شوية مانجة

[Narmar]

† سلام يسوع معاكم †

افتكرت موقف حصل ممكن يكون حصل مع ناس كتيرة ...
بس فادني دلوقتي انا وقاعد بفكر

انجز يا عم انت هتحكيلنا قصة حياتك http://www.mar-girgis.com/forum/images/smilies/i205680079_3620_2.gif

حاضر حاضر براااااحة :D

كنت قاعد في مرة في مؤتمر
وكان معايا كذا حد
وبنشرب عصير مانجة
وبنهزر مع بعض زي المتخلفين ههههه http://www.mar-girgis.com/forum/images/smilies/sm40.gif

وجيت بزق ايد واحد صاحبي فالمانجة ادلقت على البنطلون بتاعة بهدلتة ههههههه
حاول انه ينضفها
فنضفها اي كلام وخلاص
جة بليل كنا نازلين وكان عاوز ينزل بنفس البنطلون دة http://www.mar-girgis.com/forum/images/smilies/MsgPlus_Img0893.gif
بس للاسف كان متوسخ
ومقدرش انه ينزل بية :( وكان زعلان علية وبيقول كلمة غريبة اوي ليةةةةة بس كدة يا رب ؟!!
طيب يا نارمر يا رخم ..... احنا مالنا ما تولع انت و هو والبنطلون بتاعة http://www.mar-girgis.com/forum/images/smilies/x(.gif
استنوا عليا بقي الله هههههههه انتوا مضطهدني كدة لية عاوز اكملhttp://www.mar-girgis.com/forum/images/smilies/wsxqaz0.gif

المهم انا النهاردة افتكرت الموقف
وجة في بالي حاجة غريبة اوي اوي
ان لية احنا دايما بنبقي اصحاب الغلط دايما
او هبسطهالكم يعني هو منضفش البنطلون كويس وقتها لو نضفة كان قدر انه يخرج بية
لكن طالما منضفهوش يبقي ميخرجش بية
هي دي الفكرة
ان لازم ننضف نفسنا من جوة الاول عشان نشوف الحاجة النضيفة
الحاجة الجميلة
حتي مع ربنا
انتم ناسيين ان ربنا صفة مهمة من صفاتة هي القداسة اللي هي النضافة والطهارة والنقاء الداخلي
موضوع القداسة دة هتكلم معاكم فية في موضوع تاني باذن يسوع
بس كل الفكرة اللي في موضوع النهاردة اللي عاوز اقولة
لو نضفت نفسك من جوة هتشوف النضافة وهتشوف كل حاجة حلوة
لكن لو فضلت تسيب التراب والحاجات اللي مش كويسة حتي لو كانت حاجة صغيرة
هتقضي عليك ومش هتعرف تعمل حاجة ابداً وهتبقي وقتها النضافة صعبة وهيصحبها ندم كبير
نضف نفسك من الخطية ونقي قلبك أول بأول
يارب تكون الفكرة وصلت
ربنا معاكم
اسف للأطالة :)
Narmar

:em2900:

[aymonded]

هو طبعا الموضوع مهم وله جوانب كتير يا محبوب الله ، مع أن تنقية القلب هي عمل الروح القدس من خلال كلمة الله في داخل القلب ، ويبدأ من الإيمان والمحبة ...

عموماً أنا اللي لفت نظري شيء آخر تماماً ، وهو الآتي :
((( ليه كده بس يارب )))

للأسف لما تحصل لينا أي مشكلة حتى لو كنا السبب فيها او السبب أحد الناس أو الأصدقاء أو ... الخ الخ ، على الفور ننطق بتلقائية شديدة ونقول ليه يا رب تعمل فيا كده ، أو ليه تسمح لي بكده ، والناس بتزعل من الله ، وكأنه ساب الدنيا كلها واضطهده هو ، وحقيقي باسمعها من كثيرين : ((( ليه ربنا بيعمل فيا كده ، هو بينتقم مني بسبب خطاياي !!! ، والا ده نتيجه حبي له !!! ، أو أسمع أحد يقول : أنا مش قادر أفهم ليه ربنا بيعمل فينا كده !!! )))
وألف سؤال وسؤال يُطرح حينما تسوء الأمور في أعيننا !!!
وحينما تصير الأمور جيدة لا يمكن أن ننطق باسم الله أبداً ، ولو نجحنا أو اتحلت مشكلة ما ، نفرح أننا بمجهودنا عملنا هذا أو ذاك ، وننسى الله بالتمام !!! [ بالطبع مش كل الناس بتعمل كده أنا باتكلم عن كثيرين أصبحوا بتلك الحال ]

عجبت فعلاً لحال الإنســـــــــــــــان !!!

[SAMOOOOO]

الفكره وصلت يانارمر

ربنا يبارك حياتك ويحافظ عليك

[Narmar]

هو طبعا الموضوع مهم وله جوانب كتير يا محبوب الله ، مع أن تنقية القلب هي عمل الروح القدس من خلال كلمة الله في داخل القلب ، ويبدأ من الإيمان والمحبة ...


عموماً أنا اللي لفت نظري شيء آخر تماماً ، وهو الآتي :

((( ليه كده بس يارب )))



للأسف لما تحصل لينا أي مشكلة حتى لو كنا السبب فيها او السبب أحد الناس أو الأصدقاء أو ... الخ الخ ، على الفور ننطق بتلقائية شديدة ونقول ليه يا رب تعمل فيا كده ، أو ليه تسمح لي بكده ، والناس بتزعل من الله ، وكأنه ساب الدنيا كلها واضطهده هو ، وحقيقي باسمعها من كثيرين : ((( ليه ربنا بيعمل فيا كده ، هو بينتقم مني بسبب خطاياي !!! ، والا ده نتيجه حبي له !!! ، أو أسمع أحد يقول : أنا مش قادر أفهم ليه ربنا بيعمل فينا كده !!! )))


وألف سؤال وسؤال يُطرح حينما تسوء الأمور في أعيننا !!!


وحينما تصير الأمور جيدة لا يمكن أن ننطق باسم الله أبداً ، ولو نجحنا أو اتحلت مشكلة ما ، نفرح أننا بمجهودنا عملنا هذا أو ذاك ، وننسى الله بالتمام !!! [ بالطبع مش كل الناس بتعمل كده أنا باتكلم عن كثيرين أصبحوا بتلك الحال ]



عجبت فعلاً لحال الإنســـــــــــــــان !!!












شكرا ليك يا باشا على الاضافة الجميلة اللي خلت الموضوع جميل :) وزادت الاستفادة منة ,


الفكره وصلت يانارمر

ربنا يبارك حياتك ويحافظ عليك

شكرا يا سامو منور الموضوع :)

[kottah_sh]

كالعاده يا نارمر
بجد مواضيعك كلها هايله جدا
وبيعجبنى فيها طريقه عرضها
بتكون بطريقه جميله اوى
نقدر نستوعبها

ميرسى اوى ليك
وفكرتك وصلت

[أميرة عبده]

جميل اوى موضوعك يا نارمر وتمام فكرتك وصلت
عجبنى كمان طريقه عرضك للموضوع مميز اوى دايما فى موضوعاتك واسلوبك حلو بجد
ميرسى يا نارمر

[mrmr23782]

اخي العزيز نارمر مع احترامي الشديد ليك ولموضوعاتك انا مختلفة معاك في الموضوع دا
لو الانسان ليه القدرة علي تنظيف نفسه من خطاياة كان عمل كدة من زمان لان برغم لذة الخطية الا ان الانسان ديما بيحس بتانيب ضمير وهو بيعملها تانيب ضمير انساني بحت وربنا خلق جوانا من البداية كره الخطية وعمل الشر
لكن الوحيد اللي ليه القدرة علي التنظيف هو السيد المسيح اللي احنا ديما مش بنلجاله وبنعتمد علي نفسنا في الحكاية دي وغالبا بنفشل وبنتدهور من سئ لاسوء حتي وان كان الهدف هو التنقية من الخطية
ربنا معاك

[جاسيكا]

ميرسى كتير نارمر لنصحتك اللى وصلتهالنا بفكرة كويسة ومثال كويس
اشكرك كتير
ربنا معاك