سؤال موجه للبنات و أرجو الرد عليه

[المحبة للمسيح]

لو جالك عريس مؤدب و محترم بس مش هيجيبلك شابكة فى ظل الظروف الأقتصادية الحاليه وقلة فرص الزيجات فى زمنا هذا هتقبلى ولا لأ؟

[مريان نادى]

على فكرة مش بالفلوس ولابالشبكه المهم والاهم الراحه النفسية لان من الممكن انة يكون شخص غنى جدا لكن مفهوش مميزات و لكن كل الميزة انة غنى لكن على فكرة الميزة دى اصبحت عيب صدقونى مش بالفلوس ولا بالدهب المهم الشكر وعلى فكرة فى مثل شعبى بيقول ياواخد القرد على مالة يروح المال ويفضل القرد على حاله

[zaza2006]

اكييييييييييييييييد الفلوس مش كل حاجة الاهم من ده كله الشخص نفسه
اخلاقه وقربه من ربنا ودى عندى اهم من كل فلوس الدنيا
انا اكيد هوافق لو هو انسان كويس وبعدين المثل بيقول خدوهم فقراء يغنيكم الله
يعنى اكييييييييد بكرة هيجبلك احسن من 100 شبكة
ميرسى ليكى على الموضوع الحلو ده

[kottah_sh]

طبعا هووووووووووووووافق جدا

مش بالشبكه بأمانه

ولا بالفلوس لان الفلوس ممكن تضيع فى اى وقت

لكن اللى مش هيتغير هوه طبع البنى ادم نفسه

لو قعدنا نتكلم على الموضوع ده مش هنخلص


ميرسى لسؤالك

[bright]

فيه جوانب تانيه لازم نحطها في الاعتبار

زي اخواتي ما قالوا

الشخصيه والتعليم والراحه النفسيه والطباع

والمستوي الاجتماعي والروحي والتفكير والمباديء والاتجاهات...........الخ

وبالنسبه للشبكه يعني لو حتي تكون شبكه قليله احسن من ان الخطوبه تتم من غير شبكه خالص

نصيحه لكل بنت : ياريت تفكري بعقلك قبل قلبك في موضوع الارتباط

[m.mony]

طبعا الشبكه والفلوس مش كل حاجه بس لازم نحسبها كويس

[kamer14]

لو جالك عريس مؤدب و محترم بس مش هيجيبلك شابكة فى ظل الظروف الأقتصادية الحاليه وقلة فرص الزيجات فى زمنا هذا هتقبلى ولا لأ؟




طلما فى حب وطلما العريس دة مفهوش حاجة تتعيب يبقى مش هند كل دة عشان شبكة ربنا يقدملك ايلى فيه الصالح ويوفقك

[فيكتوريا]

اكيد مش بالفلوس بس فى حاجات تانية كتيير للارتبا ط غير الشبكة زى المستوى التعليمى و الافكار و الاراء و السن و المهم راى العايله بس لو معقول مش هابص على الشبكة

[lolaemo]

بصراحة اكيد هوافق طالما مش يتعيب ولو على الشبكة اكيد هيجبلى حاجات افضل
هعمل اية انا بواحد يجيبلى شبكة وحاجات كتير وابقى متبهدلة ولا سعيدة ولا حاجة ومحسوبة عليا جوازة

[جاسيكا]

ارائكم كلكم كويسة وبجد انا كمان بضم صوتى لصوتكم لانو بجد مش بالشبكة بس الاهم اخلاقة واحترامة والمعاملة الكويسة ليا ولاسرتى وكمان يكون قد المسئولية يعنى هيقضر يصرف على البيت وطلباتة بس مش اكتر وكمان يكون انسان طيب وقريب من ربنا
واهم حاجة يكون فى ارتياح للشخص دا مش هاخدة شفقة او عطف علشان الظروف الاقتصادية
لا فكرى كويس جداً فى الموضوع دا لانو مستقبلك ومتطريش تاخدى قرار متسرع علشان مترجعيش تندمى علية بعد كدة
فكرى بعقلك ومش بقلبك علشان متتعبيش فكرى بحكمة وخدى قرارك على اقل من مهلك ومتتسرعيييييييييييش
وربنا يوفقك ويختارلك الصالح يارب
وصلى لربنا وهو يتصرف
ربنا معاكى

[mira smsm]

لو على البنت فى كتير مش مهم عندهم الشبكه لكن بيقولو الاهل والعيله اشمعنا صحابى واخواتى لكن صدقونى عمر الشبكه مهتسعدك لازم الاختيار يكون بالقلب والعقل من غير الاخذ بلشكليات
اسالو مجرب

[cat girl]

طالما كويس هوافق وهوافق جدا