الموضوع خطير جدا

[samerco75]

لى قريب فى الثلاثينات من عمره عندة بنات مش صغيرين بيشتغل كويس ومبسوط لكن مش قريب لربنا ويعرف بنات وستات كتير
وما بصدق انه يبعد شوية عن الحاجات دى ...تعبلى اعصابى مش عارف اعمل معاه ايه
بقالى يومين بشوف عندة واحدة محجبة!!! لما لما بكلمه بيشتمنى ويقولى لنت مالك مش عايز حد يوعظنى انا بعيش حياتى !!!
رافض االنقاش نهااااائى

ايه العمل؟
رايك ايه يا استاذ ايمن؟

[ظريف]

قاطعه ولاتتعامل معه نهائيا حتى لايجرفك معه فى تياره المؤدى إلى الهلاك
وصليله فى الخفاء وربنا قادر يغيره مثل موسى الأسود وشاول الطرسوسى

[aymonded]

سلام لنفسك يا محبوبة الله
الموضوع ده مرض بعيد عنك ، بيصاب به الإنسان لأنه مش بيعرف يحب أصلاً وبيتبع شهوات قلبه ، ومنذ بداية حياته بل ومنذ الصغر لم يقدر أن يعبر مرحلة المراهقة بل لازلت مستمره معه إلى الآن ، والكلام لن يأتي بنتيجة بل يحتاج صوم وصلاة ورأي دكتور أمراض نفسيه لتقويم السلوك وتوجيهه التوجيه السليم حتى يقدر أن يعبر مرحلة المراهقة التي صارت كمرض قائم في نفسيته ، وتأكدي أن أي كلام سياتي بنتيجه عكسيه ...
ويفضل دائماً البعد التام والمصادقة لمثل هذه الشخصية حتى يقدر أن يستوعب بالخبرة العملية أن سلوكه سبباً لبعد الناس عند ومقاطعته حتى يطلب العلاج ، طبعاً مع استشارة طبيب نفسي لو أمكن ...
النعمة معك كل حين

[essi]

الفديس اوغسطينس فضل سنوات فى الخطيه بالصلاه والدموع ربنا فتح قليه وصار من عظماء الكنيسه والانبا موس الاسوداعتبره مخدوم عندك صليله وضع اسمه على المذبح كل قداس واكيد ربنا هيسمعلك ويغيره لو يهمك بجد

[samerco75]

البيت بينشق وانا بتفرج اعمل ايه؟

[dodo 26]

ليه يا جماعه مش ممكن في مشاكل جوه بيته ومع زوجته خصوصا انا بنت اه بس اعرف الستات لما تقلب علي الوش التاني بعيد عنكم بيبقي البيت جهنم انت لو عارف انه ده طبع فيه يبقي صليله وحاول تشوف حد هوه بيسمعله وبيرتاح من الكلام معاه او اب كاهن اكيد عنده خبره اكثر مننا ويسوع اللي جمعهم لا يفرقهم ابدا

[جانيت سمير]

اوعى تسيبة استحمل الاهانات شوية معلش حتى لو كانت فية عندة مشاكل مع مراتة ابت لاب كاهن مرة واتنين وتلاتة خليك صابور وخصوصا انك بتقول محجبة حاول تكلم مراتة ان فية ستات بتحاول تكلمة وهومش موافق يمكن تغير وتبتدى تهتم بية وبنفسها وربينا يديك فهم وبركة علشان تقدر تتصرف

[samerco75]

امين
يارب اذكرهم وابطل فخاخ ابليس

[ميرو جو]

النوع ده من الناس بيكون مريض بالخطية بس للاسف قلبه مغلق و عقله مغلق لسماع ما فى صالحه
و احيانا بيتباهى كمان بالخطايا بتاعته اللى من النوع ده
و رائيى انك تفضل معه تصليله فى بيتك و تنصحه هو بس بطريق غير مباشر حتى لا يعند اكثر
-- فمثلا فى اثناء كلامكم اذكر حكاية او كارثة حدثت لشخص معين نتيجة بعده عن الله و مشيه فى الرزيله و ما اكثر الامثلة اللى من النوع ده لان الله لا يقبل بالاثام او الخيانة او الزنى و عقابها بيكون شديد جدا
ثانيا
ممكن تعمل رحلة عائلية لاحد الاديرة او الكنائس البعيدة و تعزمه هو و اسرته عليها و هناك ممكن تخبر القس او الراهب عن الموضوع دون ان يراك
حتى يروى للجميع عن عذابات و غضب الله للزانى فى حياته و كيف يستقبله بالتهاليل و يغير حياته و يملئه بالنعمة اذا تاب(طبعا بشكل غير مباشر ايضا )
فالكلام يكون للجميع

[megomagamego]

لازم تفضل جنبه ولازم تصلي من أجله وتفتقده وتكلمه كل يوم ولو أمكن في اليوم أكثر من مرة ... إوعي تغلط غلطتي
أنا مريت بنفس الموقف صدقني وفضلت أصارع هل أبقي مع صاحبي ده ولا أبعد عنه علشان سمعتي
مع العلم بأن صاحبي ده كان بيحب الكنيسة وكان بيخدم في الفريق المسرحي ... إنت متخيل !!!!!!! لكنه كان متهاون جداً وبيحب الخطية جداً ومصاحب بنات غير مسيحيين كتير !!!!!!!!!!!!!!!
وفضلت وراه لدرجة إني كنت بروح أقعد معاه علي القهوة علشان يشعر بأني مازلت بحبه وربنا عايز يرجعة لحضنة .
لكني زهقت من كثرة الكلام والتي يقابلها إستهتار منه ولامبالاه وقررت إني أبعد عنه وفعلاً قعدت أسبوع ماأروحش ليه أو أسأل عنه
وفي الأسبوع التالي إتصل بيا أخوه علشان يخبرني بأنه ترك البيت وأخذ هدومه معاه وساب رساله يقول فيها أنا تركت ليكم المسيحية بحالها سيبوني في حالي بقي .
وصدقني حاولنا نصل إليه بكل شكل من الأشكال لكن دون فائدة ... وسمعنا بعد كده إنه ترك المسيحية وتزوج البنت اللي كان ماشي معاها الغير مسيحية .
ساعتها ماتتخيلش أنا كان ندمي عليه أد إيه ... أنا عارف إني ماليش ذنب في الموضوع لأنه كان مرتب كل حاجة
لكن حسيت إني كان معايا خروف من خراف المسيح وفجأه تاه عني ومش لاقيه وسمعت كمان إنه هلك
صدقني أنا ندمان لحد إنهاردة ... لأني حاسس إني قصرت في حقة
وأتمني إنك ماتغلطش غلطتي