصة الخطوتين وهي بطيئة ومعتمدة في مسابقات الرقص ( البالروم Bailrooms ).
وهناك رقصة الكويك ستيب ( Quick step ).

- الرقصات اللاتينية:
1- الباسا دوبلي:

وهي رقصة مستمدة من الأصول الإسبانية ومنبثقة من موسيقى الفلامنكو، ومن الرقصات الغجرية في جنوب إسبانيا ومستوحاة من تقليد مهاجمة الثيران، وتسمى برقصة الانتصار.
الرجل يمثل فيها المصارع والسيدة تجسد الرداء الأحمر.
كان الرجل يعتقد أن المرأة سهلة المنال ولكن العكس هو الصحيح.
وهي معتمدة في مسابقات الرقص ( Latino Dance ).

2- الرومبا (بوليرو):

وهي من أنواع الرقص البطيء ( Slow ) تعتمد على الإيقاع اللاتيني.
ظهرت في كوبا في القرن التاسع عشرن، وهي من الرقصات المعتمدة في مسابقات الرقص اللاتيني ( Latino ) وتسمى برقصة الحب.
وتتميز بتحريك الخصر والركب وأجمل الأغاني مستوحاة من هذا الإيقاع.

3- التشاتشا:

رقصة سريعة الإيقاع أصلها من كوبا بدايات القرن التاسع عشر وكانت تعتبر فرع من رقصة المامبو إلا أنها غيرت من أسلوب البطيء في رقصة المامبو وتطورت مع السنين وأخذها الإنجليز والأميركيون وطوروها وهي معتمدة في مسابقات الرقص ( Latino ).

4- السامبا:

قدمت لأول مرة في مهرجان الشارع، في شارع المسارح في نيويورك وهي رقصة برازيلية قديمة.
تعتمد الإيقاع السريع ويتم فيها تحريك الجسم بكامله.
وتظهر هذه الرقصة في الكرنفالات السنوية خصوصا كرنفال ( ريودي جاينيرو ) الذي يقام سنويا في البرازيل.
دخلت إلى أوروبا في فرنسا تحديدا عام 1920 وهي معتمدة في مسابقات الرقص اللاتيني وأشهر الأغاني عليها (Lambada).

5- الجايف:

Jive أو الروك أندرول سابقا وهي نمط مستحدث من الروك أندرول الذي جاء إلى أميركا عن طريق الزنوج في منتصف القرن الماضي ولاقى رواجاً منقطع النظير خصوصا أن من أعلامها في الغناء الفيس برسلي وفرقة البيتلز وهي معتمدة في مسابقات الفئة الثانية ( Latino ).
وهناك أيضا رقصات مشهورة جدا لكنها غير معتمدة في مسابقات الرقص خصوصا مثل المامبو والميرنفى والباشاتا والسالسا وهذه الأخيرة أشهرها على الإطلاق.

6- السالسا:

وهي من الرقصات الحديثة نشأت في كوبا عام 1950 ولقيت رواجا كبيرا في العالم وتعتبر نسخة مبهرة عن المامبو إيقاعها سريع يعتبرها البعض نوعا من الروك أزرو وزيادة الكتلة العضلية ورفع درجة التحمل البدني ومدى الحركة ولياقة الجسم وتعتمد هذه الرقصة على أداء بعض تمرينات الإحماء في البداية وطرق صحية للشد والاستعداد لحركات الرقص ويمكن القيام بها في المنزل مع شريك أو بدونه ويرى الخبراء أن ممارسة هذه الرقصة يعتبر بمثابة برنامج لياقة مفيد وفعال ويساعد في التمتع بالرشاقة وتحسين مظهر الجسم وشكله وزيادة الثقة بالنفس.
منقوووووووووووووول

نفسى بقى اتحاور معاكم
هل لكى استمتع بالموسيقى لابد ان يتحرك الجسد معها ؟؟؟؟؟؟

فى كل مرة حدث رقص تلتة مصيبة (احتقار ميكال لداود / قطع راس يوحنا المعمدان برقصة سالومى ...)

عادة فى الاصل اصل الرقص العبادة الوثنية
وكان يستخدم لاثارة الغرائز وممارسة الزنا والذى هو طقس ملازم لاغلب العبادات الوثنية

والرقص الحديث العنيف وموسيقاة الصاخبة غالبا ما تغيب وعى الانسان
وتؤهلة لفعل شر او حلول الشيطان

وهو طقس مصاحب لعبادة الشيطان

فهل سترقص فى فرحك

هتقول سلو

http://www.karyodance.com/images/en/waltz2.jpg
هل لتفرج الناس على محبتك لزوجتك وجمال زوجتك التى اخذتها من يد الكنيسة بعد سر الزيجة المقدس ؟؟؟؟؟؟؟؟؟؟؟؟

هل لا تجد بدائل لاستقبال وتسلية الاحباء والاصدقاء
سوى باحياء ليلة فرحك برقصك انت وزوجتك ؟؟؟؟؟؟؟

موضوع معد للحذف
وصاحبتة مستعدة للطرد
لكنة ايضا دعوة للتفكير
بدلا من التقليد الاتوماتيكى

elphilasouf

03-13-2009, 05:24 PM

الرقص ده موضوع فظيع وبجد انا يمكن معلوماتى عن الرقص ضعيفه جدا ويمكن الخلفيه الى قدمتيهلنا انا مفهمتهاش كلها بس
ان رايي ان الرقص ده حاجه طبيعيه فهو زي مازكرتى تعبير عن الفرح ورد فعل طبيعى لتناغم الموسيقى

يعنى هتلاقى نفسك كده رجليك تتحرك او ايدك تناغما مع الموسيقى الى سمعاها وخاصه لو من النوع الصاخب

يعنى الرقص ده حاجه طبيعيه وهو رد فعل طبيعى جدا

وكمان انا بشوف ابونا فى الكنيسه وخاصه فى سهرات كيهك هو الى ماسك الدف وتقريبا عمال يطنطط من الفرح واد ايه مستمتع بالالحان وعمال جسمه يتهزر بس اكيد هزات بسيطه لائقه

لكن موضوع الرقص فهو الى اخذناه عنه انه حاجه وحشه اوي ورجس من عمل الشيطان وده عيب فى الى استخدمه غلط واظهره للناس غلط

وارتبط الرقص عندنا بالاثاره الجنسيه
والمحزن هو بعد صلاه الاكليل بيكون فى حفله فى قاعه او فنادق بنشوف فيه امور لاتليق ابدا بانسان لسا متحد مع الله وشريك حياته الاخر

بس تبديل الحفله دي بوقت هادي بسيط يسموعوا فيه موسيقى هادي او ترانيم
ويكون وقت صغير لعرض حاجه بسيطه مرحهه تليق بولاد الكنيسه

يالهوووووووووووي الرد كبر اوي
عمتا مره ابونا قال اننا لو مش عارفين حاجه غلط ولا صح نتخيل ان المسيح هو الى بيعملها ونشوف هل كان ينفع ولا مينفعش
هل كان ينفع ان المسيح يشغل اغانى رومنسيه واغانى شعبيه غبيه ويقعد يرقص عليها مع الست العدرا و بنات قريبه؟؟!!

موضوع معد للحذف
وصاحبتة مستعدة للطرد
لكنة ايضا دعوة للتفكير
بدلا من التقليد الاتوماتيكى

واخيرا نفسي اعرف ايه الى خلاكى تقول كده
موضوع زي ده ايه المشكله فيه عشان نحزفه

الناى الحزين

03-13-2009, 05:33 PM

اولا احيكى على موضوعك الجميل
والموضوع مش معرض للحذف ولا حاجه
ولا صاحبه الموضوع معرضه لطرد مين قال كدا

احب بس اذكرلك مثل بسيط
عبور بنى اسرائيل البحر الاحمر
كان بعد العبور فرح عظيم
ولو تفتكرى مريم اخت موسى كانت بتغنى
والكل كان فرحان وسعيد
تفتكرى محدش منهم رقص؟

الرقص سعات بيكون شئ لا اردى
يعنى عندك مثلا لو جبتى طفل صغير وسمعتيه موسيقى او اغنيه الرتم بتعها عالى وهايص قوى
جربى وصقفى للطفل
هتلاقيه لوحده بيعمل اشارات وحركات زى الرقص

مش معنى كلامى انى بشجع الرقص الغير محترم

اما سؤالك اللى بيقول

هل لتفرج الناس على محبتك لزوجتك وجمال زوجتك التى اخذتها من يد الكنيسة بعد سر الزيجة المقدس ؟؟؟؟؟؟؟؟؟؟؟؟

هل لا تجد بدائل لاستقبال وتسلية الاحباء والاصدقاء
سوى باحياء ليلة فرحك برقصك انت وزوجتك ؟؟؟؟؟؟؟

فاجابتى ان مفيش مانع ابدا انى ارقص انا وعروستى
بس رقص هادى او سلو زى ما انتى قولتى
وممكن انا ارقص برضوا عشره بلدى او حتى 20 مش مهم لان انا لو رقصت مش هكون عثره والناس هتتفتن فى جمال رقصى
اما عروستى فانا لا اسمح لها ابدا بالرقص حتى لو طلب منها كل الحاضرين
مش علشان دى غيره ولا كذا وكذا.....
لا لانه بس لا يليق
ومش احنا اولاد المسيح اللى يكون عندنا فى افراحنا بنات ترقص
وخصوصا السوريهات
ياسلام لما بنت تكون لابسه سوريه وترقص بتبقى قمه فى الاخلاق

بزمتكم ده يليق ببنت المسيح؟

متشكر جدا على سؤالك الجميل
وموضوع فعلا جاذب للنقاش
واحب برضوا اشوف اراء الاخرين

asmicheal

03-13-2009, 05:36 PM

اخيرا نفسي اعرف ايه الى خلاكى تقول كده

موضوع زي ده ايه المشكله فيه عشان نحزفه

علشان الخلفية المعلوماتية عن الرقص

ممكن يكون فية اعتراض عليها

لكن انا قصدت بها معلومة
ولم انقل تفاصيل ممكن تكون معثرة

Narmar

03-13-2009, 06:29 PM

نفسى بقى اتحاور معاكم

وحشتني الحوارات الجريئة والجميلة دي :)

هل لكى استمتع بالموسيقى لابد ان يتحرك الجسد معها ؟؟؟؟؟؟

اكيد لا , لان ممكن قلبك يرقص من الفرحة والفرحة مش شرط في الفرح و كدة لا بتسبيح والابتهاج بربنا فية بهجة وفرحة وسرور ورقص القلوب .

فى كل مرة حدث رقص تلتة مصيبة (احتقار ميكال لداود / قطع راس يوحنا المعمدان برقصة سالومى ...)

مش شرط علي فكرة في رقصات كانت بعد انتصار مثلا او حاجات زي كدة وساعة عبور البحر الأحمر وكذا ..

عادة فى الاصل اصل الرقص العبادة الوثنية
وكان يستخدم لاثارة الغرائز وممارسة الزنا والذى هو طقس ملازم لاغلب العبادات الوثنية

كل شئ في الدنيا فية الكويس والردئ عللى مر العصور والأزمان هقولك مثال بسيط الانترنت اللي بتستخدمة دلوقتي فية اشياء مفيدة ومواقع لتنمية الايمان والنفس البشرية , وفي مواقع زي ما قال عنها سليمان الحكيم في سفر النشيد الثعالب المفسدة للكروم ..يارب تكون الفكرة وقصدي يكون وصل :)

والرقص الحديث العنيف وموسيقاة الصاخبة غالبا ما تغيب وعى الانسان
وتؤهلة لفعل شر او حلول الشيطان

كل الأشياء تحل لي وليس كل الأشياء توافق زي ما قال القديس بولس الرسول لانه في الاول او في الاخر كل شئ لية حدود يعني مثلا لو انا فرحان جدا مش هنزل ارقص في الشارع ولو مثلا انا في فرح واحد صاحبي غير لما اكون في فرح قريب واحد صاحبي لازم الاعتدال كويس وكمان في حاجة مهمة لازم نشوف الناس اللي حولينا مين ؟ وهل الرقص دة هيكون فية عثرة ؟
ولية اصلا احنا نوصل نفسنا لدرجة التغييب ؟ ...
وزي ما قال سليمان الحكيم : حاكم نفسة خير من حاكم مدينة ...

وهو طقس مصاحب لعبادة الشيطان

الشيطان لما جة يجرب الرب يسوع على الجبل جربة بايات مكتوبة وفي نفس الوقت الشيطان لما بيجي يأثر على حد ممكن يأثر علية بانة يخلية يخدم كتير مثلا وينسية الصلاة هي هي نفس الفكرة في استخدام اشياء الانسان بيحبها او بيحس فيها بالسعادة عشان يهيأها لية انه في العبادة ليه هيفرح اكتر واكتر

فهل سترقص فى فرحك

ههههههه الله اعلم بس الاقيها الاول هههه وبعد كدة نتفق هههه

هتقول سلو

على حسب

هل لتفرج الناس على محبتك لزوجتك وجمال زوجتك التى اخذتها من يد الكنيسة بعد سر الزيجة المقدس ؟؟؟؟؟؟؟؟؟؟؟؟

لا خالص الفكرة مش في كدة الفكرة في الفرحة نفسها لكن اللي يبص للهدف دة سوري في اللفظ متخلف عقلياً وغير متزن اساساً ..

هل لا تجد بدائل لاستقبال وتسلية الاحباء والاصدقاء
سوى باحياء ليلة فرحك برقصك انت وزوجتك ؟؟؟؟؟؟؟

هو عندك حق في دي الواحد زهق المفروض يبقي في تجديد ههههههه
وفي ناس مش بتعمل فرح دوشة وكدة
وبعدين مش شرط نرقص قدام الناس يعني :D
وكمان حتي ولو بيبقي في حدود معينة

موضوع معد للحذف
وصاحبتة مستعدة للطرد
لكنة ايضا دعوة للتفكير
بدلا من التقليد الاتوماتيكى

الموضوع كلة جميل معادا الجملة دي :)
المفروض فعلا تطردي عشان قولتي كلمة زي دي ههههههههههه
ازاي يعني حد يطرد بيفكر
لازم نناقش كل حاجة مهما كان محرجة

أخير اً اشكرك جدا على الموضوع الهايل دة :)
ربنا يباركك ..
ننتظر المزيد ... لان انا بحب جدا كدة حتي لو شوفتي موضوعاتي بنفس الاسلوب دة ...
واهلا بيكي في المنتدي ..
Narmar

asmicheal

03-14-2009, 09:13 AM

ارائكم رائعة لانها صادقة وصريحة
ساعود لمناقشتها ومحاورتكم فيها
بس باعطى فرصة لسماع اراء الجميع
لكى يعبر كل واحد عن وجهة نظرة

ولست ندمانة نهائيا على هذا الموضوع

لانها ظاهرة يجب مناقشتها

اتمنى اسمع بقية الاراء

asmicheal

03-15-2009, 11:10 AM

[quote=elphilasouf;413705]الرقص ده موضوع فظيع وبجد انا يمكن معلوماتى عن الرقص ضعيفه جدا ويمكن الخلفيه الى قدمتيهلنا انا مفهمتهاش كلها بس

ان رايي ان الرقص ده حاجه طبيعيه فهو زي مازكرتى تعبير عن الفرح ورد فعل طبيعى لتناغم الموسيقى

يعنى هتلاقى نفسك كده رجليك تتحرك او ايدك تناغما مع الموسيقى الى سمعاها وخاصه لو من النوع الصاخب

يعنى الرقص ده حاجه طبيعيه وهو رد فعل طبيعى جدا

انا معاك يا فيلسوف فى انة رد فعل طبيعى لكن هل كل رد فعل طبيعى نتركة ونتفاعل معة
فرد فعل طبيعى عندما ترى الجمال(مثلا امراءة جميلة ) تبهر بة فهل تترك نفسك للشهوة او للخطية ؟

وكمان انا بشوف ابونا فى الكنيسه وخاصه فى سهرات كيهك هو الى ماسك الدف وتقريبا عمال يطنطط من الفرح واد ايه مستمتع بالالحان وعمال جسمه يتهزر بس اكيد هزات بسيطه لائقه

هزات بسيطة لائقة (انا متحفظة على الحركة هنا فى الالحان /كمان لا احب اشمعنى هنا )
فهل حركات الرقص تكون لائقة وبسيطة وعلى الحان كنسية ؟؟؟؟؟؟؟؟

وكيف تحكم تفاعلك الجسدى ودورة فى اثارة اكثر خطورة وغير محكومة ؟؟؟؟

لكن موضوع الرقص فهو الى اخذناه عنه انه حاجه وحشه اوي ورجس من عمل الشيطان وده عيب فى الى استخدمه غلط واظهره للناس غلط

وارتبط الرقص عندنا بالاثاره الجنسيه

حين ترقص كرد فعل طبيعى ربما لا تستطيع التحكم فى تزايدة مع المؤثرات الاخرى (اغانى مثيرة ..............)

والمحزن هو بعد صلاه الاكليل بيكون فى حفله فى قاعه او فنادق بنشوف فيه امور لاتليق ابدا بانسان لسا متحد مع الله وشريك حياته الاخر

بس تبديل الحفله دي بوقت هادي بسيط يسموعوا فيه موسيقى هادي او ترانيم
ويكون وقت صغير لعرض حاجه بسيطه مرحهه تليق بولاد الكنيسه

يالهوووووووووووي الرد كبر اوي
عمتا مره ابونا قال اننا لو مش عارفين حاجه غلط ولا صح نتخيل ان المسيح هو الى بيعملها ونشوف هل كان ينفع ولا مينفعش
هل كان ينفع ان المسيح يشغل اغانى رومنسيه واغانى شعبيه غبيه ويقعد يرقص عليها مع الست العدرا و بنات قريبه؟؟!!

/quote]

asmicheal

03-15-2009, 11:32 AM

عبور بنى اسرائيل البحر الاحمر
كان بعد العبور فرح عظيم
ولو تفتكرى مريم اخت موسى كانت بتغنى
والكل كان فرحان وسعيد
تفتكرى محدش منهم رقص؟

فرحان ومزقطط بعمل ربنا ومعجزتة الفائقة فى شق البحر الاحمر
وبدفوف وحركات لهذاالغرض
فهل تتحكم فى الرقص لاغراض الزققططة العالمية ؟؟؟

وهل ترقص على انغام كنسية ام اغانى عالمية اكيد مثيرة ؟

وهل تتحكم فى تنامى تفاعلك مع كل هذة المؤثرات ؟

الرقص سعات بيكون شئ لا اردى
يعنى عندك مثلا لو جبتى طفل صغير وسمعتيه موسيقى او اغنيه الرتم بتعها عالى وهايص قوى
جربى وصقفى للطفل
هتلاقيه لوحده بيعمل اشارات وحركات زى الرقص

هذا الراى ناقشتة فى ردى على الفيلسوف لذا فمنعا للتكرار
رجاء قراءتة ومناقشتى فية

مش معنى كلامى انى بشجع الرقص الغير محترم

اما سؤالك اللى بيقول

هل لتفرج الناس على محبتك لزوجتك وجمال زوجتك التى اخذتها من يد الكنيسة بعد سر الزيجة المقدس ؟؟؟؟؟؟؟؟؟؟؟؟

هل لا تجد بدائل لاستقبال وتسلية الاحباء والاصدقاء
سوى باحياء ليلة فرحك برقصك انت وزوجتك ؟؟؟؟؟؟؟

فاجابتى ان مفيش مانع ابدا انى ارقص انا وعروستى
بس رقص هادى او سلو زى ما انتى قولتى

انا متحفظة على تلك الرؤية سامحنى (راييى الشخصى) بعد صلاة الاكليل واظهارك لمحبتك لزوجتك صدقنى لة طرق كثيرة وليس امام الناس
وان كان لاستعراض الفستان والبدلة ففية تعارفات والعاب يمكن اعدادها والابتكار فيها مع المدعوين تكون اكثر لطفا واكثر لياقة من الرقص السلو
وبعدين يا سيدى ابقى بينك وبينها فى حجرتكما ارقصا سلو براحتكم

كمان من ادراك او كيف تمنع عدم التقليد من باقى المدعوين
فرقصة العروسين سلو عادة ما تكون بداية افتتاح البست للرقص

وممكن انا ارقص برضوا عشره بلدى او حتى 20 مش مهم لان انا لو رقصت مش هكون عثره والناس هتتفتن فى جمال رقصى

وهية تقعد لوحدها ياعينى تتفرج :em2100:

من اولها يعنى لايفرق بينكما شيى سوى العشرة بلدى

اما عروستى فانا لا اسمح لها ابدا بالرقص حتى لو طلب منها كل الحاضرين
مش علشان دى غيره ولا كذا وكذا.....
لا لانه بس لا يليق
ومش احنا اولاد المسيح اللى يكون عندنا فى افراحنا بنات ترقص
وخصوصا السوريهات
ياسلام لما بنت تكون لابسه سوريه وترقص بتبقى قمه فى الاخلاق

بزمتكم ده يليق ببنت المسيح؟

هية بنت المسيح وانت مش ابنة ؟
هية مطلوب منه الطهارة و ا الحرص وانت ؟

نفسى نفكر ونبتكر اكثر ما نقلد ونهتم نقدم زواج مسيحى جذاب ومبتكر ولائق ببداية مباركة سعيدة

asmicheal

03-15-2009, 11:55 AM

وحشتني الحوارات الجريئة والجميلة دي :)

اكيد لا , لان ممكن قلبك يرقص من الفرحة والفرحة مش شرط في الفرح و كدة لا بتسبيح والابتهاج بربنا فية بهجة وفرحة وسرور ورقص القلوب .

مش شرط علي فكرة في رقصات كانت بعد انتصار مثلا او حاجات زي كدة وساعة عبور البحر الأحمر وكذا ..

رديت على هذة النقطة فى الرايين السابقين فسامحنى منعا للتكرار لن اعيد كتابتة رجاء تقرائهم وتناقشنى فيما تراة

كل شئ في الدنيا فية الكويس والردئ عللى مر العصور والأزمان هقولك مثال بسيط الانترنت اللي بتستخدمة دلوقتي فية اشياء مفيدة ومواقع لتنمية الايمان والنفس البشرية , وفي مواقع زي ما قال عنها سليمان الحكيم في سفر النشيد الثعالب المفسدة للكروم ..يارب تكون الفكرة وقصدي يكون وصل :)

ايضا ترك نفسك لرد فعل طبيعى متنامى ومتلازم مع مؤثرات اخرى (...) يكون تمهيد طبيعى للثعالب ان تفسد الكروم

كل الأشياء تحل لي وليس كل الأشياء توافق زي ما قال القديس بولس الرسول لانه في الاول او في الاخر كل شئ لية حدود يعني مثلا لو انا فرحان جدا مش هنزل ارقص في الشارع ولو مثلا انا في فرح واحد صاحبي غير لما اكون في فرح قريب واحد صاحبي لازم الاعتدال كويس وكمان في حاجة مهمة لازم نشوف الناس اللي حولينا مين ؟ وهل الرقص دة هيكون فية عثرة ؟

الرقص بصفة عامة سواء لصاحبك او فى الشارع كمبدا يوهيئك لما قد لا تتحكم فية

ولية اصلا احنا نوصل نفسنا لدرجة التغييب ؟ ...
وزي ما قال سليمان الحكيم : حاكم نفسة خير من حاكم مدينة ...

جو الرقص وتنامية وما يصاحبة من اغانى مثيرة و.... هو الذى يوصلك للتغييب وليس معنى ذلك ان تقع مغمى عليك لكنة تغييب لحظى مع جو غير متحكم فية يوهلك ولو لفكر او شهوة او ..

احفظ قلبك

الشيطان لما جة يجرب الرب يسوع على الجبل جربة بايات مكتوبة وفي نفس الوقت الشيطان لما بيجي يأثر على حد ممكن يأثر علية بانة يخلية يخدم كتير مثلا وينسية الصلاة هي هي نفس الفكرة في استخدام اشياء الانسان بيحبها او بيحس فيها بالسعادة عشان يهيأها لية انه في العبادة ليه هيفرح اكتر واكتر

ههههههه الله اعلم بس الاقيها الاول هههه وبعد كدة نتفق هههه

ربنا يعطيك عروسة تفرح قلبك بس من غير رقص يا شباب ابتكروا افكار تميز افراحكم وتصبغها بصبغة لائقة مسيحية جذابة مميزة

هو عندك حق في دي الواحد زهق المفروض يبقي في تجديد ههههههه
وفي ناس مش بتعمل فرح دوشة وكدة
وبعدين مش شرط نرقص قدام الناس يعني :d
وكمان حتي ولو بيبقي في حدود معينة

narmar

شكراااااااااا نارمر
لرايك الصريح واتمنى ما تزعلش من اى اختلاف فى الراى

انا مسبقة انة رايى الشخصى

asmicheal

05-13-2009, 07:54 AM

تحبوا تعرفوا راى الكتاب المقدس

منقوووووووووووول

نبدأ أيها العزيز بعرض رأي الكتاب المقدس في موضوع الرقص،
والواقع أن هناك أجزاء كثيرة في الكتاب المقدس تتحدث عن هذا الأمر بوضوح،

أكتفي بذكر بعض الأمثلة بإيجاز:

1- نقرأ في سفر الخروج عن حادثة العجل الذهبي
: "وكان عندما اقترب (موسى) إلى المحلة أنه أبصر العجل والرقص فحمي غضب موسى وطرح اللوحين من يديه وكسرهما في أسفل الجبل ...
ووقف موسى في باب المحلة وقال من للرب فإلي فاجتمع إليه جميع بني لاوي فقال لهم هكذا قال الرب إله إسرائيل: ضعوا كل واحد سيفه على فخذه ومروا وارجعوا من باب إلى باب في المحلة واقتلوا كل واحد أخاه وكل واحد صاحبه وكل واحد قريبه … ووقع من الشعب في ذلك اليوم نحو ثلاثة آلاف رجل وقال موسى املأوا أيديكم اليوم للرب حتى كل واحد بابنه وبأخيه فيعطيكم اليوم بركة" (خر19:32-29).
ماذا كان موقف الله من الرقص أمام ذلك العجل الذهبي؟
لقد أمر الرب بقتل أولئك اللاهين المنحرفين فمات 3000 نفس.

وموسى النبي الذي قيل عنه في الكتاب أنه "كان حليما جدا أكثر من جميع الناس الذين على وجه الأرض" (عدد12: 3) قد فقد أعصابه وكسر لوحي الشريعة المكتوبين بإصبع الله!

ورب معترض يقول أننا في حفلاتنا لا نعبد عجلا.

والواقع أنه وإن لم يكن هناك عجل كصنم في الحفلات الراقصة، لكنه يوجد العجل الحقيقي وهو شيطان اللهو في هيكل الطرب والخلاعة والمجون، حيث يطلق بخور التبغ ودخان السجاير وحيث يتم التناول من كأس الشيطان المسكر.
هذه حادثة عن الرقص في الكتاب المقدس، وهناك أيضا حادثة أخرى:

2- في إنجيل معلمنا متى البشير نقرأ عن رقص ابنة هيروديا وطلبها رأس يوحنا المعمدان.

يقول الكتاب: "ثم لما صار مولد هيرودس رقصت ابنة هيروديا في الوسط فسرت هيرودس، من ثم وعد بقسم أنه مهما طلبت يعطيها …قالت اعطني رأس يوحنا المعمدان …فأرسل وقطع رأس يوحنا في السجن. فأحضر رأسه ودفعه إلى الصبية فجاءت به إلى أمها" (مت6:14-11).

وهنا يتضح أن الرقص الذي سرَّ هيرودس قد أدى في النهاية إلى جناية بشعة أخمدت ذلك الصوت الصارخ في البرية.

وهكذا الحال في حفلات الرقص تتم جريمة قتل بشعة هي كتم صوت الله الصارخ في أعماقنا قائلا: "لا يحل لك هذا الرقص"!

هاتان حادثتان عن الرقص في الكتاب المقدس ورأينا عاقبتيهما.

3- وفي نهاية الحفلات الراقصة يصرخ لسان حال هؤلاء الناس مع أرميا النبي قائلا: "مضى فرح قلبنا، صار رقصنا نوحا، سقط إكليل رأسنا، ويل لنا لأننا قد أخطأنا" (أر5: 15و16)

4- وأخيرا أضع أمامك الوصية الإلهية المقدسة: "لا تشتركوا في أعمال الظلمة غير المثمرة بل بالحري وبخوها" (أف11:5).

من هذه الآيات يتضح لنا رأي الكتاب المقدس في قضية الرقص المرذول فهو من أعمال الظلمة غير المثمرة لمجد الله.

وأعجب كل العجب من محاولة تبرير الرقص الماجن بحادثة رقص داود النبي أمام تابوت العهد!!! (2صم6: 14)

والواقع أنها محاولة ساذجة، تشبه تماما محاولة من يريد أن يبرر خطية الزنا بأنه فعل مماثل لما يتم في الزواج المقدس!!!

فكيف نقارن بين عمل مقدس وفعل منجس ؟؟؟

لقد قيل عن رقص داود أنه كان يرقص بكل قوته أمام الرب (2صم6: 14). وهكذا أيضا عن رقص مريم أخت هارون مبتهجة بخلاص الرب بعد غرق فرعون ومركباته في البحر الأحمر قائلة: "رنموا للرب فإنه قد تعظم" (خر15: 20و21).

فهل رقص الحفلات هو رقص أمام الرب؟! وللرب؟! أم أنه رقص أمام منصة الديسكو على إيقاع الكئوس المسكرة، والموسيقى العالمية، والأغاني العابثة؟
ورغم قداسة رقص داود تعبيراً عن شدة فرحه بعودة تابوت الرب إلا أن زوجته ميكال بنت شاول عندما رأته من الكوة يطفر ويرقص أمام الرب احتقرته في قلبها (2صم6: 16) فكم احتقارا يكون الرقص المنجس في ولائم المجون؟؟!!.
من خلال هذه الآيات وغيرها الكثير نرى رأي الكتاب المقدس عن موقف المؤمنين من حفلات الرقص.

القمص زكريا

ماريان سعد

05-14-2009, 12:19 PM

ميرسى ليكى كتير موضوعك جديد وجرىء وأنا فعلا أستفدت منة
بس أنا مش عارفة هرقص فى فرحى ولا لآ أنا أساسا بتكسف
بس أكيد بعد الموضوع دة مش هرقص عمرى تانى ولا فرحى ولا غير فرحى
ربنا يبركك

nana222

05-20-2009, 09:52 PM

...The Queen

05-23-2009, 12:31 PM

مع إحترامى لجميع الأراء يارييت نكون واقعيين كل واحد أو واحدة يتخيل إن إنهارد فرحه هيرقص ولا لأ ؟؟ولو هيرقص إيه هدفه من الرقص ده؟؟ هل هو تعبير عن الفرحة وبس ولا ليه هدف تانى أعتقد لو جوابنا على الأسئلة دى بهدوء هنوصل لحل مقنع ومريسى كتيييييييييييييييير على الموضوع الهايل ده وربنا يعوض تعب محبتك

minabobos

05-30-2009, 08:18 PM

شكرا ليكى كتير ع الموضوع وارئكم وانا استفدت منها كتير
بس مش عارف هو اكيد الرقص مش غلط بس فعلا زى ما بولس الرسول قال
كل الاشياء تحل لى ولكن ليس كل الاشياء توافق

بنت يسوع

06-04-2009, 03:15 PM

ميرسى كتييير على الموضوع الجميل ده
فعلا موضوع مهم جدا
تحياتى

ادروسيس

06-05-2009, 04:10 PM

موضوع حلو وهادف

sohier

06-07-2009, 03:24 AM

لو بيحبها طبعا لزم يرقص ولووووووو يبقي يلطم

القلب المرنم

06-07-2009, 06:22 AM

:em2300:
هو فعلا الراس ده حاجة لا تليق اطلاقا على اولاد المسيح طب احنا ممكن نسيطر على نفسنا ومش نرقص لكن المشاهد اللى بتيجى فى الافلام يا ترى هنعمل ايه لازم بردو نسيطر على نفسنا ونخدها من اصيرها ونحافظ على طهارتنا لكى لا نعثر وبعدين زى ما قداسة البابا شنودة حبيبى قال مفيش راس غير راس الحكمة مخافة الله.
المشكلة الكبيرة دلوقتى ان انا ما بعرفش ارقص اساسا هههههههههههههه حد يوقلى اعمل ايه هههههههههههه:10500:

الجوهرة الثمينة

08-04-2009, 10:13 PM

asmicheal

08-04-2009, 11:13 PM

رايك جمييييييييييييييييييييل جدا
واعجبتني كل ردودك ربنا يباركك
وردودك كلها جميلة وده نابع من تعليمك واساسك القوي
وقوة شخصيتك
بس انا لي تعليق صغنون جدا
ان في ناس في كنايس كتير بشوفها
بيرقصوا من كتر فرحهم بالرب يسوع
ودة لانهم داقوا العشرة الحقيقية مع الرب يسوع
ودة رقص لا يكون معثرا علي الاطلاق
لانه مش بيكون هدفه الذات او العثرة
بيبقي مجرد شعور تلقائي خارج من النفس
تعبيرا بالفرحة والسعادة برب المجد يسوع
ولا اية رايك
شوفتي تعليقي صغنون ازاي
ربنا يبارك حياتك ويحفظك في صخرة يسوع

شكرا ليكى اجمل جوهرة
لمتابعتك وعمقك وتعليقاتك المشجعة

لى سؤال اصغر
اليس السيد المسيح رب المجد
وصفة هادى ووديع ولا يسمع احد فى الشوارع صوتة

ومقاييسى الشخصى الاعلى على الاطلاق
هو شخص السيد المسيح لة كل المجد
فهل رايتى فى كل الانجيل
ان السيد المسيح رقص طربا
لا فى عرس قانا الجليل
ولا وقت العماد بنهر الاردن
ولا فى اى وقت

فما رايك حبيبتى
اعتقد كمان ان مهما فرح الانسان باللة
ففرحة باللة يكون مهيبا هادئا خاشعا
بما يليق بحضور اللة وبهاء مجدة
يوحنا الاهوتى /بولس الرسول /حزقيال /دانيال / يعقوب
هل رقص احدهم طربا و فرحا باللة

Dr.PeRO

08-05-2009, 05:21 AM

اولا انا بحييكى بجد على الموضوع ده، ومش عارف ازاى محدش بالى منه من زمان ...
الموضوع ده كان عاملى صداع فى دماغى مش عشان فكرة الرقص (اللى انا رافضها تماما من الاصل) عشان كمان الاغانى وشكل القاعة هايبقى ايه وايه اللى هايحصل فيه ؟؟!!

احنا كامجتمع شرقى بنميل للغيرة والتقاليد، يعنى مش هاينفع أخلى زوجتى ترقص او اختى او او ..لأن نظرة كل واحد للى بترقص هاتبقى مختلفة ... بس لأننا شرقيين، كل النظرات ديه مش هاتكون بريئة ... والوحدة اللى هاترقص ديه هاتبقى عثرة لغيرها للأسف ...

بالنسبة للقص السلو، لو انا كنت فى بلاد متحضرة.. كان الحكاية عادى ... بس هاخلى كله يقوم على الstage مش هابقى لوحدى انا وهى عشان مانبقاش فرجه :)
اما بالنسبة لو احنا فى بلدنا المحروسة، فانا اصلا بفكر ماتجوزش :) .. ده الاتجاه الاقرب،
بس لو اضطريت يعنى .. هاخلى الخطوبة حاجة classic بدون هيصة او ااغانى، عشان لو انا مارقصتش غيرى من الناس ممكن يقوموا يرقصوا .. وانا نفسى نبقى الخطوبة محترمة وونبقى مراعيين فيها ان احنا مش اولاد العالم، احنا اولاد يسوع، واكبد هو مش هايبقى مبسوط واحنا بنتحول فجأة من جو السر المقدس فى الكنيسة،الى ما أشبه بالكباريه !!!!
ام الفرح .. فاهيبقى ارثوذوكسى، يعنى هانروح الدير ان شاء الله ... ولو مش عاجبها تخبط دماغها فى اى حته ...
آسف للاطالة

مينال

05-15-2010, 06:54 PM

بصراحة اشكر المسيح الحمد لله ان فى شباب واخوات بنات كدة حقيقي السيد المسيح لما بيشوف كدة بيتبسط شكرا ياختى على الكلام دة الى مفهوش اى اعتراض من صحة موقفة مفيش كلام اقولة اكتر من كلامك بس الى اقولة ربنا يباركك انتى وكل الى بيفكر نفس تفكيرك ياريت الشباب والناس تشيل الغشاوة الى فى عنيها وقلبها تشيل المظاهر وتشوف المسيح رايه اية الى اقصدو الناس بتمشي ورا كلام الناس والموضة بس ازكر كل واحد ناسي (مستاسرين كل فكر لطاعة المسيح2كو10:5) (ينبغى ان يطاع الله اكثر من الناس (اعمال الرسل29:5
وماظنش الى بيرقص بيبقي فكرة فى المسيح ها ولا ايه وربنا يرحمناسلام المسيح معكم

وردة المحبة

05-19-2010, 11:56 PM

http://www.orsozox.com/forums/images/icons/rose.gifالموضوع جميييل ولو انى لسة صغيرة انا عاوزة اقول رايى انا شايفة ان المفروض ان الزوج والزوجة يكونوا راقيين بفكرهم دينيا وانهم يبتدوا حاتهم فى المسيح ويفرحوا مع المسيح ومش شرط انهم يغنوا ويرقصوا ويبتدوا حياتهم مع بعض مزعلين ربناhttp://www.orsozox.com/forums/images/icons/love.gif

bassem8800370

05-20-2010, 10:52 AM

لا تعليق بعد الاراء الى فاتت الصراحه
وشكرا اكتر على التعليق جدااااااااااااااااااااااا ااا لكل الاعضاء عشان افادونى كثير اااا

مايكل ماهر

05-22-2010, 12:13 AM

اشكر الاساتذة اللي اتكلموا في الموضوع ,,,,,,وقالوا ان الرقص مايصحش
خصوصا ان الرقص بيتم في الافراح والحنة وذلك قد يعثر فينا مخدومين الكنيسة
ويعثر فينا الشعب الغير مسيحي .............. اشكركم على المداخلات
وياريت يتحول لفعل في حياتنا مش مجرد كلام ومعاني سامية وشعارات
ننادي بها وعند الافراح والحنة نهدم كل هذا ويصبح كلامنا مجرد الفاظ في اذن
او حبر على ورق او حتى كلام منتديات سلام

رولى

05-22-2010, 12:32 AM

بصراحة موضوع رائع

والردود كلها هايلة وفى صميم الموضوع لدرجة انا موش لاقية حاجة اقولها

ميرسىىىىىىىىى كتييييييييييير ربنا يبارك حياتكم

تماف و نانسى

06-18-2010, 02:30 PM

اولا مرسى اوووووووووووى على الموضوع الحلو دة
ثانيا . انا من المنوفية فاسقفنا وحبيبنا الانبا بنيامين ربنا يخليهلنا
مانع الرقص والاغانى والهكس دة كلة
ياعنى لو حد عمل هيصة بيدفع غرامة
وفى قاعات فى الكنايس
\ياعنى الانبا بنيامين حقيقى معيشنا فى روحانية جميلة جدا
وكمان العريس والعروسة الاب الكاهن بيروح يباركلة ولو عمل هيصة يمنع من البركة ابونا وكمان يحرم من التناول
حقيقى انا بعتز بسيدنا اوى وحقيقى ممسشينا على عجين منلغبطهوش هههههههههههههه
ربنا يخليك ليا ياحبيبنا

سامح ابراهيم

07-28-2010, 05:55 PM

الرقص تعبير احيانا لاارادى نتيجة الفرح كل الاشياء تحل لى لكن ليس كل الاشياء توافق المهم قبل ماعمل حاجة اشوف دة هايليق بية كولد او بنت مسيحى ولا لاءوبعدين ممكن نعمل دايره كلنا مع بعض تعبر عن مشاعر الفرح المشتركى والمتبادلة وارجع واقول المهم المهم الحاجة المحترمة اللى بتليق بينا كاولاد اللة وداود النبى رقص من فرحتة

selo_hero

08-23-2010, 01:16 AM

هل لتفرج الناس على محبتك لزوجتك وجمال زوجتك التى اخذتها من يد الكنيسة بعد سر الزيجة المقدس ؟؟؟؟؟؟؟؟؟؟؟؟

هل لا تجد بدائل لاستقبال وتسلية الاحباء والاصدقاء
سوى باحياء ليلة فرحك برقصك انت وزوجتك ؟؟؟؟؟؟؟

فاجابتى ان مفيش مانع ابدا انى ارقص انا وعروستى
بس رقص هادى او سلو زى ما انتى قولتى
وممكن انا ارقص برضوا عشره بلدى او حتى 20 مش مهم لان انا لو رقصت مش هكون عثره والناس هتتفتن فى جمال رقصى
مين اللى قال انك مش هتكون عثرة العثرة مش من البنات بس مهو وارد ان بنات فى الفرح تقول ان العريس رقصة حلو دا امور وتعجب بيك زيادة ميرسى على الموضوع الجريى دا

asmicheal

09-07-2010, 01:48 AM

ميرسى ليكى كتير موضوعك جديد وجرىء وأنا فعلا أستفدت منة

بس أنا مش عارفة هرقص فى فرحى ولا لآ أنا أساسا بتكسف
بس أكيد بعد الموضوع دة مش هرقص عمرى تانى ولا فرحى ولا غير فرحى

ربنا يبركك

:em3200:

شكرا ماريان لمشاركتك الحلوة

واسفة لتاخرى بالرد

asmicheal

09-07-2010, 01:58 AM

موضوع ممتاز جدا جدا
انا شايفه ده من رايى ان الرقص السلو فى الافراح مش وحش اوى يعنى
كمان ممكن العروسه والعريس يرقصوا بس بسيط يعنى مش لازم رقص رقص ممكن بهز الايدين مع بعض بس
رغم ان الكنيسه معترضة على الاغانى والرقص ده
بس انا حاساه افضل من غيره
يعنى افضل من الرقص اللى رقص بجد يعنى
انا عن نفسى فى فرحى كنت خيبة موت ومعرفتش اعمل اى حاجه غير انى اسقف
اتمنى انى اكون عرفت اوصل وجهة نظرى
انا عارفه ان كتير هيعترضوا على رايى
بس الاختلاف فى الاراء لا يخلف فى الود قضية
مش كده ههههههههههههههههه
شكرا على الموضوع الجميل وربنا يبارك كل واحد فيكوا

:em3200:

بصى يا نانا
المسائلة تحكمها
قوة شخصية العروسين
ومدى رغبتهم فى الحفاظ على بركة سر الزيجة المقدس

مستوى الروحانية وتقديس السر هو الفيصل
وكلنا نسعى وكلنا تجتهد ان نرضى اللة
على قدر طاقة كل منا

بس للامانة
لا يليق الرقص
والجسد هيكل اللة لا يصح الرقص بة واستعراضة
كلامى تطبيق شخصى وراى خاص
لا الزم بة احد ولا ادين من يرفضة

شكرا نانا لايجابيتك وصدقك ومشاركتك الحلوة

سندريلا2009

09-07-2010, 02:28 AM

موضوع معد للحذف
وصاحبتة مستعدة للطرد
لكنة ايضا دعوة للتفكير
بدلا من التقليد الاتوماتيكى

اسلوب حضرتك مش غريب عليا

asmicheal

09-07-2010, 02:38 AM

اسلوب حضرتك مش غريب عليا

ايوة يا سندريلا
انا اسميشيل ومشاركة هنا من ديسمبر 2008 يعنى قبل منتدى الكنيسة
بتاعكم اللى شاركت فية فى يونيو 2009

بس انشغلت عن ارثوذكس
واحبائى الغاليين الكتير اللى هنا
بس نشكر ربنا عدت
للحوار الكنسى ولمنتدى ارثوذكس

asmicheal

09-07-2010, 02:48 AM

شكرا ليكى كتير ع الموضوع وارئكم وانا استفدت منها كتير
بس مش عارف هو اكيد الرقص مش غلط بس فعلا زى ما بولس الرسول قال
كل الاشياء تحل لى ولكن ليس كل الاشياء توافق

:em3200:

لية اكيد مش غلط
جسدك هيكل اللة
فهل هيكل اللة يرقصوا بية ويستعرضوة

راى شخصى اطبقة ولا افرضة
ولا ادين من يرفضة

شكرا مينا لمشاركتك يا غالى

asmicheal

09-07-2010, 02:50 AM

ميرسى كتييير على الموضوع الجميل ده

فعلا موضوع مهم جدا

تحياتى

:em3200:

شكرا بنت يسوع لمشاركتك الحلوة

asmicheal

09-07-2010, 02:53 AM

موضوع حلو وهادف

:em3200:

مشاركة جميلة شكرا ادروسيس

سندريلا2009

09-07-2010, 02:54 AM

ايوة يا سندريلا
انا اسميشيل ومشاركة هنا من ديسمبر 2008 يعنى قبل منتدى الكنيسة
بتاعكم اللى شاركت فية فى يونيو 2009

بس انشغلت عن ارثوذكس
واحبائى الغاليين الكتير اللى هنا
بس نشكر ربنا عدت
للحوار الكنسى ولمنتدى ارثوذكس

حضرتك تنورى فى اى منتدى
وبعدين زى ماهو بتاعى بتاعك وبتاع اى حد
وعلى العموم مش دة موضعنا
انا بس حبيت ارحب بيكى لانى لاحظت اسم حضرتك مش اكتر
منورة يافندم

asmicheal

09-07-2010, 03:02 AM

حضرتك تنورى فى اى منتدى

وبعدين زى ماهو بتاعى بتاعك وبتاع اى حد
وعلى العموم مش دة موضعنا
انا بس حبيت ارحب بيكى لانى لاحظت اسم حضرتك مش اكتر
منورة يافندم

:em3200:

شكرا ليكى

asmicheal

09-07-2010, 01:09 PM

لو بيحبها طبعا لزم يرقص ولووووووو يبقي يلطم

ههههههههههههههههههههههههه هه

هو كدة كدة هيلطم هيلطم

من المصاريف والمسئولية والعيال بلاش اعقدكم
بس لو بيحبها هيلطم بعد الزواج
لو مش بيحبها هيلطم فى فرحة

ههههههههههههههههههههههههه

سهير مشاركة لذيذة

عصام المصرى

09-07-2010, 05:28 PM

انا اعتقد ان هناك رقص محترم يتمتع بروح الحشمه وهناك رقص خليع يفتقر الى الحشمة ولكل واحد وجهة نظره

lawyer

10-31-2010, 11:02 AM

اولا: شكرا على الموضوع الجميل و اراء الاعضاء الاجمل
طبعا حكاية الرقص الفكرة نفسها مش غلط و لكن تبقى بحدود
يعني داوود الني رقص امام تابوت العهد
انما "رقص داوود بكل قوتة" يعني مش الرقص اللي بنشوفة دة
ة فكرة ان عريس يرقص مع عروستة سلو
هو مش بيتباهى بجمالها لان جمالها بيبقى ظاهر مش مستنى ان حد يتفرج علية
او انة يتباهى بية