لماذا نتزوج ؟؟؟؟؟؟

[asmicheal]

لماذا نتزوج ؟؟؟؟

هل لانجاب اطفال وملء الكون ؟؟؟؟؟؟؟؟؟؟

هل للمشاركة الوجدانية فى امورنا الحياتية ؟؟؟؟

هل لمتعة ننتظرها ؟؟؟؟؟؟؟؟؟
هل لمنفعة شخصية ومكاسب مالية ؟؟؟؟؟؟


هل لنكمل شكلنا الاجتماعى ؟؟؟؟؟؟؟؟؟؟؟

هل لان اهلنا يختارون لنا ونحن ما علينا الا الطاعة واتمام مشيئتهم ؟؟؟؟؟؟


هل لنثبت ذواتنا ونوكد هويتنا وجاذبيتنا كذكور او اناث ؟؟؟؟


هل لنتساند على بعضنا ونكمل نقائصنا بشريك نتحد معة ويكون الاثنين واحدا بلا اختلاط ولا امتزاج ولا نغيير

كل طرف ناضج ومتكامل وبكل ارادتة يسعى للاتحاد بالاخر
ليكون الاثنين سندا لبعضهم للوصول للملكوت والسعادة الكاملة الابدية ؟؟؟؟؟؟؟

هل فكر الابدية والملكوت وارد فى اختياراتنا بصفة عامة وللزواج بصفة خاصة ؟؟؟؟؟؟؟؟


يا ريت نتحاور ولا نقرا فقط

احب استفيد بحكمتكم جميعا

[nona queen]

حقيقى موضوع جميل
والواحد مش عارف يرد ويقول ايه
بس كل الاسباب اللى ذكرتها ممكن تكون اجابه سؤالك
اما بالنسبه لراى فالزواج عمره ماكان مرتبط بابديتك او وصولك لاعظم هدف (الملكوت)
لكن احيانا الانسان مش بيقدر يتحكم فى نفسه وفى غرائزه وطبيعته البشريه والشيطان بيكون تاثيره قوى عليه وخصوصا فى وجود وسائل الترفيه المختلفه اللى اكيد هاتشد اى انسان مهما بلغت قوه شخصيته او ايمانه
بالتالى الزواج فى الحاله دى بيكون حمايه ليه وليها وفى نفس الوقت تعزيز الطرفين لبعض
بس دى مش قاعده عامه يعنى اكيد فى ناس كتير بدون زواج تقدر توصل للملكوت زى ما قال بولس الرسول فى رسالته
وهنا اقدر اقول ان الاختيار الموفق والتدقيق فى اختيار شريكاو شريكه الحياه ضرورى وطبعا الصلاه بشده وبحراره حتى تكون يد الله واضحه فى موضوع الاختيار ده ضروريه جدا عشان يقدروا يكملوا بعض ويمحوا عيوب بعض ويحولوا مساوء بعض الى حسانات وصفات حميده يعنى يقدروا يوصلوا بعض لطريق الملكوت بقوه الصلاه والتناول والخدمه من اجل بعضهم البعض ومن اجل اسرتهم الصالحه
ربنا يوفق الجميع ويدينا نعمه الاختيار الصالح
انا اسفه اتكلمت كتير بس حقيقى موضوع رائع ربنا يبارك حياتك

[فؤاد نبيل]

ربنا يبارك خدمتك

[eng_fofa]

هل لنتساند على بعضنا ونكمل نقائصنا بشريك نتحد معة ويكون الاثنين واحدا بلا اختلاط ولا امتزاج ولا نغيير

كل طرف ناضج ومتكامل وبكل ارادتة يسعى للاتحاد بالاخر


انا فى رأيي دا اسمى هدف للزواج
وهو ان كل انسان يلاقى الطرف التانى اللى بيكمله
وشىء طبيعى ان كل واحد فيهم يتأثر بالحياه الرحيه للطرف التانى
بمعنى ان لو طرف واحد فيهم كانت علاقته قويه بربنا والتانى العكس للى هيحصل ساعتها يأما يساعده وياخد بأيده علشان يرفع او العكس
علشان كده لازم الانسان يدقق كويس فى اختياره

موضوع جميل
ربنا يباركك ويفرح قلبك

[the daughter of the king]

انا بقى حاسه انه راى مختلف تماما جدا
وغريب جدا
بس انا بصراحه مش حساه سبب للجواز
يعنى ملوش لازمه بجد انا شايفه كده
لو عايز تبقى مع ربنا مش هتستنى حد هو اللى يقللك

وفكره اثبات ذواتنا
شايفه انه مش الزواج هو اللى هيعملها يعنى

انا بصراحه من الاخر مش شايفاله سبب من كل دول
سبب مقنع يعنى
حساه حاجه فرض علينا وخلاص

[تونى كويك]

الجواز ده شىء جميل والاهى مرسل لنا من عند الله
وله فوائد عديدة منها
الاستقرار الاسرى البعد عن الخطية الانضباط الالتزام
.................................................. .................... الخ!

[buffon italy]

أنا برضه مع نفس رأى daugter of kingأنا مش لاقيله أى لازمه أنا السبب الوحيد اللى ممكن أقتنع بيه هو أنى أبقى بحب حد بجد لدرجه أنى مبقاش قادر أعيش من غيره و لا أستغنى عنه فنتجوز و نكمل حياتنا كلها مع بعض و أنا أبقى عايش أصلا و بتنفس بس عشان أسعده لأنى لما بشوفه مبسوط مبقاش عايز أى حاجه تانى من الدنيا.جايز يكون كلامى overأو رومانسى زياده أو مش واقعى بس ده بجد اللى أنا حاسه.لكن من تجاربنا الشخصيه اللى أكيد متواضعه لأننا لسه صغيرين و من تجارب اللى حوالينا و من اللى بنشوفه فى بيوتنا و فى الأفلام و فى كل حته أن دايما الحب الحقيقى مش بيكمل و حتى لو كمل بجواز مش بيستمر و بيموت مع الوقت و تبقى الحياة روتين و ملل عشان كده أنا محبط مووووووت و أبتديت أقتنع أن فعلا الجواز ملوش لازمه أو على الأقل مش هيحققلى اللى أنا عاوزه.أما موضوع أننا نتجوز عشان الألتزام و الأنظباط و نظام الوقايه خير من العلاج ده أعتقد أن ده هرتله .أكيد كلنا محتاجين نشبع الغريزه الجنسيه اللى ربنا خلقها جوانا بس أنا ما أعتقدش أن ده ممكن يكون motiveحقيقى أو سبب بجد يخلينى أرتبط بحد طول عمرى و يبقى شريك حياتى.سورى أنى طولت عليكوا و يا ريت تردوا عليا

[the daughter of the king]

بص بصراحه يا
buffon
انت جبت من الاخر
بجد
واعتقد قلت اللى انا عايزه اقوله ومعاك جدا

وفى اسباب تانيه كمان
بس كفايه عليهم كده
احسن يفتكرونى معقده ولا حاجه
هههههههههه

[ايساك]

الزواج مهم للولد او البنت لانة الواحد مننا يحتاج لشريك حياتة والكتاب المقدس بيقول انة فى سر الزيجة يكون الاثنان واحدا.انا مع buffon انة لازم يبقى فية ملل بين الزوجين بس مع انجاب الاطفال والتفاهم بين الزوجين ووجود المسيح وسطهم الملل بيروح ..وطبيعتنا احنا كشباب ممكن نمل من اى حاجة مش شرط الزواج بس .اما موضوع اننا نتجوز عشان الانضباط والالتزام فانا اعتقد انة مش سبب للزواج اما السبب الرئيسى للزواج هو الحب واسف انى طولتك عليكوا

[buffon italy]

daughter أنتى أكيد مش معقده و لا حاجه بالعكس أنا بحترم الدماغ دى موووووت.أنا شايف أن اللى بيدافع عن الجواز لمجرد أنه سنه الحياة أو أن كل الناس بتتجوز هو ده اللى معقد فعلا.و ياريت تقولى باقى الأسباب بالنسبه لك عشان نستفيد كلنا.أيساك كلامك تمام بس زى ما قلت أزاى نخلى الحب اللى كلنا متفقين أنه هو الدافع الحقيقى يستمر.على فكره التوقيع بتاعك برنس و أنا كمان من عشاق king of generation بس هو يبطل هنتفه شويه هههههههههههه

[مارجو بنت الملاك]

كل طرف ناضج ومتكامل وبكل ارادتة يسعى للاتحاد بالاخر
ليكون الاثنين سندا لبعضهم للوصول للملكوت والسعادة الكاملة الابدية ؟؟؟؟؟؟؟حقيقي موضوع جامد جدااااااااااا
ح

[ايساك]

الحب عشان يستمر بين الزوجين لابد من وجود المسيح بين الزوجين والتفاهم

واكتر مشكلة عرفتها من الناس المتجوزين ان كل طرف عاوز يفرض راْية على

التانى وشايف ان راية دة هو الصح. لكن لو الاتنين بيتفاهموا هينفذوا الراى

الراى صح سواء راْية او راْيها

[buffon italy]

يا جماعه أنا عارف أن أحنا ما عندناش طلاق بس فى حاجه عايز أسأل عليها بتحبطنى مووووت من الجواز أكتر.لما اتنين زى نور الشريف و بوسى عاشوا أجمد قصه حب فى الدنيا و بعد حاجه و عشرين تلاتين سنه شكرا و يتطلقوا أو لما اتنين زى أيمن نور و جميلة أسماعيل اللى هيا أصلا كان بيتضرب بيها المثل و بيتقال دايما لو كل واحده فى مصر حبيت جوزها زى ما جميله بتحب أيمن البلد دى هيبقى حالها غير كده و اللى هيا وقفت جنب جوزها فى سجنه و لفيت العالم و سفت التراب عشانه لحد ما طلع من سجنه برضه بعد كل ده شكرا و يتطلقوا و لا كأن فى حاجه.ممكن حد يفهمنى أزاى ده بيحصل؟؟!! و اذا كان النماذج دى علاقتها بتوصل لكده و هما المفروض top lovers أمال أحنا هنعمل أيه؟؟!! على الفكره الموضوع مش تشاؤم خالص بس انا بحب أجيب من الأخر أو أشوف أخر الليله أيه قبل ما تبتدى.يا ريت تردوا عليا عشان بجد الموضوع ده مجننى و خصوصا بعد جميله و أيمن خلااااااااااااص مبقتش قادر أقتنع أن ممكن حب حقيقى يستمر للنهايه

[the daughter of the king]

مش عارفه اقلك ايه
بس انت بتجيب امثال متعرفش اساسا يعنى ايه حب
صدقنى
الناس ديه متدركش فعلا ايه هو الحب والتضحيه
وادام انت حاجه محاللاك ايه المشكله انى امشيييييها واجيب واحده تانيه ياسلام
اعتقد انه مش ده اللى تقيس بيه الزاوج والحب الحقيقى
وعلى اساسه تمشى بيه
وبعدين ولا تجنن ولا حاجه كبر زىى كده ومش ضرورى تجوز
هههههههههههههههههههههه

[ايساك]

صدقينى عندك حق يعنى اللى اتجوزوا خدوا اية ههههههههههههه وعلى فكرة بقى المشاكل الزوجية دى اكتر حاجة ممكن تفرق بين الاتنين حتى لو بيبحوا بعض زى كدة ايمن نور وجميلة على راى buffon italy وعلى راى البابا شنودة فى فترة الخطوبة يتكلم الشاب وتسمعة الفتاة وبعد الجواز يتكلموا هما الاتنين ويسمعهم الجيران هههههههههه اعترضى بقى على كلام البابا شنودة هههههههه

[the daughter of the king]

ههههههههههههههههههههههه
لا مش هعترض ولا حاجه انا اقدر
ده حبيبى ده ومقدرش اعترض على اى كلام بيقوله

[asmicheal]

الحقيقة ان تعليقاتكم اجمل من موضوعى نفسة


انا مرضتش اتدخل فى الحوار رغم انى متابعاة

لتقولوا كل هذا الكلام الناضح الواعى الذكى


الحقيقة الامثلة اللى انطرحت بوسى ونور =جميلة وايمن


لا تعرف الحب بجد

ليس الحب العالمى والمشاعر الطبيعية

انما الحب المسيحى الذى يوحد الطرفين الكاملى النضج

لروح واحدة بغير امتزاج ولا اختلاط ولا تغيير فى كينونة كل طرف

ولا يكمل احد نقائصة بالاخر بل يسعى كل طرف لانضاج شخصيتة

والتلاقى بكل نضجة واكتمالة مع الطرف الشريك المعين النظير ليكون الاثنان واحدا بالروح القدس فى سر الزيجة


كماااااااااااااااااان


الحب المسيحى حب صليب

يعنى بذل وعطاء

والسعادة فى العطاء اكثر من الاخذ



فان كنا نرى كل ما قلتوة وهو حقيقى فعلا


فلاننا لكى ناخذ بركة الزواج وقوتة

لابد ان نعمل ما علينا لنستحق نعمة ربنا فى سر الزيجة المقدس


وليتحول الاثنان لروح واحدة بغير اختلاط ولا امتزاج ولا تغيير

وحينئذ
ما جمعة اللة لا يفرقة انسان

اختكم
asmicheal

[buffon italy]

يا جماعه أنا معاكم أن الأمثله اللى أنا قلتها مهياش نماذج يحتذى بيها بس ممكن بقه حد يقوللى أى couple من النماذج اللى أنتوا شايفينها صح و ياريت تقولولى أمثله و أسامى بجد مش كلام عايم يا ريت تردوا عليا و شكرا

[minno]

ناسف على حذف المشاركات

[samerco75]

شوفو يا جماعة
الجواز دة حاجة جميلة خالص
قبل الجواز تدخل وتخرج من البيت زى ما انت عايز
بعد الجواز رايح فين وجاى منين ولابس ليه وما بتجيش وما بتعملش ولو ولعت فى نفسك برضه مش شايفينك
احلى حاجة الجواز لانه سجن دائم وبدل ما انت كنت مسؤل عن نفسك لاااااااااااااااااا ربنا هايحاسبك على 111111111111 222222222 333333333333 444444444444444
اقولك انتحر واتجوز وخلاص
وقول زى جحا ربنا ينتقم من الى سبقونى لانهم ما نصحونيش واللى هايجوزوا علشان مصدقونيش

[hany1982]

شكراً على الموضوع الرائع وأعتقد أن كل الأسباب التى ذكرت صحيحه والسبب الأهم للزواج من وجهة نظرى المتواضعه هى الإشتراك مع الله فى عملية خلق الأطفال وذلك بإتحاد الزوجين بسر الزيجه المقدس أما الأسباب الأخرى الثانويه مثل الإستقرار وأن كل من الزوجين يجد ما يعينه ويساعده على مواجهة الحياة فلا يوجد أجمل من وقوف زوجين للصلاة فى حضرة الرب يسوع ..
وأنا سعيد جداً بهذا المنتدى الرائع وبالمواضيع الجميله الشيقه اللى بتناقشوها فيه ويارب اقدر أخدم معاكم فيها

[mira smsm]

اكيد الزواج بيخلى الاثنين يشجعو بعض على الصلاه والقرب من ربنا

[ماريان سعد]

ربنا وضع سر الزواج من أجل أن يكون الرجل والمرأة سند لبعض بعد الآهل ونس فى الوحدة وأكيد عشان الآثنين يقدروا يتغلبوا على مصاعب الحياة مع بعض ويوصلوا بعض للملكوت

[...The Queen]

أنا سمعت أبونا وهو بيقول أن أعظم العلاقات الأنسانية وأقواها على الأطلاق هو الزواج ودى العلاقة الوحيدة اللى بتشبه علاقه السيد المسيح بالكنيسة صدقونى دى أسمى العلاقات الأنسانية وهى فعلا كده........
أنا عن نفسى شايفة أ ن أهم هدف للزواج بناء مذبح للرب على الأرض حلو أوى أن الأنسان يسعى أن يخدم ربنا فى أولاده وبناء حياتهم الروحية وكمان أنك تلاقى حد أقرب ليك من نفسك فاهم كل تصرفاتك بيحبك ودايما جنبك بيحس بيك قبل مانت تحس بنفسك ده أجمل إحساس فى الدنيا بجد ماأعظم مسيحيتنا اللى قدرت تعبر عن سر الزيجة بالشكل ده "هكذا يترك الرجل أباه وأمه ويلتصق بإمرأته ويكون الأثنان جسدا واحدا "

[...The Queen]

أناعايزة أهنى ماريان سعد على ردها لأنه فعلا جامد جدا وكمان الموضوع بجد هايل ربنا يفرح قلوبكم

[الجوهرة الثمينة]

انا مش هقول رايي لاني صغيره علي الكلام دة
هههههههههههه
ربنا يعوضك
اذكريني في صلاتك

[ريم الخوري]

انا حقول على لسان احد الاباء من ناحية لاهوتية فيها وصف رمزي .....
الزواج عندنا سرّ. لا هو اتفاق ولا هو عقد بين طرفَين، بل سرّ إلهي. والسرّ معناه الحقيقة التي تفوق مدارك الناس لكنّها تتجلّى في مطرح في حياة الناس. هذا المطرح، اليوم، هو الزوجين . الله يقيم بنعمته بهما كإناء. يجعلهما واحداً، خليّة إلهيّة واحدة في جسد المسيح الواحد الذي هو الكنيسة.
ليس اتحادكما لا من دم ولا من مشيئة جسد ولا من مشيئة رجل بل من الله (يو 1: 13). تأتيان بقربان، بتقدمة، كما يأتي المؤمنون إلى سرّ الشكر.

شكراً لتعبك الرب يبارك

[IO-Mena]

انا من راى

الجواز ووالعشره بتساعد على تمضيه حياتك هنا ع الارض

رفيقك هايكون موجود ليك عالطول لكن اصحابك لا

رفيقك يكملك وهو اكتر واحد عارفك

الحب ما بين الطرفين بيساعد على تمضيه الحياه وتخطى الامور الصعبه


وطبعا مش ننسى انى الاثنين يسيران واحداً طبعا بدون اختلاط وامتزاج لكن الاتنين بيكملوا بعض زى المفتاح والكالون كه مثلاً
----

اما اذ كان فيه صعاب ما بينم فده بسبب االختلاف وده شئ جميل والا هايملوا من بعض

فيه مشاكل بتكون كبيرة وده بسبب العناد

ربنا ما يجيب مشاكل والى موجوده تتحل بايده امين

والجواز ان كان ع الحب والوفاق هايكون هدفه لحياه حلوه ومباركه ونهايتها طبعا بيسع ع الملكوت عدل