ارجوكم ساعدونى

[غير مسجل]

انا بنت عندى 26 سنة اختى كان فى مشاكل بينها وبين جوزها لمدة كبيرة اوى 6 سنين ودلوقت هيرجعو لبعض وبيصلحو الامور بينهم وبين بعض لغاية دلوقتى حلو ومفيش مشكلة
بس المشكلة فيا انا انا للاسف فجاة لاقيت نفسى بعاملها وحش مش عارفة ليه ياترى دى غيرة ولو غيرة ازاى وانا عمرى ماغيرت من حد ولا اصحابى لانى الحمد لله عندى ثقة فى نفسى وراضية بحالى مهما ان كان فى احسن منى لكن اجى اغييير من اختى طب ازاى ولو ده مش غيرة طب ده اية حد يقولى ارجوكم
انا هتجنن خلاص بدات اكره نفسى لانى محبش انى اعامل اختى كدة كل ماباخد بالى من نفسى اعدل المعاملة وفجاة افوق على انى بعاملها وحش وبعصبية عمرى ماكنت كدة

[samerco75]

هو كويس خالص انك اختى بالك
دى خطوة كويسة واعتقد انك تقدرى بنعمة المسيح تعامليها كويس تقدرى
بس خلاص سهل خالص
ربنا معاكى

[mrm29r]

اهلا بيكى
اولا من كلامك انتى بنت روحك حلوه انا من رائى اللى انتى فيه ده عدو الخير هو مدخل جواكى كده ولان هو شايف انك راضية باللى يدهولك ربنا ومش معترضة على حياتك ومسلمها لربنا عشان كده بيحاول معاكى انك تعترضى على اللى ربنا مدهولك وعشان تغلبية امسكى فى ربنا وقولية يارب الحقنى وصلى كتير وربنا معاكى واذكرينى فى صلاتك

[maryan alfady]

بسرحه الموضوع مش وضح كويس هو انتي بقتي تعمليها وحش لما عرفتي انها بتصلح مع جوزها ولا قبل كده ممكن تكوني مضيقه علشان هي اعدت معكي 6 سنين وهتمشي وانتي اتعوتي عليها انا مش عرفه انتي اصدق ايه بظبط ولكن انتي اظهر انك كويسه علشان حسه انك بتعمليه وحش انا مش عرفه اقولك ايه بس كل الي هقولهوك ان اختك محتاجه ليكي في الظروف ده تعمليها احس بكتير من المعمله العاديه بلاش تجي علي اختك ده لو جاءت عليكي تستحمليها علشان ظرفها

[goneer]

أختى علشان اساعدك فى اجابتك للحيرة دى محتاجة منك تجاوبينى على الاسئلة دى الاول لان كلمة الغيرة لها معانى كتيرة ......دة بعد اذنك طبعا
1- هل انت شايفة ان اختك فى رجوعها لجوزها عملت تنازلات من جانبها ؟ وسن اختك كام؟
2- جوزها بيعاملها معاملو سيئة وصلت للضرب ؟
3- اهل زوجها بيدخلوا فى حياتها وبيضيقوها وشخصية جوزها ضعيفة؟
4- اية رايك فى شخصية جوز اختك؟
5- انت مرتبطة عاطفيا بحد؟ ولو لأ طب لية ؟
6- عندك وجهة نظر معينة فى موضوع الارتباط؟
7- ربنا مكانة فين من حياتك؟
....................هستنى أجاباتك ..............................

[samerco75]

كويس انك ادركتى ده
وطالما انتى عرفتى الغلط بتاعك تقدرى بنعمة المسيح انك تعامليها كويس وربنا ها يملى قلبك فرح وسلام

[غير مسجل]

هل انت شايفة ان اختك فى رجوعها لجوزها عملت تنازلات من جانبها ؟ وسن اختك كام؟
بصراحة اه لانها بترخص نفسها جامد وبتحنله خصوصا انها اتبهدلت منه ومن اهله هى 30سنة
جوزها بيعاملها معاملو سيئة وصلت للضرب
لا موصلتش للضرب لكن للاهانة ليها ولبابا وماما واخواتى
اهل زوجها بيدخلوا فى حياتها وبيضيقوها وشخصية جوزها ضعيفة؟
اه خالص مفيش حاجة بتتعمل غير بموافقتهم وشخصيته ولا حاجة قدامهم
اية رايك فى شخصية جوز اختك؟
لا يحسب رجل يتحمل المسؤلية
انت مرتبطة عاطفيا بحد؟ ولو لأ طب لية
اه مرتبطة
عندك وجهة نظر معينة فى موضوع الارتباط؟
لا عادى بس لازم يكون عن حب وتفاهم ورضا
ربنا مكانة فين من حياتك؟
قبل اى حاجة هو الاساس بدعيله انه لو خير من غير بهدلة ترجعله بس انا مش عايزاها تتبهدل
ده غير انى بحاول معاملهاش وحش كل ماالاقى نفسى بعاملها وحش ارجع افوق
بجد تعبت نفسيا زى الزفت

[goneer]

حبيبتى انا متشكرة ليكى اووووووووووى انك جاوبتى ع اسئلتى وياريت توسعى فكرك معايا وتبصى لقدام مش تحت رجليكى يعنى للمستقبل
أولا: انا كنت متوقعة اجاباتك كلها لانى انا بحضر ماجستير فى علم النفس يعنى عندى خلفية مش بطالة وانشاء الله اقدر اساعدك بس ارجوكى تردى عليا وتكونى متابعانى
ثانيا: اختك ياحبيبتى كان لازم تقدم تنازل بعد 6 سنين فراق لان احنا معندناش طلاق يعنى حياتها كانت صعبة اووووووى وهى حاسة انها لامحصلة سما ولاارض ويمكن مكنتش مبينة علشانكم لان فى هرمونات فسيولوجية بتكون مؤثرة عليها وساعات بتدخل اختك فى اعراض الاكتئاب وانت متعرفيش.
ثالثا: لو فى بينهم اولاد فمن مصلحتهم مستقبلا رجوع ابوهم وامهم لبعض لان الناس مش هترحمهم لما يكبروا لاننا فى مجتمع يعشق القيل والقال وتاليف الموضوعات التى تسئ لناس ابرياء.
ولو مفيش اولاد صدقينى يبقى موقفها اصعب لان الاحتياج للامومة احساس صعب اوووووووووووووووووووووووى واكيد انت فاهمة النقطة دى واكيد بتتمنى تكونى أم
رابعا: انت قولتى انك مرتبطة عن حب طب انت تطمنى منين ان الانسان ال انت مرتبطة بية بعد الجواز متكتشفيش فية عيوب وممكن يكون زى جوز اختك لان الاقنعة كتير والحب بيعمى العقل.
خامسا: من فضلك حطى نفسك مكان اختك بشكل واقعى من عقل وقلب وكل المشاكل ال انا قلتلك ان اختك بتتعرضلها
سادسا: اهل جوزها حلهم انك تصليلها كتير اووووووى ان ربنا يرحمها ويهديهم عليها وساعديها انها تقرب من ربنا بشكل قوى وانو يكون الاول خطوتة قبل خطوتها.
هستنى رايك فى كلامى واى اعتراض ومناقشة ولو ليكى وجهة نظر تانية قولهالى ومتقلقيش احساسك دة طبيعى جدااااااااااااااااااااااا اااااا لانك خايفة عليها وبتحبيها ساعات الام بتقسى ع بنتها علشان بتحبها وعيزاها احسن الكل...............