شكر وتقدير

[megomagamego]

يا جماعة بجد بجد أنا كنت فاكر إن موضوع الشات معاكم هزار وضحك ولعب ... لكن الموضوع مختلف جداً ، بجد أنا بشكركم جداً لأنكم جروب مفيد جداً وكلامكم أد إية حلو أوي ومؤثر في النفوس الضعيفة
أوعدكم بأني هحاول أكون مفيد زيكم وأنا عارف إني كلامي مش ممكن يكون مفيد روحياً لأي حد فيكم لأن قامتكم الروحية كبيرة أوي أوي أوي مش ممكن هوصل ليها لكني أنا هستفسر منكم عن بعض المشاكل وإنتم هتستفادوا مني في إنكم تعطوني الإرشاد
علي فكرة من أجل الأمانة أنا لما كتبت بياناتي يبدو إني كتبت العمر بالخطأ 21 سنة لكن هو 27 سنة أنا إسمي ماجد ووظيفتي هي رئيس قسم في شركة صناعة سيارات كبيرة
ربنا معاكم ويخليكم ويعوض تعب محبتكم في الأبدية
أخوكم قصير القامة ماجد
أقصد القامة الروحية وليست الجسدية

[aymonded]

سلام بمحبة لشخصك المحبوب جداً في ربنا يسوع له المجد
طالباً من الله أن تمتلئ من كل نعمة وسلام وفيض الحب الإلهي بغنى فيض الروح القدس الرب المحيي
صديقي الرائع في جمال جوهره الخاص حسب قوة الخلق بكلمة الله ، والذي صرت جميلاً بنعمة الله وفيض الروح القدس من الداخل
لا يوجد من هو الأفضل ولا الأحسن وسطنا يا جميل ، بل كلنا خطاة أحبهم يسوع وفاض فيهم بغنى النعمة بقوة الروح القدس حسب مشيئة الآب الأزلية ، لذلك كلنا مقدسون في الحق معاً ، والله بنعمته جمعنا لنكون له آنية مقدسة معاً لا فرق بيننا ، لذلك يسرنا جداً أنك تكون معنا ووسطنا لأنك لنا أخ حلو جداً نسعد بوجوده معنا لأننا واحد بلا فرق أو تفريق ، لا في السن ولا في قامة روحية ولا أي شيء لأننا جسد واحد منسجم بالنعمة ، والصغير فينا كبير والكبير فينا أصغر الجميع وخادم الكل حسب أمر مخلصنا يسوع ...

بكل الحب أشكر الله الذي جمعنا لنكون شهود له بالحب الواحد والقلب الواحد لأننا جسد واحد فيه أي في الكنيسة الجامعة المقدسة الرسولية ، الواحدة الوحيدة الذي فيها الجميع مرتبطين بالحب ، أقبل مني كل احترام وتقدير لشخصك الرائع الذي نحبه جداً مع كل الأخوة الأحباء الذين معنا هنا وفي كل مكان ...

البركة والسلام وفيض النعمة تنسكب في قلبك حسب مشيئة الله الحلوة
كن على الدوام معافاً باسم الثالوث القدوس

[goneer]

ابن يسوع اهلا بيك وسط اخوتك ، وحقيقى انت انسان متواضع واحنا واثقين انك هتكون عضو فعال معانا فى المنتدى لان صدقنى كلامنا ومشاركتنا دى مش مننا لكن ربنا بيتكلم على لساننا لاجل خلاص اولادة.
ومن ناحية الضعف فكلنا نفوس ضعيفة من غير يسوع مصدر قوتنا. اطلب منة الارشاد وقول له يارب استخدم عبدك كيفما تشاء وارشدنى واعطنى فهما وعرفنى الطريق الصحيح علشان اقدر اساعد اخوتى الصغار. " ع فكرة انا دايما بصلى لربنا كدة "
اذكرنى فى صلواتك

[KOKO SPA]

طبعا مش هاقدر اضيف اى حاجه بعد استاذ ايمن

بس اكيد احنا هانستفيد بوجود استاذ ماجد

منور المنتدى جدا جدا ومستنين مواضيع حضرتك

[anosh]

نحن لا نستحق ان نكون خدام للمسيح

و لكننا جميعا اعضاء فى جسد واحد

و هو ربنا يسوع المسيح