"" موسوعه الاكلات الصيامي""

[ملكه الاحزان]

سلطة الباذنجان بالطماطم

المقادير:
1/2كيلو باذنجان كبير
1/2 راس ثوم مدقوق
خل حوالى 1/4 كوب
كوب عصير طماطم
زيت للتحمير

الطريقة :
1- يقشر الباذنجان و يقطع حلقات و يرش بالملح و يترك.
2- يقلى فى الزيت المقدوح و ينشل على ورق مطبخ.
3- يحمر الثوم فى الزيت (3 ملاعق زيت ) ثم يوضع الخل ثم الطماطم.
4- يرص الباذنجان فى طبق و يصب عليه مخلوط الطماطم بعد نضجه و يترك ليبرد و يقدم

مكرونه بالصلصه و الزيتون والفلفل و المشروم




اولا : نسلق المكرونه وبعدين نصفيها ونشطفها كويس
ثانيا: نضرب الطماطم فى الخلاط وبعدين نصفيها
نقطع زيتون اسود قطع صغيره وفلفل قطع صغيره وبصل و مشروم حسب الرغبة
ثالثا : نضع حوالى مقدار 4 معالق زيت فى حله
ثم نشوح البصل لحد ما نحس انه دبل ثم نضع
الفلفل وبعدين الزيتون و المشروم فى الاخر يتشوحوا كلهم مع بعض نضع ملح حسب الطلب وفلفل أسود علشان يديها طعم ونكهه لكن مش كتير
رابعا : نضع الصلصه عليهم بعد التشويح ونسيبها تغلى كويس اوى لحد ما نحس انها تقلت وبعدين نقدمها مع المكرونه


شوربة خضار

المقادير:

1- بصلة مقطعة صغيرا
2- ملعقة صغيرة صلصة جاهزة
3- كيلو خضار مشكل مقطع مكعبات (بطاطس - جزر - بسلة - كوسة ويمكن الاضافة حسب الرغبة )
4- ملح - فلفل اسمر

الطريقة:

-نضع مقدار مناسب من الماء فى اناء على النار ثم نضع علية البصلة والملح والفلفل و الصلصة
-ننتظر حتى يغلى ثم نضيف الخضار و ننتظر حتى ينضج
عند التقديم يضاف قطرات من عصير الليمون لمن يرغب
ويمكن ان يقدم مع ارز بالشعرية او سلطة خضراء كما ترغبون.


كفتة البطاطس



http://www.zahrah.com/images/library/food020.jpg

المكونات:

بطاطس مسلوقة ومقشرة
بقسماط
دقيق
ملح

مكونات الحشو:

صنوبر ( يمكن الاستغناء عنة بأي نوع مكسرات او سوداني )
زيت زيتون
بصل
زبيب
بقدونس مفروم
شبت مفروم

الطريقة:

يهرس البطاطس جيداً، ثم يضاف إليه القليل من الملح والدقيق، ويخلط.
يحمص الصنوبر او المكسرات بقليل من زيت الزيتون، ويضاف البصل ويقلب.
يضاف الزبيب والقليل من البقدونس والشبت، ويقلب.
يحشى البطاطس بحشو الصنوبر او المكسرات والزبيب، ثم يشكل على شكل أقراص دائرية مفلطحة، وتقلى بالزيت.
يمكن ان تقدم مع خضار سوتيه او مكرونة او ارز .



شوربة الأرز والفطر




http://www.farfesh.com/article-images/b0612905753.jpg



المقادير::


1 كوب أرز.

٢ ملعقة كبيرة زيت أو زبدة

٢ فص كبير ثوم، مهروس

٢ عود بصل أخضر، شرائح

12 قطعة عيش الغراب ( ماشروم )

4 كوب مرق خضروات

¼ ملعقة صغيرة فلفل أسود

١ ملعقة صغيرة ملح

٢ ملعقة كبيرة بقدونس ، مفروم

الطريقة:

يتم غسل الأرز جيدا، ثم ينقع في ماء مملح من ٢۰-٢٥ دقيقة

2- يسخن الزيت في وعاء متوسط، ثم يضاف الثوم والبصل، يوضع على نار متوسطة الى ان يصبح ذهبي اللون.

3- يضاف عيش الغراب ، ثم يقلب لمدة دقيقة.

4- يضاف الأرز، المرق، الفلفل، الملح، و يترك الخليط يغلي.

5- خففي النار، اتركي القدر على النار بدون تغطية ١۰-١٥ دقيقة الى أن ينضج الأرز.

6- يوزع البقدونس على الشوربة وتقدم ساخنة



البصـــــــــــــــــــــ ــارة



http://www.chefosama.com/images/posted/cont_4_291_1.jpg

انا عارف ان في ناس بتحب البصارة و في ناس مبتحبهاش بس لازم نرضي كل الازواق و يارب تعجبكم


المقادير

2 كوب فول مدشوش (جاف بدون قشر)
6 كوب ماء
1 بصل متوسط مقطع
½ كوب كرفس مقطع
2 فص ثوم
1 ملعقة كبيرة كزبرة خضراء مفرومة
1 ملعقة كبيرة بقدونس مفروم
1 ملعقة صغيرة نعناع جاف أو ¼ كوب نعناع طازج
ملح وفلفل
1 ملعقة كبيرة زيت نباتي
½ كوب بصل مقطع كعيدان الكبريت (جوانح)


الطريقة

- يُغسل الفول (يمكن نقعه لمدة 8 ساعات أو يمكن غليه في ماء لمدة 7 دقائق ثم يشطف بماء بارد).
- يُضاف الماء إلى الفول وباقي المحتويات ما عدا ملعقة كبيرة من الزيت والبصل.
- يُترك الخليط على نار هادئة لمدة ساعتين تقريباً بدون تقليب، ويُمكن إضافة مزيد من السائل إذا احتاج الأمر.
- يُرفع الزَّبد (الريم) الظاهر على السطح كلما تطلب ذلك.
- عندما تنضج جميع المحتويات تصفى (تهرس) بمصفاة يدوية أو عن طريق خلاط كهربائي. ثم تعاد إلى نار متوسطة مرة أخرى مع التقليب هذه المرة حتى يغلظ قوام الخليط.
- تُقدم البصارة دافئة أو باردة بعد صبها في أطباق.
- للتزين يسخن الزيت ويحمر البصل حتى يصبح لونه بنياً ويوضع على ورقة أو قطعة قماش للتخلص من الزيت الزائد. ويمكن أن تزيين بقطع من قشر الليمون


كبــــاب حلة صيامى
المقادير

1 - نص كيلو ماشروم مقطع قطع صغيره
2 ربع كيلوفلفل( اخضر واصفر واحمر كل الالوان اللي تلاقوها الفلفل بيدي طعم حلو وشكل كويس)
3- شوية ملح
4- فلفل اسود
5- بهارات ( بتخليها طعمها يهوس )
6- بصله متوسطه الحجم وتكون متقطعه كويس
7- زيت
8- ميه حسب الحاجه يفضل كوب ونصف

طريقة العمل

طبعا نغلي الزيت ونشوح فيه البصله لغاية لما لونها يبقى دهبي نحط الماشروم المقطع ونقلبه شويتين ونحط ملح
وبعدين نحط الفلفل المتقطع حلقات ونحط شوية ملح مع الفلفل الاسود والبهارات

وبعدين نقلبهم شويه لغاية لما الفلفل يدبل وبعدين نزود الميه ونسيبه شويه لغاية لما يستوي



سلطة برغل

مقادير

برغل مسلوق
بقدونس
نعناع اخضر
فلفل اخضر (capsicum)
فسدق
عصير ليمونه
قشر ليمونه مبشور
فص توم مفروم
زيت زتون
شوية كمون صغننه خالص على طرف معلقه

الطريقه:

+ الفلفل الاخضر يتقسم نصفين و شيلى البذر.
+ يتحط فى الفرن (حوالى 200 درجه) لغاية ما تلاقى القشره (skin) بدأت تسود و تتقشر من اطراف الفلفله.
+ شيليه من الفرن و حطيه فى كيس بلاستيك و سيبيبه يبرد فى الكيس البلاستيك.
+ لما يبرد شيلى القشره من عليه.
+ فى صحن غويط حطى البرغل و البقدونس و ورق النعناع و الفسدق المكسر و الفلفل و التوم
+ ضيفى عصير الليمونه و زيت الزتون و الكمون و قشر الليمونه

ممكن بدل البرغل تستخدمى حمص شام.
كمية النعناع حسب ما تحبي الطعم.


لازانيا بالخضار

دى بقي انا شخصيا احبها اكتر من النوع اللي باللحمه حتى و احنا فاطرين. بس معلش مفيش معايير بالظبط يعنى لانى باطبخها بالبركه.

المقادير
* شرايح لازانيا
* برطمان الpesto اللي عملناه امبارح
* Olive tapenade...(optional). 0
ده بقي زى زتون مفروم. بس مش ضرورى للوصفه و ممكن تحطوا زتون صاحى لو تحبوا.
* صوص مكرونه عادى. كتروا منه و ماتعملهوش تخين اوى...خليه runny شويه.
* Nutmeg و ماحدش يقوللى يعنى ايه بالعربي
* Oregano و برضه ماخابرش يعنى ايه بالعربي
* طماطم متقطعه شرايح

الخضار:
ممكن تستعملوا اى خضار تحبوه: بسله، جزر، broccoli متقطع صغير، فلفل اخضر (متقطع حلقات) ، كوسه متقطعه شرايح، بطاطا (متقطعه شرايح رفيعه)، قرع (يتقطع شرايح رفيعه)، ماشروم (متشوح خفيف فى زيت و توم)، بدنجان (اما مقلي او مدهون بزيت و يتسوى فالفرن شويه قبل ما يتحط فاللازانيا)، سبانخ (تتسقط فمية بتغلى دقيقه و تتشال...تتصفى و ممكن تتفرم او تتحط بورقها صاحى)

انا شخصيا باحب اعملها بالبدنجان و الماشروم و الكوسه و القرع.


الطريقه:
+ شوية من الصلصه تتحط فى قعر الصينيه و فوقيها شريحة لازانيا
+ تتدهن شريحة اللازانيا بشوية pesto
+ حطى نوع من انواع الخضار اللي هتستعمليها و رشي شوية Nutmeg و اوريجانو. او ممكن فلفل اسود و اوريجانو.
+ شريحه تانى لازانيا و تتدهن بالزتون المفروم لو هتستعمليه... اوتتدهن بستو تانى.
+ نوع خضار آخر و هكذا لغاية ما آخر طبقه تكون شريحة لازانيا.
+ لو هتستعملى القرع او بطاطا حطى مع الطبقه دى شوية صلصه.
+ الطبقه الأخيره حطى عليها حلة الصوص كلها :) . فوق الصلصه وزعى شرايح الطماطم و رشي عليهم فلفل اسود.
+ لو تحبى ممكن تحطى ورقة بازيل فوق كل طماطمايه. بس لازم تحطى زيت زتون فوق البازيل.

تتخبز فى الفرن على حوالى 200 درجه لمدة نص ساعه تقريبا.

دى لما باعملها فى الفطار باحط شرايح نوع من اللحوم المحفوظه اسمه prosciutto او قطع bacon مع الماشروم. ممكن كمان فى الفطار يتحط جبنه Romano or Pecorino or Parmesan .
الجبنه البارمزان احلى لو تقدرى تجيبيها بلوك و تقطعى منها بمبشره البطاطس شرايح رقيقه...بتكون احلى من المبشوره جاهز.

الخرشوف بالمشروم


** المقادير:
350 جرام قلب خرشوف

1 ملعقة صغيرة زيت زيتون

1/2 ثمرة بصل مقطع إلى أجزاء صغيرة

فصان توم مفروم

3 أكواب مشروم ( مقطع إلى شرائح)

1 ملعقة صغيرة ريحان

1/2 ملعقة صغيرة بقدونس مفروم

ملح وفلفل
1 ملعقة صغيرة عصير ليمون
1 ملعقة صغيرة خل
1رغيف شامى محمص ومقطع قطع صغيرة

* الطريقة:
- يسخن زيت الزيتون فى إناء فوق نار متوسطة الحرارة، يشوح البصل والثوم فى زيت الزيتون مع التقليب المستمر لمدة ثلاث دقائق.
- يضاف عش الغراب والتوابل ثم عصير الليمون والخل مع التقليب المستمر.
- يرفع الإناء من فوق النار ثم تضاف لبابة الخبز.
- يصب خليط عش الغراب فوق الخرشوف.
- يوضع الخليط فى صينية بدون تغطية ثم يخبز فى الفرن لمدة نصف ساعة تقريباً.

* تساوى هذه الوجبة= ستة مقادير



Pesto

المقادير:

-حوالي 2 كبايه اوراق basil
-تلت( 3/1) كبايه عين جمل مكسر أو pine nuts (متهيألي ده الصنوبر مش كده؟)
(رأيي الشخصى الpine nuts بتطلع احلي من عين الجمل)
-3 أو اربع فصوص توم
-نصف كبايه زيت زيتون
- لو فطارى نصف كباية جبنه رومى مبشوره او parmesan مبشوره برضه



* حطى ورق البازيل فى الخلاط شويه شويه (يعنى مش كل المقدار مره واحده)...و اضربيهم لغاية ما يبانلهم صاحبhttp://www.freecopts.net/forum/images/smilies/01A0FF~139.GIF
* (هنا لو فطارى تحطى الجبنه و تضربي تانىhttp://www.freecopts.net/forum/images/smilies/fun/fun_10_9_207[1].gif )
*حطى التوم و المكسرات و استمري فى الضربhttp://www.freecopts.net/forum/images/smilies/fun/fun_10_9_134[1].gif
* من غير ما تطفى الخلاط ابتدى حطى الزيت ببطء
* شوية ملح لو تحبي
* اضربي لغاية ما يبقي شكله زى smooth paste http://www.freecopts.net/forum/images/smilies/fun/fun_10_1_124[1].gif


ده بقي خطير مع مكرونه مسلوقه!

أو يتدهن بيه عيش و يتسخن تحت griller و بعدين تحطى فوقيه طماطم متقطعه صغير و بصل احمر spanish onion و يرجع تحت الgriller تانى بسرعه يادوب الطماطم تسخن شويه بس.

ممكن يتشال في برطمان فى التلاجه بشرط يتغطى سطحه بشوية زيت و يتقفل كويس.
ممكن كمان يتجمد فالفريز فى البتاعه البلاستك بتاعة مكعبات التلج دى. بس لو عاملينه فطارى و عايزين تجمدوه ما تحطوش الجبنه فيه. لما تطلعيه و تيجى تستعمليه ابقي حطيله الجبنه بعد ما يسيح.



مكرونه بالصلصه و الزيتون والفلفل و المشروم


اولا : اسلقى المكرونه وبعدين صفيها واشطفيها
ثانيا: اضربى طماطم فى الخلاط وبعدين صفيها كويس
قطعى زيتون اسود قطع صغيره وفلفل قطع صغيره وبصل و مشروم
ثالثا :ضعى حوالى مقدار 4 معالق زيت فى حله
ثم شوحى البصل لحد ما تحسى انه دبل ثم ضعى الفلفل وبعدين الزيتون و المشروم فى الاخر يتشوحوا كلهم مع بعض ضعى ملح حسب الطلب وفلفل أسود علشان يديها طعم ونكهه لكن مش كتير
رابعا : ضعى الصلصله عليهم بعد التشويح وسيبيها تغلى كويس اوى لحد ما تحسى انها تقلت وبعدين تقدميها على المكرونه


بسبوسه صيامى



المقادير :


3 كوب دقيق سمادينا
1 ونص كوب سكر
2 معلقه صغيره بيكنج بورد
4معلقه كبيره زيت
1 ونص كوب عصير برتقال

الطريقه
نضع دقيق السمادينا على السكر على البيكنج بودر ونضيف الزيت ثم عصير برتقال ونضربهم جيدا
وندهن الصينه زيت وتكون الصينيه متوسطه ونضع الخليط ونحطها فى الفرن درجه حرارته متوسطه


الشراب:

2 كوب سكر
1كوب ماء
1 معلقه كبيره عصير ليمون




مكرونة بالخضار


المقادير:
- مكرونة اى نوع
- 2 بصلة كبيرة
- 2 ثمرة فلفل رومى
- نصف كيلو طماطم
- ربع كيلو زيتون اسود
- ملح وفلفل
- 4 فصوص ثوم مفرى
- زيت

الطريقه :

- يقطع الزيتون حلقات والفلفل الرومة شرائح رفيعة
- تسلق المكرونة ثم تصفى وتشطف بالماء البارد
- يحمر الثوم فى الزيت حتى يصفر لونه ثم نضع الزيتون المقطع والفلفل الرومى ويشوح قليلا
ثم يضاف عصير الطماطم ويضاف اليها الملح والفلفل وتترك حتى تتسبك
- تضاف المكرونة وتقلب جيدا وتقدم ساخنة


المقلوبة

المقادير:

- كيلو باذنجان رومى
- 4 خرشوفات كبيرة
- 2 كوب ارز
- ملح وفلفل
- زيت

الطريقة :

- يجهز الخرشوف وينظف وتقطع الثمرة 4 قطع وتسلق فى ماء به ملح وفلفل ويحتفظ بماء السلق.
- يقشر الباذنجان ويقطع ترنشات سميكة ويحمر فى الزيت نصف نحمير
- نحضر اناء تيفال ويرص الباذنجان كله ثم يرص الخرشوف ثم الارز المغسول
- يضاف ماء سلق الخرشوف ويكون الماء اعلى الارز بواحد سم تقريبا
- يرفع على النار حتى الغليان ثم تهدأ الحرارة مثل عمل الارز تماما حتى يتم النضج
- يوضع سرفيس كبير وتقلب فوقه الحلة وتقدم ساخنة .

مسقعـــــه

http://www3.0zz0.com/2008/08/03/12/421218744.jpg (http://www.0zz0.com/)


المقاديــــر

1- باذنجان وفلفل وبطاطس مقليين..

2- صلصه طماطم..

3- ثوم مدقوق...

4- بصله مبشوره..

5- كوب ماء بعصير طماطم..

6- التوابل( ملح فلفل كمون كزبره قرفه فلفل احمر حلو بهارات)

7- زيت .

الطريقــــه

حمرى البصل فى الزيت اللى ان يصفر لونه ضعى الثوم المدقوق

قلبى جيدا ضيفى الفلفل الاحمر الحلو والفل الاسود والكزبره

وقليل من القرفه

ثم ضيفى عصير الطماطم غطى القدر وهدئى النار واتركيها

لتتسبك جيدا الى ان يظهر الزيت على وش الصلصه ثم ضيفى

الباذنجان والفلفل والبطاطس وباقى التوابل البهارات والكمون

وزودى الماء بعصير الطماطم حسب الحاجه...

قدميها مع الارز او مع الخبز

شاورمة المشروم


فلفل رومى الوان شرايح – بصل – كرفس – مشروم طازج شرايح – 1 طماطم – 1 م خل – 1 م بهارات – زيت زيتون – خبز شامى

الطريقة:

نقشر الطماطم
نشوح فى الزيت البصل والفلفل رومى والمشروم وشوية زعتر وملح وفلفل
ونتركهم يتشوحوا دقيقتين تلاتة
نفتح الخبز الشامى نصفين ونضع في الشاورما ونلفه كويس
نضع شوية زيت صغيرين قوى فى مقلاية ونحمر الساندوتشات خفيف
وممكن ندخلها الفرن لو انتى عايزاه يتحمص من بره

سلطة الخس والجزر والزيتون

المقادير:

2 ك خس مقطع شرايح
ك جزر مبروش خشن
ك خيار مبروش خشن
1\4 ك نعناع مفروم ناعم
1\2 ك زيتون أسباني أسود شرائح

التتبيلة:

3 م ك زيت زيتون ، 4 م ك عصير ليمون ، م ك سماق ، ملح ، م م نعناع ناشف

الطريقة:

اخلطي المقادير ثم اخلطي مقادير التتبيلة ثم صبيها عليها


الفول بالزيت و الكمون

يضاف للفول عصير ليمون و ملح و كمون و زيت(ذرة او زيتون زي ماتحبوا)



الفول بالدقة:

تجهز دقة من ثوم مدقوق و ملح و كمون و كركم و ليمون و نضيفها عليه مع زيت و ممكن نضيفله طحينة.


الفول بالسلطة:

تقطع طماطم مكعبات صغيرة و بصل و فلفل أخضر برضه مكعبات صغيرة و نضيف لهم ملح و كمون و خل و ليمون و نضيفهم للفول و نحط زيت و طحينة حسب الرغبة.


الفول بالطماطم:

تقطع الطاطم مكعبات صغيرة و لما الفول يسخن نضيفها و نتركها إلى أن تذبل ثم نضيف الليمون و الملح و الكمون و الزيت

الفول بالثوم و الطماطم:


نقطع فصوص الثوم بالسكين شرائح بالعرض و نقلبها في السمن أو الزبدة حتى يصير اللون ذهبي و بعدين نضيف الطماطم المقطعة مكعبات و نضع ملح و فلفل اسود و بهارات و لما الطماطم تذبل نضيف الفول و نقلبه كويس.

الفول بالباذنجان:

لو باقي عندك شوية مسقعة أو باذنجان مقلي أو بابا غنوج قلبيه مع الفول و ضيفي ليمون و ملح و كمون و زيت بيبقى طعمه روعة.

فول بالطحينة
فول مدمس
طماطماية
معلقة كبيرة بقدونس مغسول ومفروم
نص معلقة صغيرة ثوم مهروس
معلقة كبيرة طحينة
معلقة خل
معلقة عصير ليمون
معلقتين كبار زيت
ملح و كمون


الطريقة

سخنى الفول واهرسية بالشوكة وقطعى علية الطماطماية قطع صغيرة
ضعى فى طبق الطحينة والخل والزيت والثوم و البقدونس واخلطيهم كلهم مع بعض
وبعدين ضعيهم على الفول وتبلى بالملح والكمون


فول بالفلفل الاخضر

فول مدمس
نص معلقة صغيرة ثوم مهروس
واحدة فلفل رومى
كوب عصير طماطم
ملح وفلفل وكمون
2 معلقة زيت

الطريقة

ضعى الزيت او الزبدة على النار وحمرى فيه الثوم لحد ما يصفر
ضعى علية عصير الطماطم وخليها على النار لحد ما تتسبك
ثم ضعى الفول وشوية مياة صغيرين
قطعى الفلفل مكعبات صغيرة وضعية على الفول و تبلى بالملح والكمون
يغلو غلوة مع بعض واغرفية

الطعمية المحشية

بصله مقطعه صغير -ملح - فلفل اسود – كزبره ناشفة - كمون - قرفه ناعمه - فلفلة خضراء حامية

الطريقة
شوحى البصله فى شوية زيت صغيرين وضعى عليها كل التوابل واحشى بيها اقراص عجينه الطعمية وتقلى

========================

ده بقى العدس بطرق كتير ومختلفه

=================================

الكشري بالعدس الأصفر


المقادير :

فنجان أرز
2 فنجان عدس أصفر- 3 معالق كبيرة زيت
4 و نص فنجان ماء _ ملح _بصلة كبيرة

الطريقة :

يغسل الارز جيدا ويحمر الأرز في الزيت قليلا و بعدين تشيلية من الزيت في الزيت المتخلف من تحمير الأرز يحمر العدس قليلا بنفس الطريقة و بعدين تشيلية برضة من الزيت حطى الماء على الزيت اللى حمرنا فية و الملح ويترك حتى يغلي لمدة خمس دقائق اخلطى الأرز مع العدس ثم يضاف على الماء المغلي ويطهى على نار هادئة بنفس طريقة الارز العادية في معلقة ز يت كبيرةحمر ى البصلة لحد ما تحمر و بعد ما يكون العدس بالارز استوى حطى الزيت اللى حمرنا فية البصلة عليهم يغرف في طبق و يجمل الوجه بالبصل المحمر .

====================================

شوربة العدس
ربع كيلو عدس اصفر
ملح – فلفل – كمون – بصلة متوسطة مخرطة رفيع – طماطماية – بطاطساية صغيرة – جزرة صغيرة
شطة حسب الرغبة

الطريقة

نضع العدس فى حلة على النار و علية الطماطماية مقطعة اربع و الجزرة مقشرة و مقطعة قطع صغيرة و البطاسطاية مقشرة و مقطعة نصين
ونضع الماء يغطى العدس بكوب ماء و نتركة لحد ما يستوى مع التقليب و نشيل الريم و نراقب الماء كل ما ينقص نزود شوية بشوية
بعد ما يستوى اما نضعة فى الخلاط فى دورق العصير و نضربة ( او ) نصفية بمصفة الطماطم ام ايد )
وانا بفضل المصفاة
ثم نضع شوربة العدس فى الحلة و نبدأ فى وضع الملح و الفلفل و الكمون بس زودى الكمون شوية بيديها طعم جميل وقلبى و ظبطى تخانة العدس زى ما انتى شايفة امامك يعنى لو تخينة زودى ماء و قلبى
هاتى معلقتين زيت و عليهم البصلة المبشورة لحد ما تصفر وحطيها على العدس تقليبة و اطفى النار

===============================



العدس الاصفر المغروف


بعد ما عملنا شوربة العدس عادى خالص وبنوصل للمرحلة اللى بنحط تقلية البصل فى العدس بنخفف الشوربة شوية وبنغسل حوالى نص كوباية ارز وبنضعها على العدس واهم حاجة تفضلى تقلبى علشان الارز مايلزقش لحد الارز مايستوى وتغرفية فى الاطباق زى الارز باللبن بالضبط وتضعى نص البصلة التانية على الوش
كشرى العدس الاصفر
كوب عدس اصفر
كوب ارز
زيت
ملح - كمون


الطريقة

اغسلى الرز لوحدة واغسلى العدس الاصفر لوحدة
ضعى فى حلة على النار حوالى 3 معالق زيت وحطى الارز فى الزيت
وقلبى قلبى لحد ما تحسى ان الارز اتبل كلة بالزيت وفرفر
ضعى العدس على الارز والملح والكمون واخلطيهم ببعض
وبعدين حطى عليهم ماء كأنك بتسوى الارز عادى خالص ولما يشرب الماء تروحى موطية النار
تسبية لحد لما يستوى وتغرفية وبيكون الكشرى مفرفر وبالهنا والشفا
بيتاكل معاة طرشى زى الليمون بيبقى جميل
ملحوظة بالنسبة للعدس الكشرى ممكن يتعمل مش مفرفر بيكون طرى (سوفت )فية ناس كتير بتحبة كدة
بعد ما يشرب الماء ونوطى النار اثناء ما هو بيستوى ترشرشى كل شوية بشوية ماءحتلاقية بيطرى ولما يستوى قبل ما تطفى النار على طول تروحى حطة علية معلقة زيت و تقلبيها وتطفى النار وتغرفية

==================================

طاجن عدس اسود (بجبة )نص كيلو عدس اسود
كوب بصل
راس ثوم مهروس
كيلو طماطم
كوب فلفل اخضر مقطع صغير
ربع كوب خل
ملح – فلفل – شطة
زيت

الطريقة

انقعى العدس حوالى3 ساعات
اسلقى العدس فى ماء مغلى لحد ما يستوى نص سوا ثم صفية من الماء
نحمر البصل والثوم لحد ما يصفروا ثم نضع الخل
ثم الفلفل الاخضر وقلبيه 5 دقائق ثم نضيف الطماطم المقطعة قطع صغيرة
ونترك الخليط على النار لحد ما يتسبك نضع كوب ماء و الملح والفلفل والشطة
ونخليهم لحد مايغلوا ثم نضيف لهم العدس تقليبتين لحد ما يغلى
نضع المقدار كله فى طاجن وندخله الفرن حوالى ربع ساعة

============================================


سلطة عدس بجبة

2 كوب عدس اسود مسلوق
- 4 فصوص ثوم مهروسين
- 2 عصير ليمونة كبار
ملح - زيت زيتون

الطريقه

اسلقى العدس عادى وصفية من الماء بتاعه وبعدين قشرى الثوم واهرسيه مع الملح ثم ضعى عليه عصير الليمون وبعدين ضعى الثوم بالملح بعصير الليمون بعد ما تخلطيهم على العدس وتروحى خلطاهم كويس بالمعلقة مع معلقة زيت زيتون وتضعيهم فى الطبق و ترشى على الوش كمان معلقة زيت



على فكرة جربى حطى معاهم بصلة خضراء مفرومة بتدى طعم جميل وممكن رشة شطة صغيرة للى بيحب الشطة

=================================

صينية العدس بالصلصة

كوب عدس اسود
كوب عصير طماطم
كوب بصل
نص راس ثوم
زيت
ملح وفلفل وكمون
ربع كوب خل
نص حزمة بقدونس مخرط


الطريقة

اغسلى العدس من الصبح وانقعية لحد ميعاد الغداء .اسلقى العدس فى ماء مغلى نص سوى بس .نقدح الزيت فى مقلاية ونحمر فيه البصل لحد مايصفر ثم نضع الثوم المهروس ونحمرهم سوا وبعدين نضع الخل وعصير الطماطم ونتركهم يتسبكوا )زى صلصة الكشرى ( نضع العدس والبقدونس على الصلصة ونخلطهم وبعدين نضعهم. فى طبق فرن ونتبلهم وشوية ماء وندخلهم الفرن لحد ما الصينية تستوى ويتاكل على طول وهو سخن

===================================


صينية العدس فى الفرن


كوب عدس اصفر
نص كوب بصل
5 فصوص ثوم مهروسين
نص كوب بقدونس
نص كيلو طماطم
فلفلة رومى كبيرة مقطعة مكعبات صغيرة
زيت
ملح وفلفل وكمون
كزبرة ناشفة

الطريقة

نعمل العدس شوربة عادية زى اللى كتبناها قبل كدة بس بعد ماتصفية متزوديش علية ماء سيبية تخين زى ماهو نقدح الزيت فى مقلاية ونحمر فيه البصل لحد مايصفر ثم نضع الثوم المهروس ونحمرهم سوا وبعدين نضع عصير الطماطم ونتركهم يتسبكوا .نتبلها بالملح والفلفل والكمون والكزبرة وبعدين نضع الفلفل الاخضر والبقدونس ونقلب كله مع بعض ثم نضع العدس ونقلب كله مع بعض ونظبط الحدق. نصب الخليط فى طبق فرن وندخله فرن متوسط الحرارة

محشى الكرنب 3بصلات كبار
حزمة شبت، و 2حزمة بقدونس
3معالق كبار و مليانين صلصة طماطم
كيلو رز
كرنبة متوسطة
ملح _ فلفل _ كمون - 3معالق زيت
الطريقة:
تغلي ماء على النار و تحطى فية شوية كمون وتطلعى ورق الكرنب من الكرنبة بانك تقطعية من عند الراس بالسكينة وتحطية فى الماء المغلى يا دوب ثوانى و تطلعية فى المصفاة. بعد كدة تقطعية حسب المقاس اللى انتى عايزاة

طريقة عمل الخلطة:

تفرمى البصلة بالسكبنة وتحطى عليها شوية ملح و تفضلى بايدك تدعكيها كويس كانك بتعصريها بين كف ايدك حتلاحظى انها طريت و نزلت شويه سائل وهو المطلوب .بعد تنقية الخضرة طبعا و غسلها كويس تخرطيها بالسكبنة على البصل و تحطى كل التوابل والزيت والطماطم و اخيرا تجيبى الرز وتغسلية وتصفية كويس وتحطية على الخلطة و تخلطى كله كله كويس وتحشى ورق الكرنب ورقة ورقة ومش كتير علشان ما ينفش. ضعى فى قعر الحلة قبل وضع المحشى شرائح طماطم تخينة تغطى بيها القعر كلة علشان المحشى اللى تحت ما يتحرقش. اغلى ماء فى حلة (ممكن مكعب خضروات) و فيها معلقة زيت علشان المعلقة دى هى اللى بتدى صابع الكرنب لمعة من برة .ضعى شوربة المكعب على الكرنب بحيث يا دوب تكون عند الصف الاول وتحطية على النار و تهزى الحلة و تسبية يادوب يغلى ويشرب الشوربة تروحى موطية النار خالص زى الشمعة لحد ما يستوى بانك تطلعى صباع و تدوقية و ممكن عند التقديم تقلبى الحلة زى ما هيا فى سرفيس فحتلاقى شكل الطبق من فوق مرصص بحلقات الطماطم شكله حلو
ملحوظة اذا كانت الكرنبة صغيرة ممكن تفككيها بالسكينه كويس من فوق و تحطيها زى ما هيا فى الحلة حتلاحظى ان الورقة اللى حتكون جاهزة سابت الكرنبة لوحدها و بعدت عنها دة معناه انها خلصت و هكذا
====================================

طريقة المحشى المتنوع(خفيف وينفع دايت)

كيلو بزنجان وفلفل رومى وكوسة

او كرنب او ورق عنب
2 كوب ارز
حزمة شبت
حزمة بقدونس
نص حزمة كسبرة خضراء
طماطم معصورة طازجة
طمطماية مخرطة صغير
ملح وفلفل
كمون فى محشى الكرنب
معلقة زيت زرة وممكن الاستغناء عنها

الطريقه

تقورى البزنجان والكوسة بالطريقة المعروفة .تشيلى الكاس الاخضر والبزور من الفلفل او تسلقى الكرنب وتقطعى الورق او تسلقى الورق العنب .تجهزى الحشو الارز على الشبت والبقدونس والكسبرة المغسولة والمخرطة على متوسط والملح والفلفل والطماطماية المخرطة وعصير الطماطم ومعلقة الزيت تخلطى كله وتحشى بية المحشى وترصصية فى الحلة وتسقية بالشوربة (طبعا ماء مغلى مضاف ليه مكعب خضروات) ويمكن الاستغناء عنه ونعمل بماء فقط

سلطه بابا غنوج

المقادير:
=======
ربع كيلو باذنجان أسود كبير
نصف كوب طحينه و بقدونس مفرى
ثلاثه ملاعق زيت
أربعه ملاعق كبيره من الخل
ثلاثه فصوص ثوم و ملح وكمون و شطه حسب الرغبه

الطريقة:

=======
يشوى البذنجان و يدق ناعما
يدق الثوم مع الملح و الكمون و يضاف إلى الطحينه و يقلب
يضاف الباذنجان و قليل من الشطه و يقلب جيدا و يزين بالبقدونس



للى بيحب سلطة بابا غنوج ممكن تشوى الباذنجان كمية يعنى كيلو او اكتر بدل ما تشوى واحدة او اتنين كل مرة

وبعدين تقشرى كل الباذنجان بعد ما يطلع من الفرن ويبرد طبعا
وتقسميه وجبات يعنى مثلا لو كان حجمه كبير يبقى كل واحدة لوحدها فى كيس بعد ما تتقشر وتتحط فى الفريزر
وبعد كده لو عاوزة تعملى بابا غنوج والباذنجان مش متوفر فى السوق ممكن تطلعى من الفريزر
وتعملى عليها باقى مكونات سلطة البابا غنوج الطحينة والليمون وكل الباقى وكانك لسه عاملاه طازة
وعلى فكرة لما بيتحفظ فى الفريزر الباذنجان فقط بدون اى حاجة عليه بتكون نتيجته احسن كتيييييييييييير من انه يتحفظ بابا غنوج جاهز

====================================

بطاطس محشية
خرشوف محشى


1 بزنجان رومى – فلفل الوان – كوسة – طماطم – جزر – بطاطس متوسطة الحجم – كيس خرشوف او خرشوف فريش مسلوق

الطريقة

نقشر البطاطس ونقورها ونقطع حتة صغيرة من اسفلها علشان تقعد فى الصينية
ونضعها فى ماء وملح على مانخلص الحشو علشان متسودش
نضع الزيت على النار ونشوح فيه م ك بصل وم ص ثوم مفروم وفلفل ملون مكعبات صغيرة وبزنجان مكعبات صغيرة والكوسة مكعبات صغيرة وعود روزمارى وعود كرفس مقطعين ونشوح كله لمدة 5 دقائق ادهن صينية بالزيت ونحشى البطاطس ونرصصه فى الصينية ونضع على وش كل بطاطسايه طماطماية صغيرة قوى او مكعبه طماطم ونحشى الخرشوف ونضعه فى الصينية وندخلهم الفرن

===================================

شوربة الفول النابت



4 كوب فول نابت
2 معلقة زيت
ملح – فلفل
حبهان – مستكة
بصلة متوسطة
ليمون

الطريقة

انقعى الفول النابت كزا يوم لحد ما تلاقية نبت وبعدين قشرية
اسلقى الفول النابت وضعى البصلة لحد ما يقرب من السوى
اقدحى الزيت وضعى المستكة والحبهان لحد ما ريحتهم تطلع
روحى حطة عليهم الشوربة على طول غلوة مع الملح والفلفل
عند الغرف اعصرى عليها ليمون
الفول النابت بالطحينة




1/2 كيلو فول نابت - بصلة كبيرة
2 معلقة خل -ربع راس ثوم
ملح وكمون - بقدونس
ماء - طحينه

الطريقة

قشرى الفول النابت واغسلية
ضعي فى حلة الفول النابت فى ماء يكفى لتغطيته مع البصلة
المقطعة والثوم على النار لحد ما يستوى
صفية من ماء السلق واهرسية
نخفف الطحينة بالماء والخل والملح والثوم ونضعها
على الفول النابت المهروس
وندمجهم كويس ونزينهم بالبقدونس

==============================
صينية جلاش بالمشروم او بالخضار


باكو جلاش
مشروم
خضار مشكل مسلوق
كوب ماء مذاب فية ( 2 معلقة كافى ميت)
زيت للوجة

الطريقة

ادهنى صينية بالزيت واضع ورقتين من الجلاش ثم ادهنهم بالفرشاة بسمن نباتى وهكذا لحد ما نخلص نص كمية الجلاش ثم نضع المشروم او الخضار او الخضار والمشروم .اكمل باقيه الصينية بنفس الطريقة اضع ورقتين
جلاش ثم ادهن بزيت وهكذا .لما نخلص الكمية اللى عندنا نقطع الصينية اما مثلثات او حسب الرغبه .نذوب الكافى ميت ( البودرة )فى كوب الماء ثم اصبه على الصينية كلها واترك الصينية ولا ادخلها الفرن الا
بعد 3 او 4 ساعات ثم اضع معلقة زيت على وش الصينية وادخلها الفرن متوسط الحرارة لحد ماتستوى وتحمر
ملحوظة : اعمليها من بدرى وماتسويهاش الا قبل الاكل حتكون طررررررررية وجميله .الكافى ميت بديل الحليب

================================

صينية مكرونة فرن بالخضار او بالمشروم


كيس مكرونة ريشة
خضار مسلوق
مشروم
بشاميل
ملح وفلفل
زيت
بصلة

الطريقة

نسلق المكرونة عادى ونشطفها ونصفيها من الماء .نبشر البصلة ونشوحها فى الزيت لحد ماتصفر. نضع عليها المشروم والخضار والملح والفلفل .نخلط جزء من الشاميل بالمكرونة وندهن الصينية بمعلقتين بشاميل ثم نضع نص المكرونة ثم نضع الخضروات ثم نضع نص كمية المكرونة التانية ونضع على الوش باقى البشاميل وعلى الوش نضع معلقة زيت .ندخلها الفرن لحد ماتستوى وتحمر


اتمني تعجبكم الاكلات

[nona queen]

حمدلله على السلامه يا اجمل مارى وحشتينا حقيقى ووحشنا سلامك وكلامك
لا وراجعه رجوع ساحق كعادتك اكيد
اكلات جميله فعلا
كل سنه وانتى طيبه يا قلبى ومتغبيش تانى بلييييييييييييز

[ملكه الاحزان]

حاضر يانور عيني وانتي كمان وحشاني اوي اوي

[marina shukry]

مرسييييييييييي علي الاكلات الجامدة دي تسلم ايديك ياريت يبقي فييه اكلات فطاررررري جامدة كدة كل ما هاجييييييي اكل هادعيلك GOD BLessssssssssssssssssssss UuUuUUuUUuUUuUuuUuUUuuUUuU

[ملكه الاحزان]

ههههههههههه حاضر قبل العيد بيومين هانزلك موسوعه زي دي
مرسي ليكي

[zaza2006]

جميللللللللللللل جدا شكرا مرمر

[ملكه الاحزان]

مرسي ليكي ياكميل ربنا يباركك