اعمل ايه دلونى بليز

[G.a.L.a.x.y]

نفسى اسال اسئله كتير ومحتاجه مشورتكم عليا
انا بنوته عادى بحب الضحك والهزار اكتر حاجه اكرهها النكد رغم ان ظروفى صعبه مشاكل الى اخرة
المشكله انى فى الطبيعه غير النت فى الطبيعه انطوائيه جداااااا او مشبمعنى بخاف الناس وببعد لا بس بحب اعمل كل حاجه بحالى والاختلاط يبقى قليل بحب اخدم واروح علطول ومشبقف مع حد
ومن هنا بدأت المشكله وقبل ما اسردها احب اقول انى من بلد معينه ( مركز )وانتقلت لمحافضه وكنت فى المركز خادمه ومستريحه جداا لانى بلدى الا اتربيت فيها وناسها فاهمينى
ان فى ناس افترت عليا ظلم فى الكنيسه وكلموا امين الخدمه وامين الخدمه جالى فقولتله انا معرفش حد لانى بحالى ولا عمرى اتكلم على حد وعلى العموم تقدر تواجهنى باى حد وانا اواجهه عشان اثبت برائتى بس للاسف مصدقنيش والسبب لانى مستجده فى الخدمه فى الكنيسه دى
طب اعمل ايه ياربى
وغيره من المشاكل الا اسبابها مجهوله ومعرفش الناس دى الا بضايقنى وانا بحالى
حتى الخدمه مشعطينى فرصه اعمل اى حاجه كل الاجتماعات بينطموها لو قولت فكرة يعملوا نفسهم مش سامعين رغم الاجتماع محدش بيحضره غير الخدام الا بيحضروا هما الابيحضروا طب اعمل ايه ياربى حتى الافتقاد بيخلونى اروح زينه مليش اى لزمه عبئ على الافتقاد ومشعطينى فرصه اتكلم ولو بكلمه سمعتها من بابا شنودة او كتاب ارثوكسى عادى والشعار بتاعم عاوز تخدم استنى سنه نعرفك فيها وياعالم هضمن انا عمرى كمان ساعه ولا لا عشن الحق يعرفونى او الحق اقدم خدمه لربنا
هنا بدات مشكله تانى انى مشعارفه اخد على حد طباعهم صعبه نظام شلل والضحك والهزار التقيل ولو مهزرتش مع خدام وخادمات يبقى انا مقفله لما مشبقف مع حد وفى حالى ابقى معقدة وغير مقروءه علىحد تعبيرهم

بجد تعبت البنات بالذات بيضايقنى من غير مااعرفهم وكلمت اب اعتراف بدل ما يشوف الموضوع معبرنيش كلمت اب كاهن تانى ولا عطنى اهتمام روحت لامين الخدمه اعتبه لانه عاملنى وحش ومشصدقنى لانه ميعرفنيش وصدق الا قال انه رباها على ايديه طب دة ميمنعش انى اتظلمت

صدقونى فكرت اسيب الخدمه رغم انى عادى صدقونى بكلم الكل فى حدود المحبه وبسرعه لو فى اى شئ مهم بقف اتكلم لدقايق قليله وامشى ومشبكره حد وبعامل الكل زى بعض خدام وخادمات ولو حد احتجنى بكون جنبه يعنى مش معقده بس طبعى انى مشبقف كتير مع حد وبحالى طب بيضايقونى ليه نفسى افهم ليه واخدين الاجتماع على حسابهم ومشعطيينى فرصه اعمل حاجه ليه لازم اكون مقرؤءه ل لاى حد

مشعارفه انا غلط ولا صح بس متضايقهومشعارفه اخد قرار لانى متعودتش اكون بمكان فى ناس بوشين لانى بشوفهم بيخدموا حلو ومن بره بيقولوا الفاظ مش حلوة لبعضمشبدين حد بس طبعى منيل انا كدة مشعارفه اتغير ولا اكون زيهم اعمل اييييييييييييييه دلونى

[جاسيكا]

بصراحة انا شخصيتى شبيهة ليكى بس الاختلاف انا مش ماسكة خدمة بس بيقولو عليا معقدة فى الكلية علشان مبقفش اتكلم واضحك معاهم زى باقى البنات صباح الخير صباح النور وخلاص وبيقولو عليا متكبرة وتنكة بالرغم من انى مش كدة خالص
علشان كدة مش هقدر افيدك لكن عيشى بطبيعتك عادى ومتزعلش لان مش كل البشر زى بعضها
وبعدين هما لازم يعملو كدة ممكن يكونو بيجربوكى هتقدرى على الخدمة ولا لا
وممكن علشان انتى جديدة عليهم وحاسين انك تنكة عليهم او هما فاهمين انك متكبرة عليهم علشان مبتقفيش معاهم
لكن حاولى تتصاحبى مع خادمة وكلميها وحاولى تعملى صداقة معاها وفهميها طبعك وهى تفهمهم
ومعلش حاولى تحكى لاب اعترافك تانى معلش
وربنا معاكى ويوفقك

[elphilasouf]

طيب اولا انتى شيفه انك مش بتحبى تقفى مع حد او تقعى وتتعملى فى محيط خدمتك بس او انك انطوائيه وانتى مرتاحه كده يبقى خلاص خليكى كده متغيريش من نفسك الا لو انتى عايزه تغيري
لان دي شخصتك ودي نفسك

وبالنسبه لامين خدمتك واب اعترافك ممكن يكون مصدقينك وبيصلولك وبيصللهم بس مش عملين رد فعل ظاهر
ولو ع انهم مش مدينك فرصه تخدمى الا بعد سنه
فهما كويس انهم منتظرين سنه يعرفوكى فيها
ده دليل ع انضباط الخدمه عندهم .. ويمكن يكون عندهم حق

بس الخدمه مش محتاجه سنه او يوم
الخدمه محتاجه قلب متضع محب

ولو ع انهم شيفينك معقده
فيمكن هما مش شيفينك كده فعلا
بس عشان انتى لسا غريبه عليهم فحسه بكده
وانتوا كمان لسا مش عرفين بعض كويس
ومع الوقت هتعرفوا بعض اكتر والمشاكل البسيطه دي كلها هتروح
وهتظهرلك مشاكل تانيه بدل المشاكلالصغيره دي
كبيره بقى خاصه بالخدمه
يعنى هتتهري مشاكل طول حياتك
ههههههههههههههههههههههههه ه
عمتا مهما بيحصل
فدي تجارب من عدو الخير والمفروض نقابلها بفرح وسلام وهدوء
لاننا هنحصل ع تعزيات المسيح والفرح الداخلى
والخدمه اصلا مليانه مشاكل دي معروفه
هتلاقى مشاكل فى كل حاجه
احنا حتى فى المنتدي هنا مش بنفوق من مشكله الا وتظهر مشكله تانيه
عادي يعنى

وزي مانا فهمته عنه انك قلبك كبير وبتحبيهم كلهم محبه ربنا
فالمحبه مقياسها التعب
وكل مانتى مستعده انك تتعبى يبقى انتى بتحبى اكتر

عمتا ده رايي الشخصى
والمفروض نطلب ارشاد ربنا ونصلى من اجل الخدمه واجلهم

[القطة كيتي]

بصراحة انا شخصيتى شبيهة ليكى بس الاختلاف انا مش ماسكة خدمة بس بيقولو عليا معقدة فى الكلية علشان مبقفش اتكلم واضحك معاهم زى باقى البنات



هههههههههههه انا اتقال عليا مريضة نفسيا !!!!!!! عشان بعمل كدة زيك

[Hanyking]

السلام ليكى اختى فى المسيح انا قريت مشكلتك وحبيت اشارك برائى فيها وياريت اقدر افيدك اولا من ناحية انك مش بتحبى الاختلاط ومن طبعك انك قليلة الكلام والتعامل مع الناس انا شايف انى دى حاجة خصوصية بالنسبة ليكى ومش من حق حد يطلب منك التغيير لانى لكل انسان سلوكه وطباعه اللى بيتعامل بيها مع الاخر وطالما انتى مرتاحة كدا وشايفة اسلوبك دة مريحك خلاص يبقا خليكى زى منتى ومتحوليش تغيرى من نفسك ثانيا انتى رايحة الكنيسة ليكى هدف هو الخدمة مش اكتر يبقا ايه لازمة الهزار والكلام الكتير اللى هما طلبين منك تتعملى بيهم؟ خلى ربنا قدامك علطول ومين عارف مش يمكن لانى الناس اسلوبها صعب فى الكنيسة دى وبوشين زى منتى بتقولى بمعنى انهم بيخدموا وفى نفس الوقت بيتكلموا ويهزرو بكلام مش محترم يبقا ازاى دووول خدام اصلا انا شايف انى ربنا عايز يوصلك رسالة انك تشوفى مكان تانى يكون مناسب ليكى ومناسب للخدمة مكان يكون اخواتك الخدام اللى فيه تصرفتهم تليق باولاد الله لانى عمر ما كان بيت ربنا فيه ناس وناس وانا بالوم الاباء الكهنة والمسئولين على اسلوبهم معاكى وانهم مسمعوش منك لانى مش دى صيانة الامانة اللى ربنا حطها بين ايديهم ياريت تسمعى نصيحة من اخ ليكى فى المنتدى وتبتدى تدورى على كنيسة تانى وتروحى تخدمى فيها وصلى لربنا قبل كل شى واطلبى منه وهو هيدلك عن المكان اللى هو عايزك تخدمى فيه ياريت اكون قدرت اساعدك برايى واقبلى منى كل احترام وتقدير وربنا يباركك ويفرح قلبك ويحققلك اللى نفسك فيه.. سلام المسيح معك

[G.a.L.a.x.y]

بصراحة انا شخصيتى شبيهة ليكى بس الاختلاف انا مش ماسكة خدمة بس بيقولو عليا معقدة فى الكلية علشان مبقفش اتكلم واضحك معاهم زى باقى البنات صباح الخير صباح النور وخلاص وبيقولو عليا متكبرة وتنكة بالرغم من انى مش كدة خالص
علشان كدة مش هقدر افيدك لكن عيشى بطبيعتك عادى ومتزعلش لان مش كل البشر زى بعضها
وبعدين هما لازم يعملو كدة ممكن يكونو بيجربوكى هتقدرى على الخدمة ولا لا
وممكن علشان انتى جديدة عليهم وحاسين انك تنكة عليهم او هما فاهمين انك متكبرة عليهم علشان مبتقفيش معاهم
لكن حاولى تتصاحبى مع خادمة وكلميها وحاولى تعملى صداقة معاها وفهميها طبعك وهى تفهمهم
ومعلش حاولى تحكى لاب اعترافك تانى معلش
وربنا معاكى ويوفقك



ياعينى عليكى ياجيسيكا حبيبتى الحال من بعضه طب والحل ايه العيب فينا ولا فى لاغيرنا؟

[G.a.L.a.x.y]

هههههههههههه انا اتقال عليا مريضة نفسيا !!!!!!! عشان بعمل كدة زيك


ياحبيبتى ياكيتى انتى كمان؟؟؟؟؟؟؟؟؟
مشعارفه ايه حال البنات الغلابه الا زينا مشهت\نعرف نتعامل مع غيرنا بطيبتنا دى على رائ صحبتى لازم ابقى شريرة عشاتن اواكب العصر

[G.a.L.a.x.y]

السلام ليكى اختى فى المسيح انا قريت مشكلتك وحبيت اشارك برائى فيها وياريت اقدر افيدك اولا من ناحية انك مش بتحبى الاختلاط ومن طبعك انك قليلة الكلام والتعامل مع الناس انا شايف انى دى حاجة خصوصية بالنسبة ليكى ومش من حق حد يطلب منك التغيير لانى لكل انسان سلوكه وطباعه اللى بيتعامل بيها مع الاخر وطالما انتى مرتاحة كدا وشايفة اسلوبك دة مريحك خلاص يبقا خليكى زى منتى ومتحوليش تغيرى من نفسك ثانيا انتى رايحة الكنيسة ليكى هدف هو الخدمة مش اكتر يبقا ايه لازمة الهزار والكلام الكتير اللى هما طلبين منك تتعملى بيهم؟ خلى ربنا قدامك علطول ومين عارف مش يمكن لانى الناس اسلوبها صعب فى الكنيسة دى وبوشين زى منتى بتقولى بمعنى انهم بيخدموا وفى نفس الوقت بيتكلموا ويهزرو بكلام مش محترم يبقا ازاى دووول خدام اصلا انا شايف انى ربنا عايز يوصلك رسالة انك تشوفى مكان تانى يكون مناسب ليكى ومناسب للخدمة مكان يكون اخواتك الخدام اللى فيه تصرفتهم تليق باولاد الله لانى عمر ما كان بيت ربنا فيه ناس وناس وانا بالوم الاباء الكهنة والمسئولين على اسلوبهم معاكى وانهم مسمعوش منك لانى مش دى صيانة الامانة اللى ربنا حطها بين ايديهم ياريت تسمعى نصيحة من اخ ليكى فى المنتدى وتبتدى تدورى على كنيسة تانى وتروحى تخدمى فيها وصلى لربنا قبل كل شى واطلبى منه وهو هيدلك عن المكان اللى هو عايزك تخدمى فيه ياريت اكون قدرت اساعدك برايى واقبلى منى كل احترام وتقدير وربنا يباركك ويفرح قلبك ويحققلك اللى نفسك فيه.. سلام المسيح معك


كلامك رااااااااااااااائع هانى بس اسيب الخدمه واروح على فين دى الكنيسه الوحيده الا جنب بيتى والباقى بعاد عنى قوووووووووووى اعمل ايه
ولا اقول لمين محدش بيسمع انا بصلى لربنا يتصرف لانى ناويه اسيب الكنيسه من التعقيد

[Malak sokar]

اية المنتدي الي كل معقدين دة
ههههههههههه
بصي يافروحة لالاسف انا زيك بردو ناس كتير بتقول عليا تنكة وناس اكتر بتقول دي شايفة نفسها ومتكبرة
صدقيني لو حاولتي تبقي شي غير نفسك هتتعبي وهتتحولي لمهرجة طالما انت مش اجتماعية ومش
بتعرفي تفتحي مواضيع خليكي حبوبة حبي الناس اتعملي بمبحبة واوعي تسيبي خدمتك لان دي رسالتك
واستمتعي بعمل ربنا انتي ويا اطلافال افرحي بصحبتهم وحاولي تقومي بوجبك معهام اما عن الخدام
فمع الوقت هيعروفكي واوعي غيري من نفسك ربنا معك

[bolboladra]

كنى حريص على قد ماتقدرى الرب معكى

[نيرو12]

يمكن انا زيك بس
انا مش بحب الناس
وعشان كده بحب اقعد مع نفسى كتير
بصى ياستى انتى احسن حاجه تعمليها تحاولى بقدر الامكان يعنى انك تتكلمى معاهم تتعرفى عليهم
واكيد بيعدى عليكى مناسبات كتير وانتى معاهم
يعنى ف العيد عيدى عليهم
حاولى تختلطى بيهم
لانه مينفعش تبقى لوحدك ف الخدمه

[كراكيب]

انتي معندكيش مشكلة ده اولا
واساسا لو عندك مشكلة الانطاء زي مابتقولي دي مش هتخليهم يبعدوا عنك ولا حاجة مفيش علاقة بين الاتنين
المشكلة بقي فيين
المشكلة ان التاس دول هما المشكلة يعني هما اللي محتاجين يتصلحوا بناء علي كلامك لكن انتي تعملي ايه
اولا اوعي تسيبي الخدمة انا ساعات كانت بتيجي عليا فترات اتضايق لكن اسيب الخدمة استحالة المر اللي فيها انا بنفسي اوله لحلاوة
انا علي فكرة امين خدمة اينعم انا صغير وقليل ع الامانة لكن ظروف خدمتي فرضت عليا كدة وبنعمة المسيح وعمله الخدمة ماشية
كان بيجيلي خدام ويشتكوا زيك كدة بس طبعا مش خدامي لاني مبعملش معاهم كدة وممكن تسالي توتي او مجدي يعني وهو هيقول
لك دام من خدمات تانية كانوا بيحسوا بكدة وانا كنت بقولهم حاولوا تكونوا امناء خدمتكم في فقرتكم وفي فصلكم وفي الدرس اللي انتوا بتعملوه وفي افتقاداتكم من غير ما تتعدوا مهامكم للاسف بقول مهامكم وكانها بقيت شغلانة بس للاسف السبب في كدة هما القيادات متياسيش ولو عاوز تخدمي معانا انتي تنورينا وبجد مش هزار انا معرفش انتي ساكنة فين بس لو جنبنا ممكن تخدمي معانا ونستفيد منك ونستغلك
صليلنا وصلي امخدومينك ولحدامك واباءك الكهنة
ونصيحة كركوبية غيري اب اترافك لو مش مستريحة معاك
يكون معاكي ميكون عليكي
ادخلي ع الموضوع ده عاوز اشوف ردك

نـــــــــــــــــــداء (http://www.orsozox.com/forums/f27/t6835/)

[magdy totti]

فعلنا زى ما كراكيب
وانا بتفق معاه جدااااا فى الكلام ده
وعلى فكرة كراكيب بيعمل معنا كلنا كده
وانا كنت من الناس دى
كنت بخاف ومكنيش عندى ثقة فى نفسى وكنت دايما بخاف
لا موصليش المعلومة صح لاولااد
بس كراكيب كان دايما بشجعنى وكان دايما كان واقف معايا
لغاية ما ده كله بقى عادى
واوعى بجد تسيبى الخدمة علشان
هى احلى حاجة فى الدنيا ربنا عايزينا نكون معاه
واحنا نرفض
وزى ما كراكيب قاللك لو تحبى تخدمى معاانا
احنا بجد ناخد بركة كبيرة
ونسفيد من خد متك
والخادم بيخدم فى اى مكان
ولو تحبيى كلمى كراكيب
ربنا معاكى وانشاءالله ها تتحل
سبيها على ربنااااااااااا
صلى من اجل ضعفى

[nona queen]

بصى يا قمر
اولا موضوع الخدمه انتى بتخدمى ربنا واولاد المسيح يعنى مش بتخدميهم هما يعنى مش يهمك منهم
تانيا خليكى بطبيعتك اللى ربنا اديهالك مش تحاولى تذوقى فى نفسك عشان خاطرهم او عشان خاطر اى حد مهما كان
ثالثا صلى يا قلبى وقولى يارب انت عارف بنتك اد ايه محتجاك وقد ايه نفسى الناس تفهمنى وتحبنى على حالى وشخصيتى وطبيعتى اللى انت اديتهالى واللى انا بفخر بيها
صدقينى كل سؤء تفاهم هايزول وكل مشاكل بينك وبين اصدقائك فى الخدمه هاتنتهى بس اصبرى وقولى يارب
ربنا يوفقك يا فرح ويعوضك فى تعب خدمتك بالسعاده وسط كل الناس باذن الله

[روفــــا]

اولا اللى حصل دة حصل مع ناس كتيرة وصدقينى انا لو قولت حاجة موش هيجى من اللى الاعضاء قالوه بس بلاش تسيبى الخدمكة علشان موش تاكدى الكلام بدل انتى واثقة من ان مفيش حاجة حصلت