صليبى صليبى لماذا تركتنى

[ظريف]

بسم الآب والأبن والروح القدس
إله واحد آمين

أنا دائما أبحث عن الأشياء المؤلمه فى الحياه وأجرى وراها بلهفه وبمحبه وفرح وسعاده ولا أخبر بها أحد واتحملها بدخلى وأعيشها بفرح ...... وأعتبرها صليبى ولازم احمله بدون ألم ولاشكوى
وفى مره بتكلم مع صديق ليا فى المنتدى قال لى .... ممكن أستفسر منك عن شئ ؟ وحتى لا أتسبب فى عثرة صديقى فى فهمى خطأ أضطريت أن أبوح له بسر كنت محتفظ به لنفسى وبعتبره صليبى فى الحياه وهو ...... إننى بخدم والدتى المسنه البالغه من العمر 77 سنه ...... وفى نهاية حديثى مع صديقى قلت كله بهزار ...... منك لله أفقدتنى صليبى
وفى نفس الأسبوع أصابت والدتى بفشل كلوى نتيجه حموضه فى الدم بسبب تلوث الكولى من الأسترا الموجوده بصفه دائما .... وتحتاج غسيل كلوى وهى الآن فى العنايه المركزه وضغط دمها صفر ومازال الأطباء يعملون ليل ونهار على رفع الضغط حتى يسمح لهم بعدها غسل الكولى
السؤال ..... هل حدث ذلك صدفه ....... أم الله حب يعيد لى صليبى المفقود منى

[nermos1982]

مش عارفة اقولك ايه بس انت لما حكيتله كده متذمرتش على صليبك وبعدين ربنا بيدى الانسان صليبه اللى يقدر يشيله مش بيدى حد فوق احتماله واكيد ربنا حب يزود اكليلك ويشوف ايمانك وتمسكك بيه
ربنا معاك يا استاذ ظريف ويفرح قلبك ويقويك على صليبك

[kottah_sh]

انا مش عارفه صدقنى ارد على سؤالك

بس كل اللى اقدر اقوله لحضرتك

ربنا يتمجد ويشفيها ويقومهالك بالسلامه

بشفاعه ام النور والبابا كيرلس

ابقى طمنى عليها

[KOKO SPA]

ربنا يقومها بالسلامه ياعموو

اما بالنسبه لموضوع صليبك فده ابدا مكنش اعتراض منك لما اتكلمت عنه انا شايفه ان الموضوع صدفه

ربنا حنين اوى

وان شاء الله هايتمجد ويشفيها

[تونى كويك]

فى البداية ربنا يشفيها يا رب
عموما ربنا لا علاقة له بالصدفة
واللى والدتك فيه ده من عند ربنا
فالاكيد ان ربنا حب يرد لك صليبك
حافظ عليه

[ظريف]

والدتى إنتقلت إلى الامجاد السماويه صباح اليوم الجمعه 27 /3 / 2009
لتكن إرادتك يارب

[Malak sokar]

عمو ظريف حبيبي اولا احب اقول للناس مين صديقك دة
انا صديقة ياجماعة اللي عمو ظريف حكي لة عن صليبة بس انت متعرفش
لما حكتلي انا اتغيرت ازاي وعرفت ان في ابمان واعمال بجد وان في لسة حد بيشيل صليبة بفرح مهما
كان صليبة دة كبير حضرتك شايل 3 صلبان وبفرح وانا مش معايا اي صليب ودائما في تذمر
يمكن تكون كشفت عن صليبك وزعلت لكن متعرفش كلامك عمل فيا اية
ربنا يعوضك ويعزيك عن انتقال تيتا وهي اكيد بتصلي عنك
صليبك لم يضيع لان لسة معك صليبين غيرهم ربنا معك
وسامحني حبيت اوضح ازاي اننا بتذمر وهناك من يعيش فعلا في الارض كما الرسل
ربنا يعزيك

[سامى كونكورد]

وضعت يدى على فمى ولا أتكلم لأنك أنت يا رب فعلت
+++
اذكر يارب نفوس عبيدك الذين رقدوا أباؤنا وأخوتنا
تفضل يارب نيح نفوسهم جميعاً فى أحضان أبائنا
القديسين ،ابراهيم وإسحاق ويعقوب .عُلهم فى
موضع خضرة على ماء الراحة فى فردوس النعيم
الموضع الذى هرب منه الحزن والكأبة والتنهد فى
نور قديسيك
+++
وربنا نفسه يسوع المسيح والله أبونا الذى أحبنا وأعطانا عزاءً أبدياً ورجاءً صالحاً بالنعمة يعزى قلوبكم ويثبتكم فى كل كلام وعمل صالح

[elphilasouf]

لا اعتراض ع ارادتك يارب
المر الذي تختاره لى افضل من الشهد الذي اختاره انا لنفسي
ربنا يعزيك ياجمل استاذ ظريف

[الناى الحزين]

استاذ ظريف
استاذنا واخونا الغالى الكبير اللى فى قلوب كل واحد مننا

ربنا يعزيك ويفرح قلبك
ويعزى كل افراد الاسره
وينيح روح والدة حضرتك


استاذنا واخونا الكبير
انا هسألك سؤال صغير
تفتكر ربنا بالعقلانيه دى؟
تفتكر انه ممكن يحرمك من صليبك علشان انت اتكلمت عنه مع احد اصدقائك؟
لا اسمحلى يا استاذ ظريف ده فكر من عدو الخير

مش يمكن ربنا بيخفف عنك صليبك؟
مش يمكن بيريحك من حمل صليب خفيف وبيعدك لحمل صليب اتقل؟

استاذ ظريف
ربنا حكمته واسعه
وكل شئ بيصنعه معانا بيكون ليه هدف

اسف على الاطاله
ربنا يفرح قلبك ويعزيك ويعزى كل افراد الاسره

[lolaemo]

ياااااااه ياريتنى قريت الكلام ده من زمان كان زمانى عرفت حاجات كتير اوى
ربنا يرحمها ويدخلها ملكوت السموات

[the daughter of the king]

: "لاَ أُرِيدُ أَنْ تَجْهَلُوا أَيُّهَا الإِخْوَةُ مِنْ جِهَةِ الرَّاقِدِينَ، لِكَيْ لاَ تَحْزَنُوا كَالْبَاقِينَ الَّذِينَ لاَ رَجَاءَ لَهُمْ" (رسالة بولس الرسول الأولى إلى أهل تسالونيكي)

بجد مش عارف اقول ايه
انا قدام الموت بقف فعلا مش بستحمل
وربنا يعزيك ويديك الصبر وقوه التحمل وده لو حده صليب
ويدى العزاء لكل الاسره

[ميرا الامورة]

الله يرحمها يا رب
وعزائي الك يا عمو ظريف
ان شالله اتكون اخر الاحزان
وانا عارفة انك قوي وحتكون قدها
وكلنا بنحبك ومعاك

[مادلين بنت المسيح]

لتكن ارادتك ومشيئتك يارب
ربنا يعزيك ويعزي اسراتك

[Nana_English]

الصليب اللى شلته بفرح يبقى اكيد مش ضاع ابدآ
بس كان اختبار اخير
ربنا يعزيك وهى هناك بتصليلك

[ظريف]

الف الف شكر لكم جميعا يا أغلى أخوات فى الدنيا كلها ويارب ماتشوفوش حاجه وحشه تزعلكم وأكيد والدتى فى أحضان السيد المسيح وهذا ماسمعته وشفته بعنيا اليوم أثناء سفرنا إلى طنطا كانت السياره تمشى على الطريق وكأنها طياره خفيفه جدا كما سمعت أن وجهها منور كالملائكه ..... ربنا ينيح روحها الطاهره فى أحضان القدسين ....... وأشكر كاتب الموضوع أستاذنا الكبير / أيمن كما أشكر إدارة منتدى أرثوذكسى على التعزيه فى المنتدى ..... كما اشكر أستاذ / ميكى ومدام / ورده حزينه وشاعرنا / عماد حسنى وأستاذه / نرموس وأستاذ / مارو جرافيك وأستاذ / صليب ( عم أيوب ) على أتصالهم هاتفينا لتعزيتنا وأخص بالشكر أستاذ / جورج ( الفليسوف ) على توقيعه
أشكركم جميعا يا أخوتى الاحباء ودائما على الحب الصادق متواعدين كما تعلمنا من السيد المسيح أسمى معانى الحب

الست دى أمى



http://www.4shared.com/file/95501639

شقيانه طول عمرها .... ماشلتش غير همى
وأنا آخر صبرها .... طول عمرى متربى فى خيرها.... هى الوحيده مافيش غيرها
الجنه تحت أقدامها .... وأنا لو هعيش خدمها
مش حوفى أجرها ..... الست دى أمى